Il parlament regiunal dalla Regiun Surselva relai sin fundament digl art. 3, al. 4 lit. c) dils
statuts dalla Corporaziun regiunala Regiun Surselva e dalla basa legala surordinada il sequent
Reglament pil center da formaziun Surselva (CFS)
I
En general
Art. 1
1 Quei
reglament vala pil Center da formaziun Surselva, numnaus sequentamein
CFS. El ha per mira da reunir las scolas dil scalem secundar 2 sil plaz da Glion.
2 Quei reglament regla l’organisaziun e la direcziun, las cumpetenzas dils organs,
l’elecziun dallas collaboraturas e dils collaboraturs, las conferenzas da scolasts, il
fatg d’absenzas, ils congedis e la responsabladad disciplinara dallas scolaras e
dils scolars resp. dallas clientas e dils clients da terapia, la finanziaziun e la protecziun legala.
Art. 2
1 Il
CFS ademplescha l’incumbensa da formaziun tenor la legislaziun federala e
cantunala.
2 Il CFS meina las sequentas partiziuns cun las divisiuns respectivas: Scola mercantila Surselva, scola professiunala Surselva, scola vinavon, scola da musica
Surselva, logopedia e pedagogia speciala.
3 Il CFS sa surprender ulteriuras scolas ni instituziuns d’instrucziun.
Art. 3
La corporaziun regiunala Regiun Surselva ei purtadra dil CFS.
II
Suprastonza regiunala
Art. 4
La suprastonza regiunala ei igl organ directiv strategic dil CFS. Alla suprastonza
regiunala cumpetan las sequentas obligaziuns e cumpetenzas:
a) Deliberar il preventiv, il quen annual ed il rapport annual per mauns dil parlament regiunal;
b) Eleger e relaschar la menadra ni il menader dil CFS da scola e las menadras
da partiziun ni ils menaders da partiziun;
c) Relaschar in reglament d’engaschament per las collaboraturas ed ils collaboraturs dil CFS;
d) Fixar eventuals daners da scola e da cuors.
Art. 5
1 La
suprastonza regiunala sa delegar incumbensas e cumpetenzas specialas a
cumissiuns dil fatg, a giuntas, alla scheffa dil departament ni al schef dil departament, alla meinafatschenta ni al meinafatschenta, alla menadra dil CFS ni
al menader dil CFS, allas menadras da partiziun ni als menaders da partiziun ni
ad auters gremis.
reglament pil CFS
Pagina 1/7
November 2009
2 Ella
III
formulescha per las incumbensas delegadas ina incarica a scret.
Scheffa dil departament ni schef dil departament
Art. 6
Alla scheffa dil departament ni al schef dil departament cumpetan las sequentas
obligaziuns e cumpetenzas:
a)
b)
c)
d)
e)
f)
g
IV
Responsabladad generala pil management da qualitad/controlling;
Survigilar il sistem da qualitad, il giudicament dalla prestaziun dalla direcziun
dil CFS e davart il menaschi regular dil CFS;
Eleger e relaschar las persunas d’instrucziun e da terapia cun pensums da pli
che 12 lecziuns per jamna en collaboraziun cun la menadra dil CFS ni il menader dil CFS e cun la menadra da partiziun respectiva ni il menader da
partiziun respectiv;
Approbar ils plans da scola;
Approbar il plan da plazzas;
Instanza da recuors en cass d’exclusiuns da scolaras e scolars dil CFS;
Installar cumissiuns dil fatg ed eleger las commembras ni ils commembers da
quellas el rom dil preventiv.
Direcziun dil CFS
Art. 7
La direcziun dil CFS secumpona dalla direcziun da scola generala e dalla direcziun specifica dallas partiziuns.
2 La direcziun da scola generala secumpona da tut las menadras da partiziun ni
dils menaders da partiziun e dalla menadra dil CFS ni dil menader dil CFS.
3 La direcziun specifica dallas partiziuns secumpona dalla menadra da partiziun
respectiva ni dil menader da partiziun respectiv e dalla menadra dil CFS ni dil
menader dil CFS.
1
Art. 8
1
Las incumbensas dalla direcziun da scola generala vegnan indicadas a moda
detagliada ella descripziun dallas funcziuns. En special ein quei las sequentas
incumbensas:
a)
b)
c)
d)
e)
f)
g)
h)
i)
j)
La strategia da personal e la promoziun dil personal;
Coordinar las activitads dallas singulas partiziuns e dallas spartas professiunalas;
Garantir l’informaziun vicendeivla incl. elaborar e prender posiziun viers
propostas da meglieraziun;
Elaborar in concept da qualitad e da svilup dil CFS;
Cooperar tier l’elaboraziun dils preventivs, dils quens annuals e dils rapports
annuals;
Cooperar tier l‘elaboraziun dil rapport d’activitads e da prestaziun;
Relaschar reglaments interns (incl. uorden da casa) e directivas pil menaschi
dil CFS cun informaziun alla scheffa dil departament ni al schef dil departament;
Reglar la substituziun enteifer la direcziun dil CFS;
Elaborar in manual directiv;
Cooperar tier l’elaboraziun d’in concept da communicaziun e d’informaziun.
Las incumbensas dalla direcziun specifica dallas partiziuns ein:
a) Eleger e relaschar las persunas d’instrucziun e da terapia cun pensums da
meins che 12 lecziuns per jamna;
b) Relaschar las descripziuns dallas funcziuns per las persunas d’instrucziun;
2
reglament pil CFS
Pagina 2/7
November 2009
c)
V
Approbar ils plans d’instrucziun.
Menadra dil CFS ni menader dil CFS
Art. 9
1 Alla
menadra dil CFS ni al menader dil CFS cumpeta la gestiun, l’administraziun
e l’organisaziun dil CFS. Quellas incumbensas vegnan ademplidas en stretga
collaboraziun cun las menadras da partiziun ni culs menaders da partiziun. Ils detagls vegnan defini ellas descripziuns dallas funcziuns.
2 En
special ein las sequentas incumbensas d’ademplir:
a)
Eleger e relaschar las collaboraturas ed ils collaboraturs per l’administraziun
ed il survetsch da casa cun informar la scheffa dil departament ni il schef dil
departament;
b) Organisar ed exequir il giudicament dallas prestaziuns dallas collaboraturas e
dils collaboraturs dall’administraziun;
c) Menar las conferenzas da scolasts;
d) Menar las sesidas dalla direcziun dil CFS;
e) Menar il persunal dil secretariat ed auxiliar;
f) Direger las finanzas;
g) Elaborar ils preventivs, ils quens annualas ed ils rapports annuals;
h) Elaborar in dispositiv da segirtad e d’urgenza;
i)
Elaborar il rapport d’activitads e da prestaziuns;
j)
Elaborar in manual da gestiun;
k) Representar il CFS anoviars;
l)
Responsabladad pil marketing;
m) Relaschar in concept da communicaziun e d’informaziun;
n) Organisar ils examens finals d’emprendissadi;
o) Emetter ils attestats;
p) Responsabladad per documentar ed archivar las datas dil CFS.
VI
Menadras da partiziun ni menaders da partiziun
Art. 10
1 Las
menadras da partiziun ni ils menaders da partiziun meinan las singulas partiziuns en damondas pedagogicas e dil fatg resp. terapeuticas, organiseschan il
menaschi dil CFS, qualificheschan las persunas d’instrucziun e da terapia e
sustegnan l’administraziun. Ils detagls vegnan defini ellas descripziuns dallas
funcziuns.
2 Las
menadras da partiziun ni ils menaders da partiziun ein specialmein cumpetents per:
a)
b)
c)
d)
e)
Menar il menaschi da scola e da terapia da mintgadi incl. il persunal
d’instrucziun e da terapia;
Organisar mandats d’instrucziun en cunvegnientscha cun la menadra dil CFS
ni cul menader dil CFS;
Realisar il sistem da management da qualitad;
Elaborar igl urari;
Organisar occurrenzas specialas per scolaras e scolars, persunas autorisadas
d’educar, associaziuns dil fatg e patrunas e patruns d’emprendistas ed
emprendists en cunvegnientscha cun la menadra dil CFS ni cul menader dil
CFS;
reglament pil CFS
Pagina 3/7
November 2009
f)
g)
h)
i)
j)
VII
Menar las conferenzas da scolasts dallas partiziuns respectivas;
Cooperar tier l’elaboraziun dil rapport annual;
Ordinar mesiras disciplinaras tenor art. 20 da quest reglament;
Tgirar ils contacts cun las patrunas e culs patruns resp. cun las associaziuns
professiunalas;
Representar la partiziun anoviars en cunvegnientscha cun la menadra dil CFS
ni cul menader dil CFS.
Cumissiuns dil fatg
Art.11
1 Las
cumissiuns dil fatg cusseglian ils gremis respectivs.
Las incumbensas dallas cumissiuns dil fatg ein en special:
a)
b)
c)
Cussegliar en connex cun l’orientaziun strategica, l’organisaziun ed il management da qualitad;
Discussiunar caussas internas dallas partiziuns;
Far propostas als gremis cumpetents.
2 Las
cumissiuns dil fatg seconstitueschan sezzas. Ellas documenteschan lur activitads en fuorma da rapports.
Tenor basegns ed el rom dil preventiv san cumissiuns dil fatg vegnir installadas
dalla scheffa dil departament ni dil schef dil departament.
VIII
Las incumbensas dallas collaboraturas e dils collaboraturs
Art. 12
1 Las
incumbensas da tut las persunas d’instrucziun e da terapia sedrezzan tenor
l’incarica professiunala corrispundenta. El rom d’in temps da lavur annual
cumpeglia quell’incarica professiunala specialmein la planisaziun, l’execuziun
ed evaluaziun dall’instrucziun resp. dallas terapias, il perfecziunament persunal e
professiunal, la collaboraziun ad incumbensas generalas da scola, projects, occurrenzas da scola ed al svilup dil CFS e la tgira persunala dallas scolaras e dils
scolars resp. dallas clientas e clients da terapia. Ulteriuras incumbensas reglan las
descripziuns dallas funcziuns ed ils carnets d’obligaziuns.
2 Las incumbensas dallas ulteriuras collaboraturas e dils ulteriurs collaboraturs
sedrezzan tenor las descripziuns dallas funcziuns che vegnan relaschadas dalla
direcziun dil CFS.
IX
Conferenza generala da scolasts / conferenza specifica da scolasts
Art. 13
1 Las
persunas d’instrucziun e da terapia da tut las partiziuns fuorman la conferenza generala da scolasts. La menadra dil CFS ni il menader dil CFS meina quella conferenza. Persunas d’instrucziun e da terapia cun in pensum sur 10 lecziuns
per jamna han il dretg da votar e d’eleger. Per quellas persunas d’instrucziun e
da terapia ei la participaziun allas conferenzas generalas da scolasts obligatoria. Davart la participaziun obligatoria e perstgisas d’ulteriuras gruppas
d’instrucziun e persunas decida la menadra da partiziun ni il menader
d’instrucziun. Tier conferenzas da scolasts declaradas obligatorias han era persunas d’instrucziun e da terapia cun in pensum sut 10 lecziuns per jamna il dretg
da votar. Tut las persunas d’instrucziun e da terapia han il dretg da far
propostas. La conferenza generala da scolasts vegn convocada dalla direcziun
dil CFS.
reglament pil CFS
Pagina 4/7
November 2009
2 Davart
il decuors dallas conferenzas generalas da scolasts vegn menau protocol. Quel vegn daus enconuschents alla scheffa dil departament ni al schef dil
departament.
Art. 14
1 Las
conferenzas specificas da scolasts vegnan convocadas dalla menadra da
partiziun ni dil menader da partiziun ni dalla menadra da scola ni dil menader dil
CFS ni sche silmeins in tierz dallas persunas d’instrucziun e da terapia dalla
partiziun respectiva pretendan quei. La menadra da partiziun ni il menader da
partiziun respectiv meinan la conferenza.
2 Davart il decuors dallas conferenzas specificas da scolasts vegn menau protocol. Quel vegn daus enconuschent alla scheffa dil departament ni al schef dil
departament.
Art. 15
Las incumbensas dallas conferenzas generalas da scolasts/conferenzas specificas da scolasts ein:
a)
b)
c)
d)
e)
X
L’informaziun vicendeivla;
Prender posiziun davart problems da scola ni terapia da muntada fundamentala, viers fatgs metodics-pedagogics, terapeutics, tecnics professiunals ed organisatorics, davart igl uorden da scola e davart ulteriuras
fatschentas da scola ni da terapia;
Prender posiziun davart plans d’instrucziun e reglaments;
Far propostas alla direcziun dil CFS, alla scheffa dil departament ni al schef
dil departament ed alla suprastonza regiunala;
Far propostas per eleger la representaziun en cumissiuns e conferenzas.
Scolaras e scolars resp. clientas e clients da terapia
Art. 16
1 L’instrucziun
obligatorica, da sustegn e facultativa ei obligatorica per scolaras e
scolars dil scalem secundar 2.
2 Mintga lecziun che vegn buca frequentada vala sco absenza. Quella vegn impurtada egl attestat sco absenza perstgisada ni nunperstgisada.
3 Per frequentar l’instrucziun dalla scola da musica ni las terapias dil survetsch logopedic vala in reglament special.
Art. 17
Sco motivs perstgisai valan specialmein:
a)
b)
c)
d)
e)
Obligaziuns legalas da survetsch militar;
Accident ni malsogna, aschilunsch che quels impedeschan da frequentar la
scola;
Eveniments extraordinaris en famiglia e menaschi d‘emprendissadi;
Congedi concedius dalla menadra da partiziun ni dil menader da partiziun;
Sclariments professiunals e fuffergnadis.
Art. 18
Sin damonda giustificada sa la menadra da partiziun ni il menader da partiziun
conceder congedi:
a)
b)
c)
Per separticipar a cuors, occurrenzas, gruppas specialas da partiziun ni eveniments;
Per occurrenzas impurtontas da famiglia;
Excepziunalmein per gidar el menaschi d’emprendissadi;
reglament pil CFS
Pagina 5/7
November 2009
d)
Excepziunalmein per vacanzas cun la famiglia, aschilunsch che quellas san
buca vegnir fixadas ellas vacanzas da scola;
En cass excepziunals tenor agen beinappreziar cun informar la direcziun
specifica dalla partiziun;
Ellas partiziuns cun contracts specials denter scola e scolaras e scolars han
las regulaziuns pertuccont conceder congedi prioritad;
Ellas partiziuns scola da musica resp. logopedia e pedagogia speciala han
las regulaziuns pertuccont conceder congedi prioritad;
Per congedi a giuvenils tenor art. 329 DO.
e)
f)
g)
h)
Art. 19
Las absenzas nunperstgisadas vegnan administradas e punidas dalla menadra
da partiziun ni dil menader da partiziun.
Art. 20
1 Las
scolaras ed ils scolars sco era las clientas ed ils clients da terapia han da
frequentar l’instrucziun tenor las normas da creanza dalla societad. Els han da
setener vid il maletg directiv dil CFS, vid ils reglaments e las ordinaziuns internas.
Ils camonds e las directivas dallas persunas d’instrucziun e da terapia e dallas
collaboraturas e dils collaboraturs ein d’observar.
2 La
persuna d’instrucziun resp. la persuna da terapia constatescha il surpassament enviers igl uorden disciplinar tenor al. 1 e sa ordinar las sequentas mesiras, denton ei la persuna d’instrucziun libra d’eleger denter las sequentas mesiras
a)
b)
c)
d)
e)
Lavur supplementara;
Visar dall’instrucziun per singulas lecziuns;
Proposta alla menadra da partiziun ni al menader da partiziun d’impurtar ina
nota da cumportament generala ni ina nota singula da cumportament en
cass d’in cumportament sbagliau;
Proposta alla menadra da partiziun ni al menader da partiziun d’impurtar ina
collaboraziun munglusa;
Proposta per ulteriuras mesiras disciplinaras alla menadra da partiziun ni al
menader da partiziun.
3 La
menadra da partiziun ni il menader da partiziun sa disponer las sequentas
mesiras:
a)
c)
Reprimanda a bucca ni a scret cun copia resp. communicaziun allas persunas autorisadas d’educar ed/ni alla patruna ni al patrun;
Exclauder dall’instrucziun da sustegn e/ni dall’instrucziun facultativa resp. dalla terapia;
Proposta per ulteriuras mesiras disciplinaras alla direcziun dil CFS.
4 La
direcziun specifica da scola sa disponer las sequentas mesiras:
a)
b)
c)
Ordinar da visar dil CFS;
Smanatschar da proponer la visada dalla relaziun d’emprendissadi;
Proponer da visar la relaziun d’emrendissadi alla scheffa dil departament ni
al schef dil departament.
b)
XI
Post da revisiun
Art. 21
reglament pil CFS
Pagina 6/7
November 2009
Sco post da revisiun funghescha la cumissiun da quen e gestiun dalla Regiun Surselva.
XII
Protecziun da datas
Art. 22
Las directivas surordinadas davart la protecziun da datas valan per tut las persunas d’instrucziun e da terapia resp. per tut las collaboraturas e collaboraturs dil
CFS.
XIII
Finanziaziun
Art. 23
Ils cuosts dil CFS vegnan finanziai tras:
XIV
a)
Subvenziuns dalla confederaziun;
b)
Subvenziuns dil cantun;
c)
Contribuziuns dallas vischnauncas;
d)
In’eventuala contribuziun dil liug da sedia;
e)
Daners da scola, da cuors e da material;
f)
Ulteriuras contribuziuns.
Procedura administrativa e protecziun legala
Art. 24
1 Encunter
decisiuns dalla suprastonza regiunala sa ei vegnir recurriu cun agid d’in
recuors administrativ al departament d’educaziun, cultura e protecziun digl
ambient.
Recuors encunter notas da semester en scolas professiunalas che vegnan surpridas pils examens finals d’emprendissadi san vegnir inoltrai enteifer diesch dis
alla suprastonza regiunala. Quella decida definitivamein.
3 Encunter decisiuns d’in gremi sa vegnir fatg recuors al proxim organ superiur.
2
XV
Disposiziuns finalas
Art. 25
Ils reglaments da scola da tochen dacheu dallas singulas partiziuns vegnan abrogai.
Art. 26
Quei reglament va en vigur igl 1. da schaner 2011
Il president dil parlament regiunal
Igl actuar
Roman Cantieni
Duri Blumenthal
Glion, ils 18 da november 2009
0433-2009rs
reglament pil CFS
Pagina 7/7
November 2009