Communicaziun a las medias
EXPOSIZIUN ANNUALA D'ARTISTAS E D'ARTISTS GRISCHUNS 2012/2013
Museum d'art dal Grischun a Cuira, dals 9 da december 2012 fin ils 20 da schaner
2013
Sco finiziun dal program d'exposiziun 2012 preschenta il museum d'art dal Grischun a
Cuira l'exposiziun annuala d'artistas e d'artists grischuns. L'exposiziun dat ina survista
da la lavur artistica actuala prestada en il e dal Grischun. Quest onn èn vegnidas
envidadas 52 artistas ed artists da mussar lur ovras.
Er quest onn terminescha l'exposiziun annuala populara d'artistas e d'artists grischuns
il program d'exposiziun dal museum d'art dal Grischun a Cuira. Autorisads da sa
participar èn artistas ed artists ch'èn burgais dal Grischun u ch'èn creschids si en il
Grischun sco er tut quellas e quels che han gia dapi almain in onn domicil fix en il
chantun. Las artistas ed ils artists èn s'annunziads per sa participar a l'exposiziun cun
ina documentaziun e cun ina proposta d'exposiziun da maximalmain trais ovras. Tut
las annunzias èn vegnidas valitadas, quai vul dir èn vegnidas admessas a l'exposiziun
u refusadas. La giuria sa cumpona d'ina represchentanta da l'uniun grischuna d'art
(Nina von Albertini), da dus represchentants da las artistas e dals artists dal Grischun
(Corsin Fontana, Ursula Palla), d'ina persuna a libra tscherna (Caroline Morand, post
spezialisà per la cultura da la citad da Cuira) sco er d'ina experta d'ordaifer (Dorothee
Messmer, directura dal museum d'art dad Olten). Totalmain hai dà 149 annunzias. La
giuria ha tschernì ed admess 52 artistas ed artists a l'exposiziun. Er quest onn metta il
museum d'art dal Grischun a disposiziun ultra da l'edifizi Sulser er parts da la Villa
Planta per preschentar las ovras en moda generusa.
La vernissascha publica da l'exposiziun ha lieu sonda, ils 8 da december 2012, a las
17.00. Durant l'exposiziun vegn organisada mintga gievgia saira ina visita guidada
publica sco er ina bar artistica ch'envida ad in barat da las artistas e dals artists cun il
public interessà. L'exposiziun dura fin ils 20 da schaner 2013.
Stephan Kunz
Quest onn sa participeschan las suandantas artistas ed ils suandants artists:
Remo Albert Alig | Elia Aubry | Julia Barandun | Mirko Baselgia | Andri Bischoff | Flurin
Bischoff | Gabriela Brühwiler | Bianca Brunner Marc Bundi | Notta Caflisch | Evelina
Cajacob | Claudio Casapulla | Urs Cavelti | Flavia Caviezel | Kurt Caviezel | Gianin
Conrad | Livia Di Giovanna | Menga Dolf | Christoph Draeger | Milena Ehrensperger |
frölicher/bietenhader | Conrad Jon Godly | Gabriele Horndasch | Chris Hunter | Monica
Ursina Jäger | Patricia Jegher | Heiner Kielholz | Zilla Leutenegger | Catrin Lüthi K |
Gaspare O. Melcher | Nara Pfister | Ramona Proyer | Florio Puenter | Christian
Ratti/So:ren Berner | Daniel Rohner | Christoph Rütimann | Gaudenz Signorell | Gioni
Signorell | Venice Spescha | Jules Spinatsch | Christina Schmid | Miguela Tamo |
Georg Tannò | Javier Miguel Verme | Corsin Vogel | Hannes Vogel | Monika von
Aarburg | Pascale Wiedemann/Daniel Mettler | Lydia Wilhelm | Dominik Zehnder |
Thomas Zindel | Anna-Sabina Zürrer
Vernissascha
sonda, ils 8 da december, a las 17.00
cun pleds da Martin Jäger, cusseglier guvernativ, Stephan Kunz, directur dal museum
d'art dal Grischun, Cuira, e dad Andrea Masüger, mainagestiun da la chasa da medias
Südostschweiz
suenter ha lieu ina festa en la sala blaua da l'hotel Trais Retgs cun tschaina e musica
da Brandy Butler & The Fonxionaires
Exposiziun
dals 9 da december 2012 fin ils 20 da schaner 2013
Visitas guidadas publicas
mintgamai la gievgia, a las 18.00
ils 13 da december 2012
ils 20 da december 2012
ils 3 da schaner 2013
ils 10 da schaner 2013
ils 17 da schaner 2013
Bar artistica
mintgamai la gievgia, a partir da las 17.00
ils 13 da december 2012 (cun Menga Dolf e Gianin Conrad)
ils 20 da december 2012 (cun Emmi Schmucki e Carla Trachsler)
ils 3 da schaner 2013 (cun Eveline Cantieni e Claudia Schmid)
ils 10 da schaner 2013 (cun Sandra Capaul ed Ursula Palla)
ils 17 da schaner 2013 (cun Remo Albert Alig e Chris Hunter)
Intermediaziun d'art
Atelier per uffants
Jau as envid da guardar e da smirvegliar cun mai ed alura da daventar plain plaschair
sezs activs en l'atelier. S'annunziar pon ins fin in di avant l'occurrenza tar
[email protected] u 081 257 28 72
per uffants da 6 fin 10 onns
ils 12 da december, da las 14.00 fin las 16.00
Surdada dal premi d’art da medias Südostschweiz
glindesdi, ils 7 da schaner 2013 a las 18.30 en il museum d’art dal Grischun a Cuira
Uras d'avertura:
mardi fin dumengia, da las 10.00 fin las 17.00
gievgia, da las 10.00 fin las 20.00
glindesdi serrà
Uras d'avertura durant ils firads:
ils 24 ed ils 31 da december: da las 10.00 fin las 17.00
ils 26 da december, il 1. ed ils 2 da schaner: da las 10.00 fin las 17.00
ils 25 da december: serrà
2