Cuncursu
de poesia e prosa sarda
a tema liberu
Editzione sa ‘e doighi
e cun setzione a tema impostu
Bisonzu de tribagliu.
Cun sa collaboratzione de:
CISL - SARDEGNA
COMUNE DE SANTU LUSSURZU
PRO LOCO DE SANTU LUSSURZU
SANTU LUSSURZU - 2010
REGULAMENTU
1 - S’Associatzione Culturale Elighes Uttiosos bandit su Cuncursu de poesia e prosa
sarda, editzione sa ‘e doighi, po s’annu 2010.
2 - Su Cuncursu est paltzidu in chimbe setziones: duas a tema liberu po sos mannos e
duas po sos pitzinnos de iscola. Una a tema impostu aperta a tottus.
Sas setziones de sos contos sun intituladas a s’iscrittore lussurzesu Antoni Cossu.
Ogni iscrittore podet cuncurrer solu cun d’un’opera po setzione.
3 - Setziones po sos mannos (A e B):
A - Poesias a tema liberu, non prus de chimbanta (50) versos;
B - Contos, non prus de tres pazinas iscrittas a macchina (ogni pazina tepet esser de non
prus de baranta rigas);
Sas poesias e sos contos, ineditos e mai premiados prima, tepen esser imbiados intro su
binnighi de su mese de Lampadas (15 giugno) 2010 a s’indiritzu de s’associatzione: Ass.
Cult. Elighes Uttiosos, via della Rocca, 34, 09075 Santu Lussurgiu (OR).
Tottu sas operas tepen esser in sette (7) copias, sentza frima peruna e nemancu motto
o pseudonimo. Tepen esser postas a intro de una busta manna paris cun d’un’attera
busta pitticca, sizillada, chi portet a intro unu fozu cun su titulu de sa poesia o de su
contu, su nomen, s’indiritzu, e su numeru ‘e telefono de s’autore.
A foras de sa busta manna tepet esser indicada sa setzione po sa cale si
cuncurret.
4 - Setziones po sos pitzinnos de iscola (C e D):
C - Poesias a tema liberu, non prus de trinta (30) versos;
D - Contos, non prus de duas pazinas iscrittas a macchina, ogni pazina massimu baranta
(40) rigas.
A custas duas setziones poden leare parte sos pitzinnos de sas iscolas elementares,
medias e superiores.
Sas operas tepen esser in battor (4) copias, anonimas. Tepen esser postas aintro de una
busta manna paris cun d’un’attera busta pitticca, sizillada, chi portet a intro unu fozu cun
su titulu de sa poesia o de su contu, su nomen, s’indiritzu, su numeru ‘e telefono e
s’iscola de s’autore.
Si si partetzipat in gruppu si podet fagher unu paccu unicu ponine tottu sas operas in
d’una busta manna e sos nomenes cun sos titulos de sas poesias in d’unu elencu aintro
de una bustighedda piticca.
A foras de sa busta manna tepet esser indicada sa setzione po sa cale si cuncurret
e s’iscola (elementare, media o superiore).
5 - S’Associatzione non torrat sas operas a sos autores chi però ne abarran meres, ma das
podet pubblicare sentza ricumpentzia peruna.
6 - Sa zuria est cumposta de zente competente de tottu sa Sardigna e su chi detzidit non
podet esser tirriadu.
7 - Sos autores de sas operas premiadas e sos atteros partetzipantes an a esser avvisados
cun littera po sa die e s’ora de sa premiatzione, chi s’at a fagher in su mese de Santu
Aine.
8 - Chie si siat chi presentet poesias o contos, tepet atzettare custu regulamentu
9 - Nos tiat fagher piaghere chi essezis imbiadu sa poesia o su contu fintzas in forma
elettronica (floppy disk o cd - formato Word), ma no est obbligatoriu.
10 - setzione a tema impostu (E): Bisonzu de tribagliu.
Occanno puru su cuncursu est arricchidu cun custa setzione a tema impostu. Paris cun
sos dirigentes de su sindacadu CISL e cun sos cumponentes de sa Carta de Zuri, amus
pentzadu de invitare sos poetas a faeddare de su Bisonzu de tribagliu.
In custos annos semus idinne in tottu su munnu, ma mescas in Sardigna, tanta zente chi
est perdinne su tribagliu e medas bortas si che tzappat cun su cul’in terra sentza ischire
ab ue ch’iscuder sa conca. Calicunu criccat de s’inventare un’occupatzione noa, medas
criccan s’azudu de su guvernu, sos sindacados faghen su chi poden, ma sa situatzione est
ognia die peus. A sos poetas su compitu non fatzile, de faeddare cun sos versos issoro de
custu tema delicadu.
Sas regulas de custa setzione sun sas proprias de sa setzione A.
11 - Sa data e s’orariu de sa premiatzione dos amus a fagher a ischire cun d’una littera a
tottus sos partetzipantes.
Po atteras informatziones:
Frantzisca Manca - 0783 550908
Bachis Serra - 0783 550387
E-mail: [email protected]
Nos tiat fagher piaghere chi sos chi retzin custu invitu po
su cuncursu, du esseren fattu a connoscher a tottu sos chi
sun interessados a mantenner bia sa Limba Sarda e
mescas a sos mastros de iscola.
Gratzie