Radunonza generala dil club da tennis Trun
Venderdis, ils 8 da mars 2013 el Centro
La radunonza dil club da tennis Trun che ha giu liug ils 8 da mars 2013 allas 20.00 uras ell'ustria
Centro, ei vegnida convocada conform agl artechel 21 dils statuts. Allas uras fixadas arva la
presidenta Paula Nay la radunonza fagend a tuts presents in cordial beinvegni.
All'entschatta prelegia la presidenta la gliesta da perstgisas. Suenter haver menziunau ch'il club
paghi duas rundas ord l'atgna cassa passa ella tier la prelecziun dalla gliesta da tractandas, la
quala secloma sco suonda:
1. Beinvegni ed appel
2. Elecziun da dus dumbravuschs
3. Protocol dalla davosa radunonza generala dils 02-03-2012
4. Rapport annuals
a) presidenta
b) meinagiug
c) meinaturnier
d) cau da juniors
5. Rendaquen
a) quen annual
b) rapport dils revisurs
6. Midada dils statuts - artechel 27
7. Elecziuns
a) actuar/a
b) cassier/a
c) meinagiug
d) evt. meinaturnier
f) revisur/a da quen
8. Mutaziuns
9. Fixaziun dallas contribuziuns
a) annualas
b) affittaziun dils plazs
10. Damonda da pagar anavos quotas da fatschenta
11. Interclub, turniers e cuors 2013
12. Program da lavur 2013
a) termins
b) gliesta da rangaziun
c) organisaziun ustria
d) sera dil club
a) di da sport d'unviern 2013
b) camp da trenament
c) preparaziun dils plazs
d) lotto
13. Investiziuns ell'infrastructura
14. Varia
La gliesta da tractandas vegn approbada unanimamein.
1. Beinvegni ed appel
Il beinvegni ei succedius sco introducziun alla radunonza. Per far appel han ins schau cursar ina
gliesta da presenza.
2. Elecziun da dus dumbravuschs
Sco dumbravuschs vegnan Clau Giger e Luis Caduff elegi.
3. Protocol dalla davosa radunonza generala dils 02-03-2012
Il protocol dalla davosa radunonza generala ei vegnius publicaus sin nossa pagina d'internet.
Aschia ha mintgin giu la pusseivladad da leger quel. Demai ch'ei dat neginas damondas e
neginas objecziuns enviers il protocol vegn quel approbaus unanimamein.
4. Rapports annuals
a) presidenta
La presidenta Paula Nay mira anavos sin siu tierz onn sco presidenta dil club da tennis Trun.
Il di da skis che ha giu liug d'aura da primavera ei staus l'emprema occurenza dil club da tennis
igl onn vargau. Mo paucas jamnas pli tard ei il club serendius el Tessin el camp. Ils 28 d'avrel ein
ils plazs vegni aviarts e las occurenzas sils plazs da tennis han saviu entscheiver.
Igl atun ei vegniu decidiu da spustar il lotto sil fevrer muort collisiun da termins.
Aunc entgins plaids tier quei ch’ei marschau davos las culissas. La presidenta ei stada a
differentas s’entupadas culs clubs dall’entira Surselva – culla finamira da collaborar pli stretg. Igl
emprem project ein ils camps da tennis per affons ella Surselva. In da quels ei planisaus a Trun
miez fenadur. Menaus vegn el d’in scolast da tennis.
Sper quei camp dat ei uonn in turnier da divertiment per tut ils clubs dalla Surselva. Quei
enstagl dil Cadi-Master (leu haveva ei strusch glieud). Cun quei turnier lein promover il contact
denter ils differents clubs. Co quei turnier vesa o en detagl ei aunc buc decidiu – el ha en mintga
cass liug miez settember a Trun.
Suenter 2 onns ha Daniel Derungs decidiu da calar sco schef dil plaz. Cordial engraziament per
sia lavur! Nus havein anflau in successur per el – il Mario Rothmund. El ei pensiunaus ed ha gust
da surprender quella lavur. Engraziel fetg!
Per finir drezza la presidenta plaids d’engraziament als consupratonts, al persunal, a tuttas
commembras ed a tuts commembers, als voluntaris e gidonters, als revisurs da quen e
naturalmein als sponsurs da nies club.
b) Rapport dil meinagiug
Magnus Manetsch ensemen cun Raffael Palaia e Venanzi Nay han tgamunau igl onn vargau il
menaschi d' Interclub e da turnier. Entschiet han las activitads dil club cun in camp da tennis ad
Ascona, al qual 21 persunas han fatg part.
Ils plazs ein vegni preparai miez avrel. Igl onn vargau ein 4 equipas separticipadas agl interclub.
2




L’equipa da damas activas ei semesirada ella 1. ligia. Ils giugs d'equipa han ellas
gudignau. Ils giugs da relegaziun han ellas gudignau cun 4:3 encunter Cuera e spiars
silsuenter 3:4 encunter Weihermann. Ellas restan en emprema ligia.
L'equipa da damas giuvnas senioras 3. ligia han giugau in bien campiunadi d'interclub
e saviu contonscher il secund plaz da sis equipas.
Ils umens activs han giugau en 3. ligia e gudignau. Igl onn proxim giogan els en 2. ligia.
Ils giuvens seniors han giugau en 3. ligia e contonschiu il bien secund rang.
Il meinagiug admetta in grond engraziament a tut ils capitanis per la buna lavur ch'els fan en
favur da lur equipa. Plinavon engrazia el als giugadurs ed allas giugaduras dallas equipas per lur
engaschi a caschun dils turniers.
Al Cup Crestas ei vegniu giugau en 3 categorias, numnadamein umens R5-R9, umens R7-R9 e
dubel mix. Fatg part a quei turnier han 45 giugaduras e giugadurs.
Il turnier Cup Punteglias ei vegnius giugaus en 2 categorias, numnadamein giuvens seniors MS
35+ R5-R9, R9 e WS R4-R9. Priu part all'occurenza han 29 giugaduras e giugadurs.
Era uonn ei vegniu organisau il “dar gliesta da rangaziun”, al qual 20 giugaduras e giugadurs ein
separticipai.
Rangaziun:
1. Urs Pfister
2. Yannick Pfister
3. Gion Petschen
4. Leandro Petschen
5. Cristina Derungs
Duront la stad ei vegniu organisau in cuors da tennis per carschi, al qual 15 persunas han priu
part. Menau atras il cuors ha Nic Dermont. Al tennis liber da dunnas la mesjamna ein 8 dunnas
separticipadas.
La fin settember ha il club da tennis Trun organisau in turnier communabel culs clubs
vischinonts da Danis/Tavanasa e Breil. 10 giugaduras e giugadurs da Trun han fatg part a quella
occurenza.
Alla fin engrazia il meinagiug als collegas da suprastonza, a Manuela Decurtins e Denise
Tomaschett per lur engaschi en favur dil tennis per las dunnas, sco era al menader Nic
Dermont.
c) Rapport dil meinaturnier
Raffael Palaia fa menziun en siu rapport da pliras activitads en nies club. La sera dil club ha
entschiet uonn ils 20 da zercladur ed ha cuzzau entochen ils 26 da settember 2012. Duront quei
temps ha ei dau 3 gadas tscheina, las qualas ein vegnidas preparadas da Raffael Palaia e Silvio
Albin.
Turnier dil club singul
Il turnier ha giu liug denter ils 10 ed ils 12 d’uost 2012. 12 damas e 22 umens ein separticipai.
Tenor modus ha mintga giugadura e mintga giugadur saviu dar silmeins 2 giugs.
3
Rangaziun:
Damas tableau A
1. Carmen Albin
2. Martina Nay
3. Erna Nay
4. Aurelia Petschen
Umens tableau A
1. Patrizio Decurtins
2. Ursin Lechmann
3. Urs Pfister
4. Arthur Cantieni
Damas tableau B
1. Manuela Decurtins
2. Corina Petschen
Umens tableau B
1. Simon Decurtins
2. Daniel Derungs
Turnier da divertiment
Il turnier da divertiment, al qual 32 persunas han priu part, ha giu liug ils 25 d'uost 2012.
Rangaziun:
1. Geraldine Pfister / Flavio Sossai
2. Cristina Derungs / Clau Maissen
3. Selina Michel / Urs Pfister
Alla fin dil rapport engrazia Raffael a tut ils participonts dils turniers e dallas seras dil club. In
spezial engraziament admetta el a Magnus Manetsch, Venanzi Nay e Silvio Albin.
d) Rapport dil cau da juniors
Junior/as da 8 tochen 10 onns
Corina Petschen ha, cun agid da Cristina Derungs, Carla Nay ed Alexandra Pfister trenau duront
7 lecziuns mintgamai la mesjamna suentermiezdi ils 14 affons en duas gruppas.
Junior/as da 11 tochen 20 onns
Ricarda Tuor-Albin, Carmen Albin, Simon Decurtins ed Urs Pfister han trenau ils juniors. Ils
trenamets ein vegni menai atras en 15 lecziuns, l’emprema part la primavera e la secunda part
igl atun, Ils cuors han giu liug il gliendisdis ed il venderdis en 5 gruppas da 5 tochen 6 juniorAs.
En tut han 26 juniorAs fatg part a quels trenamets.
Per l'emprema ga ei vegniu menau atras in turnier per ils juniors. Quel ha schau in fetg bien
maletg tier ils affons. Il gentar ei vegnius offerius dil café Tschut. Cordial engraziament!
Per ils cuors vein survegniu ina contribuziun dall’organisaziun da giuventetgna e sport ed dalla
Regiun Surselva ord il fond da sport.
Sco cau da juniors engrazia Urs a tutAs menadrAs per la fetg buna lavur ed igl engaschi en favur
da nossAs juniorsAs.
Interclub da juniors
Al campiunadi d‘interclub da juniors ein 3 gruppas ord nies club separticipadas.
Junioras C, annadas 2000 e pli giuvnas: Tamara ed Milena Derungs, Anna Manetsch e Tajana
Pfister han fatg part. Las schumellinas Derungs han gudignau ils giugs da gruppa ed ein
sequalificadas per la runda da ko. En quella runda han ellas giu da dar encunter Favugn cun
giugaduras classadas sco R6 e spiars lur giugs. Per l’Anna ed la Tajana ha ei buca tunischiu da
vegnir vinavon.
4
Juniors A, annadas 1994 e pli giuvens: Giugau han Mattias Manetsch, Aron Demont, Yannick
Pfister e Leandro Petschen. Els han giu da dar encunter Haldenstein, Panaduz e Cuera. Per els
ha ei tunschiu per il secund rang davos Haldenstein.
A tuts juniors e tuttas junioras che han fatg part al campiunadi d’interclub da juniors ina
cordiala gratulaziun per las bunas prestaziuns.
Cader regiunal
Il cader regiunal vegn trenaus da Nic Dermont duront igl unviern inagada ad jamna a Mustér.
Da nies club fan part dil cader ella gruppa dils giuvens: Anna Manetsch, Tamara ed Milena
Derungs, Geraldine e Tajana Pfister. Ella gruppa dils gronds: Andrin e Leandro Petschen. Quels
cuors vegnan susteni dil club cun CHF 100.00 per giugadurA, il rest portan ils geniturs.
Urs Pfister siara siu rapport cun engraziar als collegas da suprastonza ed a tuts ch’ein segidai sin
ina moda u l’autra cun nossa giuventetgna. Plinavon fa el attents che interessents per il cuors
da menaders dueien s'annunziar tier el.
5. Rendaquen
Nossa cassiera Manuela Decurtins presenta il quen e la bilanza dalla sesiun 2012. Cun in total
d'entradas da frs. 46'184.70 ed in total d'expensas da frs. 44'319.20 siara il quen annual cun in
gudogn da frs. 1'865.50. Demai ch'ei dat neginas damondas engrazia la presidenta alla cassiera
per la fetg buna lavur prestada.
En num dils revisurs plaida Lea Alig. Ella sa communicar ch'il quen ei vegnius menaus schubers e
bein e che tuts mussaments necessaris ein avon maun. Ella engrazia alla Manuela ed all'entira
suprastonza per la buna lavur prestada. Essend ch'ei dat neginas objecziuns enviers il quen
annual fa ella si la tscharna d'approbaziun. Il quen vegn approbaus unanimamein.
6. Midada dils statuts - artechel 27
Igl artechel 27 secloma pil mument aschia: La suprastonza secumpona da 7 commembers.
President, actuar (vicepresident), cassier, assessur, meinagiug, meinaturnier e cau dils juniors.
Cunquei che 4 commembras e commembers dalla suprastonza seretilan uonn – ha la
suprastonza stuiu ponderar co remplazzar els. Beinspert ei la suprastonza vegnida tier la
conclusiun ch’ei vegn mintg’onn pli grev d’anflar persunas che surprendan in tal uffeci. Igl ei
vegniu constatau ch’igl ei pli sempel da reparter la lavur. Quellas persunas surprendan singuls
projects – ein denton buc en suprastonza.
Perquei fa la suprastonza la proposta da midar igl artechel dils statuts. Da niev fussen 5 en
suprastonza. President, actuar, cassiera, meinagiug e cau dils juniors. Ei dess pia duas midadas.
Ei dat mo pli in meinagiug e negin meinaturnier. Ed il post dall’assessura vegn strihaus.
Pil meinagiug/meinaturnier ei vegniu ponderau da reparter las lavurs sco suonda: Magnus
Manetsch ei zuar buc pli en suprastonza, el vegn denton a far tut las lavurs che pertuccan il
campiunadi d'Interclub. Il Venanzi Nay organisescha il turnier dil club. Las autras incumbensas
surpren il niev meinagiug.
L’assessura ei buca pli en suprastonza – ella organisescha semplamein il lotto. Ella vegn
envidada ina tochen duas gadas ad ina seduta dalla suprastonza. Quei post vegn la Ricarda
Tuor-Albin a surprender. Ella ei il tgamun dil comite d’organisaziun ch’ei responsabels pil lotto.
5
Ils presents disscuteschan sur da la proposta dalla suprastonza. Raymund Venzin pren il plaid e
declara ch'el capeschi la situaziun, denton hagien quels che seigien en suprastonza suenter
dapli lavur. Gion Petschen manegia che quei seigi buc ina buna sligiaziun. El ei dil meini, ch'ei
dessi segir e franc persunas che fussien promtas da suprender quei post. La presidenta declara,
ch'igl ei vegniu encuretg persunas, denton negin ei promts da suprender quels pensums.
Las propostas vesan o sco suonda: Raymund Venzin fa la proposta da schar vacants quels posts.
La suprastonza ei dil meini da strihar quels 2 posts.
La fin finala vegn decidiu cun 23 encunter 3 persunas da sligiar si quels 2 posts e daniev ein mo
pli 5 persunas en suprastonza.
7. Elecziuns
a) actuara
Carmen Albin ei stada 6 onns actuara. Ella ei vegnida elegia cun 20 onns en suprastonza – aschi
giuven sco probabel aunc negin avon ella. Uonn ha ella decidiu da calar. La presidenta engrazia
ad ella per la lavur!
Igl ei vegniu encuretg ed anflau ina successura, numnadamein l’Annette Decurtins. Annette
vegn elegida unanimamein en suprastonza per ina perioda d'uffeci da 2 onns.
b) cassiera
Manuela Decurtins ei vegnida elegida avon 2 onns sco cassiera. Ella ha fatg siu uffeci cun
gronda breigia. La Manuela ei sedeclarada promta da surprender quei job per in’ulteriura
perioda d’uffeci. Ella vegn elegida unanimamein.
c) meinagiug
Magnus Manetsch ei dapi 2 onns meinagiug. El ei sedecidius da calar. La presidenta engrazia
per tut lavur. Sco successur elegia la suprastonza Ursin Lechmann sco niev meinagiug.
8. Mutaziuns
Las suandontas persunas han tschentau la damonda d'entrar en nies club:
Carschi
Gion Andrea Nay
Andriu Orlik
Lisabeth Decutins
Affons
David Mirer
Sandro Deplazes
Tuttas persunas menziunadas vegnan pridas si en nies club.
Las suandontas persunas extreschan da nies club:
Carschi
Willi Bearth
Andriu Orlik
Pauli Nay
Edith Wyler
Tresa Conrad
6
Affons
Lara Janka
Livian Monn
Yvonne Bundi
Midadas dad activ sin inactiv:
Tino Della Valle
Alois Albin
Eva Cavelti
Midadas dad inactiv sin activ:
Annette Decurtins
Damian Marino
Gianluca Cavelti
Valeria Cavelti
Maurizio Cavelti
9. Fixaziun dallas contribuziuns
a) annualas
La contribuziun annuala resta sco tochen dacheu.
b) affittaziun dils plazs
Igl onn vargau havein nus decidiu da far in’emprova. Vul dir: hosps e buca commembers astgan
era reservar il plaz suenter las 18.00 uras – quei priu il cass ch’els dattan cun in commember. A
caschun dalla davosa radunonza generala fuva ei vegniu decidiu d'empruar quei per in onn.
Demai ch'igl ei vegniu neginas reclamaziuns vegn ei cuntinuau cun quella sligiaziun.
10. Damonda da pagar anavos quotas da fatschenta
Sco mintg’onn vegn tratg la sort tgei quotas da fatschenta ch’ein da pagar anavos. Ei vegn tratg
ord la capiala la numera 2 da Serafin Rensch e la numera 160 da Conrad Cavegn artavels. La
cassiera vegn incaricada da liquidar quella caussa.
11. interclub, turniers e cuors 2013
a) termins
La sesiun d’interclub entscheiva sco usitau l’entschatta matg. En concordanza culs clubs
vischinonts ein ils turniers vegni fixai sco suonda:




Cup Crestas
Cup Punteglias
Turnier dil club
Turnier dalla regiun
6-7 da fenadur 2013
31 d'uost - 1 da settember 2013
10 - 11 d'uost 2013
14 da settember 2013
b) gliesta da rangaziun
Era uonn han las commembras ed ils commembers la caschun da far part al “dar gliesta da
rangaziun”.
c) organisaziun ustria
Sco mintg'onn ha in'equipa d'interclub da far la restauraziun a caschun d'in turnier. Cheu sa
vegnir priu las informaziuns giu dil fegl d’informaziun.
7
d) sera dil club
Sco quei ch'ils biars han sefatg en, vegn ei fatg part pli e pli pauc allas seras dil club la mesjamna
sera. La suprastonza ha ponderau da stuschar la sera sin il venderdis. Entginas gadas han las
seras dil club liug ensemen cul club da tennis Tavanasa. Talas seras restaurescha la suprastonza
l'ustria. Las ulteriuras seras sco tochen dacheu mintgamai ina equipa d'Interclub. L'emprema
sera dil club vegn ad haver liug ils 14 da zercladur 2013.
12. Program da lavur
a) di da sport d'unviern 2013
Miez schaner ei vegniu organisau il trer rudialas sil glatsch. Ils participonts han saviu guder
silsuenter in bien fondue da caschiel. Il proxim termin ha liug ils 17 da mars 2013. Lu
organisescha il club in di da skis a Sursaissa.
b) camp da trenament
Manuela Decurtins declara ch'ella hagi reservau ils plazs, il hotel ed ils scolasts da tennis per il
camp da trenament ad Ascona che ha liug denter ils ils 5 entochen ils 7 d'avrel 2013.
c) preparaziun dils plazs
Informaziuns partenent far lavur cumina suondan pli tard.
d) lotto
Il lotto ha per l'emprema gada buca giu liug igl atun, mobein il fevrer. Cunquei ch'il lotto ha
schau anavos fetg bunas cefras, eis ei vegniu decidiu d'organisar il lotto da l’auter onn puspei il
fevrer.
13. Investiziuns ell'infrastructura
La presidenta declara ch'ei sto vegnir fatg in niev plantschiu ella garderoba dils umens. Il motiv
ei ch'il platschiu stat buc eri. Las plattas semuentan. Igl onn vargau ei vegniu empruau mo da
impedir il mender – quella pintga reparatura ha denton buc propi gidau. Ei sto vegniu priu ora
las plattas e fatg in plantschiu sin fundament, quei vegn a custar ca. frs. 1'900.-.
In'ulteriura informaziun pertucca il lager ella casa dil club. Trun turissem haveva priu a tscheins
quei local. Sin uonn ha Trun turissem visau il contract cugl argument che quei rendi buc. Igl ei
vegniu constatau ch’igl ei fetg grev da schar vi quei local – e perquei ein ins secunvegni sin ina
nova pauschala da frs. 500.-. Tochen uss pagava Trun Turissem frs. 1'000.-.
14. Varia
Raimund Venzin engrazia alla suprastonza per tut la buna lavur en favur dil club da tennis Trun.
La presidenta siara la radunonza engraziond a tuts per la preschientscha e giavischa a tuts ina
biala sera ed in bien retuorn a casa.
Trun, mars 2013
l’actuara
Carmen Albin
8