Panzaròtti ‘e patàne
e merluzzo
by
Aflo
400 gr. ‘e merluzzo (ll ’at’ ‘o
chiàmman nasello…… mmha!!!!
…pulezzàteli e ncè luate
a carne ‘a vicino…
…chianu chianu nc’ pigliàt’
‘a mano…
…pigliàt’ ‘a carne ‘e pesce
e vuttàtel ’ int’ a ‘na tiella
cu nu pòc’ r’uòglio e ‘na
capa r’aglio…
…facitela còcere (ammagàri
pure cu nu zùrz ‘e vino iànco)
…frattànto scauràte 700
gr. ‘e patàne vecchie…
osinò se sfrantùmman’…
…scamazzàte ‘e ppatàne c’o
strumènt’ ca verite…
…ammiscàtele int’ a ‘na tièlla c’
‘o pesce fatt’ a pezzùll’… e nun
ve scurdate o ppetrusino…
…aiutatevi cu ‘na furchetta
pe’ spappulià bbuon…
…preparate ova, farina e pane
rattàto ammiscàto cu nu poco
e sesamo…
…avèssera parè purpètte
piccerelle… ah… me scurdavo
ce vo’ sèmpe oppòco e sale e
pepe…
…friitel ’ int’all ’uòglio vullente…
e mo’ v’ ‘e putit’ magnà… càvere
càvere sempe alla faccia d ’ ‘e
scèff over’…. (ca po’ chi fosser’?
chilli sciem’ r’ ‘o fast-food?...) ca
rint’ ‘o piatt’ nce fànn’ ‘e quadri
ma arint’ nun ce stà niente…
…bbuona fame a tutti…
pignattara
Tina
by
Aflo