Giudicament en la scolaziun speziala
Per il giudicament da las scolaras e dals scolars en la scola speziala valan ils medems
princips sco per il giudicament da las scolaras e dals scolars da la scola regulara (vesair
documents da basa, sustegn).
1. Furmas da giudicament
Da princip vegn il giudicament en la scolaziun speziala fatg cun in attestat che vegn
cumplettà d’in rapport davart l’emprender.
-
Ils attestats da las scolaras e dals scolars cun scolaziun speziala integrativa ston vegnir
cumplettads d’in rapport davart l’emprender da l’instituziun da la scolaziun speziala.
Ils attestats da notas resp. pleds da las scolaras e dals scolars cun scolaziun speziala
separativa ston vegnir cumplettads d’in rapport davart l’emprender.
Sch’igl è en la scolaziun speziala separativa en il cas singul betg pussaivel u sch’i na fa
betg senn da far in attestat da notas cun in rapport davart l’emprender agiuntà, po la
scolara u il scolar vegnir giuditgà cun in attestat da la scolaziun speziala en furma libra
(vesair sut 1.2) senza in rapport davart l’emprender agiuntà (p.ex. en situaziuns, en las
qualas notas na pon betg vegnir dadas per motiv d’ina individualisaziun cumplessiva da
las finamiras da l’instrucziun; per scolaras e scolars che na frequentan nagins u mo
singuls roms d’instrucziun en il senn d’in urari tenor il plan d’instrucziun).
Infurmaziuns davart il rapport d’emprender ed in model chattais vus sut “Rapport davart
l'emprender”.
I dat las suandantas furmas d’attestat:
1.1. Attestat da notas resp. pleds
Il giudicament vegn fatg a la fin da mintga semester cun in attestat da notas, en l’emprima e
secunda classa primara en cas da basegn alternativamain cun in attestat cun pleds.
Far l‘attestat:
Per far l’attestat stat a disposiziun in formular d’attestat dinamic en il tool d’attestat da l’USS.
u
1.2. Attestat en furma libra
Sco en l’attestat en furma libra da la scola regulara (per la 1./2. classa primara) datti era per
la scola speziala in attestat en furma libra (per tut las classas).
Far l‘attestat:
Per far l’attestat ston vegnir duvrads ils formulars correspundents (vesair a dretga).
2. Responsabladad
La decisiun, sch’il giudicament succeda en furma d’in attestat da notas resp. pleds u en
furma d’in attestat en furma libra, sto esser motivada e vegn prendida en cas da scolaziun
speziala integrativa dal cussegl da scola da l’instituziun responsabla per la scola regulara ed
en cas da scolaziun speziala separativa da l’instituziun da la scolaziun speziala.
3. Indicaziuns en il chau da l’attestat
Sin ils attestats da la scola speziala datti (sco en quels da la scola regulara) novs champs
per indicaziuns ch’èn da far en il chau da l’attestat:
a)
en cas da basegn spezial da promoziun: in rapport davart l’emprender agiuntà
b) en cas d’ina adattaziun da las finamiras da l’instrucziun sclerida dal servetsch
psicologic da scola: ina indicaziun correspundenta
Questa indicaziun sto vegnir fatga en la scolaziun speziala sche la scolara u il scolar ha ina
adattaziun da las finamiras da l’instrucziun. L’adattaziun da las finamiras da l’instrucziun sto
vegnir motivada.
L’indicaziun po vegnir fatga suandantamain:
1. I vegn renvià al rapport d’emprender resp. a l’attestat en furma libra.
Indicaziun sa cloma: vesair rapport davart l’emprender resp. attestat
u
2. En singuls cas poi far senn er en in attestat da la scola speziala d’inditgar singuls
roms d’instrucziun.
Indicaziun sa cloma p.ex.: Talian
u
3. Sch’ina scolara u in scolar da la scola speziala frequenta en il cas excepziunal tut ils
roms en il rom da las finamiras da la scola regulara, vegn quai inditgà.
Indicaziun sa cloma: nagina
c)
en cas d’ina deliberaziun d’in rom permessa da la surveglianza da la scolaziun
speziala: ina indicaziun correspundenta
Questa indicaziun sto vegnir fatga en la scolaziun speziala sche la scolara u il scolar è
deliberà d’in rom. La deliberaziun d’in rom sto vegnir motivada.
L’indicaziun po vegnir fatga suandantamain:
1. Il rom/ils roms (ev. cun abreviaziuns) vegnan inditgads.
Indicaziun sa cloma p.ex.: Talian
2. Empè d’inditgar ils roms vegn renvià al rapport d’emprender agiuntà resp. a l’attestat
en furma libra.
Indicaziun sa cloma: vesair rapport davart l’emprender resp. attestat