Il Center da formaziun Surselva enquera sin l’entschatta uost 2014 ni tenor cunvegnientscha
per la Scola professiunala industriala Surselva:
–in/ina menader/a da scola (36 %)
sco era persunas d’instrucziun per:
–instrucziun savida generala ABU (100 % –132 %),
–sport (12 % –32 %)
–cuors da sustegn per tudestg (12 %)
e per la Scola professiunala commerciala,
Scola media mercantila e Scola media propedeutica:
persunas d’instrucziun per:
–economia (70 % –100 %)
–geografia (24 %)
Igl ei pusseivel da cumbinar ils differents pensums da lavur.
Vies futur
Sin Vus spetga ina lavur varionta cun gronda autoresponsabladad, in team da scolastas collegial e mo­
tivaus e bunas cundiziuns da lavur.
Vossa incumbensa sco menader/a da scola
– Menar, organisar e coordinar igl entir menaschi da scola cun sustegn dil meinafatschenta dil Center
da formaziun Surselva
– Cooperar tier il svilup dalla direcziun strategica
– Cooperar tier l’execuziun dallas mesiras strategicas
– Tgamunar il tener casa finanzial
– Representar la partiziun intern ed en cunvegnientscha cul meinafatschenta era extern
– Menar las sesidas da team dalla partiziun
– Participar allas sesidas da direcziun dil Center da formaziun Surselva e collaborar sco commember/a
dalla direcziun
– representar la scola allas conferenzas cantunalas (p.ex. Conferenza da recturs dallas scolas profes­
siunalas)
Voss’incarica sco scolast/a
– Las incaricas sedrezzan tenor las directivas valeivlas
– L’incarica professiunala cumpeglia specialmein la planisaziun, l’execuziun ed evaluaziun, il perfec­
ziunament persunal e professiunal, la collaboraziun ed incumbensas generalas da scola, projects,
occurrenzas da scola e la tgira persunala dallas scolaras e dils scolars.
Vies profil
– Per la plazza sco menader/a saveis Vus tudestg e romontsch a bucca ed a scret, possedis da prefe­
renza il diplom sco menader/a da scola ed haveis experientscha sil scalem da scolas professiunalas
industrialas ni essas promts/a d’acquistar quellas.
– Vus essas ina persuna aviarta, orientada a sligiaziuns, haveis iniziativa ed apprezieis la creativitad
pedagogica.
– Per la plazza da scolast/a possedis Vus ina patenta da scolast/a per scolas professiunalas ni essas
promts/a d’aquistar las qualificaziuns necessarias.
Nus selegrein sche Vus semetteis en contact cun nus.
Per damondas dil fatg pertuccont las plazzas dalla Scola professiunala industriala Surselva sedrizzei
al menader da scola Casimir Schmid, per las ulteriuras plazzas per persunas d’instrucziun al mena­
der da scola Marcus Beer, e per ulteriurs sclariments a Curdin Tuor, il meinafatschenta dil Center da
formaziun Surselva (081 925 34 33).
Sche nus havein svegliau Vies interess spitgein nus bugen Voss’annunzia entochen ils 25 da fevrer 2014 a:
Center da formaziun Surselva, Curdin Tuor, Klosterweg 18, 7130 Ilanz ni per mail
a [email protected]