Sa Terra a piticu
Ki impiticamus
sa populadura
‘e su mundu
a una biddixedda
de 100 bividoris,
aporeghendi
sa strutura sua,
nd’iat a bessiri ki:
Nci ant’essi:
57 asiàtigus
21 europeus
8 africanus
4 americanus
(intr’‘e America ‘e Susu
e America ‘e Basçus)
Iant’essi:
48 òminis
52 fèminas
30 biancus
70 de atras arratzas
30 cristianus
70 de atras arrelijonis
89 eterosessualis
11 omossessualis
decraraus
6 personis
iant a tenni su 59% de
s’arrikesa de totu sa
biddixedda.
Custus 6 iant’essi totus
americanus ‘e susu.
Pigadas
totu is 100 personis,
80 iant a bivi in d-una
postura suta-umana.
De is 100 personis
‘e sa biddixedda:
70 no iant a sciri ligi
50 iant a sunfriri su fadigu
1 personi iat’essi morendisi’
1 pipiu iat’essi nascendi
1 personi sceti (eya, 1 sceti) iat
a tenni stùdiu universidàriu
In custa biddixedda
nci at’essi 1 personi sceti
a tenni 1 computadora.
Castiendi sa Terra nosta
de custa bisura,
est craru s’abisonju
de arriciri,
cumprendi,
imparai.
E imoi pensa...
Ki custu menjanu
ti ndi ses pesau
cun prus saludi ke maladias,
insaras tui ses prus scofau
de millyonis de personis
ki custa cida s’ant a morri.
Ki no ses stètiu mai
in is perìgulus ‘e sa gherra,
ki no as bìviu mai
sa solesa ‘e su presoni,
s’angonia de sa trutura,
su trumentu de su fàmini,
stais mellus
de 500 millyonis de personis.
Ki podis andai a sa crèsia
tua ken’‘e timi
po essi umiliau,
impresonau, truturau
o bociu...
insaras sesi prus scofau
de 3 millyardus de personis
in su mundu.
Ki nci tenis
cos’‘e papai in sa niera,
bistiris in s’armàriu,
una crabetura
a pitz’‘e sa conca
e unu logu a nca dromiri...
insaras sesi prus arricu de
su 75% de sa populadura
mondiali.
Ki nci tenis
dinai in banca,
in su bussighitu,
e calancunu arriali
in su sarva-dinai...
insaras ses intr’‘e s’8%
de is prus arricus
‘e su mundu.
Ki mama tua e babu tuu
funti bius ancoras, e
funt imparis...
tui ses una personi
scofada meda.
Ki tui as liju
custas diapostas,
imoi imoi as tentu cofa
duas bortas:
Calancunu fiat pensendidi’,
e ses prus scofau
de prus de 2 millyardus
de personis in su mundu
ki no scinti mancu ligi.
Su ki àndat ... Tòrrat.
Imbia custa missada
a totu is amigus tuus.
Ajuda a calincunu
a cumprendi su mundu.
Ki detzidis de da imbiai,
s’ùniga cosa ki podit
sutzedit
esti ki, gràtzias a tui,
calincunu si nd’at acatai
de sa sorti bona ki tenit.