Publicaziuns dalla vischnaunca, jamna 11
Lubientscha da baghegiar
L’instanza da baghegiar ha concediu suandonta lubientscha da baghegiar:
2014-1001.000
Janine Linse, Via Denterpraus 5, 7186 Segnas; midada
d’intent, construcziun d’in fuorn, parcella 2305, Vi Denterpraus 5, 7186 Segnas
Disentis/Mustér, ils 10 da mars 2014
Uffeci da baghegiar Disentis/Mustér
Administraziun communala
Sur S. Giusep ei l’administraziun communala serrada
naven da mardis, ils 18 da mars 2014, allas 17.00 entochen
gievgia, ils 20 da mars 2014 allas 9.00.
Administraziun communala Disentis/Mustér
Fiera tessinesa
Dumengia, ils 16 da mars 2014 e silsuenter mintga dumengia entochen ils 30 da mars 2014 ha
liug ina fiera tessinesa. Ils stans vegnan endrizzai sin il parcadi ad Acla da Fontauna denter la Via
Alpsu e la Via Acletta. La fiera ha liug mintgamai naven dallas 11.00 entochen allas 20.00.
Administraziun communala
Parcadi sutterran Casa Sogn Gions
Affittaziun
En connex cun l’engrondaziun dalla Casa da tgira Sursassiala ha la vischnaunca acquistau 13 parcadis sutterrans. Quels parcadis ein destinai sco parcadis permanents che san vegnir affittai
d’interessents che vulan plazzar permanentamein leu lur vehichels. Engins parcadis ein aunc libers e
san vegnir affittai naven d’immediat. La suprastonza communala ha fixau il tscheins meinsil
d’affittaziun a frs. 140.– per parcadi. Interessents che giavischen d’affittar in parcadi sutterran a Sogn
Gions ein envidai d’annunziar lur interess a scret agl uffeci da baghegiar, caum postal 57, 7180 Disentis/ Mustér ni per e-mail: [email protected].
Suprastonza communala Disentis/Mustér
Controlla da habitonts
Naschientscha
Nikolas Ardes, naschius ils 26 da fevrer 2014, fegl da Mihaela e Gheorghe Ovidiu Ardes-Stef.
Dis dallas portas aviartas
Geniturs ed autras persunas interessadas vid la scola han la pusseivladad da visitar lur affons duront
l’instrucziun e quei sco suonda:
Publicaziuns ufficialas
Mesjamna, ils 26 da mars 2014 (7.45–11.10)
Gievgia, ils 27 da mars 2014 (7.45–16.10)
Venderdis, ils 28 da mars 2014 (7.45–16.10)
Per evitar malruaus giavischein nus da visitar l’entira lecziun. Ils affons e las persunas d’instrucziun
selegran da Vossa viseta.
Kai Hinrichsen, meinascola
Uniun da dunnas Mustér
Mummas cun affons pigns
Fiera da resti d’affons cun stiva da caffè
Nus prendein encunter bien, schuber ed entir resti da stad e d’unviern tochen grondezia 176, termagls, calzers, sezs d’autos e da meisa, crotschas, velos e.a.v.
Dunnas che drovan ina nova numra, ni han damondas san prender si contact cun Susanne Strupler
tel. 081 936 43 14.
Dar giu resti:
Venderdis, ils 21 da mars 2014 dallas 16.30 entochen allas 17.00.
Adatg: mintga grondezia da resti seperà en ina tastga
Vendita:
Venderdis, ils 21 da mars 2014 dallas 19.00 entochen allas 21.00. Sonda, ils 22 da mars 2014 dallas
9.00 entochen allas 10.30.
Retuorn dil resti buca vendiu (minus 20%):
Il resti vegn returnaus e pagaus, sonda, ils 22 da mars 2014 allas 12.30 entochen allas 12.45. Per
uorden che maunca surprendin nus negina responsabladad.
Kinderkleiderbörse mit Kaffeestube
Wir nehmen gut erhaltene, saubere und ganze Sommer sowie Winterkleider bis Grösse 176 entgegen
sowie Spielsachen, Schuhe, Auto- und Tischsitze, Kinderwagen, Velos usw.
Frauen, die eine Nummer brauchen oder Fragen haben, können mit Susanne Strupler, Telefon 081
936 43 14, Kontakt aufnehmen.
Annahme:
Freitag, 21. März 2014, von 16.30 bis 17.00 Uhr in der Turnhalle Cons, Disentis
Achtung: Jede Kleidergrösse separat in eine Tasche
Verkauf:
Freitag, 21. März 2014, von 19.00 bis 21.00 Uhr
Samstag, 22. März 2014, von 9.00 bis 10.30 Uhr in der Turnhalle Cons, Disentis
Auszahlung (abzüglich 20%) und Rückgabe:
Samstag, 22. März 2014, von 12.30 bis 12.45 Uhr
Für fehlende Sachen übernehmen wir keine Haftung.
Mummas cun affons pigns
Publicaziuns ufficialas
Jamna 11
6
Publicaziuns ufficialas
Uniun da dunnas
L’oraziun mundiala vegn integrada ella messa dalla dumengia, ils 16 da mars 2014 allas 9.30 en
baselgia a s. Gions Mustér.
Uniun da gimnastica umens Mustér UGM
Invit alla radunonza generala, venderdis, ils 14 da mars 2014 allas 19.30 en l’ustria Fravia a Disla.
Suenter la radunonza vegn offeriu l’usitada tscheina.
Cordialmein envida
la suprastonza
Uniun da dunnas Mustér
Invit alla radunonza generala, mesjamna, ils 26-3-2014
allas 19.30 ell’ustria Cruna, Mustér.
Salid e beinvegni.
Tractandas:
1. Elecziun da dumbravuschs
2. Approbaziun dil protocol dils 8-3-2013
3. a. Rapport annual
b. Rapport dalla sut-gruppa mummas cun affons pigns
4. Rendaquen, rapport dallas revisuras ed approbaziun
5. a. Program annual
b. Program annual sut-gruppa mummas cun affons pigns
6. Fixar la contribuziun annuala
7. Elecziuns
8. Co vinavon cun nossa uniun?
9. Varia
Sco usitau vegn purschiu ina pintga tscheina. Naven dallas 19.00 sa vegnir priu investa dil protocol
dalla davosa radunonza generala. Selegrond sin ina stedia participaziun salida cordialmein. En num
dalla suprastonza la presidenta, Fabiana Candinas
Contribuziun annuala: Frs. 20.– (in ton va era alla sutgruppa mummas cun affons pigns)
Contribuziun s. Elisabeth: libra.
Uniun samaritana Mustér
Cuors: Agid d’urgenza tier affons pigns (Notfälle bei Kleinkindern), sonda, ils 5 d’avrel 2014, 8.00–
12.00, 14.00–18.00. Il cuors sedrezza a mummas e babs, tattas e tats ed a tut las persunas che
s’occupeschan dad affons pli pigns ed era pli gronds.
Ulteriur sclariment ed annunzias entochen ils 26 da mars 2014 tier Yvonne Flepp, Telefon 081 947 50
35, [email protected]
Oz en biblioteca!
Praulas e historias cun Mats, la miur
Has ti gust da vegnir cun tia mumma ni cun in’autra persuna d’accumpignament en biblioteca e tedlar praulas
ni historias? Mats, la miur e nus dalla biblioteca raquintein a ti ina praula ord in cudisch da nossa valischa da
surpresas e quei mintga gada il secund venderdis dil meins dallas 14.30 entochen ca. allas 15.30.
Nus selegrein zun fetg sin tei …
Tgisà, forsa anflein nus mintgaton aunc enzatgei auter che mo cudischs en nossa valischa da surpresas!
Publicaziuns ufficialas
Jamna 11
6
Publicaziuns ufficialas
Cun ils pli cars salids e sin seveser tochen gleiti.
Mats, la miur ed il team dalla biblioteca populara
Disentis/Mustér e contuorn
Termins: 8 da november, 13 da december 2013, 10 da schaner, 14 da fevrer, 14 da mars, 11 d’avrel, 9 da matg
ed ils 13 da zercladur 2014
Publicaziuns ufficialas
Jamna 11
6