CUMÜN DA SENT
Il mas-chalch da Sent
Publicaziuns ufficialas. Cumpara seguond bsögn.
2006/2008
no. 40
7554 Sent, 15 october 2007 / mw
Serrada da la via Sent-Scuol
Tenor avis da la pulizia chantunala resta la via Sent-Scuol causa la fabrica da l’attach da la via da Sent
aint il sviamaint da Scuol serrada:
da lündeschdi ils 15 october 2007 da las 07.00 h. fin sonda als 27 october 2007 a las 18.00 h.
Il sviamaint es signalisà sur Crusch.
Nus giavüschain da tour cogniziun da quist avis.
Pulizia chantunala
Avis da la posta (serrada da la via Sent-Scuol):
A partir dals 15 october 2007 fin als 27 october 2007, transischan tuot ils autos da posta per Scuol, sur
Crusch.
Las fermativas Chauennas, Sent Sala e Sent Posta nu vegnan servidas. Tuot las postas partan davent
da Plaz, e quai tenor ils uraris Sent Posta.
Nus giavüschain da tour a cogniziun da quists müdamaints.
La posta
Palperi vegl
In marcurdi, als 24 october 2007 a partir da las 08.00 ramassaina palperi vegl.
Attenziun! Tenor las directivas da la Pro Engiadina Bassa pudaina ramassar be plü palperi lià in faschs
cun cordas chi tegnan. (Sachs e tas-chas da plastic e da palperi sco eir chartun nu sun admiss).
La scoula
AVIS
Tenor comunicaziun da l’Energia Engiadina daja ün’interrupziun da la forza electrica,
in gövgia als 25 october 2007, da las 13.00 h. fin a las 15.00 h.
in tuot il cumün da Sent.
Nus giavüschain da tour cogniziun da quist avis.
Administraziun cumünala Sent
Giantar cumünaivel
Gövgia, als 25 october i'l Sper la Punt, Sur En. Annunzchas piglia incunter duonna Erica Clalüna, tel.
081 864 07 59 (laschar sclingir lönch!). Partenza da la posta a las 11.42. La posta vain pajada.
Jörg Büchel
Cuors da ballar chantunal
Als 27 ed ils 28 october organisescha la gruppa da sots ün cuors da ballar chantunal. Sonda saira
davent da las 20.30 h. suna la chapella Jünaiver sün chasa da scuola. Cordialmaing sun invidats tuot las
persunas chi han plaschair da sots e musica populara.
Suprastanza da la gruppa da sots
Società d’Ütil public – cumischiun „Sturnels“
Ils Sturnels sun pronts dad ingaschar eir pel prossem büman üna musica da bal.
Per l’organisaziun generala e per manar l’ustaria vain tscherchada üna società o üna gruppa dad
interessats. Ils organisaturs pudessan manar tras il bal da Büman sainz’avair da pajar la musica.
Annunzchas piglia jent incunter fin la mità da november: Olga Hänny, Garni Muranza, Sent.
Società d’Ütil public
Tscherchà da tour a fit a Sent
Abitaziun, da 3 stanzas, a partir da subit o tenor cunvegna.
Infuormaziuns piglia incunter suot il nommer da telefon 079 276 75 33
Sar Gian Andrea Mayer, 7550 Scuol.
Gian Andrea Mayer
Oscar Peer aint illa Grotta da cultura
Prelecziun our da sia ouvra Teodor als 25 october a las 20.15. Sar Oscar, creschü sü in Engiadina
Bassa, magister in divers lös ed autur dal dicziunari ladin, s'ingascha da cour per la lingua rumantscha.
Moderaziun: Jörg Büchel
Lectüras (Les-Bar)
7 november a las 20.15 h.
lecturas e lecturs preschaintan lur cudeschs predilets
lectura:
Christiana Fliri
moderaziun:
Gianna Bettina Gritti
Cuors da fin d’eivna:
venderdi (saira)
fieutrar clinöz
manadra:
26 october fin dumengia 28 october
Gaby Famos
7557 Vnà
081 866 33 49
venderdi (saira)
2 november fin dumengia 4 november
collage / tecnica masdada (crear cun culurs e fuormas)
manader:
Gian A. Albertini 7554 Sent
078 660 99 53
venderdi (saira)
23 november fin dumengia 25 november
monotypia (ün squitsch) disegnar e crear culla tecnica da la monotypia
manader:
Gian A. Albertini 7554 Sent
078 660 99 53
cuors da computer per principiants ed avanzats (tenor voss bsögn)
manader:
Cla Rauch
7554 Sent
081 864 15 96
infuormaziuns ed annunzchas pro Sent turissem, 7554 Sent, tel. 081 864 15 44
Gian A Albertini
Da dar a fit:
Proprietaria:
Località:
Infuormaziuns:
Chamonna d’aviöls
duonna Annina Erni – Cadonau, 7550 Scuol
Prà Zoppà, Crusch
Lüzza Rauch, 7550 Scuol, tel. 081 864’19’63
(pussibiltà da tour in ögl la chamonna)
Lüzza Rauch
Società da musica Sent
Sairada d’advent in chasa da scoula in sonda als 15 december 2007. Tuot quels chi han interess da far
alch producziuns quella saira, dessan as metter in colliaziun cun la suprastanza da la società da musica.
Società da musica Sent
Danke
Ein Danke möchten wir allen unseren Stammgästen und Gästen sagen. Ein Danke, dass Ihr uns
Unterländer 31 Jahre geduldet habt. Wir durften mit Euch Freud und Leid teilen, und haben das Leben
in den Bergen kennen gelernt. Es war eine schöne und unvergessliche Zeit. Leider zieht es uns wieder
zu unseren Wurzeln zurück, aber Euch Sentner werden wir nie vergessen, und werden auch des
öfterens wieder hier sein.
Unser Nachfolger Ernst Meili, wird sein Bestes geben, dass Ihr Euch weiterhin wohl fühlt in der Chasa
Veglia. Er wird auch den Pizzaofen wieder in Betrieb nehmen. Wir wünschen ihm viel Glück und
einen guten Start.
So bleibt uns nur noch eines zu sagen, wir wünschen allen alles Gute und „Arrevair“ vielleicht reicht
es einmal nach Schübelbach zu kommen, wo wir immer Zeit für einen Schwatz haben.
Vielen Dank
Armin und Theres Bruhin