LA QUOTIDIANA
VENDERDI, ILS 15 DA MATG 2015
„ PLAID PER LA DUMENGIA
Spitgar igl agid da surengiu
La Quotidiana 15-5-2015, p. 19
„ PRO FILIA EN IL GRISCHUN 2014
La situaziun finanziala è precara
(anr) La Pro Filia, fundada 1896, è in’or­
ganisaziun svizra che gida giuvnas en
dumondas da scolaziun, professiun e
vita. Deplorablamain sa chatta la Pro Fi­
lia en il Grischun – suenter che las con­
tribuziuns da chantun e da la citad da
Cuira èn crudadas davent – en ina zunt
precara situaziun finanziala. Gia per la se­
gunda giada serra il quint cun ina auta
sperdita. Per 2014 hai dà in deficit da pas­
sa 10 000 francs che reducescha massiva­
main l’agen chapital (facultad).
Sche las dumondas per sustegn fi­
nanzial a persunas privatas, firmas u
fundaziuns na portan nagut saja la Pro
Filia sfurzada da dar si ses biro. Ins ha
dentant anc adina la speranza d’als chat­
tar. Mo tras las contribuziuns dals com­
members, fauturs, l’ordinariat e pliras
plaivs pon ins cuntinuar cun la purschi­
da. Siond che l’agid da las dunnas evan­
gelicas è vegni schlià ha la Pro Filia sur­
vegnì 1000 francs or da la facultad re­
partgida.
Intermediaziun dad au­pair
L’onn passà èn ils plazzaments dad au­pair
sa reducids levamain. Ils blers vulessan
vegnir plazzads tar famiglias englaisas.
L’offerta è dentant pitschna. Percunter è la
dumonda dad au­pair en il Grischun
gronda, oravant tut sin la champagna.
Tuttas famiglias na pon betg vegnir resgu­
ardadas, siond ch’ils giuvenils prefere­
schan las citads. Ils plazzaments sa fan adi­
na a pli curt termin. Malgrà ils quitads fi­
nanzials sa dattan ins fadia da porscher vi­
navant ina buna cussegliaziun e tgira.
L’onn social grischun
15 giuvenilas ed in giuvenil han entscha­
vì il fanadur l’onn social da transiziun en
il Palottis ad Aschera. Durant tschintg
emnas èn ils absolvents vegnids prepa­
rads sin il praticum en famiglias. En plirs
spitals, chasas d’attempads ed impedids
sco er en canortas d’uffants han els pas­
sentà lur praticum final durant 17 em­
nas. Il diplom han 14 absolventas cun­
tanschì e tuttas han survegnì in plaz
d’emprendissadi u praticum.
Casa Florentini –
sut nova direcziun
La Casa Florentini è in abitadi per giu­
venilas e giuvenils amez la citad da Cui­
ra cun stanzas singulas u da dus. La cha­
sa è bain endrizzada e fitg tschertgada.
Tar la direcziun hai dà ina midada l’en­
tschatta da l’onn. La nova manadra Karin Federspiel-Züst ha instradà diversas
restructuraziuns e midadas. Cun cleras
reglas ed avertamain vulan ins ademplir
ils giavischs dals cussadents cun procu­
rar en chasa per ina buna atmosfera da
dimora.
„ GRISCHUN
Concedì contribuziuns or
da la dieschma d’alcohol
(cc) 20 organisaziuns d’utilitad publica,
instituziuns, uniuns, federaziuns e
fundaziuns survegnan quest onn ina
contribuziun dal retgav da las taxas da
patenta d’alcohol dal chantun. Total­
main vegnan pajads 532 000 francs. Te­
nor la lescha d’ustaria vegn il retgav net
dal chantun or da la taglia dal commer­
zi en detagl cun bavrondas destilladas
duvrà ad in terz per intents d’utilitad
publica ed a dus terzs per la promoziun
dal turissem. Ultra da quai vegnan pa­
jads or en il chantun Grischun passa
648 000 francs da la dieschma d’alcohol
da la confederaziun. Quest import è de­
ditgà al cumbat cunter l’alcoholissem
sco er al cumbat cunter l’abus da tissis
enivrants, da narcotics e da medica­
ments. La dieschma d’alcohol è la part
dals chantuns dal retgav net da l’Admi­
nistraziun federala d’alcohol.
19