Mongodi
Sehlopha sa Amos tlasa boetapele ba Hennie Viljoen
Ditshwantsho
Landi Roux
Phetolelo
Michael Manchu
Frans Sekhoto
Mohlophisi
Frans Sekhoto
Mohlophisi wa leqephe
Sunette Frylinck
Botaki ba leqephe
Utilisoft (cc)
ISBN 1-919924-03-5 (stel)
ISBN 1-919924-81-7 (vol.3)
(Kgatiso 4 \ Mmesa 2008)
1
2
THUPELO YA AMOS
MOTHEO WA LENTSWE LA MODIMO
BUKA 1:
BUKA 2:
BUKA 3:
BUKA 4:
BUKA 5:
BUKA 6:
BUKA 7:
BUKA 8:
BUKA 9:
Modimo ke Morena, mme o o ratile le ha o le moetsadibe.
Ke Jesu feela ya ka o pholosang.
Ithute ho tseba Jesu haholwanyane.
O ka ba le bonnete ba hore o lopollotswe.
Botho le mosebetsi wa Moya o Halalelang.
Bala o utlwisise Bibele.
Thapelo le ho ipolela dibe tsa hao.
Paka mme o hole le bana ba bang ba Modimo.
Ho tla ha Jesu le mosebetsi wa hae o moholo.
Hammoho dibukathuto tsena tse robong o fumana BUKANA E SENANG
MANTSWE le TATAISO KA THUTABODUMEDI YA POLASI - Utlwisisa,
Amohela mme o Phele (Plaasgodsdiensgids) di tla rutwa.
Sepheo sa thuto ena ke ho neha batho motheo o tshepahalang ka mokgwa o
bobebe o totobetseng haholo ho ka ithuta ka kutlwisiso le ho amohela ho fihlela
tlhompho ho Modimo di phelwa.
Thapelo ya ka ke hore Modimo ka Moya wa Wona thuto ena eo kahara yona ho
be nnete ya Lentswe e tla rerwa, e sebediswe ka ntswe leng le 2 Thimothea 3:1517. " ... Mangolo a Halalelang, a nang le matla a ho hlalefisa, o tle o pholoswe ka
ho dumela ho Kreste Jesu. Mangolo wohle a ngotswe ka tshusumetso ya Moya
wa Modimo, mme a na le thuso ya ho ruta, ya ho nyatsa, ya ho busetsa batho
tseleng ya ho loka le ho ba tsamaisa ho yona, hore motho wa Modimo a
phethehe, a kwetlisetswe mesebetsi yohle e lokileng."
E hlahiswa ke sehlopha sa Amos ketapeleng ya Hennie Viljoen.
Kgatiso © Hlakola 1999 - AMOS AGRIMIN
3
BUKA 3
ITHUTE HO TSEBA JESU
HAHOLWANYANE
PULO:
Palo ya Lentswe.
Thapelo le ditakalletso tsa hoba mmoho.
( 20 metsotso)
KAROLO 1:
Boikgopotso ba Buka 2.
( 50 metsotso)
KAROLO 2:
Lefatshe leo Jesu a ileng a phela le ho sebetsa ho lona.
(110 metsotso)
KAROLO 3:
Difilimi ka Jesu.
(120 metsotso)
KAROLO 4:
Tlhaloso ya difilimi ka Jesu.
(45 metsotso)
KAROLO 5:
Mabitso a Jesu a bolela hore ke mang.
(45 metsotso)
KAROLO 6:
Temana ya hlooho: Luka 19:10.
(25 metsotso)
KAROLO 7:
Ho sheba taba ka nngwe ka leihlo le ntjhotjho.
(40 metsotso)
7.1 Matsatsi a 'kalendara' ao re a sebedisang a tswa kae?
7.2 Tlhaloso ya lesela la tempele le ileng la taboha.
KAROLO 8:
Teko.
(20 metsotso)
KAROLO 9:
Mosebetsi o tla etswa hae.
(5 metsotso)
4
KAROLO 1 (50 metsotso)
BOIKGOPOTSO BA BUKA 2
KE JESU FEELA YA KA O PHOLOSANG! Ke tsohle tsa bohlokwa tseo o
ithutileng tsona ka lekgetlo le fetileng. A re ke re shebe hape tse ding tsa ditaba
tsena.
Mosebetsi wa boikgopotso 1:
Ke bomang bohle ba ileng ba tshwara ditshebelletso tsa bodumedi le ba malapa a
bona ka ditaba tsa buka e fetileng? Ba lelapa la hao ba ile ba ikutlwa jwang
haholoholo bana? Na o teng ya ileng a arolelana molaetsa le ba bang nakong ya
tshebelletso ya bodumedi ya hoseng polasing ya bona kapa ka kopano ya
kereke? Batho ba ile ba ikutlwa jwang?
TSEBISO HO MORUPELLI: Ho bohlokwa hore e sa le qalong feela baithuti ba
qale ho utlwisisa hore tsebo eo ba e fumaneng tlelaseng ba e sebedise, ka ho ya
e arolelana le ba bang. Hape ho bohlokwa ho ruta baithuti hore ba fane ka bopaki
hakgutshwanyane mme ba bo lebisitse ntlheng e utlwahalang. Ka kakaretso ba
tshwanela ho ikitlaetsa ho bua hatelele le ho bua haholo. Moithuti o tshwanela ho
ikitlaetsa ka tlase ho metsotso e mmedi potsong ena.
Mosebetsi wa boikgopotso 2:
Kopa a le mong kapa ba babedi ba baithuti hore ba ke ba hlalose leqephe le
lefubedu feela la Bukana e Senang Mantswe ho baithuti ba bang. Baithuti ba ka
hlokomela ka hore ba shebe dibuka tsa bona hore ho se be sa bohlokwa se
siellwang.
TSEBISO HO MORUPELLI: O seke wa hanyetsana le dibui haholo e le hore a tle
a seke a iphumana a inyatsa hore ha a ka a tshwanela ho fana ka molaetsa, ho
arolelana le ba bang. O mpe o dumelle sehlopha sa baithuti ho tlatselletsa le ho
thusa moo ho hlokahalang.
5
Mosebetsi wa boikgopotso 3:
Batho ba ile ba ikutlwa jwang hoba o bue ka tlhaloso ya bokgethwa ba Sontaha?
TSEBISO HO MORUPELLI: Baithuti ba tshwanela ho fana ka bopaki bo
bokgutshwane.
Mosebetsi wa boikgopotso 4:
Kopa moithuti a le mong ya esoka a fumana monyetla wa ho ka bua hore a fane
ka thuto ya 9 le 10 ya Tataiso ka thutabodumedi ya Polasi kapela sehlopha. E
tshwanela hoba moithuti ya entseng boitokisetso hantle. Nehelano ya thuto eo e
se fete metsotso e 10-15 hore ho tle ho be le nako e lekaneng ho ka boela ho
qoqwa dipotso hape ka ho dipheta, ka bonngwe.
TSEBISO HO MORUPELLI: Ka baka la nako le tekanyetso ya yona ha ho sa
hlokahale hore ho qoqwe dipotso hape tlelaseng kaofela. Haeba baithuti
hamorao ba lokela ho fana ka thuto ho batho ba bang, ba lokela ho pheta dipotso
tseo kaofela pele ba ka ruta.
6
KAROLO 2
SEHLOOHO:
Lefatshe leo Jesu a ileng a phela le ho sebetsa ho lona.
SEPHEO: Hore seo Jesu a ileng a se etsa, re se utlwisise haholwanyane ho bile
ho le bohlokwa ho ka tseba letho ka batho, nako le maemo ao Jesu a
neng a phela le ho sebetsa ho oona. Sepheo sa KAROLO 2 ke hore
jwale ka moithuti re o fe tshehetso ya motheo wohle.
DITABA TSE TLA RUTWA:
A: Bophelo ba matsatsi wohle nakong tsa Jesu.
1.
2.
3.
4.
5.
Ntlo
Dijo
Diaparo
Sekolo le mosebetsi
Dipuo tse fapaneng
B: Bophelo ba tshebelletso tsa bodumedi nakong tsa Jesu.
1.
2.
3.
4.
Tempele
Sinagoge
Baprista le baLevi
Ditsebi tsa Mangolo
C: Bophelo ba boahi nakong tsa Jesu
1. Iseraele ka tlasa puso ya Roma
2. Sanhedrine
3. Mokgatlo wa Bajode
7
KAROLO 2 (1 hora 50 metsotso)
LEFATSHE LEO JESU A ILENG A PHELA LE HO
SEBETSA HO LONA.
TSEBISO HO MORUPELLI: KAROLO 2 e fana ka bohlokwa le tshehetso ya
Filimi ka Jesu hore baithuti ba tle ba utlwisise molaetsa wa yona ka ho o bapisa
le bophelo ba bona. Ha ho hlokahale hore o kene ka botebo karolong ena yohle.
O ka etsa hore boholo e be maitsebelo a baithuti. Seka itshwenya ka ho etsa seo
ba seng ba ema le tseba ya hona kapa haeba nako e se e sa o dumelle. Buka
ena e bile ke bukathuto eo baithuti ba tla e sebedisa hamorarao haeba ka
mohlomong a batla ho tadima ho hong ho itseng. Kahoo ho na le dikarolwana tsa
ditemana tse ngata seratswaneng ka tseo o ka fanang ka tsona. Seke wa leka ho
ka bala dintho tsohle tlelaseng hle, ho ke ke haeba le nako e lekaneng.
E mong wa metswalle ya ka o ye a re ka nako tsohle : "O tla tseba motho hang
ha o se o ile wa moetela lapeng la hae." Ee ho jwalo, kaha o batla ho ithuta Jesu
haholwanyane, ho a hlokahala hore nna le wena re ke re ye pota "ha Hae." Re
lokela ho ya sheba sebaka, batho bao le maemo ao Jesu a neng a phela ho oona.
Jesu o tswetswe dilemo tse ka bang 2000 tse fetileng motsaneng wa Betlehema
profensing ya Judea naheng ya Iseraele. Ka tsela eo Jesu e ne e se
Mozulu,Mosotho, Moxhosa, Moafrikanere kapa lenyesemane. Jesu e ne e le
Mojode ka tswalo, empa o sa hopola hore le jwale e ntse e le Modimo. Hobane
Jesu a phetse dilemo tse telelele tse fetileng mme a tswalletswe naheng hole
hakaalo, mme ho tsohle hape a amana le setjhaba se seng, re tshwanela hore, ha
re ithuta Yena haholwanyane, hape ho tseba ka batho ba setjhaba seo dilemo tse
2000 tse fetileng ka moo ba neng phela kateng.
Kahoo Jesu o tswalletswe Betlehema wa Judea, a holela motsaneng wa Nasareta
profensing ya Galelia. Nasaretha e ne e le motsana o monyenyane o senang
bohlokwa. Batswadi ba hae, Josefa le Maria, e ne e le batho ba sebetsang ka
thata. Ntatae e ne e le mmetli, ke a kgolwa o ne a sebetsa dihora tse ngata ho ka
tshwanela ho ka lokisa thepa ya ba lelapa. Maria le yena o ne a sebetsa ka thata,
a kga metsi, a ya mmarakeng, a sila koro, a pheha, a hlwekisa, a loha, a phootha
le ho roka..... jwale feela ka diketekete tsa basadi ha di etsa ba sa etse hoo
dinaheng disele tsa lefatshe.
8
AFRIKA BORWA
Ka dilemo tse ka bang 2000 tse fetileng, ho feta dikilometara tse
6300 ho tloha mona, Jesu e le moshanyana wa Mojode Betlehema,
lefatsheng la Iseraele.
Mattheu 2:1
9
2.1 Bophelo ba matsatsi ohle nakong tsa Jesu.
1. Ntlo
Jesu le ba lelapa labo ba ne ba phela ntlong ya mofuta o monyenyane, o phaposi
e le nngwe, o marulelo a sephara wa ditene tsa mobu/letsopa. Marulelo a
sephara e ne e le sebaka sa ho aneha peo hore e ome kapa ho ya rapela moo ho
kgutsitseng (Diketso 10:9). Marulelo a ne a se bophahamong ba ho feta dimetara
tse 3 ho tloha fatshe.
Matlo a mang a ne a ena le phaposi tse pedi kapa phaposi e ka hodimo, empa di
sa arolwa. Jesu le barutuwa ba hae ba ile ba jella paseka ya ho qetela kahara
ntlo e nang le phaposi e kahodimo ( Luka 22:12). Ntlo e ka hodimo e ne e le ntlo
e hahilweng marulelong a sephara a ntlo. Ho ne ho hlwellwa ka 'ditepisi' tse
hahelletsweng leboteng kantle. Hamorao batho ba ruileng ba ile ba haha matlo a
bona a le kgutlo-nne. Ho ne ho ena le marulelo a mangata ho tloha kahare.
Bokahare ba ntlo bo ne bo le lefifi e bile bo phodile. Ntlo e ne e ena le monyako o
le mong mme ho se difesetere tse ngata. Marulelo a le mang a ne a arotswe
dikarolo tse pedi. Karolo e nngwe e ne e phahame ho feta tse ding. Bosiu
diphoofolo di ne di robala karolong e ka tlase. Motsheare bana ba ne ba bapalla
teng kapa batho ba baholo ba etsetsa mesebetsi ya bona kamoo. Karolo e ka
hodimo e ne e sebediswa ke ba lelapa. Ba ne ba jela le ho robala kamoo. Ba ne
ba robala hodima mealo e bonolo eo motsheare ba neng ba e phutha mme ba e
behe. Matlo a bao e leng batho feela a ne a batla a sena thepa.
Maboteng ho ne ho entswe methati (diraka) le mehahelletso e ikgethileng moo ba
neng na ka boloka dintho kapa thepa. Batho ba ruileng ba ne ba atisa hoba le
bethe, tafole le setulo. Lekase la patsi e ne e le la bohlokwa ho boloke la dintho
tsa bohlokwa tsa ba lelapa.
Ka phaposing tse lefifi ho ne ho kgantshwa ka mabone. Mabone ana a ne a
bopehile jwaleka 'piring' a entswe ka letsopa mme ka nqenngwe a ena le
mohwele. Ha etswa lesela la line le ohlilweng le paqamisitswe mohweleng mme
ntlha ya karolo e nngwe e le kahara oli/mafura. Mabone a ne a kgantshwa ka oli
e bitswang "olyfolie" (mafura a mehlwaare).
Mabonenyana a hlakileng a neng a sebediswa mehleng ya Jesu.
10
Matlo a tlwaelehileng nakong tsa Jesu a ne a le manyenyane a bile
a entswe marulelo a sephara. Matlo a mang a ne a ena le moaho
kahodimo.
Diketso 10:9
11
2. Dijo
Bajode ba ne ba eja dijo tse kwenneng. Phepo ya mantlha ya bona e ne e le
bohobe bo neng bo entswe ka koro e sitsweng kapa harese e hadikilweng.
Haholoholo bo be bo hadikilwe ka sebopeho sa dikuku ( rooster koeke). Koro le
harese di ne di sebetswa ke basadi ho fihlela e eba phofo ka ho sebedisa dikutu
tsa difate ho sila kapa majwe a lelwala. Oli ya ho pheha e ne e etswa ka
mohlwaare. E ne e bile e sebedisetswa mabone.
Ho boramapolasi e ne e le meroho haholoholo mangangajane le bohobe.
Ditholwana tse neng di sebediswa haholo, e ne e le mehlwaare e neng di
fumaneha ka nako tsohle. Morara, feiye le teitse ke tse ding tse neng di jewa di le
ntjha, kapa di le mangangajane. Mangangajane a ditholwana a ne a kenngwa
dikukung mme e be di a bolodwa. Kgaranate, amandels, le ditholwana tsa okare
di ne di jewa. Ka ho fetisisa ho ne ho jewa peo e dithollo jwaleka lensile le
dinawa. Lebese le dihlahiswa tsa lebese e ne e le dijo tse kwenneng haholo
mmoho le bohobe. Dikgomo, dinku, dipodi, dikamele le diesele di ne di hanngwa.
Bao e leng batho feela ba ne ba tshwaella nama mohla mekete e le boithabiso.
Batho ba neng ba dula haufi le lewatle la Galelia, ba be ba eja nama ya tlhapi.
Moshanyana wa ho fa Jesu dijo tsa hae hore a arolele batho ba bang,o ne a ena
le mahobe a mahlano a harese le ditlhatswana tse pedi (Johanne 6:9).
Nakong tsa Jesu ka kakaretso ho ne ho fepjwa habedi feela ka letsatsi. Hoseng
ka nako ya dijo ho ne ho jewa feela haholo. Dijo tsa hoseng ka tlwaelo di ne sa
jewe pele ho hora ya 10 hoseng e ne e ka mpa ya eba ho tloha ka hora eo ho
fihlela horeng ya 12 ( bapisa le Diketso 10:9-10). Dijo tsa mantsiboya di ne di
jewa ka tlwaelo pele ho eba bosiu mme e ne e eba dijo tse phepo.
Batho ba ne baenwa haholoholo metsi. Tshebediso ya veine, e ne e eba nakong
tse ikgethang, tsa meketjana ka kakaretso. Hona ho ile ha lebisa botahweng bo
ileng ba tla kgafetsa. Bibeleng ho bolelwa kaha botahwa e le sebe, se nang le
ditlamorao tse tshosang, di ngodilwe ho (I Bakorinthe 6:9-10 le Bagalata 5:1921). Haeba ka tsela eo o sa tlwaela ho nwa veine leha e le hanyenyane, o seke
wa hlola o e e nwa.
Ho rapela le ho kopa tlhohonolofatso ho Morena pele ho ka jewa, ho ile ha etswa
nakong tsa testamente e Ntjha haholo (Mattheu 15:36/26:26-27). O etse hore le
wena pele o eja o kope ka thapelo hore Morena a hlohonolofatse dijo hore wena
le ba lelapa la hao le fumantshwe matla, sefutho le bophelo bo botle ka tsona.
12
Dijo tse neng di jewa nakong tsa Jesu.
Ho tsohle, Bajode ba ne ba eja bohobe, empa hape le mohlwaare,
merara, feiye, teitse le ditholwana tse ding le meroho. Ba ne ba sa
je tlhapi letsatsi le letsatsi. Ba ne ba enwa lebese, metsi le veine.
Ka tlwaelo ba ne ba eja habedi ka letsatsi mme ba ne ba rapela
pele ho dijo.
Mattheu 15:36
13
3. Diaparo
Diaparo di ne di etswa ka lesela la linne, khotono kapa boya. Ha masela a ne a
sa etswa/kgabiswa ka mebala, a ne a bitsa tjhelete e ngata (tura). Bangodi ba
Testamente e Ntjha ba ile ba sebedisa mantswe a fapaneng ho hlalosa meaparo
e neng e aparwa, le ha ho le jwalo ha e a hlaka hantle taba ena puong ya
Sesotho.
Ho Johanne 19:23 ho buuwa ka kobo e neng e sena moroko. E ne e le kobo ya
kahare mme e entswe ka karolo e le nngwe e sephara mme e teane ka mahohle.
Leha e ne e lohilwe ka mokgwa o mong e ne e lokela ho kopanngwa hammoho.
Ho ne ho bile ho le kobo ya kahodimo eo ho buuweng ka yona. Ka mohlala ho
bolelwa hore Jesu o ne a ikgurumeditse ka kobo ya ka hodimo ha diaparo tsa hae
di tla fetoha di eba tshweu thabeng (Mattheu 17:2). E ne e le lesela le le lelele le
lohilweng le neng le aparwa motsheare e le manele mme bosiu a sebediswa
jwaleka kobo.
Manele kapa seaparo se selelele se jwale ka seo ntata mora ya lahlehileng a
kileng a se tlisetsa mora wa hae ( Luka 15:22 ), se ne se ena le moo ho kenang
matsoho. E ne e le seaparo se setlesetle se neng se aparwa feela ke batho ba
bohlokwa.
Senyepa seo ho neng ho itlanngwa ka sona, e ne e le lesela le phothilweng hore
le tshwane le lebanta. Ka lebanta lena ho ne ho tlanngwa diaparo tse sa
manamang hantle mmeleng, tse telele di tlanngwa hore motho a kgone ho
tsamaya hantle le ha bobebe. Ho dinyepa tsa masole ho ne ho tlammellwa
selatana sa sabole hore se leketle lethekeng. Tjhelete le yona e ne e bolokwa
moo dinyepeng.
Ka tlung batho ba ne ba tsamaya ba sa rwala dieta. Ka hobane mobu wa Iseraele
o le lehlohlojane, ba ne ba ke ke ba tsamaya nako tsohle kantle ho matlo ba sa
rwala dieta. Dieta tseo ho buuwang ka tsona Bibeleng, hantlentle ke
meqathatso. Bohato ba tsona bo ne bo entswe ka letlalo kapa patsi ( lepolanka )
ebe ho tlamellwa leotong ka maqhwele ( Mareka 1:7). Hobane maoto a ne a le
pepeneneng ka tsela eo, a ne a eba ditshila mme a tlala lerole ha motho a ile a
tsamaya tsela e telele. Ke le leng la mabaka a neng a etse hore maoto a batho a
hlatsuwe pele ho ka jewa (Johanne 13:5).
Diaparo tsa basadi di ne di sa fapana haholo le tsa banna. Di ne di shebahala
feela di le teletsana ho tsa banna. Basadi ba ne ba bile ba rwala dituku
dihloohong ho kwahela meriri ya bona ( 1 Bakorinthe 11:5 ). Banna le bona ba ne
ba atisa ho rwala dituku ho sirelletsa dihlooho tsa bona letsatsing le tjhesang.
14
Diaparo le meqathatso eo batho ba neng ba di sebedisa nakong ya
Testamente e Ntjha
Diaparo di ne di entswe e le kobo ya kahare, kobo ya kahodimo,
manele(seaparo se selelele), senyepa, tuku le meqathatso. Ho ne
ho se phapang e kaalo mahareng a diaparo tsa banna le tsa
basadi.
Johanne 19:23-24
15
4. Sekolo le mosebetsi
Nakong tsa Testamente ya Kgale bao e neng e le batho feela ba ne ba sena
dikolo bakeng sa bana ba bona. E ne e le mosebetsi wa ntate kapa mmê ho ruta
bana ba bona ho ka etsa mesebetsi ya matsatsi ohle. Ba ne ba hlalosetsa bana
ba bona, ka bobona molao wa Modimo le tlhaloso ya mekete ya tshebetso tsa
bodumedi.
Nakong tsa Jesu baradi ba ne ba ntse ba rupellwa ka botlao le ho tseba tsohle ke
bo mma bona. Bashemane bohle ha ba le dilemong tsa botshelela ba ne ba qala
ho tsamaya sekolo. Dithupelo di ne di tshwarelwa masinagogeng. Bashemane
ba ne ba tshwanela ho ithuta ho bala le ho bolela molao wa Moshe ka hlooho. Ba
ne ba dula fatshe ho potoloha mosuwe wa bona. Ho fihlela ha ba le dilemo tse
leshome ba ithutile Testamente ya Kgale feela, jwalekaha le rona re e tseba, ka
ho ithuta yona. Kamora moo ba ne ba qala ho ithuta ho ngola ka mongolo wa
bohlokwa wa Sejode.
Mosebetsi: Na jwaleka motswadi o ka nka boikarabelo ba ho ruta bana ba hao,
feela ha ba se sekolong? Bala Dipolelo / Deutoronoma 6:4-7 le
Pesalema 78:3-8.
Kajeno ho bohlokwa hore bana ba hao ba ye sekolong mme ka hoo ba tla fumana
monyetla wa ho ithuta ho bala le ho ngola. O tshwanetse ho hopola hore e sa le
boikarabelo ba hao hore o rute bana ba hao ho phela bophelo bo lokileng. O rute
bana ba hao kamoo ba ka sebetsang ka thata, ka moo ba ka bang mohau, kamoo
ba ka hlomphang batho ba bang, kamoo ba ka rapelang le kamoo ba ka bang
molemo ho thaka tseo ba phelang le tsona ha e se e le bommê le bontate, banna
kapa basadi. O tshwanetse ho ruta bana ba hao ho tshepahala le ho ema
lentsweng la bona. Tsena hase dintho tseo ba ithutang tsona sekolong. Ba
tshwanela ho ithuta le ho di bona ka wena.
Jesu nakong tsa hae o ile a tshwanela hore le Yena jwaleka bashanyana a kene
dithutong tsa molao ka ho hlophisetswa hona bophelong ba hae bohle, hape a
ithute le ho sebetsa ka matsoho. Paulose ke mohlala o motle bakeng sa hona,
hobane le yena e ne e le moetsi wa ditente ka tshebetso ( Diketso 18:3 ).
Moshanyana o lokela ho fetoha morutwana wa ntatae le ho ikwetlisetsa mosebetsi
ka yena. Jesu e bile mohlala wa hoba morutwana ya jwalo ha a ne a eba
mosebetsing wa ntatae, a sebedisa seo yena a kileng a se bolela "Mora a ke ke a
etsa letho ka boyena, haese seo a bonang ntatae a se etsa, hobane eng le eng
eo ntatae a e etsang, le Mora o a e etsa." (Johanne 5:19)
Mareka o bitsa Jesu 'mmetli': ( Mareka 6:3 ) mme Mattheu o mo hlalosa e le
'mora wa mmetli' ( Mattheu 13:55 ). Ka tsela eo ho ka etsahala ha bobebe hore
16
Jesu o ile a ithuta mosebetsi wa matsoho ho ntatae. Mmetli ke motho ya
sebetsang ka lehong (mapolanka), empa a bile a bapala karolo ya bohlokwa
kahong ya matlo. Mmetli o na le disebediswa tse ngata tseo a iketsetsang tsona.
Nakong ya kajeno re tshwanela hore hape mmoho: Hase mahlabisa-dihlong ho
sebetsa ka matsoho a hao kapa ho bitswa mosebelletsi. Batho ba bangata ba
nahana hore ke tlontlollo ho sebetsa ka matsoho a hao. Hoo hase nnete. Jesu
hape o sebeditse ka matsoho a hae. O ile a qala ho phatlallatsa tshebelletso ya
bodumedi ha a le dilemo tse 30. Ha o sebediswa mosebetsi wa matsoho, o tla
ikutlwa o thabile ka hona. Mosebetsi wa matsoho ha o bohlokwanyana feela ho
mosebetsi e meng.
Mmetli o maphathephathe ka mosebetsi wa hae.
17
5. Dipuo tse fapaneng.
Pilato o ile a hloma mantswe a latelang kahodima hlooho ya Jesu sefapanong:
"Jesu wa Nazaretha , Morena wa Bajode." ( Johanne 19:19-20). Mantswe ao a
ne a ngotswe ka dipuo tse tharo tse fapaneng, ke hore Seheberu, Selatine le
Segerike. Nakong eo ho ne ho sebediswa dipuo tse nne tse fapaneng moo
Iseraeleng.
O Seheberu: Puo eo Testamente ya Kgale e ngotsweng ka yona.
Ena e bile puo ya kamahanyo Iseraeleng ho fihlela feela pele Bajode ba iswa
kgolehong.
Karolo e kgolo ya Testamente ya Kgale e ngotswe ka Seheberu. (Testamente ya
Kgale ke karolo ya pele ya Bibele e mabapi le thuto ka tlholeho ho fihlela nakong
ya tswalo ya Jesu). Ka hobane mangolo ao ho Bajode a ne a halalela, yaba
Seheberu hamorao se nkwa e le puo e halalelang. Mora e mong le e mong wa
Mojode o ne a ithuta ho bala le ho ngola Seheberu, empa nakong ya Jesu ho ne
ho le feela bo "rabbi" le baruti ba Mangolo ba neng ba ena le tsebo e ntle ya
Seheberu. Seheberu se ne se balwa hape le Masinagogeng kamoo ho neng ho
sebediswa puo ya molomo ho fetolela hore batho feela ba tle ba utlwisise.
Mantswe a mabedi a Seheberu a tsebahalang Bibeleng ao a bileng a ntseng a
sebediswa kgafetsa kajeno ke batho, ke:
Halleluya
Amen
=
=
Rorisa Morena!
Ho jwalo! / Ha ho be jwalo!
Motho a ka bala buka ya Seheberu a e qala morao a eya kapele, mme a qala
letsohong le letona ho ya ho le letshehadi. Ka tsela eo ho fapane le kamoo wena
o tlwaetseng.
Seheberu ke puo eo Testamente ya Kgale e ngotsweng ka yona.
Dipolelo (Deutoronoma) 6:4-5 temana ena e tsebahala e shebahala
tjena ka Seheberu:
18
O Searame:
Puo eo e neng e buuwa ke Bajode.
Setjhaba sa Iseraele se ne se le boemong ba ho utlwa Morena. Ka baka la ho
swabela puo ya tlhokomediso yaba setjhaba ha se sa ikgathatsa ka Morena.
Yaba Morena o otla setjhaba sa Hae. Setjhaba se seng se matla, sa ba
Babilona, se ile sa futuhela Baiseraele, sa senya naha, tempele ya heletswa mme
batho ba bangata ba hapjwa mme ba iswa ditlamong. Ka dilemo tse ka bang 70
Baiseraele ba le Babilona ba dutse e le makgoba. Ba ne ba hapjwe selemong sa
bo 586 pele ho Kreste mme sehlopha sa pele sa kgutlela naheng ya sona ka 539
pele ho Kreste. Hona re ho tseba e le kgoleho ya Baiseraele. Nakong ena eo
Bajode ba neng ba le kgolehong ka yona Babilona ke ha ba ithuta puo e bitswang
Searame. Ho kgutleng ha Bajode kgolehong ke ha Nehemia a tletleba ka hore
bana ba Bajode ha ba sa tseba puo ya Juda, ka mantswe a mang, ho thwe
Seheberu, (Nehemia 13:24).
Nakong tsa Jesu ke ha Searame e le puo ya letswele ho Bajode ba bangata
Iseraeleng. Jesu ka boyena o ne a bua Searame. Testamenteng e Ntjha ke moo
le teng ho hlaha mantswe hape a Searame. A bohlokwa mme o lokela ho a
tseba, ke ana:
Abba
Golgotha
Maranatha
Messia
Paseka
Eloi, Eloi, lama
sabakthani
=
=
=
=
=
=
Ntate
(Mareka 14:36 /Baroma 8:15 )
Sebaka sa lehata
(Mattheu 27:33 )
Morena, tloo!
(1 Bakorinthe 16:22)
Kreste
(Johanne 1:41)
Mokete wa Paseka
(Mattheu 26:17)
Modimo wa ka, Modimo wa
ka, o ntahletseng na? (Mareka 15:34)
Karolwana tse mmalwa tsa Testamente ya Kgale, jwaloka Daniele 2:4b - 7:28 e
ngotse ho Searame.
Searame ke puo eo Bajode ba neng ba e bua, le ha e ngolwa, e
tshwana feela le Seheberu. Daniele 6:17 e shebahala tjena ka
Searame:
19
O Segerike: Puo ya lefatshe nakong tsa Jesu.
Ha ho batlile hoba dilemo tse 330 ho isa ho 320 pele ho Kreste, Bagerike tlasa
boetapele ba Aleksandere e Moholo ba ile ba fumana sebaka sa ho busa lefatshe
lohle. Yena le marenana a neng a mosala morao, ba ile ba etsa ka matla hore ba
hasanye puo le botjhaba ba Segerike ka ho phatlalla le lefatshe. Metse ya
Segerike e hahilwe dinaheng tse ngata, hape le Galelia, profinsing ya Iseraele.
Batho ba Galelia ke ka hoo ba tsebang puo ya Segerike haholo. Ho a itlhalosa
hore ke hobaneng Bagerike ba ileng ba batla Jesu, ba ile ba ya pele ho Filipi,
hobane Filipi o ne a etswa Galelia ( Johanne 12:20-21). Jesu a etsa qeto ya ho
bua Segerike.
Segerike se neng se buuwa ke batho feela, ke "Koine" - ka Segerike. E ne e
bitswa jwalo hobane e ne e le Segerike se bobebe ebile se totobetse ho feta
Segerike sa mathomo se neng se sebediswa naheng ya Gerike ka ho buuwa le
ho ngolwa.
Segerike e ne e le puo ya lefatshe nakong eo, jwale feela ka Senyesemane seo e
leng puo ya lefatshe nakong tsena tsa rona. Kahoo Testamente e Ntjha hape e
ngotswe ka Koine - Gerike hape. Modimo o ile wa etsa jwalo hore evangedi ya
pholoso ka Jesu Kreste e phatlalle kapelepele lefatsheng lohle. A ke re, o sa
hopola hore Modimo o ratile lefatshe hakaalo, hoo a bileng a le neha Mora wa
Hae ( Johanne 3:16 ). Modimo o batla hore le kajeno batho ba ithute ho tseba ka
ha Jesu e le Mopholosi wa bona. Kahoo o tshwanetse hape hore seo o ithutileng
o se fetisetse ho batho ba bang.
Alfa (hlooho - le tlhaku e nyenyane ka Segerike = A le " ) ebile ke tlhaku ya pele
ya alfabeta ya segerike. Omega (hlooho - le tlhaku e nyenyane ya Segerike = S
kapa o ) ke tlhaku ya ho qetela ya alfabeta ya Segerike (Tshenolo1:8).
Segerike e ne e le puo ya lefatshe nakong tsa Jesu. Kahoo
Testamente e Ntjha e ngotswe ka Segerike. Ka Segerike Johanne
3:16 e shebahala tjena:
20
Ka tsela eo Bibele eo nna le wena re e balang, e tswa ho Bagerike, Baheberu le
Maaramese mme ya fetolelwa Sesothong. Ke lona lebaka le etsang hore
diphetolelo tse fapafapaneng di be le phapano, hobane a ke re motho a ke ke a
bolela ntho e tshwanang le ya emong ka makgetlo a fetang bonngwe. O
tshwanela hoba le botiyo ba hore Bibele ke Lentswe la Modimo mme molaetsa wa
yona o nepahetse, ke nnete e tshepahalang.
O Selatine:
Puo ya Baroma ya semmuso.
Selatine ke puo e neng e buuwa ke Baroma. Ditsebiso tsohle tsa semmuso di
ngotswe ka Selatine, hobane Selatine e ne e le tsamaiso ya semmuso ya naha ya
Roma mme dipuisanong tsa toka/tsamaiso di ne di sebediswa.
Bajode ba tlwaelehileng Iseraeleng ba bile ba mpa ba utlwisisa feela mantswe ka
kakaretso ka Selatine. Kahoo ditsebiso ke a kgolwa di ne di ngolwa ka Selatine.
E ne e re Jesu ha a qoswa nakong tsa puso ya Baroma Judea, Ponsi Pilato hore
a tle a ahlole o ne a hloka sebuedi (toloko).
Pilato o ile a etsa ditsebiso ka puo-tse tharo lengolong le neng le manehuwe
kahodima hlooho ya Jesu; ke hore Seheberu, Selatine le Segerike (Johanne 19
:19 - 20).
Selatine e ne e le puo ya Baroma ya semmuso mme mongolo wa
yona o ntse o tshwana le mongolo o sebediswang naheng ena ya
rona. Ke ona mohlala wa mongolo wa Selatine:
"Nisi eum admodeuris servari nullo modo poterit."
(Ho bolella hore: Ha o sa mohlokomedisi, a ke ke a pholoswa).
Bokgoni ba hore Jesu a tsebe dipuo tseo tse nne, hakaalo. Le kgolwa hore ke ha
a ile a bua haholo le Maarame le Bagerike ka kakaretso, a bala le ho ngola
Seheberu mme a bua Selatine hanyenyane.
Kajeno ho ntse ho ena le dinaha tse bolaileng tlhaho ya batho ka ho utlwisisa le
ho bua dipuo tse nne kapa ho feta. Boholo ba batho ba Batsho mona Afrika
Borwa; ho tea ka mohlala ba bua puo ya Senyesemane, Seafrikanase le hape
puo tse ding tse ka bang tharo kapa nne tsa batho ba bang ba Batsho, ntle le puo
ya bo bona.
21
2.2 Bophelo ba tshebelletso tsa bodumedi nakong tsa Jesu.
1. Tempele
O Moaho wa tempele
E ne e se e le kgale morena Davida a ne a batla ho hahela Morena tempele.
Morena ha a ka a mo dumella mme o ne a tshwanela ho kgotsofalla feela hore a
mpe a etse ditokisetso tsa kgaho ya tempele. Ke Salomone, mora Davida, ya
ileng a hlahlama boreneng, ya ileng a haha tempele pele Jerusalema
(1Diketsahalo/Dikronike 22:1-10 le 1Dikgosi/Marena 6:1). E ne e le dilemo tse
950 pele ho tswalo ya Jesu.
Mosebetsi: Eya o bale 2 Dipolelo/Dikronike 2:1-6 le 5:1-14 kaofela ha yona ha o
fihla hae. Ho qaleng tempele hantle e ne e tlo ba botsitso ba
tshebelletso tsa bodumedi ba Bajode ka tsela e jwalo. Modimo o ne o
tla ba moo ka mekgwa e mengata, empa hodima moo Salomone o ne
a se a ile a bolela hore Morena o Moholo ho feta tempele mme batho
ba ke ke ba mo lekanya le moaho o entsweng, leha moaho oo o ka ba
moholo le ho tsoteha ho le hokae.
Tempele ena ya Salomone ka dilemo tse 586 pele ho tswalo ya Jesu, morena
Nebukadnesare wa Babilona o ile a e senya. Yaba o isa setjhaba bokgobeng
naheng ya hae. Hamorao Bababilona ba ile ba hapjwa ke morena Siruse wa
Peresia dilemong tse 539 pele ho Kreste mme a dumella Bajode ho kgutlela
naheng ya bona. Tlasa boetapele ba Sorobabele ba fihla ba tsosa tempele ka ho
boela ba e haha hape. Ha ba e phetha e ne e ka ba dilemo tse 515 pele ho
Kreste (Esera/Esdrase 6).
Morena Heroda e Moholo mehleng ya hae o ile a atolla tempele le ho e kgabisa.
Ka ho etsa jwalo o ne a batla ho hapa maikutlo a Bajode, empa ntle le moo o ne a
iketsetsa tlhompho hore ho tle ho dulwe a hopolwa ka tlhompho. O ile a qala ka
mosebetsi ona dilemong tse ka bang 19 pele ho Kreste mme a o phetha ka mora
nako e telele, selemong sa bo 64 kamora Kreste, ho dumellana ho re le Johanne
2:20 moo Bajode ba reng hore tempele e phethwe ho nkile dilemo tse 46.
Tempele e ne e le moaho o tsotehang.
Selemong sa 70 kamora Kreste tempele ya boela ya senngwa ka ntwa ya Bajode
le Maroma. Ha etsahala ho ya ka polelo ya Jesu ha a itse tempele e tla senngwa
(Luka 21:5-6).
22
O Tempele e ne e le botsitso ba bophelo ba tshebelletso ya bodumedi ba
Bajode.
Tempele ke moaho o lokisitsweng ka ho ikgetha bakeng sa Modimo. Ke sebaka
seo Modimo a bileng teng ka mekgwa e mengata e ikgethang le moo batho ba
Wona ba neng ba bokana ho tla mo sebeletsa. E ne e le botsitso ba bophelo ba
tshebeletso ya Bajode.
Matlapa a majwe moo ho neng ho ngodilwe Melao e Shome, a ne a bolokilwe
kahara lekase la patsi/polanka, le neng le bitswa Areka ya Selekane. Areka ya
Selekane e ne e behilwe ka karolong e halalelang ya tempele. E neng e bitswa
Sehalaledisiso. Ho ne ho se motho ya neng a dumelletswe ho kena karolong eo
ya tempele, haese Moprista Moholo feela ya neng a dumelletswe ho kena teng,
leha ha e le yena, o ne a kena hanngwe ka selemo.
Matsatsi ohle, a selemo ho pota ke Baprista le Balevi ba neng ba tlisa tlhompho
ho Modimo ka dinyehelo tsa mahlabelo, ba tjhesa dibano hape ba bina dipina.
Setjhaba se ne se etla feela ho tla kenya tjhelete lekeseng la dinyehelo le ho lefa
lekgetho la selemo la tempele. Tempele e ne e bile e le sebaka moo batho ba
neng ba rutwa le ho ithuta ka melao le tshebelletso tsa bodumedi ba Bajode.
Ka tsela eo, ka Sabata e nngwe le e nngwe ka nako tseo, Bajode ba ne ba etsa
mekete tempeleng. Ho ne ho ena le mekete e meng e meholo e neng e ketekwa
tempeleng selemo le selemo. Ke a kgolwa o tsebahalang ke mokete wa Paseka
oo o neng o le sehopotso sa mokete o neng o etswe haba etswa Egepeta. Ka
hobane ho ne ho etla batho ba bangata tempeleng, ho ne ho bile ho le bakopi ba
neng ba bonwa kgafetsa kgorong tsa tempele, ba dutse mme ba kopa (Diketso
3:1-3).
Ke Baprista feela ba neng ba dumelletswe ho kena meahong e halalelang ya
tempele, empa tempele e ne e dikanyeditswe ke mathule kapa mabala.
Testamente e Ntjha e hlalosa lentswe tempele haholwanyane ka hore mabaleng
kapa tikolohong ho potoloha tempele.
23
24
25
O Jesu le tempele.
Ho Jesu le balatedi ba hae tempele e ne e le botsitso ba bophelo ba tshebelletso
ya bodumedi ba bona. Ka nqenngwe Jesu o ne a hlompha tempele. O bitsa
tempele hore ke "ntlo ya Modimo" kapa hape hore ke "ntlo ya Ntate" (Mattheu
12:4 le Johanne 2:16). Hape Jesu o ile a halefa ha bajode ba ne ba ithuisa ka ho
bapatsa le batho ba neng ba tlile tempeleng, ka ho ananya. Kahoo o ile a ba
leleka tempeleng (Johanne 26:55 le Johanne 10:23).
Ho tlohela bongwaneng Jesu ase a ntse a ithuta ka tempele (Luka 2:41-46).
Hamorao a itokisetsa ho ya ruta batho tempeleng (Mattheu 26:55 le Johanne
10:23).
Jesu o ne a sa amahane le tempele feela. O kile a bua phatlalatsa hore o moholo
ho feta tempele (hona ke taba ya bohlokwa), ka hore tshebelletso tsa tempele ke
tsa lefatshe le hore tempele ha e hlole ka hosafeleng, empa e tla senngwa.
Bala:
*
*
*
*
Mattheu 12:6
Mareka 11:15-17
Mareka 13:1-2
Johanne 4:21
Jesu ha a ne a etswa lekgetlo la ho qetela tempeleng, o ile a bolela tshenyo e
tshosang ya tempele ( Mareka 13:1-2 ). Jesu ka ho shwa le ho tsoha ha hae o ile
a ba buselletsa tempele. Jesu o ne a ile a bolella barutuwa ba hae e sa le pele,
leha ba sa ka ba utlwisisa.
Mosebetsi: Bala Johanne 2:19-22.
Ha ho ntse ho eya, batho ba ne ba sa rate ho ya tempeleng ho ya kopanela teng
le Modimo. Modimo le motho ha nako e ntse e eya ba kopana ka Jesu.
Jesu ya eba sehlabelo ka ho thakgiswa ya eba pheletso ya dihlabelo tsa letsatsi le
letsatsi tse neng di tliswa tempeleng di a fela, empa tseo di neng di ke ke tsa tlosa
dibe tsa setjhaba. Ke kahoo ho seng ho sa hlokahale hore tempele e nne e be
teng, hobane ha ho sa le sehlabelo se lokelwang ho etswa tempeleng.
Bala:
*
Baheberu 10:11-18
26
O Kajeno Modimo o phela kahara batho ka Moya wa Wona.
Nakong tsa Testamente ya Kgale Modimo o ne o le teng kahara tempele ka
mekgwa e mengata. Jwale, kamora hoba Jesu a romelle Moya o Halalelang wa
hae o tla dula kahara ngwana e mong le e mong wa Modimo, Modimo o re
Lentsweng la Hae, bohle ba dumelang ke tempele ya Hae. Ka tsela eo o re o tla
ka mekgwa e ikgethang ka hara bophelo ba ngwana e mong le e mong wa Hae.
Ha o dumela ho Jesu, eba Moya wa Hae o phela kahare ho wena eba o se o le
tempele hape ya Modimo.
Bala:
*
*
1 Bakorinthe 3:16-17
1 Bakorinthe 6:19-20
Modimo ha o phele kahara tempele le meaho e entsweng ka matsoho a batho
(Diketso 17:24). Boteng ba Modimo ha bo feela tempeleng kapa meahong ya
dikereke ka mekgwa e ikgethileng jwalekaha batho ba bangata ba hopola.
Jwaleka ngwana wa Modimo, o le kantle hole dipolasing, pakeng tsa difate tsa
merara, difate tsa diapole, tshimong ya poone kapa kamora dinku le dikgomo,
Modimo o teng moo hape le ka mokgwa o ikgethileng, hobane "tempele" ya Hae e
teng moo.
Jwale he ngwana wa Modimo, Yena o dula ka ho wena mme mmele wa hao ke
tempele ya hae. Kahoo ha o a tshwanela ho sebedisa mmele wa hao ho etsa ka
nnqenngwe dibe ka ho fetisisa. Ha o a lokela le ho lematsa mmele wa hao kapa
wa dumella batho ba bang ho o sebedisa hampe ka ho kgotsofatsa ditakatso tsa
bona tsa thobalano. O tshwanela ho boloka mmele wa hao o le motle, o hlwekile,
o phela hantle le ho phethahala, hobane ke tempele ya Modimo.
Hamorao, bukeng ya 5, o tla ithuta haholwanyane ka Moya o Halalelang o
phelang le ho hlalosa tsohle ho bana ba Modimo.
27
2. Sinagoge
Sinagoge - lentswe le bolelang kgobokano. Lentswe lena le le bolela batho ba
kgobokanang mmoho ho tla tshwara kopano, jwalekaha moo e le tulo ya seboka.
Sinagoge ho bonahala e ne e qale nakong ya kgoleho Babilona ha Bajode ba ne
ba sena tempele Babilona. Ka tsela eo ba ne ba sa hlole ba tlisa dinyehelo
hobane molao o ne o ba thibela hore ke feela dinyehelo di ka etswang tempeleng
Jerusalema. Yaba ho ba le ditlhoko tse matla tse entseng hore Bajode ba
itokisetse ho qala, ho tsohle Sabata, hore ba kgobokane mmoho ho rapela
Modimo le dithuto tsa molao.
E bile qaleho ya Sinagoge. Jwalekaha e tla ba moaho o ikgethang oo ba tla o
sebedisetsa ho tshwara dikopano, ho bala kapa ho ithuta molao, mme meaho e
jwalo ya bitswa Masinagoge.
Masinagoge a bapala karolo ya bohlokwa ho thupellong ya bana hofihlela ba le
dilemo tse leshome le metso e mmedi. Ke moo bara ba Bajode ba neng ba ithuta
molao le tsebo ya boporofeta ka dibuka, ke moo ba neng ba bile ba ithuta ho bala
le ho ngola le ho ithuta tshebediso ka bofarisi le botsebi ba Mangolo.
Tshebelletso ya sinagoge e ne e tshwarwa ha feela ho ena le banna ba leshome.
Nakong eo tshebeletsong ya tlhompho ho ne ho se teng mmoledi eo makgetlo a
itseng a neng a bala le ho hlalosa karolwana tse itseng. Setho sefe kapa ka bala
le ho hlalosa lengolo. Moshanyana o ne a ka kgethwa ha feela a le dilemo tse
leshome le metso e mmedi kapa leshome le metso e meraro ka ho hola mme o ne
a ka bala lengolo. Jwaleka tlwaelo.
Jesu o ne a eya sinagogeng ka Sabata. O ne a atisa ho bala le ho hlalosa
mangolo ho ya ka kopo (Mattheu 4:23 le Luka 4:16-21). Ho ya ka buka ya
Diketso hape e ne e le tlwaelo ya Paulose ho etela sinagogeng ka Sabatha mme
le yena o ne a atisa ho menngwa kgafetsa ho bala le ho rera (Diketso 13:13 le ho
feta).
28
Phapang mahareng a tempele le sinagoge:
Tempele: Ho ne ho ena le tempele e le nngwe feela mme yona e ne e le
Jerusalema. Tempeleng ho ne ho etswa tsohle tsa bohlokwa ka
kakaretso jwaleka ho tliswa ha dinyehelo le ditshebeletso tse itseng tsa
bodumedi tseo Baprista e neng e le baetapele. Tempeleng ke moo
Basaduse ba neng ba bapala karolo ya bohlokwa. (Leqepheng la 43 o tla
ithuta haholwanyane ka Basaduse).
Sinagoge: Ho ne ho le teng masinagoge a hasaneng le naha yohle. Ka hoo
motse o mong le o mong o ne o ena le sinagoge ya yona mme ho ne
ho ka ba le sinagoge tse fetang bonngwe. Sinagogeng ho ne ho sa
etswe dihlabelo kapa dinyehelo ha ho ilwe teng.
Baetapele
masinagogeng e ne e le Bafarisi, kapa Ditsebi tsa Mangolo, le
Basadusi ba neng ba bapala karolo ya bohlokwa. (Leqephe la 40 o tla
ithuta haholwanyane ka Bafarisi.)
29
3. Baprista le Balevi
O Baprista
Ho ya ka molao, baprista bohle e ne e le bahlahlami ba Aarone, moholwane wa
Moshe mme ba ne ba etswa lelokong la Levi (Eksoda/Phallo 28:29 le Baheberu 7)
Baprista e ne e le baetapele le batsamaisi ba tshebelletso tsa tempele. Ba ne ba
hlahisa mahlabelo a diphoofolo, a setjhaba. Ba tjhesa mahlabelo a monkomonate
le ho rupella puo tsa tsamaiso.
Baprista ba ne ba arohile dihlopha tsa tsebetso tse 24. Dihlopha tseo di ne di
rupella ka tshebeletso tsa tempele. Sakaria, ntata Johanne Mokolobetsi, le yena
e ne e le moprista mme e ne e le nakong eo sehlopha sa habo sa baprista se
neng se tshwarahane le ho etsa tshebelletso tsa boprista kapela Modimo, ha
lengeloi le tla itlhahisa ho yena ho tla mo tsebisa ka tsa tswalo ya mora wa hae,
Johanne (Luka 1:5-23).
Boholo ba baprista e ne e le banna ba halalelang le ho hlompheha, jwaleka
Sakaria. Ho ne ho ena le bao ba lakatsang borui, bolaodi le dipolotiki, ho feta
tshebelletso tsa bodumedi. Boholo ba baprista ba ne ba le mokgatlong wa
Basaduse. (sheba Basaduse leqepheng 43).
O Balevi
Balevi le bona e ne e le baprista. Ba ne ba ena le mesebetsi e meng ntle ho eo o
sa tswa ithuta yona. Balevi le bona ba ne ba ikarotse dihlopha tse 24 tsa
tshebelletso ya tsa bodumedi. Ba ne ba ikwetlisa beke le beke mme sehlopha se
seng le se seng ka tsela eo ho ka bang habedi ka selemo ba ne ba etsa
ditshebelletso tsa tempele.
Ho ka etsang halofo ya Balevi e ne e le dibini le diqapi tsa mmino. Halofo e
nngwe e rupella mesebetsi e meng. Ka mohlala ba ne ba ikarabella bakeng sa ho
hlokomela diaparo tsa baprista le dibuka. Ba ne ba etsa hape mosebetsi wa
bolebedi ba tempele ntle le moo ba hlokomela hore bahetene ba seke ba kena
tempeleng le dibakeng tse halalelang tsa tempele.
O Moprista e Moholo
Moprista e moholo e ne e le hlooho ya baprista. Nakong tsa Jesu o ne a bile e le
hlooho ya Lekgotla la Bajode, Sanhedrine. Ka tsela eo o ne a etsa mesebetsi ya
bodumedi, empa hape mosebetsi wa setjhaba le dikahlolo. Kahoo Jesu o kileng a
iswa ho Moprista e Moholo hore a mo ahlole nakong ya hae.
30
Moprista e Moholo
31
Mesebetsi wa bohlokwahadi wa Moprista e Moholo e ne e le ho kena hang ka
selemo ka sehalaledisisong sa tempele. Sehalaledisiso e ne e le karolo ya
tempele. Sehalaledisiso sa tempele e ne ele karolo ya tempele moo ho
bolokilweng areka ya selekane (lekase la patsi/polanka ) leo kahara lona ho neng
ho bolokilwe Melao e Shome kateng. Yona e ne e le pontsho ya boteng ba
Modimo. Kapela Sehalaledisiso ho ne ho ena le kgaretene/lesela le boima le
leketlang. Le ne le bitswa searodi; ho ne ho se mang ya neng a ka kena kamora
kgaretene eo, ha e se moprista e moholo feela, le teng o ne a kena hang ka
selemo, ka letsatsi le leholo la poelano, o ne a ka etsa hoo. O ne a tshwanela ho
tlisa pele dihlabelo tse boletsweng bakeng la hae le setjhaba. Kamora moo o ne
a nka madi mme a kena ka Sehalaledisisong (Meetlo/Levitike 16).
TSEBISO HO MORUPELLI: Karolong ya 7.2 leqephe la 70-75 o ka iphumanela
tlhaloso ka sehalaledisiso haholwanyane le searodi.
Testamente e Ntjha re bala ka baprista ba babedi ba baholo, e leng Anna le
setloholo sa hae Kaiafa. Kahobane moprista e moholo a tshwaretse setulo sa
molatedi wa hae, ho ne ho lokela hore dipuisano tsa baprista ba babedi di
lekalekane.
Bala:
*
*
Mattheu 26:57-67
Johanne 18:12-14 le 19-24
32
4. Ditsebi tsa Mangolo
E ne e se mokgatlo wa dipolotiki kapa boikelo (sekte ), empa e le sehlopha sa
ditsebi. Hantle-ntle e ne e le dingaka tsa Molao bao ba ileng ba fumantshwa
thupelo ya Mangolo ho tsohle tsa molao.
Testamenteng e Ntjha hape ba bitswa Ditsebi tsa Molao (Mattheu 22:35 ) kapa
Baruti ba Molao (Diketso 5:34). Ka nqenngwe e le bo Rabbi (baruti) kapa
mesuwe le bo ntate (Mattheu 23:8-9).
Ditsebi tsa Molao hape ba ne ba ena le mosebetsi wa ho ruta batho mangolo
mme e ne e le barupelli. Hape, hobane e ne e le Ditsebi tsa Molao, ba ne ba ena
le tshebetso tsa toka. Ba ne ba sa phethahala bakeng sa mosebetsi oo ba neng
ba o tsamaisa, le ho tshwanela hape ho etsa mosebetsi wa boikwetliso hore ba
shebane le ditlhokeho tsa mosebetsi wa bona wa letsatsi le letsatsi.
Mengwahakgolo e mengata pele Jesu a etla lefatsheng, Tora kapa Molao wa
Moshe o ne o bolelwa ke ditsebi tsa molao. Ba ne ba ena le mokgwa oo ba o
sebedisang o bitswang "midrash". E ne e le boiphihlelo ba bona hore ba rarolle
ditlhaloso tse tebileng tsa mangolo le ho di ntshetsa pele. Ditlhaloso tsa bona tsa
molao di ne di bolelwa ka molomo molokong ho isa molokong. Bafarisi ba ile ba
ntshetsapele tsebo eo 'ntshetsopele ya tshebediso ya moetlo, ba e bitsa jwalo.
Ba ne ba dumela hore Modimo dipapiso tsena o ile wa di neha Moshe le Molao o
Shome thabeng ya Sinai.
Bala:
*
Mareka 7:1 - 13
Ha ho letho le molato hakaalo ho latela mehlala le meetlo ya baholoholo ba hao,
empa o lokela ho etsa bonnete hore ebe moetlo le ditshebelletso tseo hore di hlile
di dumellana mmoho le Lentswe la Modimo. O seke wa sebedisa letho la
ditlwaelo kapa wa sebedisa batswadi ba hao kapa ditlwaelo tsa batswadi ba hao
le ba bona tse phehisanang le Bibele. Ka tsela eo, pele o ka sebedisa ditlwaelo
tsa baholoholo ba hao, o tshwanela ho kopa hore a na Bibele e reng ka hoo. Ha
ho letho leo ho lokelang hoba bohlokwa kapa feela kahoo ho ba bohlokwa jwaleka
Bibele.
Mosebetsi: Ke dife ditlwaelo kapa ditshebelletso tsa batswadi ba boholoholo tseo
le ntseng le di latela? O nahana hore Modimo o reng ka ditshebelletso
tseo?
33
2.3 Bophelo ba boahi nakong tsa Jesu.
1. Iseraele ka tlasa puso ya Roma
TSEBISO HO MORUPELLI: Karolo ena e rutwe ka tekanyetso feela. Tsepamisa
maikutlo ho kgutsufatso qetellong ya yona.
Ka mengwahakgolo e mengata Iseraele e le ka tlasa taolo ya ditjhabana tse ding.
Ke ba Babilona ba ileng ba ba isa kgolehong. Ka mora moo ba laolwa ka nako e
telele ke Baperesia, Bagerike, Baegepeta le Baasiria. Ka mora moo ba ipusa ha
nakwana yaba ho kena Baroma ba ileng ba nka puso ya bona. Nakong tsa Jesu
ho ne ho batlile e le puso ya Roma lefatsheng lohle. Dinaha le diprofensi tse
fapaneng, di ne di buswa ke Roma ka mekgwa e fapaneng. Moo batho ba neng
ba tlwaetse ho buswa ke marena, Sesare wa Roma o ne a beha morena hore a
buse profensi eo. Morena o ne a ke ke a etsa seo a se ratang, ntle le taelo ya
Sesare wa Roma.
Kamora dingangisano tse ngata le dintwa, Heroda e Moholo nakong eo pele feela
ho tswalo ya Jesu o ile a behwa borena ba Iseraele. Le leng la mabaka a neng a
etsa, ke hore ho ne ho le Bajode ba neng ba le kgahlanong le ho buswa ke
Heroda, hobane Heroda e ne e le wa leloko la Esau, eseng la Jakobo. Jakobo le
Esau a ke re e ne e le bara ba Isaka (Tshimoloho/Genese 27). Ho bile le poelano
dihlopheng tsa baena bana ba babedi. (O sa hopola a ke re hore bukeng e
fetileng Jakobo o bile a bitswa Iseraele, le hore e bile ntata bara ba 12 bao e
bileng meloko e 12 ya Iseraele - Buka 2 karolo 6.3 leqephe 43.)
Heroda e ne e le moetapele ya matla a bile a ena le dimelo tse ntle tsa botho le
molemo. Empa hle, ho neng ho fetisa bophelong ba Heroda ke boikakaso ba ho
batla botumo le tlhompho. Hona ha etsa hore makgetlo a mangata ha etsahala
kgohlano. Ka le leng o ne a eba mohau mme a etsa mafutsana ka molemo o
mongata. Ka le leng o ne a sena kgotso. Ntho le ha e le eng kapa motho a mo
qhekanyetsa ho ne ho fediswa, a bolawa.
Heroda o ne a bile a seolla ba lelapa la hae, o kile a etsa hore mora le mosadi wa
hae ba bolawe, hobane ba ile ba mo qhekanyetsa. Kahoo hoba Heroda a utlwe
hore ho ba le morena e mong wa Bajode ya tswetsweng, a laela hore masea ohle,
a dilemo tse ka tlase ho tse pedi, Betlehema le tikoloho, a bolawe (Mattheu 2).
34
Lesole la Moroma
35
Heroda o ne a hloilwe ke bongata ba Bajode, hobane o ile a fumana monyetla wa
ho ja tsuo ka tempele le ho nka letlotlo le lengata la tempele mme a le arolela
metswalle ya hae. O bile hape a bolaya baetapele ba Bajode ba 45 Jerusalema.
Ho tsohle o ne a beha le ho tebela baprista ba baholo ho ya kamoo a ratang.
A laolwa ke matla le takatso tsa hae, Heroda a leka ho ikgapela maikutlo a Bajode
ka ho lokisa tempele, a e atolla haholo mme a e kgabisa.
Dinakong tsa ho qetela tsa bophelo ba Heroda di tsebahala ka dikgohlano tse
ngata le botsitso - hape le kahara leloko la hae. Heroda o ne a ile a fumana
monahano wa ho ipatlela mohlahlami kantle ho Sesare wa Roma ho mo tsebisa.
Selekane sa hae sa ho qetela a beha mora wa hae Aleksandere borena. Pele ho
hore Arkelause borena ba hae bo tiiswe ke Sesare, Arkelause a bolaya bahlabani
ba Bajode ka sehloho. Kamora moo a be a bolaile Bajode ba 3 000. O bile a
thibela ho ketekwa ha paseka selemong seo.
Ha Arkelause a ya Roma hore Sesare wa Roma a tiise borena bahae kamora
moo, ho ne ho se ho le ba bang ba leloko la hae le Bajode ba 50 ho Sesare ho ya
mo raka ho Sesare Roma. Bajode ba ile ba kopa Sesare hore a se hlole a ba
behela morena, empa ho be motho eo e tla ba mohlokomedi feela wa setjhaba
(motho ya tla sebetsa jwaleka majoro wa motse kapa mongodi wa motse) ya tla
ba busa.
Arkelause ha a hlola e le morena, empa a behwa bolaodi ba setjhaba diprofensing
tse tharo: ka ho qollwa ya eba Judea, Samaria le Edomo. Ngwanabo, Heroda
Antipase o ile a fumana maemo a hoba mohlokomedi wa setjhaba ka ho amohela
(ho busa kotara = puso-nne) ka ho tshwanela ho busa diprofensi tse pedi, ka ho
qollwa e leng Galeliea le Berea. Ngwanabo wa boraro a nehwa ka botlalo
mabatowa a mang.
Arkelause a tsebahala ka bokgopo. Ke ka hoo Josefa le Maria, kamora ho kgutla
ha bona Egepeta kamora lefu la Heroda e Moholo, ba se kang ba ya Judea. Ba
ne ba utlwile hore Arkelause o busa Judea. Ka ketapele ya Modimo ba ile ba etsa
qeto ya ho ya jaka naheng e nngwe, ke hore Galelea (Mattheu 2:22).
Hamorao ka mora dilemo tse pedi Arkelause a lelekwa ke Sesare Agosto. Yaba
lebatowa la puso ya hae le nehwa Babusisi ba Roma, ho le tsamaisa. Mmusisi
wa bohlano ya ileng a nehwa ke Sesare wa Roma ho tsamaisa Judea, e bile
Ponsi Pilato (26 ho fihlela 36 kamora Kreste). Ke yena ya ileng a ahlola Jesu le
ho mo thakgisa. Bibeleng o bitswa mmusisi (Johanne 18:28).
36
Mmapa o bontsha diprofensi tse
fapaneng mehleng ya Jesu.
37
Leha ho le jwalo Baheroda le Basaduse ba ile ba fumana matla a puso ya
Boheroda, Bafarisi ba ile ba bona hona e le kotlo ya Modimo. Ba ile ba bontsha
borabele pontsheng. Ho tla mafelong a puso ya Heroda, ho ne ho se ho ena le
tsamaiso e ntjha ka tlasa Bajode, e leng Selote. (O tla fumana tlhaloso ya Selote
leqepheng la 44).
Leha Bajode ba ne ba buswa ke Baroma ba ile ba fumana tokolloho ya ho
sebedisa ditshebelletso tsa bona tsa bodumedi, mme boSesare ba Roma le
balatedi ba bona pusong ya diprofensi, ka mokgwa o mong ba ka latela tumelo ya
bona. Ho fetse ha eba borabele le thibelo ho Bajode ho fihlela diphetohong. Ho
neng ho kgathatsa maikutlo a setjhaba ke hore ke puso ya baditjhaba. Ba ile ba
lebella Messia ya tla tla jwalekaha Testamente ya Kgale e boletse.
Nakong tsa Jesu Bajode ba ne ba ntse ba lebelletse ka tebello e kgolo hore
Modimo o tla ba romella Mopholosi ya matla ho tla ba lopolla pusong ya Roma.
Bajode ba bangata ba ne ba dumela hore Messia ya tla tla e tla ba moetapele wa
tsa dipolotiki, ya tswang lelokong la morena Davida. Ba ne ba hopotse hore o tla
tlisa lebotho le matla ho tla ba lokolla pusong ya Roma ka dikgoka. Ba ne ba
hopotse hore o tla tla thea mmuso wa Bajode hape, mme a buse a le Jerusalema.
Ho ya ka tebello ya bona mmuso oo e ne e tla ba o moholo o matla jwaleka
mmuso wa Iseraele nakong tsa puso ya morena Davida. Kahoo Bajode bohle ba
hasaneng le lefatshe ba tla kgutlela Iseraele. Messia e tla ba morena ya lokileng
ya nepahetseng. Balatedi ba hae ba tla phela ka kgotso le ka monyaka.
Ho bonahala hore barutuwa ba ba hae le bona ba ne ba ena le tebello e jwalo,
utlwa dipotso tseo ba neng ba di botsa Jesu (mohlala: Mareka 10:35-37 le
Diketso 1:6). Jesu o ne a sena matshwao a sebopeho sa sepolotiki ao a ka
theang mmuso wa lefatshe ka oona, ho nahanwa hore ke lona la mabaka a
entseng hore Bajode ba monyatse kahoo. Ha a ka a phethisa dipolelo ho ya
kamoo ba neng ba lebelletse.
Kgutsufatso:
Nakong tsa Jesu Baroma ba ne ba busa Iseraele. Bongata ba Bongata ba Bajode
bo ne bo se bo kgathetse ke puso ena mme ba ne ba lebelletse hore Modimo o tla
ba thusa, ka hore a romelle moetapele wa sepolotiki ya matla ho ba lokolla
pusong ya Baroma. Ntlha e etsang hore Jesu a hloke sebopeho sa sepolotiki ke
hore o ne a sa tlo thea mmuso wa lefatshe, ho hlakile hore ke a mang a mabaka a
entseng hore ka hoo Bajode ba se mo amohele. Ha a ka a phethisa ditebello tsa
bona.
38
2. Sanhedrine
Lentswe Sanhedrine le tswa lentsweng la Segerike le bolelang seboka kapa
kopano. Sanhedrine e ne e thehilwe ka baetapele ba 71, ka baka la ho hopolwa
ha Moshe le batsofe ba 70 ba neng ba ba thusa (Dipalo/Numere 11:16).
Sanhedrine e ne e le lekgotla la Bajode le ileng la phutheha Jerusalema.
Moprista e Moholo e ne e le modulasetulo. Qalong baetapele bohle e ne e le
Basadusi, empa nakong tsa Jesu bongata ya eba Bafarisi.
Sanhedrine e ne e le lekgotla la Bajode ka tjhadimo e batsi ho ahlola ka molao wa
Moshe. Babusisi ba Roma ba ile ba dumella Sanhedrine hore e ka ahlola empa
ka dinyewe di dihuwe ho ya ka molao wa Bajode. Ha e le tlasa maemo a kahlolo
ya lefu Sanhedrine e tshwanetse hore qeto ya yona e tiiswe ke Mmusisi wa Roma
pele. Hape ke lona lebaka le entseng hore Jesu, kamora hoba a fumanwe a le
molato ke Sanhedrine a ba a lokelwa ke lefu, ba mo isa pele ho Ponsi Pilato,
mmusisi wa Roma. Sanhedrine e ile ya mo ahlola pele, ba ne ba ke ke ba
phethahatsa ka bo bona, ke Pilato ya neng a tla fana ka sephetho sa hae
(Johanne 18:28-31).
Sanhedrine e ile ya dula nyewe makgotla a mabedi tempeleng. Ha ho nyewe e
neng e ka dulwa ka sabata, ka nako ya mokete kapa ka nako ya bosiu. Haeba
mang a ne a lokela ho ahlolwa ke Sanhedrine, ba ne ba etsa hoo tsatsing lona leo
hore kahlolo e hle e phethe, e etswe. Ha eba hamorao ba lokela ho otla motho,
ba ne ba lokela ho ema ho fihlela hosasane pele ba ka bolela molato. Haeba
Sanhedrine e lokela ho ahlolela motho lefu, ba ne ba lokela ho ila le pele ba ka
bolela molato. Sanhedrine e ne e boetse e ena le melawana e meng e mengata.
Ho totobetse hore Sanhedrine nakong eo ba qosang Jesu ba ne ba tsamaisa
nyewe ho ya ka bongata ba melawana ya bona. Jesu o ile a ya qoswa tlung ya
moprista e moholo (Mattheu 26:57-58). Kahlolo e ne e le ha e tla ba mokete wa
paseka mme e ne e le bosiu (Mattheu 26:17 le Mattheu 27:1). Hape Jesu o hlile a
qoswa hona letsatsing leo mme molato wa hae wa ba wa ananelwa.
Ka tsela e jwalo hohang kahlolo ya Jesu e ne e se ya molao kapa toka e ne e
tshwailwe empa ntlha ya bohlokwa ke hore ho Yena ho ne ho se mokgwa wa
molato oo a neng a ka fumanwa ka wona. Ke Mora wa Modimo ya senang sebe
le molato (Johanne 8:46 le Baheberu 4:15).
39
3. Mekete ya Bajode
O se o ile wa ithuta hore Baiseraele ba ile ba buswa ke ditjhabana tse ding ka
nako e telele. Bajode ba bang ba ne ba se ba fumane kgahlamelo ena, le ho e
amohela, empa ba ne ba etsa merusu ka ho ba marabele. Ho tsohle, lefatsheng
la Magerike-Maroma ho bileng le kgahlamelo ya kgolo ya mekgatlo e arohaneng
ketapeleng e tlasa Bajode. Mekgatlo e mehlano e jwalo e ka arolwa tjena:
Bafarisi, Basadusi, Baesenere, Baheroda le Selote. Re tla shebana feela le e
meraro mona.
O Bafarisi
Lebitso lena le shebahala e le nnete hore le nkilwe lentsweng la seheberu le ka
hlalosang ntho e le nngwe kapa tse pedi: "Hlalosa" kapa "ho arohanya". Ka tsela
eo Bafarisi e ne e le bahlalosi ba molao wa Modimo oo ka bo bona o neng o ba
arola ho batho ba bang feela ka matla a ho boloka melawana ya bodumedi.
Bafarisi ba ne ba itlhophisitse ka tjhebahalo ya mekgwa ya melao ya Balevi. Ba
ne ba leka ho tsamaya ka molao ho fihlela le ka tlhaku ya ho qetela mme ba ne ba
kgotsofatswa ke mokgwa oo ba o etsang ka oona. Ba bang bao e leng Basadusi
ba ile ba kgolwa hore Bafarisi ba na le ditaba tse ding tse ka kenyelletswang Ka
tsela eo ba ne ba bile ba kenyelleditse ditshebelletso tsa baholoholo ba bona
molaong e le sehlomathiso. Tshebediso ena ho bona e ne e ka molao hantle.
Ba ne ba paka hore qeto e nngwe le e nngwe eo motho a e nkang, e bapane le
molao. Kahoo ba ne ba ena le melawana e mengata e entsweng ke ka hoo
Molao o ka utlwisiswang le ho phethwa ka teng. Hamorao ba etelletsa Bafarisi ka
melawana ya maiketsetso e sa feleng ho e theha.
Bafarisi ba ne ba ipona ba tseba molao ho feta batho feela, kapa ba sa o
kgathalle jwaleka bona ka ho o phethisa (Johanne 7:49). Mokgabo wa bona ka
diaparo tsa kantle ho ne ho bontsha kamoo ba leng kateng. Ba ne ba hohela
batho ka botle le maphelo a bona.
Bafarisi, bao e neng e le batho ba banna feela, e ne e bile e le mesuwe e neng e
ruta molao le melawana e meng yohle dikolong le masinagogeng ho batho.
40
Mofarisi
41
Ba ne ba ena le tjantjello ya ho kwetlisa setjhaba, ho shebana le hore
masinagogeng moo ba sebelletsang le ho ruta batho, hore sena se phatlalla le
naha yohle. Ba ne ba ena le kamano e kgolo le Lekgotla la Bajode, Sanhedrine.
Bafarisi ba ne ba sa ikgathatse hakaalo ka dipolotiki, ha feela puso ya naha e sa
ba hlophe ka ho sitisana le leano la tshebelletso tsa bodumedi tseo ba di phelang.
Ba ne ba dumela hore ha motho a ka shwa o tla boela a phele. Ba ne ba dumela
ka bophelo bo safeleng, hape le ho mangeloi le matemona (Diketso 23:6-8).
Hamorao ba ile ba dumela hore ke feela bao ba dumelang molao ho fihlela ho
ditlhaloso tse nyenyane, ba tla amohela bophelo bo safeleng.
Paulose ka ho latela moetlo wa Bafarisi o ile a o phetha pele ho hore a ka
fumanwa a lokelwa ke Bofarisi mme a kenngwa mokgatlong (Bafilipi 3:5).
Potso ya bohlokwa ke hore: Jesu boemo ba hae e ne e le bofe ho Bafarisi?
Jesu ha a ka a lokisetswa le ho nyatsuwa hobane ho ne ho se Bafarisi ba neng ba
dumela ho Yena (Johanne 3:1-2), empa ho Mattheu 23 o fumana kgutsufatso ya
ha Jesu a nyatsa bafarisi.
Mosebetsi:
*
*
Bala Mattheu 23.
Ke kgahlanong le nyatsuo le diketso dife maphelong a rona Jesu a
batlang nna le wena kgaolong ena ho re hlokomedisa?
42
O Basadusi
Basadusi e ne e le baprista. Ba ne ba le hlwahlwa bopaking ba bona ba
tshebeletso tsa bodumedi. Ba ne ba amohela molao wa Moshe e le ona feela
Mangolo a Halalelang mme ba ne ba sa kenyelletsa tshebelletso tsa baholoholo
jwaleka Bafarisi. Ba ne ba sa dumele mangeloi, hape le hore motho o na le moya
le hore ho na le bophelo kamora lefu.
Diketso 23:6-8 e bontsha phapang ena e ntjhotjho pakeng tsa Bafarisi le
Basadusi. "Yare ha Paulose a hlokomela hore karolo e nngwe ke Basadusi, e
nngwe ke Bafarisi, a howa kahara lekgotla, a re: Banna ba heso, nna ke Mofarisi,
ke ngwana wa Mofarisi; ke qosetswa ya hoba le tshepo ya hore bafu ba tla tsoha.
Hoba a rialo phapang ya hlaha mahareng a Bafarisi le Basadusi, mme lekgotla la
arohana. Basadusi ba ne ba re ha ho tsoho ya bafu, ha ho mangeloi; athe
Bafarisi ba ne ba dumela tsena tsohle."
Qalehong Basadusi ba ne ba bangata Lekgotleng la Bajode (Sanhedrine).
Heroda e Moholo o ile a bolaya pele Bakreste ba 37, dihlooho tsa mekgatlo ya
Basaduse tse 45 - boholo ba bona e ne e le baetapele ba Lekgotla la Bajode.
Kamora moo yaba matla a bona a fedisitswe empa ya eba feela lekgotla la
kganyetso le neng le hanyetsana le ntlhakemo ya boetapele ba Bafarisi. Modula
setulo wa Lekgotla la Bajode, moprista e moholo, hamorao ya eba Mosadusi.
Bafarisi ya eba sehlopha sa bohareng sa botjhaba, ha Basadusi e eba baprista ba
sehlooho le mmuso wa karolo ya mobu. Bafarisi ya eba batsamaisi ba thuto tsa
bodumedi, mme Basadusi ba tsamaisa ka boahi le dipolotiki.
O Selote
Lentswe Selote le ka bolela "Motjhesehi." Selote e ne e le Mojode ya nang le
methapo e tebileng ya tshebelletso tsa sedumedi le bopaki ba dipolotiki. Ba ne ba
ena le setswalle se ke keng sa tinngwa. Ba ne ba sa amohele puso ya letho
hodima bona, ntle le Modimo mme hape ba ne ba sa batle ho lefa letho la
lekgetho. Ka tsela eo ba ne ba itotobatsa ho ya pele ka ho ba kgahlanong le puso
ya Baroma. Selote se ne se jara sebetsa se sekgutshwane se leoditsweng
mahlakoreng ka bobedi (se bitswa sica) se patwa kahara diaparo ho ka se
sebedisa nakong ya ha a hlaselwa.
Bonyane a le mong wa barutuwa ba Jesu o ne a le mokgatlong wa Selote ho
fihlela, ka ho qolleha e ne e le Simone Motjhesehi (Diketso 1:13/Mattheu 10:4).
Ho ka etsahala, hape hore Judase Iskariota e ne e le Selote. Leha ho le jwalo,
motho a ka lebella ho tloha qalehong hore Jesu ke mopholosi wa lefatshe le
molopolli pusong ya Baroma ka tjhebo. Ha ba hlokomela tumelo e fosahetseng
ya bona hamorao mme ba hlokomela hore Jesu ha se moetapele wa sepolotiki,
ba etsa qeto ya ho mo latola. Kapa Petrose le yena e ne e le Selote, ha re tsebe,
43
empa bosiung boo a neng a tla latola Jesu ka bona, jwale ka Maselote, o ne a
tshwere sabole eo ka yona a bileng a kgaola mohlanka wa moprista e moholo
tsebe ka yona (Johanne 18:10). Hape Johanne le Jakobo ba ne ba rata hoba
mahlakoreng a Jesu ha a se a dutse teroneng ya Hae le ho busa mmusong wa
hae. Hape ka hoo ba ile ba arolelana mehopolo le selote, leha bona e ne e se
Selote.
Ekaba Jesu o ile a phethahatsa mohopolo oo wa Selote wa ho batla molopolli wa
sepolotiki ho ka ba ntshetsa hole le puso ya Roma? Jesu o ile a itsebahatsa
kapela bohle hore ke Yena Messia, Mora wa Modimo, empa hape a ba hlalosetsa:
"Mmuso wa ka hase wa lefatshe lena. Ha mmuso wa ka e ne e le wa lefatshe
lena, balatedi ba ka ba ka be ba lwanne, hore ke seke ka neelwa matsohong
a Bajode, empa jwale mmuso wa ka hase wa mona." (Johanne 18:36)
Mosebetsi:
Ka mengwaha kgolo e mengata batho ba ntse ba leka ho
sebedisa Jesu sepheong sa bona sa dipolotiki le ho fihlela sepheo
sa bona. Naheng ya rona hape ho na le batho ba bangata ba
basweu, ba basootho le ba batsho ba etsang hona. Na ke hantle
ho sebedisa Jesu ho sepheo sa dipolotiki,kapa hape ho sebedisa
Jesu dipolotiking? Ke sefe seo o ka se etsang?
44
KAROLO 3 (2 dihora)
SETSHWANTSHO / FILIMI KA JESU
TSEBISO HO MORUPELLI: A ko fane ka monyetla wa metsotso e mmalwa ho
baithuti ba ke ba ye kantle kgefutsong, pele o ka qala ho bapala
setshwantsho/filimi, hore ho sebe le dikgefutso nakong eo filimi e ntseng e bapala.
Etsa hore o be le bonnete ba hore bohle ba bona setshwantsho hantle moo ba
dutseng.
Ha eba o sena filimi ka Jesu, o ka kadima e nngwe ho Amos. Hape le ka ithekela
ya lona. Ke tsena diaterese tseo o ka etsang dipatlisiso ho tsona:
*
*
Bybel Media:
Wellington
7655
Jesus Projek:
Halfway House
1685
Kerkstraat 54
Tel.: (021) 873 3851
Privaatsak X74
Tel.: (011) 315 2342
Haeba filimi ka Jesu e qalwa ho bapalwa kgetho la pele kapa ho bontshwa, ka
tlwaelo ho na le dipotso tse mmalwa tse tlang ka tshohanyetso. Ke tla di araba e
sa le jwale.
POTSO 1: Hobaneng ha Jesu e le motho e mosweu?
Ho bohlokwa ho utlwisisa e sa le pele hore Jesu o ne a se mosweu kapa motsho.
Ka tswalo Yena e ne e le Mojode. O tswalletswe naheng ya Botjhabela Bohareng
ya Iseraele, mme ka tsela eo e ne le le wa botjhabela. Jwaloka motho, Jesu o ne
a ka ba wa setjhaba se itseng - ntle ho hore ho be jwalo, Modimo o ne a ke ke a
fetoha motho.
Ho hang ha ho etse taba hore Jesu e ne e le wa setjhaba sefe. Hoo e leng ha
bohlokwa ke pholoso ya ka le wena. Ke yona ntlha e etsang hore e be motho ya
phethahetseng, le hore Yena ke motho ya senang sebe hohang ha a ka a se etsa.
Ke ka hoo e leng maemo ao hore Yena a ntshe nna le wena sebeng le hore
pholosa kotlong.
45
Lebaka la hore Jesu a tswallwe setjhabeng sa Juda, e ne le ka tumellano ya dipuo
tseo Modimo o ileng wa di etsa e sa le kgale. Re bala ka hona Testamenteng ya
Kgale. Setjhaba sa Bajode e ne e se se bohlale, se seholohadi le se matlahadi
nakong tsa sona. Re ka bapisa tjena; Egepeta Bajode e ne e le makgoba a ba
Egepeta. E ne e le setjhabana se senyenyane se neng se ke ke sa busa ditjhaba
tse ding lekgale, jwaleka Bagerike, Baegepeta, Ba Babilona kapa Baroma. Dintho
tseo ba neng ba di haha le ho di etsa, di ne di se ntle ho tsa ditjhaba tsa
boahisane.
Lebaka la hore Modimo o ikgethele Iseraele e le setjhaba sa Hae, ho bontsha
hantle hore Modimo ha o kgethe batho le ditjhaba ho ya ka maemo ao ba leng
oona, empa o etsa hoo ka lerato le lereko le mohau feela.
A ko bale ditemana tse latelang tse mabapi le .....
*
*
..... setjhaba seo Jesu a ileng a tswallwa ho sona =
..... motse oo Jesu a ileng a tswallwa ho ona
=
*
..... leloko leo Jesu a ileng a tswallwa ho lona
=
Dipolelo/Deut. 7:6-7
Mikea 5:1 / Luka 2:4
Johanne 1:46
Mareka 6:3
POTSO 2: Ke mang ya ileng a nka ditshwantsho tsena?
Dilemo tse 2 000 tse fetileng ho ne sena dikhamera le metjhini ya divideo. Difilimi
ke tsa morao tjena, di sa tswa etswa dilemo tse mmalwa tse fetileng.
A ke re ho na le mekgwa e mengata e fapaneng eo batho ba ka tsamaisang
melaetsa. O ka etsetsa batho ba bang molaetsa ka molomo. O ka boela wa
tsamaisa molaetsa ka ho rala ditshwantsho. O ka etsa le ka dipapadi tsa pontsho
ya kalaneng kapa o ka ngola molaetsa.
Bakreste ba mmalwa ba ile ba etsa qeto ya hore ba isetse batho molaetsa wa
Jesu ka difilimi. Hase Jesu ka boYena ya bapalang difiliming moo, ke motho e
mong ya bapalang karolo ya Jesu ka sepheo sa ho tsamaisa molaetsa ka
dipontsho tseo.
Ba entse difilimi tsena ka mabaka ao Modimo o ileng wa a neha Luka hore a a
ngole Bibeleng. Hopola, ke Bibele feela eo e leng Lentswe la Modimo le seng
ditshila. Mekgwa e meng e sebediswang ho tsamaisa molaetsa, e tshwanela
hoba ntswe-leng le Bibele. Leha ho le jwalo, o tshwanela ho dumela Bibele, mme
e seng melaetsa eitseng.
46
KAROLO 4 (45 metsotso)
TLHALOSO YA FILIMI/SETSHWANTSHO KA JESU
TSEBISO HO MORUPELLI: O ka fana ka monyetla hore baithuti ba bolele seo ba
se fumaneng. Ba hle ba bue ka ho otlolloha ka filimi. Hlalosa jwale dipotso kapa
se sa hlakang ho bona. Kamora moo o ka sebetsana le potso ena e ka tlase
hammoho le baithuti. Tlohela baithuti hore ba ke ba hlalose potso ena le ho leka
ho e araba ka bo bona, pele ho hore o fumane karabo bukeng o ka qoqa le
baithuti ka karabo ya potso ena.
Mosebetsi:
A ko iketsetse setshwantsho seo e leng sa hao ka filimi eo
sebakeng sena.
47
POTSO 1: Haeba Jesu e ne e fela e le Modimo wa nnete, hobaneng a sa ka a
theoha sefapanong? O ne a ka etsa jwalo kannete, o ile a etsa
mesebetsi e mengata e makatsang.
Mosebetsi: Ngola karabo ya hao pele mona.
Satane o ne a batla hore ho tloha qalong Jesu a shwe lefu la sefapano mme
kahoo hore dibe tsa lefatshe di tloswe hore nna le wena re boellane le Modimo. O
ile a sebedisa Heroda hore ka hanyane a leke ho bolaya Jesu (Bala Mattheu 2
kamoo Heroda a ileng a ileng a bolaya bana ba banyenyane ho qala ka lemo tse
pedi ka teng). Lefelleng Satane o bile a tla ka poelano ena ka hore Jesu a ka
fuwa mebuso yohle ya lefatshe ntle le ho ka shwa sefapanong (Mattheu 4:1-11).
Mona filiming satane o tshwantshwa le noha -[ bala Tshimoloho / Genese 3:1-4 le
14 hape le ho Tshenolo 12:8-9]. Esita le ha Jesu ane a se a leketla sefapanong,
satane e ile a mo leka la ho qetela hore a theohe sefapanong. O ile a sebedisa
bafeta ka tsela, baholo ba baprista, masole le a mong wa disinyi tse neng di
thakgisitswe le Jesu. Bohle ba ile ba monyefola ka hore a theohe sefapanong.
Bala:
*
*
Mareka 15:29-31
Luka 23:35-39
Ha Jesu a ne a ile a theoha sefapanong, e ka be a ile a etsa hantle qetellong ya
bophelo ba hae sebe ka ho etsa seo satane a se batlang mme eseng seo Modimo
a neng a sa se batle.
Ho teng ka tsela eo mabaka a mabedi a neng a etsa hore Jesu a seke a theoha
sefapanong, ona ke ana: 1)
O ne a batla ho mamela Ntatae.
(Johanne 10:18 le Bafilipi 2:8)
2)
Hobane a o ratile hakaalo mme a batla
wena ho ollokolla dibeng tsa hao!
(Johanne 10:11 le 13:1)
48
POTSO 2: Hobaneng Modimo o ile a tlohella masole a Baroma ho bolaya ka
lonya le lekaalo?
Mosebetsi: Ngola karabo ya hao pele mona.
O tshwanetse ho tseba dintho tse pedi haholo, mme o tla utlwisisa hore Jesu o o
rata hakaakang.
1. Jesu o ile a neela ka mmele wa hae . O ineetse ho shwa bakeng sa hao.
Jesu ha a bolauwa ka tshohanyetso. Hoja a ne a bolailwe jwalo, ho ne ho tla
bolela hore o ne a ke ke a dumela ho shwa, empa o bolailwe ke batho ka baka la
dibe tsa bona. Ha eba ke nnete, ho hlalosa hore Jesu hantlentle o ne a ke ke a
jara dibe tsa ka le tsa hao, mme ka hoo o ne a ke ke a di jara. Jwale nna le wena
re ne re tla lokelwa ke kotlo ya dibe tsa rona.
Ho Mareka 10:45 re bala hore Jesu o ile a fana ka bophelo ba hae le tefo ya
topollo ya batho ba bangata. Ho Johanne 10:17-18 Jesu o re ha ho motho ya
tshwanetseng ho nka bophelo ba hae, o ile a fana ka bo Yena ka bona. Hape e
le pontsho ya hore Jesu o fela a fanne ka bophelo ba hae bakeng sa ka le wena,
o entse ntlha ya hore a thakgiswe ka mokete wa paseka ka ho swabela hoo
Bajode ba ne ba sa batle ho etsa jwalo ka letsatsi leo (Mareka 14:2). Empa Jesu
o ne a batla ho shwa ka paseka. Ho teng ditshupo tse ngata tse bontshang hore
Jesu o ne a fela a batla ho o fa bophelo ba hae. Ha a ne ase a tlo tshwarwa,
Petrose o ne a ikemiseditse ho lwana, empa Jesu o ile a mo laela ho boloka
sabole ya hae. (Sheba Selote leqepheng la 44.)
2. Hantlentle nna le wena re thakgisitse Jesu.
O tshwanetse hore ha se Bajode feela le masole a Baroma ba nako eo ba ileng
ba thakgisa Jesu ya senang molato ka ho mokgokgothella dipekere sefapanong.
Nna le wena hape. Ba ile ba etsa seo nna le wena re neng re ka se etsa. Na ha
ho makatse, rona batho re bontshitse hantle ka hore re nyatsitse Modimo ka ho
thakgisa Jesu, yaba Modimo ke oo o etla ho Yena a re amohele le ho re nka
jwaleka bana ba Hae.
49
KAROLO 5
SEHLOOHO:
Mabitso a Jesu a mo hlalosa hore ke mang.
MOKOTABA:
Ke dimakatso ho tseba Jesu.
SEPHEO:
Hore motho ya pholositsweng a ithute haholo ka bohare ba Mabitso a
Hae. Kahoo o ithuta bohlokwa ba hore Jesu o tlile ho mo etsetsang. O
nehilwe bopaki ka hore Jesu ke mang.
Motho ya eso pholoswe a seke a nkwa ke bowatla ba hore Jesu ha a sa
na karolo ho seo Jesu a tlileng ho se etsa. O lokela ho tseba hore a
amohele pholoho.
MABITSO A TLA RUTWA:
*
*
*
*
*
Kreste
Emmanuele
Jesu
Morena
O ka bitswa mokreste.
50
KAROLO 5 (45 metsotso)
MABITSO A JESU A HLALOSA HORE YENA
KE MANG.
Mosebetsi:
Ke mang ho lona ya nang le mabitso a fetang bonngwe?
A na o a tseba mohlomong hore mabitso a hao a bolelang?
Ke mang ho lona ya nang le lebitso la boswaswi?
Hobaneng o bile le lebitso leo?
Ee, ha e mong a o bitsa Moholwane, ho bolela hore o ka ba moholo ho yena! Ha
ramosebetsi wa hao a o bitsa "Susanna Katherina", ho ka nna ha etsahala hore
mohlomong o halefile haholo. Ha batho ba o bitsa feela Piet, o tla tseba hore ho
ka etsahala hore ba batla ho bua le wena!
Nakong tsa Bibele ho ne ho se jwalo - ha batho ba ne ba sena mabitso feela hore
bohle ba tsebe hore ho buua ka mang. Batho ba bile le mabitso ka baka la ho
hlalosa ho itseng ho ikgethang! A ko nahane feela ka Moshe - kgosatsana e ileng
ya mo fumana kahara sethotwana, e ile ya mo reha Moshe, hobane "a ntshitswe
metsing" (Phallo/Eksoda 2:11). Lebitso la Samuele le bolela "ke mo kopile ho
Modimo," hobane mmae a ile a rapela Modimo ka matla hore a mo fe ngwana wa
moshanyana (I Samuele 1:20).
Na o ne o tseba hore Jesu le Yena o ne a ena le mabitso a fapafapaneng mme le
leng le le leng la mabitso ao le hlalosa ntho eitseng ho ikgethang? KE
DIMAKATSO HO TSEBA JESU, hobane le leng le le leng la Mabitso a Jesu le
hlalosa seo Jesu a seng a se entse le seo hape a batlang ho o etsetsa sona. A re
ke re ithuta kapele le leng la mabitso a Jesu.
51
5.1 Jesu o bile a bitswa Kreste:
Jesu o bile a bitswa Kreste. Ke a kgolwa o se o ile wa utlwa ka lebitso lena la
Jesu - Kreste. Tloo nke ke o hlalosetse hore le bolelang. Bajode ba ile ba lebella
hore Modimo o tla ba romella Messia. Messia ke lentswe la Searame le bolelang
"motlotsuwa". Kreste ke lentswe la Segerike le bolelang jwalo. Marena ohle a
Baiseraele a ile a tlotswa pele ekaba marena. Hape le Moprista e moholo o ne a
tlotswa hore a amohele moqhaka wa boprista bo boholo.
Tlotso ya motho e ne e hlalosa hore motho eo o kgethilwe ka ho qolleha le
ho fuwa matla a ho etsa mosebetsi oo Modimo o batlang hore a o etse.
Modimo o ile wa kgetha Jesu ka mokgwa o ikgethang le ho mo fa matla a ho etsa
seo Modimo o se batlang. Ke Jesu feela ya ka etsang mosebetsi ona o
ikgethang.
Na ke hobaneng ha Modimo o ile wa kgetha Jesu? O ne a tshwanela ho etsang?
A ke re o ntse o hopola hore ho ngodilweng ho Johanne 3:16. Modimo o ratile
lefatshe hakaalo hoo a bileng a le neha mora wa Wona a inotshi ...... Jwale he,
Modimo o ratile nna le wena le batho bohle lefatsheng lohle hoo o bile wa re neha
Mora, wa Wona ka ho ikgetha, Jesu ka ho mokgetha (ho mmontsha) le ho mo
romela lefatsheng.
Na ho kile ha eba le motho ya ikgethang ya kileng a tla ho wena? Ho a thabisa,
ha ho jwalo! Empa mohlomong ha ho eso be le motho ya tlang ho wena ka ho
ikgetha. Utlwa ditaba tsena tsa kajeno tse makatsang! Modimo o ile wa kgetha
Jesu ka ho qolleha ho tla ho wena mme a mo romme. Modimo o bile o mo file
matla a ho ka o etsetsa letho le ikgethang. Kahoo Jesu e eba Kreste, Motlotsuwa
a bitswa jwalo. KGELE, KE DIMAKATSO HO TSEBA JESU.
TSEBISO HO MORUPELLI LE BAITHUTI: Dikarolwana tse latelang tsa mangolo
di supa tlhaloso ya lebitso Messia/Kreste.
* Diketso 3:20-23
(Dipolelo/Deutoronoma 18:18)
* Diketso 10:38
* Baroma 1:4
* Johanne 4:25
* Mattheu 7:28-29
-
52
Morumuwa.
(Ya profetilweng ke Baprofeta.)
Motlotsuwa.
Eo e bileng sesupo.
Eo a neng a lebelletswe.
Eo ya matla.
Modimo o ile wa kgetha Jesu ka ho qolleha mme a mo romela ho
wena. Modimo o mo file matla ho etsa ntho e ikgethang bakeng la
hao. Kahoo Jesu ya eba Kreste, Motlotsuwa, a bitswa jwalo.
Diketso 3:20 le 10:38
KE DIMAKATSO HO TSEBA JESU, hobane o se a tlile hore a be ho wena! O tla
utlwisisa ha o se o ithuta mabitso a mang a Jesu.
53
5.2 Jesu hape o bitswa Emmanuele:
Jesu hape o bitswa Emmanuele. Ho Mattheu 1:23 re bala hore: "O tla rewa
Emmanuele. Lebitso leo le bolela hore Morena o na le rona." Modimo o tlile ho
wena! Hobane bophelo ba ka le ba hao bo tletse dibe, ha ho mokgwa oo nna le
wena re ka yang ho Modimo. Dibe tsa rona di re tlositse ho Modimo. Kahoo
Modimo o ile a etsa qeto ya ho tla ho rona. O bile a romela Jesu lefatsheng - ho
nna le wena.
Bibele e re ruta hape hore Jesu ke Modimo. Kahoo Jesu o bitswa Emmanuele.
Ho hlalosang hore "Modimo o na le rona." Ka hona Modimo o re Yena o na le
wena, hobane Jesu a tlile lefatsheng, o tlile ho wena! Na hase bokgabane? Ka
tsela eo ha o nahana ka Jesu, o tshwanela ho hopola hore o bile a bitswa
Emmanuele mme hoo ke bonnete ba hore Modimo o ho wena. A re keng re tjong
kaofela mmoho: "Jesu hape o bitswa Emmanuele, o na le nna."
KE DIMAKATSO HO TSEBA JESU le ho tseba hore le leng la mabitso a Hae le
re o na le nna le wena.
Haeba o se o amohetse Jesu, o tshwanela ho kgolwa hore o ke ke wa ba mong.
Mosebetsi:
A ke le qoqeng kapelenyana dihlotshwaneng tsa lona ka taba
ena:
*
Ke neng le ho kae moo Modimo o nang le wena?
*
Hoo ho bolelang ho wena?
*
Na hoo ho a o tshedisa kapa ho a o tshosa?
Haeba o eso be ngwana wa Modimo, o tshwanela ho tseba hore Jesu ha a tle ho
wena ka mekgwa e tshwanang le eo a tlileng ho bana ba bang ba Modimo. Na ha
o lakatse ho ba e mong wa bana ba Hae? A ka tlosa dibe tsa hao le ho tloha
jwale le ka matsatsi ohle ebe "Emmanuele" ho wena!
54
Jesu hape o bitswa Emmanuele.
bolelang: Morena o na le rona.
Ke lentswe la Seheberu le
Mattheu 1:23
Empa hobaneng ha Modimo o ile wa roma Jesu hore a tle ho rona? O batla hore
a tlo etsang ho wena? A re ke re shebe hape hore Jesu o ile a bitswa mang.
55
5.3 Jesu hape o bitswa Mopholosi le Mothusi:
Re bua ka nako tsohle ka Mabitso a fapaneng a Jesu, empa na o ne o tseba hore
lebitso Jesu le lona le na le tlhaloso e eitseng? Jesu ke lebitso le bopilweng
Segerikeng ka la Seheberu e leng lebitso Joshua, a bolelang ka ho tshwana:
"Morena ke Thuso/Mothusi." Ka tsela eo Jesu o tlile ho o lopolla le ho o thusa
hore o se etse dibe! O tlile ho o thusa hore o utlwe Modimo.
Na o ntse o hopola, hore kgalekgale, pele ho tswalo ya Jesu, Modimo o ile wa re
ho Josefa ka toro a rehe Moshanyana hore ke "Jesu," hobane Jesu o tshwanela
ho tla o lopolla dibeng tsa hao le ho o thusa hore o tle o ye lehodimong.
Bala: * Mattheu 1:20-21
Wena o seng o le ngwana wa Modimo, o tla dumella le nna ha ke re: KE
DIMAKATSO HO TSEBA JESU .... hobane ke Mopholosi wa hao. O se a tlositse
dibe tsa hao! Jwale o ka kena lehodimong hore e be le Modimo ka nako tsohle.
Empa jwale ha o boela o etsa sebe? Ho etsahala ha bobebe, leha o se o le
ngwana wa Modimo! Mohlomong ho teng sebe se o tshwenyang letsatsi le
letsatsi. O rohakana mohlomong haholo, ntle le hore o ka ithiba. Kapa o na le
mohopolo o mobe ka eo o sa morateng. Jesu o batla ho o thusa hore o se hlole o
etsa sebe seo hape. Ee! O tshwanela ho kopa Jesu hore a o thuse ho se tlohela,
hobane lebitso la Hae ke Jesu ..... Ke Mothusi wa hao!
Mosebetsi:
*
O nahana jwang, Neng le ka eng o batlang hore Jesu a o
thuse ka tsona? Qoqang dihlotshwaneng tsa lona ka hona.
56
Haeba o esobe ngwana wa Modimo, o tshwanela ho hopola hore - Jesu o lakatsa
hore le wena a o thuse. O batla ho tlosa dibe tsa hao le ho o etsa ngwana wa
Modimo.
Jesu hape o bitswa Mopholosi le Mothusi, hobane ke seo lebitso
Jesu le se hlalosang. O batla ho o lopolla le ho o thusa, hobane o
tletse hona.
Mattheu 1:21
KE DIMAKATSO HO TSEBA JESU. A re ke ithute le leng la Mabitso a Jesu.
57
5.4 Jesu hape o bitswa Morena:
Jesu hape o bitswa Morena. Kamora hoba Jesu a shwe sefapanong, o ile a tsoha
bafung. Kahoo o hlotse bobe bohle: satane, dibe, lefu le dihele. Yaba Modimo o
beha Jesu morena hodima lefatshe lohle. Modimo o file Jesu matla ohle hodima
lehodimo le lefatshe mme kahoo ha ho ya matla ho Mofeta, le ha e ka ba ya
matla. Kahoo o boetse o bitswa Morena. Ke Morena ya busang tsohle.
Bala:
*
*
*
*
*
Mattheu 28:18
Johanne 20:28
Baroma 10:9 le 14:9
Baefese 1:18-23
Bafilipi 2:9-11
KE DIMAKATSO HO TSEBA JESU, .... hobane wena jwaleka ngwana wa Modimo
o tshwanela ho ka tseba hore ke Morena le Kgosi! Ha ho ya tshwanang le Yena!
Jesu ke sirelletsa bophelo bohle ba hao. Haholoholo Jesu o batla ho o sirelletsa
ho satane. Hopola - Jesu, Morena wa hao, o tla o tshirelletsa maemong ohle!
Satane a ke ke a ho etsa hoo .... a ke ke a o sirelletsa ho tsohle tse mpe. Lekgale
a ka mpa a etsa ka hohle hore a senye bophelo ba hao ka ho etsa hore o etse
dintho tse mpe le tse fosahetseng. O lakatsa ha a ka o bona o le madimabe. O
batla ha wena le mosadi/monna wa hao le dula le qabana. Satane hape a ka o
etsa hore o bue leshano (Johanne 8:44) kapa o ka romela monna kapa mosadi ho
tla o kgelosa. Ho tsena tsohle Jesu, o batla hore jwaleka Morena le Kgosi
lefatsheng lohle!
Hobane o le ngwana wa morena, o tshwanela ho kopa Jesu hore a o bontshe
hore o phele jwang. Ka tsela eo o ke ke wa etsa kamoo o batlang. Tjhe! Jesu
hase Morena le Kgosi ya hao ka nako tse itseng feela! O tshwanela hore o utlwe
Kgosi ya hao ka nako tsohle mme o etse seo a o laelang sona. O ka ba wa mo
kopa hore a o thuse hore o sebedise moputso wa mosebetsi wa hao jwang le
hore ke mananeho afe a TV o lokelang ho a shebella le ao o sa lokelang ho a
shebella. O tshwanela ho mo mamela ha a re o rate batho ba bang le ho ba
thusa ha ba kopane le mathata.
Jwaleka ngwana wa Modimo, o se o boetse o le ngwana wa morena! Jwale o se
o tshwanela ho phela jwaleka ngwana wa Morena e Moholo, Jesu. Batho ba
bang ba bone ka bophelo ba hao hore Jesu Morena o laola bophelo ba hao.
58
.
Jesu ke Morena, Ke Kgosi ho bohle bao matla a hae a le a bona. O
tshwanetse hape ho laola bophelo ba hao. Ha o le ngwana wa
Modimo, o se o le ngwana wa morena.
Mattheu 28:18
Bakolose 2:6-7
Na o ne o tseba hore bana ba morena le bona hape ba na le lebitso
le ikgethang?
59
5.5 Bana ba Morena ba arolelana lebitso la Jesu:
Ha o le ngwana wa Modimo, ngwana wa morena, Jesu kahoo o arolelana lebitso
le wena!
Mosebetsi:
A ko nahane hanyane - ke Lebitso lefe la Jesu leo a le
arolelaneng le bana bohle ba Modimo? Ha o ne o ka hopola hore
ke Lebitso lefe la Jesu le re bolellang hore Modimo o mo kgethile
ka ho mo qolla le hore o mo file matla ho phetha mosebetsi oo a
mo laetseng ho o phetha? Bana ba morena ba bitswang?
Na o ne o tseba hore bana ba morena ba ile ba bitswa jwalo
lekgetlo la pele ka ho fumantshwa lebitso leo ba le ho kae?
Ke hantle, Lebitso lena la Jesu leo a ileng a le arolelana le bana ba hae, ke
Kreste. Ha o eba ngwana wa Modimo, eba o tla bitswa mokreste. KE
DIMAKATSO HO TSEBA JESU, hobane kahoo o arolelana le wena Lebitso la
Hae!
Bala:
*
Diketso 11:26
Nakong tsa Jesu bo rabbi (baruti) ka balatedi ba bona ba ne ba mmitsa hape hore
ke rabbi. Empa batho ba bangata ba ile ba etsa qeto ya hore ke rabbi ofe eo ba
tla mo latela. Ka hoo ba ile ba ikgethela rabbi e seng bona e le bo rabbi. Ho Jesu
ho ne ho fapane le tsohle, o bile a ikgethela balatedi.
Hore o bitswe mokreste ke tokelo e makatsang, hobane ho bolela hore Jesu o o
kgethile mme o o tlotsitse ka Moya o Halalelang bakeng sa mosebetsi o
ikgethang, ka ho qolleha hore o behe ditholwana. Kahoo o motlotlo ho arolelana
le wena lebitso la Hae!
Bala:
*
*
Johanne 15:16
1Johanne 2:27
Ha o arolelana le Yena lebitso la hae mme o ipitsa mokreste, mme o tshwanela
hore hakaakang o ka phela jwaleka Jesu (I Johanne 2:6)! O tshwanela ho
bontsha batho ba bang hore o utlwa Morena wa hao. Ha ho bobebe ho ka ba
mokreste. O ka ba yena haeba o ka pholoswa mme wa iteela ho tlohela ho nwa,
ho kgaotsa kapa ho tsheha ha ho etswa motlae o mobe. Empa o se o hopola KE DIMAKATSO HO TSEBA JESU mme le hore ke dimakatso ho bitswa
mokreste.
60
Ha o dumela ho Jesu Kreste, o ofa monyetla o makatsang wa
ho bitswa mokreste. Bakreste ba lokela ho phela jwaleka
Jesu.
Diketso 11:26
1Johanne 2:6
61
Qetello:
Ka hobane ho bile dimakatso ho wena ho tseba Jesu, o tshwanela ho ya bolella
ba bang hore Jesu ke mang. O ka nahana feela ka se bolelwang ke Mabitso a
Hae haeba o ba le hona ho ka ba bolella tsohle ka Jesu!
*
Jesu ke Kreste. Modimo o mo kgethile ka ho qolleha mme a Mo romela ho
wena le nna le batho bohle ka lefatshe lohle! Modimo o bile a mo tlotsa le ho
mo fa matla a ho phetha mosebetsi wa Hae.
*
Jesu hape ke Emmanuele. Modimo o na le rona. Hobane Modimo o re ratile
hakaalo, o bile a tla ho rona. Ha o dumela ho Yena, o teng ho wena ka
mekgwa e ikgethang ka nako tsohle le hohle.
*
Jesu ke Molopolli le Mothusi wa hao! O batla hape le ho lopolla metswalle
ya hao, baahelwane, jwalojwalo dibeng tsa bona le ho ba thusa ha ba utlwile
pelo-bohloko kapa ha ba le kotsing.
*
Jesu ke Morena. Ke Morena wa lefatshe lohle mme o batla hoba Kgosi ya
hao bophelong bohle ba hao!
Ba o thabile ha e le moo o se o tseba Jesu? Jwale o ka ya bolella e mong hore
Jesu ke mang!
62
KAROLO 6 (25 metsotso)
TEMANA YA HLOOHO: LUKA 19:10
TSEBISO HO MORUPELLI LE BAITHUTI: Ena ke temana e bobebe ho ka ithuta
yona. Ntle le moo ke tla e ngola jwaleka tlwaelo temana ena jwalekaha eka lona
baithuti kaofela le bana. Sepheo sa ka ka hona ke hore le ka e sebedisa jwalo ha
le e neha bana ba lona.
Papadi ena ya lotho (puzzle/legkaart) e mona bukeng, o tla e fumana hape e le
karete e sa hokellwang bukeng. Ha o fihla hae o ka e sehakanya mme wa ruta
bana. Ha ba se ba tseba temana hantle, ba ka iteka e le bona ho tlatsa lotho.
Haeba ho se ho ena le bao e leng bo nkgono le bontatemoholo mona - ke ona
monyetla o motle wa ho o etsa le bana/ditloholo tsa hao. Le ithabise ka hona.
Jwale re tla ithuta pele ka bo rona Luka 19:10. Hopola, hore ha jwale le bana
kaofela.
Sehlooho:
Ke mang wa bo ntata lona ya nang le dinku kapa ke mang ya tsebang motho ya
nang le dinku eo e leng mohwebi? Na o hopola hore mohwebi eo o rata dinku tsa
hae? E, o di hlokomela hantle haholo mme ha a batle le hore e le nngwe ya tsona
e lahlehe. O di bokella mmoho pele ebe o a di bala ho bona hore a na di ntse di
le kaofela. Ha ho ka etsahala hore hamorao ho fumanehe hore e nngwe e se e
lahlehile. O nahana hore o tla etsang? O tlohela dinku tse ding ebe o tla ya batla
nku e nngwe e lahlehileng. Haeba ka mohlomong nku e lahlehileng e utlwile kapa
e lemetse kapa e wetse mokoting, o a e ntsha - a e thuse. Re ka re o a e
pholosa.
Bana, Bibeleng re bala ka motho ya leratileng haholo hoo a ileng a tla lefatsheng
ho tla batla le ho o pholosa.
Bala temana:
Bona hore ho ngotsweng mona Bibeleng, ho Luka 19:10. "Hobane Mora motho o
tlile ho batla le ho pholosa ba lahlehileng. "(Hopola, bala ka nako tsohle temana
pele ho tswa Bibeleng e le hore bana ba bone hore ha se mantswe feela a
molomo wa hao, empa e le hore hantlentle a tswa Bibeleng mme a ngodilwe teng.
Kamora moo o ka sebedisa karete-lotho (puzzle) ho ba ruta temana.
63
Hlalosa temana:
Hobane Mora Motho o tlile: Mora Motho ke le leng la mabitso a Jesu Kreste.
Mona temaneng ena o tla ithuta hore hobaneng ha Jesu a ile a tla lefatsheng.
Otlile ho ........
batla: Jwaleka mohwebi ha a batla nku ya hae e lahlehileng - jwalo feela Jesu o
batla ngwana e mong le e mong le motho e mong le e mong e moholo eo e eso
be ngwana wa hae. Haeba o eso be ngwana wa hae, o tlile ho o batla.
Hobaneng a etsa hoo? O ratile batho bohle hape le wena mme o lakatsa ho etsa
bohle bana ba Hae. E, Jesu o tlile lefatsheng ho tla batla ......
le ho pholosa ba lahlehileng: Motho e mong le e mong o tswetswe e le
moetsadibe. Le wena hape o tswetswe o le moetsadibe ke kahoo o etsang dintho
tse ngata tse mpe le tse sa lokang. Ka tsela eo o lahlehile. O tshwanela ho
otlelwa dibe tsa hao. O ke ke wa ipholosa. Empa Jesu o o ratile hoo a tlileng ho
o lopolla dibeng tsa hao - ho tlosa dibe tsa hao. E, o o lopolla kotsing - ho kotlo
eo o tshwanelang ho e fumana ka baka la dibe tsa hao. O ho entse jwang? O
jarile kotlo eo e neng e lokela wena. O ile a shwela sefapanong ka baka la dibe
tsa hao. Jesu o shwetse batho bohle, hobane bohle ba lahlehile. O mpa a tlile ka
baka la batho ba lahlehileng - ka baetsadibe.
Boikwetliso - Temana ena e bolelang ho wena?
Wena ya esoka a eba ngwana wa Modimo nahana mohlomomg jwale dibe tsa
hao di ngata haholo le hore o mobe hoo o ke keng wa amohela Jesu.
Mohlomong o ile wa bua leshano ho mosuwe/morupelli wa hao, kapa wa utswa
tjhelete e neng e le kahara sepatjhe/mokotlana wa ntatao. Ha ho etse taba hore
ke bobe bofe kapa bo jwang boo o bo entseng kapa o bo entse ka makgetlo a
makae. Jesu o tlile ho o batla le ho o pholosa! O o rata haholo. Ha o itshola ho
tseo tsohle tseo o di entseng tse fosahetseng, bolella Jesu. O tla tlosa dibe tsa
hao mme a o etse ngwana wa hae.
Haeba o se o le ngwana wa Modimo, o tshwanela ho thabela batho bao e ebang
bana ba Modimo. Jesu o batla ho ruta letsatsing lena hore ha ho ngwana kapa
motho e moholo ya mobe haholo ho Yena. O rata bohle. O etsa jwaleka
mohwebi/ rapolasi. Ha ho ka lahleha nku, o ya e batla.
64
65
Jesu o batla le ho pholosa batho ba babe e le hore e be bana ba hae le hore ba
kgaotse ka dintho tse mpe tseo ba di etsang. Jesu o thaba haholo ha a ile a
fumana e mong le e mong. Kahoo le lona bana le lokela ho thaba hobane Jesu a
ile a pholosa motho e mong le e mong le e mong ya mobe!
Pheto ya temana:
Ho sebedisa ditshupo ha temana e ntse e phetwa, mohlala:
*
Hobane Mora Motho:
Bontsha ka ho lelatsa letsoho la hao.
*
O tlile:
Theola lona letsoho leo.
*
ho batla:
Beha letsoho la hao ka hodima mahlo, o iname jwalo
ka ha e ka ho na le seo o se batlang.
*
le ho pholosa:
Fapanya menwana ya hao ya bosupa ho etsa
sefapano
*
ba lahlehileng:
Fokela matsoho a hao pele jwalekaha o bontsha hore
ntho e lahlehile.
E re bana ba bale temana hodima karete-lotho ha ba ntse ba bontsha ka matsoho
a bona. Ba tshwanela le ho bala Bibeleng moo temana e ngodilweng teng.
Kamora hoba temana e balwe habedi kapa hararo, o tshwanela hore lekgetlo le
lekgetlo o botse e mong wa bana hore a phahamise sekotwana sa karete. Ha
temana e boela e phetwa, bana ba se hlole ba sheba karolwana eo hape mme ka
tsela eo ba lokela ho ithuta ka hlooho le ho e hopola. Nka hape la ho qetela
sebontsha-temana (Luka 19:10).
Mosebetsi:
A ko re a le mong wa baithuti a boele a phete temana a le mong.
A ko fe baithuti sebaka sa ho bolela hore temana ena e bolelang
ho bona.
Ha o se o ilo ruta bana temana ena, o tshwanela hore ba etse le bona mosebetsi
ona wa ho qetela.
66
KAROLO 7 (40 metsotso)
HO SHEBA TABA KA NNGWE KA LEIHLO LE NTJHOTJHO
7.1 Matsatsi a kalendara ao re a sebedisang kamehla a tswa kae?
Mosebetsi:
Ke bolelang ha ke re ngwana wa ka o hlahile ka 1983? Ke
bolelang ha ke re Afrika Borwa e ile ya fumana puso e ntjha ka
1994? Matsatsi ao a kalendara a tswa kae?
Matsatsi ao re a sebedisang a tswa kalendareng ya sekreste ao a ileng a
sebedisa dilemo tse lekgolo kamora Kreste. Empa butle, ke qale qalehong.
O se o ile wa fumana sena moraonyana bukeng ena ka dilemo tsa matsatsi a
kalendara. Ke ile ka re tempele ya Salomone e ile ya sengwa selemong 586 pele
ho Kreste mme tempele ya ho qetela ka selemo sa 70 kamora Kreste e ile ya
senngwa ntweng ya Bajode-Baroma.
Matsatsi ana ha a a ngolwa kae kapa kae Testamenteng e Ntjha kapa ya Kgale.
Mokgwa o le mong oo batho ba bangodi ba neng ba o sebedisa nakong tsa Jesu
ho ka bontsha dilemo/dinako tsa kalendara, e ne e le ho bontsha ka ketsahalo
eitseng ya bohlokwa e ileng ya etsahala nakong eo.
Baroma ba ne ba bontsha kgafetsa hore ketsahalo eitseng e etsahetse nakong ya
qaleho ya Roma. Luka o ile a sebedisa mokgwa o jwalo wa tekanyetso wa ho
lekanya dilemo tseo Johanne Mokolobetsi a ileng a qala ho rera ka tsona: "Ka
selemo sa leshome le metso e mehlano sa Puso ya Sesare Tiberiase, ha Ponsi
Pilato a busa Judea, Heroda a busa Galelia, Filipi ngwanabo a busa naha ya Ituria
le Terakonike, Losaniase a busa Abilene, mehleng ya baprista ba baholo
Hannase le Kaiafa, Lentswe la Modimo la fihlela Johanne, mora Sakaria, a le
felleng." (Luka 3:1-2).
Kalendara ya sekreste e ile ya sebetswa ke moitlami Dennis e Monyane. O
phetse dilemo tse ka bang 500 kamora hoba Jesu a phele. O ile a bala dilemo a
di isa morao ho ya nakong ya tswalo ya Jesu.
67
Dilemo tse nang le diketsahalo tsa kamora tswalo ya Kreste a di bitsa ka Selatini
hore ke "Anno Domini." Di hlalosa hore ke "selemong sa Monghadi". Ka
Senyesemane ho ntse ho sebediswa kgutsufatso ena AD (bakeng sa Anno
Domini). Kahoo Dennis ka mohlala o re Johanne Mokolobetsi o ile a qala ho rera
ka selemo sa AD 27. Ka Sesotho re e ngola e le 27 K.K. e le kgutsofatso ya
(Kamora Kreste). Dilemo tsohle pele ho Kreste di ngolwa e le P.K. ka Sesotho ho
bolelang (Pele ho Kreste).
Ka mora ho tla ha Jesu ho ne ho se ho ntse ho balwa dilemo tsa diketsahalo tse
ileng tsa etsahala e sa le kgale pele ho tswalo ya Kreste. Ke hore mohlala ka
nako ya kgoleho ya Bajode e balwa tjena 587-538 P.K. - ho bolelwa hore Pele ho
tswalo ya Kreste. Palo e nyenyane e ngolwa qetellong, hobane kgoleho e fedile
Jesu a se a le haufi le ho tswalwa, ho ena le qaleho ya kgoleho kamoo e neng e
le kateng.
Ha re lekanyetsa dinako tseo Jesu a di phetseng ka mokgwa wa sejwalejwale ka
ensiklopedie, re bona ho eba tjena 5 P.K. ho fihlela 30 K.K. (kapa 6 P.K. ho fihlela
29 K.K). Ho a belaetsa. Lebaka ke hore Dennis ya monyenyane o bile a ba le
diphoso tsa dipalo ha a ne a etsa kalendara.
Ho ya ka kalendara ya rona, Heroda o ile a shwa selemong sa 4 P.K. E ne e le
morena Iseraele nakong ya tswalo ya Jesu. Ntlha entseng hore a bolaye bana
bohle ba bashanyana ba dilemo tse ka tlase ho tse pedi (Mattheu 2), ho bontsha
hore Jesu o ne a se a le dilemo tse pedi mohlomong ka nako eo. Re ka etsa
ketapele ya hore Jesu o ile a tswalwa selemong sa 5 kapa 6 P.K.
Dennis e Monyane o phetse dilemong tsa 500 ho fihlela 550 K.K. Ho ka boela ha
"toboketswa e le Mongwahakgolo wa botshelela." Qalehong ho ne ho ena le
pelaelo ka palo ena ya dilemo, empa ha motho o dutse o nahana hantle ke nnete
seo ho lekanyeditsweng ka sona. Mongwahakgolo ke 100 ya dilemo. Dilemo
tsohle ho tloha ho 1 ho fihlela ho 100 di wela mongwahakgolong wa pele. Dilemo
tsa 101 ho fihlela 200 di wela mongwahakgolong wa bobedi, jwalojwalo. Re phela
jwale mongwahakgolong wa bomashome a mabedi. Kamora selemo 2000, re tla
be re phela mongwahakgolong wa bomashome a mabedi le motso.
Kgutsufatso:
Selemo sa 1997 se hlalosa hore e se e ka ba dilemo tse 1997 kamora tswalo ya
Jesu. Ha o boela o ngola letsatsi la selemo, hopola hore Modimo o hape o ba tla
hore ka hoo "hopola ...... Ke kamoo ke ratileng lefatshe, mmoho le wena, hoo ke
ileng ka fana ka Mora wa ka a inotshi, hore bohle ba dumelang ho Yena, ba seke
ba timela, ba mpe ba be le bophelo bo safeleng."
( Karolwana ena e qotsitswe mme ya sebetswa ka thuso ya thupelo tsa Timothy
Training Institude: Phase A buka 5.)
68
1997
Mongwahakgolo o hlalosa hore e ka ba dilemo tse 1997
kamora tswalo ya Jesu. Ha o boela hape o ngola letsatsiselemong ka tsela e jwalo, hopola hore Modimo o batla ho
o bolella ka seo hore:
"Hopola .... kamoo ke ratileng lefatshe, mmoho le wena
kateng, hoo ke ileng ka fana ka Mora wa ka ya inotshi, hore
bohle ba dumelang ho Yena, ba seke ba timela, ba mpe ba
be le bophelo bo safeleng."
Mattheu 2:1
Johanne 3:16
69
7.2 Tlhaloso ya lesela le ileng la taboha ka lehare.
O se o ile wa ithuta ka tempele le moprista e moholo. Ke a kgolwa o ntse o
hopola hore ho ne ho ena le karolo tempeleng e neng e bitswa sehalaledisiso. E
ne e le yona feela karolo e halalelang ya tempele. E ne e le phaposi eo ho neng
ho bolokilwe areka ya selekane eo ho neng ho behilwe Melao e Shome ya
Morena (Phallo/Eksoda 25:10-22). E ne e le sesupo sa boteng ba Modimo.
Modimo o ne a le moo! Kapela Sehalaledisiso ho ne ho leketla lesela le boima.
Le ne le bitswa searodi (Eksoda 26:31-34). Ho ne ho se le a monga ya neng a le
belletswe ho kena kamora lesela leo, e ne e le feela moprista e moholo, le teng a
etsa jwalo hanngwe ka selemo, letsatsing le Leholo la Poelano. Moprista e
moholo o ne a kena a le mong a tshwere madi a mahlabelo a badilweng ka
Sehalaledisisong (Baheberu 9:7).
Bala:
*
Meetlo/Levitike 16 mme o tsepamise maikutlo temaneng ya 2, 6, 1415 le 34.
Modimo o ne a le ka Sehalaledisisong ka tsela eo, empa ho ne ho se le a mong
ya ka ikemisetsang ho kena ho Yena. Dibe tsa setjhaba di ne di entse karohano,
nqanngwe, kgaohano. Dibe tsa batho di ile tsa tlisa karohano pakeng tsa motho
le Modimo. Modimo ya halalelang le motho wa moetsadibe ba ke ke ba kopana
mmoho. Lesela le boima e ne e le sesupo sa karohano pakeng tsa motho le
Motho. Ka ho swabela mahlabelo ohle a neng a tliswa ka mengwahakgolo e
mengata e fetileng, le sela la tempele le ne le ntse le leketla. Karohano e ne e
ntse e le teng.
Ho ne ho ntse ho le jwalo ho fihlela Jesu a eshwa. Yaba lesela le leketlileng le
taboha ka lehare ho tloha hodimo ho ya tswa tlase - ka lehare!
Bala:
*
Mattheu 27:50-51
Ho bohlokwa hore nna le wena re utlwisise hore ke ka baka lang Modimo a ileng a
etsa jwalo, hobane e ne e se ka kotsi ho etsahetseng hoo. Ha Jesu a eshwa,
Modimo o ile wa tabola searodi (lesela la tempele)!
70
Mattheu 27:50-51
"Jesu o ile a hweletsa haholo mme yaba ho tswa modumo wa
moya la ho qetela. Ka nako eo ke ha lesela la tempele le taboha ho
qala hodimo ho ya tswa tlase bohareng ba lona."
Ho na le mabaka a mabedi hore hobaneng Modimo a ile a etsa hoo.
71
O Modimo o re: Tlohelang mahlabelo, ha ho sa hlokahala hore a etswe!
Dilemo tse ngata tse fetileng ho bile le dinkgo tse dikete tsa madi tse ileng tsa
phalla tempeleng. Ha ho ne ho etswa mahlabelo a ditjheso le mahlabelo a dibe,
mahlabelo a melato le mahlabelo a poelano le mahlabelo a teboho.
A mang a ne a etswa letsatsi le letsatsi, a mang ka sabatha e nngwe le e nngwe a
mang selemo le selemo nakong ya mekete. Hang ka selemo, letsatsing la
poelano e Kgolo, moprista e Moholo o ne a etla ka madi a badilweng kamora
lesela la tempele, Mahlabelo ana a ne a phetaphetwa, hobane ka mokgwa ona a
ne a sa tlise poelano e phethahetseng ya dibe tsa batho/setjhaba.
Bala:
*
*
Baheberu 9:7-10
Baheberu 10:1-4 le temana 11
Ho Baheberu 9:22 re bala hona: "Ho ya ka Molao e batla e le tsohle tse
hlwekiswang ka madi, mme dibe di ke ke tsa tshwarelwa ha madi a sa tsholohe."
Leha ho le jwalo madi a diphoofolo a ne a ke ke a tlisa poelano le Modimo.
Kahoo Jesu o ile a tla. Ha a ka a sa tlisa hape mahlabelo a diphoofolo le
mahlabelo a peo. O ne a utlwa Modimo mme a etsa sehlabelo ka mmele wa hae.
"Ka bona Modimo o fedisa bosebeletsi ba pele, hore a hlome bo botjha"
(Baheberu 10:9). Sehlabelo se setjha se ne se tliswa hang feela - bakeng sa
nako tsohle. Sehlabelo sena ha se a lokela ho tswana le sa diphoofolo ka ho
phetwa, hobane sehlabelo seo, ke mmele wa Jesu, o tlisitseng poelano le ho tlosa
dibe.
Bala:
*
*
Baheberu 9:11-14 le 23-28
Baheberu 10:5-10
Kahoo lesela la tempele (searodi) la taboha. Ha ho sa hlokahala, hobane Jesu o
ile a etsa poelano ya makgaolakgang pakeng tsa Modimo o Halalelang le
baetsadibe. Kamora thakgiso ya Jesu sefapanong, ha ho sa le mahlabelo a
diphoofolo kapa a peo a ntseng a hlokahala! Sehlabelo seo e leng Jesu se tlisitse
pheletso ya phula ya madi a neng a phalla tempeleng.
Bala:
*
Mosebetsi:
Baheberu 10:11-18
O ka boela wa tadima thuto 10 ya tataiso ka thutabodumedi ya
polasi. O se o ithutile a ke re moo: Ha o sa lokela ho hlahisa
mahlabelo a mang bakeng sa dibe tsa hao.
72
Mahlabelo a diphoofolo a ke ke a tlisa poelano le Modimo. Kahoo
Jesu o tlile mme a etsa sehlabelo bakeng sa seo. A nehelana ka
mmele wa hae. E ne e le ha dibe di ne di tloswa hohang mme ke
kahoo Modimo a reng ho wena: Tlohela mahlabelo, ha a sa
hlokahala.
Baheberu 10:9-10
73
O Modimo o re: Kena!
Mosebetsi:
A ko itshwantshe le mosebeletsi wa polasi e kgolohadi. O ne o tla
ikutlwa jwang e re ha o batla ho bua le rapolasi, mme e re ha o
fihla kantorong ya hae, monyako wa hae o tshwana le oo o
setshwantshong sa pele. O ka reng ka motsamaisi ya jwalo?
A ko tadime monyako wa bobedi setshwantshong. O tla ikutlwa
jwang e re ha o fihla kantorong ya hae mme o bona lemati, le ena
le mongolo ona: "O amohetswe, kena" mme le bile le butswe?
O ka reng ka motsamaisi ya jwalo?
Lemati le leng le le leng le ngotswe molaetsa. Le bolela ho hong ka motsamaisi le
ka wena. Monyako wa pele o re motsamaisi o bohlokwa mme wena ha ho jwalo,
kahoo le ke ke la kopana mmoho. Monyako wa bobedi o re: O tshwana le
motsamaisi ho nna ka bohlokwa mme ke lakatsa ha o ne o ka tla ho nna, mang
kapa mang o amohetswe.
Lesela la tempele e hlile e ne e ka lemati/monyako. Pele le ne le kwetswe mme le
ena le molaetsa wa hore Modimo o a halalela mme motho ke moetsadibe - kahoo
ba ke ke ba kopana mmoho. Ya neng a ka kena, o ne a tla shwa. Ka lefu la Jesu
Modimo o ile a tlosa dibe ka bo yena. Kahoo a tabola lesela la tempele. Jwale
monyako o butswe, mme kahoo Modimo o re o lakatsa ha le wena o ka tla ho
Yena, le ha ekaba mang.
Ka Jesu Kreste Modimo o re ho wena: O amohetswe, kena! Mme ka Jesu o na
le tokelo ya ho ya ho Modimo. Ke tokelo e fe e kgolo? Ha ho sa na tekanyetso ya
puisano e le nngwe ka selemo kapa hanngwe ka beke. O na le bolokolohi ba ho
kena, nakong eo o batlang ka yona oo ka ya ho Modimo.
Bala: * Baheberu 10:19-23
O se o ena le bolokolohi ba ho kena ho Modimo. Ha ho sa hlokahala hore o kene
ka mahlabelo, eseng ka boemedi ba morupelli wa hao kapa moruti, e seng ka
Maria (mmaJesu), e seng ka badimo ba hao kapa leha e ka ba ka mang feela. O
le mong ka madi a Jesu a ileng a o lokolla ho fihlela kgalalelong, ee, ho fihlela ho
Modimo ka boyena! Ha hoo bokwe Morena!
74
.
Hobane Kreste a ile a shwa mme a lefa melato ya dibe tsohle tsa
hao, monyako wa ho ya ho Modimo o buletswe wena, mme o re:
Kena!
Baheberu 10:19-20
Haeba o eso pholoswe, bala Baheberu 4:15-16. Sebedisa jwale monyetla oo o
nang le oona ho ya ho Modimo.
Thutong e tla latela re tla ho leqephe le hlwekileng. Jwale o tla ithuta hore, ha o
dumela ho Jesu, mme haeba o kena ka monyako o butsweng, o tla ba le bonnete
ba hore o pholositswe.
75
KAROLO 8 (20 metsotso)
TEKO
Kajeno re tla etsa teko ka mokgwa o fapaneng leo oo re o tlwaetseng.
Mosebetsi:
1. Moithuti e mong le e mong a ke a nahane ka seo a ileng a
ithuta sona lekgetlo la pele mme a bile a fumana se le
bohlokwa.
2. Hobaneng seo se le bohlokwa hakaalo ho wena?
3. A ko ngole potso eo o ileng wa kopana le yona ho ketapele?
4. Arohanang jwale ka dihlotswana - e seng ho feta 4
sehlopheng. Moithuti e mong le e mong jwale o na le sebaka
sa ho botsa potso ya hae ho moetapele wa sehlopha. Ba
seke ba botsa dipotso tse boima. Botsa ka seo o se
fumaneng kajeno.
5. Ha le se le qetile, kopa a le mong wa baithuti dihlotshwaneng
tseo hore a etse thapelo e kgutshwanyane ya teboho ho
bohle ba neng ba ithuta kajeno.
76
KAROLO 9 (5 metsotso)
MOSEBETSI WA LAPENG
Mosebetsi 1:
Ha ekaba le ena le motjhini wa video le filimi ya Jesu ho fihlela kamoo le
hlophisitseng, le ka hlophisa le le sehlopha sa baithuti hore le ye ho e bontsha ba
bang. E be boiteko ba baithuti mme le kope morupelli le baetapele ba bang ba
kereke/badumedi ho le thusa. Le se ke la leka ho iketsetsa feela ntho ena le le
bang.
*
*
*
*
*
Ha e mong a hlophise sebaka.
Ha e mong a fane ka boleng ba setshwantsho seo ho batho.
Ha e mong ya ikarabellang a sebetse ho bontsha setshwantsho.
Hopolang ba mmalwa ba lona ho ba nang le tumelo e tiileng kamora nako ba
ba be le ho ka thusa batho bao ba ka batlang ho amohela Jesu jwaleka
Molopolli wa bona. Ho ka ba molemo ha sehlopha se ka ba le dihlophiso tsa
Bukana e Senang Mantswe ho ka di fa batho bao ba sokolohileng.
Hopola hape ho ngola mabitso a batho ba sokolohileng, hore le tle le ba thuse
ho tswelapele ho fihlela moya wa kgolo ya boKreste o ananelwa.
Haeba le ikutlwa le sena bonnete, le ka qala ka ditokisetso tse hlokahalang. E tla
re kamora dibuka tse latelang kapa tse pedi tseo le tla di etsa, le ka ya bontsha
filimi. Bukeng e latelang o tla ithuta hore ho hlalosang ka ho amohela Jesu le
hore o ka ho etsa jwang. O tla ithuta hantle hore tshokoloho e bolelang le hore
motho a ka ba le bonnete bo nepahetseng jwang hore o pholositswe.
TSEBISO HO MORUPELLI: Ke wena ya tsebang baithuti hantle. Haeba o
belaela o ka ema ho fihlela buka e latelang pele ba ka ya bontsha filimi ho batho
ba bang, ba ka mpa ba etsa qeto feela ya hore ba tla bontsha ba bang filimi ha ba
ba batla. Bitsa ba bang ba baithuti hore ba hle ba qale ho rapella monyetla oo
hanghang.
77
Mosebetsi 2
Tsamaya o rute Luka 19:10 ho bana ba hao, ditloholwana kapa leha e ka ba bana
ba polasi ya heno.
Mosebetsi 3
O tshwanela ho ya ho e mong eo e soka e eba ngwana wa Modimo, mme o
mmolelle ka Mabitso a Jesu hore a hlalosang, kahoo a tle a ithute ho tseba Jesu
mme e tle e be mokreste.
Mosebetsi 4
Itokisetse thuto ya 14 ho tataiso ka thutabodumedi ya polasi. E hlalosa ka
leqephe le lefubedu le le hlwekileng la Bukana e Senang Mantswe.
Mosebetsi 5
Ithute Bukana e Senang Mantswe kgafetsa hore o tle o tsebe ho ka arolelana le
ba bang habonolo ka hlaloso.
78
HO BOHLOKWA
Haeba le ile la adima filimi ya Jesu ho Amos, re kopa hore o e romelle morao
ho:
Amos Agrimin
Posbus 17270
Bain’sVlei
9338
79