Il Center da formaziun Surselva enquera sin igl 1 d'uost 2015 ni tenor cunvegnientscha
in/a scolast/a per chemia, fisica, biologia humana
(6 lecziuns per jamna resp. 24 %)
per la Scola media Surselva a Glion.
La Scola media Surselva ei ina scola familiara cun bun’infrastructura e bien clima da lavur.
Ella vegn menada ensemen culla Scola professiunala commerciala Surselva.
Vies futur
Vus spetga ina lavur varionta cun gronda atgna responsabladad, in team da scolast/as
collegial e motivaus, bunas cundiziuns da lavur ed il sustegn dil menader da partiziun.
Voss’incarica
– Las incaricas sedrezzan tenor las directivas valeivlas.
– L’incarica professiunala cumpeglia specialmein la planisaziun, l’execuziun ed evaluaziun
dall’instrucziun, il perfecziunament persunal e professiunal, la collaboraziun tier
incumbensas generalas da scola, projects ed occurrenzas da scola sco era la tgira
persunala dallas scolaras e dils scolars.
Vies profil
– Vus essas ina persuna aviarta, orientada a sligiaziuns, haveis iniziativa ed apprezieis la
creativitad pedagogica.
– Vus possedis ina patenta da scolast/a per scolas medias ev. in diplom universitar ni
essas promts d’acquirir las qualificaziuns necessarias.
Per damondas stattan Curdin Tuor, meinafatschenta dil Center da formaziun Surselva
(081 926 25 10) ni Marcus Beer, menader da partiziun dalla Scola media Surselva (081
925 34 33) bugen a disposiziun.
Sche nus havein svegliau Vies interess spitgein nus bugen Voss’annunzia entochen ils 20
d'avrel 2015 a: Center da formaziun Surselva, Curdin Tuor, Via dil Glogn 22, 7130 Glion ni
per mail a [email protected].