Festa svizra da chors Meiringen
12 – 21 da zercladur 2015
Concept general
Ina festa nunemblidaivla da cultura ed amicizia
Nus creain ina festa nunemblidaivla sco punct culminant en l’onn da chant. Ins percepescha
nus sco organisatur cumpetent ed innovativ ed ospitant cordial.
Nus ans connectain cun ils eveniments planisads en l’onn da chant. Differentas occurrenzas finischan cun e sbuccan en la
festa federala da chant. Puncts culminants dal chant durant l’onn pon anc ina giada vegnir preschentads a Meieringen.
Tut ils partizipads directamain e la populaziun èn preparads per la festa. L’ospitalitad è nossa devisa suprema.
Tut quellas e quels ch’èn engaschads vi da l’organisaziun da la festa da chant, saja quai durant onns u mo per intginas uras,
sa sentan respunsabels per il bain gartegiar da la festa. Cun lur cumportament contribuischan els da crear eveniments
durabels e ferms.
Ina festa per las chantaduras ed ils chantadurs
Chantaduras e chantadurs èn en il center. Nossa festa motivescha giuven e vegl. El collia
chors, giasts e la populaziun e dat impuls impurtants.
Davent da l’arrivada enfin tar la partenza han tut ils chors ed ils experts a disposiziun ina persuna accumpagnanta.
Ils gidanters vegnan percepids sco intermediaders tranter chors, giasts e la populaziun.
Nus porschain «offertas musicalas» per uffants e giuvenils, dain spazi per projects per giuven e vegl e stgaffin per la
populaziun pussaivladads da chantar e tadlar.
Tar ateliers en tut la regiun, en ustarias, tendas da festa u sin plazzas publicas han lieu scuntradas tranter umans.
I vegn garantì a mintga chor in cler decurs dal di.
Ina festa cun puncts culminants
Mintga di è in di da festa cun ses puncts culminants specials.
Ultra dal chant davant ils experts han lieu mintga di ulteriuras purschidas musicalas.
La festa d’avertura uffiziala ha lieu il venderdi da l’emprima fin d’emna. Mintga di vegnan ils chors retschavids e
relaschads cun ina pitschna ceremonia. Igl han lieu manifestaziuns supplementaras. La festa da finiziun uffiziala ha lieu
la dumengia da la segunda fin d’emna.
Tut las purschidas musicalas pon vegnir visitadas dals giasts e da la populaziun.
Concept general Festa svizra da chors Meiringen 2015
Pagina 2/3
Ina festa da las distanzas curtas
Nossa festa da chant ha lieu central a Meiringen. Tut las localitads dals eveniments ed il
center da festa èn cuntanschibels en paucas minutas a pe.
Cun in accumpagnament cler e definì da las gruppas da chant na sa furman betg sviadas e temps da spetga.
Grazia ad ina signalisaziun survesaivla e multilinguala vegnan tuts partizipants a frida en la zona da festa.
Posts d’infurmaziun gidan en differents lieus.
In servetsch da transport garantischa mobilitad supplementara, nua ch’igl è pussaivel e ch’i fa senn vegn il traffic
public resguardà.
Infrastructura d’auta qualitad, orientada als utilisaders
L’infrastructura correspunda a las pretensiuns e basigns dals partizipants e giasts.
Installaziuns ed edifizis existents vegnan duvrads ed il mastergn regiunal resguardà.
Duess l’infrastructura existenta betg tanscher, vegnan eregids bajetgs supplementars en lieus adattads. La concepziun
è d’auta qualitad ed ecologica. Ella è da distinguer cleramein per tuts partizipants e la populaziun.
I vegn garantì da tuttas uras la vita „normala“ dal vitg ed il mastergn regiunal vegn resguardà cuntinuadamein sche
quai è pussaivel.
Nus garantin ina segirezza optimala per ils giasts e la populaziun e stgaffin per tuts partizipants identicas cundiziuns generalas.
Ils experts, ils uffizials e las medias han a disposiziun ina infrastructura optimala.
Igl exista ina infrastructura centrala da servetschs e d’infurmaziun per respunsabels da ressort, commembers dal comite
d’organisaziun, medias e giasts.
Concept general Festa svizra da chors Meiringen 2015
Pagina 3/3
Gestiun d’interprendider, ecologica ed entretschada
Nus lavurain cumpetent e tenor prinzipis d’interprendider ed ecologics. En las preparativas
ed en l’eveniment da festa involvain nus il chantun Berna, las vischnancas, uniuns, ulteriurs
partenaris e la populaziun.
Process clers davent da la procedura d’annunzia enfin la fin duajan signar la festa. Tuts partizipants e la publicitad vegnan
informads activamain davart las acziuns enturn la Festa svizra da chors 2015.
Budgetaziun prudenta e controlla da custs sin tut ils livels. Mintga sparta è respunsabla per ses budget.
Emprender a conuscher il Haslital
Ils partizipants emprendan a conuscher la regiun Haslital – Brienz sco spazi da viver attractiv
e destinaziun d’excursiun e da vacanzas multifara ed ospitaivla.
Per la pernottaziun, proviantaziun e las excursiuns metta Haslital Tourismua ensemen offertas individualas per ils
partizipants. Questas prestaziuns pon vegnir reservadas a moda simpla e zentrala. Las destinaziuns d‘excursiun regiunalas
èn fermamain preschentas en il conturn da la festa.
In gudogn per la cultura
Nus offerin auta qualitad a pretschs fairs e faschain in gudogn. Quel duai vegnir duvrà
per la promoziun dal chant sco era per il svilup cultural da la regiun.
Ils meds necessaris duajan vegnir cuntanschids grazia a generus partenadis e sponsurs. Il capital disponibel duai
vegnir duvrà a moda spargnusa.
Grazia a la festa da chant vegn l’engaschi cultural rinforzà en la sparta dal chant. La scena da chors vegn promovida a
moda duraivla.