FRUTANAN PODEROSO
Un wòrtel di slais parse un wowo di hende: e pòpchi di wowo, e íris i e
liñanan radiante ta parse e wowo di hende... i SÍ, siensia awor ta
mustra ku wòrtel ta oumentá bastante e fluho di sanger pa e wowonan
i nan funshon.
EKOGRAMA DI KURASON
Un tomati tin kuater kamber i e ta kòrá. E kurason ta kòrá i tin kuater
kamber. Investigashon ta mustra ku tomati ta en realidat alimentu puru pa
kurason i sanger.
Drùif ta kologá den tròshi ku tin forma di kurason. Kada drùif parse un sèl
di sanger i investigashon moderno ta mustra ku drùif ta alimentu ku ta
duna vigor na kurason i sanger.
Un walnùt tin aparensia di un seleber chikitu, ku un hemisferio robes i unu
drechi, seleber superior i cerebellum inferior. Asta e ploinan nos ta haña
den walnùt meskos ku den e cortex di seleber. Nos sa ku walnùt ta yuda
desaroyá mas di tres dozein di neurotransmisor pa e funshon di seleber.
Bonchi realmente ta kura i yuda mantené e funshon di e nirnan i sí, nan
parse nir di hende.
Sèlder, robarbu, Bok Choy i otronan mas parse wesu. E alimentunan aki ta
mustra spesífikamente na fortalesementu di e wesunan. E wesunan tin 23%
di sodio i e alimentunan aki tin 23% di sodio. Si nos no haña sufisiente sodio
den nos dieta, e kurpa lo sak’é di e wesunan, hasiendo nan débil. E
alimentunan aki ta abastesé e nesesidatnan di e skelèt di e kurpa.
Berehein, awakati i pera ta mustra na e salú i e funshonamentu di e matris i
e boka di matris. Nan parse e órganonan aki. Investigashon moderno ta
mustra ku ora un muhé kome ún awakati pa siman, e ta balansá e
hormonanan, eliminá peso no deseá i ta prevení kanser di boka di matris. I
kon profundo esaki ta?... Ta tuma eksaktamente nuebe luna pa un awakati
krese for di un flor te na un fruta hechu. Tin mas ku 14 mil elemento kímiko
fotolítiko den kada un di e alimentunan aki (siensia moderno solamente a
studia i a nombra 141 di nan).
Figu ta yen di simia i nan ta kologá den pareha ora nan ta krese. Figu ta
oumentá e mobilidat i kantidat di spèrma, asina e ta yuda redusí e sterilidat
di hende hòmber.
Batata dushi parse pánkreas i realmente ta balansá e índise di suku den sanger
di e diabétikonan.
Oleifi ta yuda e salú i funshon di e ovarionan.
Grepfrut, apelsina i otro fruta sítriko parse e klirnan di pechu di hende
muhé i realmente ta yuda e salú di, i e movementu linfátiko pa i for di e
pechunan.
CÉLULA MADRE
Siboyo parse e sèlnan di kurpa. Investigashon moderno ta mustra ku
siboyo ta yuda limpia e materianan residual di e sèlnan di kurpa. Tambe
nan ta produsí awa di wowo ku ta laba e kapanan epitelial di e wowonan.
E ora ei Dios a bisa: "Laga tera produsí vegetashon, mata ku ta duna simia i palu
di fruta ku ta duna fruta.”. . . Anto tera a produsí vegetashon, mata ku ta duna
simia. . . , i palu ku ta duna fruta, ku simia den nan,. . . ;
I Dios a mira ku esaki tabata bon.
Génesis 1:11,12
GENIAL…!
NO?