Reglement program da promoziun „durabilitad“
Introducziun
Cun quei program da promoziun „durabilitad“ vul l’ovra electrica Lumbrein (suandont SOEL) promover
l’efficienzia d’energia ed energias regenerablas. Ils clients da nies intschess da provediment duein
vegnir sensibilisai entras quei program per il tema dall’utilisaziun durabla d’energia, sco era vegni
motivai entras stimulaziuns finanzialas da cumprar apparaturas spargnusas e sanar edifecis efficient,
ord vesta dall’utilisaziun d’energia. Quellas mesiras duein era dar impuls per investiziuns ed aschia
sustener l’economia regiunala.
Il reglement dil program da promoziun reglescha il dretg da contribuziun, ils criteris da promoziun e las
cundiziuns da pagament.
Dretg da contribuziun
Tut ils abonnents d’energia da nies intschess da provediment (per num Lumbrein e Vrin), persunas
naturalas sco era giuridicas, han il dretg da survegnir contribuziuns. Ils mieds da promoziun vegnan
proponi e concedi annualmein dalla suprastonza dalla SOEL. Las damondas da promoziun dils
abonnents vegnan tractai ella successiun dall’arrivada tier la SOEL e drizzai ora enteifer la rama dil
budget. Ils mieds da promoziun stattan mo a disposiziun al program da promoziun duront igl onn
correspundent e san buca vegnir surdai sil proxim onn.
La promoziun succeda en general mo cun la realisaziun dils criteris pretendi dalla SOEL e
documents cumplets. La SOEL resalva il dretg d’adattar ils criteris da promoziun sco era las
contribuziuns.
Criteris da promoziun
Apparaturas da casada:
•
Sulettamein apparaturas ord la gliesta da www.topten.ch e sulet ils suandonts tips
d’apparaturas da casada vegnan promovi.
tip d’apparatura da casada
furnels
schelenteras e glatscheras
maschinas da lavar giu
plattas
frestgeras (installadas e libras)
maschinas da lavar
tumblers
•
contribuziun
(pauschala)
200 CHF
150 CHF
300 CHF
250 CHF
200 CHF
300 CHF
300 CHF
Apparaturas da casada dil medem tip vegnan per suenter 5 onns puspei promovi per la
medema casada*. Ei sa vegnir promoviu pliras apparaturas da casada ad onn, denton mo
tochen ina summa totala da 1'000 CHF per onn e casada.
* suandont vegn ord motivs dalla legibilitad e dalla simplicitad mo menziunau „casada“, denton ein
abonnents da tuttas sorts manegiai
Contribuziuns directas tier sanaziuns:
•
Implont solar termic (novas installaziuns sco era engrondaziuns)
o Criteri da promoziun: minimum 4 m2 surfatscha d’absorbader ed ademplir al label da
qualitad „SPF”, „Solarkeymark ni EN 12975
o Contribuziun per casas d’ina familia: 2’OOO CHF / implont
o Contribuziun per casas da pliras familias: dependent digl implont
•
•
Scaldament principal (mo tier midadas naven digl ieli)
o Lenna (incl. Pellet)
Criteri da promoziun: „Qualitätssiegel Holzenergie Schweiz” ni www.topten.ch
Contribuziun: 2’OOO CHF
o Pumpa da calira (cun aria ni cun sondas)
Criteri da promoziun: min. Norm EN 255 ni in equivalent label da qualitad tenor FWS
supplementar per pc aria: il sistem da scaldar va sur in scaldament da plantschiu cun aua
Contribuziun: 1'500 CHF (cun aria) / 3’OOO CHF (cun sondas)
Edifeci
o Criteri da promoziun: l’empermischun da promoziun dil program d’edifeci naziunal
(„Das Gebäudeprogramm”, www.dasgebaeudeprogramm.ch)
o Contribuziun:
En general la medema summa sco il program naziunal, denton cun las
suandontas limitas:
A finiastras: 2’OOO CHF
B praid, tetg, plantschiu (isolaziun encunter clima ordviert): 2’OOO CHF
C praid, tetg, plantschiu (isolaziun en stanzas buca scaldadas): 2’OOO CHF
•
Las contribuziuns directas tier sanaziuns ein limitadas sin 5’OOO CHF per onn e casada.
Cundiziuns da pagament
Cumpetenza e damonda da promoziun:
• La damonda per contribuziuns da promoziun d’apparaturas e contribuziuns directas ston
vegnir inoltradas la SOEL cun il formular da damonda emplenius ora e cun las suandontas
aschuntas:
o Apparaturas da casada: la quittanza da furniziun resp. quittanza da cumpra sin la
quala sto esser visibel: il datum da furniziun resp. cumpra e l’exacta indicaziun dil tip
dall’apparatura
o Contribuziuns directas: l’empermischun da promoziun dil program d’edifeci naziunal (tier
igl edifeci) ni il quen digl installatur (tier implonts solars termics e scaldaments
principals).
• Las contribuziuns da promoziun vegnan immediat pagadas ora tier ina decisiun positiva sin in
conto da posta resp. banca, auter che tier las contribuziuns directas tier igl edifeci, leu vegnan
las contribuziuns per pagadas ora suenter finiziun dallas lavurs da construcziun.
Decisiun:
• Ils mieds da promoziun ein in survetsch voluntari dalla SOEL. La via giudiziala ei excluda.
Termins:
• Las damondas per apparaturas da casada ston esser sil pli tard 3O dis suenter la cumpra
resp. la furniziun d’in’apparatura tier la SOEL. Las damondas per contribuziuns directas ston
esser sil pli tard 3 meins suenter l’empermischun dil program naziunal ni sil pli tard 3 meins
suenter il quen digl installatur tier la SOEL.
Entrada en vigur
Approbau dalla cummissiun d’ovra electrica ils 15.2.2O1O ed adattau ils 24.04.2014.