Zoux die nyei mienh aah!
Maiv dungx cuoqv meih
mbuo nyei fu’jueiv qiex jiez.
Oix zuqc ei Ziouv Yesu nyei
leiz dorh longx fu’jueiv,
njaaux ninh mbuo muangx
waac. (E^fe^so 6:4)
Biux Mengh Waac
Zinh ndaangc yiem Meiv Guoqv naaiv maaih dauh juqv
hnyaangx nyei fu’jueiv sieqv, ninh maaih dauh juv,
mbuox heuc Laddy. Weic zuqc nyei die mv maaih
ziangh hoc caux ninh, ninh dorh ninh nyei juv daaih
diqv ninh nyei die caux ninh zoux doic. Maaih hnoi nor,
ninh mingh doqc sou mingh, ninh nyei juv cie zong
daic mi’aqv, nqa’haav ninh nzuonx daaih ninh nyei maa
gorngv mbuox ninh Laddy cie zong daic mi’aqv, ninh
yaac maiv ko lo, cuotv gaengh kau ndau mingh nziaauc,
yaac heuc ninh nyei juv, Laddy! Laddy meih yiem haaix?.
Ninh nyei maa haiz ninh heuc lorz ninh nyei
juv, ninh nyei maa aengx mingh mbuox ninh
Laddy cie zong daic mi’aqv. Ninh ziouc nyiemv
jienv gorngv, yie laaic duqv meih gorngv Daddy
daic, maiv zeiz Laddy daic. Naaiv bun cing
ninh hnamv ninh nyei juv gauh camv ninh nyei
die. Weic zuqc ninh nyei die maiv longc ziangh
hoc caux ninh zoux doic, jiu tong.
1. Fu’jueiv yiem (2-6 hnyaangx) oix zuqc maaih mborqv
njaaux nyei jauv.
2. Fu’jueiv yiem (7-9 hnyaangx ) oix zuqc gauh camv
mborqv njaaux nyei jauv.
3. Fu’jueiv yiem (10-15 hnyaangx) oix zuqc longc ninh
mbuo qiemx zuqc nyei jauv njaaux.
4. Fu’jueiv yiem (16-20 hnyaangx) oix zuqc longc jiu
tong caux orn hnyouv nyei jauv njaaux.
Maiv dungx nyangc maiv mborqv
njaaux fu’jueiv. Se gorngv meih
longc biaav fitv ninh, ninh maiv daic.
Longc biaav fitv ninh, se njoux ninh
nyei maengc maiv zuqc daic.
(Proverbs 23:13-14)
“Se gorngv meih mbuo maiv hnangv ninh nyei
zuangx dorn zuqc mborqv njaaux, meih mbuo
maiv zeiz cien dorn, kungx zoux fu'jueiv-toi
hnangv. Aengx maaih diuc, mbuo nyei cien die
mborqv njaaux mbuo, mbuo yaac mbuoqc ninh
mbuo. Hnangv naaic, mbuo yietc zei oix zuqc
mbuoqc mbuo nyei tin-dorngh Diex ziouc duqv
ziangh jienv.” (Hebrews 12:8-9)
“Mbuo nyei cien die mborqv njaaux mbuo se ziux
ninh mbuo buatc horpc zuqc njaaux nyei, yaac weic
dangh baav hnangv. Mv baac Tin-Hungh mborqv
njaaux mbuo se weic bun mbuo duqv longx yaac
weic bun mbuo hnangv ninh nor, cing-nzengc. Zuqc
mborqv njaaux wuov zanc maiv maaih haaix dauh
njien-youh, zungv haiz nzauh nyei. Mv baac zuqc
mborqv njaaux liuz, hoqc hiuv nyei mienh nqa'haav
ziouc zoux duqv horpc yaac maaih baengh orn.”
(Hebrews 12:10-11)
Njaaux fu’jueiv gan ninh
horpc zuqc yangh nyei
jauv, zuov ninh hlo daaih,
ninh ziouc maiv leih nqoi
aqv. (Congh Mengh Waac 22:6)
Oix zuqc ei Ziouv Yesu
nyei leiz dorh longx
fu’jueiv, njaaux ninh
mbuo muangx waac.
E^fe^so 6:4
1. Dorh fu’jueiv mingh zoux leiz-baaix.
2. Dorh fu’jueiv mingh hoqc Tin-Hungh nyei jauv.
3. Dorh fu’jueiv mingh camp.
4. Dorh fu’jueiv mingh doqc Ging-Sou.
5. Dorh fu’jueiv mingh hoqc nzung.
6. Dorh fu’jueiv mingh leiz-baaix horqc.
7. Ndorm muonz dorh fu’jueiv daux gaux.
Zoux die zoux maa nyei dauh dauh mienh, oix
zuqc hnamv fu’jueiv, yaac oix zuqc goux longx
ninh mbuo. Goux fu’jueiv oix zuqc longc
hnyouv mangc longx, maiv horpc zuqc la’guaih
guangc jueiv fu’jueiv hnangv guangc maiv lamh
Longc nyei ga’naaiv nor. Weic zuqc, “Fu’jueiv
Se Tin-Hungh nyei fuqv, Tin-Hungh ceix bun
nyei zingh nyeic, fu’jueiv se yiem Tin-Hungh
wuov daaih.” (Singx Nzung 127:3)
Njaaux fu’jueiv oix zuqc longc longx nyei waac njaaux,
maiv horpc zuqc gorngv waac-zaanc fai hemx waacdoqc, fai zioux. Weic zuqc fu’jueiv se Tin-Hungh nyei
fuqv, Tin-Hungh nyei zingh nyeic bun mbuo daaih.
Fu’jueiv oix zuqc bangc-faix njaaux ninh yangh horpc
nyei jauv, zuov ninh hlo daaih, ninh ziouv maiv mingh
pien, Congh Mengh fin-saeng hnangv naaiv nor
gorngv, “Njaaux fu’jueiv yangh dongh ninh horpc zuqc
mingh nyei jauv, zuov ninh gox daaih, ninh ziouc maiv
leih nqoi.” (Congh Mengh Waac 22:6 – Proverbs 22:6)
“O I^saa^laa^en Mienh aac, muangx
longx oc. Mbuo nyei Ziouv, Tin-Hungh,
se nduqc dauh Ziouv hnangv. Oix zuqc
longc nzengc hnyouv, longc nzengc
za'eix, longc nzengc qaqv hnamv
Ziouv, meih mbuo nyei Tin-Hungh.
(Deuteronomy 6:4-7).
Yie ih hnoi jiu bun meih mbuo naaiv deix leiz oix zuqc
longc hnyouv jangx jienv. Oix zuqc jienh njaaux meih
mbuo nyei fu'jueiv hiuv duqv naaiv deix leiz. Maiv gunv
yiem biauv fai yiem Jauv zangc, bueix njiec fai jiez sin,
zungv oix zuqc buih jienv yiem. Yie ih hnoi jiu bun meih
mbuo naaiv deix leiz oix zuqc longc hnyouv jangx jienv.
Oix zuqc jienh njaaux meih mbuo nyei fu'jueiv hiuv duqv
naaiv deix leiz. Maiv gunv yiem biauv fai yiem jauv
zangc, bueix njiec fai jiez sin, zungv oix zuqc buih jienv
yiem. (Deuteronomy 6:4-7).
“Mbuo nyei cien die mborqv njaaux mbuo se
ziux ninh mbuo buatc horpc zuqc njaaux nyei,
yaac weic dangh baav hnangv.” (Hebrews 12:10)
“Oix zuqc bun meih nyei diex maac
a’hneiv, bun yungz meih wuov dauh
maaih njien-youh” (Proverbs 23:25)
“Se gorngv meih mbuo maiv hnangv
zuangx dorn zuqc mborqv njaaux, meih
mbuo maiv zeiz cien dorn, se kungx
zoux fu’jueiv-toi hnangv.” (Heb. 12:8)
Yiem naaiv yiemc Ging-Sou biux mengh se
gorngv haaix dauh maiv njaaux ganh nyei
fu’jueiv se bun cing ninh maiv hnamv ninh
nyei fu’jueiv taux daauh.
Mbuo mborqv njaaux fai hatc njaaux
fu’jueiv nyei jauv se maiv zeiz gorngv
mbuo maiv hnamv ninh mbuo. Weic zuqc
mbuo hnamv ninh mbuo, mbuo maiv oix
bun ninh mbuo buangh zuqc gouv nyei
jauv fai haih hoic ninh mbuo nyei jauv,
mbuo cingx daaih njaaux ninh mbuo,
mbuo mborqv se weic zuqc ninh mbuo
maiv muangx mbuo njaaux ninh mbuo.
1. AUTOCRATIC PARENTS: Naaiv nyungc domh
mienh gorngv haaix nyungc fu’jueiv oix zuqc
muangx nzengc. Fu’jueiv maiv maaih leiz gorngv
taux ninh mbuo fai maiv oix nyei jauv.
2. PERMISSIVE PARENTS: Naaiv nyungc domh
mienh gamh nziex fu’jueiv qiex jiez ninh mbuo,
ninh mbuo maiv oix gorngv haaix daaih bun fu’jueiv
butv qiex, fai nouz ninh mbuo, ninh mbuo sueih
binc fu’jueiv oix zoux haaix nyungc yaac duqv
nzengc.
3. DEMOCRATIC PARENTS: Naaiv nyungc domh
mienh bun qangx fu’jueiv caux jienv ninh mbuo
caangh laangh. Mv baac ninh mbuo mangc jienv,
mangc gaax fu’jueiv gorngv daaih fai zoux daaih
nyei jauv zuqc longc nyei fai, horpc nyei fai maiv
horpc. Se gorngv haaix nyungc buatc fu’jueiv zoux
daaih horpc nyei, longc duqv nyei, ninh mbuo sueih
fu’jueiv zoux, mv baac buatc haaix nyungc fu’jueiv
zoux daaih maiv zuqc nor, ninh mbuo njaaux
fu’jueiv hnangv haaix zoux, yaac tengx jienv
fu’jueiv daav za’eix caangh laangh.
1. Fu’jueiv se oix zuqc bangh faix njaaux, njaaux
ninh mbuo yangh horpc nyei jauv, zuov ninh
mbuo hlo daaih ziouc maiv haih la’kuqv ninh
mbuo yangh nyei jauv. (Congh Mengh 22:6)
2. Maiv dungx simv jienv maiv hatc njaaux meih
mbuo nyei fu’jueiv yiem faix nyei ziangh hoc.
(Congh Mengh Sou 23:13-14).
3. Hatc njaaux meih nyei dorn, dongh corc maaih
lamh hnamv nyei ziangh hoc (Congh Mengh
Sou 19:18).
4. Hatc njaaux meih nyei dorn, nor ninh ziouc
oix bun meih maaih baengh orn (Congh Mengh
Sou 29:17).
5. Haiv dauh mienh hnamv ninh nyei dorn nor,
ninh fai fim nyei hatc njaaux ninh (Congh Mengh
Sou 13:24).
6. Longc biaa hatc njaaux meih nyei dorn–jueiv
se haih zunc cuotv hngongx nyei jauv (Congh
Mengh Sou 22:15).
7. Zoux diex maac nyei mienh oix zuqc ei Ziouv
Yesu nyei leiz dorh longx ganh nyei fu’jueiv yaac
njaaux ninh mbuo muangx waac (E^fe^so 6:4).
8. Zoux die zoux maa nyei mienh maiv dungx
cuoqv fu’jueiv qiex jiez (Ko^lo^si 3:21).
9. Se gorngv mbuo maiv bangh faix njaaux
fu’jueiv nor, fu’jueiv hlo daaih maiv benx mbuo
ganh oix zuqc ndaam-dorng ninh mbuo zoux
nyei sic (I Samuel 3:11-14).
10. Zoux die zoux maa nyei mienh oix zuqc
ndorm muangz jienv njaaux mbuo nyei fu’jueiv,
Tin-Hungh gorngv, “Oix zuqc jienh njaaux meih
mbuo nyei fu’jueiv hiuv duqv naaiv deix leiz.
Maiv gunv yiem biauv fai yiem jauv zangc, bueix
njiec fai jiez sin, zungv oix zuqc buih jienv
yiem.” (Deuteronomy 6:7).
11. Mbuo Giduc Mienh njaaux fu’jueiv nyei jauv
se oix zuqc ei Ziouv Yesu nyei leiz njaaux.
Njaaux Tin-Hungh nyei bun ninh mbuo hiuv,
dorh ninh mbuo mingh lorz Tin-Hungh nyei jauv.
12. Njaaux fu’jueiv nyei jauv se oix zuqc maaih
biauv zong nyei leiz gunv njaaux fu’jueiv,
fu’jueiv cingx daaih haih muangx, haih ei jienv
zoux.
13. Se gorngv mbuo oix fu’jueiv muangx mbuo
nyei waac, mbuo oix zuqc longc ziangh hoc
caux ninh mbuo.
14. Njaaux fu’jueiv nyei jauv se, mbuo maiv haih
ei loz-hnoi mbuo yiem Aa^sie deic-bung nyei
jauv njaaux.
Meih mbuo zuqc diev nyei
kouv naanc se weic mborqv
njaaux. Tin-Hungh zoux bun
meih mbuo se hnangv zoux
bun ninh nyei dorn-jueiv nor.
1. Zoux die mienh nyei gong se oix
zuqc liuc leiz ziux goux hmuangv doic.
2. Longc ziangh hoc caux fu’jueiv jiu
tong dorh fu’jueiv lorz Tin-Hungh nyei
jauv.
3. Zoux hmuangv doic nyei ziouv caux
bieiv.