Cronica 2013
12 da schaner
SwissAward
A Turitg vegn surdà a chaschun d’ina gala per l’indeschavla giada il
«SwissAward» - e quai en set categorias (politica, economia, cultura,
show, sport, societad e durada da vita). Il passlunghist Dario Cologna
vegn elegì sco «Svizzer da l’onn 2012».
24 fin 31 da schaner
Dis da film da Soloturn
Per la 48avla giada vegnan realisads la quarta emna da schaner ils
Dis da film da Soloturn. Ils dus premis principals – il «Prix de Soleure»
ed il «Prix du public» - vegnan attribuids tuts dus a films ch’èn vegnids
fatgs en coproducziun cun la SSR: «Der Imker» da Mano Khalil e
«More than Honey» da Markus Imhoof. La SSR sustegna ils Dis da
film da Soloturn dapi blers onns.
25 da schaner
Novs accents en la promoziun dal film
La SSR preschenta a chaschun dals Dis da film da Soloturn las
novaziuns las pli impurtantas dal Pacte de l’audiovisuel 2012-2015.
Cun l’emprima promoziun da projects da multimedia e cun il nov
instrument da promoziun «Succès artistique» metta la SSR ulteriurs
accents e punctuescha ses engaschament per il film svizzer. La SSR
sustegna la cinematografia svizra independenta en il rom dal Pacte de
l’audiovisuel mintg’onn cun 22,3 milliuns francs.
8 fin 24 da favrer
50 onns Televisiun Rumantscha
Ils 17 da favrer 1963 emetta la televisiun svizra l’emprima emissiun
rumantscha «Balcun tort» : cun maletgs sblatgids ed in cuntegn
unilateral. Quai tenor il giudicat critic da las gasettas rumantschas da
quella giada. Dapi 1963 èn las emissiuns sa sviluppadas e cun ellas
er las opiniuns. 50 onns Televisiun Rumantscha : RTR festagia ses
anniversari cun 50 istorgias enturn il giubileum en il Radio
Rumantsch, la Televisiun Rumantscha ed online sin www.rtr.ch.
28 da favrer
Prolungaziun dal partenadi cun la SSF
La SSR prolunghescha la cooperaziun cun la televisiun da scenas da
sport (SSF) per ulteriurs quatter onns. Ina situaziun da win-win, cun in
gudogn per ils aspectaturs da tuttas duas televisiuns.
5 da mars
RTS+, la nova purschida interactiva da Smart-TV
Radio Télévision Suisse lantschescha RTS+, la nova purschida
interactiva da la televisiun (HbbTV). Igl è l’emprima offerta da quel
gener en Svizra. RTS+ è ina spezia da teletext da multimedia e
furnescha infurmaziuns supplementaras d’in program current. En pli
po il public prender part activamain a l’acziun, per exempel cun
televoting.
18 da mars
Prolungaziun da la collavuraziun cun Athletissima
La SSR sco Host-Broadcaster e l’Athletissima Lausanne
prolungheschan lur partenadi lung e prosperaivel per ulteriurs quatter
onns fin 2016.
21 da mars
Barat da la Tagesschau
Per ina giada beneventa ina nova fatscha las aspectaturas ed ils
aspectaturs da la Tagesschau a las 19.30 uras: Olivier Dominik da
Radio Télévision Suisse (RTS) moderescha l’emissiun da novitads da
la Svizra tudestga ed Urs Gredig dal radio e la televisiun svizra (SRF)
è il moderatur da «Le Journal» en la Svizra franzosa. Er las
redacziuns da las emissiuns da novitads da RTS ed SRF barattan lur
lieu da lavur per quel di.
23 da mars
Surdada dal Premi da film svizzer
Il Premi da film svizzer vegn assegnà a cineasts svizzers en diesch
categorias e realisà per l’emprima giada a chaschun d’ina sairada da
gala organisada da la SSR en il Bâtiment des Forces Motrices a
Genevra. Sco meglier film dramatic vegn undrà il film «Sister» dad
Ursula Meier. Markus Imhoof survegn cun «More than Hone» y il
premi per il meglier film documentar.
8 d’avrigl
Bun curs da la SSR malgrà in deficit
Malgrà l’onn da sport custaivel cun ils gieus olimpics e la maestranza
europeica da ballape ha cuntanschì la SSR in resultat da gestiun
2
equilibrà – ina nulla naira. Pervi d’in effect spezial unic serra il quint
2012 tuttina cun in deficit : la SSR ha anticipà per in onn
amortisaziuns da 160 milliuns francs per modernisar la cassa da
pensiun prevesidas uriundamain per 2013. Quai pussibilitescha da
sbassar il tschains tecnic gia a partir dal 2014 e la midada al primat da
contribuziun actual.
11 d’avrigl
Segirà dretgs da transmissiun dals gieus da ballape als champiunadis
mundial ed europeic
La European Broadcasting Union (EBU) garantescha ad ina gruppa
da 30 commembers medis e pitschens ils dretgs da transmissiun da
tut ils gieus da ballape da qualificaziun ils onns 2014 fin 2017. Uschè
pon rapportar ils programs da radio e televisiun e portals online da la
SSR exclusivamain dals gieus da qualificaziun da l’equipa naziunala
svizra da ballape per la Uefa Euro 2016 e la Fifa WM 2018.
16 d’avrigl
Prolungà collavuraziun per la Tour de Suisse
La SSR e la IMG (Svizra) prolungheschan lur lunga collavuraziun da
success a la Tour de Suisse fin 2014.
19 fin 26 d’avrigl
Visions du Réel
Per la 19avla giada ha lieu a Nyon il Festival da film «Visions du
Réel». La SSR sustegna il festival da films documentars gia blers
onns.
10 fin 12 da matg
Dis da litteratura da Soloturn
La SSR sustegna per la sisavla giada ils Dis da litteratura da Soloturn
cun in partenadi da medias.
14 da matg
Prolungà partenadi per la cursa Moto-Grand-Prix
La SSR e la Dorna Sports S.L., possessura dals dretgs da la MotoGrand-Prix, prolungheschan lur partenadi da contract per ulteriurs trais
onns fin 2016.
19 da matg
Eurovision
A Malmö ha lieu per la 58avla giada il final dal «Eurovision Song
Contest». Quai dentant senza la participaziun da la Svizra : «Takasa»
han stuì bandunar la concurrenza gia en il semifinal. La Svizra è in
3
dals commembers da fundaziun dal «Concours Eurovision de la
Chanson», sco che l’emissiun sa numnava l’emprim..
10 fin 14 da zercladur
Allegra Rumantschs
Suenter «Chez les Welsch» 2011 e «Buongiorno Svizzera» 2012
cumplettescha il radio SRF 3 la trilogia cun «Allegra Rumantschs».
Durant in’emna rapporta SRF 3 da la part rumantscha da la Svizra e
dat invista en la quarta regiun linguistica.
24 da zercladur
Segunda mesadad da la seria CINEMAsuisse
Suenter che la SSR ha preschentà 2012 ils gronds reschissurs dal nov
film svizzer, mussa ella la stad 2013 diesch purtrets da
l’uschenumnada generaziun giuvna. Las emissiuns vegnan
transmessas da SRF, RTS,RSI e RTR.
1. d’avust
Festa naziunala da Campo Blenio
Tenor il motto «150 onns Club alpin svizzer» festagia la SSR il di
naziunal 2013. Clarissa Tami (RSI), Maria Victoria Haas (RTR), Jean
Marc Richard (RTS) e Sven Epiney (SRF) preschentan mintgin sia
regiun a l’emissiun directa dal Tessin.
7 fin 17 d’avust
Festival del film Locarno
En il decurs da sia istorgia da 66 onns ha conquistà il «Festival del film
Locarno» ina posiziun centrala en il mund cinematografic. Mintga
avust sa chattan passa 160 000 persunas interessadas al film, 3000
represchentants da la branscha e 900 collavuraturs da las medias. La
SSR fa part dal festival en il rom d’in partenadi general.
30 d’avust fin 1. da settember
Festa federala da lutga e da gieus alpesters
En ses programs da radio e televisiun rapporta la SSR extendidamain
da la festa federala da lutga e da gieus alpesters a Burgdorf. Latiers
tutgan emissiuns directas, giasts interessants, discussiuns animadas,
rapports extendids ed infurmaziuns actualas davart ils lutgaders.
30 d’avust
SSR venda WRS
Il radio da lingua englaisa World Radio Switzerland (WRS) a Genevra
va da mesanotg en mauns privats. El vegn surpiglià da la Anglo Media
SA.
4
3 fin 8 da settember
Fantoche
Il festival internaziunal per films d’animaziun Fantoche a Baden è la
preschentaziun da films da dissegns animads la pli gronda en Svizra.
La SSR sa participescha al festival en il rom d’in partenadi general.
4 da settember
Nova marca per swissinfo.ch
La tschintgavla unitad d’interpresa da la SSR Swissinfo survegn la
scursanida SWI e la noziun da marca «SWI swissinfo.ch». Cunquai
vegn integrada la plattafurma d’infurmaziun visualmain en la marca
tetgala da la SSR (branded family). L’uschenumnà rebranding stat en
connex cun la nova orientaziun strategica da swissinfo.ch, cun
in’offerta publicistica che sa drizza pli e pli ad in public internaziunal.
2 fin 6 d’october
Shnit
La SSR sustegna nov il festival internaziunal da films curts «Shnit».
Shnit sa vesa sco plattafurma internaziunala per cineasts, auturs da
scenaris, producents e persunas intgantadas dal film ed ha lieu
mintg’onn a medem temp sin tschintg continents.
11 d’october
Midada da sistem
Ils segirads da la cassa da pensiun SSR (PKS) acceptan la midada
dal primat da prestaziun al primat da contribuziun pel 1. da schaner
2014 cleramain en ina votaziun primara: cun 65 pertschient gea cunter
35 pertschient na.
25 d’october
Prolungaziun dal contract cun Swiss Indoors Basel
La SSR ed ils «Swiss Indoors Basel» cuntinuan cun lur partenadi da
success. Il contract vegn prolungà anticipadamain fin 2018. La
cunvegna reglescha ils dretgs da diever dals emetturs da televisiun e
da radio e da plattafurmas da multimedia da la SSR. Vitiers vegn la
producziun dal signal da televisiun internaziunal.
31 d’october
Nova referenta da medias per la SSR
Tanja Hackenbruch surpiglia la plazza da referenta da medias tar la
direcziun generala da la SSR a Berna. Ella succeda a Markus Jedele
che va en pensiun.
5
31 d’october fin 7 da november
Festival Tous Ecrans
Kino, televisiun, telefon mobil u internet : la 19avla ediziun dal festival
da films Tous Ecrans è ina festa dal maletg animà e da la varietad.
Mussads vegnan passa 80 films da different gener. La SSR sustegna
il festival dapi blers onns.
1.da november
30 onns radio SRF 3
Il 1. da november 1983 ha transmess il radio SRF 3, da quellas uras
anc DRS 3, sia emprima emissiun. Entant è il radio SRF 3 cun passa
1,3 miu. audituras ed auditurs e passa 80 000 fans sin Facebook
l’emettur da rock principal en Svizra ed er il program da radio da
news-media il pli ferm.
3 fin 30 da november
Ils Svizzers
Cun il mais tematic «Ils Svizzers – Les Suisses – Gli Svizzeri – Ils
Svizzers» vul intimar la SSR il public da sa fatschentar cun l’atgna
istorgia. L’accent vegn mess al medem mument en tut las medias da
SSR (radio, televisiun ed internet) ed en tuttas quatter regiuns
linguisticas – cun bleras e differentas emissiuns e formats. Las pitgas
dal mais tematic èn quatter films documentars fictivs sur da
persunalitads extraordinarias da l’istorgia svizra.
5 fin 10 da november
Dis dal film curt a Winterthur
Ils dis dal film curt a Winterthur, sustegnids dapi onns da la SSR, han
lieu per la 17avla giada. Il festival da films curts è cun passa 50 000
giasts il pli impurtant da ses gener en Svizra.
7 da november
Augmentà la vegliadetgna da pensiun
Il cussegl d’administraziun da la SSR decida d’augmentar la
vegliadetgna da pensiun ordinaria da 62 a 65 onns. En consentiment
vicendaivel èsi pussaivel da lavurar vinavant fin 70. La midada va en
vigur il 1. da schaner 2015.
12 da november
Istorgia svizra en ina nova dimensiun
Cun in cudesch da video metta la SSR il mais tematic «Ils Svizzers»
sin il tablet e pussibilitescha a las utilisadras ed als utilisaders da far in
viadi d’exploraziun persunal en il passà.
6
21 da november
Segirà ils dretgs da transmissiun da la furmla 1
La SSR e la Formula One World Championship Ltd. prolungheschan
il contract davart ils dretgs da medias per ulteriurs trais onns. Fin dal
2016 po il public da la SSR giudair vinavant emissiuns directas da las
cursas d’automobil las pli impurtantas.
4 da december
Partenza da SRF+
SRF lantschescha l’offerta da Smart TV «SRF+». Quella sa basa sin
HbbTV (hybrid broadcast TV) e pussibilitescha da retschaiver
directamain a la televisiun cuntegns da multimedia or da l’internet.
9 da december
Nov manader planisaziun e process
Maurus Dosch mida l‘avrigl 2014 da Radiotelevisiun Svizra
Rumantscha (RTR) a la direcziun generala da la SSR a Berna. El
daventa manader dal sectur «planisaziun e process» e referent per il
directur general Roger de Weck.
13 da december
Nov directur RSI
Il cussegl d’administraziun da la SSR elegia al tessinais da 57 onns
Maurizio Canetta sco directur da Radiotelevisione svizzera (RSI). La
nominaziun ha lieu sin proposta da la societad da la SSR per la Svizra
taliana Corsi (Società cooperativa per la Radiotelevisione di lingua
italiana).
15 da december
Credit Suisse Sport Awards
Il passlunghist Dario Cologna e la gimnasta Giulia Steingruber èn ils
victurs dals «Credit Suisse Sports Awards 2013». Dapi 1997
organisescha la Credit Suisse ensemen cun l’uniun da schurnalists da
sport svizzers e la SSR in’occurrenza da gala che vegn transmessa
directamain.
16 da december
Nov directur finanzas e controlling SSR
Il cussegl d’administraziun ha elegì a Beat Grossenbacher sco nov
directur da finanzas e controlling. El è stà chef da finanzas (CFO) e
commember da la direcziun dal concern da la SA BKW Energie. Beat
Grossenbacher ch’ha 53 onns succeda a Daniel Jorio che va en
pensiun.
7
16 fin 20 da december
Acziun «Jeder Rappen zählt»
Ensemen cun la chadaina da la fortuna realisescha la Radiotelevisiun
Svizra (SRF) per la tschintgavla giada l’acziun da collecta «Jeder
Rappen zählt». Rimnà vegni per uffants che vivan en slums. RTS sa
participescha il 1. da december cun in di d’acziun.
.
8