O Le Finauga Tele
Ellen G. White
1991
Copyright © 2014
Ellen G. White Estate, Inc.
Information about this Book
Overview
This eBook is provided by the Ellen G. White Estate. It is included
in the larger free Online Books collection on the Ellen G. White
Estate Web site.
About the Author
Ellen G. White (1827-1915) is considered the most widely translated American author, her works having been published in more
than 160 languages. She wrote more than 100,000 pages on a wide
variety of spiritual and practical topics. Guided by the Holy Spirit,
she exalted Jesus and pointed to the Scriptures as the basis of one’s
faith.
Further Links
A Brief Biography of Ellen G. White
About the Ellen G. White Estate
End User License Agreement
The viewing, printing or downloading of this book grants you only
a limited, nonexclusive and nontransferable license for use solely
by you for your own personal use. This license does not permit republication, distribution, assignment, sublicense, sale, preparation
of derivative works, or other use. Any unauthorized use of this book
terminates the license granted hereby.
Further Information
For more information about the author, publishers, or how you can
support this service, please contact the Ellen G. White Estate at
i
[email protected]. We are thankful for your interest and feedback and wish you God’s blessing as you read.
ii
UPU TOMUA
Na amatalia e Nuuialii Siaosi Neru le faaliliuga o lenei tusi i le
gagana Samoa i le 1956, ina ua vaai o ia i le maoa’e ma le matagofie
o le fofolaina mai e lona tusitala o le fuafuaga tele a le Atua mo le
faaolataga o le fanau a tagata. Mai le aofa’i e 42 mata’upu o le tusi,
e 19 mata’upu na ooi ai le galuega a Neru ae faata’otolia loa o ia i
lona toe gasegase.
Ona taatia ai lea o lenei galuega mo ni tausaga, se’ia oo ina ua
faatūina i Sini i Ausetalia se komiti e faafoeina le galuega o le faamae’aina o le faaliliuga. O i latou na i ai i lea komiti o le susuga a
Ron W Taylor, le ta’ita’i fono, ma susuga a John T Howse, T Tesese,
Aleni Fepulea’i, ma Ga’iā Sapena, faapea ma Kuresa Taga’i i se
vaitaimi mulimuli ane. Na talosagaina le susuga a John T Howse na
te vaaia ma tuufaatasia mata’upu eseese na faaliliuina e le au faaliliu
mai Samoa ma Ausetalia ma Niu Sila faapea ma Amerika.
Peitai ina ua mae’a se iloiloga o nei faaliliuga eseese uma o
mata’upu e 42 o le tusi, sa tonu ai loa e ao ona i ai se tagata e to’atasi
na te toe vaai toto’a i le faaliliuga atoa ina ia taatia mai ai se galuega
e ō gatasitasi ona vaega uma. O lea na talosagaina ai loa e le komiti
le susuga a Kuresa Taga’i na te faia lea galuega i ona taimi avanoa
e aunoa ma se totogi. Peitai o le faa’umi’umi o lea auala na i’u ai
loa ina talosagaina e le CPUM le Kolisi i PAC i Papua Niu Kini i
le 1990, ina ia faatagaina Kuresa e galue totogi mo le CPUM mo ni
masina se tolu pe fa auā le faia o lenei galuega. Na fesoasoani malosi
susuga a Ron W Taylor ma John T Howse faapea ma Luka Titimanu
ia Kuresa i le faatonutonuina o mata’upu ta’itasi uma o le tusi na
ia toe galue ai, sei oo lava ina ua mae’a ma auina atu loa lenei tusi
mo lona lomiga i le fale lomitusi o le Signs Publishing Company i
Warburton i Ausetalia.
E avatu e le Komiti Faatonu le faafetai ma le faamalo ia i latou
uma na i ai sa latou sao i le sauniunia o lenei galuega tele i le gagana
Samoa. E avatu ai le faamalo faapitoa i le susuga a Nuuialii Neru
faapea le aiga alii o ē na latou lagolagosua i lea auauna a le Atua. E
iii
momoli atu ai foi le faafetai ma le faamalo ia i latou uma i Samoa,
ma Ausetalia, ma Niu Sila faapea ma Amerika, o ē na i ai sa latou
vaega i le faaliliuina o se mata’upu po o ni mata’upu o lenei tusi. E le
faagaloina i la matou faafetai le fale lomitusi o le Signs Publishing
Company mo se galuega matagofie ua i ai nei i o tatou lima. E i
ai le faanaunauga o i latou uma na galulue i le sauniuniga o lenei
faaliliuga, ina ia avea le Finauga Tele o se puna o faamanuiaga mo i
latou uma o ē o le a faitau i ai.
Ia Soifua.
O le Komiti Faatonu
[vi]
FAATOMUAGA
Eleai se leleiga e ono aliali mai i le finauga o lo o fai nei i le va
o le pouliuli ma le malamalama, i le va o le agasala ma le amiotonu,
le oti ma le ola, le sesē ma le sa’o. Tatou te iloa lenei mea i o tatou
lava loto. Ua tatou iloa foi o lo o tofu i tatou ma le vaega o lo o fai i
lenei finauga o lo o tatou auai uma ai.
E i ai taimi e oo mai ai ia i tatou uma le faanaunauga tatou te fia
malamalama atili i uiga o lenei finauga tele. Na faapefea ona tupu
mai lenei finauga? E faia pea se’ia afea? Ae o le a lona i’uga? E moni
ea tala a nisi saienitisi faapea o le a goto atu lo tatou lalolagi i se vasa
e le sao atu i ai le malamalama o le la, ma liu aisa ai i le mālūlū o
se po e leai sona gataaga? E i ai ea se lumana’i sili atu i lo lea mo
lo tatou paneta? E i ai ea se lumana’i e pupula i le malamalama o le
ola, ma mafanafana i le alofa lē mavae o le Atua? E aafia faapefea i
tatou ta’ito’atasi i lenei finauga?
Ua tusia lenei tusi ina ia maua ai se tali sa’o mo nei fesili, mo i
latou uma o le afaitau i ai. Na tusia lenei tusi e se tasi ua na mautinoa
e lelei le Atua, se tasi sa māfana la la fesoota’iga ma le Atua e ala i
talosaga ma le su’esu’eina o Lana afioga, ma sa ia iloa ai e maua le
mana lilo faalelagi e i latou uma o ē matata’u ia te Ia. (faatonu)
Fai mai le tusitala i ana upu faatomua:
Sa atoatoa le fiafia o Atamu i la la fesoota’iga fevaaia’i ma Le na
faia o ia; a’o lei ofi mai le agasala. Peitai na motusia lenei mafutaga
maualuga ina ua agasala le tagata ma vavae’ese mai ai o ia e ia lava
mai le Atua. Ae ui i lea, o le fuafuaga o le faaolataga ua matala mai
ai nei se ala e mafai ai e i latou uma o i le lalolagi ona latou toe
maua se fesoota’iga ma le lagi. Ua fesoota’i mai nei le Atua i tagata
e ala i Lona Agaga, ma ua tuuina mai nei le malamalama faalelagi
i le lalolagi e ala i faaaliga ua tuuina mai i Ana auauna filifilia. “Na
talatala mai tagata paia o le Atua ina ua osofia i latou e le Agaga
Paia”. 2 Peteru 1:21.
E lei i ai se faaaliga tusia i le ulua’i lua afe lima selau tausaga
o le tala tuufaasolo o le tagata. O ē na a’oa’oina e le Atua sa latou
v
ta’uta’u atu i nisi lo latou malamalama, ma sa tuugutu atu e le tamā
i le atalii. Faato’a amatalia le sauniuniga mo le upu tusia i le taimi
o Mose. O le taimi lea na amata tusia ai i se tusi faaaliga faalelagi.
E afe ono selau tausaga o faaauauina pea lea galuega, mai le taimi
o Mose le tusitala o le foafoaga ma le tulafono, se’ia taunuu mai ia
[vii] Ioane le tusitala o upu moni sili o le talalelei.
Ua faaali mai e le Tusi Paia o le Atua lava lona Tusitala. Peitai na
tusia e lima o tagata. Ua faaalia mai i le Tusi Paia “e mai le Agaga o le
Atua” upu moni uma (2 Timoteo 3:16), peitai o lo o faa’upuina mai
i upu a tagata. Ua faasusuluina mai e le Silisili Ese le malamalama
i loto ma mafaufau o Ana auauna e ala i Lona Agaga. Ua Ia tuuina
mai miti ma faaaliga, o ata ma faatusa; peitai o ē na faaalia mai i ai
le upu moni na latou faa’upuina nei manatunatuga uma i le gagana
a tagata.
O le Atua lava na Ia fetalaia mai tulafono e sefulu, ma sa tusia
foi e Ona lava aao. E paia, e le o se galuega a se tagata. Peitai o le
Tusi Paia ua tasi ai le Atua ma le tagata - o lo o i ai upu moni na
tuuina mai e le Atua, a ua faa’upuina i le gagana a tagata.
E ese’ese augatupulaga na soifua ai ē na tusia le Tusi Paia. Na
ese’ese foi o latou mamalu ma tulaga, ma sa le tutusa foi o latou
a’oa’oga ma o latou agavaa faalemafaufau. O nei ese’esega uma ua
tatou maua ai i le Tusi Paia ni ese’esega o faa’upuga ma tusitusiga,
pei lava ona ese’ese aoaoga ma mata’upu ua faaalia mai ai. O le
ese’ese o vaaiga ma faa’upuga a nei tusitala uma, ua foliga mai ai
i le tagata e papa’u lana faitau ma lona malamalama, ua peiseai e i
ai ni aoaoga le fetaui ma ni manatu feteena’i o lo o i ai. Peitai o le
tagata e faitau ma le faaeteete ma su’esu’e ma le mata’u, e manino
lava lana vaai na te iloa ai le tasi o le faavae o nei tusitusiga uma. Ua
faafiafiaina le finagalo o le Atua ina ua tuuina mai Lana upu moni i
le lalolagi e ala i lima o tagata. Ua tuuina mai Lona finagalo e ala i
le gagana faalē’atoatoa a tagata; peitai e le o suia ai le finagalo o le
Atua; ma o le tagata usitai ma le faatuatua na te vaaia i nei tusitusiga
uma le mamalu o le mana faalelagi, ua tumu i le alofa tunoa ma le
amiotonu.
Ua tuuina mai e le Atua i tagata, e ala i Lana afioga, le malamalama e ta’ita’iina atu ai i latou i le faaolataga. E ao ona taliaina
le Tusi Paia e avea o se faaaliga aloa’ia, o se faaaliga le sese o Lona
finagalo. O le tapulaa lava lea o amioga uma, o le faaaliga lava lea
o aoaoga uma, atoa ma le fua le sese e tasi e fua a’i aoaoga uma ma
talitonuga uma. “O Tusi Paia uma lava e mai le Agaga o le Atua ia,
e aoga foi ia e a’oa’o ai, e a’oa’i ai, e faatonu ai, e faapoto ai foi i le
amiotonu, ina ia atoatoa ona lelei ai o le tagata o le Atua, ia saunia
lava ia i galuega lelei uma lava”. 2 Timoteo 3:16, 17.
Aua nei faapea se tasi ua le toe mana’omia le faatasi mai o le
Agaga Paia ina ua faaalia mai e le Atua Lona finagalo i tagata e
ala i Lana afioga. Na folafolaina mai e lo tatou Faaola le Agaga Na
te faailoa mai le upu moni i Ana auauna, ma Na faalauteleina ma
faatinoina Ana aoaoga. O le Agaga o le Atua na mānavaina mai le
Tusi Paia. E le mafai la ona ese’ese aoaoga a le Agaga ma aoaoga a
le Tusi Paia.
E faaauauina pea le galuega a le Agaga Paia, e tusa ai ma le
afioga a le Atua, i le vaitaimi atoa e tala’iina atu ai le talalelei. Ua
ta’ua mai e le tusi Paia tala o a’oa’oga ma apoapoa’iga, o lapata’iga
ma a’oa’iga na maua e tagata e ala i le galuega a le Agaga Paia. E le [viii]
tutusa galuega nei a le Agaga Paia ma Lana galuega i Lona tuuina
mai o le afioga a le Atua. E i ai perofeta o lo o ta’ua mai i le Tusi
Paia, peitai e aunoa ma ni a latou aoaoga po o ni a latou upu ua tusia
ai. Na faapena foi ona faaauauina pea le galuega a le Agaga Paia o
le lapata’i, faamatalaloto, ma faamafanafana i le fanau a le Atua, e
ui lava ina ua mae’a atu ona tusia o le Tusi Paia.
Fai mai le folafolaga a Iesu i Lona au soo, “A’o le Fesoasoani, o
le Agaga Paia lea, e auina mai e le Tamā i lo’u igoa, o ia lava na te
a’oa’o ia te outou i mea uma lava; e faamanatu mai foi o Ia ia te outou
i mea uma ua ou fai atu ai ia te outou”. Ioane 14:26. Fai mai a’oa’oga
manino a le Tusi Paia o nei folafolaga o le a le gata mo ona po o le
au aposetolo, ae o le a aafia ai foi le ekalesia a Keriso i augatupulaga
uma. Na tuuina mai e le Atua e ala i le perofeta o Ioelu se folafolaga
o le liligi faapitoa mai o Lona Agaga, faatasi ai ma nisi o faailoga
o le aso tele o le Atua. Ioelu 2:28. Na maua se ulua’i faataunuuga o
lenei folafolaga ina ua liligiina ifo le Agaga Paia i le aso Penetekoso.
Peitai o le a i ai sona faataunuuga atoatoa i le liligiina ifo o le alofa
tunoa o le Atua i taimi taufaai’u o le galuega o le talalelei.
O le a faateteleina le mata’utia o le finauga tele i le va o le lelei
ma le leaga sei oo atu lava i le i’uga o mea uma. Ua leva ona pesi
mai le ita tele o Satani i le ekalesia a Keriso i augatupulaga uma;
peitai a’o latalata atu le ekalesia i le ituaso o lona lavea’iga, o le a
faateteleina atili le malosi o le aasa o galuega a Satani. “Ua alu ifo
ia te outou le tiapolo ua lotoa tele, auā ua na iloa ua saasaa ona aso”.
Faaaliga 12:12. O le a galue o ia “i le mana uma, ma faailoga, ma
vavega pepelo”. 2 Tesalonia 2:9. Ua ono afe tausaga o liliu atu i le
galuega o le taufaasese ma le taufaaleaga, le mafaufau lea sa sili lona
maoa’e i agelu uma a le lagi. O le loloto o lona poto taufaasese ua
na maua i lana galuega faifaipea, o le sauā na faa’atoatoaina i le afe
ma afe o tausaga o le finauga tele, o le a sasao mai nei le aasa o ia
mea uma i le fanau a le Atua i le taua mulimuli. E i ai le galuega a
le au soo o Keriso e ao ona fai i lena taimi faigata. Ia latou avatu i le
lalolagi le lapata’iga o le afio faalua mai o le Alii, ma ia sauniunia le
fanau a le Atua e tutū atu i Ona luma i Lona toe afio mai. O le taimi
lea e mana’omia ai e le ekalesia le liligiina ifo o le alofa tunoa ma le
mana o le Atua e pei lava ona tuuina i le ekalesia i ona aso o le au
aposetolo.
O le galuega lava foi a le Agaga Paia na tuuina mai ai i le na
tusia lenei tusi ni faaaliga o vaega ese’ese o le finauga tele o lo o
faia nei i le va o le lelei ma le leaga. Ua faatagaina a’u i lea taimi
ma lea taimi, ou te vaai i faagaioiga i tupulaga ese’ese, o le finauga
tele i le va o Keriso le Pelenise o le ola, le Alii o le Faaolataga, ma
Satani le pelenise o le leaga, le alii o le agasala, o le na ulua’i solia
le tulafono paia a le Atua. E mafai ona tatou vaaia i le tala faasolo
[ix] o augatupulaga uma, le tetee lava lea e tasi na amatalia i le lagi i le
tulafono a le Atua, atoa ma faagaioiga taufaasese ia ua foliga mai ai
o le upu moni le mea pepelo, ma avea ai tulafono a tagata ua pei o
le tulafono a le Atua, ma ta’ita’iina atu ai le toatele e tapua’i i mea
na faia e le Atua, a ua le tapua’i atu i Le na faia mea uma.
O le a toe faia e Satani i le tau faai’uga o le finauga tele, faagaioiga taufaasese e pei lava ona faia e ia i nei augatupulaga uma ua
mavae. Ae peitai e tasi le ese’esega. O le a sili mamao atu le aasa o
nei mea uma i le taua o lo o lumana’i nei, nai lo se isi lava vaitaimi
i le tala faasolo o le lalolagi.
A’o faaali faasolosolo mai e le Agaga o le Atua i lo’u mafaufau
upu moni autū o Lana afioga, faapea ma ata o mea ua mavae, atoa
ma le lumana’i, sa faatonuina a’u ou te ta’u atu i isi mea ua faaalia
mai, ina ia i ai se tala faasolo o le finauga tele i augatupulaga ua
mavae, ma ia malamalamagofie ai vaega uma o le finauga tele o lo
o lumana’i.
Ua ou taumafai e fili ma tuufaatasi vaega o le tala faasolo o le
ekalesia, i se auala e iloagofie ai le auaua’i mai o upu moni autū i
le lalolagi i lea vaitaimi ma lea vaitaimi. O upu moni autū lava ia
na tupu ai le ita tele o Satani, ae sa tausia pea ma faaauauina e le
molimau a i latou o ē na le faapelepele i o latou ola se’ia oo i le oti.
Ua ou taumafai e tuuina atu lenei tala i se auala e le gata ina
puupuu, ae ia aofia uma ai vaega tetele o le tala faasolo o le ekalesia.
O nisi o vaega o le tusi ua ou faaaogaina ai tusitusiga ma faa’upuga a
isi tusitala pe afai e pupuu ae manino ma atoatoa lo latou talaina mai
o se mata’upu. Peitai o le tele o taimi e le o ta’ua suafa o i latou ia i
le tusi ona o le pogai lenei. Ua siitia mai a latou tusitusiga, e le ina ia
fai ma molimau e faamaonia ai le tonu ma le sa’o o se mata’upu, ae
ona o le manino ma le ma’oti o a latou faa’upuga, ma ua faaitiitia ai
lo’u taimi alu i le tusiga o ia mata’upu. Ua faapea foi ona faaaogaina
tusitusiga a ē na latou taulamua i le galuega o le toe fuata’iga, e
faa’upuina atu ai le tala o o latou olaga, atoa ma o latou talitonuga.
Ua tusia lenei tusi:
— ina ia fofola auaua’i atu ai vaega ese’ese o le finauga tele i le va
o le upu moni ma le mea taufaasese
— ina ia aliali a’e ai mailei a Satani, ma auala e mafai ai ona tatou
manumalo i ai
— ina ia tuuina atu ai se fofō faamalieloto mo le faafitauli tele o le
agasala, ma faamaninoina ai le amataga ma le i’uga o le agasala, ina
ia faamaonia ma manino ai le amiotonu ma le alofa o le Atua, a’o
[x]
faia Ana fesoota’iga ma mea uma na Ia faia.
— ina ia faailoa mai ai le natura paia, ma le uiga tumau ma le le
fesuisuia’i o Lana tulafono.
Tau ina ia avea lenei tusi o se ala e lavea’iina mai ai agaga mai
le pule a le pogisa, ma fai ai mo latou le taui o le au paia, ina ia i’u
atu ai i le viiga o Ia o Le na alofa mai ma tuuina mai o Ia e Ia lava
mo i tatou. O le tatalo naunauta’i lea a le tusitala.
Elena Uaita
[xi]
Contents
Information about this Book . . . . . . . . . . . . . . . . . . . . . . . . . . . . . . i
UPU TOMUA . . . . . . . . . . . . . . . . . . . . . . . . . . . . . . . . . . . . . . . . . iii
FAATOMUAGA . . . . . . . . . . . . . . . . . . . . . . . . . . . . . . . . . . . . . . . . v
Mataupu 1—O Le Faatafunaga O Ierusalema . . . . . . . . . . . . . . 12
Mataupu 2—Sauaga I Uluai Senituri . . . . . . . . . . . . . . . . . . . . . 33
Mataupu 3—Ni Augatupulaga O Le Pogisa Faaleagaga . . . . . . 43
Mataupu 4—O Tagata Ualetenese . . . . . . . . . . . . . . . . . . . . . . . . 56
Mataupu 5—Ioane Uikilifi . . . . . . . . . . . . . . . . . . . . . . . . . . . . . . 74
Mataupu 6—O Hasi Ma Ierome . . . . . . . . . . . . . . . . . . . . . . . . . 93
Mataupu 7—O Le Vavae’ese O Luteru Mai Roma . . . . . . . . . 118
Mataupu 8—Tula’i Luteru I Luma O Le Fono Aoao
Faitulafono . . . . . . . . . . . . . . . . . . . . . . . . . . . . . . . . . . . . . . 144
Mataupu 9—O le Failauga O Le Toe Fuataiga Mai Suiselani . 171
Mataupu 10—Faagasologa O Le Galuega Toe Fuata’i I
Siamani . . . . . . . . . . . . . . . . . . . . . . . . . . . . . . . . . . . . . . . . 185
Mataupu 11—O Le Mau A Alii Sili . . . . . . . . . . . . . . . . . . . . . 197
Mataupu 12—Galuega O Le Toe Fuata’iga I Farani . . . . . . . . 212
Mataupu 13—O Holani Ma Sikane-Tineivia . . . . . . . . . . . . . . 240
Mataupu 14—O Nisi Ta’ita’i O Le Galuega O Le Toe
Fuata’iga I Egelani . . . . . . . . . . . . . . . . . . . . . . . . . . . . . . . 249
Mataupu 15—O Le Tusi Paia Ma Le Fouvalega Tele I Farani 270
Mataupu 16—Sola’aga a Le ’Au Femalaga’i I Amerika . . . . . 295
Mataupu 17—Avefe’au O Le Taeao . . . . . . . . . . . . . . . . . . . . . 306
Mataupu 18—Se Failauga O Le Toe Fuata’iga I Amerika . . . 322
Mataupu 19—O le Malamalama I Le Mea Pogisa . . . . . . . . . . 347
Mataupu 20—O Se Fafagu Faaleagaga I Le Lalolagi . . . . . . . 358
Mataupu 21—Se Lapata’iga Ua Teena . . . . . . . . . . . . . . . . . . . 377
Mataupu 22—Ua Faataunuuina Valo’aga . . . . . . . . . . . . . . . . . 393
Mataupu 23—O le A Le Uiga O Le Malumalu? . . . . . . . . . . . 411
Mataupu 24—Totonu O Le Mea E Silisili Ona Pa’ia . . . . . . . 424
Mataupu 25—O le Tulafono Le Maliua A Le Atua . . . . . . . . . 434
Mataupu 26—Se Galuega Toe Fuata’i . . . . . . . . . . . . . . . . . . . 451
Mataupu 27—Toe Faafouga Faaleagaga I Ona Po Nei . . . . . . 461
Mataupu 28—O Le Faamasinoga Su’esu’e . . . . . . . . . . . . . . . . 478
x
Contents
Mataupu 29—O Le Amataga O Le Agasala . . . . . . . . . . . . . . .
Mataupu 30—Feitaga’i I Le Va O Le Tagata Ma Satani . . . . .
Mataupu 31—Faagaioiga Lilo A Agaga Leaga . . . . . . . . . . . .
Mataupu 32—Mailei A Satani . . . . . . . . . . . . . . . . . . . . . . . . . .
Mataupu 33—O le Ulua’i Pepelo . . . . . . . . . . . . . . . . . . . . . . . .
Mataupu 34—E Mafai Ea E Tagata Ua Oti Ona Tāutala
Mai la I Tatou? . . . . . . . . . . . . . . . . . . . . . . . . . . . . . . . . . .
Mataupu 35—O Sini O Le Pule Faapope . . . . . . . . . . . . . . . . .
Mataupu 36—O Le Taua Ua Faamālumalu Mai . . . . . . . . . . .
Mataupu 37—O Le Tusi Paia E Malutia Ai . . . . . . . . . . . . . . .
Mataupu 38—O Le Lapata’iga Mulimuli . . . . . . . . . . . . . . . . .
Mataupu 39—O Le Taimi O Puapuaga . . . . . . . . . . . . . . . . . . .
Mataupu 40—Ua Lavea’iina Tagata O Le Atua . . . . . . . . . . . .
Mataupu 41—O Le Faatafunaga O Le Lalolagi . . . . . . . . . . . .
Mataupu 42—Ua Faai’uina Le Finauga Tele . . . . . . . . . . . . . .
xi
491
505
511
518
531
550
561
580
591
601
610
628
645
653
Mataupu 1—O Le Faatafunaga O Ierusalema
Ma’imau pe ana e iloa i lenei aso mea e te manuia ai! A’o lenei
ua natia ia te oe. E oo mai aso e siitau mai ai ou fili ia te oe ma latou
si’osi’omia oe. Latou te faamaupu’epu’e palapala i fafo atu o ou pa,
ma latou si’o ia te oe i itu uma. Latou te faagatasi foi ia te oe ma le
eleele, atoa ma lau fanau i totonu ia te oe; latou te le tuua foi se maa
i luga o le tasi maa i totonu ia te oe; aua ua le iloa e oe ona po ua
asia mai ai oe”, Luka 19: 42-44.
Ua silasila atu Iesu i Ierusalema mai le tumutumu o Olive. E
matagofie ma to’afilemu le vaaiga ua folasia mai nei i Ona luma.
Talu ai ona o le vaitausaga lea o le Paseka, ua faapotopoto mai nei
i Ierusalema le fanauga a Iakopo mai atunuu eseese ona o le faamanatuina o le tausamiga tele faa-Iutaia. Ua taatia mai nei i Ona
luma o tovine ma faatoaga, o vaega mauti’eti’e lanulau’ava ua tumu
i fale’ie o ē ua faimalaga mamao mai, faapea maota tetele o le malo,
ma pa maualuluga o le laumua o Isaraelu. E peiseai ua fai ane i lona
mitamita le tama fafine a Siona, Ou te nofo o le tupu fafine e leai se
faanoanoa; ua manatu o ia ua lalelei o ia ma ua fiafia mai i ai le lagi,
faapei o le taimi anamuā na pese mai ai le faipese ma faapea mai: “E
matagofie le maualuga o le mauga o Siona, le aai a le Tupu silisili, e
fiafia ai le lalolagi uma.” Salamo 48:2. Ua matagofie le taatitia mai
o vaega eseese o le malumalu. E pei o le kiona le pa’epa’emā o maa
tāua ua fai ai puipui o le malumalu; ma ua atili ai le pa’epa’emā o
nei puipui ina ua suluia i ave o le la ua taugagaifo. Ua faapea foi le
fe’ilafi mai o le faitoto’a lanu’auro, atoa ma le falelogo maualuga.
Ua tula’i mai nei le malumalu i le “atoatoa o lona matagofie”, o le
mitamitaga o le nuu o Iutaia. O ai se tama fanau a Isaraelu e mafai
ona sisila i lenei vaaiga e aunoa ma sona lagona faagaeetia i le olioli
ma le maofa tele! Peitai na mamao ma le finagalo o Iesu ni manatu
faapea. “Ina ua latalata o Ia, ua silafia e Ia le aai, ona tagi ai lea o
ia”, Luka 19: 41. Ua maoa’e le olioli o le motu o tagata ona ua Ia
tietie mai nei o Ia o se tupu, o se ua manumalo. Ua latou faaagiagia
laupama, ma ua tali mai e le la ituvanu la latou valaau “Osana”, ma
12
O Le Faatafunaga O Ierusalema
13
e afe ma afe i latou ua tauvalaau ma fai mai o Ia o le tupu. Peitai [2]
e ui i le olioli o le motu o tagata, na faafuasei ona faatumulia o le [3]
finagalo o le Faaola o le lalolagi i se faanoanoa e lei malamalama i
ai se tasi. Ua tutulu nei o Ia, le Alo o le Atua, Le na folafolaina mai
mo Isaraelu, Le e Ona le mana na faatoilaloina ai le oti ma toe faatula’i mai ai i latou nai le tuugamau. Ua tutulu nei o Ia, e le ona o se
faanoanoaga e masani ai, peitai ona o se tigā matuitui ma le mamafa
e le mafai ona natia.
E lei maligi Ona loifofoga mo Ia lava, e ui lava sa Ia silafia lelei
le mea ua taatia mai nei mo Ia i le ala. Ua taatia mai nei i Ona luma
Ketesemane, le mea o le a Ia faafesaga’i ai ma Ona tiga ua lalata mai
nei. Ua vaaia nei foi le faitoto’a mo mamoe. Ua fia selau tausaga o
ui mai ai mamoe mo taulaga i lea faitoto’a, ma o le a tatalaina foi
lea lava faitoto’a mo Ia pe a aumaia o Ia “e pei o le tamai mamoe
ua ta’ita’iina ia fasia”. Isaia 53:7. O talatu ua tu mai ai Kalevario le
mea o le a faasatauroina ai o Ia. E mata’utia na’uā le pogisa tele ua
si’omia ai nei le ala ua toetoe lava savalia nei e Keriso, a’o faapea
ona tuuina atu e Ia Lona agaga o se taulaga mo agasala. Peitai e le
o le lalata mai o ia tiga ua avea ma ao i Ona luga i lenei ituaso o le
fiafia. E lei avea Lona mua’i silafia o nei tiga o le a oo ia te Ia, ma
mea e faanenefuina ai Lona agaga le faapito. Na tutulu o Ia ona - o
le faafanoga o le afe ma afe i Ierusalema - ona o le tauaso ma le loto
ma’a’a o i latou na Ia afio mai Na te lavea’ia ma faamanuia.
E sili atu i le afe tausaga o le tala faasolopito o le alofa ma le
tausiga faapitoa a le Atua i le nuu filifilia, ua tatala atu nei e pei o
se tusi fofola i luma o Iesu. Ua Ia vaaia le mauga o Moria, le mea
na fusifusia ai i le fata faitaulaga le atalii o le folafolaga, e aunoa
ma sona tetee atu. O le faatusa lava lea o le tuuina atu o le Alo
o le Atua. O i nā na faamaonia ai le feagaiga o le manuia po o le
folafolaga o le Mesia, i le tamā o le faatuatua. Kenese 22:9, 16-18.
O inā foi na alu a’e ai i le lagi le asu o le taulaga na osia i le mea e
soli ai saito a Aruna, ma taofia ai le pelu a le agelu o le faafanoga (1
Nofoaiga Tupu 21). O se ata fetaui lelei lea o le taulaga a le Faaola,
atoa ma lona fautua mo tagata agasala. Na faamamaluina lava e le
Atua Ierusalema e sili i nuu uma o le lalolagi. “Auā ua filifilia Siona
e Ieova; ua finagalo lava i ai e fai Mona afioaga”. Salamo 132:13- O
i nā lava na tuuina atu ai e le au perofeta paia a latou fe’au lapata’i
mo le tele o augatupulaga. O i nā foi na lūlūina ai e le au faitaulaga
14
O Le Finauga Tele
a latou salefu, ma alu a’e ai i luma o le Atua le asu o mea manogi
ua fefiloi faatasi ma talosaga a le au tapua’i. O i nā foi na tuuina atu
ai e fai ma taulaga i aso faisoo le toto o tamai mamoe na fasia, e
tusilima atu ai i le lumana’i, i le Tamai Mamoe a le Atua. O i nā foi
na faaali mai ai e Ieova Lona faatasi mai e ala i le ao pupula sa i ai i
luga o le nofoa o le alofa. O i nā na tū ai vae o le apefa’i na iloa i le
miti a Iakopo, le apefa’i na fesootai ai le lalolagi ma le lagi (Kenese
28:12; Ioane 1:51), le apefa’i na a’ea’e ma ifoifo ai agelu a le Atua,
[4] ma tatalaina mai ai i le lalolagi le ala i le Mea e Silisili ona Paia. Ana
tumau pea le faamaoni o le nuu o Isaraelu i le Atua, semanū e tumau
pea Ierusalema e faavavau, o le nuu filifilia o le Atua. Ieremia 17:2125. Peitai o le tala tuufaasolo o lenei nuu filifilia, o se tala faasolo
lea o le solomuli i tua ma le fouvale. Ua latou teena le alofa tunoa o
le Lagi, ma latou faama’imau i o latou avanoa tāua.
E ui lava sa latou “faatauemu i ē na aauina mai e le Atua, ma ua
inoino i Ana afioga; ma ua ula i Ana perofeta” (2 Nofoaiga a Tupu
36:16), sa Ia faaali atu pea o Ia ia i latou, o “Ieova, o Ieova, o le Atua
alofa mutimutivale ma le alofa fua, e telegese Lona toasa, ae tele le
alofa ma le faamaoni” (Esoto 34:6). E ui lava ina latou fouvale, na
faaauauina pea le ole atu o Lona alofa tunoa ia i latou. E sili atu le
alofa o le Atua ia Isaraelu nai lo le alofa mutimutivale o le tamā i le
atalii na te alofa i ai; o le mea lea na Ia “aauina mai ai ia te i latou
o avefe’au, ua ala aauina lava i latou; auā ua na alofa i lona nuu ma
lona afioaga”. 2 Nofoaiga a Tupu 36:15. Na auina mai e le Atua le
meaalofa aupito sili a le lagi ina ua i’uvale a’oa’iga ma olega ma
’ai’oiga. E le gata i lea ua Ia sasaa maia le lagi atoa uma i lea lava
Meaalofa e tasi.
O le Alo lava o le Atua na auina mai e ’ai’oi ma fautua atu i le aai
loto ma’a’a ma le le fia salamō. O Keriso lava na aumaia Isaraelu o le
vine lelei mai Aikupito. Salamo 80:8. O Lona aao lava na tuli’esea
ai nuu faapaupau ona luma. Na Ia totō ia te ia “i le mauga lafulemu
lava”. O Lana tausiga lelei na Ia si’omiaina ai o ia i le ’olo. Na Ia
auina atu foi Ana auauna e a’oa’o ma tausi lelei ia te ia. O lea ua Ia
fetalai mai ai: “Se a ea se mea e toe faia i la’u tovine ou te lei faia
i ai?” Isaia 5:1-4. Na Ia faatalitali ina ia fua mai ni fua lelei, a ua
fua mai o vine leaga. Ae ui lava i lea, o Lona faamoemoe naunauta’i
ina ia fua mai ni fua lelei, na i’u ai ina afio mai lava o Ia i Lana
tovine, atonu e faasaoina ai mai le faatafunaga. Sa Ia eli faataamilo
O Le Faatafunaga O Ierusalema
15
i Lana vine; sa Ia teu i ai ma vaaia faalelei. Sa na le faavaivai i Ana
taumafaiga uma ina ia faasaoina lenei vine na totōina e Ona lava
aao.
Na feafioa’i le Alii o le malamalama ma le mamalu i totonu o
lona nuu mo le tolu o tausaga. “Na femaliua’i o Ia ma agalelei ma
faamālōlō atu ia i latou uma na faatoilaloina e le tiapolo”. Na Ia
fusifusi i ē loto momomo ma faasa’oloto i ē ua noanoatia; na Ia faapupula i ē tauaso ma faamālōlō i ē tutuli ma ē pipili. Na Ia faamamā
lepela ma faatutū i ē ua oti, ma Ia folafola atu le talalelei i ē matitiva.
Galuega 10:38; Luka 4:18; Mataio 11:5. E lei faailoga tagata Lana
valaau alofa, “Ia outou o mai ia te A’u, outou uma o ē tigaina ma
mafatia i avega, o A’u foi e malolo ai outou”. Mataio 11:28.
E ui lava ina sa tauia mai i le leaga Lana galuega lelei, ma tauia
mai Lona alofa i le inosia o Ia, sa le faavaivai ai o Ia i le faia o Lana
galuega o le alofa. Na te lei teena lava i latou o ē na sa’ilia Lona
alofa tunoa. E ui lava sa Ia soifua i se olaga mativa ma le maumausolo e aunoa ma sona aiga, se olaga e tauemuina i aso faisoo, peitai
sa Ia soifua e auauna atu i tagata ma faamāmā i a latou avega ma [5]
puapuaga, ma Ia ole atu ina ia latou talia le meaalofa o le ola. E ui
ina sa teena lona alofa tunoa e loto ma’a’a o lona nuu, sa lei taofia
ai le toe fafati atu o galu o Lona alofa mutimutivale ma Lona alofa
lemafuatia ia i latou. Peitai ua liliu’ese atu lava Isaraelu mai lana Uo
aupito sili, ma lona fesoasoani e toatasi. Ua latou le amana’ia Ana
olega o le alofa, ua latou teena Ana fautuaga ma apoapoa’iga, ma ua
latou tauemuina Ana lapata’iga.
Ua lalata mai lava le i’uga o le itula o le faamagaloga ma le
faamoemoe. Ua toetoe lava tumu le ipu o le to’asa o le Atua ua leva
ona tuutuu atu pea i tua. O timuga ua leva ona faamālumalu mai i
augatupulaga e tele o le solomuli i tua ma le fouvale, ua toetoe lava
pa’ū mai ia timuga i luga o le nuu amioleaga. Peitai o le tagata e
toatasi e maua ai lo latou faaolataga mai le malaia ua faamalumalu
mai, ua latou teena nei ma tauemuina, ma ua toetoe lava ina latou
faasatauroina. O le aso e tautau ai Keriso i le satauro i Kalevario, o
le aso lava lea e muta ai le avea o Isaraelu o se nuu filifilia, se nuu
faamanuiaina e le Atua. O le fano o se agaga e tasi, o se mala lea e
lemafuatia, ma ua sili atu lona mamafa i lo le tamao’aiga ma le oa o
le lalolagi uma. Peitai a’o silasila atu Keriso i Ierusalema, sa tu mai i
Ona luma e le o se fano o se agaga e toatasi a’o le faafanoga o se aai
16
O Le Finauga Tele
atoa, se malo atoa - le aai po o le malo lea sa avea o le nuu filifilia o
le Atua, o Lana oloa tāua.
Sa fetagisi le au perofeta ona o le liliu’ese o Isaraelu, atoa ma
le faatafunaga mata’utia na oo ia i latou talu ai a latou agasala. Na
mana’o Ieremia ia avea ona mata e pei o punavai o loimata, ina ia
mafai ai e ia ona tagi i le ao ma le po ona o le fasiga o tama fafine a
lona nuu, ina ua tafea le lafu mamoe a le Atua. Ieremia 9:1; 13:17.
E le sili atu ea la le faanoanoaga na mafatia ai o Ia, o Le na silasila
atu faavalo’aga ma iloa ai le malaia o le a le faitauina i tausaga a’o
le a faitauina i augatupulaga! Na Ia vaaia le agelu o le faafanoga ma
lana pelu ua sii a’e, auā le faafanoga o le aai lea ua leva ona avea
o le afioaga o Ieova. A’o Ia tu i le tumutumu o Olive, i le mea lava
lea na tutū ai foi vae o Tito ma lana vaega’au mulimuli ane, sa Ia
silasila atu i faapaologa ma lotoā ua faapaiaina o le malumalu. A’o
Ia silasila atu ma loifofoga maligi, sa Ia vaaia faalemafaufau le taimi
o le a si’omia-ai lenei malumalu uma e au a le fili. Na ia faalogoina
foi le savaliga a vaega’au ua faapotopoto mo le taua. Na Ia faalogoina
foi le leo o tinā ma tamaiti ua lauē i le fia ’aai, mai totonu o le aai ua
si’osi’omia e ’au. Na Ia vaaia le mea sa tu ai le malumalu paia ma le
matagofie, faapea maota tetele ma le maualuluga o Ierusalema, ua
totoe mai ai nei na o le faatafunaga.
A’o silasila atu o la i le lumana’i, na Ia vaaia le nuu o le feagaiga ua faata’ape’apeina i nuu uma o le lalolagi, ua pei o ni vaa ua
malelepe i se matafaga o se nuu naumati. A’o silasila atu Iesu i lenei
faasalaga ua toetoe lava pa’ū mai ia Isaraelu, na Ia vaaia ai ua na o
[6] se ulua’i inumaga lava lenei mai le ipu o le to’asa, le ipu lea e ao ona
inumia ia uma e Isaraelu i le ona po o le i’uga. O le mutimutivale
o le alofa faalelagi atoa ma Lona alofa fia lavea’i, o le pogai lea na
fetalai atu ai Iesu ma loimata maligi, “Ierusalema e, Ierusalema e,
o le fasiotia perofeta, ma fetogi i maa i ē ua aauina atu ia te oe; ua
tele lava lo’u mana’o e faapotopoto i lau fanau, e pei o le moa ona
ofaofata’i i lana toloa’i i lalo o ona apaau, ae lei mafafai outou!” E,
ana iloa e oe, le nuu filifilia e sili i nuu uma lava, ana e iloa le taimi
o lou faamasinoga, atoa ma mea uma e te manuia ai! Sa ou taofia le
agelu o le faamasinoga tonu. Sa ou valaau ia te oe ia ē salamō, ae
ua i’uvale lava. Ua le na o auauna ma sāvali ma perofeta na aauina
atu ma ē teena ma tauemuina, a ua faapea foi ona ē fai i Le Paia o
Isaraelu, o lou Faaola lava lea. Afai e faatafunaina oe, ua na o oe
O Le Faatafunaga O Ierusalema
17
lava e pa’u i ai lea mea. “Ua tou le fia o mai ia te A’u, ina ia outou
maua ai le ola”. Mataio 23:37; Ioane 5:40.
O le silasila a Keriso i Ierusalema na Ia vaaia ai se ata o le lalolagi ua faama’a’aina i le le talitonu ma le fouvale, le lalolagi ua
faataalise atu e fetaia’i ma le taui ma le faasalaga a le Atua. O le
mamafa ia te Ia o puapuaga o se lalolagi agasala, na pa’u mai ai i
Ona laufofoga lena alaga. Na Ia vaaia le tala faasolopito o le agasala,
o le tala lava lea o puapuaga, ma loimata, ma le toto masaa. Na mutimutivale Lona alofa ona o ē puapuagatia ma mafatia i le lalolagi.
Na naunau lava Lona finagalo e lavea’iina i latou uma. Peitai atonu
e oo lava i Lona aao o le a le mafaia ona toe faafo’ia i tua le pesi
mai o le oi ma puapuaga i le fanau a tagata. E toaitiiti lava i latou
o ē fia sa’ili atu ia Iesu lo latou Fesoasoani e toatasi. Na Ia finagalo
malie lava e sasaa atu Lona agaga e oo lava i le oti, ina ia aumaia ai
le faaolataga ia i latou. Ae peitai e toaitiiti pea i latou ua o atu ia te
Ia ina ia latou maua ai le ola.
Ua tutulu le Silisili Ese o le lagi! Ua punou ifo i le mapuitiga le
Alo o le Atua ona ua mafatia Lona finagalo. Na maofa le lagi atoa
i lea vaaiga. Ua faaalia mai ia i tatou e lena vaaiga le matuā leaga
na’uā o le agasala. Ua faailoa mai ai e oo lava i Le Ona le malosi
uma lava, e le o se galuega faigofie le lavea’iga o le tagata agasala
mai le faasalaga o le soliga o le tulafono a le Atua. A’o silasila atu
Iesu i le lumana’i sei oo mai lava i le toe tupulaga o le lalolagi, sa ia
vaaia le lalolagi ua fenumia’i i faasesega, e pei o faasesega na mafua ai le faatafunaga o Ierusalema. O le agasala mata’utia a Iutaia
o lo latou teena lea o Keriso. O le agasala mata’utia a le lalolagi
Kerisiano o lo latou teena lea o le tulafono a le Atua, le faavae o
Lona malo i le lagi ma le lalolagi. Na vaaia e Iesu o le a ulagia ma
le amana’iaina tulafono a Ieova. E miliona ma miliona i latou ua
noanoatia i le agasala, o pologa a Satani, ma ua tonu e faasalaina i le
oti faalua. Peitai ua latou le fia faalogo i afioga o le upu moni i le ituaso o lo latou faamasinoga. Se tauaso ina a mata’utia! Se faasesega
a uiga ese!
Na toe foi atu Iesu faatasi ma Ona soo i le mauga o Olive i lona
lua o aso a’o lumana’i ai le Paseka. O lea lava aso na maliu ese atu [7]
ai o Ia mai le malumalu mo le taimi mulimuli lava, ina ua mae’a
Lona a’oa’iga o ta’ita’i Iutaia i lo latou faatagā amioatua. Ua latou
oo atu i le mauga o Olive, ona latou nonofo ai lea i lalo i le mutia i
18
O Le Finauga Tele
le mea latou te iloa lelei atu ai le aai. Ua Ia toe silasila atu foi i pa
o le aai ma ona fale matamata, atoa ma ona maota matagofie. Ua Ia
toe taga’i atu foi i le mamalu ma le fepulafi mai o vaega eseese o le
malumalu, o se palealii lalelei lea ua faapaleina ai le mauga paia.
Na faasilia e le faisalamo le fiafia mai o le Atua ia Isaraelu
i le afe tausaga ua mavae, ina ua fai le malumalu i Ierusalema o
Lona afioaga. “Ua i Salema foi lona fale apitaga; ua i Siona foi lona
afioaga”. “A ua Ia filifilia le ituaiga o Iuta, o le mauga o Siona na Ia
finagalo i ai. Ua faia foi o lona malumalu e pei o mea maualuluga”,
Salamo 76:2; 78:68, 69. Na faia le ulua’i malumalu i le vaitaimi
aupito tamao’aiga ma le manuia o le tala faasolo o Isaraelu E tele le
oa na faaputuina e le tupu o Tavita mo lenei faamoemoe, ma o ata
mo le fausia o lea fale sa tuuina mai ia te ia mai le lagi. l Nofoaiga a
Tupu 28:12, 19. Na faia lea galuega tele e Solomona le tupu aupito
poto o Isaraelu. Faato’ā vā’ai lea o le lalolagi i se maota ua aupito
sili lona maoa’e ma le uiga ese. Peitai o le fetalaiga lenei a le Atua
e uiga i le malumalu lona lua na ui mai i le perofeta o Hakai: “E sili
le mamalu o lenei fale ua mulimuli i le na muamua”, “Ou te lūlūina
foi nuu uma; ona oo mai ai lea o mea ua manaomia e nuu uma; ou te
faatumuina foi lenei fale i le pupula, ua fetalai mai ai Ieova o ’au”,
Hakai 2:9, 7.
Na faatafunaina lenei malumalu e Nepukanesa. Peitai na toe fausia le malumalu, tusa o le lima selau tausaga a’o lei fanau mai Keriso,
ina ua toe foi le nuu ua leva ona faatafeaina. Na latou toe foi atu i
se atunuu ua faatafunaina, se atunuu peiseai ua tuulafoaiina. Na i
ai ia i latou ni tagata matutua o ē na latou vā’ai i le matagofie o
le malumalu o Solomona, ma sa latou fetagisi ina ua faata’otolia le
faavae o le fale fou, e le tāitai ona faatusalia i le ulua’i malumalu.
Ua manino le faamatalaina mai e le perofeta o le lagona sa i ai i le
to’atele. “O ai ea so outou ua toe, o le na iloa lenei fale i lona muai
matagofie? Pe se a lo outou vaai nei i ai? E le o se mea noa ea i o tou
manatu lona tu mai pe a faatusa ma lenā?” Hakai 2:3; Esera 3:12.
Ona tuuina mai ai lea o le folafolaga, o le a sili atu le mamalu o lenei
fale nai lo le ulua’i malumalu.
Peitai e lei tutusa lenei fale ma le matagofie maoa’e o le ulua’i
malumalu. E lei i ai foi ni faatusa vaaia o le afio ai o le Atua, e pei
ona sa faapaiaina ai le ulua’i malumalu. E lei i ai ni faaaliga vaaia
o le mana faalelagi e faailogaina ai le faapaiaga. E lei vaaia se ao o
O Le Faatafunaga O Ierusalema
19
le mamalu e faatumulia ai le malumalu fou ua mae’a. E leai foi se
afi mai le lagi na auina mai e mu ai le taulaga i lona fata faitaulaga.
Ua le toe i ai foi le Sekina i le va o kerupi i le Mea e Sili ona Paia.
Ua le toe i ai foi le atolaau, le nofoa o le alofa, po o papa maa o le
tulafono. Ua le toe faalogoina foi mai le lagi se siufofoga e faailoa [8]
atu ai i le faitaulaga le finagalo o Ieova.
E tele senituri na fai ai taumafaiga le aogā a Iutaia, e su’e ai se
faataunuuga o le folafolaga a le Atua e pei ona tuuina mai e Hakai.
Peitai o lo latou faamaualuga ma lo latou le talitonu na tauaso ai o
latou mafaufau i le uiga moni o upu a le perofeta. E lei faamamaluina
le malumalu lona lua i le ao o le pupula o Ieova, ae na afio tino ai Le
ua mau ai le tumu o le Aiga Atua i la le tino - o le Atua lava Ia i le
tino tagata. E moni lava ua maliu mai le “Faanaunauga o nuu uma” i
Lona malumalu ina ua a’oa’o ma faamālōlō le Tagata mai Nasareta i
lotoā faapaiaina o le malumalu. Na o le tasi lava le mea na sili atu ai
le mamalu o le fale lona lua nai lo le ulua’i malumalu, o le afio ai lea
o Keriso i le tino. Ae peitai ua teena e Isaraelu le Meaalofa na ofoina
atu e le lagi ia te ia. O le taimi lava na afio ese atu ai i lea lava aso le
Faiaoga agamalu mai le faitoto’a auro o le malumalu, o le taimi lava
lea na mavae ese atu ai e faavavau le mamalu mai le malumalu. Ua
faapena ona amata faataunuuina ai loa fetalaiga a le Faaola: “Faauta,
ua tuua lo outou fale, e faatafunaina”, Mataio 23:38.
Sa faatumulia le ausoo i le mata’u ma le maofa ina ua valo’ia
atu e Iesu le faaumatiaga o le malumalu, ma sa latou faanaunau ina
ia latou malamalama atili i le uiga o Lana fetalaiga. Ua sili atu i le
fasefulu tausaga o faaaluina le tamao’aiga, o le taimi ma le malosi,
atoa ma le atamai faapitoa o le au tufuga ina ia faaleleia atili ai lona
matagofie. Na sasaaina i ai e Herota le Sili ua le gata i le tamao’aiga
o Roma a’o le oa foi a sa Iutā. E oo lava i le emeperoa o le lalolagi
na ia foaiina atu i ai ana lava meaalofa. O le tele o maa tāua lanu
sinasina, toetoe ina le mafai ona fuaina o lo latou tetele, sa aumaia
faapitoa lava mai Roma ma avea o se vaega o le tino o le malumalu.
Na vā’ai i ai le au soo i ia maa ona latou fai ane lea i lo latou Matai:
“Inā silasila ia i nei maa ua tetele, ma nei fale ua tetele lava!” Mareko
13:1.
Ona tali atu ai lea o Iesu i ni upu uiga loloto sa faate’ia ai i latou.
Ua Ia fetalai atu, “E moni ou te fai atu ia te outou, e le toe i ai se
maa i luga o le tasi maa, ae uma ona solōia i lalo”, Mataio 24:2.
20
O Le Finauga Tele
Na manatu le au soo o le faatafunaga o Ierusalema o le a
faataunuuina faatasi lea ma le afio mai o Keriso i le tino ma le mamalu, Na te avea le nofoalii o le malo aoao, ma faasala atu ia Iutaia
loto ma’a’a, ma faasaolotoina Isaraelu mai le amo a Roma. O se
taimi ua mavae na ta’u atu ai e le Alii ia te i latou Lona toe afio
faalua mai. O le mea lea na vave oso ai loa o latou manatu i lena
afio mai ina ua ta’ua e Iesu le faasalaga o Ierusalema. Ma, a’o latou
si’osi’omia le Faaola i luga o le mauga o Olive, sa latou fesili atu
loa, “Pe oo afea ia mea? Pe se a foi le faailoga o Lou maliu mai ma
le gataaga o le lalolagi?” Fuaiupu 3.
O le alofa o Iesu i Lona au soo na natia ai ia i latou le lumana’i.
Ana latou manino atoatoa i tiga ma le maliu o le Faaola, atoa ma le
faaumatiaga o lo latou aai ma le malumalu, semanū e matuā mafatia
[9] i latou i le mata’u tele. Na tuuina atu e Keriso ia i latou se otootoga
o mea tetele o le a tutupu a’o lumana’i ai le i’uga o le lalolagi. Latou
te lei malamalama atoatoa i Ana upu i lea taimi. Peitai na finagalo o
Ia ina ia manino atoatoa uiga o nei upu i le taimi tonu e manaomia
ai e Lana fanau aoaoga ua i totonu o nei fetalaiga. E uiga-lua le
valo’aga na ia fetalai atu ai. Ua le gata ina tuuina mai ai o se ata o
le faatafunaga o Ierusalema, a ua valo’ia mai ai foi mala mata’utia
o le aso tele o le iuga.
Na ta’u atu e Iesu i le au soo, mala o le a oo ifo ia Isaraelu le nuu
ifo i tupua, ae maise ai le faasalaga o le a oo ia i latou talu ai lo latou
teena ma le faasatauroina o le Mesia. O le a i ai ni faailoga manino o
le a muamua mai a’o lei oo mai le i’uga mata’utia. O le a faafuase’i
ona oo mai lea itula mata’utia. O lea na lapata’i atu ai le Faaola i
Ona soo: “Pe a iloa foi e outou le mea e inosia e faatafunaina ai, na
fai mai ai le perofeta o Tanielu, ua tu i le Mea Paia, (inā mafaufau ia
o le faitau) oēoi Iutaia i ia ona po, ia latou sosola i mauga”, Mataio
24:15, 16; Luka 21:20, 21. O le taimi e tutū ai ’au a Roma i luga
o le eleele paia (o le eleele paia e lavea ai ma nai falelogi i tua atu
o pa o le aai), o le taimi lava lea e maua ai e sooo Keriso lo latou
saogalemu e ala i lo latou sosola. O le taimi e vaaia ai lea faailoga, e
pei ona lapata’iina ai i latou, ia le faatuai lava soo se tasi o manatu e
sola. E ao ina usitaiina loa lava lenei faailoga i le taimi lava e vaaia
ai, e le gata i nuu uma o Iutaia, a ia faapena foi i Ierusalema lava ia.
A oo mai lea taimi a’o i ai se tasi i luga o le fale, e le tatau ona alu
ifo o ia i lona fale mo se mea e ave, tusa lava po o le a le sili ma le
O Le Faatafunaga O Ierusalema
21
tāua o sea mea. O ē o galulue i tovine ia aua lava nei toe ma’imau
se taimi e toe foi ai i le mea na tatala ese ai ni o latou ofu lelei a’o
latou galulue i le vevela o le aso. Aua lava nei faatuai mo se minute,
ina nei pagatia i latou i le faafanoga tele.
Sa le gata ina faamatagofieina o Ierusalema i le vaegataimi o le
nofoaiga a Herota, ae o le fausiaina foi o ni fale matamata, o pa atoa
ma ’olo, o mea ia na faaopoopo atu ai le malosi i le lelei o lona tulaga. O mea ia ua atili ai ona avea o Ierusalema o se aai e faigata ona
faatoilaloina. O se tasi la na te valo’ia mai faalaua’itele le faaumatiaga o Ierusalema i se taimi faapea, ua avea o ia ua pei o Noa i lona foi
taimi, ua avea o se vale taufaamata’u. Peitai na fetalai mai Keriso,
“E mavae atu le lagi ma le lalolagi, a’o a’u upu e le mavae atu lava
ia”, Mataio 24:35. Ua valoia nei le to’asa i luga o Ierusalema talu
ai ana agasala. Ma o lona loto ma’a’a ma le le talitonu ua mautinoa
atili ai le faataunuuina o lona iuga.
Na fetalai mai foi le Atua e ala i le perofeta o Mika e faapea: “Inā
faafofoga mai ia i le mea nei o outou matai o le aiga o Iakopo, ma
outou faipule o le aiga o Isaraelu, o ē inoino i le faamasinoga, ma
faapi’opi’o i mea tonu uma; o ē atia’e Siona i le toto, ma Ierusalema
i le amioleaga. O ona matai ua latou faamasinmo i le fia fai taui, o
ana ositaulaga foi ua latou a’oa’o i le fia fai taui, ma ana perofeta ua
latou iite i le fia fai tupe; a ua latou faalagolago ia Ieova, ma faapea [10]
ane, E le o ia te i tatou ea Ieova? E le oo mai lava se mea leaga ia te
i tatou”, Mika 3:9-11.
Ua faamaoni le faamatalaina mai e nei upu o le leaga ma le faafiaamiotonu o i latou na nonofo i Ierusalema. Ua latou fai mai ua mamalu lo latou tausiga o tulafono a le Atua. Peitai sa latou solia autū
faavae uma o ia lava tulafono. Na latou inoino ia Keriso ona sa avea
Lona uiga mamā ma le paia ma mea na aliali a’e ai lo latou amioleaga. Na latou fai mai o Ia ua faapogai mai ai faalavelave uma ua
oo mai ia i latou talu ai a latou agasala. E ui lava na latou iloa lelei
e leai sana agasala, ua latou fai mai e ao ona maliu o Ia mo le saogalemu o i latou ma lo latou malo. Fai mai ta’ita’i o Iutaia: “Afai e
faapenei ona tatou tuu ai pea o Iesu, o le a talitonu ia te Ia tagata
uma lava; e o mai foi tagata Roma, ona faaumatia lea o la tatou nei
mea atoa ma lo tatou nuu”, Ioane 11:48. Peitai afai e maliu Keriso e
fai ma taulaga, atonu o le a toe avea ai i latou o se nuu malosi, se nuu
ua tasi. Na faapena o latou manatu, ma ua latou ioe ai i le filifiliga
22
O Le Finauga Tele
ua faia e lo latou faitaulaga sili, faapea e sili ona oti o se tagata e
toatasi nai lo le faafanoina o le nuu uma.
Na faapena ona faia e ta’ita’i o Iutaia; ua latou “atia’e Siona i le
toto, ma Ierusalema i le amioleaga”, Mika 3:10. Ae ui lava ina latou
fasiotia lo latou Faaola ona o Lona ta’uina atu o a latou agasala, o lo
latou faafiaamiotonu na latou manatu ai o i latou lava o le nuu filifilia
o le Atua, ma ua latou talitonu ai o le a lavea’iina i latou e le Atua
mai o latou fili. “O le mea lea”, ua fai mai ai le perofeta o Mika, “e
fai Siona ma fanua e suatia ai ona o outou, e fai foi Ierusalema ma
faupu’egamaa, o le mauga foi o i ai le fale e fai lea ma mea maualuga
i le vaomatua”. f.12.
E ui lava ua valo’ia e Iesu le faaumatiaga o Ierusalema, toetoe
lava atoa le fasefulu tausaga o taofia pea e le Atua le faasalaga o
lea aai ma lea malo. E ofoofogia le onosa’i o le Atua i ē na latou
teena Lana talalelei ma fasiotia Lona Alo. O le faataoto i le laau e
leai sona fua ua faailoa manino mai ai galuega a le Atua mo le nuu
o Iutaia. Ua uma ona faia o le faatonuga, “Inā tuu ia i lalo; se a foi
le mea e faaleaogā ai le fanua?” Luka 13:7. Peitai o le alofa tunoa
o le Atua na toe faatuai atili ai le faataunuugaO lea faatonuga. Sa i
ai pea i lea taimi i Iutaia le to’atele o i latou o ē lei faalogo i le tala
i le amio ma le galuega a Keriso. E lei maua foi e fanau avanoa e
tele po o le malamalama ua teena nei e o latou mātua. O le a avea
le tala’iga a le au aposetolo ma isi, ma auala o le a faasusuluina atu
ai e le Atua le malamalama ia i latou. O le a latou maua le avanoa
latou te vā’ai ai i ala ua faataunuuina ai valo’aga, e le gata i le fanau
mai ma le soifuaga o Keriso, ae faapea foi i Lona maliu ma Lona
toe tu mai. E lei ta’usalaina fanau ona o agasala a mātua. Peitai afai
e iloa e fanau le malamalama na tuuina i o latou mātua, ma latou
teena foi le malamalama faaopoopo ua faasusuluina atu nei i o latou
lava ala, ona tusa ai lea ua latou auai i agasala a o latou mātua, ma
[11] ua faatumuina ai le ipu o lo latou solitulafono.
Ua avea le onosai o le Atua ia Ierusalema ma mea ua faamautuina ai atili tagata Iutaia i lo latou loto ma’a’a ma le le fia salamō.
O lo latou inoino ma lo latou sauā i le au soo o Iesu ua latou teena
ai le toe avanoao le alofa tunoa. Ona ave’esea loa lea e le Atua o
Lana puipuiga mai ia i latou; ua ave’esea foi Lona aao taofiofi mai
ia Satani ma ana au. Ona tuua ai lea o lenei malo ina ia pulea e le
ta’ita’i ua latou filifilia. Ua teena e ana fanau le alofa tunoa o Keriso,
O Le Faatafunaga O Ierusalema
23
le alofa lea semanū e mafai ai ona pulea e i latou lava o latou uiga
leaga. Peitai ua pulea nei i latou e nei uiga leaga. Ua faaosoina nei e
Satani lagona aupito sauā ma uiga aupito matagā o le loto. Ua latou
le mafaufau lelei. Ua le ofi atu foi i ai se manatu lelei, auā ua pulea
i latou e le ita ma le sauā faasatani. Ua le maua se saogalemu i soo
se itu, ua le gata i le malo a’o aiga, o tagata maualuluga e oo ifo lava
i vasega aupito maulalo i le atunuu. Ua na o le masalosalovale, ma
le matau’a ma le loto leaga, o misa ma fouvalega, atoa ma le fasioti
tagata. Ua femasaloa’i uo ma aiga, ma ua faalata e le tasi le isi. Ua
fasioti e mātua a latou fanau, o fanau foi o latou mātua. Ua le pulea
e tupu ma faipule i latou lava, ma ua avea ai i latou o pule matuā
sauā lava. Na talia e tagata Iutaia moliga sese ina ia faasalaina ai le
Alo o le Atua e leai Sana sala. Lenei la ua avea femolia’iga sese ma
mea ua latou le maua ai foi e i latou se mea latou te mapu i ai. Ua
leva ona latou ta’u maia i a latou amioga upu nei, “Ina faate’a’eseina
ia le Paia o Isaraelu i o matou luma”. Isaia 30:11. Lenei la ua talia
lo latou mana’o. Ua le toe pulea pe taofiofia i latou e le mata’u i le
Atua. Ua avea nei Satani o le ao o le malo, ma ua i ai uma nei ta’ita’i
o le malo faapea le aufailotu i lalo ifo o lana pule.
Ua fetaua’i ma fefasia’i le malo e aunoa ma se alofa; o nisi o
taimi ua aufaatasi ai itu feteena’i ina ia latou fasi ma faapuapuagatia
i ē ua latou maua. E oo lava i le paia o le malumalu na le taofia pe
faaitiitia ai lo latou sauā faasatani. O luma lava o le fata faitaulaga na
fasiotia ai le au tapuai, ma ua faaleagaina ai le malumalu i nei tino
oti. A ua avea le tauaso ma le faafiaamioatua o nei tagata amioleaga
fasioti tagata, ma mea ua latou faapea ane ai e leai se mea latou te
fefefe ai, e le faaumatiaina lava Ierusalema ona o le aai a le Atua.
E oo lava i le taimi ua amatalia ai ona si’omia le malumalu e au a
Roma, sa taumafai lava ta’ita’i o le malo ina ia faamautuina atili la
latou mau, e ala i lo latou totogia o tupe i perofeta pepelo latou te ta’u
atu ai i tagata, ina ia latou faatalitali ma vaavaai mo le lavea’iga mai
le Atua. E afe ma afe na taofimau pea i le talitonuga o le a tula’i mai
lava le Silisili Ese mo le faatoilaloina o o latou fili. Peitai ua teena
e Isaraelu le puipuiga a le Atua, ma ua leai ai nei so latou lafitaga.
Talofa ia Ierusalema! Ua malepe i le femisaa’i ma le fetaua’i, ua lofia
ona ala tetele i le toto o lana fanau, ma o lenei ua osofa’ia ona ’olo
ma fasiotia ona tagata-o-taua e ’au a le fili.
24
O Le Finauga Tele
Na matuā atoatoa le faataunuuina o valo’aga uma na faia e
[12] Keriso e uiga i le faatafunaga o Ierusalema. Na lagona e Iutaia le
faamaoni o afioga na Ia lapatai atu ai, “Auā o le fua foi tou te fuaina
atu ai, e toe fuaina mai ai ia te outou”, Mataio 7:2.
Na vaaia ni faailoga ma ni vavega, ma ua avea ia ma faa’ite’ite
o puapuaga ma le mala ua toetoe lava pa’ū mai. Na vaaia se malamalama uiga ese i luga a’e o le malumalu ma le fata faitaulaga i le
tulua o po ma ao. Na vaaia i ao i le taimi o le goto o le la se ata o
kariota ma tagata-o- taua ua faapotopoto ane mo le taua. Na matuā
gatete ma fefefe le au faitaulaga o ē na galulue po i le malumalu ona
o ni leo taufaamata’u na latou faalogoina. Na galulu le eleele, ma sa
faalogoina ni leo o se motu o tagata ua fe’ei ma faapea mai, “Tatou
sosola ia!” Na vaaia foi i le tulua o po ma ao ua tatala e aunoa ma ni
lima le faitoto’a tele i le itu i sasa’e o le aai; e taulemafai e le luasefulu tagata ona tapunia lea faitoto’a talu ai lona mamafa tele; ma sa
mausali lona tu i luga o le papa na taula i ai. (Milman, The History
of the Jews, bk 13.)
E fitu tausaga o fesavalia’i pea se tagata i ala tetele o Ierusalema
ma folafola mai mala o le a oo i le aai. Na ia pese i le ao ma le po ma
ta’u mai upu nei: “O se leo mai sasae! o se leo mai sisifo! o se leo mai
matāmatagi e fa! o se leo e faasaga ia Ierusalema ma le malumalu!
o se leo e faasaga i ē faato’afaiava ma ē faato’anofotane! o se leo e
faasaga i le nuu uma! Na tuuina si nei tagataese i le falepuipui e sasa
ai, ae peitai e lei i ai se upu faitio na pa’ū mai i ona laugutu. E ui
lava i upu mamafa ma upu faifai na lafo atu ia te ia, na o le tasi lava
si ana tali: “Oi talofa, oi talofa ia Ierusalema! Oi talofa, oi talofa i ē
o nonofo ai!” Faato’ā taofia lava lona leo lapata’i ina ua fasiotia o ia
i le faaumatiaga o le aai sa ia vavaloina.
E lei fano se Kerisiano e toatasi i le faatafunaga o Ierusalema.
Ua leva ona tuuina atu e Keriso le lapata’iga i Ona soo, ma, o ē uma
na talitonu i Ana afioga na latou faatalitali ma vaavaai mo le faailoga
na folafola atu ia latou. Na fetalai Iesu: “A iloa e outou ua si’omia
Ierusalema i au o le taua, ia outou iloa i lea aso ua latalata lona
faatafunaina. O lea aso, o ē ua Iutaia ia latou sosola i mauga; oe ua i
totonu o lea aai, ia latou o ese”. Luka 21:20, 21. Ua si’osi’omia nei
le aai e au a Roma i lalo o le ta’ita’iga a le taitai’au o Sesetia. Peitai
e ui lava sa foliga mai ua saunia mea uma mo le osofa’iga o le aai,
na faafuase’i lava ona suia fuafuaga. Toetoe lava si’ilima tagata o le
O Le Faatafunaga O Ierusalema
25
aai, ae faatonuina loa e le taitai’au Roma ana au e tuumuli, ma sa
le mate’ia e se tasi le pogai o lea tuumuli. Peitai o le ta’ita’iga alofa
a le Atua na puleaina ai nei mea uma mo le lelei o Ona tagata. Ua
leva ona ta’u atu i le au Kerisiano faatalitali le faailoga folafolaina;
ma o se avanoa lelei lenei ua tuuina mai mo soo se tasi e fia gaua’i,
e usitai ai i le lapata’iga a le Faaola. Na faapea ona i ai mea uma i
lalo ifo o le ta’ita’iga a le lagi, ma ua le mafai ai e tagata Iutaia po
o tagata Roma ona faalavelave i le sola’aga a le au Kerisiano. O le
taimi lava na tuumuli ese atu ai au a Sesetia mai le aai, o le taimi lava
lea na lolofi atu ai Iutaia mai Ierusalema e tuliloaina au a Roma. A’o [13]
faapena ona fetaui itu e lua, sa maua loa e le au Kerisiano se avanoa
lelei latou te tuua ai le aai. Ua ave’esea foi isi fili semanū latou te
faalavelave ane i le sola’aga a le au Kerisiano. Na potopoto tagata
Iutaia i Ierusalema i le taimi na si’omia ai le aai, ina ia latou tausia
le Tausamiga o Fale Apitaga, ma ua faigofie ai ona sosola ese atu le
au Kerisiano mai le malo atoa, e aunoa ma se tasi e faalavelave ane.
E lei faatali loa lo latou sosola ese atu i se mea latou te saogalemu
ai, i le aai o Pela i le nuu o Perea i talatu o le Ioritana.
O le malosi o le alu atu o au a Iutaia i lo latou tuliloaina o au a
Roma, na foliga mai ai o le a faaumatia atoatoa Sesetia ma ana au.
Sa matuā faigata lava ona faia e au a Roma la latou tuumuli. Toetoe
lava leai se tagata oti o au a Iutaia i lea fetauiga, ma ua toe foi atu nei
i latou i Ierusalema ma le vete tele, atoa ma le alaga o le manumalo.
Peitai o lea mea ua foliga mai o se manuia, ua latou maua mai ai
na o le malaia. Na avea lo latou manumalo i lea fetauiga, ma mea
ua faama’a’a atili ai i latou lo latou tetee atu i au a Roma. Sa le
pine ae aumaia loa e Roma ia Ierusalema o ni mala ma le ōi e le
mafaamatalaina.
E mata’utia na’uā mala na oo ia Ierusalema ina ua toe si’omia
le aai e au a Roma, i lalo ifo o le ta’ita’iga a Tito. Na si’omia le aai
i le taimi tonu na potopoto ai i Ierusalema le miliona ma miliona o
tagata Iutaia mo le tausamiga o le Paseka. O a latou mea’ai semanū
e lava mo le tausiga o i latou mo ni tausaga se tele pe ana faasaoina
faalelei, o ia mea’ai ua faaumatia nei talu ai lo latou felotoleagaa’i
ma le fetaua’i, ma ua oo mai ai nei na o le ōi ma le matelaina. Na
faatau atu le taga saito i le taleni, pe tusa lea o le lua afe tālā. O
le mata’utia tele o le tulaga na oo i ai le fia aaio tagata, ua latou
fe’ati ai pa’u o latou fusipa’u ma o latou seevae, faapea ma ufiufi o
26
O Le Finauga Tele
a latou talitā. E faitau afe i latou na fetolofi i fafo i le po i tuapāO le
aai, e tau ao mai ai ni nai vaovao ’aina. Peitai e to’atele na pu’e ma
fasiotia i ni faiga sauā. O ē na toe sao atu i totonu o le aai, na fao
faamalosia ni nai mea na latou maua atu ma loimata ma le ōi. O ni
sauaga mata’utia na faia e i latou na i ai le pule, ina ia fao faamalosi
ai mai tagata mafatia ma le fia’aai, ni toe mea’ai atonu o lo o latou
natia mo a taeao. O nei faiga sauā, na faia e i latou o ē na lelei lo
latou tausiga, ma sa latou faia ia uiga ona o lo latou matape’ape’a,
ma le mana’o ia faaputuina oloa e tausi ai i latou lava i le lumana’i.
E afe ma afe i latou na fano i le oge ma le faama’i. E peiseai ua
mate le alofa faanatura o le tasi i le isi. Ua fāōa e tane mea mai a
latou āvā, o āvā foi mai a latou tane. E vaaia fanau o latou fao’esea ni
mea’ai mai gutu o o latou tamā ma tinā matutua. Na fesili le perofeta,
“E galo ea i le fafine lana tama ua susu?” Isaia 49:15. Lenei ua maua
i totonu o pa o le aai faafanoina le tali o lea fesili, “Ua tunu e lima
a fafine alolofa o a latou lava fanau, sa fai ma mea e ’ai mo i latou i
le malaia a le tama fafine a lo’u nuu”, Auega 4:10. Ua faataunuuina
[14] nei foi le valo’aga lapata’i na tuuina atu ia Isaraelu, i le afe fa selau
tausaga talu ai. Fai mai lea valo’aga, a fanau mai le pepe a le fafine,
o le leaga tele o le oge o le a ’ai faalilolilo ai e lea fafine lana pepe
ma le fanua o le pepe. O le a na le avatua sina mea i lana tane pele
po o lana fanau. O mea ia o le a tutupu pe a oo ina si’omia oe e ou
fili. Teuteronome 28:56, 57.
Sa taumafai taitai’au Roma e faamata’u Iutaia, ina ia latou gaua’i
ai ma talosagaina ia faamutaina le taua. O ē na tetee i le ave faatagataotauaina o latou, sa sasa ma faatāugāina, ma faasatauroina i
luma o pa o le aai. E selau ma selau na faapea ona fasiotia, ma sa
faaauau pea lea galuega sei oo ai lava ina tau le mafai ona fesavalia’i
tagata i le Vanu o Iosefatu atoa ma Kalevario, talu ai le tele naunau
o satauro na faatutū ai. Matuā mata’utia na’uā le faataunuuga o upu
na tauvalaau atu ai le nuu o Iutaia i luma o le nofoa faamasino o
Pilato, ina ua latou fe’ei ma fai atu, “Ia i luga ia i matou, ma a matou
fanau Lona toto”, Mataio 27:25.
Ana gaua’i Iutaia, semanū e loto malie lava Tito e vave faamutaina le taua ma uma atu ai ma ia vaaiga mata’utia, ma faasaoina ai
Ierusalema mai le atoaga o lona faafanoga. Na maniti tino o Tito a’o
ia vaai atu i faaputuga o tino oti o taatitia mai i lea vanu ma lea vanu.
Na pei ua tuuina mai ia te ia se faaaliga a’o ia vaavaai atu mai le tu-
O Le Faatafunaga O Ierusalema
27
mutumu o Olive, le matagofie o le malumalu. Sa ia faia le faatonuga
ina ia aua lava ne’i tagofia e oo lava i se maa e tasi o le malumalu.
A’o lei oo le faasologa a ’au a Roma i le malumalu, sa ole atu Tito
ma le naunauta’i i ta’ita’i Iutaia, ina ia aua nei o latou faia se mea e
ono faamalosia ai le solia o le malumalu ma faaleagaina ai i le toto
masaa. Na ole atu Tito afai latou te o ese mai le malumalu, ma tau
i isi vaega o le aai, o le a leai lava se Roma na te solia fua le paia
o le malumalu. E oo lava foi i le tusitala o Iosifa, na ia ole atu ma
le naunauta’i i ni upu faagaeetia loto ia Iutaia, ina ia latou ioe i le
filemu ma siilima, ina ia lavea’ia ai i latou ma lo latou aai, atoa ma
lo latou malumalu. Peitai na o upu mamafa ma palauvale na tali mai
ai Iutaia i le olega a Iosifa. A’o tu Iosifa ma ole atu ia Iutaia, sa latou
tau’ai atu ū fanafana ia te ia; na lilo ia i latou o lo latou toe fautua lea
i lenei lalolagi. Na teena e Iutaia le faatoga atu o le Alo o le Atua.
O ni a’oa’iga po o nisi olega e avatu i le taimi nei, ua na ona atili ai
lo latou faama’a’a. Na ma’imau taumafaiga a Tito ina ia faasaoina
ai le malumalu. E i ai se Tasi e sili atu ia te ia na vavalo ma fetalai
mai, e le toe taatia le tasi maa i luga o le isi maa.
Na faaosofia le ita ma le inoino o ’au a Roma, ona o le ma’a’a
ma le pogisa o loto o ta’ita’i Iutaia, atoa ma amioleaga matagā na
faia i totonu o le aai, e ui lava ina ua si’omia nei. Na i’u ai lava ina
faia le faatonuga a Tito ina ia osofa’ia le malumalu. Ae ui i lea sa
faia lana faatonuga ina ia faasaoina le malumalu mai le faatafunaga,
pe afai e mafai. Peitai e lei amana’iaina e fitafita lana faatonuga. Na
mapu atu Tito i lona fale’ie mo lana malologa i le po, ae faafuase’i
loa ona osofa’ia ana fitafita sa i fafo, e au a tagata Iutaia sa i totonu [15]
o le malumalu. A’o faia lea fetauiga, sa togi atu loa e se fitafita se
motumotu ola i totonu o se potu na sosoo ma le malumalu, e faaui
atu i se vaega na matala i le faapaologa. Sa le pine loa ae sasao a’e le
afi mai faaalo arasi o potu na si’omia ai le malumalu. Na faavave atu
Tito faatasi ma ta’ita’i o ana vaega’au, ma faatonuina loa fitafita ina
ia tineia le afi. E lei faalogo se tasi i ana upu. O le ita tele o fitafita
na latou tau’aia atu ai ma isi motumotu ola i isi potu na sosoo ma
le malumalu, ma ua latou faaaogaina loa a latou pelu e fasiotia ai le
anoano o ē na lalafi ai i inā. Na pei o le vai le tafe mai o le toto i
faasitepu o le malumalu. E afe ma afe tagata Iutaia na faaumatia ai
i inā. E sili a’e i le malomaloā o le taua ni leo na faalogoina o fe’ei
ma faapea mai, “Ikapoti!” - ua mavae le mamalu.
28
O Le Finauga Tele
“Na matuā le mafai e Tito ona taofia le ita o le au fitafita. Na ia
ulu atu faatasi ma ana au ofisa ma maimoaina totonu o le maota paia.
Na faatumulia i latou i le maofa tele i lona matagofie. Na ia faia se toe
taumafaiga ina ia faasaoina le malumalu, ona o le taimi lea e lei oo
atu ai le mumū i le Mea Paia. Na ia momo’e atu ma faatonuina fitafita
ina ia taofia le galuega o le faatafunaga. Na taumafai lava Liperale
se ta’ita’i o se to’aselau, e faamalosia ana fitafita ina ia usitai i le
faatonuga. Peitai ua le iloa so latou faaaloalo i lo latou emeperoa
ona o lo latou fia tagolima tele i tagata Iutaia, atoa ma o latou loto
ua faagaeetia i le vevesi o le taua, faapea ma lo latou faamoemoe
matau’a i ni oa o le a maua mai ai. Na vaaia e le au fitafita le fepulafi
mai o le auro i mea uma na si’omia ai i latou, ma ua atili ai le pupula
o le auro ona o le mumū a’e o le afi. Na manatu foi i latou o lo o
teuina se oa tele i le Mea Paia o le malumalu. Na soso’a atu e aunoa
ma le iloa e se fitafita se motumotu ola i le va o faamau o le faitoto’a,
ma sa le pine loa ae sasao a’e le afi i le fale atoa. O le malosi o le
asu ma le afi na sosola ese atu ai loa Tito ma lana au ofisa, ma ua
tia’i atu ai loa le maota mamalu i lona i’uga.
“O se vaaiga matuā faigata tele lea i le fitafita Roma ona faamatalaina. Peitai sa sili atu ai ona faigata i le mafaufau o le Iutaia, ona
tau faasoasoaina o le mata’utia o lea vaaiga. Ua sasao a’e pei o se
mauga mu le tumutumu atoa o le malumalu sa avea ma mitamitaga
o le aai. Na auaua’i le solo ifo o maota tetele i se gogolo mata’utia,
ma ua faapena ona foloina uma e le tofe aasa Na pei o ni ie lautetele
le alu a’e o le mumū o le afi, mai maota na ato i le arasi, a’o tumutumu maamaai o ia maota, ua susulu mai nei e pei o ni tao ua faia i
ni afi mumū. O fale matamata i luga a’e o faitoto’a taitasi o le aai,
ua alu a’e ai nei faaniutu le afi faatasi ma le asu. Ua malamalamagia
ai mauga tu tua’oi, ma sa vaaia o faapotopoto solo ai tagata, o lo o
latou maimoaina ma le mata’u tele le alu faasolo o le galuega o le
faatafunaga. Na faatumulia aupā ma vaega maualuluga uma ole aai i
tagata. Ua sesega foliga o le to’atele ona o le tiga o le leai o so latou
[16] toe faamoemoe, a’o foliga o nisi ua tumu i le faasiasia ma le ita ona
o le fia tauimasui, a ua leai sa latou mea e mafai. Ua fefiloi le fe’ei
[17]
o fitafita Roma a’o latou fetaufetulia’i, faatasi ma le alaga a tagata
Iutaia ua toetoe lava fano i le afi. Ua fefiloi nei leo uma ma le gogolo
leotele o le afi, atoa ma le taalili o le pa’u’ū ifo o fale ma laupapa.
Na lagona ua toe faafo’i mai e mauga le fe’ei ma le laue o i latou
O Le Faatafunaga O Ierusalema
29
sa i luga o vaega maualuluga o le aai. Ua na o le fe’ei ma le laue na
faalogoina i soo se vaega o pa o le aai. O sina malosi na totoe talu
ai faiga a le oge, ua faaaogaina nei e tagata e faaleoina ai se alaga o
le ōi ma le faafanoga.
“Peitai sa sili mamao atu le mata’utia o le faafanoga i totonu o
le aai nai lo le mata’utia na vaaia i fafo. Na faasolo’atoa le galuega
a le pelu i le fasiotia o soo se tasi - o tane atoa ma fafine, o ē na
tetee faapea le au ositaulaga, o ē na fia tauimasui, atoa ma ē na ole
atu i le fia ola mo se alofa. Na sili mamao atu le to’atele o ē na
fasia nai lo le numera o fitafita Roma. Na fetaufetulia’i fitafita i luga
o faaputuga o tagata oti a’o latou faaauauina le galuega tele o le
faafanoga.” (Milman, The History of the Jews, bk 16.)
Sa le pine ae pa’ū atu loa le aai atoa i lima o tagata Roma ina
ua mae’a le faatafunaga o le malumalu. Na tia’i e ta’ita’i o tagata
Iutaia o latou fale matamata, fale sa matuā faigata ona a’ea. E oo atu
i ai Tito ua tuufua. Na ia tu ma sisila i ai ma le maofa tele, ma sa ia
faapea ane ai ua tuuina atu e le Atua nei mea uma i ona lima, ona e
leai se malo e i ai ni ana mea tau malolosi e mafai ona manumalo atu
i nei ’olo malolosi. Na oo ifo i faavae le olopalaina o le aai faapea
ma le malumalu. O le eleele na tu ai le maota paia ua avea “e fai ma
fanua e suatia”. Ieremia 26:18. E sili atu i le milionai latou na fano i
le galuega a le pelu na mulimuli mai ai. O ē na sao mai lea faafanoga
na ave faatagataotauaina, po o le faatauina atu foi o ni pologa; o nisi
na toso faatātā i Roma e fai ma molimau o le manumalo o ’au a
Roma; o nisi na lafoina i manufe’ai e faaumatiaina ai i latou i totonu
o falemataaga tetele, a’o isi na faata’ape’apeina ma maumausolo ai
e aunoa ma ni aiga i nuu uma o le lalolagi.
O filifili ua saisaitia ai nei Iutaia, na faia e o latou lava lima; o i
latou lava foi na faatumuina le ipu o le to’asa ua latou inu nei i ai.
O le faafanoga na oo ia i latou ma lo latou malo, atoa ma mala na
tuliloaina i latou i nuu na faata’ape’apeina i ai i latou, o le seleselega
lava lea o mea na lūlūina e o latou lava,lima. Fai mai le perofeta:
“Isaraelu e, ua malaia oe ia te oe ... auā o lau agasala ua e pa’ū ai”,
Hosea 13:9; 14:1. Ua ta’u mai e nisi faapea o mala o Iutaia o se
faasalaga lea ua oo ia i latou e aunoa ma se pogai, ma ua oo mai talu
ai se malelega tuusa’o a le Atua. Ua faapena ona sa’ili’ili le tiapolo
ina ia natia ai lana lava galuega leaga. O lo latou faama’a’a ma lo
latou teena pea o le alofa tunoa o le Atua, o mea ia ua ave’esea
30
O Le Finauga Tele
ai e tagata Iutaia mai ia i latou lava, le puipuiga a le Atua, ma ua
mafai ai loa e Satani ona puleaina i latou, e tusa ai ma lona loto. O
le faafanoga mata’utia na vaaia i le faaumatiaga o Ierusalema, o se
[18] faatinoga lava lea o le malosi o le pulea atoatoa e Satani o i latou
uma o ē ua gaua’i atu ia te ia.
Tatou te le malamalama i le tele na’uā o la tatou aitalafu ia Keriso
ona o le filemu ma lana puipuiga ua tatou saogalemu ai. O le mana
taofiofi o le Atua o lo o taofia ai i tatou mai lo tatou goto atu atoatoa
i lalo ifo o le pule a Satani. E tele mea e ao ona vivii a’e ai i le Atua
ē le usitai ma ē le faafetai, ona o le alofa tunoa ma le faapalepale o
le Atua, o lo o Ia taofiofia ai pea le malosi o le sauā o le fili. Peitai
e ave’esea lea puipuiga pe a sosopo atu amioga a tagata, i le mea e
gata ai le faapalepale o le Atua. E le faapea o lo o tu le Atua e pei
o se tagata faaoo-sala na te faaoo maia le sala e tusa ai ma le solitulafono; e leai. Na te tuuina atu ē ua latou teena Lona alofa tunoa,
ina ia latou seleseleina e i latou lava le mea na latou lūlūina. Soo
se ave o le malamalama ua teena, soo se lapata’iga ua le talia ma
le amana’iaina, soo se tuinanau ua faamalieina, soo se soliga o le
tulafono a le Atua, o se fatu lava lea ua lūlūina, ma e mautinoa foi
le taimi o lona seleselega. O le faifaipea e le tagata o lona teena o le
Atua, o le mea lea e i’u ai lava ina ave’esea le Agaga o le Atua i lea
tagata, ona tuua ai loa lea o ia e aunoa ma se malosi na te pulea ai
tuinanau leaga uma o le loto, ma ua ave’esea ai foi lona lafitaga mai
osofa’iga leaga uma a Satani. O le faatafunaga o Ierusalema, o se lapata’iga faagatete-loto lava lea mo i latou uma o ē o lo o ta’a’alo pea
ma manatu faatauvaa i le alofa o le Atua, ma latou teena pea olega
ma musumusuga o lona alofa tunoa. Faato’ā vā’ai lea o le lalolagi i
se faatinoga manino ma le uiga ese o le inoino o le Atua i le agasala,
atoa ma le le taumatea o le oo mai o le faasalaga i luga o ē amioleaga.
O le a le gata ai i Ierusalema le faataunuuga o le valo’aga a le
Faaola e uiga i le faatafunaga o lea aai. O lo o lumana’i pea se isi
faataunuuga o lea valo’aga; o le mata’utia tele o mea o le a tutupu
i lea taimi, o le a avea ai o se meafua le faatafunaga o Ierusalema.
O le faatafunaga o Ierusalema ua na o sina ata itiiti lea o le i’uga
o le lalolagi ua latou teena le alofa tunoa o le Atua, ma ua latou
solipalaina Lana tulafono. Ua molimauina e le lalolagi le mata’utia
ma le pogisa o tala faamauina o le ōi o le fanau a tagata, i senituri
uma o soligatulafono ma le amioleaga. E ma’i le loto maoo mai ai
O Le Faatafunaga O Ierusalema
31
le faavaivai o le mafaufau pe a manatunatu i ai. E mata’utia na’uā le
i’uga na oo i ai le teena o le pule a le Lagi. Peitai e sili atu le mata’utia
ma le pogisa o le ata o le lumana’i ua tuuina mai i le faaaliga. O
tala faamauina o augatupulaga ua mavae, e pei o le faasolo mai o
le vevesi ma le vavaō, o taua ma fouvalega, “o le taalili o le taua,
ma ofu ua liloia i le toto” (Isaia 9:5), o ni meafua nei mea uma pe
a faatusatusa atu i le aso o le a ave’esea atoatoa ai le Agaga taofiofi
o le Atua mai ē amioleaga, ma le toe maua ai loa so latou lafitaga
mai le sasao a’e o le sauā faaletagata ma le to’asa faa-Satani. Ona
faato’ā vā’ai ai lea o le lalolagi i le faatinoga atoatoa o le pulega a
[19]
Satani.
Peitai, o lea aso o le a lavea’iina ai le fanau a le Atua, e pei
lava ona sa faia i le taimi o le faatafunaga o Ierusalema. Isaia 4:3.
Na fetalai Keriso o le a Ia toe afio mai e faapotopoto atu ia te Ia
Lana fanau faamaoni: “Ona taufaitagitu’i ai lea o itu’aiga uma o le
lalolagi; latou te iloa atu foi le Atalii o le tagata ua sau i ao o le lagi
ma le mana ma le mamalu tele. E aauina atu foi e Ia o Ana agelu
ma le leo tele o le pu, latou te faapotopoto foi i ē ua filifili e Ia mai
matāmatagi e fa e amata i le tasi tulu’iga o le lagi, e oo i le tasi
tulu’iga”, Mataio 24:30,31. Ona faaumatia ai lea o i latou uma na le
fia faalogo i le talalelei, i le mana mai Lona fofoga ma le pupula o
Lona toe afio mai. 2 Tesalonia 2:8. Ua faaumatia e le au amioleaga
i latou lava, pei lava ona faia e Isaraelu anamua; ua latou pa’u’u i la
latou lava amioleaga. O la latou filifiliga ua latou ola masesei ai pea
ma le Atua, ma ua matuā maulalo ai lo latou pa’u’ū ifo i le agasala,
ma ua avea ai le pupula o Lona mamalu o se afi o le faafanoga ia i
latou.
Ia mataala tagata uma ne’i o latou faatamala i le aoaoga ua aumaia mo i latou i fetalaiga a Keriso. Pei lava ona Ia tuuina atu le
lapata’iga i Ona soo e uiga i le faatafunaga o Ierusalema, ma Ia tuuina atu foi ia i latou se faailoga latou te iloa ai le lalata mai o le
faafanoga, ina ia latou sosola ese ai, ua faapena foi ona Ia tuuina
mai lapata’iga i le lalolagi e faatatau i le aso o le faatafunaga o mea
uma, ma ua Ia tuuina atu foi i le lalolagi faailoga latou te iloa ai le
latalata mai o lea aso, ina ia sao ai mai le to’asa soo se tasi e fia sola
ese mai ai. Na fetalai Iesu: “E i ai foi faailoga i le la, ma le masina,
ma fetu; o i le lalolagi foi le atuatuvale o nuu i le fememea’i”, Luka
21:25; Mataio 24:29; Mareko 13: 24-26; Faaaliga 6:12-17.O ē vā’ai
32
O Le Finauga Tele
i nei faailoga o Lona toe afio mai, ia latou “iloa ua latalata o Ia, ua i
faitoto’a lava”. Mataio 24: 33. Ma ua Ia lapata’i mai: “O lea ia outou
mataala ai”. Mareko 13:35. O i latou uma o ē usitai i lenei lapata’iga
o le a le pogisa i latou, ma maua mai ai i latou i lea aso e lei sauni.
A’o i latou o ē le mataala, e sau le aso o le Alii ia i latou “e pei o se
gaoi i le po”. 1 Tesalonia 5:2-5.
E pei lava ona sa faama’a’a tagata Iutaia ma latou le fia talia le
lapata’iga a le Faaola e uiga ia Ierusalema, ua faapena lava foi le
lalolagi, i lo latou le fia talia o le fe’au mo nei ona aso. Po o le a
lava le taimi e afio mai ai Iesu, e oo mai lava lea aso e lei sauni ē
amioletonu. A’o tumau pea le olaga i ona taaviliga e pei ona masani
ai; a’o faatumulia mafaufau o tagatai mea faafiafai, i mea faapisinisi,
ma mea tau tupe; a’o siitia a’e ma viia e le aufailotu le alualu i luma
o le poto ma le malamalama o le lalolagi; ma ua nonofo faafifilemu
ai tagata e aunoa ma se popole - o le taimi tonu lava lea, e pei lava
ona tolotolo mai o le gaoi i le valuapo i le fale e le o leoleoina, e
faapena lava ona oo faafuase’i mai le faafanoga i ē faalemata’u ma
[20] ē amioletonu - “latou te le sosola ai lava”. 1 Tesalonia 5:3.
[21]
Mataupu 2—Sauaga I Uluai Senituri
A’o faaali atu e Iesu i Ona soo le malaia o le a oo i Ierusalema,
atoa ma mea o le a tutupu i le aso o Lona toe afio mai, sa Ia valo’ia
mai foi mea o le a tutupu i Ona tagata mai Lona afio a’e i le lagi, sei
oo atu lava i Lona toe afio mai i le mana ma le mamalu tele. Na vaaia
e le Faaola mai le mauga o Olive afā malolosi ua toetoe lava pa’u’ū
mai i luga o Lana ekalesia i onapō o le au aposetolo. Na loloto le
silafia a le Faaola i le lumanai, ma sa Ia vaaia ai le pesi mai o afā
malolosi i luga o Lana fanau i augatupulaga o le pogisa ma sauaga.
E uigā tele nai upu pupuu na Ia valo’ia mai ai sauaga o le a faia e
ta’ita’i o le lalolagi i le ekalesia a le Atua. Mataio 24:9, 21, 22. E ao
ona uia e soo o Keriso le ala e tasi na uia e lo latou Faaola, le ala lea
o le puapuaga, o le faalumaina ma le mā . O sauaga na faafeagai ma
le Faaola o le lalolagi, o sauaga foi ia o le a faafeagai ma i latou uma
o e talitonu i Lona suafa.
Ua molimau le tala faasolopito o le uluai ekalesia i le
faataunuuina o fetalaiga a le Faaola. Na au faatasi ta’ita’i o le lalolagi ma le malosi faatemoni e tetee atu ia Keriso e ala i lo latou sauā
ina o Lana fanau. Na iloa e ta’ita’i faapaupau o le a mou ese atu a
latou malumalu ma a latou fata faitaulaga pe afai e manumalo le talalelei. O le mea lea na latou faaaogaina ai lo latou malosi uma, ina
ia tafi’esea ai le tapua’iga faa- Kerisiano. Ma sa amata loa lava ona
mumO a’e le afi o sauaga. Na tuli’esea le au Kerisiano mai o latou
aiga, ma fao’esea a latou mea totino. Na “latou onosai ai i le taua
tele o le tiga”. Eperu 10:32. Na tofotofoina i latou i tauemuga ma
le sasa, “atoa ma noanoataga, ma tuuina i falepuipui”. Eperu 11:36.
E toatele na faamaufaailogaina la latou molimau, e ala i lo latou oti
faamaturo. E lei foi le galuega a le pelu i soo se tasi - o tamalii ma
ē pologa, o ē maumea ma ē matitiva, o ē popoto ma ē lei aooga, na
fasiotia uma i latou e aunoa ma se alofa.
Na amatalia nei sauaga i le nofoa’iga a Emeperoa Nero ina ua
fasiotia ai Paulo, ma sa faaauauina ia sauaga mo le tele o senituri. Na
tuua’ia le au Kerisiano ona o ni soligatulafono mamafa ma le matagā
33
34
O Le Finauga Tele
, ma sa faasalalauina o i latou ua pogai ai mala e tele e pei o oge ma
faama’i atoa ma mafui’e. Na faapena ona itagia ma inosia i latou e
le lalolagi. O le matape’ape’a o nisi na latou faia ai ni moliga pepelo
[22] e uiga i le au Kerisiano. Na faia le faasalalauga o i latou o ni tagata
fouvale i le malo, o fili foi o faiga-tapua’iga, o ē ua faatama’ia le
atunuu. Na lafo le toatele e fafaga ai manufe’ai, po o le susunuolaina
foi i nofoaga tetele mo faafiafiaga. Na faasatauroina nisi, a’o isi na
faa’ofuina i pa’u o manufe’ai ona lafo lea i le malae ina ia saeia ma
faaumatia ai i latou e ta’ifau. O faasalaga faapenei o le au Kerisiano,
na fai lea ma mea faafiafia auā le maimoaga a le lautele o le atunuu.
E afe ma afe na lolofi ane i nei malae o mataaga e fe’ei ai ma taliē
ma pati fiafia a’o faapena ona faaoo atu le oti i le au Kerisiano.
Na pei o le tulia o ni manu’aivao le tuliloaina o le fanau a le
Atua i soo se mea na latou sulufa’i i ai. Na latou sosola ma lalafi
solo i mea tuufua ma vaega le ’ainā o le eleele. “O mativa i latou
ma puapuagatia, ma faasaunoaina (e le aogā le lalolagi ona i ai o
i latou); na feoa’i solo i latou vao ma mauga, ma ana, ma lua i le
eleele”. Eperu 11:37, 38. Na fai nei ana i le eleele ma lafitaga o le
afe ma afe o i latou. Na i ai ni ana uumi i lalo o auvae mauga i tua
atu o pa o le aai o Roma. O inei na tanu ai e le au Kerisiano o latou
tagata oti. O inei foi na latou maua i ai le lafitaga pe a masalomia pe
tuliloaina i latou. E toatele maturo a Keriso, o le a toe tutu a’e mai
nei ana pogisa, pe a toe fagua e le Faaola i latou uma o e na latou
tau le taua lelei.
E lei pisia le faatuatua o nei molimau a Iesu talu ai sauaga aupito
tiga ma le faigata. E ui lava ina sa tuliloaina i latou faapei o ni manu
i le vao, e ui lava sa latou lēmavaaia le la a’o latou lalafi i ana i le
eleele, latou te lei faameo pe muimui i mea tiga. O upu o le onosa’i,
o upu o le faatuatua ma le faamoemoe na latou apoapoa’i ma faamafanafana atu ai le tasi i le isi ina ia latou tūtūmau ma onosa’i i tiga
ma le faamativaina. E lei avea le fāōa o o latou manuia o le olaga
nei, ma mea na latou fulitua ai i lo latou talitonuga ia Keriso. Na
avea tofotofoga ma sauaga o ni laasaga na latou latalata atili atu ai i
lo latou taui ma lo latou malologa.
Na pei i latou o auauna a le Atua anamua o ē na faatāugāina ma
latou le talia le lavea’iga, “ina ia maua e i latou le toe tu mai e sili
ona lelei”. Eperu 11:35. Na latou manatua upu a lo latou Matai o Le
na fetalai mai: “Amuia outou pe a latou ...faasauā ia te outou ...ona
Sauaga I Uluai Senituri
35
o a’u. Ia outou olioli ma fiafia lava; auā o i le lagi lo outou taui e
tele; auā na faapea ona latou faasauā i perofeta ē na muamua ia te
outou”. Na latou olioli ona ua faitauina i latou o nisi ua ta’uaogaina e
puapuagatia ona o le upu moni, ma sa alu a’e i le lagi le leo o le pese
o le manumalo, sa fefiloi ma le leo o le afi mumū na susunuolaina ai
le toatele o i latou. A’o latou tepa a’e i le lagi, sa latou vaaia Keriso
ma agelu o le lagi o lo o latou matā’ia lo latou puapuaga ma lo latou
tūtūmau. O foliga o Keriso ma le au agelu na ta’u mai ai ua talia
e le lagi la latou taulaga. Na latou faalogoina se si’ufofoga mai le
nofoalii o le Atua ua faapea mai: “Ia e faamaoni seia oo i le oti, ona
[23]
ou avatu ai lea ia te oe o le pale o le ola”. Faaaliga 2:10.
Sa le aogā taumafaiga a Satani e lepetia ai le ekalesia a Keriso e
ala i sauaga ma le oti. E lei faai’uina le finauga tele ina ua pa’u’ū ma
maliliu soo o Keriso i le mea na latou tau ai le taua lelei. Na avea le
faatoilaloina o i latou ma mea ua latou manumalo ai. Na fasiotia le
aufaigaluega a le Atua; peitai na laalaa pea lava i luma Lana galuega.
Na salalau pea le talalelei ma faateleina pea le faitau aofa’i o ē na
talia le upu moni. E oo i vaega o le lalolagi e lei mafai ona sao atu i
ai aeto a Roma, sa ofi atu i ai le talalelei. O upu nei a se Kerisiano a’o
ia talanoa atu i nisi o ta’ita’i o malo o ē na tausolomua i le galuega
o sauaga. Fai mai a ia: “Atonu tou te fasioti matou, ma faatāugāina i
matou, ma ta’usalaina i matou. ...O lo outou amioletonu ua ta’u mai
ai e leai so matou sese. ...E leai foi se aogā ia te outou o lo tou soona
sauā.” Na avea lea sauā ma mea na atili ai ona tosina mai o nisi i lo
latou talitonuga. “O le tele o Kerisiano tou te fasiotia, o le saosaoa
foi lea o le tuputupu a’e o lo matou aofa’iga. Ua avea le toto masaā
o Kerisiano o le fatu e toe tatupu a’e.” (Tertullian, Apology, para.
50.)
E afe ma afe na fasiotia ma tuuina i falepuipui, peitai na laulaututū a’e isi e suitulaga ia i latou. O ē na oti faamaturo ona o lo latou
faatuatua, na mautū i latou ia Keriso, ma ua faitauina ai e Ia i latou
o ē ua manumalo. Ua latou tau le taua lelei, ma ua mautinoa nei
lo latou maua o le pale o le mamalu i le toe afio mai o Keriso. O
puapuaga na latou onosa’i ai, ua avea lea ma ala ua ola felata’i ai le
au Kerisiano, ma ua latou latalata atili atu ai foi i lo latou Faaola.
O le ala na latou ola ai, atoa ma le mau i lo latou oti, ua avea ia
ma molimau tumau mo le upu moni; ma e toatele soo o Satani e lei
36
O Le Finauga Tele
masalomia o le a latou tuua le galuega a le tiapolo ae mulimuli atu
i le tagāvai a Keriso.
O le mea lea na faataatia ai fuafuaga a Satani ina ia faaleleia
auala e tetee atu ai i le faigamalo a le Atua e ala i lona faatūina o
lana tagāvai i totonu o le ekalesia Kerisiano. A mafai ona faasesēina
soo o Keriso ina ia latou faatiga i le Atua, o le a mautinoa loa le mou
atu o lo latou malosi ma lo latou tūtūmau, ma o le a faigofie ai loa
ona maua i latou i le mailei.
Ua taumafai nei le fili ina ia faaaoga ana togafiti poto, ina ia
’ausia ai le mea ua ia le mafai ona maua i ala fai faamalosi. Ua i’u
nei sauaga, a ua suia mai i ai e le tiapolo mailei mata’utia o manuia
faalelalolagi atoa ma mamalu o le olaga nei. Ua ta’ita’ia i latou o
ē ifo i tupua ina ia latou taliaina na o se vaega o le talitonuga faaKerisiano, a ua latou teena isi poutū o le upu moni. Ua latou fai mai
ua latou talia Iesu, o le Alo o le Atua, ma ua latou talitonu i Lona
maliu ma Lona toe tu mai. Peitai ua latou le lagona le leaga o le
agasala ma ua latou le lagona se mana’oga mo le salamō po o se
suiga o le olaga. Ua latou fai mai e le tatau i Kerisiano ona taofiofi
mamau i o latou talitonuga, a ia faamamulu nisi, e pei ona ua faia e i
latou i o latou talitonuga, ina ia mafai ai ona tuufaatasia tagata uma
[24] i luga o le talitonuga ia Keriso.
Ua oo nei le ekalesia i se tulaga mata’utia naua. Ua foliga mai
nei o se faamanuiaga le falepuipui, ma le faatāugāina o le tino, ma
le afi atoa ma le pelu pe a faatusatusa atu i lenei mala. Na tūtūmau
nisi o le au Kerisiano ma ua latou ta.’utino mai e le mafai ona latou
faamamulu i nisi o poutū o lo latou talitonuga. Peitai na malilie nisi e
ioe atu i lenei mala, ina ia suia nisi o vaega tāua o lo latou talitonuga,
ina ia faigofie ai ona tuufaatasia i latou ma ē ua latou talia se vaega
o le talitonuga faaKerisiano. Fai mai i latou nei atonu o le auala lea
e mafai ai ona liua atoatoa mai i latou nei ua amata ona laa mai i le
ekalesia Kerisiano. O se aso uigā ma le faigata lenei i faigafilifiliga
a soo faamaoni o Keriso. Ua faaofiofi malie mai lava Satani i totonu
o le ekalesia, e ala i lona pulupulu mai i se ie e foliga mai o se mea
faa-Kerisiano, ina ia lepetia ai lo latou faatuatua ma liliu’eseina ai o
latou mafaufau mai le upu moni.
Na i’u lava ina ioe atu le toatele o le au Kerisiano ina ia tuutuu ifo i lalo la latou tapulaa, ma ua mafai ai loa ona faavaeina se
tuufaatasiga o le ekalesia Kerisiano ma mea faapaupau. Na fai mai
Sauaga I Uluai Senituri
37
nei tagata ifo i tupua o i latou ua liua, ma ua ofi mai i le ekalesia;
peitai na latou taofi mau pea i la latou ifo i tupua. Na o le tasi lava
le eseesega - ua suia a latou tupua i faatusa o Iesu, po o faatusa o
Maria ma isi sagato. Na faapena ona ofi mai o le mea faafefete leaga
o le ifo i tupua i totonu o le ekalesia e faaauau ai lana galuega leaga.
Na faapena foi ona ofi mai i le ekalesia Kerisiano a’oa’oga sese, o
tu faanuupo, atoa ma sauniga faapaupau ma le ifo i tupua. A’o faia
lenei soo i le va o le fanau a le Atua ma ē ifo i tupua, na faapena ona
faitaaga le ekalesia Kerisiano, ma ua mou atu ai lona tulaga mamā
ma lona malosi. Peitai sa i ai lava nisi e lei faasesēina i nei mea taufaasese. Na latou tūtūmau pea i lo latou faamaoni i le Tusitala o le
upu moni, ma latou tapua’i atu ai i le Atua moni e toatasi.
E lua ni vasega e mafai ona vaevaeina i ai i latou o ē fai mai o
i latou o soo o Keriso. O le vasega muamua o i latou o ē su’esu’e i
le soifuaga o le Faaola, ona latou taumafai lea e faatonutonu o latou
olaga ina ia tusa ai ma le soifuaga o Keriso. Peitai o le tasi vasega
latou te le fia pupula i upu moni manino ua faaaliali a’e ai o latou
sese. E le na o ē na faamaoni atoatoa ma mamā atoatoa na i ai i le
ekalesia, e oo lava i vaitaimi na maualuga ai le tapulaa o le ekalesia.
Na a’oa’o mai lo tatou Faaola e le tatau ona avea o se vaega o Lana
ekalesia i latou o ē fiafia pea e fai le agasala ma le loto i ai. Peitai
na Ia valaauina ina ia fai ma soo i latou o ē lei atoatoa a latou amio,
ma tuuina atu i o latou luma Ana a’oa’oga ma ala na soifua ai o se
faata’ita’iga, ina ia latou maua ai le avanoa e vā’ai ai i o latou sese
ma faasa’osa’oina ai ia sese. O se tasi o le au aposetolo e toa 12o se
faalata. Na taliaina Iuta e avea o se soo o Iesu, e ui lava sa i ai ila i
lana amio; e lei taliaina o ia ona o ona ila. Na talia o ia o se tasi o le
au soo ina ia iloa ai e ia le amio faa-Kerisiano e ala i a’oa’oga ma le
soifuagao Keriso, ma faapena ona ia vaai manino ai i ona sese, ma
salamō ai, ma faamamā ai lona olaga i le usitai i le upu moni, e ala [25]
i le fesoasoani ma le ta’ita’iga a le alofa tunoa o le Atua. Peitai e lei
savali Iuta i le malamalama na faasusulu atu ia te ia e ala i le alofa
tunoa o le Atua. Na ia faaofi mai i lona loto faaosoosoga a Satani
ona o lona fiafia i le agasala. Na faapena ona manumalo ma pulea
ai lona olaga e ona uiga leaga. Na ia tuuina atu lona mafaufau i le
puleaga a agaga o le pogisa; na ia ita pe a a’oa’i atu o ia i ona sese;
ma ua faapena ona oo atu ai o ia i le tulaga na ia faia ai le agasala
mata’utia o le faalataina o lona Matai. E faapena i latou uma o ē
38
O Le Finauga Tele
faapelepele i le agasala, a ua faapulupulu mai i upu amioatua. Latou
te ita ma inoino i ē faasoesa atu ia i latou ma ta’uina atu i ai le sese
o lo latou olaga agasala. E maua loa lava se avanoa lelei, e pei lava i
latou nei o Iutalo latou faalataina loa o ē o lo o taumafai e a’oa’i atu
i latou mo lo latou lelei.
Na faafeagai le au aposetolo ma ni tagata faapea i le ekalesia, o
ē faaaliali mai le amioatua, ae faia faananā lo latou faapelepeleina o
le amioleaga. Na faia e Anania ma Safaira le vaega a ē taufaasese,
ina ua la faia ina ia foliga mai ai ua la tuuina atu se taulaga atoa i le
Atua, a ua la taofia faananā se vaega mo i la’ua lava. Na faaali atu
e le Agaga o le Atua i le au aposetolo le mea moni e uiga i amio
a nei tagata taufaasese, ma o le faamasinoga a le Atua na tafi’esea
ai mai le ekalesia lenei pona matagā mai lona olaga mamā. O se
molimau ofoofogia lenei o le galuega iloilo a le Agaga o Keriso i
totonu o le ekalesia, ma sa oo ifo ai le mata’u tele i tagata pepelo
ma ē amioleaga. Na le mafai ona faifaimea faatasi i latou nei ma sui
moni o Keriso, ma o le taimi na oo mai ai sauaga ma puapuaga i ona
soo moni, o le taimi lava lea na totoe mai ai na o ē na filifili latou
te fulitua i mea uma ona o le upu moni. A’o faapena ona faaauauina
pea o sauaga, sa faapena foi ona tumau ai o le tulaga mamā i le
olaga o le ekalesia. O le taimi na muta ai sauaga, na faapena loa ona
faaopoopoina mai i le ekalesia i latou o ē lei liua moni pe faamaoni
atoatoa, ma sa avea lea ma ala na ofi mai ai Satani ma maua’a ai i
totonu o le ekalesia.
Peitai e le ’au’aumea faatasi le Alii o le malamalama ma le pelenise o le pouliuli, ma e le mafai foi ona faia se soo tuufaatasi a ē
mulimuli atu ia i la’ua. O le ioe atu o Kerisiano e fai se soo tuufaatasi
ma i latou o ē ua liua faa’afa’afa mai tapua’iga faapaupau, o lo latou
ofi atu lava lea i se auala e taitai’esea atili ai i latou mai le upu moni.
Na matuā olioli Satani ona ua faamanuiaina ana faiga ua faasesēina
ai se aofa’iga matuā toatele o soo o Keriso. Ona faa’atoatoaina mai
lea o lona mana i luga o i latou nei, ina ia latou sauāina ēoloo tumau
pea ma le faamaoni i le Atua. E leai nisi ua sili atu lo latou malamalama i auala sili e tetee atu ai i le talitonuga moni faa-Kerisiano
nai lo ē sa Kerisiano a ua solomuli nei. Ua fai nei se soo tuufaatasi
a Kerisiano pa’u’ū ese nei, ma a latou uo faapaupau, o ē ua liua
faa’afa’afa, ma ua faasaga tonu atu loa la latou osofa’iga i poutū
[26] aupito tāua o a’oa’oga a Keriso.
Sauaga I Uluai Senituri
39
O se tauiviga mata’utia na feagai ma ē na filifili e tumau ma le
faamaoni e tetee atu i nei mea taufaasese ma le inosia, o mea ua
faalafi mai i ofu o patele, ma faapena ona ofi mai ai i totonu o le
ekalesia. Ua le talia nei le Tusi Paia e avea o le fua e fua a’i talitonuga
uma. Ua ta’ua o se a’oa’oga sese le a’oa’oga e faatatau i le saolotoga
i mea tau lotu, ma sa inosia ma ta’uleagaina i latou o ē na latou siitia
a’e le fu’a o le sa’olotoga i mea tau tapua’iga.
O le faai’uga o se tauiviga umi ma le mata’utia na filifili ai loa le
au faamaoni toaitiiti, ina ia sōloia o latou sootaga uma ma le ekalesia
ua pa’ū ese atu, pe afai ua le fia vavae’ese le ekalesia mai mea sese,
atoa ma le ifo i tupua. Na latou vā’ai atu ua na o le vavae’ese le ala
o totoe mo i latou, pe a latou fia tumau pea i le usitai i le afioga a le
Atua. Latou te lei fia talia ni mea sese e ono faaumatiaina ai o latou
lava agaga, ma avea ai la latou faata’ita’iga ma mea e ono lamatia
ai foi le faatuatua o a latou fanau ma fanau a a latou fanau. O lo
latou manatu i le tausiga o le filemu ma le nofo lelei faatasi, na latou
filifili ai e ioe atu i soo se a’oa’oga ma soo se faagaioiga a le ekalesia
e talafeagai ai ma le faamaoni i le Atua. Peitai na latou manatu ua
matuā taugata tele le filemu pe afai e soli ai se tasi o tulafono a le
Atua. Afai ua leai se isi auala e maua ai le tuufaatasiga sei vagana
le faamamulu atu o le upu moni ma le amiotonu, ona sili ai lea pe a
i ai eseesega ma fevaevaea’iga, tusa lava foi po o taua.
E i ai se manuia tele e ono oo mai i le ekalesia faapea le lalolagi,
pe ana toe maua i olaga o tagata ua ta’ua o le fanau a le Atua, le
tūtūmau i le amiotonu ma le upu moni, lea sa vaaia i lenei au faamaoni toaitiiti. Ua i ai se tulaga pagatia i le ekalesia ona o le manatu
faatauvaa o le toatele i a’oa’oga ua avea ma poutū o le talitonuga
faaKerisiano. E i ai le manatu ua a’e mai nei e faapea e le tāua na’ua
nei a’oa’oga faavae. Ua avea lenei pa’ū ifo ma mea ua faamalosia
ai au a Satani, ma ua oo ai i le tulaga ua talia ai a’oa’oga sese e le
toatele o i latou ua ta’ua o soo o Keriso. O mea taufaasese lava nei
sa ono lamatia ai ola o le aufaamaoni i augatupulaga ua mavae, ona
o lo latou tetee atu i ai.
O se nuu paia ma le tulaga maoa’e Kerisiano o le uluai senituri.
O lo latou olaga le pōnā ma lo latou tumau i le faatuatua, sa avea lea
o se a’oa’iga faifaipea sa le maua ai se filemu a ē amioleaga. E ui ina
toaitiiti ma matitiva i latou ma leai so latou tulaga i le nuu, na oo ifo
le mata’u i ē amioleaga ona o la latou amio ma a latou aoaoga. Ma o
40
O Le Finauga Tele
le mea lea na inosia ai i latou e le au amioleaga, pei lava ona inosia
Apelu e Kaino amioletonu. Pei lava ona fasiotia Apelu e Kaino, na
faapena foi ona fasiotia le fanau a le Atua e i latou o ē na sa’ili’ili
latou te lafoa’i ma teena le galuega a le Agaga Paia. O le pogai lava
lea e tasi na teena ma faasatauroina ai e tagata Iutaia le Faaola - auā
na avea Lona soifua mamā ma le paia o se sasa po o se a’oa’iga
faifaipea o lo latou matape’ape’a ma a latou amioletonu. Talu mai
[27] lava ona po o Keriso, o lo o avea pea lava olaga o Ona soo faamaoni,
ma faapogai o le ita ma le tetee o i latou o ē fiafia i ala o le agasala.
E mafai faapefea la ona ta’ua le talalelei o le fe’au o le filemu?
Na tuuina atu e Isaia ia Iesu le suafa “o le Alii o le Filemu” ina ua
ia valo’ia le fanau mai o le Mesia. O upu nei o le pese a agelu i luga
a’e o fanua o Peteleema, ina ua latou faailoa mai i leoleo mamoe
le fanau mai o Keriso: “O le viiga i le Atua i mea aupitoaluga; ma
le manuia i le lalolagi; o le finagalo alofa i tagata”. Luka 2:14. E
foliga mai ua i ai se feteena’iga i nei upu o le valo’aga ma upu a
Keriso ina ua Ia fetalai mai: “Ou te lei sau e avatu le filemu a’o le
pelu”. Mataio 10:34. Peitai a malamalama lelei i ai, ona tatou iloa
lea o le ō gatasitasi lelei o nei mea e lua. O le talalelei o se fe’au o
le filemu. O a’oa’oga ma talitonuga faaKerisiano e faapogai mai ai
le filemu, ma le nofo lelei, ma le fiafia i soo se vaega o le lalolagi,
pe a talia ma usitai i ai. O se lotu e pogai mai ia Keriso, e fusia ai
e pei o uso fealofani i latou uma o ē talia Ana aoaoga. Na afio mai
Iesu ina ia aumaia le leleiga i le va o tagata ma le Atua, ona sosolo
atu ai lea o lea leleiga i le va o le tagata ma Iona uso. Peitai ua i ai
le tele o le lalolagi i lalo ifo o le pule a Satani, le fili sauā o Keriso.
Ua aumaia ia i latou e le talalelei a’oa’oga o le ola, o ni a’oa’oga e
matuā vāvāmamao ma a latou amio ma o latou mana’oga. O le mea
lea ua latou tula’i atu ai i se fou, e tetee atu i a’oa’oga o le talalelei.
Ua latou tetee i le olaga mama lea e faaaliali a’e ai a latou amioleaga,
ma ua latou sauā ma faa’umatia i ē ua ala mai ai le fe’au ina ia latou
savavali e tusa ai ma nei a’oa’oga paia ma le amiotonu. O le pogai
lea ua faaigoa ai le talalelei o le pelu, auā o le tala’iga o nei upu moni
amiotonu e fanau mai ai le ita ma le inoino, o eseesega ma sauaga.
O le faatagaina o ē amioleaga latou te sauāina ē amiotonu, ua
avea lea ma faapogai o le fememea’i o le toatele o ē vaivai i la le faatuatua. E i ai nisi ua toetoe lava faamamulu atu lo latou talitonuga i le
Atua ona ua Ia faatagaina tagata aupito amioleaga e ola manuia, a’o
Sauaga I Uluai Senituri
41
ē amiotonu ma paia ua puapuagatia ma faatāugāina e le pule sauā a
ē amioleaga. O le fesili lenei ua masani ona fesiligia e nisi: E mafai
faapefea e se Atua amiotonu ma le alofa, se Atua e Ona le malosi
uma lava, ona faatagaina sauaga ma uiga amioletonu faapenei? E
leai sa tatou vaega i lenei fesili. Ua lava molimau ua tuuina mai e
le Atua e fai ma faamaoniga o Lona alofa, ma e le tusa ai ona tatou
masalomia o Lona lelei ma Lona faamaoni ona o lo tatou le malamalama i faagaioiga o Lona mana. O le fetalaiga lenei a le Faaola
i Ona soo a’o Ia silasila atu i le lumana’i i masalosaloga o le a o’o
mai ia i latou i aso o le tofotofoga ma le pogisa: “Ia outou manatua
le upu na ou fai atu ai ia te outou, E le sili le auauna i lona alii. Afai
ua latou faasauā mai ia te au, e faasauā foi ia te outou”. Ioane 15:20.
E sili mamao atu puapuaga na puapuagatia ai Iesu mo i tatou, nai lo
tofotofoga e oo mai i Ona tagata i lima o ē amioleaga ma ē sauā. O ē
ua valaauina ina ia latou uia le ala o le puapuaga ma le oti faamaturo,
[28]
ua latou mulimuli atu i tulaga aao o le Alo pele o le Atua.
“E le faatuai mai le Alii i le mea na folafolaina mai”. 2 Peteru
3:9. Na te le faagalo pe tuulafoa’i i Lana fanau; ae Na te faatagaina ē
amioleaga ina ia faaaliali a’e lo latou uiga moni, ina ia le faasesēina
ai soo se tasi ua naunau na te faia Lona finagalo. Ae le gata i lea, ua
tuuina ē amiotonu i le ogaumu aasa o puapuaga, ina ia faamamāina
ai i latou, ina ia avea o latou olaga ma ala e talitonu ai isi i le tonu
o le faatuatua ma le amioatua; ma avea ai foi o latou olaga paia o se
a’oa’iga ma se faasala i ē amioleaga ma ē le talitonu.
Ua faatagaina e le Atua ē amioleaga ina ia ola manuia ma
faaaliali mai lo latou tetee ia te Ia seia tumu le ipu o la latou agasala,
ina ia fai ma molimau o Lona alofa ma le amiotonu o Lana faamasinoga, i le taimi Na te faaumatiaina ai i latou. Ua taulalata mai
le aso o Lona tauimasui, le aso e feiloa’i ai ē solitulafono ma ē na
faapuapuagatiaina O na tagata ma le taui tonu o la latou amioleaga.
O le aso lea e tauia ai soo se amioletonu ma soo se sauaga na faia i
le fanau faamaoni a le Atua, e tusa lava ua faia ia Keriso.
E i ai se isi fesili e sili atu lona tāua e ao ona mafaufau loloto i
ai ekalesia i ona aso nei. Ua ta’u mai e le aposetolo o Paulo: “O i
latou uma foi o ē loto ina nonofo ma le amio-Atua ia Keriso Iesu,
e sauāina i latou”.2 Timoteo 3:12. Aiseā la ua foliga mai ai ua mou
atu le tele o sauaga? Na o le tasi lava le mafua’aga. Ua faata’ita’i le
ekalesia i tu ma tapulaa a le lalolagi, ma o le pogai lea ua le faafeagai
42
O Le Finauga Tele
ai le ekalesia ma ni puapuaga po o ni sauaga. O le lotu Kerisiano i
ona po nei, e le o se tapua’iga paia ma le mamā e pei ona iloga ai le
talitonuga faaKerisiano i ona aso o Keriso ma le au aposetolo. O le
agaga faamalie atu i le agasala, ma le manatu faatauvaa i upu moni
tāua o le afioga a le Atua, ua na o lea le mafua’aga ua foliga mai ai
ua faauōuō le ekalesia ma le lalolagi. Toe faaolaola le faamaoni ma
le amioatua e pei ona vaaia i le uluai ekalesia, ona le pine lea ae toe
[29] vaaia le faamumūina o ogaumu aasa o sauaga.
Mataupu 3—Ni Augatupulaga O Le Pogisa
Faaleagaga
Na valo’ia mai e le aposetolo o Paulo i lana tusi lona lua i tagata
Tesalonia, le pa’ū ese tele na i’u atu ai i le faatūina o le pule faapope.
Fai mai Paulo, a’o lumanai le aso o le Alii, o le a muamua ona
to’u’ulu ese se toatele, “ma faaali mai le tagata o le agasala, o le
tagata lea o le malaia, o le tetee atu, ma faamaualugaina e ia ia te
ia e sili i mea uma lava ua ta’u- atuaina, ma mea uma ua ifo i ai
tagata. O lea ua ti’eti’e ai o ia i le malumalu o le Atua, peiseai o le
Atua lava o ia”. Ua le gata i lea a ua lapata’i mai le aposetolo i ona
tagata ma faapea mai, ua amata nei lava ona galue “le mea lilo a le
amioleaga”. 2 Tesalonia 2:3, 4, 7. Na mamao i le lumana’i le ati o
le vaai a le aposetolo, ma sa ia iloa ai le ofi malie mai i totonu o le
ekalesia o a’oa’oga sese, e saunia ai le ala mo le tuputupu a’e O le
pule faapope.
E lei faafuase’i ona maua le pule malosi a le “mea lilo a le amioleaga”. Na fāifaimalie mai lava i le amataga lona tuputupu a’e e
aunoa ma le iloa e nisi. Peitai a’o tuputupu a’e pea lona malosi ma ua
pulea ai e ia mafaufau o tagata, sa le toe faaliloliloina loa le faiga o le
galuega taufaasese ma le faasausili a le “mea lilo a le amioleaga”. Na
le iloa e le toatele le sosolo malie mai i totonu o le ekalesia Kerisiano
o tu faapaupau. O le malosi o sauaga na oo i le ekalesia i lalo ifo o
pulega faapaupau, o le pogai lea na tau taofia mai ai le agaga o le
fia sōsō atu e faifaimea faatasi ma le lalolagi. Peitai, o le vaitaimi
lava na taofia ai sauaga, ma ua ofi atu le ekalesia Kerisiano i maota
o tupu, o ona po lava ia na tuu’ese ai loa e le ekalesia uiga agamalū
o Keriso ma Lana au aposetolo, ae fai ai mo ia uiga faamaualuga ma
le faalialia o tupu ma ositaulaga faapaupau. E le gata i lea, o le mea
sa i ai le tulafono a le Atua, ua tuu nei i ai e le ekalesia poloa’iga ma
uputuu a tagata. Na olioli le toatele ina ua liliu Konesetino i le ekalesia Kerisiano i le amataga o lona fa o senituri. Peitai, na faapena ona
’ofu le lalolagi i le amiotonu faafoliga, ma ia laa mai ai loa i totonu
o le ekalesia. Ua avea loa lea ma mea ua saosaoa tele ai le tuputupu
43
44
O Le Finauga Tele
a’e o le galuega o le malaia. Ua manumalo nei uiga faapaupau, e ui
[30] lava na foliga mai ua faatoilaloina. O ona uiga ma ana tu ua puleaina
ai nei le ekalesia. O ana a’oa’oga ma ana sauniga ma ana uputuu, ua
[31]
milo faatasi nei ma le talitonuga ma le tapua’iga a i latou ua ta’ua o
soo o Keriso.
O lenei soo tuufaatasi i le va o tu faapaupau ma le ekalesia
Kerisiano, na fanau mai ai loa le “tagata o le agasala”, o le tetee
i le Atua, ma ia siitia a’e o ia ina ia sili a’e i le Atua, e pei lava ona
valo’ia mai. O lenei faagaioiga uiga ese o mea sese faalelotu, o se
foafoaga maoa’e lava lea o le malosi o le mana o Satani. O se maa
faamanatu lava lea o ana taumafaiga uma, ina ia nofo o ia i le nofoalii
na te pulea ai le lalolagi, e tusa ai ma lona loto.
E i ai se taimi na taumafai ai Satani e fai sa la soo tuufaatasi
ma Keriso. Na ia alu atu i le Alo o le Atua i le vao, ma sa ia faamaimoaina Keriso i malo uma o le lalolagi ma lo latou mamalu, ma
sa ia ofoina atu na te avatua nei malo uma i aao o Keriso, pe afai
e ifo atu Keriso ia te ia ma ioe atu ai i lana pule aoao. Na manumalo Keriso i lenei faaosoosoga ma Ia tulia ese ai le tiapolo. Peitai
e manuia tele galuega a Satani pe a ia aumaia lea lava faaosoosoga
e tasi i tagata. Na faauō atu ma faifaimea faatasi le ekalesia ma ē
maualuluga o le lalolagi, ina ia maua mai ai le tamao’aiga ma le
mamalu. O le talia e le ekalesia o le lalolagi, o lona teena lava foi
lea o Keriso, ma ua oo ai loa ina tuuina atu lona loto atoa e lagolagoina ai le sui o Satani, o le epikopo lea o Roma.
O se tasi o a’oa’oga tulimanu o le ekalesia Roma e faapea, o le
pope o le ao vaaia lea o le ekalesia aoao a Keriso, ma ua faaeeina
i ai le pule aoao na te pulea ai epikopo ma faife’au i soo se itu o le
lalolagi. Ae le gata i lea, o suafa ua tuuina atu i le pope o suafa lava
ia o le Atua soifua. Ua faasuafaina o ia o “le Alii le Atua le Pope”,
ma ua ta’u mai e le agasala pe sese le pope. E mana’omia ia ifo atu
ia te ia tagata uma. Na taumafai Satani ia ifo atu ia te ia le lalolagi
atoa; o lo o ia taumafai pea lava ina ia ifo atu le lalolagi uma ia te
ia e ala i le Ekalesia Roma, ma e toatele na’ua i latou ua latou nofo
sauni latou te faia lenei tapua’iga ia te ia.
Peitai o i latou o ē matata’u ma āva i le Atua, latou te faafetaia’ia
lenei faaosoosoga a le fili, e pei lava ona faia e Keriso ina ua Ia
fetalai atu, “E te ifo atu i le Alii lou Atua, ua na o Ia lava e te auauna
i ai”. Luka 4:8. E leai, leai lava sina upu ua tuuina mai e le Atua i
Ni Augatupulaga O Le Pogisa Faaleagaga
45
Lana afioga, ua ta’u mai ai ua Ia tofia se tagata e avea o le ulu o le
ekalesia. O le a’oa’oga e uiga i le pule aoao a le pope, o se a’oa’oga
lea ua matuā tetee faaaliali i a’oa’oga a le Tusi Paia. E leai se pule
a le pope i le ekalesia a Keriso, sei vagana ua ia fao faamalosia lea
pule.
E lei uma lava le masani tautuua’i a tagata o le Ekalesia Roma.
Ua latou molia le au Porotesano i le faia o a’oa’oga sese, atoa ma
lo latou le gaua’i, ua latou vavae’ese ai mai le ekalesia moni. Peitai
o i latou lava ua fetaui tonu i ai nei moliga uma. O i latou lava na
latou tuu i lalo le tagāvai a Keriso, ma latou o ese mai le “faatuatua
[32]
na tuuina atu i le au paia”. Iuta 3.
Na iloa lelei lava e Satani o le Tusi Paia o le a mafai ai e tagata
ona iloa ana faasesega, ma mafai ai ona latou tetee atu i lona mana.
O le Afioga lava lea na mafai ai foi e Keriso lava Ia ona tetee atu i
ana osofa’iga. Na faafetaia’i e Keriso osofa’iga uma a le tiapolo i le
talipupuni o le upu moni, e ala i Lona fetalai atu, “Ua tusia”. Na Ia
teena faaosoosoga uma a le fili i le faautauta, atoa ma le mana o le
Tusi Paia. E tasi lava le ala e mafai ai e Satani ona faaauauina lana
puleaga o tagata, ma faavaeina ai le pule fao faamalosi a le pope - o
lea ala o le taofia lea o le Tusi Paia ne’i maua e tagata. O le Tusi Paia
na te siitia a’e le Atua, ma tuuina le tagata agasala i lona tulaga sa’o.
O lea na manatu ai le tiapolo ia matuā natia ma faasāina a’oa’oga
paia a le afioga a le Atua mai tagata. O le mea tonu lava lea na faia
loa e le Ekalesia Roma. E selau ma selau tausaga o faasāina le Tusi
Paia. E le gata ina faasāina tagata ona latou faitau i le Tusi Paia, ae
na faasāina foi ona i ai se Tusi Paia i so latou fale. O patele amio
pi’opi’o na latou faamatalaina a’oa’oga a le Tusi Paia, ina ia saga
faamalosia ai pea mea uma na latou manana’o i ai. Na faapena ona
i’u ai lava ina avea le pope i manatu o le toatele, o ia o le sui o le
Atua i le lalolagi, ma ua faaeeina i ai le pule na te pulea ai le ekalesia
ma le malo.
Ua galue nei Satani e tusa ai ma lona lava loto, auā ua ave’esea
nei le Tusi e mafai ai ona aliali a’e ana a’oa’oga sese. Fai mai le
valo’aga, o le a manatu le pule faapope na te suia “taimi ma tulafono”. Tanielu 7:25. E lei faatuai le pule faapope i ana taumafaiga, e
faataunuuina ai lenei mata’upu. O le fuafuaga na faia ina ia toatele
ai tagata faapaupau e liua mai i le ekalesia, o le faaofi malie mai
lea o faatagata ma faatusa ma isi mea, e fai ma sui o le ifo i tupua,
46
O Le Finauga Tele
ma faafaigofie ai lo latou taliaina o a’oa’oga faa-Kerisiano. O se
poloa’iga a le fono sili a le ekalesia na i’u ai lava ina faavaeina aloa’ia
lenei itua’iga ifo i tupua. Na faai’uina lenei galuega faalēmata’u ina
ua folafola mai e Roma, ua ia sōloi’esea le poloa’iga e lua mai le tulafono a le Atua, le poloa’iga lea o lo o faasaina ai tapua’iga i faatusa.
E le gata i lea ua ia vaeluaina le poloa’iga e sufulu, ina ia faa’atoa ai
le sefulu o poloa’iga.
O lenei lava agaga o le faifaimea faatasi ma tu faapaupau, na
tatalaina ai le faitoto’a, ina ia ofi mai ai se isi fouvalega i le pule a le
Lagi. Na galue Satani e ala i ta’ita’i le faapaiaina o le ekalesia, na te
fesuia’ia ai le tulafono e fa. Na faia ina ia tuu’esea le Sapati moni,
le aso na faamanuiaina ma faapaiaina e le Atua (Kenese 2:2, 30),
ae siitia a’e ai se aso na tausia e tagata faapaupau, o se aso na latou
ta’ua “o le aso mamalu o le la”. Na faalilolilo le amataga mai o le
faiga o lenei suiga. Na tausia lava e le au Kerisiano uma le Sapati
moni i ulua’i senituri o le ekalesia. Na tāua ia i latou le paia ma le
mamalu o le Atua ma Lana tulafono; na latou talitonu foi e faavavau
le tulafono a le Atua; ma o le pogai lea na latou ma’elega ai ma
tausisi i le paia o ona vaega uma. Peitai na galue faalilolilo Satani e
[33] ala i ona sui, ina ia faataunuuina ai lana fuafuaga. O le auala poto na
faaaogāina e faatepa atu ai manatu o tagata i le Aso Sa, o le faia lea
o le Aso Sa ma aso mālōlō e faamanatu ai le toe tu mai o Keriso. Sa
fai ai foi ni sauniga faalelotu i lea aso; peitai na iloa lava e tagata ua
na o se aso lea mo faafiafiaga, ae na latou tausia pea lava ma faapaia
i le Sapati moni.
A’o lei afio mai Iesu i le lalolagi, ua leva ona faataatia fuafuaga
a Satani, mo le galuega na ia mana’o ia faataunuuina. Na ia ta’ita’ia
tagata Iutaia ina ia latou faia ni poloa’iga se tele e faamamafatū ai
le tausiga o le Sapati. Ua avea ai loa le Sapati ma avega mamafa i
manatu o tagata. O le mea tonu lava lea na mana’o i ai Satani. Na ia
tuuina loa i manatu o tagata ina ia latou inoino i le Sapati, ona o se
mea na faatūina e tagata Iutaia. A’o tausia pea lava e le au Kerisiano
le Aso Sa e avea o se aso o faafiafiaga, sa ta’ita’ia loa e Satani i latou
ina ia faailoa lo latou inoino i mea faa-Iutaia, e ala i lo latou avea o
le Sapati o se aso anapogi, se aso e le maua ai se fiafia.
Na faia e le tupu o Konesetino se malelega i le amataga o lona fa
[34] o senituri, ina ia avea ai le Aso Sa o se aso mālōlō o le malo ma le
taupulega atoa a Roma. Na faamamaluina ma tausi faapaia e tagata
Ni Augatupulaga O Le Pogisa Faaleagaga
47
faapaupau o lona malo le aso o le la, ma sa faamamalu foi i ai le
au Kerisiano. Na finagalo le tupu ina ia maua se agaga tuufaatasi
i le va o ona tagata faapaupau ma le au Kerisiano. Na una’iina o
ia i lenei manatu e epikopo o le ekalesia, ona o lo latou naunau i
mamalu ma viiga. Na manatu i latou afai e tasi le aso e tausia e tagata
faapaupau ma le au Kerisiano, o le a faigofie ai i tagata faapaupau
ona talia a’oa’oga faaKerisiano, ona siitia a’e ai lea o le mamalu ma
le maualuga o le ekalesia. Peitai e ui lava e toatele le au Kerisiano
ua auaua’i nei ona latou manatu atonu e paia foi le Aso Sa, sa latou
tumau pea i le Sapati moni, le aso paia o le Alii, ma sa latou tausi
ma usitai i ai e tusa ai ma le tulafono e fa.
E lei gata ai i inā le galuega a le tiapolo. Na mautū i lona faamoemoe, ina ia faapotopoto uma mai le au Kerisiano i lalo ifo o lana
tagāvai, ma faaaogaina ai lana pule e ala i lona sui, o le pope faamaualuga lea ua fai mai o ia o le sui o Keriso. Na faataunuuina lana
fuafuaga e ala i tagata faapaupau ua liua nā o fafo, ma patele naunau
i le mamalu, atoa ma tagata-aulotu fiafia i le lalolagi. Na masani ona
faia o ni fonotaga tetele na auai mai i ai ta’ita’i ma ulu o le ekalesia mai itu uma o le lalolagi. Toetoe lava o nei fonotaga uma na tūlei
atili ai i lalo le tāua o le Sapati na faatūina e le Atua, ae faaea atili a’e
ai le Aso Sa. Na faapena ona i’u ai lava ina faamamaluina ma tausia
le aso mālōlō o tagata faapaupau e peiseai o se mea na faatūina e le
Atua, ae avea ai le Sapati o le Tusi Paia o se mea tuai a tagata Iutaia,
ma ua inosia ai i latou uma o ē tausi pea i ai.
Ua manuia taumafaiga a le tiapolo i le siitia a’e o ia lava e sili a’e
i le Atua, atoa ma le tapua’iga i le Atua. 2 Tesalonia 2:4. Ua mae’a
nei lana taumafaiga e suia ai le poloa’iga e tasi lea o lo o faasino
manino atu ai le tagata i le Atua moni ma le Atua soifua. Ua faaalia
mai e le tulafono e fa le Atua, o Ia o le Atua Foafoa o le lagi ma le
lalolagi, ma ua manino mai ai le eseesega tele i le va o Ia ma atua
pepelo. Na faapaiaina le aso fitu e fai ma aso mālōlō o le tagata, e
avea lea ma maa faamanatu o le galuega o le foafoaga. Na faia le
Sapati ina ia le galo ai i tagata le Atua soifua, o Ia o le Puna o le ola,
o Ia foi e toatasi e āva ma tapuai i ai. E taumafai malosi lava Satani
na te liliu’eseina tagata mai lo latou faamaoni i le Atua, ma lo latou
usitai atu i Lana tulafono. Ma o le mea lea na te tu’ipalaina ai lava
le poloa’iga e tasi lea e faatepaina ai tagata i le Atua, o Ia o Le na
faia mea uma lava.
48
O Le Finauga Tele
O lenei la ua fai mai le au Porotesano, o le toe tu mai o Keriso
i le Aso Sa, ua avea ai lea aso ma Sapati Kerisiano. Peitai e aunoa
ma se upu a le Tusi Paia e uiga i lea mea. E aunoa ma faamamaluina
le e Keriso po o Lona au soo o lea lava lea aso. O le tausiga o le
Aso Sa e avea o se aso Kerisiano, na amatalia lava lea e le “mea lilo
o le amioleaga”. 2 Tesalonia 2:7, lea na amatalia lava lana galuega
[35] a’o soifua Paulo. O fea, a’o anafea foi na faatagaina ai e le Alii lenei
mata’upu faapope ina ia ofi mai i lana Ekalesia? O le a se mafua’aga
tatau e mafai ona tuuina mai mo lenei suiga e lei faatagaina mai e le
Tusi Paia?
E oo atu i le senituri lona ono ua matuā mautū le faavae o le pule
faapope. O le laumua o lana puleaga na i ai lea i totonu lava o le aai
tautupu i Roma, ma sa faia le faasalalauga e faapea o le epikopo
o Roma, o ia lea ua fai ma ulu o le ekalesia aoao. Ua le o le pule
faapaupau nei, a’o le pule faapope. Ua tuuina atu nei e le tarako i le
manufe’ai “lana pule, o lona nofoalii, ma le malosi tele”. Faaaliga
13:2. Ma o le amataga lenei o tausaga e 1260 o sauaga faapope,
tausaga ia sa valo’ia mai i le tusi o Tanielu ma le Faaaliga. Tanielu
7:25; Faaaliga 13:5-7. Na fai faamalosi Kerisiano latou te filifili e
fulitua i lo latou faamaoni, ae talia sauniga ma tapua’iga faapope;
afai latou te le usitai, o le a faataugāina o latou ola i totonu o ana o
falepuipui, po o le susunuolaina i luga o fata, po o le vavae’esea foi
o o latou ulu. O le taunuuga lea o le fetalaiga a Iesu ua faapea mai:
“E tuuina atu foi outou e mātua, ma uso; o isi foi o outou e fasiotia e
i latou. E inosia foi outou e tagata uma ona o lo’u igoa”. Luka 21:16,
17. Na faateleina atili le vevela o sauaga na pa’ū mai i luga o le au
faamaoni. E faitau selau tausaga o maua le lafitaga o le ekalesia a
Keriso, e ala i lo latou sosola i ni mea tuufua. Fai mai le tala a le
perofeta: “Ona sola lea o le fafine i le vao, o i ai le mea ua saunia
e le Atua e nofo ai o ia, ina ia latou fafaga ai ia te ia i aso e afe lua
selau ma le onosefulu”. Faaaliga 12:6.
O le tula’i mai o le pule a le Ekalesia Roma, o le amataga lava
lea o ona po ua ta’ua o Augatupulaga o le Pogisa. A’o tuputupu a’e
le malosi o le pule a le ekalesia, sa faapena foi ona faateteleina le
pogisa. O le faatuatua ia Keriso le faavae moni, ua suia nei i le faatuatua i le pope o Roma. Ua le faatuatua nei tagata i le Alo o le Atua
mo le faamagaloga o agasala, atoa ma le ola e faavavau, a ua latou
faatuatua i le pope, faapea ma epikopo ma patele, o ē na tuuina atu i
Ni Augatupulaga O Le Pogisa Faaleagaga
49
ai e le pope le pule. Na a’oa’oina tagata ua na o le pope lava lo latou
fautua i le lalolagi, ma e leai se tasi e mafai ona alu atu i le Atua sei
vagana ua ui atu ia te ia. E le gata i lea, o ia lava o le Atua ia i latou,
ma ua ao ai ma tatau ona latou usitai ia te ia e aunoa ma se upu. Soo
se tasi e le savali e tusa ai ma ana poloa’iga, o le a faaooina i o latou
tino atoa ma agaga ni faasalaga aupito sili ona tiga. Na faapena ona
liliu’esea mafaufau o tagata mai le Atua, ae faafaasaga atu ai o latou
loto i tagata sauā, tagata agasala ma le fai mea sese; ma o le liliu atu
lava lea o loto o tagata i le alii o le pouliuli, o le o lo o faatinoina e
tagata lana pule. Ua faa’ofu mai nei le agasala i ofu paia. E faasāina
loa le Tusi Paia, ma manatu ai le tagata o ia ua pule aoao, e tasi lava
le mea tatou te maua, na o le taufaavalea ma le taufaasese, atoa ma
amioleaga aupito sili ona . matagā. O le siitia a’e o poloa’iga ma
uputuu a tagata, o le faaaliga tonu lava lea o le amioletonu e masani
[36]
ai, pe a tulei’esea le tulafono a le Atua.
O aso lava ia o le pagatia mo le ekalesia a Keriso. Na toaitiiti
na’ua le au faamaoni na latou siitia a’e le tagāvai o le upu moni. E
ui lava sa i ai pea lava i latou o ē na molimau mo le upu moni, e i
ai ni augatupulaga na foliga mai ai ua manumalo atoatoa le sese ma
uputuu a tagata, ma foliga mai ai ua mavae ese atu le upu moni mai
le lalolagi. Ua mou atu nei le talalelei, a ua faateleina mea faafoliga
ma faagaioiga faalelotu, ma ua tuuina atu nei i luga o tagata se avega
mamafa, talu ai le anoanoa’i o tulafono ma mea fai tupe.
Na a’oa’oina tagata ina ia le gata i lo latou tepa atu i le pope o lo
latou fautua, a ia latou faatuatua foi i a latou lava galuega, ina ia magalo ai a latou agasala. O faigamalaga uumi i se aai paia, o faasalaga
e faia e le tagata lava ia ia te ia ona o ana agasala, o tapua’iga i faatusa
ma isi mea paia, o le fausia o malumalu ma falesa ma fata faitaulaga,
o le totogia o ni vaega tupe tetele i le ekalesia - o nisi nei o mea na
a’oa’oina ia faia e tagata, ina ia tau faaitiitia ai le to’asa o le Atua, ma
maua ai Lona alofa. Pei o lo latou manatu o le Atua e pei o tagata le
itagofie, po o le taufaamalieina foi i meaalofa, po o faasalaga e faia
e le tagata ia te ia lava ona o ana agasala!
E ui lava i le tele o le amioletonu a le Ekalesia Roma, atoa ma ona
ta’ita’i, sa tupu atili pea le malosi o lana pule. Na ta’u mai e ni patele
i le faai’uga o lona valu o senituri e faapea, o le pule faaleagaga na
uuina i lima o epikopo Roma i lea vaitaimi, o le pule lava lea e tasi
na uuina i lima o epikopo Roma talu mai ulua’i augatupulaga o le
50
O Le Finauga Tele
ekalesia. Na mana’omia ni pepa po o nisi mea e avea ma faamaoniga
o lea faamatalaga, ma e lei faigatā lea tulaga i le ua sili lona poto i le
faiga o le pepelo. Na saini pepelo e patele ni tusitusiga, ma ua latou
fai mai o nei pepa o ni tusitusiga ia mai aso anamuā. Na faafuase’i foi
ona maua ni poloa’iga pepelo. Fai mai o nei poloa’iga o ni i’ugafono
ia a le fono sili a le ekalesia. E lei faalogo faatasi se isi i nei poloa’iga
po o nei foi fonotaga, a ua latou fai mai o nei i’ugafono ua faamaonia
ai le pule aoao a le pope, e amata mai lava i ona aso tau amata o le
ekalesia. Ma e lei faigata i le ekalesia ua latou teena le upu moni,
ona latou talia ma le fiafia nei mea taufaasese.
Na toaitiiti le au faamaoni o ē na galulue pea i le faavae moni (1
Korinito 3:10, 11), ma sa faatuai ma faalavelaveina la latou galuega,
ona o otaota o a’oa’oga sese. Ua pei i latou o le aufaigaluega, o ē
na latou atia’e pa o Ierusalema i ona po o Neemia, ma latou fai ane
ai: “Ua itiiti le malosi o ē ave avega, ma ua tele le otaota; tatou te
le lavā ai ona ati o le pa”. Neemia 4:10. E i ai nisi o le aufaigaluega
faamaoni na faavaivai, ona ua fiu i le faa’umi’umi o sauaga, atoa
ma le pepelo ma le taufaasese, o le amioleaga, atoa ma isi mau mea
na faia e Satani e faalavelave atu ai i la latou galuega. O lea na latou
fulitua ai i le faavae moni, ona o le fia tausia O le filemu, ma ia maua
[37] ai se saogalemu mo i latou ma a latou mea totino. O nisi o i latou e
lei loto vaivai pe fefefe i le tau faamata’u a le fili, ma sa latou ta’u
atu ma le lototele e faapea: “Aua nei fefefe outou ona o i latou; ia
outou manatunatu i le Alii silisili ma le matautia, ma ia outou tau
mo o outou uso, o outou atalii, ma o outou afafine, o a outou āvā,
ma o outou fale” (fuaiupu 14). Ona latou faia ai lea o le galuega, na
taitoatasi i latou ma fusi lana pelu i lona itu. Efeso 6:17.
O le agaga lava lea e tasi o le sauā ma le tetee i le upu moni, o lo
o una’iina pea ma faaosoina fili o le Atua i augatupulaga uma. A’o
le faamaoni lava foi lea e tasi, atoa ma le mataala, o lo o mana’omia
pea i Ana auauna. O fetalaiga a Keriso i Ona ulua’i soo e fetaui lelei
lava ia mo Lana fanau i soo se augatupulaga, e oo atu lava i le i’uga.
Na fetalai mai o la: “O le mea ou te fai atu ai ia te outou, ou te fai
atu ai i tagata uma, Ina mataala ia”. Mareko 13:37.
Na foliga mai ua atili ai le mafiafia o le pogisa. Ua salalau ma
lautele le ifo i faatagata. Na faamumūina moliga’o i luma o nei faatagata, ma sa faia ai talosaga. Na tumu le ekalesia i talitonuga faanuupo, atoa ma le tele o nisi mea sese. O le tumu o mafaufau o tagata i
Ni Augatupulaga O Le Pogisa Faaleagaga
51
talitonuga faanuupo, na pei ai ua le toe maua se mafaufauga lelei. E
oo lava foi i epikopo - o i latou o ni tagata pi’opi’o, ma sa latou sa’ili
foi i latou i mea faafiafia, ma tuinanau uma o le tino. O ē na vaavaai
a’e ia i latou mo le ta’ita’iga, sa sili atu lo latou pa’ū maulalo i le
valea ma le amioleaga.
O lona sefulu ma le tasi o senituri na faia ai le isi laasaga i le
tuputupu a’e o le malosi o le pule faapope, ina ua folafola mai e
Pope Kelekolio le Fitu le amiotonu atoatoa o le Ekalesia Roma. O
se tasi o ana folafolaga na ia ta’u mai ai e leai se sese e tasi o le
ekalesia i lona tala tuufaasolo atoa, ma e le mafai foi ona sese le
ekalesia i le lumana’i, e pei ona fai mai ai le Tusi Paia. Peitai ua na
o folafolaga, ae aunoa ma se mau mai le Tusi Paia e faamaonia ai ia
mea. Na ta’u mai foi e le pope faamaualuga faapea, e i ai lana pule
na te ave’esea ai tupu mai o latou nofoalii. E le gata i lea e leai se isi
na te mafaia ona liua se tasi o ana faai’uga, a’o lana pule aoao na te
mafai ai ona liliu soo se faai’uga a soo se tasi.
Na faailoa le malosi o le pule a lenei pope faamaualuga, i le faiga
na ia fai a’i Enele le Fa, le ao o le malo o Siamani ma lana taupulega
atoa. Na le amana’iaina e lenei tupu le pule a le pope. Na faia loa
le faasalalauga a le pope ua faate’aina ai lea tu.pu mai le ekalesia,
ma ua ave’esea foi o ia ma le nofoalii o lona malo. O le fefe tele o
Enele le Fa i upu taufaamata’u a nisi o alii sili o lona malo, o ē ua
una’iina nei i le agaga tetee ma le fouvale ia te ia, ona o le malelega a
le pope, o lea na manatu ai loa Enele le Fa e ao ona faia se faaleleiga
ma Roma. Na ia sopo’ia loa le atumauga o Alepa, i le taimi tonu
o le tetele o le taumālūlū, faatasi ai ma lana āvā ma se tasi o ana
auauna faamaoni, ina ia faamaulalo ma fai lana faatoesega i luma
o le pope. Ua taunuu atu nei le sopo’aga i le ’olo na faamālōlō i ai
Kelekolio, ma ua avatua loa o ia i le lotoā pito i fafo, e aunoa ma
ana faafeao po o ana leoleo. O fafo i inā na tu ai o ia i le pei o le [38]
aisa o le taumālūlū, e aunoa ma ni seevae po o se pulou, e faatali
ai le taimi e faatagaina ai ona alu atu o ia i luma o le pope. Faato’ā
mafai lava ona faamagaloina o ia e le pope, ina ua mae’a aso e tolu
o lana anapogi, atoa ma le faaalia atu o lana agasala1 i le pope. E ui
lava i lea, na folafola atu foi e le pope ia Enele le Fa e le faatagaina
o ia ona fai lana pule faatupu i Siamani, sei vagana ua maua atu le
faatagaga mai le pope. Na olioli ma soona mitamita Kelekolio i lona
52
O Le Finauga Tele
manumalo, ma sa ia faalele ai lana upu e faapea, o lana matāfaioi
lona olopalaina i lalo o loto faamaualuluga o tupu.
Se eseesega a tele i le va o le faasausili o lenei pope loto fefete ma
lana pule faamaualuga, ma le agamaulalo o Keriso, o Le ua fetalai
mai o lo o Ia tu i le faitotoa o le loto, ma ole mai mo se avanoa e afio
mai ai Na te aumaia le faamagaloga ma le filemu. O Ia lava foi na ia
a’oa’o i Ona soo ma faapea atu: “O se fia muamua foi ia te outou, ia
fai o ia ma a outou tautua”. Mataio 20: 27.
Na molimauina i senituri uma na sosoo mai ai, le faateleina o
mea sese a’oa’oga na faia e Roma. Ua leva ona aafia le ekalesia i
a’oa’oga a tagata popoto faapaupau. Na faalogoina lava i le ekalesia
nei a’oa’oga a’o lei faatūina le pule faapope. Na piimau lava nisi i nei
aoaoga, e ui lava ua latou liliu mai i le ekalesia, ma e le gata ina latou
faaauauina pea a latou su’esu’ega i nei aoaoga, ae sa latou una’iina
foi nisi latou te sa’ili’ili i ai, ina ia avea lea ma ala e amana’iaina
ai i latou e tagata a’oa’oina o le lalolagi. Na faapena ona ofi mai o
a’oa’oga sese i le ekalesia Kerisiano. O se tasi o nei a’oa’oga sese,
o le talitonuga lea faapea e faavavau le ola o le tagata, atoa ma le
ola pea e faavavau o lona agaga ina ua e oti ai. O le a’oa’oga lea na
fai ma faavae na faaopoopo i ai e Roma isi a’oa’oga sese, e pei o
talosaga i le au paia ua maliliu, atoa ma le faaeaina o Maria le Tina
paia. O le a’oa’oga lava foi lea na fanau mai ai le isi a’oa’oga sese, o
le faasalaina lea e faavavau o ē lē fia salamō, le a’oa’oga lea ua leva
ona faaopoopo i talitonuga faapope.
Ma ua faigofie ai loa ona faaofi mai o le isi foi a’oa’oga faapaupau, lea sa faaigoaina e Roma o le pulekatorio, ma sa faaaogāina e
Roma lea a’oa’oga e faamata’u ai le anoano o tagata faase’egofie,
atoa ma ē talitonu tala faanuupo. Ua avea lenei a’oa’oga sese, ma
mea ua faamausaliina ai i mafaufau o le toatele le manatu faapea
o lo o i ai se vaimea ua faia faapitoa e oi ma puapuagatia ai tagata
agasala i o latou faasalaga. O inā e nofo sala ai agaga o tagata e lei
maua i le malaia e faavavau. Latou te nofo sala ai i pulekatorio ona
o a latou agasala, ma afai latou te maua le sa’olotoga mai le agasala,
o le a faatagaina loa i latou i le lagi.
Na mana’omia foi e Roma se isi a’oa’oga sese ina ia maua ai sona
tamao’aiga, e ala i atugaluga ma amioleaga a ona tagata. Na maua
le tali o lenei mana’oga, i le a’oa’oga sese ua ta’ua o le faatauina o
[39] le faamagaloga. Na ofoina atu le faamagaloga atoatoa o agasala ua
Ni Augatupulaga O Le Pogisa Faaleagaga
53
te’a, ma amioleaga o le taimi nei, atoa ma agasala o le lumana’i,
faapea le sa’olotoga mai le tiga o faasalaga o ia agasala. Na ofoina
atu lenei faamagaloga atoatoa ia i latou uma o ē ofo atu latou te tau
le taua a le pope, ina ia faalauteleina ai lona malo faaletino, ma fasia
ai ona fili, ma faaumatia ai soo se tasi na te le taliaina lana pule aoao
faaleagaga. Na a’oa’oina foi tagata afai latou te togitupe i le ekalesia,
o le a faigofie ai ona latou faasa’oloto i latou lava mai le agasala, ma
faasa’olotoina ai foi agaga o a latou uo ua maliliu, ma ua faataugāina
nei i le afi. O mea faapena na tafe mai ai le tamao’aiga ma le oa tele
a Roma, ma mafai ai ona faaauauina se soifuaga taugata, se soifuaga
faatupu, se soifuaga amioleaga na soifua ai i latou ua fai mai o i latou
o sui o Keriso, o Le na soifua i le lalolagi e aunoa ma se mea e taatia
ai Lona ao.
Ua avane nei le sauniga faapaupau o le misisā e sui a’i le sauniga
o le Faamanatuga e pei- ona ta’u mai e le Tusi Paia. Na fai mai patele
a le pope, o a latou gaioiga ma lo latou memumemu, latou te mafai ai
ona faaliliu le areto ma le uaina, ina ia avea o le tino ma le toto moni
lava o Keriso. (Cardinal Wiseman, “The Real Presence of the Body
and Blood of Our Lord Jesus Christ in the Blessed Eucharist, Proved
From Scripture”, Lecture 8, sec. 3, para. 26.) Fai mai la latou pepelo
le fefe ma le faasausili, ua ia i latou le mana latou te foafoaina ai le
Atua, Le na foafoaina mea uma. O le oti le faasalaga o le Kerisiano
na te le tautō atu, ua ia talitonu i lenei a’oa’oga sese ma le faasausili
i le pule a le Lagi. E afe ma afe le au Kerisiano na susunuolaina i
luga o fata ona o lo latou le taliaina o lenei a’oa’oga sese.
O lona sefulu ma le tolu o senituri, na faatūina ai loa e le pule
faapope lana mea faigaluega aupito sili ona mata’utia, na ta’ua o
le Inikuisisi. O le Inikuisisi o le Faamasinoga sauā lea na faafeagai
ma ē na tetee i le ekalesia. Na galulue faatasi le alii o le pouliuli ma
ta’ita’i o le pulega faapope. Na pulea e Satani ma ana agelu mafaufau
o nei tagata amioleaga a’o faia a latou fono faalilolilo. Peitai latou te
lei iloa sa tu lotolotoi ai foi i ia fono se agelu a le Atua, na ia tusitusia
uma a latou faai’uga pi’opi’o ma le mata’utia na fai. Na ia tusia le
tala atoa o ia faasalaga - o lo latou mata’utia e le mafai e mata o
tagata ona vā’ai i ai. Ua ’ōnā Papelonia tele i le toto o le au paia.
Na valaau a’e i le Atua tino ua saeia ma faataugāina o le miliona ma
miliona o le au maturo, auā le tauimasui a le Atua ia oo ifo i luga o
lenei pule sauā.
54
O Le Finauga Tele
Ua aoao nei le pule sauā a le pope i le lalolagi. Na usitai tupu
ma alii sili i malelega a le epikopo Roma. Peiseai ua i lalo ifo o
lana pule le taunuuga o tagata uma, e le gata i le lalolagi nei, a’o
lo latou taunuuga foi e faavavau. Ua faitau selau tausaga o faia pea
lava a’oa’oga a Roma, ma usitai i ai tagata e aunoa ma se fesili. O
ana sauniga na faia ma le āva e tatau ai, ma sa tausia e le toatele
[40] o tagata ona aso faapitoa. Na maualuga le mamalu o ana faife’au,
ma e leai se mea na latou matitiva ai. Talu mai lava nā aso, e lei oo
le Ekalesia Roma i se tulaga e sili atu lona maoa’e nai lo mamalu
maualuga ma faaaloaloga na ia maua i lea vaitaimi.
Ae se pagā lea, “o le aoauli o le pule faapope, o le valuapō lea
o le lalolagi.” (J A Wylie, The History of Protestantism, b. 1, ch.
4.) Ua toetoe lava leai se isi na te iloa le Tusi Paia, e le gata i le
lautele o tagata, ae faapena foi i patele ma epikopo. E pei lava ona
faia e le au Faresaio i ona po o Iesu, na faapena foi ona le fiafia
ta’ita’i o le Ekalesia Roma i le malamalama, ona e aliali a’e ai a
latou amioleaga. Ua ave’esea le tulafono a le Atua, o le tapulaa lea
o le amiotonu, ma ua fai ai loa la latou pule sauā e le fai tua’oi, ma
ua latou fai ai foi a latou amioleaga e leai se mea e gata mai ai. Na
pesi e pei o se faama’i le alu o le taufaavalea, o le matau’a, ma le
amioleaga faaaliali e aunoa ma se mā. E lei solomuli tagata
le faiga o soo se mea leaga e ono maua mai ai so latou
tamao’aiga, pe siitia a’e ai foi lo latou tulaga. Ae na sili atu ai lava
le malosi o le amioleaga ma le faamalieina o tuinanau matagā, na
faia i totonu o maota o pope ma epikopo. O le matagā o tuinanau
ma amioleaga a nisi o nei epikopo, na taumafai ai nisi o tupu o malo
latou te faate’aina nei fāilotu amioleaga mai o latou tulaga. E selau
ma selau tausaga e le o laalaa i luma mea tau a’oga, po o aganuu
lelei, po o le malamalama lautele i totonu o Europa. Ua maua uma
atunuu Kerisiano i Europa i le faama’i o le pe o le mafaufau, atoa
ma le pipili o le olaga faaleagaga.
O le tulaga o le lalolagi i lalo ifo o le pule faapope, na taatia
mai ai se faataunuuga manino ma le mata’utia o upu a le perofeta
o Hosea, o le na faapea mai: “Ua faaumatia lo’u nuu ina ua leai se
poto; ua ē teena le poto, o lea foi ou te teena ai oe; ... ua ē faagalogalo
le tulafono a lou Atua, o a’u foi ou te faagalogalo i lau fanau”. Hosea
4: 6. “Auā ua leai se faamaoni, e leai se alofa, e leai foi se na te iloa le
Atua i le nuu. O lo o tautō ma tala pepelo, ma fasioti tagata, ma gaoi,
Ni Augatupulaga O Le Pogisa Faaleagaga
55
ma mulilua, ua latou faasauā lava, ua fepa’ia’i toto”. Hosea 4:1, 2.
[41]
O taunuuga uma ia o le lafoa’iina o le afioga a le Atua.
Mataupu 4—O Tagata Ualetenese
E ui lava i le mafiafia o le pogisa na ufitia ai le lalolagi i le tele o
tausaga o le pulega faapope, e lei mate atoatoa ai le malamalama o
le upu moni. Na tofu le augatupulaga ma i latou o ē na molimau mo
le Atua - oe na tumau i le faatuatua ia Keriso, le puluvaga e toatasi i
le va o le Atua ma tagata; o ē na latou avea le Tusi Paia o le ta’ita’i e
toatasi o le olaga; o ē na latou tausi faapaia i le Sapati moni. O le a lēmailoa e augatupulaga o le lumana’i, le tele o le aitalafu a le lalolagi
i nei tagata. Na faaigoa i latou o ē ua tetee i a’oa’oga a le ekalesia,
o ē na faia a’oa’oga sese. Na māsalomia ma ta’upepeloina i latou,
a’o a latou tusitusiga na ta’uleagaina ma faasā ona faasalalauina, na
saeia foi ma susunuina. Ae ui i lea, e lei maluelue ai lo latou faatuatua i le tonu ma le faamaoni o le upu moni, o le tofi paia lea mo
augatupulaga uma o le lumana’i.
E ui lava e tau le o maua i tusitusiga a tagata, ua tusia i le lagi le
tala’aga atoa o le fanau a le Atua, i le vaitaimi umi o augatupulaga
o le pogisa, le vaitaimi lea na amatalia ina ua pule aoao le Ekalesia
Roma. E le o maua ni tala faamauina o lenei au faamaoni, sei vagana
ai ni tuua’iga a ē na faasauā ia i latou. Na avea o se masani tumau a
le Ekalesia Roma le matuā sōloiesea atoatoa o soo se itu’aiga tetee i
ana a’oa’oga po o ana malelega. Na ia sa’ili ina ia sōloiesea atoatoa
soo se tasi, po o soo se tusitusiga e a’oa’oina soo se mea e ese nai
ana aoaoga. Soo se faamatalaga na aliali a’e ai ua faailoga fesili i
le mafaufau o se tasi le pule faapope faapea ma ana malelega, ua
lava lava lea e faaooina ai le oti i lea tagata, pe mau’oloa pe mativa,
pe tulaga maualuga foi pe maulalo. Na taumafai foi Roma ina ia
faatama’ia uma soo se tusitusiga na faamauina ai lona sauā i ē na
tetee ia te ia. Na faia ni i’ugafono faapope ina ia susunu uma tusi
ma pepa na faamauina ai tala o nei sauaga. O ona po ia e lei maua
ai ni masini lomitusi, ma, o ni nai tusi na maua i lea vaitaimi, sa lei
faigofie ona teuina faalelei; ma sa lei faigata ai i ta’ita’i Roma ona
faataunuuina la latou mata’upu.
56
O Tagata Ualetenese
57
E lei tuua e Roma se avanoa i aulotu na i lalo ifo o le li’o o lana
pule, ina ia sa’oloto ai e fai a latou filifiliga, e tusa ai ma o latou loto
fuatiaifo. Na maua loa lana pule, sosoo ai loa ma lona aapa atu e
olopalaina i latou uma o ē na latou le fia talia lana pule. Na faapena
ona faasolosolo le gaua’i atu o nei aulotu uma i le malosi o lana pule. [42]
Ua leva ona maua’a a’oa’oga faigofie faa-Kerisiano i Peretania [43]
Tele. E lei pisia le talalelei na maua e tagata Peretania i na ona po,
i le leaga o faiga faa-Roma. E ui lava i le mamao o Peretania mai
Roma, na oo lava i ai sauaga na ui atu i tupu faapaupau. Ma, na o le
pau lea o se meaalofa a Roma i ulua’i ekalesia i Peretania - o sauaga.
O Kerisiano e toatele o ē na sosola ese mai Egelani ona o sauaga,
na maua lo latou lafitaga i Sikotilani. Ma, o Sikotilani na ui atu ai
le upu moni i Aialani, ma sa talia ma le fiafia tele le upu moni i nei
atunuu uma.
Peitai na maua e tagata faapaupau le pule, ina ua osofa’ia ma
pulea Peretania e tagata Sakisoni mai Siamani. Na vaai maulalo
nei tagata Sakisoni i tagata Peretania, ma latou te lei mananao e
a’oa’oina i latou e a latou pagota po o a latou pologa. Na faapena
ona tuumuli atu ai loa Kerisiano i luga o mauga atoa ma le vaomatua. Ae peitai, sa ola pea lava le mōli o le upu moni, e ui lava ina
sa tau le iloa atu. Na susulu atu ma le malamalama tele lenei mōli
mai Sikotilani, tusa o le selau tausaga na mulimuli ane ai, ma sulugia ai ni atunuu mamao. Na tula’i mai Kalama ma lana aufaigaluega
mai Aialani, ma ia faapotopoto le au Kerisiano na salalau solo i le
motu o Iona, ma ia avea ai lenei motu o le laumua o la latou galuega
faamisionare. Na i ai i lenei au failauga se tasi na tausia le Sapati
moni o le Tusi Paia, ma sa faapena ona ofi atu ai o lenei a’oa’oga
tāua i tagata. Na faatūina se a’oga i le motu o Iona, i Sikotilani lava,
ma o inā na auina atu ai misionare i Sikotilani ma Egelani, faapea
foi ma Siamani ma Suiselani, sei oo atu lava i Italia.
Peitai o Peretania na taula’i i ai le vaai a Roma, ma sa tonu i lona
manatu o le a aumaia Peretania i lalo ifo o lana puleaga. O lea na
auina atu ai loa lana au faigaluega i Peretania i lona ono o senituri,
auā le liuga o nei tagata Sakisoni faapaupau. Na talileleia i latou e
nei tagata faapaupau faamaualuluga, ma e faitau afe na latou talia le
talitonuga a le Ekalesia Roma. A’o alu pea i luma la latou galuega,
na i’u lava ina feiloa’i ta’ita’i faapea tagata o le Ekalesia Roma, ma
le au Kerisiano moni. E tele se eseesega na vaaia i lenei feiloa’iga. O
58
O Le Finauga Tele
Kerisiano moni na vaaia ai le agamaulalo, ma e faavae i le Tusi Paia
a latou amio, ma tu, faapea ma a latou aoaoga. O ta’ita’i ma tagata
o le Ekalesia Roma na vaaia ai le faasausili, ma le faalialia, faapea
talitonuga faanuupo faapope. Na faia le faatonuga a le sui o Roma
ina ia faailoa e nei aulotu Kerisiano uma lo latou talia o le pule sili
a le pope. Na tali atu ma le filemu tagata Peretania ma faapea atu,
latou te alofagia tagata uma; peitai e leai se pule sili a le pope i
totonu o le ekalesia. E le gata i lea, o le āva ma le faaaloalo latou
te avatu i le pope, o le a le sili atu lea i le āva ma le faaaloalo latou
te ave i isi soo o Keriso. Na faia nisi taumafaiga ina ia lagolagoina
ma le faamaoni e nei Kerisiano le pule a le Ekalesia Roma. Peitai
na ofo nei Kerisiano i le faamaualuluga o sui o Roma, ma sa latou
[44] le maluelue ai ma tali atu, ua latou leiloa se isi matai e ese ai nai lo
Keriso. Ona aliali a’e loa lea o le agaga moni o le Ekalesia Roma. Na
sau le tali a le pope ua faapea mai, “Afai tou te le talia uso ua auina
atu e avatu ia te outou le filemu, o le a faamalosia loa ona auina atu
o fili latou te avatua ia te outou le taua. Afai tou te le fia tuufaatasi
ma i matou ina ia faailoa atu ai i tagata Sakisoni le ala o le ola, o le a
tou maua loa mai ia i latou le ta o le oti”. (D’Aubigne, History of the
Reformation of the Sixteenth Century, b.17, ch. 2.) Sa le na o upu
lenei taufaamata’u. O taua, ma faiga pi’opi’o, ma mea taufaasese na
faaaogaina uma ia i latou o ē na tūtūmau i le talitonuga ua faavae i le
Tusi Paia. Na faapena ona i’u ai lava ina faaumatia aulotu Kerisiano
uma i Peretania, po o le gagau atu foi faamalosi ina ia latou talia le
pule a le pope.
Peitai e lei faapea ona faia i atunuu na i fafo atu o le li’o o le pule
a Roma. E faitau selau tausaga o tūtūmau pea le au Kerisiano i ia
atunuu, ma sa lei āfaina tele ai i latou i a’oa’oga sese faapope. Na
si’osi’omia i latou i tu a tagata faapaupau, ma sa i’u foi ina āfaina
ai i latou i ia mea sese. Peitai na tumau pea lo latou avea o le Tusi
Paia o le fua e tasi mo talitonuga, ma sa latou savavali ai i le tele o
Ana aoaoga. Na talitonu nei Kerisiano i le tūtūmau e faavavau o le
tulafono a le Atua, ma sa latou tausia le Sapati moni e pei ona i ai
i le tulafono e fa. O nisi o ekalesia na tūtūmau i lenei talitonuga e
aofia ai ekalesia i Aferika Tutotonu, faapea tagata Amenia i Asia.
Peitai na aupito maoa’e ai lava le tūtūmau o tagata Ualetenese ia
i latou uma o ē na tetee atu i le sosolo malie mai o le pule faapope.
O le laueleele lava na faatūina ai le nofoa o le pule faapope, o inā
O Tagata Ualetenese
59
lava foi na aupito malosi ai le galuega o le tetee atu i ana amioga
pi’opi’o, faapea ma ana a’oa’oga sese. E faitau selau tausaga o maua
pea le sa’olotoga o aulotu i Italia. Peitai na i’u lava ina faia faamalosi
i latou e Roma ina ia latou gaua’i atu i lana pule. Na latou taumafai e
tetee atu i lana pule sauā, peitai na i’u lava ina ioe atu ma le le fiafia
ta’ita’i o nei aulotu, latou te talia ai le pule ua peiseai ua ifo uma
nei i ai le lalolagi. Peitai na i ai lava e na latou le fia gaua’i atu i le
pule a le pope po o epikopo. Na tonu ia i latou o le a latou tūtūmau
ma faamaoni i le Atua, ma taofimau i lo latou talitonuga mamā, e le
pisia i a’oa’oga sese. O lenei eseesega na tupu mai ai loa se tete’aga.
Ua tuumuli ese atu loa i latou o ē na tūtūmau i le ulua’i talitonuga.
Ua tuua e nisi o i latou lo latou atunuu moni, ma latou sisi a’e ai
le tagāvai o le upu moni i nuu ese. O nisi na tuumuli atu i ni vanu
tuufua, po o ana i mauga. O inā na latou sa’oloto ai e fai la latou
tapua’iga i le Atua.
Sa eseese mamao le talitonuga na a’oa’oina ma tūtūmau ai
Kerisiano Ualetenese i le selau ma selau o tausaga, ma a’oa’oga sese
na faia e Roma. Na faavaeina talitonuga o tagata Ualetenese i luga o
le afioga tusia a le Atua, le faavae moni lea o le olaga faaKerisiano.
Na latou ola i mea tuufua e le iloa atu e le lalolagi, ma sa latou āfu [45]
ma tiga i lea aso ma lea aso i o latou tovine ma a latou lafumanu. E
le o ni a latou lava su’esu’ega na maua ai e nei Kerisiano faatauvaa
le upu moni, e tetee atu ai i a’oa’oga ma talitonuga sese o le ekalesia
pa’ū ese. E le o se mea fou le faatuatuaga ua latou savavali ai nei. Na
latou finau ma galulue mo le faatuatua a o latou tamā, le faatuatua
na amatalia e le ekalesia a le au aposetolo, - “le faatuatua na tuuina
mai i le au paia”. Iuta 3 O le ekalesia moni a Keriso e le o se pule
loto fefete ua faanofoina i le nofoalii o le laumua tele o le lalolagi,
a’o le “ekalesia i le vao”, le leoleo o le upu moni na tuuina atu e le
Atua i Ona tagata ina ia latou avatua i le lalolagi.
O se tasi o mafua’aga autū o le vavae’ese mai o le ekalesia moni
mai ia Roma, o le inoino lea o Roma i le Sapati o le Tusi Paia. Na
lafoa’ia e le pule faapope le upu moni i le palapala e pei lava ona
valo’ia mai i le valo’aga. Na solipalaina i le eleele le tulafono a le
Atua, ae faaeaina tu ma uputuu a tagata. O aulotu uma na i lalo ifo
o le li’o o le pule faapope, ua leva ona faia faamalosi lo latou tausia
o le Aso Sa e avea o se aso paia. E oo lava i le fanau moni a le
Atua na latou matuā fenumia’i talu ai le tele o le salalau o a’oa’oga
60
O Le Finauga Tele
sese ma talitonuga faanuupo. O lo latou fenumia’i na latou tausia ai
pea le Sapati moni, ae na latou le faia ai foi se galuega i le Aso Sa.
Peitai e lei malilie ai ta’ita’i pope i lea faiga. Na latou faatonuina
ina ia le gata i le tausi faapaiaina o le Aso Sa, a ia solipalaina foi le
Sapati. Na latou soona lafo upu mamafa ia i latou o ē na le fefefe ma
latou faapaia pea i le Sapati. Faato’ā mafai lava ona latou usitai i le
tulafono a le Atua e aunoa ma sauaga, ina ua latou sosola ese mai le
pule a Roma.
O tagata Ualetenese o nisi ia o tagata i Europa na latou mua’i
maua se faaliliuga o le Tusi Paia i la latou lava gagana. Na ia i latou
se faaliliuga na tusilimaina o le Tusi Paia, i la latou lava gagana, i le
selau ma selau o tausaga a’o lumana’i ai le galuega o le Toe Fuataiga.
Na ia i latou le upu moni e lei filogia i a’oa’oga a tagata, ma o le mea
lea na tuliloaina ai faapitoa i latou e sauaga. Na latou folafola atu o
le Ekalesia Roma o Papelonia lea ua pa’ū, e pei ona ta’ua mai i le
tusi o Faaaliga, ma sa latou tula’i atu e tetee i ana faasesega ma mea
pi’opi’o, e ui lava e ono lamatia ai lo latou ola. O le faa’umi’umi o
le malosi o sauaga na faamamulu malie atu ai e nisi o i latou lo latou
faatuatua. Peitai na tūtūmau pea i le upu moni nisi o i latou. Na i ai
nisi o tagata Ualetenese na latou tumau faamaoni pea, i augatupulaga
uma o le pogisa ma le pa’ū ese. Na latou teena le pule a Roma; na
latou teena tapua’iga i faatagata, ma latou ta’ua lea mea o le ifo i
tupua; na latou tausi faapaiaina foi le Sapati moni. Na latou tūtūmau
pea i lo latou faatuatua, a’o pesi mai matagi malolosi o sauaga. E
ui lava ina sa sauāina i latou i le pelu ma le tao, ma susunuolaina i
latou i luga o fata a le Ekalesia Roma, sa latou tūtūmau pea ma le le
solomuli mo le afioga a le Atua, ma Lona viiga.
Na maua e tagata Ualetenese lo latou lafitaga i tua atu o atu[46] mauga maualuluga. O atumauga lava ia ua avea o le malu o ē ua
sauāina ma tuliloaina i augatupulaga uma. O inei na faaolaolaina
ai pea le mōli o le upu moni i le vaitaimi umi o Augatupulaga o le
Pogisa. O inei, na faaolaolaina ai pea e molimau o le upu moni le
faatuatua mai anamuā, i le selau ma selau o tausaga.
Na saunia e le Atua mo Ona tagata se malu e uiga ese lona
maoa’e, e talafeagai ma le maoa’e ma le tumau o upu moni ua tuuina
atu latou te tausia. Na avea nei atumauga o se faatusa o le amiotonu
le suia a Ieova, ua tuuina atu i lenei au faamaoni ua faaaunu’ua. Na
latou faasino a’e a latou fanau i le maoa’e ma le matalasi le suia o
O Tagata Ualetenese
61
nei mauga na tutu faamālumalu a’e i o latou luga ua pei o ni ’olo.
Na latou vaaia i nei mauga, o uiga tūtūmau ma le lemaliliu o le Alii
ma Lana afioga, ma sa latou a’oa’o atu nei mea uma i a latou fanau.
Na faatumauina mauga e le aao o le Atua; na o le aao lava foi o le
Silisili Ese Na te mafaia ona ave’esea i latou mai o latou tulaga. Ua
faapena foi ona Ia faamausaliina Lana tulafono, e avea o le faavae o
Lona malo i le lagi faapea ma le lalolagi. Atonu e oo atu le lima o le
tagata ma faaumatia ai ola o ona uso- a-tagata; peitai e pei lava ona
le mafai e le lima o le tagata ona lia’iina mauga mai o latou faavae,
ma togi i latou i le sami, e faapena foi ona le mafai e le lima o le
tagata ona suia se tasi o tulafono a Ieova, pe sōloiesea se tasi o Ana
folafolaga mo i latou o ē faia Lona finagalo. Pei lava ona mausali
mauga, e ao foi ona faapena le tumau faamaoni o auauna a le Atua
i Lana tulafono.
Na avea ia mauga o se molimau tumau o le mana foafoa o le Atua,
ma se folafolaga le masalomia o Lana tausiga ma Lana puipuiga. Na
masani tagata Ualetenese i nei faatusa leleoa o le faatasi atu o Ieova.
Latou te lei muimui ona o tiga ma faigata o lo latou olaga. E ui lava
i le taaligoligoa o le vao, e lei i ai so latou manatu ua tuulafoa’iina i
latou e le Atua. Na latou viia le Atua ona ua Ia saunia mo i latou se
lafitaga mai le to’asa ma le sauā o tagata. Na latou olioli foi ona o le
sa’olotoga latou te tapua’i atu ai ia te Ia. Na avea nei mauga o se olo
malosi latou te sao ai i taimi e tuliloaina ai i latou e o latou fili. Na
latou peseina viiga o le Atua i luga o le tele o ia mauga maualuluga,
ma sa le mafai e au a Roma ona taofia a latou viiga o le faafetai.
O se faatuatua ola ma le mamā ma le faamaoni, le talitonuga
o nei soo o Keriso. Na latou faasilia a’oa’oga o le upu moni nai lo
fanua ma fale, po o uo ma aiga, e oo lava i lo latou ola. Na latou
taumafai ma le naunauta’i ina ia a’oa’o atu nei upu moni i a latou
fanau. Na faapea ona latou a’oa’o atu o le Tusi Paia i a latou fanau
a’o iti lava i latou, ina ia latou āva ma tausi i faatonuga uma o le
tulafono a le Atua. Sa matuā faigata ona maua le Tusi Paia, ma o le
mea lea na latou teulotoina ai ni mau e tele o le afioga a le Atua. E
toatele na latou taulotoina ni vaega uumi o le Feagaiaga Tuai faapea
ma le Feagaiga Fou. E lei faa’ese’esea i o latou mafaufau ni o latou [47]
manatu e uiga i le Atua, ma o latou manatu e uiga i le matagofie o
le natura o mea, faapea ma faamanuiaga o mea e tausi ai o latou ola.
62
O Le Finauga Tele
Na maua e le fanau laiti le agaga faafetai i le Atua ona o faamanuiaga
uma na latou maua.
E ui lava i le alofa o mātua i a latou fanau, o lo latou faautauta na
latou taofia ai le fanau mai le faamalieina o o latou lava mana’oga.
Na taatia atu o latou luma se olaga o tiga ma faigata, atonu foi o
se oti faamaturo. Na a’oa’oina a’o iti i latou, ina ia latou onosa’i i
mea faigata, ma usitai i faatonuga. Peitai na a’oa’oina foi i latou ina
ia latou faia tau o mea ua latou lagona ua sa’o. Na latou a’oa’oina
foi a’o iti lava i latou, le ola e pei o ni tagata matutua, le tāua o lo
latou faaeteete i upu latou te faia, ma le tāua foi o le gūgū i le taimi
tonu e ao ai ona latou filemu. O se upu e tasi latou te faia ma le le
manatunatu, e ono lamatia ai le ola o le na faia le upu, ae faapea foi
ma ola o le selau ma selau o ona uso. Auā sa pei o luko fe’ai le feoa’i
o fili o le upu moni e sa’ili i latou o ē na le fefefe e tula’i atu e tautala
mo le sa’olotoga i mea tau tapua’iga.
Ua fulitua tagata Ualetenese i lo latou tamao’aiga faalelalolagi
ona o le tāua ia i latou o le upu moni, ma sa latou galulue ma le
onosa’i ma le le fiu mo a latou mea’ai. O fasi’eleele uma na ono
faato’aina i va o mauga, sa faaaogaina uma ma le faaeteete mo le
totōina o a latou mea’ai. E oo lava i ’auvaemauga e faalelelei ai
le eleele, sa maua mai ai ni a latou seleselega, o le taui o lo latou
galulue ma le onosa’i ma le le fiugofie. Na a’oa’oina le fanau ina
ia latou faifaatatau lelei, ina ia aua ma le faama’imau, ina ia latou
iloa ola mativa. Na latou iloa le faigata o le olaga, na latou iloa foi
latou te le maua fua se mea pe a aunoa ma le galue, ma le fuafua
lelei, faifaatatau lelei, ma le faatuatua. O se auala umi ma le faigata,
peitai o se auala ua fetaui lelei ma le mana’oga o le tagata i lona
tulaga pa’ū ma lona tulaga agasala, ma o le falea’oga lava lea ua
saunia e le Atua e a’otauina ai o ia. E ui lava na masani le autalavou
i le olaga galue ma le olaga mativa, sa lei faatamala o latou mātua i
le a’oa’oina o i latou i le itu tau le mafaufau. Na a’oa’oina i latou ina
ia faaaogaina lo latou malosi mo le galuega a le Atua, o la e maua
mai ai lea malosi.
Na pei lava aulotu a tagata Ualetenese o le ekalesia a le au aposetolo, i lo latou tumau i le Atua ma Lana afioga. Na latou teena le pule
a le pope ma epikopo, ae uumau atu i le Tusi Paia, e avea o le faavae
sili e tasi e leai sona sese. E lei pei a latou faife’au o patele fiatamalii
a le Ekalesia Roma. Na mulimuli a latou faife’au i le faaa’oa’o a lo
O Tagata Ualetenese
63
latou Matai, o Le na afio mai e le ina ia auauna atu tagata ia te Ia,
a ia auauna atu o Ia i tagata. Na latou fafaga i le lafu mamoe a le
Atua, ma latou ta’ita’i atu i latou i vaomu’a, faapea ma le vaipuna
ola o Lana afioga paia. E lei faia a latou sauniga i ni malumalu po o
ni falesa tetele, o maa faamanatu lava ia o mamalu faaletagata, atoa
ma lona loto fefete. Peitai na faia a latou sauniga i vanu, i lalo ifo
o ata o mauga, po o se ana foi i le papa pe a lamatia ma tuliloaina [48]
i latou. O inā na latou potopoto ai ina ia latou faalogo a’o laugaina
le talalelei e auauna a Keriso. Na le gata i le laugaina o le talalelei,
ae na asia foi e faife’au ē mama’i, ma latou faia a’oga a le fanau,
ma apoapoa’i atu i ē ua sese, ma latou galulue i le fo’ia o eseesega
e tutupu mai, ma faamalosia le galulue faatasi ma le ola fealofani.
O vaitaimi o le to’afilemu na latou ola ai i taulaga o le lotomalie a
tagata. Peitai, sa pei i latou o Paulo le fai’upega, ona sa tofu i latou
ma se agavaa po o se atamai e ono galulue ai pe a mana’omia, auā
le tausiga o le tagata lava ia faapea ma sona aiga.
O faife’au lava na faia a’oga a le autalavou. E ui lava sa a’oa’oina
mata’upu faaleolaga nei, o le Tusi Paia lava na avea o le faauluuluga
o a latou su’esu’ega. Na taulotoina le Evagelia a Mataio ma Ioane,
atoa ma le tele o nisi o tusi a Paulo faapea ma isi tusitala. Na faaaogaina foi le autalavou i le tusia o le Tusi Paia. Na atoa le Tusi Paia i
nisi o nei tusitusiga, a’o nisi foi na maua ai na o ni nai vaega pupuu
atoa ma o latou faamalamalama’aga na tuuina i ai e i latou o ē na i
ai le atamai e a’oa’oina ai le Tusi Paia. Na faapena ona faaaliali a’e
i luga o upu moni tāua ua leva ona tanumia ma natia e i latou o ē na
sa’ili’ili e siitia a’e i latou lava ia sili a’e i le Atua.
O le galulue i le onosa’i ma le le fiugofie, na mafai ai ona tusia le Tusi Paia atoa, i ona mata’upu uma ma ona fuaiupu taitasi.
Na faapena ona faagaioi le galuega, ma susulu atu ai e pei o le auro
mamā le finagalo faaalia o le Atua. Na o i latou lava o ē na galulue
i lea galuega na latou malamalama lelei i le aogā o sauaga i le faamalosia atili ai o le susulu atu o le finagalo o le Atua. Sa si’osi’omia
lenei aufaigaluega faamaoni e agelu a le Atua.
Ua leva ona una’iina e Satani patele ma epikopo o le ekalesia
Roma ina ia latou tanumia le upu moni i lalo ifo o le otaota o a’oa’oga
sese ma uputuu a tagata. Peitai e matuā maoa’e se auala na puipuia
lelei ai le upu moni i augatupulaga uma o le pogisa, ina ne’i pisia i
nei mea sese uma. Na tau’aveina e lenei talalelei le faailoga a le Atua
64
O Le Finauga Tele
ae le o le faailoga a le tagata. E lei mālōlō tagata i a latou taumafaiga
ina ia faanenefu ai ma natia uiga manino o le afioga a le Atua, ma
taumafai ai ina ia foliga o lo o feteena’i vaega eseese o le Tusi Paia.
Peitai, e pei lava ona saogalemū le vaa o Noa i le aso o le afā ma
timuga tetele o le lolo, na faapena foi ona manumalo le afioga a le
Atua i afā uma na pesi ane i ai. Pei lava ona maulalo i totonu o le
eleele le mea o lo o sautualasi ai le auro ma le ario, ma e le maua e
tagata lenei oa ma le tamao’aiga sei vagana ua latou eli maulalo i ai,
e faapena foi ona i ai o le oa ma le tamao’aiga i le afioga a le Atua,
ma e le aliali a’e lea oa i soo se tasi, sei vagana i latou o ē sa’ili i ai
ma le naunauta’i, i le agaga o le tatalo ma le agamalu. Na finagalo le
Atua ina ia avea le Tusi Paia o se tusi o lesona aoga mo tagata uma i
soo se augatupulaga, ma o lo o i ai ni a’oa’oga aogā mo le fanau iti,
[49] le autalavou. faapea ma le aumatutua. Na la tuu maia Lana afioga i
tagata ina ia avea o se faaaliga o Ia lava i tagata. Soo se vaega o le
upu moni e maua i ai se malamalama’aga fou o le tagata, ua avea
lava lea o se faaaliga fou ia te ia o le amio a le Atua, le Tusitala o
le Tusi Paia. Na finagalo le Atua ina ia avea le su’esu’eina o Lana
afioga, ma ala e ta’ita’ia atu ai tagata i se mafutaga vāvālalata ma Le
na faia i latou, ma manino atili ai lo latou malamalama’aga o Lona
finagalo. O le Tusi Paia o le ala lava lea e fesoota’i ai le Atua ma le
tagata.
E ui lava sa talia e tagata Ualetenese le mata’u i le Atua e avea
o le amataga o le poto, latou te lei tauaso i le tāua o le fesootai atu i
le lalolagi, faapea le iloa lelei o tagata ma a latou galuega ma amio,
e avea ma ala e faalauteleina ai le poto ma le mafaufau. Ina ua i’u a
latou a’oga i le vao, sa auina atu nisi o le autalavou i ni a’oga maualuluga i aai tetele o Farani po o Italia ina ia latou maua ai se faalautelega o le mafaufau e sili atu i lo le poto ua latou maua i luga o mauga
na latou tutupu a’e ai. Na faapena ona fetaui ai ma faaosoosoga lenei
autalavou ua auina atu i fafo. Na latou vā’ai ai i le amioleaga, ma latou fetaui ai foi ma sui faitogafiti popoto a Satani, o e na latou tu’iina
lenei autalavou i ni a’oa’oga faafoliga i le upu moni, faapea ma ni
a’oa’oga mata’utia e ono lamatia ai lo latou olaga faaleagaga. Peitai,
o le a’oa’oga na latou maua a’o iti i latou, na lava saunia ai i latou
mo la latou fetauiga ma nei faaosoosoga uma.
Na a’oa’oina i latou e o latou mātua ina ia ’aua ne’i o latou
ta’uatua i se isi, soo se mea e ono lamatia ai i latou po o latou mātua
O Tagata Ualetenese
65
ma aiga. Na faia faapitoa lava o latou lavalava ina ia mafai ona natia
ai la latou oa aupito tāua - o vaega taitasi ia o le afioga a le Atua. O
nei vaega taitasi uma o le Tusi Paia ua latou tau’aveina, o fua ia o
masina ma tausaga e tele o la latou galuega fitā. Na latou tuua nisi
o nei vaega o le Tusi Paia, i ni potu e ono maua ai nei tusitusiga e
i latou ua foliga mai ua saunia o latou loto e talia le upu moni. Na
latou faasalalauina nei vaega o le Tusi Paia ma le faaeteete lava, ina
ne’i māsalomia i latou e fili o le upu moni. Na a’oa’oina le autalavou
Ualetenese e o latou tina a’o iti lava i latou, auā taimi faapenei. Na
manino le autalavou i la latou galuega, ma sa latou faia lea galuega
ma le faamaoni. Na liua nisi i le upu moni i totonu o nei nofoaga o
aoaoga, ma sa masani ona aafia ai le a’oga atoa i nei a’oa’oga o le
upu moni. Peitai na fiu ta’ita’i o le ekalesia pope e sa’ili le pogai o
nei a’oa’oga ua latou ta’ua o mea sese, ae latou te lei maua.
O se agaga fia tala’i atu, le agaga o Keriso. O se tasi o ulua’i
mana’oga o le loto ua faafouina, o lona fia aumaia lea o nisi i le
Faaola. O le agaga lava lea o Kerisiano Ualetenese. Na latou talitonu o le finagalo o le Atua mo i latou, ia le gata i lo latou puipuia
o le upu moni nei pisia i a’oa’oga sese, ae na latou lagona foi o la
latou tiute tau’ave lo latou faasusuluina atu o lo latou malamalama i
ē o lo o i le pogisa. Na latou sa’ili’ili ina ia latou gagauina le amo o
le pologa ua faati’eti’e e Roma i luga o tagata. Na a’otauina faami- [50]
sionare faife’au Ualetenese uma. Soo se tasi o i latou na lagona le [51]
valaau mo le galuega faafaife’au, na mana’omia ina ia latou ulua’i
galulue i le galuega faatala’i. E tolu tausaga na mana’omia e galue
ai soo se tasi i se tala’iga i nuu mamao, ona faato’a mafai lea ona
avea o ia ma se faife’au i se aulotu i lo latou lava atunuu. O lenei
ola faatala’i mo le tolu tausaga, o se olaga mativa ma le le tagolima,
ma ua fetaui lelei lea amataga mo le olaga faafaife’au i se vaitaimi o
faigata ma sauaga. O le autalavou o ē na faauuina mo lenei galuega,
latou te lei vā’ai atu i luma i se olaga e maua ai so latou tamao’aiga
po o so latou mamalu, a’o se olaga galue ma le ola lamatia, atoa ma
se olaga e ono oo ai lava ia i latou le oti faamaturo. Na auina atu
taitoalua nei misionare, faapei lava foi ona auina atu e Iesu Lona
lava ausoo. Na masani ona galulue faatasi le talavou ma se tagata ua
matuā ma masani i le galuega. E faalogo le talavou i le tagata matua,
o le ua tofia na te ta’ita’ia ma vaaia le a’otauina o le talavou mo le
galuega. E lei galulue faatasi pea lenei toalua i taimi uma. Peitai,
66
O Le Finauga Tele
e masani ona la fetaui mo talosaga ma apoapoa’iga, ma sa faapena
ona faamalosia ai e le tasi le isi i le faatuatua.
Semanū e i’u leaga la latou galuega pe ana faailoa atu i tagata
le pogai tonu o la latou galuega. O le mea lea na latou natia lelei
ai le uiga moni o la latou galuega. Na tofu faife’au uma ma o latou
agavaa i matātā ma galuega o le olaga nei, ma sa faapena ona faia
faalilolilo le galuega a nei avefea’u o le talalelei, a’o latou galulue
i ni galuega faaleolaga nei. O le galuega masani na latou faia o le
feoa’i solo lea e faatau atu oloa. “Na latou faataua la’ei silika ma
teuga taugata e pei o tautaliga ma asoa a tamaitai, faapea ma isi oloa
mauagatā. Na faapena ona talia ma le fiafia i latou o ni faatau’oloa,
ae semanū e teena ma manatu faatauvaa i ai tagata pe ana o atu o ni
misionare”. (Wylie, b. 1, ch. 7.) Peitai na latou ole atu pea i le Atua
mo le poto ma le faautauta e mafai ai ona latou tuuina atu i tagata
le oloa e sili atu lona tāua i lo le auro ma teuga taugatā. Na latou
tau’aveina faananā ni Tusi Paia atoa, po o ni vaega le atoatoa foi o
le afioga a le Atua, ma o le taimi lava e maua ai se avanoa lelei, o le
taimi lava lea latou te faatepaina ai tagata faatau i nei tusitusiga o le
afioga a le Atua. Na faapena ona fagua le fiafia o tagata i le faitauina
o le afioga a le Atua, ma sa faapena ona tuuina atu ma le fiafia ni
vaega o le Tusi Paia ia i latou o ē na i ai le agaga naunauta’i e fia
faitau i ai.
E ui lava na amatalia le galuega a lenei au tala’i i laufanua ma
vanu na pito atu i mauga na latou nonofo ai, sa mamao na’ua le
mea na oo atu i ai la latou galuega. Na latou savavali e aunoa ma ni
seevae, ma oofu i ni la’ei ua pisipisia ia latou feoa’iga, pei lava foi o
la’ei o lo latou Matai. Na faapena ona latou galuea’ina o lea aai ma
lea aai, ma oo atu ai lava i nuu mamao. Soo se mea na latou galulue
ai, sa latou faasalalauina le fatu tāua o le upu moni. Na tatupu a’e
lea aulotu ma lea aulotu i mea na latou ui atu ai, ma faapena ona
[52] molimau atu ai mo le upu moni le toto o maturo. Na o le aso tele o
le Atua o le a mafai ona iloa tonu ai le toatele o agaga ua faasaoina
mo le malo o le Atua talu ai le galulue faamaoni o nei misionare. E
ui lava sa faananā ma lēleoa la latou galuega, na faapena ona oo atu
le afioga a le Atua i nuu ma atunuu Kerisiano uma, ma talia fiafia ai
i loto ma aiga o tagata’.
O le Tusi Paia i le vaai a tagata Ualetenese sa le na o se tusi
o faamaumauga o mea na tutupu i le va o le Atua ma tagata i aso
O Tagata Ualetenese
67
ua mavae. Sa le na o se faaaliga foi o tiute tau’ave ma galuega o le
taimi nei. Na avea le Tusi Paia o se faaaliga o mea e ono afatia ai le
olaga, faapea ma manuia tetele o lo o lumana’i. Na talitonu tagata
Ualetenese ua le o toe mamao le i’uga o mea uma lava, ma, a’o latou
su’es’ue i le Tusi Paia i le agaga o le tatalo faatasi ai ma loimata, sa
faapena ona atili ai ona tāua i o latou loto afioga tāua uma o lo o i ai.
Na faapena foi ona atili ai ona mamafa ia i latou o lo latou galuega
fai, o le faailoa atu lea i isi o le upu moni e ta’ita’ia ai i latou i le
faaolataga. Na latou malamalama lelei i le fuafuaga o le faaolataga
e pei ona faailoa manino mai i le Tusi Paia, ma o lo latou talitonu ia
Iesu na latou maua ai le filemu ma le faamoemoe ma le mafanafana
o le agaga. A’o susulu atu le malamalama i o latou mafaufau ma
olioli ai o latou loto, na i ai lo latou faanaunauga ina ia sulugia ai foi
ma ē na i ai pea i le pogisa o a’oa’oga sese faapope.
E afe ma afe na taumafai ma le leai o se aogā, ina ia latou maua
le faamagaloga o a latou agasala e ala i lo latou faatāugāina o o latou
tino. Na faia e tagata nei faagaioiga i lalo ifo o le ta’ita’iga a epikopo
ma patele. Na a’oa’oina tagata ina ia latou talitonu o a latou galuega
lelei e faaolaina ai i latou. Na faapena ona latou tepa ifo ia i latou
lava, ma vaaia ai pea lo latou tulaga agasala, ma latou vaaia ai lo
latou pagatia ma le to’asa o le Atua. Na i’uvale lo latou faatāugāina
o o latou agaga ma o latou tino; e lei maua ai se filemu po o se
faamagaloga. Na faapena ona saisaitia ai agaga fia ola i lalo ifo o
a’oa’oga a Roma. E afe ma afe na latou tuua o latou aiga ma uō, ae
faaaluina o latou olaga atoa i totonu o nofoaga faamonike. Na leai
se aogā o taumafaiga a le afe ma afe o tagata latou te sa’ilia ai le
filemu o le mafaufau, e ala i a latou anapogi faisoo, po o le sasa ma
le faatāugā i o latou tino, po o le pupula i leoleoga o le valuapo, po o
lo latou taatitia fāō i le po atoa i luga o maa susū ma le mālūlū o fale
na latou mau ai, po o le faimalaga mamao atu foi i se tasi o aai paia,
po o lo latou faia o o latou lava faasalaga mata’utia ma le tiga. Na
faapena ona puapuagatia o le toatele ona o le faapologaina e a latou
agasala ua latou iloa e lei faamagaloina, ae na tuliloaina foi i latou e
le mata’u ona o le to’asa o le Atua. Ona latou pologa ai lava lea i le
faatāugāina o o latou tino ma agaga, sei oo ai lava ina le toe lavatia
e le tino tatali nei tiga, ona latou o ifo ai lava lea i o latou tuugamau,
a’o i ai pea lava i latou i le pogisa mafiafia o a’oa’oga faapope, e
aunoa ma so latou faamoemoe.
68
O Le Finauga Tele
Na lagona ma le naunauta’i e tagata Ualetenese lo latou fia tuuina
[53] atu o le areto o le ola i nei agaga matelaina, ma tatalaina atu ia i latou
le fe’au o le filemu e maua i folafolaga a le Atua, ma faasino atu i
latou ia Keriso lo latou faamoemoe e toatasi mo le faaolataga. Na
talitonu tagata Ualetenese e le faavaeina i le Tusi Paia le a’oa’oga
faapope o lo o faapea mai e mafai e galuega lelei ona laveai le tagata
mai le soliga o le tulafono a le Atua. O le faalagolago i galuega lelei
a le tagata mo le faaolataga, ua matuā tetee lea i le talitonuga i le
alofa lefaitua’oi, le alofa lemafuatia o Keriso. Na maliu Keriso o le
togiola mo le tagata, ona e leai se mea e mafai e le aiga- tagata ua
pa’u’ū, e leai se mea latou te mafaia e toe faalelei ai ma le Atua. O le
maliu o Keriso i le satauro mo le togiola o le tagata, faapea ma Lona
toe tu mai, o le faavae lava lea o le talitonuga faaKerisiano. Pei lava
ona atoatoa le faalagolago, ma vavalalata le sootaga o le vae po o le
lima o le tagata i lona tino, pei lava ona atoatoa le faalagolago, ma
vavalalata le sootaga o le lālā vine i le tino o le vine, e faapena foi
le atoatoa o le faalagolago ma le vavalalata o le sootaga o le agaga
fia ola o le tagata ia Keriso.
O a’oa’oga a epikopo ma patele ua ta’ita’ia ai nei tagata ina ia
latou talitonu o le Atua o se Atua sauā, o se Atua Na te faasāina
mea uma e maua ai lo latou fiafia. O nei lava foi a’oa’oga faapope na
talitonu ai tagata o le Faaola e leai Sona alofa po o se tiga alofa mo
le tagata i lona tulaga pa’ū, ma o le pogai lea ua latou mana’omia ai
le galuega faufautua a patele ma sagato ua latou tatalo nei i ai. Na i
ai le faanaunauga o ē ua latou maua le malamalama o le afioga a le
Atua, ina ia latou faasino atu nei agaga ia Iesu lo latou Faaola alofa
mutimutivale, o lo o tu ma faatali mai ma aao faaloaloa, e talia ai
i latou uma e o atu ia te Ia ma a latou avega o le agasala, ma mea
uma latou te popole ma vaivai ai. Na i ai lo latou faanaunauga ina ia
latou tafi’esea mea uma ua faafaula’i e Satani ina ia le mafai ai ona
iloa e tagata folafolaga a le Atua, ma latou o atu tuusa’o ai ia te Ia
mo le faaali atu o a latou agasala, ma latou maua ai le faamagaloga
ma le filemu o le agaga.
Na tatalaina atu ma le nauanauta’i e le au tala’i Ualetenese upu
moni o le talalelei ia i latou uma o ē na i ai le agaga fiailoa. Na latou
tufaina ma le faaeteete lava vaega eseese o le Tusi Paia na tusia i
o latou lima. Na ia i latou se olioli sili pe a mafai ona latou avatua
le upu moni e avea ma faamoemoe i agaga ua utia e le agasala, ma
O Tagata Ualetenese
69
ua latou fia maua le ola. O a’oa’oga faapope ua iloa atu ai e tagata
na o se Atua o le tauimasui, o lo o Ia faatalitali Na te faia le faamasinoga tonu. Na faia e le misionare Ualetenese lana galuega ma
le alofa naunauta’i faapea ma loimata ma le agaga o le tatalo. Na
faapena ona ia tatala atu i ona uso, o folafolaga tāua e faailoa atu ai
le faamoemoega e tasi o le tagata agasala. Na faapena ona susulu atu
le malamalama o le upu moni i mafaufau ua leva ona pogisa, -ma
tafi’esea ai le ao o le pouliuli ma le leai o se faamoemoe, ae susulu
atu ai i le loto le La o le Amiotonu, ua i ai i ona ave le faamalologa.
Na masani ona talosagaina e nisi ni vaega o le Tusi Paia ina ia faitau [54]
ma toe faitau atu a’o latou faalogologo. Peiseai na latou fia iloa tonu
po ua sa’o la latou faalogo i se upu moni tāua ua faato’a pa’u atu
i o latou taliga. O nisi nei o mau na masani ona mana’omia ia toe
faitau ma saga faitau atu: “O le toto foi o Iesu Keriso Lona Alo, e
faamamāina ai i tatou i agasala uma lava”. 1 Ioane 1:7. “E pei ona
siitia i luga e Mose o le gata i le vao, e ao ina faapea ona siitia i luga
o le Atalii o le tagata; ina ia le fano se tasi e faatuatua ia te ia, a ia
maua le ola e faavavau”. Ioane 3:14, 15.
E toatele e lei faasesēina i a’oa’oga a Roma. Na latou iloa le leai
o se aogā o le galuega fautua a tagata, po o agelu foi, mo le tagata
agasala. A’o sulugia atu o latou mafaufau i le malamalama moni, sa
latou olioli leo tetele ma faapea mai: “Ua na o Keriso la’u faitaulaga;
ua na o Lona toto e avea ma a’u taulaga; ua na o Lana fata faitaulaga
foi e faaali atu ai a’u agasala”. Na latou faalagolago atu atoatoa i le
galuega ma le maliu o Keriso, ma sa latou taulotoina upu nei: “A
leai se faatuatua, e le mafai ona fiafia mai o Ia”. Eperu 11:6. “E leai
lava se isi igoa i lalo o le lagi ua foaiina mai i tagata, e mafai ona
faaolaina ai o i tatou”. Galuega 4:12.
O le maoa’e na’ua o le alofa o le Faaola na peiseai ai ua faigata
tele ona talitonu i ai nai nei agaga ua leva ona fesoua’ina i le pesi
atu o le afā. O le tele na’ua o le filemu ma le olioli na avatu e lenei
upu moni ia i latou, na peiseai ai ua latou oo i le lagi. Ua tuuina atu
nei ma le loto atoa o latou lima i le aao o Keriso, ma ua mausali
nei la latou tutu i luga o le Papa o Augatupulaga uma. Ua latou le
toe lagona nei so latou fefe i le oti. E oo lava i le falepuipui po o le
susunuolaina ua mafai nei ona latou moomoo atu i ai pe afai e ono
viia ai le suafa o lo latou Faaola.
70
O Le Finauga Tele
Na faapena ona faaaliali a’e ma faitauina le afioga a le Atua i
nofoaga lilo eseese; o taimi ua faitauina atu i se agaga e toatasi, o
taimi foi ua faitauina atu i se faapotopotoga o ē na galala mo le malamalama o le upu moni. E tele ni po na faaaluina atoa i le faitauina
faapea o le afioga a le Atua. Na masani ona taofia le avefe’au o le
alofa i lana faitauga o le afioga a le Atua, sei malamalama lelei le
mafaufau i le talalelei o le faaolataga. Na faapena le naunauta’i ma
le fiafia tele o le aufaalogologo i le afioga a le Atua. O nisi nei o fesili
sa masani ona faalogoina: “E moni ea e talia e le Atua la’u taulaga?
Faamata e talia e le Atua lo’u nei tagata? Faamata Na te faamagaloina lo’u nei tagata? O le tali lenei na faitauina i ai: “Ia outou o
mai ia te a’u, o outou uma o ē tigaina ma mafatia i avega, o a’u foi e
malolo ai outou”. Mataio 11:28.
Na taliaina i le faatuatua lenei folafolaga, ma o la latou tali fiafia
lenei na faalogoina: “E le toe i ai ni faigamalaga uumi ma le tiga i
ni potu paia i le nuu paia. E mafai ona ou alu atu faapenei ia Iesu i
lo’u tulaga agasala ma le le faapaiaina, ma e le liliu ese Ona fofoga
i le talosaga a le ua nutimomoia lona loto. ’Ua faamagaloina a’u
[55] agasala’. E oo lava ia te a’u ma a’u agasala e faamagaloina lava!”
Na faatumulia o latou loto i le olioli, ma ua latou siitia a’e ai
le viiga o Iesu i pese ma le faafetai. Na toe foi atu ma le fiafia nei
tagata i o latou aiga ina ia latou faasalalau atu le malamalama, ma
latou ta’uta’u atu ua latou maua le Ala ma le Upu moni. Na i ai se
mana uiga ese i upu o le afioga a le Atua na mafai ona fetalai sa’o
atu i loto o ē na galala mo le upu moni. O le si’ufofoga lava lea o le
Atua na faigofie ai ona talitonu ē na faalogo i ai.
Ua fo’i nei le avefe’au o le upu moni. Peitai sa masani ona tā’ua
i talanoaga a tagata ona foliga agamalu ma le faamaoni, faapea le
loloto o lona alofa naunauta’i. O le tele o aso e fo’i lava le avefe’au
o le upu moni e lei fesili lava i ai se isi po o fea e sau ai a’o fea foi e
faatū aga’i i ai lana malaga. O lo latou maofa tele i lona taunuu atu,
ma le faatumulia o i latou i le olioli ma le faafetai, na galo ai ona
latou faia ia te ia nei fesili. O taimi na latou taumafai ai e faaafe atu
o ia i o latou aiga, na ia tali mai ai e ao ona ia asiasi atu i mamoe ua
leiloa o le lafumamoe a le Atua. Na faapena ona latou tuufesili pe le
o se agelu ea lea mai le lagi.
O le tele o taimi sa lei toe vaaia lava le avefe’au o le upu moni.
Atonu na faasolo atu lana malaga i isi nuu ma atunuu, po ua pu’eina
O Tagata Ualetenese
71
foi o ia ma lafoina i se lua o se falepuipui e faaalu ai aso uma o totoe
o lona soifua. Atonu foi ua papa’e nei ona ivi i se mea na fasiotia
ai o ia a’o ia molimau atu mo le upu moni. Peitai e le mafai ona
faaumatia afioga ua ia tuua nei i loto ma aiga o tagata. Ua faia nei le
galuega a nei afioga paia i loto o le toatele, ma e na o le aso lava o
le faamasinoga faato’a iloa atoatoa ai fua o lenei galuega.
Ua faia nei e le au tala’i Ualetenese se osofa’iga o le malo o
Satani, ma ua atili ai nei le mataala o alii o le pouliuli. Na mata’i
leleia e le alii o le lalolagi soo se taumafaiga mo le faalauteleina o
le upu moni, ma sa ia faaosoina ai le popole o ona sui. Ua vaai atu
nei ma le popole ta’ita’i pope i le galuega a nei misionare feoa’i. Na
latou iloa e ono lamatia ai la latou galuega. Afai e susulu atu nei le
mōli o le upu moni e aunoa ma se mea e faalavelave i ai, o le a avea
loa lea ma ala e tafi’esea ai ao pouliuli o a’oa’oga sese ua ufitia ai nei
tagata. O le a faasino atu ai loa mafaufau o tagata i le Atua e toatasi,
ma o le a lepetia ai loa le pule a Roma.
O le i ai pea o nei tagata i le fogaeleele, atoa ma lo latou piimau
i le faatuatua o le ulua’i ekalesia, na avea lea ma molimau o le solomuli ma le ifo i tupua o Roma. O le pogai lea ua faasino ai tonu i ai
le ita tele o Satani ma ana sauaga. O lo latou tumau i le Tusi Paia, na
avea foi lea o se agasala mātuiā na le fia faamagaloina e Roma. O lea
na tonu ai loa ia Roma o le a sōloiesea nei tagata mai le fogaeleele.
Ona amatalia loa lea o le fafati mai o galu aupito mata’utia o sauaga
i le fanau a le Atua i o latou nofoaga i totonu o mauga. Na tuuina nisi
e pei o ni leoleonanā ina ia femulimulia’i i mea na feoa’i ai lenei au
tala’i, ma tu’i i latou i fesili. E tele taimi na vaaia ai le toe faatinoina
[56]
o le pa’ū ifo o Apelu amiotonu i luma o Kaino fasioti tagata.
Soo se mea na maua i ai tagata Ualetenese, sa matuā faatafunaina
o latou fanua ma faato’aga, faapea o latou fale ma malu na latou
tapua’i ai. O mea na i ai faato’aga lausiusi a nei tagata galulue, ma
mea na i ai fale o nai nei tagata amiotonu, ua taatia mai ai nei na o le
toafa o le faatafunaga. Pei lava ona atili ai le fe’ai o le manufe’ai pe
a tofo i le toto, na faapena foi ona atili ai le ita ma le sauā o ta’ita’i
pope ina ua latou vā’ai atu i le puapuagatia o ē ua latou sauaina.
E toatele na tulia e pei o ni manui totonu o le togavao ma luga o
mauga, i mea na latou lalafi ma malu ai i le loloto o le vaomatua po
o le gaoā o papa i luga o mauga.
72
O Le Finauga Tele
E leai se moliga tau le amio na mafai ona molia ai nei tagata. E
oo lava I o latou fili na latou ioe o nei tagata o ni tagata e tausi le
filemu, o ni tagata lēgaoiā ma ē ola faapaiaina. O la latou agasala
mātuiā o lo latou le tapua’i atu lea i le Atua i le auala ua finagalo i ai
le pope. O lea solitulafono ua faafaula’i atu ai nei i o latou luga soo
se luma, soo se tiga, ma soo se sauaga e ono manatunatu i ai tagata
sauā, atoa ma temoni.
Na tonu ia Roma o le a matuā sōloi’esea nei tagata mai le fogaeleele. O lea na faia ai e le pope se poloa’iga ina ia fasiotia i latou.
E lei molia i latou faapea o ni tagata paie, pe gaoi, po o le ulavavale.
Peitai o le moliga na faia e faapea, o i latou o ni tagata e foliga paia a
ua latou tata’ia i le agasala mamoe o le lafumamoe moni. O le pogai
lea ua fai ai loa le malelega a le pope ina ia matuā olopalaina pei
o gata ūōno lenei itu’aiga tagata inosia ma le faatupu leaga, pe afai
latou te le tautō ina ia faamutaina la latou galuega. (Wylie, b. 16,
ch. 1.) Faamata na i ai se manatu o lenei pope faamaualuga na te toe
faalogo i nei upu? Faamata na ia iloa ua tusia nei upu i tusi a le lagi
[57] ina ia fai ma molimau i le aso o lona faamasinoga? Na fetalai mai
Iesu, “Auā na faia e outou i le tasi o ē aupito itiiti o o’u uso nei, o
a’u lea na outou faia i ai”. Mataio 25:40.
Na faatonuina tagata uma o le ekalesia e lenei malelega, ina ia
latou uulima faatasi i le galuega o le faaumatiaga o nei tagata Ualetenese. O nisi nei o taui na ofoina atu i lenei malelega ina ia toatele ai
le aufaigaluega e faia lenei galuega sauā. Na ofoina atu le sa’olotoga
mai soo se faasalaga faalelotu; na ofoina atu le tuusa’olotoina mai
soo se tautoga na latou faia; na folafolaina o le a faatagaina faaletulafono e maua ai e le tagata soo se fanua po o se fale na ia avea
faamalosia; e mautinoa foi le faamagaloga o soo se agasala a i latou
uma o ē latou te fasiotia soo se tasi o nei tagata Ualetenese inosia. Na
faaleaogaina foi e lenei malelega soo se tuutuuga na faia e ono maua
mai ai se lelei mo tagata Ualetenese. Na faatonuina ai foi auauna a
tagata Ualetenese ina ia latou sosola ese. Na faasāina ai foi tagata
uma ona latou toe faia soo se fesoasoani mo nei tagata, ma e faatagaina ai tagata uma latou te avea ai soo se fanua po o fale atoa ma
mea totino a tagata Ualetenese. Ua faailoa manino mai i lenei malelega le agaga moni o lo o faagaioia nei mea uma. E le o le si’ufofoga
lea o Keriso ua faalogoina, a’o le leo o le tarako.
O Tagata Ualetenese
73
E lei fia savavali ta’ita’i pope e tusa ai ma le tapulaa maualuga o
le tulafono a le Atua. Peitai na latou faatūina se tapulaa e tusa ai ma
o latou mana’o, ma sa tonu ia i latou ina ia faatonuina ma faamalosia
tagata uma ina ia latou mulimuli ai, auā o le mea lea ua finagalo i ai
Roma. Na latou faia ni mea aupito mata’utia ma le matagā. Na faia e
epikopo faasausili ma patele amioleaga le galuega tonu na tofia i ai
i latou e Satani. E lei i ai se avanoa o le alofa mutimutivale i o latou
loto. O le agaga na faasatauroina Keriso ma fasiotia le au aposetolo,
o le agaga lava lea na una’iina Nero fasiotitagata e sauāina le au
faamaoni i aso o lana nofoaiga ma o le agaga lava lea e tasi ua galue
nei ina ia sōloi’esea mai le fogaeleele i latou ua alofagia e le Atua.
O le onosa’i ma le tūtūmau o nei tagata matata’u i le Atua i le
selau ma selau o tausaga o sauaga, na i’u atu ai i le viiga o lo latou
Faaola. E ui lava le malosi o le tuliloaina o i latou e o latou fili,
faapea ma le mamafa o sauaga a le pelu na tofotofoina ai i latou, na
latou faaauauina pea le auina atu o a latou misionare e faasalalauina
le fatu o le upu moni. Na tulia i latou faapei o ni manu aivao. Peitai
o lo latou toto na faasūsūina ai le fatu ua latou lūlūina, ma e lei
faaletonu le fua mai o ona fua. Na faapena ona molimau atu tagata
Ualetenese mo le Atua i le selau ma selau o tausaga a’o lei fanau mai
Luteru. E ui lava na salalau i latou i lea atunuu ma lea atunuu, na
latou totōina le fatu o le galuega o le Toe Fuataiga, lea na amatalia e
Uikilifi, ma faalauteleina ma faalolotoina i ona po o Luteru, ma o lo
o mana’omia ina ia faaauauina pea lenei galuega sei oo atu lava i le
iuga o mea uma, e i latou o ē ua loto ina ia latou puapuagatia i mea
uma ona “o le afioga a le Atua ma le mau ia Iesu Keriso”. Faaaliga
[58]
1:9.
[59]
Mataupu 5—Ioane Uikilifi
Eui lava na i ai taimi na matuā oge ai le lalolagi i le Tusi Paia a’o
lumana’i ai le galuega o le Toe Fuata’iga, e lei faatagaina e le Atua
Lana afioga ina ia matuā faa’umatia atoatoa. E lei finagalo le Atua
ina ia natia e faavavau upu moni o Lana afioga. Pei lava ona faigofie i
le Atua ona Ia talaia faitotoa u’amea o falepuipui ma faasa’olotoina
ai Ana auauna, e faapena foi ona le faigata ia te Ia ona motusia o
filifili u’amea na saisaitia ai upu o le ola. Na una’iina e le Agaga
o le Atua tagata i lea atunuu ma lea atunuu o Europa, ina ia latou
sa’ili’ili i le upu moni, e pei ona sa’ili o tagata i se oloa tāua. Na latou
su’esu’e ma le matuā naunauta’i i le Tusi Paia, ina ua ta’ita’iina i ai
i latou e le Atua. Tusa lava po o a faigata e ono tutupu mai ia i latou,
ua latou sauni nei latou te talia le malamalama. E ui lava latou te lei
matuā manino atoatoa i mea uma, na mafai ona latou malamalama
i le tele o upu moni ua leva ona tanumia i auala a tagata. Na latou
tula’i ma ō atu e pei o ni avefe’au mai le lagi, ma latou motusia ai
fififili u’amea o a’oa’oga sese ma uputuu a tagata, ma latou valaau
atu ai i e ua leva ona saisaitia ma nofo pologa, ina ia latou tula’i ma
savavali i lo latou sa’olotoga.
E tele ni augatupulaga na mavae a’o taofia pea ma natia le afioga
a le Atua mai tagata, sei vagana ai tagata Ualetenese. Na natia le
afioga a le Atua i totonu o ni gagana e malamalama i ai na o le au
popoto ma ē a’oa’oina. Peitai ua oo mai nei le ituaso e ao ona faaliliu
ai le Tusi Paia, ma tuuina atu i tagata i atunuu eseese, i la latou lava
gagana. Ua mavae atu nei le valuapo o le lalolagi. Ua faifaimalie atu
nei itula o le pogisa, ma ua vaaia nei i lea atunuu ma lea atunuu, ni
faailoga o le vaveao ua tai vavala mai.
O le senituri lona sefulu ma le fa na oso a’e ai i Egelani le fetuao
o le Toe Fuata’iga. Na avea Ioane Uikilifi o le avefe’au o le galuega
o le Toe Fuata’iga, e le gata mo Egelani, ae faapea foi mo atunuu
Kerisiano uma. E le mafai nei ona toe taofia e se tasi le tetee tele
ia Roma, le tetee lea ua tuuina atu nei ia Ioane Uikilifi na te faaleoina. O le tetee lea na avea ma amataga o le finauga na mafai ai
74
Ioane Uikilifi
75
ona faasa’oloto, e le gata i tagata taitoatasi, ae faapea foi ekalesia ma
atunuu.
Na maualuga le tapulaa na oo i ai le a’oa’oga a Uikilifi, peitai na
ia lagona o le Atua o le amataga lava lea o le poto. Na iloga o ia i le [60]
kolisi i lona olaga faapaiaina faamaoni, ma le maoa’e o ana taleni,
faapea ma le alualu i luma o lona poto. O ana sa’ili’iliga mo le poto
na ia taumafai ai ina ia masani lelei o ia ma soo se mata’upu tau
aoaoga. Na a’oa’oina o ia i mafaufauga o le au popoto, na a’oa’oina
foi o ia i tusitusiga ma tulafono a le ekalesia, faapea ma tulafono
faalemālō, ae maise lava tulafono a lona lava atunuu. Na aogā tele
nei a’oa’oga uma ia te ia i lana galuega i se vaitaimi mulimuli ane.
O lona masani lelei ma filosofia taumatemate o nā ona po, na mafai
ai ona ia faailoa atu lo latou sese. O lona iloa lelei foi o tulafono
faalelotu ma tulafono faalemalo, na saunia ai o ia mo le finauga tele
mo le sa’olotoga i mea tau tapuaiga, faapea ma aiā tatau a le tagata.
Na le gata i lona masani lelei i le faaaogāina o meatau mai le afioga
a le Atua, ae na ia te ia foi le poto lautele mai a’oga a le lalolagi,
ma sa ia masani lelei i manatu ma togafiti a le au popoto. O le ma’ai
ma le maoa’e o lona mafaufau, faapea ma le loloto ma le lautele o
lona poto, na aloa’ia lelei ai o ia e ana uo, atoa ma ona fili. Na vā’ai
atu ma le agaga mitamita ona soo, ona o le tulaga maoa’e o lo latou
ta’ita’i, i tauaofiaga a le au popoto o le atunuu. Sa le mafai e ona fili
ona vā’ai maulalo i le galuega o le Toe Fuata’iga, pe latou te faapea
mai foi e vaivai ma valea lona ta’ita’i.
Na amata su’esu’ega a Uikilifi i le Tusi Paia a’o i ai o ia i le kolisi.
O le vaitaimi lea sa na o le au popoto na malamalama i gagana na
tusia ai le Tusi Paia. Na o le au popoto foi na latou maua le ala i
le upu moni, ona sa tapunia lea auala i ē lei a’oa’oina. Na faapena
ona saunia le ala e avea ai Uikilifi o se tasi o ta’ita’i o le galuega o
le Toe Fuata’iga. Na su’esu’e le au popoto i le afioga a le Atua ma
latou maua ai le upu moni o Lona alofa tunoa o lo o faaalia mai ai.
Na latou faasalalau atu lenei upu moni e ala i a latou aoaoga, ma sa
mafai ai ona latou faasino atu nisi i le ala o le ola.
Pei lava ona ua maua nei e Uikilifi le poto mai a’oga o lenei
lalolagi talu ai lona sogasogā ma lona ma’elega, na faapena foi ona
ia tuu atu lona loto atoa i le su’esu’ega o le afioga a le Atua. Ua
leva ona ia lagona lona mativa i le itu tau le afioga a le Atua, ma e
lei faamalieina lenei mana’o i ana su’esu’ega i le poto lautele, po o
76
O Le Finauga Tele
a’oa’oga foi a le ekalesia. Na ia maua le afioga a le Atua le mea ua
leva ona ia sa’ili i ai ma le le manuia. Na ia maua i le afioga a le
Atua le faaaliga o le fuafuaga o le faaolataga, faapea ma Keriso le
Fautua e toatasi mo le tagata. Na ia tuuina atu o ia mo le galuega a
Keriso, ma sa tonu ia te ia o le a na faasalalauina atu le upu moni ua
ia maua.
E lei iloa e Uikilifi i le amataga le taunuuga o le a oo i ai o ia
talu ai lana galuega, e pei lava foi o isi ta’ita’i na mulimuli mai o le
galuega o le Toe Fuata’iga. Na te lei faatūina ia lava ina ia avea o se
ta’ita’i o se galuega e tetee atu ai ia Roma. Peitai o lona tuu atu o
lona loto atoa e sa’ilia ai le upu moni, o le mea lea na le ma’alofia ai
lona fetaui tutū ma a’oa’oga sese. O le tele o lona manino i a’oa’oga
[61] sese faapope, o le atili ai foi lea o lona folafola atu ma le naunauta’i
o a’oa’oga a le Tusi Paia. Na ia vaaia ua liliu ese Roma mai le afioga
a le Atua talu ai tu ma uputuu a tagata. Sa ia ta’u atu ma le le fefe
le sese o patele, i lo latou faaaunuua o le Tusi Paia, ma sa ia faatonu
atu ina ia toe faafo’i mai le Tusi Paia i tagata, ma ia toe faatūina le
pule a le Tusi Paia i totonu o le ekalesia. O se faia’oga lelei ma le
naunauta’i lenei tagata o Uikilifi. O ia foi o se failauga maoa’e, ma
o upu moni uma na ia laugaina atu, na ia faamaninoina i mafaufau o
tagata, e ala i lona lava olaga i aso taitasi. O lona malamalama’aga
o le Tusi Paia, o le ma’ai ma le maoa’e o lona mafaufau, o le mama
o lona olaga, faapea lona faamaoni ma lona tūtūmau ma le le fefe, o
nei mea uma na faigofie ai ona talitonu ma fia mulimuli atu tagata
ia te ia. Ua toatele ua latou le fiafia i la latou uluai faatuatuaga, talu
ai lo latou vā’ai atu i le tele o le amioleaga ma le agasala i totonu
o le Ekalesia Roma. Sa le tau nanāina lo latou fiafia i upu moni ua
faaalia mai nei e Uikilifi ia i latou. Peitai sa tumu ta’ita’i pope i le
to’asa tele i lo latou vā’ai ua sili atu le aloa’ia o Uikilifi e tagata nai
lo i latou.
E leai se a’oa’oga sese na misia i le ma’ai o le mafaufau o Uikilifi,
ma sa ia tu’ipalaina ma le le fefe le tele o mea sese na faatagaina
e ta’ita’i Roma i le ekalesia. A’o avea o ia ma faife’au a le tupu o
Egelani, sa ia tu atu ma le le fefe e tetee atu i le faia o lafoga a le
tupu o Egelani i le pope o Roma. Fai mai o ia, o le faia o le pule
faapope i luga a’e o le pule a tupu ma ta’ita’i o malo, o se mea lea ua
matuā le fetaui ma le faamasinoga tonu, faapea ma le mea ua faaalia
mai e le Tusi Paia. Na oso le ita o le toatele ona o lafoga ma isi mea
Ioane Uikilifi
77
na finagalo i ai le pope, ma sa aloa’ia a’oa’oga a Uikilifi e le toatele
o ta’ita’i ma le au popoto o le atunuu. Ua tuufaatasia nei le tupu ma
alii sili o le malo o Peretania, i la latou tetee i le pule faalemalo a
le pope, atoa ai ma lo latou tetee i le faia o le lafoga a lo latou tupu
i le pope. Na faapena ona tautonu se ta i le pule faapope i totonu o
Egelani.
O se isi o mea na umi foi ona finau ma tetee i ai Uikilifi, o le
faatūina lea o ni vasega o patele, o ni itu’aiga e le galulue ae feoa’i
ma aisi solo. Na tumu Egelani i nei patele, ma sa avea ma mea na
ta’uvalea ai le manuia ma le maoa’e o le malo. Na aafia ai galuega
a tagata faapea a’oa’oga ma talitonuga o tagata e uiga i le mea sa’o
ma le mea sese. Na avea le olaga aisi ma le olaga paiē o nei patele,
o se avega mamafa i tagata, ma sa avea ma pogai na vaai maulalo
ai le toatele i le lelei ma le aogā o le galue. Na faapena ona oo atu
o le autalavou i se olaga faapaiē ma le le fia gaioi, atoa ma se olaga
amioleaga. Ua avea le feoa’i solo o nei patele ma mea ua faatosina
atu ai nisi e toatele ina ia latou amatalia ai se olaga faamonike, e ui
lava e aunoa ma se faatagaga mai o latou mātua. E toatele foi na ō
atu i nei nofoaga faamonike e aunoa ma le iloa e o latou mātua, po o
le ō lava foi e tetee atu ai i faatonuga a o latou mātua. O le tala lenei
a se tasi o uluai Tamā o le Ekalesia Roma, e uiga i ana taumafaiga e [62]
faatāuaina ai tiute faamonike, ia sili a’e i lo tiute i matua ma aiga. Fai
mai lea patele, “Tusa lava pe taatia ma tagi mai ia te oe lou tamā i
luma o lou faitotoa, tusa lava pe faaali mai ia te oe e lou tinā le tino na
e fanau mai ai, ma susu na ē susu ai, ia e soli i ai i ou vae, ma e savali
sa’o atu ia Keriso.” Na mulimuli ane faa’upu e Luteru lenei mea o se
“agaleaga maoa’e, e le o se uiga o se Kerisiano po o se tagata moni,
a’o uiga e fetaui ma le luko”. Na faapena ona faama’a’aina loto o le
fanau i o latou matua. (Barnas Sears, The Life of Luther, pp. 70, 69.)
Na faapena ona faaleaogaina e ta’ita’i pope le tulafono a le Atua e
ala i a latou tu ma uputuu, e pei lava foi ona faia e le au Faresaio
anamuā. Na faapena ona foliga mai ua faatafunaina le tele o aiga,
ona ua gaogao talu ai le ave’esea o le autalavou mai o latou mātua.
E oo lava i alii ma tamaitai aooga i iunivesete, sa faasesēna foi
i latou i faamatalaga pepelo a patele, ma ua latou ioe atu ai, ina ia
avea i latou o nisi o le itu’aiga faamonike. E toatele na latou salamō
mulimuli ane ina ua latou vā’ai i le ta’uvalea o i latou, faapea ma le
tiga ua latou aumaia i o latou mātua. Peitai sa matuā le mafai lava
78
O Le Finauga Tele
ona latou toe maua lo latou sa’olotoga, ina ua loloto lo latou goto ifo
ma lo latou lavelavea i le mailei a le fili. E toatele ni mātua na latou
le fia auina atu o latou atalii i iunivesete, talu ai lo latou fefefe nei
aafia a latou fanau i faiga faamonike. Na faapena ona pa’u maulalo
le numera o ē na ō atu i iunivesete atoa ma isi nofoaga o aoaoga. Na
faapena ona oo mai ai se tulaga pagatia i a’oga, ma ua faateleina ai
le valea ma le pogisa.
Na faae’e atu e le pope i nei patele le pule latou te faalogo ai
i le faaalia mai ia i latou o agasala a tagata, ma latou avatua ai le
faamagaloga. Na avea lea ma pogai o le tele o le amioleaga. O lo
latou naunau tele i le tamao’aiga ua nofo sauni ai nei patele latou te
faamagalo i soo se agasala, ma ua lolofi atu ai nei i ai soo se itu’aiga
o tagata fai amioleaga. O le mea na tupu mai ai o le vave faateleina
o amioleaga aupito matagā ma le masoā. O ē mama’i ma ē matitiva
na tia’i e puapuagatia ai pea i latou, a’o meaalofa sa tatau ona avatu
e fesoasoani atu ai i lo latou oi, ua alu uma nei i patele. Na faalālā
atu e patele ni mala ma ni faasalaga pe a le avatua e tagata meaalofa
ia i latou, ma sa latou muimui ma ta’u le amioleaga o ē na latou
le fia avatua meaalofa ia i latou. E ui lava sa latou ta’u soo mai lo
latou matitiva, na tuputupu atili a’e pea le tamao’aiga o nei patele.
O o latou fale tetele ma a latou mea taumafa taugatā, na manino atili
mai ai le tuputupu a’e pea o le mativa o le atunuu. A’o faapena ona
latou faaalu o o latou aso i le faamalieina o o latou loto i a latou
mea taugata, sa latou auina atu nisi e lei a’oa’oina, e fai ma o latou
sui latou te faia ni tala malie, tala faafagogo, ma tala faaulaula e
faafiafia ai tagata, ma atili ai lava ona laavaleaina atoatoa tagata auā
le lelei o patele. Peitai na tumau pea le malosi o le uumau a patele
i le motu o tagata, talu ai o latou talitonuga faanuupo. Na ta’ita’ia e
[63] patele tagata ina ia latou talitonu o le atoaga o le tiute faalelotu o le
tagata, e maua lea i lona ioe atu i le pule aoao a le pope, ma lona
tapua’i atu i sagato, ma le faia o meaalofa i patele, ma ua lava lea
latou te maua ai so latou nofoaga i le lagi.
E lei faamanuiaina taumafaiga a tagata popoto ina ia oo mai ai se
toe fuata’iga i nei vasega o patele. Peitai o le ma’ai o le mafaufau o
Uikilifi na ia tu’ia ai le aa ma le pogai tonu o lenei mala. Na ia faailoa
atu le leaga ma le sese o le mata’upu i a’oga faamonike, ma sa ia ta’u
atu e ao ona tapunia ma faasāina nei a’oga. Ua fāgua nei le agaga fiafesili, atoa ma le loto masalosalo i le toatele. A’o taamilo pea patele
Ioane Uikilifi
79
latou te faatauina i tupe le faamagaloga e le pope o agasala, na oo ifo
i le toatele le masalosalo, ma ua latou fesili ifo ai pe le tatau ea ona
latou sa’ilia le faamagaloga mai le Atua, ae le o le faamagaloga mai
le epikopo o Roma. Na foliga mai e leai se mea e gata ai le mana’o
ma le matape’ape’a o patele. Na tupu a’e ai i mafaufau o le toatele
ni fesili ma ni masalosaloga. Fai mai la latou tala: “Pei lava ona ’ai
o le tino o le tagata e le papala, ua faapena ona ’aia i tatou e monike
ma patele o Roma. A le lavea’iina i tatou e le Atua mai lenei mala,
o le a oo mai le faafanoga i tagata”. (D’Aubigne, bk. 17, ch. 7.) Na
taumafai ia patele aisi e ufiufi lo latou matape’ape’a e ala i lo latou
fai mai o lo o latou mulimuli i le faata’ita’iga a le Faaola. Fai mai
i latou na faapena foi ona lagolagoina Iesu ma Lona au soo e ala i
meaalofa a tagata. Na toe tuia ai lava i latou i lea faamatalaga, auā
ua avea lea ma mea ua sa’ili’ili ai loa tagata po o le a tonu le mea
ua fai mai ai le Tusi Paia. O le mea tonu lava lea e lei mana’o i ai
Roma. Lenei ua faasino atu nei mafaufau o tagata i le Puna o le upu
moni, le mea o lo o galue Roma ina ia natia mai tagata.
Na amatalia loa ona tusia ma faasalalauina e Uikilifi ni pepa e
tetee atu ai i patele. O le sini o nei tusitusiga e le ina ia amatalia ai
se finauga ma nei patele, ae ina ia ta’ita’ia atu ai mafaufau o tagata i
a’oa’oga a le Tusi Paia, faapea ma lona Tusitala. Na ta’u atu e Uikilifi
e leai se mea e sili atu ai le faamagaloga po o le faate’a a le pope,
nai lo isi patele e masani ai, ma e le mafai foi ona faate’aina soo se
tasi mai le ekalesia, pe afai na te lei faia se mea e ono faasalaina ai
o ia e le Atua. O le auala sili lenei ua faaaogaina e Uikilifi, e talepe
ai i lalo le malosiaga faaleagaga ma le malo faaletino na fausia e le
pope, se malo ua falepuipui ai nei le motu o tagata.
Na toe valaauina foi Uikilifi na te finau atu mo āiā tatau o le tupu
o Egelani, ina ia tetee atu ai i le sosolo malie mai o faiga a Roma. E
lua tausaga na ia galue ai o se sui o le malo Peretania i totonu o le
malo o Nevalani, ma sa ia fetaui ai i inā ma nisi o sui o le pope. Na
ia fetaui ai foi ma sui o le pope mai Farani, ma Italia, ma Sepania,
ma sa ia maua ai se avanoa na te vaai tino ai i nisi o mea semanū
e natia pea ia te ia i Egelani. E tele ni mea fou na ia vaai i ai, ma
sa aogā ia mea i lana galuega i tausaga na mulimuli mai. O nei sui
uma mai le taupulega a le pope, na vaai tino ai Uikilifi i uiga moni [64]
ma sini autū o le pulega faapope. Na atili ai lona ma’elega i lona
faasalalau atu o ana aoaoga, ina ua toe taliu atu o ia i Egelani. Na ia
80
O Le Finauga Tele
ta’u atu faalaua’itele e faapea, o atua o Roma o le matape’ape’a, ma
le faamaualuga, atoa ma le taufaasese.
O se tasi o pepa na ia tusia ma faasalalauina, na ia faia ai se
faamatalaga e uiga i le pope ma ana patele ao lafoga. Fai mai o ia,
“Ua latou to’esea atu mai lo tatou atunuu le ola o le au matitiva,
faapea ma le afe ma afe o tupe a le tupu i lea tausaga ma lea tausaga,
ona o a latou sakalameta ma mea faalelotu. O le mala taufaasese
le faatauina i tupe o tofiga o le ekalesia, ma ua faia faamalosia ai
atunuu Kerisiano uma ina ia latou talitonu ma lagolagoina lea lava
a’oa’oga sese. O se mea mautinoa lenei - tusa lava pe i ai se mauga
tele o lo tatou malo e tumu i le auro, ma e tusa foi pe leai se isi na te
ave’esea se mea mai lea mauga sei vagana ai le ao lafoga a le pope
faamaualuga, e i’u lava ina uma lelei ona ave’esea o lenei mauga
atoa e lea ao lafoga. Ua faifaipea lona ave’esea o le tamao’aiga mai
lo tatou laufanua, ae aunoa ma se mea na te faafoi mai, sei vagana ai
le faamalaia mai le Atua talu ai lona talia o tupe mo tofiga faalelotu”.
(John Lewis, History of the Life and Sufferings of John Wycliffe, p.
37.)
E lei umi ona toe taliu mai o Uikilifi i Egelani, ae tofia loa o ia e
le tupu e avea ma faife’au i le aai o Latauesi. Na avea lea tofiga ma
mea na mautinoa ai e Uikilifi e lei to’atama’i le tupu i ana upu ma
tusitusiga tuusasa’o. E oo i faagaioiga i le maota o le tupu, faapea ma
talitonuga o le malo atoa o Peretania, na aafia nei mea uma i manatu
ma tusitusiga a Uikilifi.
Sa le pine ae pāpā mai loa faititili o le to’asa faalepope ia te
ia. Na auina mai i Egelani ni faaaliga aloa’ia faapitoa se tolu mai
le pope. Na auina mai le tasi i le iunivesete, o le isi i le tupu, a’o
lona tolu i le vasega o epikopo. O nei faaaliga uma na faalele mai ai
faatonuga mamalu a le pope, ina ia faia loa lava ni faiga ma’oti ina
ia le toe faalogoina ai lava le leo o Uikilifi i totonu o Egelani. Peitai
a’o lei taunuu atu nei faaaliga aloa’ia e tolu, sa faatonuina Uikilifi e
le vasega o epikopo i se tusi samania, ina ia oo atu i o latou luma mo
sona faamasinoga. Peitai na faafeao atu Uikilifi i lenei faamasinoga e
ni alii sili se toalua e aupito sili ona faaaloalogia ma lauiloa i le malo
atoa. E le gata i lea o le lolofi atu i totonu o tagata na si’osi’omia le
fale, na fefefe ai le au faamasino a le pope, ma ua le faaauauina ai le
faamasinoga, a ua toe mafai ai ona alu ese atu Uikilifi i le filemu. O
se taimi mulimuli ane na maliu ai Eteuati le Tolu, le tupu o Peretania.
Ioane Uikilifi
81
O ia lea na taumafai le vasega o epikopo ina ia ’au ia i latou i la latou
tetee ia Uikilifi. Peitai o lona maliu na tuu atu ai loa le pulega o le
malo i le sui o le tupu. O le sui lea sa avea ma sulufa’iga o Uikilifi i
se vaitaimi ua mavae.
O le taunuu atu o faaaliga aloa’ia a le pope, ua avatu ai ia Egelani
atoa se faatonuga le ma’alofia, ina ia pu’e ma falepuipui le tagata ua [65]
latou faaigoa o le faia’oga o a’oa’oga sese. O le uiga moni lava o nei
faatonuga, o le oti o Uikilifi e ala i le susunuolaina o ia. Na foliga
mai ua mautinoa le pa’ū atu o Uikilifi i lima o epikopo ina ia oo i
ai le to’asa ma le tauimasui o Roma. Peitai o Le na fetalai atu i se
tasi o Ana auauna anamuā ma faapea atu, “Aua e te fefe: ...o A’u o
lou talita”, o Ia lava lea na aapa atu Lona aao mo le puipuiga o Lana
auauna. Na oo mai le oti. Peitai e le o le oti o Uikilifi le Failauga o
le galuega o le Toe Fuata’iga, a’o le oti o le pope o le na faia le faatonuga ina ia faaumatia le auauna a le Atua. Ua maliu nei Kelekolio
le Sefulutasi, ma ua faapena ona ta’ape’ape ai loa epikopo ma ta’ita’i
pope uma, o ē na potopoto mai mo le faamasinoga o Uikilifi.
Na pulea e le Atua mea tutupu na sosoo ai, ina ia maua ai le
avanoa e tuputupu a’e ai le galuega o le Toe Fuata’iga. Na sosoo le
maliu o Kelekolio le Sefulutasi ma le tutū mai loa o ni pope fe’aina’i
se toalua. Ua lua nei pule o le Ekalesia Roma. Ua fai mai nei le tasi
e leai sana agasala, ma e le mafai foi ona sese o ia. Peitai na faapena
foi le mau a le isi pope. Ua mana’omia nei e le tasi ina ia usitai atu
le ekalesia atoa ia te ia. Peitai na faapena foi le mau a le isi. Ua
taufai tāpāina nei e ia pope e toalua le au faamaoni o le ekalesia
mo se fesoasoani e fai ai le taua i le isi. Ua la taufai faalālā atu foi
faasalaga mata’utia, atoa ma le faate’aina ma le ekalesia, i soo se
tasi ua avea ma fili, ae na folafolaina atu ni taui i le lagi mo i latou
uma o ē mulimuli atu ma lagolagoina lana pule. E tele se faaitiitiga
o le pule faapope na oo i ai talu ai lenei fete’ena’iga. Na fa’aalu uma
le malosi o itu e lua latou te sa’ili’ili ai ni auala e osofa’ia ai e le tasi
le isi, ma ua faapena ona maua ai e Uikilifi se avanoa e filemu ma
mālōlō lelei ai. O faasalaga mata’utia, o le faate’aina ma le ekalesia,
atoa ma upu tautuua’i, o nei mea uma na faalele atu e le tasi pope i le
isi pope, ma sa tele na’ua le toto masaa talu ai le fe’aina’i o nei pope
e toalua. Ua lofia le ekalesia i le lolo o amioleaga ma faiga pi’opi’o.
A’o faia lenei taua, sa galue ma’elega pea lava Uikilifi i le toafilemu
o lona itumalo i Latauesi, ina ia liliu ese tagata mai le fete’ena’iga
82
O Le Finauga Tele
ma le finauga a pope e lua, ae faasino atu i latou ia Iesu le Alii o le
Filemu.
O lenei fete’ena’iga ma le vaeluaga o le ekalesia, faapea ma misa
ma mea faapi’opi’o uma na pogai mai ai, na saunia ai le ala mo le
galuega o le Toe Fuata’iga, e ala lea i le avatua i tagata o le avanoa
latou te pupula toto’a ai i le uiga moni lava o le pule’aga faapope. O
se tasi o pepa na tusia ma faasalalauina e Uikilifi na i ai le ulutala,
“O le Feteena’iga a Pope”. Na fesili atu ai Uikilifi i lea pepa pe le
moni ea upu ua tāutala atu ai nei ia pope, ina ua faaigoa e le tasi
le isi o le anetikeriso. Fai mai Uikilifi, “Ua le faatagaina e le Atua
le tiapolo e fai lana pule e ala i le pope e tasi, a ua Ia faia ina ia
toalua, ina ia faigofie ai i tagata ona latou manumalo ia i la’ua uma,
[66] e ala i le suafa o Keriso”. (R. Vaughan, Life and Opinions of John
de Wycliffe, vol. 2, p 6.)
Na tala’iina atu e Uikilifi le tala lelei i ē matitiva, e pei lava foi
ona faia e lona Matai. E lei malie Uikilifi i le faasalalauina atu o
le malamalama mo na o aiga o tagata i le aai o Latauesi. Na tonu
ia te ia e ao ona avatua lenei talalelei i itu uma o Egelani. O lea
na ia faapotopotoina mai ai se au tala’i, o ni tagata e le fāimanatu
ae faamaoni ma tāua ia i latou le upu moni, tagata e leai se mea e
sili atu ia i latou nai lo le faalauteleina o le talalelei. E leai se itu o
Egelani e lei oo i ai lenei au tala’i. Na latou a’oa’o atu i nofoaga e pei
o maketi, o luga o auala i aai tetele, faapea ma aai laiti i nuu i tua.
Na latou sa’ilia o ē mama’i, o ē toeaiina ma matutua, o ē matitiva,
ma ua latou tatala atu ia i latou le talalelei o le alofa tunoa o le Atua.
A’o faiaoga Uikilifi i mata’upu tau le Tusi Paia i le aoga maualuga
i Okisefoti, sa faapena ona ia tala’iina atu le afioga a le Atua i vaega
eseese ma potu a lea aoga. Na faaigoa o ia “o le porofesa o le talalelei” talu ai lona faamaoni i le tala’iina atu o le upu moni i tagata
aooga uma i ana vasega. Peitai o lana galuega na aupito tāua ma sili
ona manuia, o lona faaliliuga lea o le Tusi Paia i le gagana Peretania. O se tasi o pepa na ia tusia ma faasalalauina na ta’ua “O le Uiga
Moni o le Tusi Paia”. Na ia faailoa atu i lea pepa lana fuafuaga mo le
faaliliuga o le Tusi Paia, ina ia mafai ona faitau tagata uma i Egelani
i galuega mamana a le Atua, i la latou lava gagana.
Peitai sa faafuase’i ona faamutaina ana galuega. E ui lava e lei
atoa sona ono sefulu tausaga, o lona galue e aunoa ma se mālōlō,
o ana su’esu’ega, faatasi ai ma osofa’iga a ona fili, o nei mea uma
Ioane Uikilifi
83
ua vave alu atu ai lona malosi ma ua vave mai ai lona toeaina. Ua
osofa’ia nei o ia e se faama’i mata’utia. Peitai o le tala i le gasegase
o Uikilifi na oo atu ai se olioli tele i le vasega o patele ma epikopo.
Ua latou manatu nei o le a salamō Uikilifi i mea leaga ua ia faia i
le ekalesia, ma sa latou faavave atu loa i lona potu ma le manatu o
le a latou faalogologo a’o faaali mai e Uikilifi ia i latou ana agasala.
Na i ai uma i le potu ni sui o itu’aiga e fa, faatasi ai ma ni au sui se
to’afā mai le malo, ua latou si’osi’omia nei le ma’i ua latou manatu
ua toetoe lava oti. Ua latou fai atu loa ia Uikilifi, “Ua matou vaai
atu i le oti i ou laugutu. E ao ona e salamō nei nai ou sese, ma e toe
faafoi atu upu uma na e faia e faaleagaina ai matou.” Na faalogologo
pea Uikilifi e aunoa ma se tala. Ona ia fai atu loa lea i lana tausima’i
e faanofo atu ia i luga. Ona taula’i atu loa lea o lana vaai ia i latou
uma i le potu a’o latou faatalitali uma mo lana faato’esega, atoa ai
ma le faaali mai o lona sese. A’o latou faatali, sa ia tautala atu loa i
se leo malosi, le leo lava lea e tasi na masani ona latou matata’u ma
gatete ai. Na fai atu Uikilifi, “E toe malosi lo’u ma’i; ou te le oti”.
Ona sosoo ai lea ma le toe faalau uma atu ia i latou o amioleaga
uma a le vasega a patele. Sa le pine ae nimo ta’itoatasi atu i latou
mai le potu o Uikilifi, ua ō i lo latou ofo tele atoa ma le māsiasi”. [67]
(D’Aubigne, b. 17, ch. 7.)
Na faataunuuina upu a Uikilifi. Na toe faaolatia o ia na te tuuina
atu i lima o ona tagata le auupega aupito mata’utia i le taua ma Roma
- o le tuuina atu lea ia i latou o le Tusi Paia, le meafaigaluega ua tofia
e le Lagi e faasa’olotoina ma faamalamalamaina ai tagata. E faigata
ma tele faafitauli na faafeagai ma lenei galuega. Na atili mamafa
le galuega a Uikilifi ona o ona ma’i; na ia iloa foi ua le o toe tele
ni tausaga galue o totoe nei mo ia. Na ia manatu foi i le galuega
tetee a ta’ita’i pope e ao ona ia faafetauia. Peitai na faamalosia o ia
i folafolaga o le afioga a le Atua, ma sa ia tula’i ai ma savali atu e
aunoa ma se fefe. Ua toe atoatoa le malosi o lona mafaufau, ma ua
lava foi lona poto masani. Ua toe faaolatia ma ua saunia lelei o ia
e le Atua auā le galuega aupito tāua lenei o lona olaga. A’o vevesi
atunuu Kerisiano, sa faasaga atu Uikilifi ma lona loto atoa i le faiga
o lana galuega i lona fale i Latauesi, e aunoa ma sona popole i le afā
o lo o pesi i fafo.
Ona mae’a ai lea o le galuega - o le faato’ā faia lea o se faaliliuga
o le Tusi Paia i le gagana Peretania. Ua tatala atu nei le afioga a le
84
O Le Finauga Tele
Atua ia Egelani. Ua leai nei se mea e toe fefe ai le Failauga o le
galuega o le Toe Fuata’iga. Ua leai sona fefe i le falepuipui, po o le
fata e susunuola ai tagata. Ua ia tuu atu nei i lima o tagata Peretania
[68] le malamalama e le mafai ona toe tineia e se isi. O lona avatua o le
Tusi Paia i ona tagata, o lona faia lava lea o se mea ua sili atu lona
aogā mo Egelani nai lo ni taua se tele na manumalo ai lona atunuu.
Na avea le Tusi Paia o le auupega sili, e motusia ai filifili o le valea
ma le amioleaga, ma faasa’oloto ma faaeaina ai lona atunuu.
O se galuega fitā ma le faifai’umi le faiga o kopi o le Tusi Paia,
ona o le vaitaimi lea e le’i maua ni masini lomitusi. Peitai o le naunau
tele o tagata le Tusi na toatele ai i latou na ofo atu latou te galulue i le
tusiga o le Tusi Paia. Ae ui lava i lea, sa faigata i le aufaigaluega tusitusi ona latou faamalieina le mana’o o tagata. O nisi o le au maumea
na latou fia faataua le Tusi Paia atoa. O nisi na latou faataua na o
se vaega. O le tele o aso na galulue faatasi ai ni āiga se toatele ina
ia mafai ona latou maua le Tusi Paia atoa. Na faapena ona oo atu le
Tusi Paia a Uikilifi i aiga taitasi o tagata.
O le faia o a’oa’oga e faaaogaina ai le mafaufau, atoa ma le filifiliga a le tagata, o mea ia ua fagua a’e ai nei le toatele mai lo latou
usitai pogisa atu pea i a’oa’oga faapope. Ua amatalia loa e Uikilifi
ona faia o ni a’oa’oga e patino i tagata Porotesano, e pei o le faaolataga e ala i le faatuatua ia Keriso, ma le avea o le Tusi Paia o le
ta’iala e toatasi e leai sona sese. Na faasalalau e le au tala’i a Uikilifi
le Tusi Paia faatasi ma ana tusitusiga, ma sa vaaia le manuia tele o
lea galuega. Toetoe lava afa le faitau aofa’i o tagata Egelani na latou
talia lenei faatuatuaga fou.
O le taunuu mai o le Tusi Paia na oo ai le atuatuvale i ta’ita’i o le
ekalesia. O le a latou tauivi nei ma se meafaigaluega e sili atu lona
malosi nai lo Uikilifi, se meafaigaluega e le aoga i ai le tele o a latou
auupega. E lei i ai se tulafono i lea vaitaimi i Egelani, e faasāina ai le
Tusi Paia, auā o le faato’a faasalalauina lea o le Tusi Paia i le gagana
a tagata. Na mulimuli ane ona faia lea o ni tulafono faapea. Peitai a’o
lei faia ia tulafono, sa avea lea taimi o se avanoa lelei e faasalalau
atu ai le afioga a le Atua, e ui lava sa tele taumafaiga a patele ina ia
taofia ai le salalau atu o le Tusi Paia.
Ua toe taupulepule nei foi ta’ita’i pope ina ia tapunia e faavavau
le leo o Uikilifi. Na poloa’iina faatolu o ia ina ia oo atu mo lona faamasinoga i luma o ni tauaofiaga se tolu. O le faamasinoga muamua
Ioane Uikilifi
85
na faia i luma o se sinoti o epikopo, ma sa faia la latou faaiuga e
faapea o tusitusiga uma a Uikilifi o ni a’oa’oga sese. E le gata i lea
ua latou aumaia le tupu talavou o Risati le Lua i lo latou itu, ma ua
latou maua ai mai le tupu se poloa’iga ina ia falepuipui soo se tasi e
talitonu i nei a’oa’oga ua faasāina.
Na talosaga Uikilifi ina ia toe iloiloina e le Palemene le faai’uga
a le sinoti. Na ia tu atu e aunoa ma se fefe ma folafola atu agasala
ma amioletonu a le ekalesia i luma o le fono a le malo, ma sa ia
ta’u atu ma le le fefe e ao ona i ai se faafouga ona o le tele o le
amioletonu o lo o faia ma faatagaina e le ekalesia. Na malosi ma
manino lona faamatalaina atu o le fiapule ma le tele o le amioletonu
ma le amioleaga o lo o faia i le pule’aga faapope. Ua fenumia’i nei [69]
ona fili. Peitai o uō ma ē na lagolagoina Uikilifi ua faia faamalosi
nei ina ia latou foi atu i le itu a le ekalesia. Sa i ai le manatu lautele e
faapea o le a faato’ese nei Uikilifi talu ai ona ua tutu faatasi mai nei
le tupu ma sui o le pope, ma ua toeaina foi le faia’oga, ma ua leai ni
ana uo po o nisi latou te lagolagoina o ia. Ae peitai o le mea na oo i
ai, e le o le faato’ese o Uikilifi, a’o le faatoilaloina o ’au a le pope.
Na faia e le Palemene se faai’uga, ina ua mae’a faamatalaga manino
ma olega a Uikilifi, ina ia sōloia le poloa’iga na faia e le sinoti, ma
ua faapena ona toe sa’oloto ai le Failauga o le Toe Fuata’iga.
O lona tolu o faamasinoga na avatu ai Uikilifi i luma o le faamasinoga aupito maualuga a le ekalesia i totonu o le malo o Peretania. E leai se alofa e faailoa e lenei faamasinoga i soo se tasi na
te a’oa’oina nisi mea e ese ai nai a’oa’oga a le ekalesia. Na manatu
ta’ita’i pope ua mautinoa le manumalo o Roma i inei, ma o le a muta
ai foi ma le galuega a Uikilifi. Afai ae manuia a latou taumafaiga,
e lua lava mea e ono oo ia Uikilifi. A le o le tautō e le toe foi i ana
aoaoga, o le susunuolaina loa o ia pe a tula’i le faamasinoga.
Peitai e lei toe liliu ese Uikilifi mai se tasi o ana aoaoga. Na te
lei taunanāina foi sona lagona e uiga i nei aoaoga. Na ia tu atu ma
le le fefe e finau atu mo ana aoaoga, ma faasa’o atu mea ua molia
sese ai o ia e ona fili sauā. E lei toe manatua e Uikilifi ia lava, po o
lona tulaga, po o le faamasinoga ua ia tu ai nei. Peitai ua ia faatepa
ma avatua le aofia i luma o le faaasinoga a le lagi, ma ua ia tuua
nei a latou finauga taufaasese i luga o le fua faatautau o le upu moni
e faavavau. Na lagona i loto ma tino le faatasi atu o le mana o le
Agaga Paia i lena potu faamasino. Na oo ifo i le aofia uma le mana o
86
O Le Finauga Tele
le Atua, ma e peiseai ua le maua so latou malosi latou te tu’ua ai le
potu faamasino. Na tuia o latou loto i upu a le faia’oga, e peiseai ua
ati atu i ai le mata o le pelu a le Alii. Ua toe faafoi atu lava e Uikilifi
i o latou luga, le moliga na latou molia ai o ia i le faia o a’oa’oga
sese. Na ia fesili atu ma le leo tele pe faapefea ona latou maua le
lototele latou te tala’ia ai pea a latou a’oa’oga sese. Ona o le oa ma
le tamao’aiga? Ma faatau ai i tupe le alofa tunoa o le Atua?
“O ai tou te manatu o lo o tou finau nei i ai? O se toeaina ea ua
toeitiiti o’o i le tuugamau? E leai. O lo o tou finau nei ma le Upu
moni - le Upu moni lea e sili atu lona malosi ia te outou, ma o le
a manumalo foi ia te outou”. (Wylie, b. 2, ch. 13.) Ua mae’a atu ia
upu, ona savali ese loa lea o Uikilifi mai le potu faamasino, ma e
aunoa lava ma se isi o ona fili na taumafai e taofi mai o ia.
Ua toetoe lava mae’a le galuega a Uikilifi. Ua lata mai le aso e
pa’u ese atu ai mai lona lima le fu’a o le upu moni ua leva ona ia
tau’aveina. Peitai na mana’omia lona molimau atu mo le upu moni
mo se toe taimi mulimuli lava. O luga lava o ’olo o le malo o le
pepelo o le a folafolaina mai ai le upu moni. Na maua se tusi samania
[70] o Uikilifi e tu atu ai mo lona faamasinoga i luma o le faamasinoga a
le pope i totonu o le aai o Roma. O Roma lava lenei na ia faamaligi
soo le toto o le au paia. E lei tauaso Uikilifi i le mala ma le puapuaga
ua taatia mai nei i le ala mo ia. Peitai semanū lava e alu o ia i Roma
pe ana le faata’otolia o ia i le ma’i o le supa po o le tino pepe, ma ua
le mafai ai ona faataunuuina lea malaga i Roma. Ae ui lava o le a le
faalogoina lona leo i Roma, e mafai lava ona ia tautala atu e ala i se
tusi, ma sa tonu loa ia te ia o le mea lava lea o le a ia faia. Na ia tusia
loa se tusi i le pope mai lona ofisa i Latauesi. O lea tusi na faaali atu
ai lona āva ma lona faaaloalo, o se tusi na faia i le agaga Kerisiano.
Peitai o se a’oa’iga lava lea o le faamaualuga ma le naunau mamalu
o le pope, atoa ma le oa tele ma le tamao’aiga o lo o si’osi’omia ai
o ia.
O upu nei o le tusi a Uikilifi i le pope. “Ua ia te a’u se fiafiaga tele
ou te faailoa faalaua’itele atu ai i tagata uma, ae maise le epikopo
o Roma, le talitonuga ua ia te a’u. Ua ou lagona le sa’o ma le tonu
o lea talitonuga; ma, ia faailoa mai e le pope ia te a’u pe afai na te
lagolagoina le sa’o ma le tonu o o’u talitonuga. Ae afai foi ua sese
lo’u talitonuga, ou te talosagaina le pope na te faailoa mai ma faasa’o
mai se mea ua ou sese ai.
Ioane Uikilifi
87
“O le mea muamua, ou te talitonu o le talalelei a Keriso o le
tulafono atoa lava lea a le Atua. ...Talu ai ona ua avea le pope o le
sui o Keriso i lalo nei, o lea ou te manatu ai e ao ona sili atu le tausi
tulafono o le pope nai lo isi tagata uma. O le faaeaina o soo o Keriso,
e lei faalagolago lea i ni mamalu faalelalolagi po o ni viiga, ae na
faalagolago i lo latou savavali, atoa ma lo latou ola ina ia foliga i le
amio ma le soifuaga o Keriso. Na aupito sili ona mativa Keriso a’o
soifua o Ia i le lalolagi. Na Ia inoino ma fulitua i mamalu ma le pule
faalelalolagi. ...
“E le tatau i soo se tasi ona mulimuli atu i le pope, po o se isi
tagata paia, sei vagana ua mulimuli atu ma le faamaoni ia tagata i
le Alii o Iesu Keriso. E i ai le aso na agasala ai Peteru faapea ma
Iakopo ma Ioane, ina ua latou naunau atu i le mamalu faalelalolagi,
o se mea e le talafeagai ma le mulimuli tonu i tulaga aao o Keriso.
Ma o le mea lea e le tatau ai ona mulimuli atu ma le atoatoa se isi i
se tasi o nei ta’ita’i...
“E ao i le pope ona tuu atu pulega uma faalelalolagi i ē o i ai
le pule faalemālō, ma e ao foi ona ia faamanino atu lenei mata’upu
i le vasega atoa o epikopo, ma patele ma katinale, auā na faia lava
faapea e Keriso, ae maise foi le au aposetolo. Afai ua ou sese i se
tasi o nei mea uma, ou te augofie lava i le tuuina atu o a’u mo le
faasalaga, tusa lava po o le oti, pe afai e tatau ai. Ana mafai ona ou
galue e tusa ai ma lo’u lava loto ma o’u mana’oga, semanū e leai se
faaletonu o lo’u oo atu i luma o le epikopo o Roma. Peitai ua ese le
finagalo ua asiasi mai ai le Alii ia te a’u, ma ua Ia a’oa’o mai, ina ia
ou anaana i le Atua ae le o tagata”.
Na faai’u faapenei lana tusi: “Tatou tatalo ina ia faagaeetia e le
Atua lo tatou Pope Erepani le Ono i le amataga o lana nofoa’iga, ina
ia mulimuli atu o ia faatasi ma lana vasega o epikopo ma katinale,
i le Alii o Iesu Keriso, i o latou olaga ma amio. E le gata i lea, ina [71]
ia latou a’oa’o atu faalelei tagata, ina ia faapena foi ona mulimuli ai
ma le faamaoni i latou”. (John Foxe, Acts and Monuments, vol. 3,
pp. 49, 50.)
Na faapena ona folasia atu e Uikilifi i luma o le pope ma ana
katinale le agamalu ma le loto maulalo o Keriso, ina ia faailoa atu ai
ia i latou faapea atunuu Kerisiano uma, le ese’esega tele o i latou ma
Keriso, o Le ua latou fai mai ua avea i latou o Ona sui i le lalolagi.
88
O Le Finauga Tele
Na i ai le talitonuga atoatoa o Uikilifi o le a faaoo ia te ia le oti
talu ai lona tūtūmau i le faamaoni ma lona tautala sa’o. Na galulue
faatasi le pope ma le tupu o Peretania, faapea ma epikopo, ina ia
faataunuuina lona i’uga, ma e foliga mai ua toe lava o ni nai masina
ona oo lea o ia i lona oti i le fata e susunuolaina ai o ia. Peitai e lei
maluelue ai lona faatuatua. Na fai lana tala ia te ia lava e faapea, “O
le a le mea e te tautala soo ai i le sa’iliga o le pale o le oti faamaturo
e lei tāitai ona oo mai? Tala’i le tala lelei ia Keriso i katinale ma
epikopo faasausili, ona le taumatea lea o lou oti faamaturo. E a? Tau
ona nofo ma filemu? E leai, leai lava! Tuu le oti e sau, o lea ua ou
sauni atu i ai”. (D’Aubigne, b. 17, ch. 8.)
Ae ui i lea na puipuia pea e le aao o le Atua Lana auauna. E ui
lava na tuliloaina o ia e le oti i aso uma o lona olaga, talu ai lona tu
atu ma le le fefe e finau mo le upu moni, e le oo ia te ia le oti i lima
o ona fili. E lei taumafai Uikilifi e lafi mai le oti, peitai na avea le
Alii ma ona lafitaga. Ua oo nei la i le taimi ua manatu ai ona fili ua
i ai o ia i o latou lima; peitai, o le taimi lava lea na aveesea ai loa
o ia e le Atua, ina ia le mafai ona toe pa’i atu i ai se tasi o i latou.
A’o faia e ia le sauniga o le faamanatuga i lana ekalesia i Latauesi,
sa faafuase’i ona pa’ū ifo o ia ona o le tinopepp, ma e lei toe umi se
taimi ae i’u ai loa lona soifua.
Na tofia e le Atua Uikilifi i lana galuega. Na Ia tuuina foi i lona
gutu le upu moni, ma Ia leoleoina o Ia ina ia mafai ona oo atu lenei
upu moni i tagata. Na puipuia lona ola, ma faa’umi’umiina lana
galuega, sei oo ai lava ina ua taatia se faavae mautū mo le galuega
tele o le Toe Fuata’iga.
Na tupu a’e Uikilifi i le vaitaimi o Augatupulaga o le Pogisa. E lei
i ai se isi na muamua atu ia te ia e mafai ona faatonutonu atu i ai lana
galuega o le faafouga. Na fanau mai o ia pei o Ioane le Papatiso, mo
se galuega faapitoa, ma sa avea ai o ia o le sāvali o se augatupulaga
fou. Peitai na manino ma atoatoa le vaavaa o le fe’au o le upu moni
na folafola atu e Uikilifi. E lei sili a’e le galuega a isi ta’ita’i nai lo
le galuega na faavaeina e Uikilifi. E oo lava foi i ta’ita’i na mulimuli
mai o le galuega o le Toe Fuata’iga, e i ai nisi o i latou e lei oo le
tapulaa o la latou galuega i le maualuga ma le atoatoa na oo i ai le
galuega a Uikilifi. Na faapena le lautele ma le loloto o le faavae na
ia faataatia, na faapena le tumau ma le mausali o le vaavaa, ma ua
Ioane Uikilifi
89
le toe tagofia ai lenei faavae e i latou uma o ē na mulimuli mai ia te
ia.
Na avea le Tusi Paia o le puna ma le ogatotonu o le galuega tele
na amatalia e Uikilifi, le galuega lea na faataatia ina ia faasa’olotoina [72]
ai le loto fuatiaifo ma le mafaufau, ma faasa’olotoina ai atunuu ua
leva ona i lalo ifo o le pule a Roma. Na avea le Tusi Paia o le puna
na tafe mai ai faamanuiaga, e pei o le tafe mai o le vai o le ola, talu
mai lava lona sefulu ma le fa o senituri. Na talia e Uikilifi le Tusi
Paia, ona o lona talitonuga o le faaaliga paia lava lea o le finagalo
o le Atua, ma ua lava lea e avea ma tapulaa e tasi o le olaga o le
tagata, atoa ma ona talitonuga uma. Na a’oa’oina o ia ina ia talitonu
o le Ekalesia Roma o le pule le sese lava lea a le lagi, ma e ao foi
ona talia i le āva ma le mata’u a’oa’oga uma a le ekalesia, faapea ma
ana tu ma uputuu ua silia i le afe tausaga. Peitai na ia liliu’ese mai
nei mea uma ona o lona fia faalogo i le afioga a le Atua. O le upu
moni lea na ia lulu’i atu i tagata ina ia latou talia. E le o le tautala
mai o le ekalesia e ala i le pope, a’o le si’ufofoga o le Atua e ala i
lana afioga, ua na o lea le pule ma le faavae moni e tasi. Na ia a’oa’o
atu ua na o le Tusi Paia lava le faaaliga atoatoa e tasi o le finagalo
o le Atua. Na ia a’oa’o atu foi o le Agaga Paia ua na o Ia lea e tasi
Na te faamatalaina mai le Tusi Paia. E le gata i lea, na ia a’oa’o atu
foi e ao i tagata ona latou su’esu’e taitoatasi i le Tusi Paia ina ia iloa
ai e le tagata lona lava tiute, atoa ma le ala e ao ona ia savali ai. Na
faapena ona ia liliu’eseina mafaufau o tagata mai le pope, ae faasino
atu i latou i le afioga a le Atua.
O Uikilifi o se tasi o ta’ita’i aupito maoa’e o le galuega o le Toe
Fuata’iga. E lei toatele nisi na tutusa ma ia i augatupulaga uma na
mulimuli mai. Na tulaga’ese o ia i le lautele o lona mafaufau ma
lona poto, i le manino o ona manatu, i lona tumau faamaoni i le upu
moni, atoa ma lona le fefe e tula’i atu e finau mo le upu moni. O
uiga o lenei mua’au o le galuega o le Toe Fuata’iga, e aofia ai lona
olaga mamā, lona filigā i lana galuega ma le su’esu’eina o le afioga
a le Atua, lona le avea o tupe po o se tasi lava mea e faamaluelueina
ai lona faamaoni, faapea ma lona alofa faaKerisiano ma lona tumau
faamaoni i lana galuega. Na ia te ia nei uiga uma, e ui lava sa tupu
a’e o ia i se vaitaimi o le pogisa faaleagaga, atoa ma le pogisa i mea
tau aoaoga.
90
O Le Finauga Tele
Na avea le amio a Uikilifi o se molimau i le mana o le Tusi Paia e
mafai ona a’oa’oina ma faafouina ai le tagata. O le Tusi Paia na avea
ma puna o lona poto ma le faavae o lona olaga atoa. O le vilivilita’i
o le tagata ina ia malamalama ma manino lelei i upu moni tetele o le
afioga a le Atua, o ia lava taumafaiga e maua ai e lona mafaufau se
ola ma se malosi fou. O ia su’esu’ega i le afioga a le Atua e loloto ai
manatunatuga, e ma’ai ai le mafaufau, ma tonu ai faamasinoga ma
filifiliga a le tagata. E leai nisi su’esu’ega e tutusa ma le Tusi Paia i
lona mana e faalauteleina ai le mafaufau, ma maua ai uiga tausaafia
ma le amio faatamalii. O le agaga sogasogā ina ia malamalama i le
Tusi Paia, e puna mai ai uiga lelei e pei o le tūtūmau i le faamoemoe,
o le onosai, lototele ma le agaga le fefe; e ave’esea ai foi mea o pōnā
[73] ai le amio, ma faapaiaina ai le agaga. O le su’esu’e atu i le Tusi Paia i
le agaga naunauta’i ma le āva, o le a maua ai se fesoota’iga tuusa’o o
le mafaufau o le tagata ma le finagalo o le Silisili Ese. O le a maua ai
foi i le su’esu’ega o le Tusi Paia le ma’ai ma le matala o le mafaufau,
faapea le poto ma le atamai e sili atu i lo ni mea lelei e ono maua mai
a’oa’oga ma filosofia faaletagata. Fai mai le na tusia le salamo, “O
le faaali mai o au afioga e faamalamalamaina ai; e faalotomatalaina
ai ē ua faigofie”. Salamo 119:130.
Na salalau pea mo se vaitaimi a’oa’oga na faia e Uikilifi. O ona
soo na faaigoa o le au Uikilifi po o le au Lolati. Na feoa’i solo nei
tagata ma faasalalau atu le talalelei e le gata i Egelani atoa, ae faapea
foi i isi atunuu.O le maliu o lo latou ta’ita’i na atili ai le faateteleina
o lo latou tinoū ma lo latou ma’elega, ma e afe ma afe na lolofi atu
i le fia faalogo i a latou lauga ma a latou sauniga. O ē na liua atu i
la latou tala’iga na aofia ai nisi o tamalii o le malo, ae maise ai le
masiofo a le tupu. Na matuā iloga se suiga na oo ifo i amioga ma
uiga o le toatele, ma ua ave’esea foi mai le tele o falesa faatagata
faa-Roma, o faatusa lava ia o lona ifo i tupua. Peitai sa le pine ae
pesi mai loa le afā o sauaga ia i latou o ē na le fefefe ma latou talia le
Tusi Paia e avea ma o latou ta’iala. O le naunau tele o tupu o le malo
Peretania ina ia faateleina lo latou malosi faatupu, na taula’i atu ai
la latou vaai i le fesoasoani a Roma, ma ua latou le popole ai foi i lo
latou sauaina o ē na tala’ia le galuega o le Toe Fuata’iga. O le taimi
tonu lea na faato’ā faia ai se poloa’iga i le tala’aga atoa o Egelani,
ina ia susunuolaina i luga o fata i latou uma o ē na tala’ia le talalelei.
Na faalausosoo le faasologa mai o le toatele mo le oti faamaturo. Ua
Ioane Uikilifi
91
ola saisaitia nei ma sauaina le fanau a le Atua, ma ua leai sa latou
mea e mafai, sei vagana ai lo latou tagi atu i le faafofoga’aga a le
lagi. E ui lava sa tuliloaina i latou ona ua avea o fili o le ekalesia,
ma faaigoa o ē ua faalata i lo latou atunuu, sa faaauau pea ona latou
tala’i atu o le upu moni i nofoaga lilo, ma maua ai so latou lafitaga i
fale faatauvaa o tagata matitiva, po o lo latou lalafi solo foi i lua ma
ana i le eleele.
E ui lava i le mamafa o sauaga, sa faia lava pea i se agaga filemu
ma le onosa’i, mo le tele o senituri, sa latou tetee i amioga le tonu
e tele na tumu ai le ekalesia. E ui lava e lei atoatoa le malamalama
o lenei au Kerisiano i le upu moni, na tāua ia i latou le upu moni,
ma sa i ai lo latou faanaunauga loloto ina ia latou usitai i le afioga a
le Atua, ma o lea na latou onosa’i ai i le tiga o sauaga. Pei lava ona
faia e le au soo i ona po o le au aposetolo, na faapena foi ona fulitua
o le toatele i a latou mea totino o le olaga nei, ona o le galuega a
Keriso. O ē na faatagaina latou te nonofo pea i o latou aiga, na latou
tuuina atu ma le fiafia o latou fale e avea ma lafitaga o o latou uso ua
faate’aina ma tuliloaina. Peitai ina ua tuliloaina foi i latou, sa latou
talia ma le fiafia le ola maumausolo e aunoa ma ni āiga. E moni e afe
ma afe na latou fulitua i lo latou faatuatua ona o lo latou fia sa’oloto,
atoa ma lo latou fefefe i le malosi o sauaga. O i latou ia na latou [74]
tuua le falepuipui ua oofu i ofu o ē ua salamō, ma ua latou feoa’i e
faasalalau atu ua latou fulitua i lo latou talitonuga. Peitai e toatele
latou, e aofia ai ma nisi o alo o tamalii, o ē na molimau atu ma le
le fefe mo le upu moni. Na faapea ona latou molimau atu i totonu
o ana mālūlū, i falepuipui na ta’ua o falepuipui o le au Lolati, na
faapea foi ona latou molimau atu i le tele o sauaga, faapea ma le afi
na susunuolaina ai i latou. Peitai na latou olioli ona ua faitauina i
latou o nisi e mafai ona tofo i le mafutaga o Ona puapuaga.
Na i’uvale faiga a ta’ita’i pope latou te faaoo ai le oti ia Uikilifi
i aso o lona soifuaga. Ma e lei faamalieina i latou e ui lava ua ta’oto
filemu nei lona tino i le tuugamau. E sili atu i le fasefulu tausaga
talu ona maliu Uikilifi, ae faia loa se poloa’iga a le Fono sili a le
ekalesia na faia i Konesetane, ma o lea poloa’iga na toe eli a’e ai
ona ponaivi ma susunu ai faalaua’itele, ma lafo atu ai lona lefulefu
i se vaitafe itiiti na latalata ane. Fai mai se tasi o tusitala, “Na avatu
e lenei vaitafe itiiti lefulefu o Uikilifi ma sasaa atu ai i le vaitafe o
le Eivone, ona avatu lea e le Eivone ma sasaa atu i le vaitafe tele o
92
O Le Finauga Tele
le Sevena, ma faapena ona faasalalauina atu ai e le Sevena i le vasa
tele ma le moana sausau. Na faapena ona avea o lefulefu o Uikilifi
ma faatusa o ana a’oa’oga ua faasalalauina atu nei i le lalolagi atoa.”
E lei manatunatu ona fili i le uiga loloto o le mealeaga ua latou faia.
(T Fuller, Church History of Britain, b. 4, sec. 2, para. 54.)
O tusitusiga a Uikilifi na faapogai ai le fulitua o Ioane Hasi mai
le atunuu o Pouimia, i a’oa’oga sese a le Ekalesia Roma, ma amatalia
ai lona galue i le galuega o le Toe Fuata’iga. Na faapena ona lūlūina
le fatu o le upu moni i nei atunuu e lua, e ui lava ina vāvāmamao.
Na salalau atu le galuega mai Pouimia i isi atunuu. Na faapena ona
faasino atu mafaufau o tagata i le afioga a le Atua ua leva ona faagaloina. Ma sa faapena ona faalauleleia e le aao o le Atua le ala mo
[75] le galuega tele o le Toe Fuata’iga.
Mataupu 6—O Hasi Ma Ierome
Olona iva o senituri na taunuu ai le talalelei i Pouimia. Na faaliliuina le Tusi Paia, ma sa faia foi tapua’iga faitele i le gagana lava a
tagata o le nuu. Peitai, a’o tuputupu a’e pea le malosi faalepope,
sa faapena foi ona faateleina o mea na tineia ai le leo o le afioga
a le Atua. Na manatu le pope o Kelekolio le Fitu,e tatau ona ia
faamaulaloina o le loto fefete o tupu. Peitai na ia manatu foi ina
ia faapologaina loto o le lautele o tagata. O lea na ia faia ai se
poloa’iga e faasāina ai le toe faia o tapuaiga faitele i le gagana lava a
tagata Pouimia latou. Fai mai le folafolaga a lenei pope: “O se mea
matagofie i le Silisili Ese le tapua’i atu o tagata ia te Ia i se gagana
ese latou te le malamalama ai”. (Wylie, b. 3, ch. 1.) Na faapena ona
faia e Roma le poloa’iga ina ia tapēina ai le malamalama o le afioga
a le Atua, a ia tia’i ai tagata i le pogisa. Ae peitai, na saunia e le Lagi
nisi auala ina ia le mafai ai ona mate le lamepa o Lana afioga i totonu
o Lana ekalesia. E toatele tagata Ualetenese ma tagata Alapikenesi
na tuua o latou aiga ma nuu i Farani ma Italia ona o sauaga, ae sosola
ese atu i Pouimia. O lo latou fefefe i tulafono faalemalo na le faia ai
ni a latou a’oga po o ni sauniga faitele i totonu o Pouimia. Peitai na
latou galulue ma le filigā, e ui lava na faia faalilolilo la latou galuega.
Na faapena ona faaolaolaina pea le talitonuga moni mo le selau ma
selau o tausaga.
A’o lei oo i ona po o Hasi, sa i ai tagata i Pouimia o ē na tula’i
ma faailoa atu faalaua’itele le amioleaga o tagata, atoa ma le leaga
ua oo i ai le ekalesia. Na faaosofia le agaga fiailoa o le toatele talu
ai le galuega a nei tagata. Peitai na oso ai foi ma le popole o ta’ita’i
o le ekalesia, ma sa le pine ae sasao a’e loa sauaga na faia i soo o
le talalelei. Na latou sosola i le vaomatua ma mauga e fai ai a latou
tapua’iga. Peitai na tuliloaina i latou e fitafita, ma e toatele na fasiotia
ai. Ua mavae se vaitaimi ona faia lea o se poloa’iga ina ia susunuolaina i latou uma o ē tuua le ekalesia Roma. Peitai, e ui lava ina sa
tuu atu o latou ola e maliliu ai ona o lo latou talitonuga, sa taula’i atu
la latou vaai i le manumalo o la latou galuega i le lumana’i. Na latou
93
94
O Le Finauga Tele
a’oa’o atu ua na o le faatuatua i le Faaola, o Le na faasatauroina, ua
na o lea le ala e maua ai le faaolataga. Na faia se faamatalaga a se
tasi o i latou nei i le aso o lona maliu. Fai mai o ia, “Ua manumalo
[76] mai nei ia i matou le malosi o le fili o le upu moni; peitai o le a le
tumau e faavavau lea tulaga. E i ai se tasi o le a tula’i mai o tagata
faatauvaa, ma e ui lava o le a tula’i mai o ia e aunoa ma se pule po
o se pelu, o le a le manumalo i ai au a le fili ia te ia”. (Ibid., b. 3 ch.
1.) Sa mamao pea lava i le lumana’i le vaitaimi o Luteru; peitai ua
amata tula’i a’e nei se tasi o le a na lūlūini malo, talu ai lana tetee ia
Roma.
O se aiga matitiva na fanau mai i ai Ioane Hasi, ma sa maliu si
ona tamā a’o itiiti lava o ia. Na talitonu lona tina e leai se isi mea
e sili atu i lo le a’oa’oina lelei o si ana tama, atoa ma lona maua o
le mata’u i le Atua; ma O le mea lea na ia taumafai ai loa ina ia
maua lenei tofi mo lana tama. Na a’oga Hasi i se a’oga faaitumalo,
ona maua lea e ia se avanoa e a’oga fua ai o ia i le iunivesete i le
aai tele o Paraka, le laumua o Pouimia. E ui lava ile mativa ma le le
tagolima o si ona tinā, na alu lava lenei tina e momoli si ana tama
i le iunivesete. E leai sona tamao’aiga faalelalolagi e mafai ai ona
ia faataua ni meaalofa e tuu atu i si ana tama. Peitai a’o la taulalata
atu i le aai o Paraka, sa tootuli ifo lenei tina i tafatafa o si ana tama,
ma talosagaina le faamanuiaga a lo la Tamā i le lagi, ina ia faatasi
ma lenei tama ua leai sona tamā. Sa matuā mamao ma mafaufauga
o lenei tinā le auala o le a ui mai ai le tali o lana tatalo.
E lei umi ae tulaga iloga Hasi i totonu o le iunivesete ona o lona
filigā, atoa ma le saosaoa o lona aga’i i luma. E le gata i lea ae sa
lauiloa foi ma ta’uleleia o ia talu ai lona agamalu ma lona olaga
le mata’uleagaina. Sa piimau atu ma le faamaoni Hasi i le Ekalesia
Roma, ma sa ia sa’ili’ili ma le faamaoni mo faamanuiaga faaleagaga,
e pei ona ta’u mai e mafai ona maua mai le ekalesia. I le faamanatuina o le 50 tausaga na ia alu ai i le kofesio ina ia faaali atu ai ana
agasala. O sina tupe itiiti lava na ia maua i lona mativa na ia togia
mo le kofesio, ona ia tu loa lea i le solo ina ia maua o ia i le o ia
i le faamagaloga ua folafolaina mai. Na ulufale atu o ia i le a’oga
faapatele ina ua i’u ana a’oga i le iunivesete, ma o le saosaoa o lona
alualu i luma na le umi ai loa ae faaeaina o ia e avea o se faufautua
i le tupu o le malo o Pouimia. E le gata i lea sa tofia foi o ia e avea
ma faia’oga i le Iunivesete o Paraka. Ua mavae se vaitaimi ona tofia
O Hasi Ma Ierome
95
ai lea o ia e avea ma ulu o lea lava iunivesete. Ua na o se vaitaimi
puupuu lava ua suia ai lenei taule’ale’a mativa e avea ma mitamitaga
o lona atunuu, ma ua lauiloa ai lona igoa i nuu uma o Europa.
Peitai e le o le iunivesete na amatalia ai e Hasi lana galuega mo
le toe fuata’iga. Tusa po o le tolu pe fa tausaga talu ona avea Hasi ma
patele, ae tofia loa o ia e avea ma failauga i le sunako o Peteleema. Na
faamamafaina e le na faavaeina lenei sunako le tāua tele o le a’oa’o
atu o le Tusi Paia i le gagana lava a tagata Pouimia. E ui lava i le tetee
o Roma i le faaaogaina o le gagana a tagata Pouimia e a’oa’o atu ai le
Tusi Paia, ae lei taofia atoatoa ai lenei taumafaiga. Ae ui lava i lea, sa
mafiafia na’ua le pogisa o le toatele i mea tau Tusi Paia, ma sa lautele
ma faasolo’atoa le salalau o le amioleaga i soo se vasega o tagata o
le atunuu o Pouimia. Sa le ’alo le leo o Hasi i lona ta’uina atu o le [77]
pa’ū maulalo ma le amioleaga ua oo i ai ona tagata. Sa ia faaaoga le
afioga a le Atua e lagolagoina ai mata’upu uma o le talalelei na ia
a’oa’o atu.
O Ierome o se tasi o tamafanau a le aai o Paraka. Na galulue
faatasi Hasi ma Ierome ina ua toe taliu atu Ierome i Paraka mai
le atunuu o Egelani. Na foi atu Ierome i Paraka ma ni tusi o tusitusiga a Uikilifi. O le masiofo a le tupu o Egelani, le masiofo lea na
liua i a’oa’oga a Uikilifi, o ia lava o se purinisese mai le atunuu o
Pouimia. Ma o lona tulaga faaeaina i Egelani na faafaigofie ai ona
faasalalauina tusitusiga a Uikilifi i totonu o lona atunuu i Pouimia.
Na faitau ma le fiafia e Hasi nei tusitusiga uma, ma sa ia talitonu o
se Kerisiano faamaoni le tagata na tusia nei mea uma, ma sa ioe o ia
i a’oa’oga uma o le faafouga e pei ona una’iina ma faamalosia i nei
tusitusiga. E ui lava e lei iloa e Hasi le ala ua ia oo nei i ai, ua tu nei
o ia i se ala o le a ta’ita’i mamao ese atu ai o ia mai le lotoā a Roma.
O le vaitaimi tonu lea na taunuu atu ai i Paraka ni tagata se toalua
mai Egelani. O i la’ua o ni tagata a’oa’oina, ua la talia le malamalama, ma ua la o mai nei ina ia faasalalauina le malamalama i
totonu o lenei nuu mamao. Na amataina la la galuega e ala i lo la
osofa’ia o le pule sili a le pope, ma sa le pine ae taofia loa i la’ua e
ta’ita’i o le malo. Peitai la te lei faavaivai ai, ma sa suia loa le faiga o
la la galuega. Sa le gata o i la’ua o ni failauga agavaa, a’o i la’ua foi
o ni tusiata lelei, ma sa la liliu atu loa e faaaoga lo la atamai faapitoa
i mea tau tusiga-ata ina ia salalau atu ai le talalelei. Na la filifilia se
nofoaga e ono toatele atu i ai le mamalu o le atunuu, ma sa la tusia
96
O Le Finauga Tele
ai loa ni ata se lua. O le ata muamua o le ata o le ulufale manumalo
atu o Keriso i Ierusalema, “ua agamalu o Ia, o lo o tietie i le asini”
(Mataio 21:5), ma sa mulimuli atu ai lona au soo e savavali fua e
aunoa ma ni seevae, ma o lo o la’ei i ni ofu ua tuai ona o a latou
feoa’iga ma faigamalaga. O le isi ata o le ata o se solo mamalu o lo
o tau’aveina ai le pope. O lo o tietie mai ai le pope ua la’ei i ona
la’ei mamalu ma le taugata, faapea ma lona palealii sautuatolu, ma
sa faafeaoina atu o ia e le au ili pu, ma o lo o mulimuli atu ai le au
katinale ma epikopo, ua la’ei uma i lo latou mamalu ua fe’ilafi solo
mai.
O se lauga manino ua faailoa mai i nei ata e lua, ma ua tutū nei
ma maimoa i ai le atunuu uma. Ua lolofi atu nei le motu o tagata
e matamata i nei ata. E lei i ai se isi na foi e aunoa ma lona malamalama lelei i le uiga moni o lenei lauga lēleoa, ma e toatele na o
ese atu ma o latou loto ua maofa i le eseesega tele i le agamalu ma
le loto maulalo o Keriso le Matai, ma le faasausili ma le loto fefete
o le pope, o le ua ta’u mai o le auauna a Keriso. Ua faavevesiina
nei le aai atoa o Paraka, ma sa lagona ai loa e nei tagata tusiata, ina
ua mavae sina taimi, ua ao ona la tuua le aai mo lo la’ua lava saogalemu. Peitai e lei galo i tagata le lesona na la a’oa’oina. Sa le galo
i le mafaufau o Hasi nei ata, ma sa faapogai mai ai lona su’esu’eina
loloto o le Tusi Paia, atoa ma tusitusiga a Uikilifi. E ui lava e lei
[78] saunia lona mafaufau na te talia atoatoa suiga ma faafouga e pei ona
una’iina i tusitusiga a Uikilifi, ua manino atili nei Hasi i le uiga moni
o faiga faapope, ma ua atili ai nei lona ma’elega na te faailoa atu le
sese, le faamaualuga ma le faasausili, atoa ma le amioletonu o lo o
faavaeina ai le pule’aga faapope.
O Pouimia na salalau atu ai le malamala i Siamani. O ni
fevesia’iga i le Iunivesete o Paraka na mafua ai ona tuua lea iunivesete e le selau ma selau o ni tama ma teini Siamani ae toe foi atu i
lo latou atunuu. O le toatele o i latou nei na faato’ā faalogo i a’oa’oga
a le Tusi Paia talu ai Hasi, ma ua latou faasalalau atu nei le talalelei
ina ua latou toe taliu atu i lo latou atunuu.
Na oo atu i Roma tala o le galuega i Paraka, ma sa le pine ae
poloa’iina loa Hasi ina ia oo atu i luma o le pope. Afai e usita’i
Hasi i lenei poloa’iga, o lona uiga ua tuu atu e ia o ia lava i le oti. Ua
tuufaatasia nei le tupu ma le masiofo o Pouimia, faapea le Iunivesete
ma alii sili o lea atunuu, atoa ma ni tagata mamalu o le malo, ina ia
O Hasi Ma Ierome
97
latou talosagaina le pope mo se faatagana e nofo ai Hasi i Paraka, ae
alu atu i Roma se isi e fai mona sui i luma o le pope. E lei talia e le
pope lenei talosaga. Na faaauau lava e le pope le faamasinoga, atoa
ma le ta’usalaina o Hasi. E le gata i lea, ua ia faia foi se poloa’iga e
faasā ai ona toe faia ni sauniga lotu po o ni faamanatuga i le aai atoa
o Paraka. Ua faate’a nei ma le ekalesia le aai atoa o Paraka.
Soo se taimi e folafolaina ai se faasalaga faapea i lena vaitaimi,
na o le atuatuvale e oo ifo ai i tagata. O sauniga uma foi na faia auā
le folafolaina mai o sea poloa’iga, na faia uma lava ina ia oo ifo ai le
mata’u i le lautele o tagata, o e na talitonu o le pope o le sui lea o le
Atua lava Ia, ua tuuina mai i ai ki o le lagi ma seoli, ma ua ia te ia foi
le pule na te faao’o mai ai faasalaga o le tino, atoa ma le agaga. Na i ai
le talitonuga o tagata e faapea, o se aai e oo i ai se faasalaga faapenei,
ua tapunia foi i ai faitoto’a O le lagi. O lona uiga ua le toe faatagaina
se tagata oti o sea aai e ulufale atu i le aai o le manuia, sei vagana
ua finagalo malie le pope na te toe ave’esea lea malaia. Na faasāina
ona toe faia soo se sauniga faalelotu. Ua tapunia foi malumalu uma.
O le faapaiaga o faaipoipoga na faia i fafo o falesa. Ua faasā foi ona
toe tanu ni maliu i fanuatanu o le ekalesia, a ua tanu nei e aunoa ma
ni sauniga lotu, i lua po o utu i le vao. Na faapena ona galue Roma
i ana taumafaiga uma na te pulea ai loto ma mafaufau o tagata.
Ua faavevesiina nei le aai atoa o Paraka. Ua fai mai nei le toatele
o Hasi ua faapogai mai ai nei mala uma, ma ua latou fai mai e ao ona
tuuina atu Hasi ina ia faaoo i ai le to’asa o Roma. Na tuumuli atu loa
Hasi i lona nuu mo sina vaitaimi sei te’a le vevesi. Na ia tusi atu i
nisi o ana uo i Paraka. Fai mai o ia, “Afai ua ou tuua outou, ua ou
faia lea mea ina ia ou mulimuli ai i le faaa’oa’o a Iesu Keriso. Ua ou
tuua outou ina ia puipuia ai le au lotoleaga mai le sala e faavavau. [79]
Ua ou tuua foi outou ina ne’i avea a’u ma pogai o puapuaga ma
sauaga o le au faamaoni. Ua ou tuumuli mai foi, ne’i atili ai ona
faa’umi’umi ona faasā e patele amioletonu, le folafolaina atu o le
afioga a le Atua ia te outou. Ou te lei tuumuli mai ina ia ou faafitia
ai le upu moni faalelagi. Ua ou sauni ou te oti mo lea upu moni, e ala
i le fesoasoani mai o le Atua”. (Bonnechose, The Reformers Before
the Reformation, vol. 1, p. 87.) E lei taofia e Hasi lana galuega, ae
na ia faimalaga solo i nuu i tua, ma lauga atu i le anoano o ē na fia
faalogo i le upu moni. O taumafaiga na fai e le pope ina ia taofia ai
le talalelei, ua faapena ona liua nei mea e avea ma ala e faalautele
98
O Le Finauga Tele
atili ai le salalau atu o le upu moni. “Auā matou te le mafaia se mea
e tetee atu ai i le upu moni, a’o mea e lagolagoina ai le upu moni”.
2 Korinito 13:8.
“E foliga mai sa i ai se tauiviga fita i le mafaufau o Hasi i le
vaitaimi tonu lenei o lana galuega. E ui lava o lo o taumafai pea le
ekalesia e solipala o ia e ala i poloa’iga ma faasalaga, ae lei fulitua ai
o ia i le pule a le ekalesia. Na ia talitonu pea lava o le Ekalesia Roma
o le ekalesia lea a Keriso, ma o le pope o le sui lava lea o le Atua.
E lei tetee Hasi i le avea o le pope ma sui o le Atua, ae na ia tetee i
auala sese ua faaaogaina ai e le pope lana pule. O le mea lea na oo
ifo ai se tauiviga faigata tele ia te ia, i le va o ona talitonuga faalelotu,
ma mea ua foliga mai ia te ia e le sa’o. Afai e moni e amiotonu ma
leai se sese o le pule a le pope, aisea ua malosi mai ai pea ia te ia
le lagona e le tatau ona ia usita’i i lea pule? Na ia lagona afai na te
usita’i i lea pule, o lona faia lava lea o le agasala. Aisea ua oo mai
ai nei lagona uma ia te ia pe afai e moni e leai se sese o le ekalesia?
Na ia le maua se fofō o lenei faafitauli, ma sa avea lenei faailoga
fesili i lona mafaufau ma faasoesā ia te ia i itula uma o le aso. E tasi
se manatu na oo ifo ia te ia, ma sa foliga mai o se tali lea o lenei
faafitauli. O lea manatu e faapea. O lenei mea ua tupu i le ekalesia
sa tupu muamua foi i ona aso o le Faaola, ina ua amioleaga le au
ositaulaga ma ua latou faaaoga ai la latou pule, latou te faia ai mea
le tonu. Na avea lea ma ala na ia talia ai loa a’oa’oga a le Tusi Paia
e avea ma ona ta’iala, ma sa ia lauga atu foi lenei mata’upu, ina ia
avea ai foi ma ta’iala i nisi. O lona uiga ia avea le fetalai mai o le
Atua e ala i le Tusi Paia, e fai ma ta’iala e tasi e leai sona sese, ae le
o le ekalesia e ala i ana epikopo ma patele”. (Wylie, bk. 3, ch. 2).
Na toe foi atu Hasi i lona sunako i Peteleema ina ua faiifo le
vevesi i Paraka, ma sa atili ai lona filigā ma lona lototele, i lona
folafolaina atu o le afioga a le Atua. E ui lava na malolosi ona fili,
peitai na ’au ia te ia le masiofo a le tupu ma le toatele o alii sili o le
aai, atoa ma le toatele o le motu o tagata. Na avea o se mitamitaga
i le toatele lo latou faapipii atu i le itu a Hasi, ae maise lava ina ua
latou vaai atu i lona olaga faapaiaina ma ana a’oa’oga maoa’e, pe a
latou faatusatusa atu i a’oa’oga le tonu a ta’ita’i Roma, atoa ma lo
[80] latou matape’ape’a ma o latou olaga pa’u maulalo.
Sa tu na o Hasi i le faia o lana galuega e oo mai lava i lea taimi.
Peitai ua la toalua nei i le galuega toe fuata’i ma Ierome, o le na
O Hasi Ma Ierome
99
ia taliaina a’oa’oga a Uikilifi a’o i ai o ia i Egelani. Na amata atu i
lea lava taimi ona nonofo ma galulue faatasi Hasi ma Ierome, ma e
oo lava i le oti e lei toe tuuese’esea ai i la’ua. Na faamanuiaina tele
Ierome i le tele o uiga tausaafia e pei o le ma’ai o lona mafaufau,
o le maoa’e o ana aoaoga, atoa ma lona lauga lelei. Peitai na sili
a’e ai Hasi pe a oo i uiga e iloatonu ai le amio a le tagata. O le
faautauta legaoiā o Hasi, na avea ma ama na faatonutonu ai le agaga
osovale o Ierome, ma o le agamalu faamaoni o Ierome, na ia lagona
ai le tāua o fautuaga a Hasi, ma ia gaua’i atu ai i ai. O lo la galulue
auaumea-faatasi na saosaoa atili ai le faalauteleina o le galuega o le
toe fuata’iga.
Na faasusulu atu e le Atua se malamalama tele i mafaufau o nei
tagata filifilia, ma faaali atu ai ia i la’ua le tele o sese o Roma. Peitai
la te lei maua le atoaga o le malamalama na finagalo le Atua ia malamalama ai le lalolagi. Na faaaogaina e le Atua Ana auauna nei Na
te ta’ita’i ese atu ai tagata, mai le pogisa o faiga faa-Roma. Peitai e
anoanoa’i ma maoa’e faafitauli ua faatali mai nei mo i la’ua, ma sa
faifaimalie Lona ta’ita’iga o i la’ua, e tusa ai ma lo la malosi. E lei
lava la la sauniuniga e mafai ai ona la lavatia le susulu malosi mai o
le atoaga o le malamalama, i le taimi e tasi. E pei lava ona liliu ese
mata o ē ua leva ona nonofo i le pogisa, mai le susulu faafuase’i mai
o se moli malosi, e faapena foi ona liliu ese o tagata mai le malamalama o le upu moni, pe a faafuase’i ona tuuina atu i ai le atoaga
o le malosi o le malamalama. O le pogai lea na faifaimalie ai Lona
tuuina mai o le malamalama o le upu moni i ta’ita’i, ina ia tusa ai ma
le mea e mafai ona talia e tagata. Na mulimuli mai nisi foi auauna
faamaoni, i lea senituri ma lea senituri, ma sa faaaogaina i latou e le
Atua, ina ia agai atu ai pea i luma le ta’itai’ga o tagata i le ala o le
toe fuata’iga.
Sa tumau pea lava le malosi o fete’ena’iga i totonu o le ekalesia. Ua tolu nei pope ua tauvā ma fetaua’i mo le pule, ma o lea
fete’ena’iga na faatumulia ai atunuu Kerisiano uma i le vevesi atoa
ma le amioleaga. Ua le gata ina fetuu e le tasi pope le isi pope, a
ua latou taufai faaaogaina foi auupega faaletino i la latou taua. Ua
latou taufai sa’ili’ili nei ua le gata mo ni auupega, ae faapea foi ni
fitafita mo le taua. Sa muamua o latou mana’oga, se tupe tele auā le
faagaioiga o le taua. Ma o le auala faigofie na maua ai a latou tupe,
o le faatau atu lea i tagata o tofiga, o meaalofa, ma faamanuiaga a le
100
O Le Finauga Tele
ekalesia. Pei lava ona faia faapea e nei pope e toatolu, na faapena foi
ona mulimuli ai le vasega o katinale ma patele ma epikopo. Na latou
fetaua’i ma latou faatau i tupe tofiga o le ekalesia, ina ia faamalosia
atili ai la latou pule. Na tuputupu a’e pea i lea aso ma lea aso le agaga
le fefe o Hasi, ma sa pei o le pa o le faititili le malosi o lona folafola
atu o le tele o le amioletonu ua faia nei i totonu o le ekalesia, a ua
ta’u mai o mea faalelotu. Sa le fefefe tagata i lo latou faailoa atu o
[81] le sese o ta’ita’i Roma. Na latou ta’u mai o ta’ita’i Roma ua mafua
ai le pologa, lea ua pagatia ai nei atunuu Kerisiano uma.
Ua foliga mai ua toe lalata atu foi le aai o Paraka i se isi vevesi
tele, atoa ma le toto masa’a. Pei lava ona faaigoa le auauna a le Atua,
“O oe ea, o le tagata faatigā ia Israelu?” na faapena foi ona molia sese
le auauna a le Atua i Paraka. Ua toe faate’aina foi le aai o Paraka mai
le ekalesia, ma ua faasāina foi ona toe faia ai o ni sauniga faalelotu.
Ua toe tuumuli atu foi Hasi i lona nuu. Ua faamutaina nei le molimau
sa ia faia ma le faamaoni, mai le pulelaa o lona falesa i Peteleema.
Peitai, o se pulelaa sili a’e ua fuafuaina nei e le Atua e tuuina mai ai
lana molimau mo atunuu Kerisiano uma, sei oo lava i le aso e tuuina
atu ai lona ola, e molimau ai mo le upu moni.
Sa tāloina se fono a le ekalesia e faia i Konesetane, ina ia fo’ia
ai mala ua fesoua’ina ai Europa atoa. O le mana’oga o le tupu o
Sikisemane na tāloina ai lenei fono e Ioane le Luasefulu Tolu, se
tasi o pope fetaua’i e toatolu. E lei mana’o Pope Ioane i se fono
tele a le ekalesia, ona o lona fefe ne’i su’esu’eina lana amio ma ana
faagaioiga uma, e se komisi su’esu’e. Peitai sa fefe tele o ia e tetee
atu i le mea ua finagalo i ai Sikisemane, le ao o malo o le taupulega.
O mata’upu autū na fia talanoaina i lea fono, o le fevaevaea’iga
lea i totonu o le ekalesia, atoa ma le lia’iesea o a’oa’oga uma ua latou
faaigoa o mea taufaasese. O le pogai lea na poloa’iina ai foi ma isi
pope fe’aina’i e toalua, faapea ma Hasi le ta’ita’i sili o a’oa’oga fou,
ina ia latou oo uma atu i luma o lenei fono. O lo la popole ifo i lo la
saogalemu, na le oo atu ai isi pope e toalua i le fono, ae na auina atu
i ai ni o la sui. E ui lava o Pope Ioane na tāloina le fono, na alu atu o
ia i lenei fono ma ni atuvalega. Na i ai lona masalosaloga ua mana’o
le tupu e faia se fono ina ia ave’esea ai le tofi pope mai ia te ia, ma
faasalaina ai o ia ona o ana amioleaga ua ta’uvalea ai le tofi, atoa
ma amioletonu uma na ia faia ina ia maua ai e ia le tofi. Ae ui lava
i nei atugaluga uma, sa ulufale atu o ia ma le mamalu tele i le aai o
O Hasi Ma Ierome
101
Konesetane, ua faafeao atu o ia e epikopo aupito maualuluga uma o
lana vaega, ma ua muli’auloa atu ai le toatele o isi o le au mautofi.
Ua alu atu nei se solo tele a le aufailotu ma alii mamalu o le aai o
Paraka, atoa ma le motu o tagata e toatele, ina ia faafeiloa’i i le solo
a Pope Ioane. Ua tietie mai nei o ia i luga o se fata o lo o tau’aveina
e ni faamasinosili se toafa, a’o luga a’e o lona ao ua i ai se faamalu
auro. Na muamua atu i ona luma le faatusa o le tino o Keriso, ma sa
atili ai le mamalu ma le matagofie o le solo, ona o la’ei taugata ma
le felanulanua’i o le vasega o katinale ma alii sili.
O le taimi lava foi lea ua taulalata mai ai i Konesetane le malaga
a Hasi. Na ia iloa lelei fitā ma faigatā ua lamatia ai nei lona ola. Sa
ia faamavae atu i ana uo e peiseai latou te le toe feiloai, ma sa ia
malaga atu ma lona lagona ua savalia nei e ia le ala e i’u atu ai i le
susunuolaina o ia. E ui lava sa ia maua ni tusi poloa’i mai le tupu o [82]
Pouimia, faapea Sikisemane le ao o malo o le taupulega, auā lona
puipuiga mai ona fili, sa faia fuafuaga uma a Hasi ma lona lagona
ua latalata mai lona oti.
O upu nei o se tusi na ia tusi atu ai i ana uo i Paraka: “O’u uso
e, ua ou alu ese nei ma se tusi mai le tupu auā lo’u puipuiga mai le
toatele o o’u fili sauā i le olaga nei. Ua ou faamoemoe i lo’u Faaola, o
le Atua e Ona le malosi uma lava. Ou te faamoemoe o le a Ia faafofoga ia outou talosaga, ma Ia tuuina mai Lona faautauta ma Lona
poto i lo’u gutu ou te tautala atu ai, ma ou manumalo ai ia i latou.
Ou te tatalo foi ina ia foa’i mai Lona Agaga Paia Na te faaauupegaina
a’u i Lana upu moni, ina ia mafai ai ona ou tu atu ma le malosi ma
le lototele, e fetaia’i ai ma faaosoosoga, ma falepuipui, faapea foi
ma le oti pe afai o Lona finagalo lea. Na puapuagatia Keriso mo i
latou na Ia alofaina. E le tatau la ona tatou ofo, ina ua Ia tuuina mai
ia i tatou le faata’ita’iga, ina ia mafai ai ona tatou lavā o’ono faigata
uma, mo lo tatou faaolataga. O Ia o le Atua, a’o i tatou o Ana mea na
fai; o Ia o le Alii, o i tatou o Ana auauna; o Ia o le Tupu o le lalolagi,
o i tatou o tagata faatauvaa. Peitai na puapuagatia o Ia! Aisea la o
le a tatou ’alo ai mai le puapuaga, a’o le puapuaga e faamamāina ai
i tatou? O le mea lea le au pele e, afai e maua ai se viiga o le Atua
i lo’u oti, tatalo ina ia vave ona oo mai, ma ia ou maua le malosi
ou te mausali ai i o’u puapuaga uma. Ae peitai afai o lona finagalo
ina ia tatou toe feiloa’i, tatou tatalo i le Atua ina ia ou toe foi atu e
aunoa ma se ila. O lona uiga, ina ia ou le natia pe faafitia se iota e
102
O Le Finauga Tele
tasi o le talalelei, ma mafai ai ona ou avatua se faata’ita’iga lelei e
mulimuli ai o’u uso. Afai foi o le finagalo o le Atua ina ia tatou toe
feiloa’i, ia avea lea ma mea e una’iina ai i tatou ina ia tatou savavali
i luma ma le lototele, atoa ma le mautinoa lelei o Lana tulafono”.
(Bonnechose, vol. 1, pp. 147, 148.)
E i ai se tasi o ana tusi na tusi atu i se patele na liua e avea ma
soo o le talalelei. O lea tusi na tautala atu ai Hasi ma le agamaulalo,
ma ia ta’u atu ai lona lava sese, ona o le lagona fiafia na oo ifo ia te
ia talu ai lona ofuina o ni la’ei taugata, atoa ma lona faamaimauina
o itula i mea le aogā. Ona ia faaopoopo atu lea o upu tima’i faapea:
“Tau lava ina ia faatumulia ma faamuamua i lou mafaufau le viiga
o le Atua ma le faaolataga o agaga, ae le o le sa’ilia o le tamao’aiga
ma fanua. Aua nei sili atu ia te oe le teuteuina o lou maota nai lo le
teuteuina o lou agaga. Ia e faasilia i mea uma le atina’e o le malumalu
faaleagaga. Ia e ola faapaiaina ma ia e agamalu i ē matitiva; ma aua
le soona faaaluina au mea i ni faiga’ai. Afai e te le suia lou olaga
ma e ’alo’alo ese mai tu’inanau o le olaga, ou te lagona o le a oo
atu se a’oa’iga tiga ia te oe, e pei ona oo mai foi ia te a’u. Ua e iloa
lelei o’u talitonuga, auā na e maua a’u faatonuga talu mai lava lou
tamaitiiti, ma o le mea lea o le a le faa’umi’umi atu ai le tusi. Peitai,
ou te faatoga atu ia te oe, i le alofa mutimutivale o le Alii, ina ia aua
e te faata’ita’i i soo se uiga faalialiavale na e vaai o o’u pa’ū i ai”.
[83] Ona tusi lea e Hasi upu nei i fafo o le teutusi: “Ou te talosagaina oe
le uo, ina ia aua lava nei e tatalaina lenei tusi sei vagana ua e matuā
mautinoa ua ou oti”. (Ibid., vol. 1, pp. 148, 149.)
Na vaaia e Hasi i soo se nuu na ui atu ai lana malaga, le tele o
faailoga O le salalau atu ma le talileleia e tagata o ana aoaoga. Na
lolofi atu tagata e faafeiloa’i ia te ia; ma sa faafeaoina o ia e alii sili
ma pulenuu o nisi o aai.
Na maua e Hasi lona sa’olotoga atoa ina ua taunuu atu o ia i le aai
o Konesetane. Na ia maua le puipuiga faalemalo mai le ao o malo
o le taupulega. Ae le gata i lea sa ia maua foi se tusi faapitoa mai le
pope e faailoa mai ai le puipuiga a le pope ia te ia. Peitai, e ui lava
i nei folafolaga mamalu, sa le pine ae pu’eina loa lenei ta’ita’i o le
galuega o le Toe Fuataiga, ma lafoina loa o ia i se ana eleelea ma le
pogisa i se falepuipui, ona o faatonuga lava mai le pope, atoa ma ana
katinale. Ua mavae se vaitaimi ona toe siitia lea o ia i se falepuipui
i se tasi o olo aupito malosi, i le isi itu o le vaitafe o le Raina. O
O Hasi Ma Ierome
103
le falepuipui lava foi lea e tasi sa le pine ae lafoina foi i ai le pope
lava ia, ina ua leai se aogā ia te ia o ana faiga faa’ole’ole. (Ibid., vol.
1, ē 247.) Ua le gata i lona mulilua ma lona fasiotitagata atoa ma
lona talia o tupe e faatau ai tofiga o le ekalesia, ae na faamaonia foi
i luma o le fono lona solitulafono i ni amioleaga aupito masoā, o “ni
amioleaga e le tusa ai ona faa’upuina”. O le faai’uga lea a le fono,
ma ua ave’esea ai loa ia te ia le tofi o le pope, ma ua lafo ai loa o ia i
le falepuipui. Na faapena foi ona ave’esea le tofi pope i le isi to’alua
na tauvā ma fetaua’i i le tofi o le pope, ma ua tofia ai loa se pope fou.
Na sili mamao atu amioleaga na agasala ai le pope nai lo soligatulafono na molia ai e Hasi le au patele, ma sa ia lapata’i atu ai ina ia
latou maua se toe faafouga. Ae ui i lea, o le fono lea na latou faate’a
le pope, o le fono lava lea e tasi ua latou liliu atu nei ina ia latou
olopala ia Hasi. O le tuuina o Hasi i le falepuipui, na sasao a’e ai se
ita tele i totonu o le malo o Pouimia. Na tusia e nisi o alii sili ma le
maualuluga, ni tusi tetee i le fono ona o lenei mata’upu. Na tetee foi
le tupu o malo o le taupulega i lenei faasalaga, ona o lona le fiafia
i le le amana’iaina o le puipuiga faalemalo na i luga o Hasi. Peitai
e ui i nei tetee, na matuā vilivilita’i fili o Hasi ina ia latou faaoo le
oti ia te ia. Na latou upuia le tupu ma latou soona faamamafaina ona
atuvalega, atoa ma ona tofiga i le ekalesia. Ua latou fai mai nei ni
lauga uumi e faamaonia ai le le fetaui o le sa’ilia o le upu moni, mai
ē ua molia i le faia o a’oa’oga sese, tusa lava po ua avatua ia i latou
le puipuiga faalemalo e alii sili, po o le ao o malo o le taupulega”. O
le pogai lea o lo latou manumalo. (Jacques Lenfant, History of the
Council of Constance, vol. 1, p. 516.)
Toetoe lava oo ia Hasi le oti ona o se fiva na maua ai o ia, talu ai
le namuleaga ma le susū o le ana o le falepuipui na tuuina i ai o ia.
Ua faapena ona oo mai ai o le tino ma’i ma le tino vaivai ia Hasi, i [84]
le taimi tonu na avatua ai o ia i luma o le fono mo lona faamasinoga.
Ua tu atu nei o ia ua noanoatia i filifili u’amea mamafa, i luma o
le ao o malo o le taupulega. O le suafa lava o lenei tupu na ta’u
maia ia te ia, e faamaonia ai le puipuiga faalemalo na aumaia ia te
ia. Na faa’umi’umi lona faamasinoga. Peitai, na tumau pea Hasi i le
upu moni, ma sa ia avatua se molimau faamaoni, i luma o mamalu
eseese o le malo ma le ekalesia, e tetee atu ai i amioletonu a ta’ita’i
o le ekalesia. Na fesiligia o ia ina ia faia lana filifiliga po o le fulitua
i ana aoaoga, po o le oti. Na talia e Hasi le i’uga faamaturo.
104
O Le Finauga Tele
Na tausia o ia e le alofa tunoa o le Atua. A’o lumana’i ai le tuuina
mai o le i’uga o lona faamasinoga, na faatumuina lona agaga i le
filemu mai le lagi, i vaiaso uma na ia puapuagatia ai. O upu nei o
lana tusi i se tasi o ana uo: “O totonu o le falepuipui o lo o o’u tusia
atu ai lenei tusi, i lo’u lima ua noanoatia, atoa ma le agaga faatalitali
atonu o taeao e tuuina mai ai lo’u i’uga o le oti. ...Pe a ta toe feiloai
i le filemu matagofie o le ola fou, e ala i le fesoasoani mai a Iesu
Keriso, o le a e iloa ai le tele o le alofa tunoa o le Atua ua Ia faaalia
mai ia te a’u, atoa ma le lelei o Lana tausiga ia te au i taimi uma o
o’u puapuaga ma tofotofoga”. (Bonnechose, vol. 2, p. 67.)
O se miti a Hasi, i lona ana namuleaga ma le pogisa, na ia vaaia
ai le manumalo o le upu moni i le lumana’i. Na ia toe vaai i le falesa
na ia folafola atu ai le talalelei i le aai o Paraka, ma sa ia vaaia ai
ua fufulu’ese uma e le pope ma ana epikopo, ata uma o Keriso na ia
valia i puipui o lea falesa. “Na atuatuvale lona loto ona o lenei miti.
Peitai, o le aso na sosoo ai na ia toe vaaia ai i lana miti, ni tagata
valiata se toatele ua latou toe valia ni ata o Keriso e sili atu le tele,
ma sili atu foi lo latou matagofie nai lo ata na ia valia. O upu nei na
folafola mai e le au valiata i le motu o tagata na si’osi’omia i latou,
ina ua mae’a la latou galuega. Fai mai i latou: ’Tuu mai la’ia le pope
ma ana epikopo e o mai; latou te le mafaia ona toe tappina nei ata.’ ”
Fai mai upu a Hasi ina ua ia ta’uina mai lenei miti: “Ua ou mautinoa
lenei mea. E le mafai ona toe sōloi’esea foliga o Keriso. Na latou
taumafai e faaumatia foliga o Keriso; peitai, e toe faafouina foliga o
Keriso i loto uma, e ala i le folafolaina o le talalelei e nisi e sili atu
ia te a’u”. (D’Aubigne, b. 1, ch. 6.)
Ua toe avatua nei Hasi i luma o le fono mo le taimi mulimuli. O
se tauaofiaga mamalu ma le toatele na’ua. Ua i ai le tupu o malo o
le taupulega, o ta’ita’i o malo uma o le taupulega, o sui o aloalii, o
katinale, o epikopo ma patele, atoa ma le anoano o tagata o ē n a o
mai e maimoa ma faalogologo i taualumaga o le aso. Ua potopoto
nei mai malo Kerisiano uma, se tauaofiaga latou te molimauina le
ulua’i maturo i lenei taua faa’umi’umi, o le taua ina ia maua ai e
le tagata le sa’olotoga e filifili ai i mea tau lotu, e tusa ai ma lana
[85] faitalia.
Ua valaauina loa Hasi mo lana filifiliga faai’u. Na ia faailoa atu
lona le fia faafitia lava o ana aoaoga. Ona taula’i atu ai lea o le pupula
a Hasi i le tupu o malo o le taupulega, o le ana le puipuiga faalemalo
O Hasi Ma Ierome
105
lea na folafola mai mo ia, a ua solia nei e aunoa ma se māsiasi.
Ua faapea atu Hasi, “O lo’u lava loto fuatiaifo na ou filifili ai ou
te malaga mai i lenei fono, i lalo ifo o le puipuiga faalemalo, atoa
ma lo’u faatuatuaina o lana afioga le ao o malo o le taupulega o lo
o alalata’i mai nei”. (Bonnechose, vol. 2, p. 84.) Na faafuase’i ona
mūmū ’ula’ula foliga o Sikisemane, ina ua liliu uma atu mata o le
faapotopotoga ia te ia.
Ua folafolaina mai le i’uga o Hasi, ma ua amata nei loa lona
toe sauniga. Ua faa’ofu o ia e epikopo i le ofu patele, ma a’o ia faamauluina lea ofu, sa ia faapea atu, “Na faa’ofu lo tatou Alii o Iesu
Keriso e le au ositaulaga i le ofu sinasina e fai ma tauemuga, ina ua
auina atu o Ia e Herota i luma o Pilato”. (Ibid., vol. 2, p 86.) Sa toe
fautuaina o ia ina ia fulitua i lana molimau ma ana aoaoga. Peitai
na ia faliu ma faapea atu i le motu o tagata, “Afai ou te faafitia a’u
aoaoga, o le a faapefea ona ou tu atu i luma o le silafaga a le lagi? O
le a faapefea ona ou fulitua i le anoano o i latou o ē na ou folafolaina
i ai le talalelei? E leai; e sili atu le tāua ia te a’u o lo latou faaolataga,
nai lo lenei tino augavale ua tofia nei mo le oti”. Ua auaua’i nei ona
ave’esea e epikopo o ona la’ei, ma a’o faapena ona latou auaua’i atu
i le faiga o a latou vaega taitasi o le toe sauniga o Hasi, sa faapena
foi ona tofu i latou ma le fetuu e avatua ia te ia. Ona faai’u loa lea
i lo latou tuuina i lona ulu, o se pulou pepa faala’umi’umi i luga. O
lenei pulou ua i ai ni ata taufaamata’u o ni temoni, ma ua tusi faamatamata tetele ai upu: ’O le Taufaasese Sili’. Peitai na tepa a’e i le
lagi Hasi ma faapea atu, “Iesu e, ou te talia ma le fiafia lenei pale o
le faalumaina ona o Lou suafa, auā na faapaleina Oe i le paletuitui
ona o a’u”.
Ua mae’a ia mea uma, ona “faapea mai loa lea o epikopo, ’Matou
te tuuina atu nei lou agaga i le tiapolo’. Peitai, na tepa a’e Ioane Hasi
i le lagi ma faapea atu, ’Ou te tuuina atu nei lo’u agaga i Ou aao, le
Alii e Iesu, auā na e maliu mo a’u’. ” (Wylie, b. 3, ch. 7.)
Ua tuuina atu nei o ia i lima o tagata o le malo, ma ua ta’ita’iina
atu loa o ia i le mea e faaooina ai lona oti. O se solo matuā tele na
mulimuli atu ai. E selau ma selau le au fitafita, faapea le au patele ma
epikopo ma katinale ua oofu i o latou la’ei tatapuvae taugata, atoa
ma tagata o le aai o Konesetane ua muli’auloa atu ai. Ua mae’a nei
ona saisaia o ia i le fata, ma ua saunia foi mea uma mo le tutuina o le
afi. Ona latou toe fai atu lea ia Hasi e le faaooina ia te ia le oti pe afai
106
O Le Finauga Tele
na te fulitua i ana aoaoga. Peitai na fai atu Hasi, “O a a’oa’oga sese
ou te fulitua i ai? Ou te ta’u atu ma le mautinoa e leai ma se a’oa’oga
sese ua ou agasala ai. Ou te valaauina le lagi e fai ma molimau. O
a’oa’oga uma na ou tusia ma ou folafolaina, na ou faia nei mea uma
ina ia lavea’iina ai agaga mai le agasala ma le faafanoga. Ma o le mea
[86] lea ou te tuuina atu ai ma le olioli lo’u ola e fai ma faamaufaailoga
o le upu moni na ou tusia ma ou folafolaina”. (Ibid., b. 3, ch. 7.) A
o mumū malie a’e le afi i ona lalo, sa amata ona pese o ia i upu nei:
“Iesu e, le Alo o Tavita, ia E alofa mai ia te a’u”. Na faapena ona
faaauau pea o lana pese seia oo lava ina ua mou atu e faavavau lona
leo.
E oo lava i ona fili sa matuā maofa i lona lototele. O upu nei
a se tasi o le ekalesia pope na ia faamatalaina ai le oti faamaturo
o Hasi faapea ma Ierome, o le na mulimuli ane. Fai mai o ia: “Na
la taufai tūtūmau ma le le maluelue a’o latalata mai lo la toe taimi.
Na la sauniuni atu mo le afi e pei ua la sauni atu mo se ’aiga o se
faaipoipoga. E aunoa ma se leo o se tiga na faaleoina e i la’ua. A’o
talali a’e le mumū o le afi, sa la pepese i ni viiga, ma sa toetoe lava
le mafai e le malosi o le afi ona faamutaina a la pesega”. (Ibid., bk
3, ch. 7.)
Ua mae’a ona faaumatia e le afi o le tino o Hasi, ona ave lea o ona
lefulefu, faatasi ma le eleele na taatia ai le lefulefu, ma ua lafo uma i
le vaitafe o le Raina, ma ua faapena ona avatua ma faasalalau atu ai
i le moana sausau. Na manatu faamaualuga ona fili ua latou matuā
ati’esea a’a o le upu moni na ia folafolaina. Latou te lei moemiti o
le lefulefu na tafea mamao atu i le moana i lena aso, o le a pei o fatu
ua faasalalauina atu i atunuu uma o le lalolagi; ma o le a tutupu mai
ai i atunuu eseese, ni fua se tele e molimau atu ai mo le upu moni. O
le leo na faalogoina i le fale faamasino i Konesetane, ua faguaina ai
ni si’uleo o le a lagonaina i augatupulaga uma o le lumana’i. Ua leai
nei Hasi. Peitai e le mafai ona faaumatia le upu moni na ia maliu
ai. O lona faatuatua ma lona tumau o le a faalototeleina ai nisi e
toatele, latou te tutū atu ai ma le le fefefe mo le upu moni, i taimi o
sauaga ma le oti. O lona oti faamaturo ua vā’ai ai le lalolagi uma i le
taufaa’ole’ole ma le sauā o Roma. Na taumafai fili o le talalelei ina
ia latou tineia le upu moni. Peitai ua avea a latou taumafaiga leaga,
ma auala ua faalauteleina ai atili le upu moni na latou faamoemoe
ia lepetia i lalo.
O Hasi Ma Ierome
107
Na faatuina foi se isi fata i Konesetane mo le susunuolaina o se
isi foi maturo e molimau atu ai mo le upu moni. A’o faamavae atu
Ierome ia Hasi, i le taimi na alu ese atu ai Hasi mo lona faamasinoga
i luma o le fono, sa apoapoa’i atu Ierome ia Hasi ina ia lototele ma
ia tumau. Fai mai upu a Ierome ia Hasi: “Afai e tupu se mea ia te
oe, o le a ou faavave atu mo sou fesoasoani”. Ua faalogo Ierome ua
tuu Hasi i le falepuipui, ona sauni loa lea o ia e alu e faataunuu lana
folafolaga. E lei i ai se puipuiga faalemalo na faalagolago i ai Ierome.
Peitai na ia malaga atu, na o la’ua ma sana uo, e o atu i Konesetane.
Ua la taunuu atu, ona iloa ai lea ua avea lona malaga mai, ma mea
ua lamatia-gofie ai lona ola, ae aunoa ma se mea na te mafaia auā le
faasa’olotoina o Hasi. Ona ia toe sola ese atu ai lea mai le aai. Peitai,
na pu’e o ia ma noanoatia i filifili, ma toe faafoi mai faapagota e le
au fitafita. Ua avatua nei o ia mo lona ulua’i faamasinoga i luma o
le fono. Peitai, a’o taumafai atu ni ana tali i moliga sese ua molia [87]
ai nei o ia, sa taulēlagona sana tali talu ai le alalaga leotetele mai o
tagata ma fai mai, “Susunu i le afi! Susunu i le afi!” (Bonnechose,
vol. 1, p. 234.) Na lafo o ia i se ana pogisa o se falepuipui, ina ia
faatāugāina ai o ia e ala i le saisaitia o ia i filifili, i se tulaga e oo ai
ia te ia le oi ma le tigā tele. Na o le falaoa ma le vaiauli na fafagaina
ai o ia. Ua mavae ni nai masina o fai pea nei uiga sauā, ona oo ai lea
ia Ierome se ma’i na lamatia ai lona ola. Ua atuatuvale nei ona fili,
ina ne’i vave oti Ierome. O lea ua tonu ai loa ina ia faamāmā lana
faasalaga. Ae ui i lea, na sili atu i le tausaga o i ai pea Ierome i lea
falepuipui.
E lei taunuu le mea na manana’o i ai ta’ita’i pope ina ua oti Hasi.
Na tupu le ita o le toatele ona o le soliga o le puipuiga faalemalo sa
tatau ona malu ai Hasi. O le mea lea na manatu ai le fono o le a le
susunuolaina Ierome i le taimi nei, ae o le a taumafai e fai faamalosi
se auala na te fulitua ai i ana a’oa’oga ma ona talitonuga. Ua aumaia
nei o ia i luma o le fono, ma ua avatua i ai le faitalia na te filifili
ai pe fulitua i le upu moni, po o le susunuolaina i luga o le fata.
Ana ofoina mai ia te ia nei mea e lua i le amataga o lona taimi i le
falepuipui, semanū o se meaalofa le oti pe a faatusatusa atu i sauaga
na faatāugāina ai lona tino mo lenei taimi umi. Peitai o lenei ua
vaivai lona tino i ma’i, atoa ma le mamafa o sauaga i le falepuipui.
Ae le gata i lea, o le mafatia o lona loto i le popole, ma le fā’atu
talu ai le faa’umi’umi o lona leiloa o lona i’uga, atoa ma lona nofo
108
O Le Finauga Tele
valavala ma ana uo, ma le loto ua vāivai talu ai le oti o Hasi. O nei
mea uma ua solofa ifo ai le malosi o Ierome, ma ua ia ioe atu ai loa
na te gaua’i atu i le finagalo o le fono. Ua ia ta’utino atu nei o le a
ia pipii mau atu i le talitonuga faaKatoliko. Ua ia ta’utino atu foi na
te talia le faai’uga a le fono e faaleaogaina ai a’oa’oga a Uikilifi ma
Hasi, sei vagana ai “upu moni paia” na la folafolaina. (Ibid., vol. 2,
p. 141.)
Na manatu Ierome o le a avea lea ma auala e tineia ai le
musumusuga a le Agaga, ma sao ai o ia mai lona oti. Peitai a’o nofo
o ia na o ia i lona ana, na oo ifo ia te ia se vaaiga matuā manino o
lana mea ua fai. Na ia mafaufau ia Hasi ma lona faamaoni ma lona
lototele, ma ia faatusatusa atu i ai lona lava fulitua ma lona faafitia
o le upu moni. Na ia manatunatu i le Matai faalelagi na ia ta’utino
na te auauna i ai, le Matai o Le na maliu tiga i le satauro talu ai o
ia. A’o lumana’i lona fulitua i le upu moni, sa maua le filemu o lona
mafaufau, e ui lava sa tele ona puapuaga ma tiga. Na ia maua lea
filemu o le mafaufau ona sa ia mautinoa o lo o ia faia le finagalo o
le Atua. Peitai, o lenei ua le maua se mapu o lona mafaufau talu ai
lana mea ua fai. Na ia iloa e i ai foi isi mea o le a manana’o ta’ita’i
pope na te teena ma fulitua i ai, ina ia talia atoatoa ai o ia e Roma.
E foliga mai o le pa’ū a’ia’i le i’uga o le auala ua ia laasia nei. O lea
na fai ai loa lana filifiliga - o le a na le teena lona Alii ona o sina
vaitaimi puupuu o sauaga ma tiga.
E lei umi ae toe aumaia loa o ia i luma o le fono. E lei faamalieina
[88] le au faamasino i lana faafitiga o ana a’oa’oga i luma o le fono talu
ai. Ua tasi lo latou tofo atu i le toto ina ua latou fasiotia Hasi, ma ua
atili ai nei lo latou fia tagolima i nisi e pei o Ierome latou te faaoo
i ai le oti. Nā o le fulitua ma le teena atoatoa o le upu moni, ua na
o lea le ala e mafai ai ona sao Ierome mai le oti. Peitai, ua faia nei
le filifiliga a Ierome na te tu atu ma le le fefe mo lona talitonuga
ma le upu moni, ma mulimuli atu ai i le afi, i tulagavae o lona uso
faamaturo.
Ua ia faaleaogaina nei lana faafitiga na faia i luma o le fono talu
ai, ma ua ia talosagaina nei se avanoa na te faia ai se faamatalaga e
uiga i lana filifiliga. Na i ai le atuvalega o le au patele ma katinale,
ona o se tulaga e ono aliali mai pe a fai sana faamatalaga. O lea na
latou manana’o ai e tau lava o sana ioe po o le leai foi, e faamaonia
ai le sa’o po o le sese o moliga ua faasaga atu nei ia te ia. Peitai
O Hasi Ma Ierome
109
na matuā teena e Ierome nei faiga le tonu ma le le alofa, ma sa ia
faapea atu ai, “E toluselau fasefulu aso o tou saisaitia a’u i se ana
susū ma le palapalā ma le namuleaga, na o le ma’i na maua mai ai.
Ona outou aumaia lea o a’u i o tou luma, ona outou faatagaina lea o
o’u fili e fai a latou faamatalaga, ae na tou mumusu e faatagaina sa’u
faamatalaga e fai. Afai tou te atamamai, afai o outou o malamalama
o le lalolagi, ia outou faaeteete ne’i outou agasala i le faia o filifiliga
amioletonu ma le le sa’o. O a’u ua na o se tagata tino vaivai. E leai
se tāua o lo’u ola. O la’u upu na fai atu ina ia outou faaeteete ne’i
outou faia ni filifiliga amioletonu, ou te le’i faia lea upu ona o so’u
manatu ia te a’u, a’o outou.” (Ibid., vol. 2, pp. 146, 147.)
Na i’u lava ina talia lana talosaga. Na tootuli ifo loa Ierome i
luma o ona faamasino, ma tatalo atu i le Atua ina ia pulea e le Agaga
Paia ona manatu ma ana upu uma, ina ia leai se upu e tasi na te faia e
ese ai nai le upu moni, ma le tusa ai foi ma le amio a lona Matai. Na
faataunuuina ia Ierome i lena aso le folafolaga a le Atua na faia i Ona
ulua’i soo, ina ua Ia fetalai atu ia i latou: “E ta’ita’iina atu foi outou
i luma o alii ma tupu ona o a’u. ...Pe a latou tuuina atu outou, aua
tou te popole pe faapefea, pe se a foi tou te fai atu ai; auā e foa’iina
mai ia te outou i lea lava ituaso, se upu tou te fai atu ai. Auā e le o
outou e tautala atu ai, a’o le Agaga o lo outou Tama e tautala mai ai
i totonu ia te outou”. Mataio 10:18-20.
O upu a Ierome na oo ifo ai le agaga faagaeetia ma le ofo i le
aofia, e oo lava i ona fili. E tausaga atoa na faatāugāina ai lona tino
i le mafatia, a o lona mafaufau i le fā’atu. O le pogisa o le ana na
le mafai ai ona ia faitau i se tusi, pe iloa atu foi se mea. Peitai, na
tuuina atu ma le malosi ma le manino na’ua ana tali, pei lava o se
tasi na tele ni ona avanoa e su’esu’e lelei ai. Na ia faatepaina le au
faalogologo i le toatele o tagata paia ua mavae atu, o ē na faasalaina
e faamasino amioletonu. Toetoe lava tofu le augatupulaga ma i latou
o ē na faalumaina ma tuulafoa’ia a’o latou galulue mo le siitia a’e o la
latou augatupulaga, ae na faamaonia mulimuli ane sa tatau ona ave
ia i latou le mamalu ma le faaeaina. E oo lava ia Keriso na faasalaina [89]
o Ia e pei o se tagata amioleaga, e se faamasinoga amioletonu.
O le taimi na faafitia ai e Ierome ana aoaoga, o le taimi lava foi
lea na ia ioe atu ai i le tonu o le faai’uga ma le faasalaga na faia
ia Hasi. Peitai ua ia folafola atu nei lona salamō i lea itu, ma ua ia
molimau atu nei i le amiotonu ma le amio paia o Hasi. Fai mai upu
110
O Le Finauga Tele
a Ierome: “Na ma masani lelei ma Hasi talu mai lona tamaitiiti. O
ia o se tagata paia ma le amiotonu, ma e sili ona lelei. Peitai, e ui
lava i lona amiotonu, sa faasalaina o ia. ...O le mata’upu ia te a’u, ou
te faasilasila atu nei ua ou sauni foi a’u mo le oti. O le a ou le fefe
i sauaga ua saunia mo a’u e o’u fili ma le au molimau pepelo. O lo
o sau le aso latou te tali atu ai i lo latou taufaa’ole’ole i luma o le
faamasinoga a le Atua, o Le e le mafai ona ’olegia”. (Bonnechose,
vol. 2, p. 151.)
Ona sosoo lea ma ana upu e faatatau i lona faafitiga o le upu
moni. Fai mai o ia: “Talu mai lo’u tamaitiiti, e leai se agasala ua ou
faia e sili atu lona mamafa ma lona matuitui i lo’u mafaufau, nai lo
le agasala na ou faia i totonu o lenei potu pagatia, ina ua ou ioe ma
malie i le faai’uga amioletonu na faia ia Uikilifi, atoa ma le maturo
paia o Ioane Hasi, lo’u matai ma la’u uo. Ioe! ou te faasilasila atu mai
le ta’ele o lo’u agaga, lo’u mafatia ma lo’u māsiasi, ona o lo’u faafitia
ma lo’u ta’usalaina o a la’ua aoaoga, talu ai lo’u fefe i le oti. O lea ou
te faatoga atu ai i le Atua Silisili Ese, ina ia alofa ma faamagalo mai
a’u agasala, ae maise lava lenei agasala aupito sili ona inosia.” Ona
tusi atu lea o lona lima i le au faamasino ma faapea atu i ai ma le le
fefe: “Na tou faasalaina Uikilifi ma Ioane Hasi, e le ona ua la faia o
ni a’oa’oga e ese ai mai a’oa’oga a le ekalesia, ae ona ua la tetee ma
faailoa mai le amioletonu o le tele o faiga a le aufailotu, e pei o lo
latou faalialiavale ma lo latou faamaualuga, atoa ma amioleaga uma
a le au epikopo ma patele. Ma, ou te fia faaopoopo lo’u leo i mea
uma na la faamaonia, mea uma e le mafai ona latou faafitia.”
Na Faalavelaveina Ierome a’o faia lana faamatalaga. Ua gatete
tino o le au epikopo ma patele i le ita, ma ua latou valaau mai: “Se
a se toe aogā o nisi faamaoniga? O lea ua tatou vaavaai atu nei i le
tagata aupito sili ona faama’a’a o le au a’oa’o sese!”
E lei popole ai Ierome i lo latou pesi mai e pei o se afā. Na ia
valaau atu: “Oi, tou te manatu ea ou te fefe i le oti? Ua atoa le tausaga
o tou saisaitia a’u i se ana namuleaga e sili atu lona mata’utia nai lo
le oti. Ua sili atu lo tou sauā ia te a’u nai lo le sauā o se Iutaia, po o
se Take, po o se faapaupau, ma e i ai fasi aano o lo’u tino ua paia ma
to’u’ulu ese atu mai o’u ivi, talu ai le mata’utia o le ana na tou taofia
ai a’u. Peitai ou te lei faameo pe faitio, ona e le talafeagai lea mea ma
se tagata e tele sona loto. Ae ui i lea, e maofa lo’u loto i ni faasalaga
O Hasi Ma Ierome
111
sauā ma faiga faapaupau faapenei ua tou faia i se Kerisiano!” (Ibid.,
[90]
vol. 2, pp. 151-153.)
Ona toe pesi mai foi lea o le to’atama’i o le aufailotu ia te ia,
ma ua faanatinati ai loa ona toe ave’ese atu Ierome i le falepuipui.
Peitai na i ai nisi i le tauaofiaga, o ē na ootia o latou loto a’o latou
faalogologo i ana faamatalaga, ma sa latou naunau ina ia lavea’iina
o ia mai le oti. Ua alu atu nei i le falepuipui se asiasiga a le vasega
a epikopo ma katinale, ina ia latou faatauanau atu ia Ierome, ina
ia gaua’i i le finagalo o le fono. Ua latou faataatia atu nei i luma o
Ierome ni manuia se tele e fai ma taui pe a ia ioe e le toe faasagatau
ia Roma. Peitai, na le maluelue ai Ierome, e pei lava o lona Matai
ina ua ofoina atu i ai e le tiapolo malo ma mamalu uma O le lalolagi.
Ua tali atu Ierome: “Afai tou te maua se faamaoniga o lo’u sese
mai Tusitusiga Paia, ona ou ta’utino atu lea o le a ou fulitua i a’u
aoaoga”.
Ona tali mai lea o se tasi o ona fili: “O lona uiga ea e ao ona
fuaina mea uma i nei Tusitusiga Paia? A’o ai e malamalama i nei
tusitusiga sei vagana ua faamatala mai e le ekalesia?”
Ua tali atu Ierome: “O le fea e ao ona tatou faatuatuaina? O uputuu a tagata, po o le talalelei a lo tatou Faaola? E lei faatonuina e
Paulo i latou na ia tusi i ai, ina ia savavali i uputuu a tagata. Fai mai
le upu tusia a Paulo, ’Ia su’esu’e outou i tusi.’ ”
Ona toe sau lea o le tali a se tasi o ona fili ua faapea mai:
“Faia’oga o mea sese! Ua ma’imau le taimi umi na ou fesoasoani
atu ai ia te oe. Ou te vaai atu o le tiapolo lava lea ua una’iina oe”.
(Wylie, bk. 3, ch. 10.)
E lei umi ae faia loa lona faai’uga. Ua ta’ita’i atu nei o ia i le
mea lava e tasi lea na susunuola ai Hasi. Na savali atu o ia ma pese,
ma sa vaaia i ona foliga le olioli ma le filemu. Ua taula’i atu nei lana
vaai ia Keriso, ma ua ia le toe mata’u ai nei i le oti. Ua laa atu nei i
ona tua le tagata faaoosala na te faamumūina le afi i lalo ifo o le fata
fafie, ona faapea atu lea i ai o Ierome, “Aua e te matamuli, ui mai i
o’u luma e faamumū ai lau afi. ’Ana ou fefe. semanū ou te le tu atu
faapenei”.
O ana toe upu a’o sasao a’e le afi i ona itu uma, o se tatalo na
ia valaau atu ai: “Le Alii e, le Tama e Ona le malosi uma lava, ia E
alofa mai ia te a’u, ma faamagalo mai a’u agasala, auā ua E silafia
lo’u naunau i Lau upu moni”. (Bonnechose, vol. 2, p. 168.) Ua le toe
112
O Le Finauga Tele
lagona atu lona leo, ae na memumemu pea ona laugutu i lana tatalo.
Ua mae’a le galuega a le afi, ona ave lea o ona lefulefu, faatasi ma
eleele na taatia ai le lefulefu, ma ua lafo i le vaitafe o le Raina, e pei
lava ona faia i le lefulefu o Hasi.
Na faapena ona fano o avesulu faamaoni a le Atua. Ae peitai,
e lei mate ai le malamalama o le upu moni na la folafolaina - o le
malamalama lava lea o la la molimau lototele. E pei lava ona le mafai
e tagata ona latou faafoi i tua le la i lana taamilosaga, e faapena foi
ona le mafai e se tasi ona taofia le vavala mai o le malamalama o lea
aso tele, lea ua amata lava ona tatafa mai i luga o le lalolagi.
Na sasao a’e i totonu o Pouimia le ita na’ua o le toatele, ona o
[91] le sala oti na oo ia Hasi. Na lagona e le atunuu uma ua tupu lea
faalavelave talu ai le loto leaga o le au patele ma epikopo, faapea
ma le taufaa’ole’ole o le tupu o malo o le taupulega. Na latou faailoa
atu o Hasi o se faia’oga faamaoni o le upu moni, ma sa latou molia
i le fasiotitagata le fono lea na faia le poloa’iga ina ia faaoo ai le
oti ia Hasi. Ua atili ai nei ona toatele tagata ua latou fia faalogo i
ana aoaoga. O le poloa’iga faapope foi na susunuina ai tusitusiga a
Uikilifi. Peitai, o ni vaega uma o nei tusitusiga na sao mai le afi ona
sa natia e tagata, ua ava’e uma nei i luga ma ua latou su’esu’e i ai,
ma faatusatusa i le Tusi Paia, po o se vaega o le Tusi Paia na latou
maua. Na faapena ona ta’ita’ia le toatele latou te talia le upu moni.
E lei nonofo filemu fili o Hasi ina ua latou matamata atu i le
tuputupu a’e ma le manuia o le galuega na ia amatalia. Ua tutū faatasi
nei le pope ma le tupu o malo o le taupulega, ina ia matuā olopalaina
lenei tala’iga fou, ma ua auina atu loa i Pouimia vaega’au a Sikisemane.
Peitai ua tula’i mai nei se faaola na te ta’ita’ia le aufitafita a
le malo o Pouimia. O ia lea o Sisika, o se tasi o taitai’au aupito
mata’alia ma le agavaa i lena augatupulaga. O ia lava foi lea e lei
leva ona amatalia le taua ae po atoatoa loa lana vaai. Na tutu atu
ma le le fefefe tagata o lenei atunuu, e tetee atu i vaega’au aupito
sili ona malolosi, ona sa latou faalagolago i le fesoasoani mai a le
Atua. E le gata i lea, sa latou talitonu e sa’o ma amiotonu la latou
mata’upu. E lei faamanuiaina taumafaiga e tele a le ao o malo o le
taupulega, ina ia faaumatia ai le atunuu o Pouimia, e ala i lona auina
atu i ai o lea vaega’au ma lea vaega’au. Peitai na o le toilalo ma le
māsiasi na oo i nei osofa’iga uma. Ua le iloa e soo o Hasi ma tagata
O Hasi Ma Ierome
113
Pouimia se fefe, ma sa matuā leai se mea e ono manumalo atu ia i
latou. Ua mavae ni nai tausaga talu le amataga o le taua ae maliu loa
le taitai’au lototele o Sisika. Peitai ua suitulaga mai ai nei Pokopia,
o se taitai’au lototele foi ma le atamai, ma atonu e sili atu foi lona
agavaa i nisi itu, nai lo Sisika.
Na manatu fili o tagata Pouimia ua latou maua se avanoa lelei
latou te manumalo ai ia Pouimia, ona ua maliu lo latou taitai’au
tauaso. Ua poloa’iina nei e le pope se osofa’iga tele i soo o Hasi ma
le malo o Pouimia. Ua toe faapotopotoina foi se vaega’au tele na’ua,
auā le osofa’iga o Pouimia. Peitai na o le toilalo matagā na latou
maua. Ua toe poloa’iina foi se isi osofa’iga. Ua faapotopotoina nei
mai malo Katoliko uma o Europa o fitafita, o tupe, faapea auupega,
auā lea osofa’iga tele. Na lolofi atu le toatele latou te lagolagoina
lenei taumafaiga faalepope, ma lo latou talitonuga ua lata mai le
i’uga o soo o Hasi, le au tala’i o mata’upu ua latou faaigoa o a’oa’oga
sese. Ua ulu atu nei se vaega’au tele i Pouimia, ma lo latou talitonuga
ua i o latou lima le manumalo. Peitai ua tula’i mai foi ma le le fefefe
tagata Pouimia e tetee mai i lenei itutaua tele. Ua taufai agai atu nei
itu e lua e faafetaia’i e le tasi le isi, sei oo ina ua na o se vaitafe nei ua
va a’i itutaua e lua. “Sa sili na’ua le malosi ma le toatele o le itu’au [92]
a le pope, ma sa tatau ai loa ona latou laga atu i le isi ituvai, e fetaui
ai ma tagata Pouimia na latou siitau mamao mai nei i ai. Peitai ua na
o na latou tutū nei ma sioa atu i le au fitafita a Pouimia”. (Wylie, bk.
3, ch. 17.) Ona faafuase’i lea ona oo ifo o le fefe ma le mata’u tele i
luga o lenei itutaua tele. Ua malepe nei ma ta’ape’ape le itu’au a le
pope, e pei ua faata’ape’apeina e se malosi e le mavaaia. E toatele
na’ua i latou o le itu’au a le pope na faaumatia e le vaega’au a tagata
Pouimia. E le gata i lea na tuliloaina e tagata Pouimia lenei itu’au
tele a’o latou sosola i le fia ola, ma e tele na’ua se vete na latou maua
mai ai. O lona uiga ua le o le mativa a’o le tamao’aiga ua maua e
tagata Pouimia talu ai lenei taua.
Ua mavae ni nai tausaga ona toe fuafuaina lea o se isi foi osofa’iga i lalo ifo o le poloa’iga a le pope fou. Pei lava ona faia muamua, ua toe faapotopoto nei foi o fitafita, o tupe, faapea ma auupega,
mai atunuu Katoliko uma i Europa. E maoa’e ni taui na ofoina atu
ina ia faatosina mai ai nisi e toatele mo lenei taumafaiga fitā. Ua
ofoina atu o le a maua le faamagaloga atoatoa o amioleaga, ma soligatulafono mamafa uma, a soo se tasi e ofo mai mo lenei osofa’iga.
114
O Le Finauga Tele
Ua ofoina atu se taui tele i le lagi, mo i latou uma o le a maliliu i le
taua. O ē o le a faaolaina mai le taua na ofoina atu i ai le mamalu,
atoa ma le tamao’aiga mai le taua. Ua faapena ona toe faapotopotoina o se isi itutaua tele a le pope, ma ua latou laasia loa le tua’oi,
ma ulu atu ai i le laueleele o Pouimia. Ua solomuli nei le vaega’au a
tagata Pouimia, ma ua faapena ona atili loloto ai i totonu o Pouimia
le mea ua oo atu nei i ai le itu’au a le pope. Ua faapena foi ona manatu le fili ua i o latou lima le manumalo. Peitai ua oo nei i le itula e
taofia ai le solomuli o le vaega’au a Pokopia, a ua latou liliu atu loa e
fai le taua ma le fili. Ona faato’ā iloa ai lea e le fili o lo latou sese, a’o
latou faatalitali mo le pa’O mai o le vaega’au a Pouimia. A’o faalogoina e au a le fili le gogolo o le aga’i mai o le vaega’au a Pouimia,
sa faafuase’i ona toe oo ifo ia i latou o le fefe ma le mata’u tele, e ui
lava latou te lei vaai tino i fitafita a Pouimia. Ua taufai lafoa’i nei a
latou auupega ae sola le tagata ia i le mea e ono sao ai, ua le gata i
fitafita, a ua faapena foi i taitai’au atoa ma alii sili. Na fiu le sui o le
pope e toe tau faapotopoto mai lana vaega’au, a ua le mafaia e ia se
mea. Na ia faia le mea sili na te mafaia, peitai na i’u lava ina tatafe
atu ai ma ia i le tafeaga a le au sosola i le fia ola. Ua matuā toilalo
a’ia’i lava le itu’au a le pope, ma ua faapena ona toe pa’ū atu ai foi
i lima o tagata Pouimia se isi vete e tele na’ua.
O le faalua lea ona auina atu i Pouimia o se itutaua tele na faapotopotoina mai toa ma fitafita o atunuu aupito malolosi i Europa atoa,
ma a’otauina ma faa’auupegaina i latou mo le taua. A’o le faalua foi
lea ona latou sosola i le fia ola, mai fitafita a se atunuu itiiti ma le
vaivai, ae aunoa ma se auupega na faaaogaina. O se faatinoga lava
lea o le mana faalelagi. E le o se galuega a se tagata na pa’ū faafuase’i
ifo ai le fefe ma le mata’u i au a le fili. O le Atua o Le na lafotuina au
[93] a Farao i le Sami Ulaula, o Le na faaumatia au a Mitiana i lima o Kitiona ma lana to’atoluselau, o Le na nutipalaina au faamaualuluga a
Asuria i se po e tasi, o Ia lava lea ua Ia toe faaloaloa mai Lona aao e
olopalaina ai le tagata fiapule ma le sauā. “Ua latou matuā matata’u
i lea mea sa leai se mea e matata’u ai; auā na faata’ape’apeina e le
Atua o ivi o le na tolauapi mai ia te oe; na faamāina i latou auā ua
inoino le Atua ia te i latou”. Salamo 53:5.
Ua lagona nei e ta’ita’i pope le le aogā o lo latou faaaogaina o ala
faafitafita ma faiga fai faamalosi. O lea ua latou taumafaia ai loa ni
faiga faa-upufai. Ua faia nei se tuutuuga e foliga mai ai ua avatua se
O Hasi Ma Ierome
115
sa’olotoga o mea tau lotu i tagata Pouimia, a’o le mea moni lava, ua
faalataina ai i latou ina ia latou oo atu ai i lalo ifo o le pule a Roma.
E fa ni mea na manana’o tagata Pouimia ina ia muai faataunuuina
ona latou faato’a ioe atu lea i se leleiga ma Roma. Muamua, aua
nei faatulafonoina le folafolaina o le Tusi Paia ma le talalelei. Lona
lua, ia faatagaina soo se tagata ekalesia ina ia ai i le areto ma inu
i le uaina o le faamanatuga, ma ia faaaogaina le gagana Pouimia i
taimi o tapua’iga. Lona tolu, ia le toe tau’aveina e le aufailotu se
pule po o ni tofiga faalemalo. Ma lona fa, ia tasi le faamasinoga e
faamasinoina ai le aufailotu faatasi ma isi tagata o le atunuu, i lalo
ifo o faamasino a le malo. Na i’u lava ina “malilie ta’ita’i pope ina ia
talia vaega uma e fa o le talosaga a tagata Pouimia. Peitai, na taofia e
ta’ita’i pope le āiā latou te faauigaina ai ma faatinoina ai vaega uma
e fa o lea talosaga. Na latou fai mai o lea āiā e taofia i lima o le fono.
O le uiga moni lava o lea faa’upuga, na o le pope ma le ao o malo
o le taupulega e ā la’ua lea āiā”. (Wylie, bk. 3, ch. 18.) Sa osia ai
loa se feagaiga i luga o nei tuutuuga, ma sa faapena loa ona maua
ai e Roma i auala tau faa’ole’ole ma uiga taufaasese, o mea sa na le
mafaia ona maua i auala faafitafita ma taua. Pei lava ona tuuina e
Roma ana lava faauigaga i a’oa’oga a le Tusi Paia, o le a faapena foi
ona feliua’i ma faauiga e Roma soo se vaega o le talosaga a tagata
Pouimia, ina ia tusa ai ma ana lava fuafuaga.
E toatele nisi i Pouimia sa latou iloa ua faalataina i latou ma lo
latou sa’olotoga e ta’ita’i pope, ma sa latou le fia ioe i lenei feagaiga.
Na faapena ona oo mai ai o fe’ese’esea’iga ma fevaevaea’iga i tagata
Pouimia, ma i’u atu ai lava i lo latou fetaua’i ma le fefasia’i ia i latou
lava. O nei fefasia’iga na maliu ai le ta,itai’au lototele o Pokopia, ma
ua faapena ona mou atu ai o sa’olotoga o tagata Pouimia.
Ua avea nei Sikisemane ma tupu o Pouimia. O ia lava lea na
ia faalataina Hasi ma Ierome, ma ua ia sagai atu nei na te fausia
a’e le malosi faapope i totonu o Pouimia, e ui lava na ia tautō na
te lagolagoina āiā tatau a tagata o lea malo, i mea tau tapua’iga.
Peitai, e leai se mea tele na ia maua i lana auauna faamaoni ia Roma.
E luasefulu tausaga o faatumulia lona olaga i avega mamafa ma le
faigata. Na faaaluvaleina ana vaega’au, ma sa tafe uma atu ai tupe a
lana taupulega talu ai se tauiviga faa’umi’umi ma le le aogā. Na o [94]
le tasi le tausaga na ia nofoia ai le nofoalii o Pouimia ae maliu loa o
ia, i se vaitaimi tonu na toetoe ai lava pa’ū atu lea malo i se taua i le
116
O Le Finauga Tele
va o ona lava tagata. Na o le luma ma le amioleaga o lo o manatua
ai e ona tagata le igoa o Sikisemane.
Sa le faaitiitia misa ma taua i totonu o Pouimia. Ua toe osofa’ia
foi Pouimia e vaega’au mai fafo, ma sa fesoua’iina pea le atunuu i
fevaevaea’iga. O ē na faamaoni pea i le talalelei, ua latou fetaui nei
ma ni sauaga mata’utia.
A’o inu o latou uso i le uaina o a’oa’oga sese talu ai lo latou ioe
i le feagaiga ma Roma, na piimau atu pea nisi i Pouimia i le upu
moni, ma latou faatūina ai loa se ekalesia fou ua latou faaigoaina
o le “Au uso Tuufaatasi”. Na o upu faamalaia ma fetuu na oo mai
ia i latou nei, talu ai lo latou faatūina o lenei ekalesia fou. Peitai, e
lei maluelue ai lo latou faatuatua. O le vaomatua ma ana na latou
maua i ai se lafitaga mai sauaga, ma o inā na faaauauina ai lo latou
potopoto faatasi mo le faitauina o le afioga a le Atua, ma lo latou
tapua’i atu ia te Ia.
Ua latou auina atu faalilolilo ni a latou avefe’au i lea atunuu ma
lea atunuu, ma sa latou iloa ai o lo o i ai se “toaitiiti i lea aai ma lea
aai, o ē o lo o faamaoni pea i le upu moni, ma o lo o tuliloaina foi
e sauaga, e pei lava foi o i latou. O nei lava foi avefe’au faananā na
latou iloa ai o lo o i ai se aulotu o lo o savavali pea i le Tusi Paia, ma
ua leva ona latou tapua’i faapea i totonu o atumauga o le Alepa, ma
latou tetee atu ai faapena i tapua’iga ifo i tupua ma faiga amioletonu
a Roma”. (Wylie, bk. 3, ch. 19.) O ia tala na latou maua ai le olioli
tele, ma sa faapena ona amatalia ai loa ni a latou fesoota’iga ma
tagata Kerisiano Ualetenese.
E ui lava i le pogisa o le po o lo latou sauaga, na onosa’i pea ma
tūtūmau tagata Pouimia, ma latou faatalitali ma le naunauta’i, e pei
o nisi o lo o tepa atu i le itu i sasa’e a’o latou faatalitali mo le vavala
mai o le taeao. “Na feagai i latou ma ni aso leaga. Peitai na latou
manatua ni upu na mua’i faia e Hasi, ma sa tautala ai foi Ierome. Fai
mai ia upu: ’E mavae se senituri atoa, ona faato’ā tafa mai ai lea o
ata o lea aso.’ O nei upu i soo o Hasi, ua pei o upu a Iosefa ina ua ia
fai atu i ona tagata na nofo pologa i Aikupito ma faapea atu: ’O le a
ou oti, a’o le Atua, e asiasi mai lava o Ia ia te outou, ma aveina a’e
outou ai le nuu nei’. ” (Ibid., bk. 3, ch. 19.) “O tausaga tau faai’u o
le senituri lona sefululima, na molimauina ai le tuputupu malie a’e
o aulotu a le Auso Tuufaatasi. E ui lava sa latou feagai ma sauaga, sa
latou olioli pea i lo latou filemu pe a faatusatusa atu i sauaga na oo i
O Hasi Ma Ierome
117
nisi o o latou uso. E oo atu i le amataga o lona sefuluono o senituri
ua atoa le lua selau a latou aulotu i totonu o Pouimia ma Moreivia.”
(Ezra Hall Gillett, Life and Times of John Huss, vol. 2, p. 570.) “E
ma’eu le toatele o ē na totoe ma sao mai le afi atoa ma le pelu, ma ua
mafai ai ona latou molimauina le tafa mai o ata o lena aso na valo’ia
[95]
e Hasi”. (Wylie, bk. 3, ch. 19.)
Mataupu 7—O Le Vavae’ese O Luteru Mai Roma
Na taulamua ma tulaga ese Matini Luteru ia i latou uma o ē
na tofia e le Atua latou te ta’ita’ia le ekalesia mai le pogisa o mea
faapope, i le malamalama o le upu moni. O lea tonu lava le tagata
mo lena vaitaimi ona sa leai ma se isi na fefe ai Luteru. Na o le Atua
lava na mata’u o ia i ai, ma sa na le talia foi se faavae o se talitonuga
faalelotu, e ese ai ma le Tusi Paia. E le gata i lea, o ia o se tagata faamaoni ma le finafinau, o se tagata filigā ma le vilivilita’i, ma sa faia
e le Atua e ala ia te ia le galuega tele o le toe fuata’iga o le ekalesia,
atoa ma le faamalamalamaina o le lalolagi.
Na tupu a’e Luteru i se aiga mativa, pei lava o ulua’i avefe’au
o le talalelei. O se aiga faatauvaa ma le le amana’ia i Siamani na
faavae a’e ai lona olaga itiiti. Na maua tupe mo lana a’oga i le galuega
faatauvaa a si ona tamā, o le faigaluega lea i aso taitasi, i se maina
na eli ai le koale. Na mana’o lona tamā ina ia avea Matini o se loia;
peitai na finagalo le Atua ina ia avea o ia o se tasi o le au tufuga i le
malumalu tele ua auaua’i malie a’e nei lona tino mai, a’o faagasolo
mai lea senituri ma lea senituri. O le fuafuaga a le Atua poto na
ui mai ai Luteru i se a’oga o mea fitā ma se olaga mativa, ina ia
sauniunia ai o ia mo le tofi ua filifilia o ia i ai.
O se tagata loto mau ma le sogasogā tele lona tamā, ma o se
tagata e tautala sa’o ma tu malosi, ma e le gaua’igofie. Na savali ma
le faamaoni o ia e tusa ai ma ona talitonuga, tusa lava po o le a le
i’uga e oo i ai. O lona faautauta lelei na ia vaai ai ma le masalosalo
i a’oga faapatele. O le mea lea na ia ita tele ai ina ua ulufale Luteru i
se a’oga faapatele, e aunoa ma se ioega mai ia te ia. E lua atoatoa ni
tausaga na mavae faato’ā faia se leleiga i le va o lenei tamā ma lona
atalii; peitai e lei suia ai lona taofi e uiga i a’oga faapatele.
E lei manatu faatauvaa mātua o Luteru i le a’oa’oga o la la fanau.
Na la taumafai ina ia a’oa’oina i latou i le mata’u i le Atua, ma le
savavali tonu e tusa ai ma uiga lelei faa-Kerisiano. Na masani ona
faalogo Luteru o faia talosaga a lona tamā ina ia le galo i lona atalii
le suafa o Ieova, ma ia i ai se aso e mafai ona fesoasoani ai lona atalii
118
O Le Vavae’ese O Luteru Mai Roma
119
i le faalauteleina o Lana upu moni. E ui lava i lo latou mativa ma le
le tagolima, sa lei faatamala nei mātua soo se avanoa a’oa’oina ai le [96]
amio, atoa ma le mafaufau o la la fanau. Sa le fiugofie nei mātua i le
faia o lo la faata’ita’iga ina ia avea la la fanau o ni tagata e ola aogā,
ma ola faapaiaina. O lo la tausisi tele ma le faamaoni i tapulaa o le
amio lelei, na masani ai ona faia ma le soona sauā o la faata’ita’iga
faa-mātua. Peitai e ui lava na lagona e Luteru e i ai ni mea na sasi
pe sese ai ona mātua, sa itiiti ifo mea na ia faameo ai, nai lo a’oa’oga
lelei na ia maua mai ia i la’ua.
Sa fetaia’i Luteru ma ni faiga soonafai ma le sauā i le a’oga na
auina o ia i ai i lona tamaitiiti. O le matitiva tele o ona mātua na oo ai
lava ina alu Luteru ma pese fano atu i lea fale i lea fale, ina ia maua
ai sana mea’ai, a’o ia savali atu mai lo latou nuu i le aai na tu ai le
aoga. Sa masani o ia ma le matelaina i le fia’ai. E tele ni talitonuga
faanuupo na salalau i lea vaitaimi na faatumulia ai o ia i le fefe. Na
masani ona ia ta’oto ma le faanoanoa ma le gatete o ona tino i le po,
pe a ia manatu i le sauā o le Atua, o ia o se faamasino le alofa, se
tupu e mata’utia lona to’asa.
Ae ui lava i le tele o mea na ono faavaivai ai lona taumafai, sa
tulimata’i atu pea Luteru i le tapulaa maualuga faaleamio, atoa ma
le tapulaa maoa’e o le mafaufau ua tosina atu nei i ai lona loto. Na ia
galala mo le poto; e le o le poto papa’u e tupu mai ai le faalialiavale,
a’o le poto moni, le poto aogā e auauna atu ai mo isi.
O le 18 o ona tausaga na ulufale atu ai Luteru i le Iunivesete o
Erefata. E oo atu i lea vaitaimi o lona olaga, ua tau feololo le tulaga
o lo latou aiga, ma ua foliga manuia mai ai le lumana’i mo ia. O le
galulue malosi o ona mātua, atoa ma lo la faaeteete ma le fai faatatau
lelei, ua la maua ai nei se fasitupe feololo, ma ua mafai ai nei ona la
avatua ia te ia le fesoasoani na ia mana’omia. O le faautauta o nisi o
ana uō, ua tau faaitiitia ai le faanoanoa ma le fefe na pogisa ai lona
mafaufau, talu ai mea na a’oa’oina ai o ia i lona tamaitiiti. Na ia sagai
atu loa e sa’ili ma le filiga le poto mai le autusitala aupito popoto o
lea vaitaimi, ma sa ia teulotoina a latou a’oa’oga loloto, ma avea lea
ma ala na faalauteleina ai lona lava poto. E ui lava foi i le soona sauā
o ona ulua’i faia’oga, sa le natia ai le ma’ai o lona mafaufau. Lenei
la ua fai si ese’esega o le tulaga ua oo i ai, ua atili ai foi le saosaoa o
le tuputupu a’e o lona poto. Sa le pine ae tulaga muamua o ia i lana
a’oga talu ai lona loto matala, atoa ma le lelei ma le ma’ai o lona
120
O Le Finauga Tele
mafaufau, faapea lona ma’elega ma lona sogasogā. O lona faautauta
na faapaleina ai lona poto, ma ua atili ai ona ma’ai lona mafaufau
ma sa’o ai ana filifiliga, ma ua saunia lelei atu ai o ia mo faafitauli o
lo o loma o lona olaga.
O le mata’u i le Atua na mafai ai ona tumau faamaoni Luteru i
lana filifiliga, ma ta’ita’ia atu ai o ia i se olaga agamalu ma le loto
maulalo i luma o le Atua. Na ia lagona pea lava lona le mafai o
se mea e aunoa ma le fesoasoani mai o le Alii, ma o lea na ia faamuamua ai i taeao uma le tatalo, atoa ma ana talosaga lēleoa i soo
[97] se taimi o le aso, mo le ta’ita’iga ma le faatasi mai o le Atua. Na
masani ona faia e Luteru upu nei: “E faigofie ona saunia o lau lauga
pe a sa’o ona faia o lau tatalo”. (D’Augigne, bk. 2, ch 2.)
Na te’i ua tau ane Luteru i se Tusi Paia Latina a’o faia ni ana
su’esu’ega i le faletusi o le iunivesete. Faato’ā vaai lava lea o ona
mata i se tusi faapea. E lei iloa e Luteru e i ai se tusi faapea i le lalolagi. E i ai ni vaega o Tusi Evagelia ma tusitusiga a Paulo na masani
ona faalogo tagata o faitauina e le aufailotu i taimi o tapua’iga. Ma
sa manatu Luteru o le Tusi Paia atoa lena. A’o lenei ua ia faato’a tepa
i le atoaga o le afioga a le Atua. Sa ia tago atu ma le mata’u ma le
maofa ma ua ia susu’e i ona laupepa paia. Sa tātāvale lona fatu a’o ia
faitau mo le ulua’i taimi i upu o le ola, ma ia faapea ifo: “Ma’imau
pe ana auina mai e le Atua se tusi faapea mo a’u”. (Ibid., bk. 2, ch.
2.) Sa i ona autafa agelu a le Atua, ma sa faapupulaina atu ia te ia
oloa tāua o le upu moni, ina ua sulugia o ia i ave o le malamalama
mai le nofoalii o le Atua. Ua leva ona ia te ia le popole nei le fiafia
mai le Atua ia te ia. Peitai o lenei ua faato’ā oo ifo ia te ia se lagona
loloto e uiga i lona tulaga moni, o ia o se tagata agasala.
O le naunau faamaoni o Luteru ina ia sa’oloto o ia mai le agasala
ma ia maua sona leleiga ma le Atua, o mea ia na mafua ai lana filifiliga ina ia ulu atu i se a’oga faapatele, ma tuuina atu ai o ia e ia
lava, i se olaga faamonike. Na faatonuina o ia i totonu o lea a’oga na
te faataunuuina ni tiute aupito maulalo ma le faatauvaa, e pei o le
aisi atu mai lea fale i lea fale mo mea’ai. O le vaitaimi tonu lea i le
olaga o le talavou e matuā faigata ai tele ona faia o ni tiute maulalo
faapea. Ma o le faataunuuina o ni tiute maulalo faapea, na oo ifo ai
le māsiasi tele i ona lagona faaletagata. Ae ui i lea na onosa’i lava
lona mā, ona sa ia talitonu o nei mea uma e ao ona faataunuuina talu
ai ana agasala.
O Le Vavae’ese O Luteru Mai Roma
121
Na faaaoga e Luteru mo ana su’esu’ega soo se itulā lava na
avanoa ai o ia mai le faiga o ona galuega. E tele taimi na fao ai e
ana su’esu’ega itula na tatau ona ia moe ai. E oo lava i le taimi na ’ai
ai sana mea’ai faalēlava, sa ia mana’o lava foi ina ia faaaoga ia taimi
mo ana su’esu’ega. E leai se mea na sili atu i le manatu o Luteru nai
lo le su’esu’eina o le afioga a le Atua. Na ia tau ane i se Tusi Paia o
nonoa i se filifili, i le puipui o le fale na latou nonofo ai, ma o inā
sa masani ona ia fo’ifo’i i ai. A’o tuputupu a’e pea le loloto o lona
malamalama e uiga i le leaga o ana agasala, sa faapena ona taumafai
Luteru ina ia maua e ia le malologa ma le faamagaloga, e ala i ana
lava galuega. Sa tu’i e ia lona ola ona o ana taumafaiga uma, ina ia
faatoilalo ai uiga leaga o lona loto, ina ia maua ai e ia se mapusaga
ua siliga ona maua mai lona olaga faamonike. O nisi o mea na ia tu’i
ai lona ola o anapogi ma le faalāina, o le faia o talosaga i le po atoa,
ma lona sasa ia te ia lava. E leai se mea na ’alo ai Luteru ona o lona
naunau ina ia ausia e ia le loto mamā, e mafai ai ona ia tu atu ma le
amiotonu i luma o le Atua. Fai mai lana tala i se taimi mulimuli ane,
“E le mafai e upu ona faamatalaina mea na ou tu’i ai lo’u ola. Ai lava [98]
o a’u le patele aupito sili ona paia. Ana i ai se patele na te maua le
lagi ona o ana galuega faamonike, ou te ta’u atu e leai lava se isi e sili
atu ia te a’u. Ana se’i faa’umi’umi pea lea tulaga mo se isi vaitaimi
umi, semanū e oo lava i le oti ou te le faafiti ai”. (Ibid., bk. 2, ch. 3.)
Na alu le tele o lona malosi, ma sa masani foi ona ia matapogia talu
ai lona tu’i faapea o lona ola, ma e lei toe foi atoatoa mai lava lona
malosi talu ai nei taumafaiga. Ae ui lava i nei taumafaiga uma, e lei
maua ai lava e lona agaga se mapusaga. Na i’u lava ina oo ifo ia te
ia le lagona ua leai sona faamoemoe.
Ina ua foliga mai ai ia Luteru ua leai sona faamoemoe, na saunia
ai e le Atua se uō e avea o se fesoasoani mo ia. O lea uō o Topisi, o
se tagata e ola faapaiaina. Na faamanino atu e Topisi le afioga a le
Atua i le mafaufau o Luteru, ma ia fai atu ia te ia ina ia sōla le vaai
ifo ia te ia lava, ma sōla le faatāugāina o lona tino talu ai le solia o
le tulafono a le Atua, a ia tepa a’e ia Iesu le Faaola, o Le faamagalo
agasala. “Sōia e te faataugā i lou tino talu ai au agasala. Lafoa’i atu
oe lava i aao o le Faaola. Faatuatua ia te Ia, faalagolago i le amiotonu
o Lona soifuaga, atoa ma le togiola e ala i Lona maliu. ...Faalogo i
le Alo o le Atua. Na liutagata o Ia ina ia mautinoa ai lou maua o
le alofa faalelagi. Ia e alofa atu i Le na ulua’i alofa mai ia te oe”.
122
O Le Finauga Tele
(Ibid., bk. 2, ch. 4.) Na faapena ona tima’i atu o lenei avefe’au o le
alofa. Na lagona e Luteru le loloto ma le tāua o nei upu. Ua tele ni
ana tauiviga na fai ona o ni talitonuga ua leva ona faasespina ai o ia.
Peitai ua ia manino nei i le upu moni, ma ua maua ai loa se mapu e
lona agaga mafatia.
Ua mae’a le faau’uga o Luteru e fai ma patele, ona valaauina
loa lea o ia mai le nofoaga faamonike ina ia fai ma porofesa i le
Iunivesete o Vitenipeki. O ina na ia sa’ili’ili ai i le afioga a le Atua,
e ala i lona a’oa’oina o gagana na ulua’i tusia ai le Tusi Paia. Ua
amata nei ona ia faia’oga i le Tusi Paia. Na talia ma le fiafia e le
motu o tagata ana a’oa’oga mai tusi Evagelia, ma tusi a Paulo, faapea
ma Salamo. Na una’iina o ia e lana uō o Topisi, o lona ta’ita’i lava
foi lea, ina ia ia folafolaina le afioga a le Atua mai le pulelaa. Sa
faaletonu Luteru ona o lona manatu ifo, o ai ia o le a ia tautala atu
ai e fai ma sui o Keriso i luma o tagata. Na faa’umi’umi se tauiviga
i le mafaufau o Luteru e uiga i lenei mata’upu, ma i’u ai lava ina ioe
atu o ia talu ai le faatauanau mai pea o ana uō ia te ia. Ua avea nei
Luteru o se toa o le Tusi Paia, ma sa ia te ia le poto ma le faautauta
mai le Atua. Sa le emo se mata o le au faafofoga ona o le lelei o lana
folafola, ma sa manino le faalogo ma ootia loto o tagata, ona o le
malosi ma le naunauta’i o ana lauga.
E oo mai i lea vaitaimi o lo o avea lava pea Luteru o se tasi o
atalii moni O le ekalesia pope, ma sa lilo i lona manatu o le a i ai se
suiga o lea tulaga. O le ta’ita’iga a le Atua na ia asiasi atu ai i Roma.
A’o faia lenei savaliga umi, sa ia maua ni ana malologa i nofoaga
[99] faamonike i le auala. Na matuā maofa lona loto i le tamao’aiga atoa
ma le mamalu ma le oa taugata na ia vaai i ai i se tasi o nofoaga
faamonike i Italia. E tele se oa matupe na maua e nei monike, ma sa
mafai ai ona latou nonofo i ni maota maoa’e ma le matagofie, ma sa
latou oofu i ni la’ei faatupu, ni la’ei aupito taugatā, ma aai i taumafa
na o ē mau’oloa latou te maua. Na oo ifo le tiga ma ni masalosaloga
loloto i le mafaufau o Luteru a’o ia faatusatusa atu nei mea uma, i le
mativa ma le faigata o lona lava olaga. Ua amata nei ona fememea’i
le mafaufau o Luteru.
Ua ia vaai atu nei i le taatia mamao mai o le aai o Roma, le aai
e taatia i luga o mauga e fitu. O le ootia o lona loto na ia faapa’ū
faō ifo ai loa i le eleele ma ia alaga atu: “Roma paia e, ou te ofo
alofa atu ia te oe”. (Ibid., b. 2, ch. 6.) Ua ia ulu atu nei i le aai, ua
O Le Vavae’ese O Luteru Mai Roma
123
ia asiasi atu i malumalu ese’ese ma faalogologo atu i tala faafagogo
na peseina mai e patele, ma sa ia faataunuuina sauniga uma e pei
ona masani ai. Na ia vaaia i soo se mea na ia asiasi i ai, ni vaaiga
na faatumulia ai o ia i le tiga ma le maofa na’ua. Na ia vaaia le
amioleaga i totonu o soo se vasega o le aufailotu. Na ia faalogo i
ni tausuaga ma ni upu pa’a’ā mai gutu o patele ma epikopo, ma ia
maofa i lo latou faalēmata’u ua oo lava i le faiga o le misisā. A’o ia
femiomica’i faatasi ma tagata atoa ma le aufailotu, na faapena ona ia
vaai ai i le tele o le amioleaga, ma le faamalieina o tuinanau maulalo
uma. Na te lei vaaia se ola faapaiaina i soo se mea na ia asiasi i ai; na
o le faalumaina o le Atua ma Lona suafa. O lea na ia tusia ai upu nei:
“E faigata ona outou talitonu i le tele o amioleaga ese’ese o lo o faia
i Roma. Tou te faato’ā talitonu lava pe a outou vā’ai tino ma faalogo
i ai. Ua tonu ai le upu e pei ona masani ai le toatele, fai mai, “Afai
e i ai se mea e ta’u o Seoli, o inā tonu lava o lo o tu ai Roma, ma o
inā le tō e le gata e pogai mai ai itu’aiga amioleaga uma”. (Ibid., b.
2, ch. 6.)
Na i Roma se ala faasitepu na ta’ua o le Ala faasitepu o Pilato.
Fai mai le tala o le ala faasitepu lava lea na uia e le Faaola i le po na
Ia tuua ai le potu faamasino o Pilato, ma sa faavavegaina le aumaia
o lenei ala faasitepu mai Ierusalema i Roma. E lei leva ona faia se
poloa’iga na folafola mai ai e le pope le faamagaloga o agasala, mo
soo se tasi na te a’ea lea ala faasitepu i ona tulivae. A’o faapena ona
a’ea ma le naunauta’i e Luteru lenei ala faasitepu i ona tulivae, sa
faafuase’i ona peiseai ua ia faalogo i se leo e pei o se faititili, ma
e peiseai o lo o tautala mai lea leo ia te ia ma faapea mai: “E ola
le tagata amiotonu i le faatuatua”. Roma 1:17. Na tu a’e ai Luteru
i luga, ma faanatinati ese atu loa mai lea mea ma le agaga māsiasi.
Ma e lei toe galo ia Luteru le malosi o upu o lea mau. Ua manino
nei ia te ia le sese na’uā o le faalagolago i galuega a le tagata mo
le faaolataga, atoa ma le tāua o le faatuatua tasi atu i le amiotonu a
Keriso. Lenei ua faapupulaina ona mata; e le toe tapunia lava ona
mata i a’oa’oga sese faapope. Na liliu ese ai lea, ona mata atoa foi
ma lona loto mai ia Roma. O le amataga lava lea o le tete’aga i le va
o Luteru ma le ekalesia, sei oo ai lava i lona vavae’ese atoatoa mai [100]
ma le ekalesia pope.
[101]
Ua taliu mai nei Luteru mai lana malaga i Roma, ma ua faae’e atu
loa ia te ia e le Iunivesete o Vitenipeki, se faailoga maualuga (tikeri)
124
O Le Finauga Tele
e ta’ua o le D.D. (Doctor of Divinity). O se faailoga maoa’e lenei i
mea tau le Tusi Paia. Ua ia maua nei se sa’olotoga mo le su’esu’ega
o le Tusi Paia e pei ona ia naunau i at. Na faia sana tautinoga na te
su’esu’e ma le faaeteete ma folafola atu ma le faamaoni le afioga a
le Atua i aso uma o lona ola, ae le o upu ma poloa’iga a pope. Ua le
gata nei o ia o se patele ma se faia’oga porofesa, a ua faae’e atu nei ia
te ia le pule e avea ai o ia o le sāvali o le Tusi Paia. Ua valaauina nei
o ia e avea ma leoleomamoe na te fafagaina le lafu mamoe a le Atua,
o ē ua galala i le fia aai ma le fia inu i le upu moni. Na ia folafola atu
ma le mautinoa e le tatau ona talia e le au Kerisiano soo se a’oa’oga
sei vagana ua faavaeina lea a’oa’oga i luga o le papa mausalI o le
afioga a le Atua. Na sasa tonu lava le mamafa o nei upu i le faavae
o le pule faapope. Na i totonu foi o nei lava upu le aano ma le autū
o le galuega o le Toe Fuata’iga.
Na iloa e Luteru le mata’utia o le faasilia o poloa’iga ma a’oa’oga
a tagata i luga a’e o le afioga a le Atua. Sa ia le fefe i lona tu atu e
tetee i su’esu’ega ma a’oa’oga a le au popoto ua pogai mai ai le le
talitonu o le toatele i le Atua, atoa ma filosofia ma talitonuga sese
ua leva ona saisaitia ai o tagata. Na ta’u atu e Luteru le le aogā o nei
su’esu’ega, atoa ma mea leaga e ono fananau mai ai. Na ia sa’ili’ili
auala na te liliu mai ai mafaufau o tagata mai a’oa’oga taufaasese a
le aupopoto ma le aufailotu, ae liliu atu i le upu moni e faavavau e
pei ona folafola mai e perofeta ma le au aposetolo.
E taua na’ua le fe’au na ia folafola atu i le toatele o ē na lolofi
atu i le fia faalogo i ana lauga. Faato’ā faalogo lea o o latou taliga
i ni a’oa’oga matagofie faapea. O le talalelei e uiga i le alofa o le
Faaola, le folafolaga mautinoa o le faamagaloga, ma le filemu e ala
i Lona toto, o a’oa’oga ia na latou maua ai le olioli, ma fanau mai ai
se faamoemoe e faavavau i totonu o o latou loto. O le malamalama
o lenei moll ua tutuina nei i Vitenipeki, o le a susulu malie atu, sei
oo lava ina sulugia ai tulimanu uma o le lalolagi i lona pupula, ma o
le a faateleina le malosi o lea pupula sei oo atu lava i le i’uga o mea
uma.
Peitai e le mafai ona nonofo faatasi le malamalama ma le pogisa.
E le mafai e se tagata ona pupulu le finauga i le va o le upu moni
ma a’oa’oga sese. O lo tatou taumafai e lagolago ma puipui i le tasi,
o lo tatou tu’ipala lava foi lea ma fasi ma lafotu i le isi. O le Faaola
lava Ia na fetalai mai: “Ou te lei sau e avatu le filemu, a’o le pelu”.
O Le Vavae’ese O Luteru Mai Roma
125
Mataio 10:34. O ni nai tausaga talu ona tatalaina le galuega o le Toe
Fuataiga, na fai ai se faamatalaga a Luteru e faapea: “Ua le ta’ita’ia
a’u e le Atua, a ua Ia tuleia a’u i luma. Na te tau’aveina a’u, ma ua ou
le pule ai ia te a’u lava. Ou te mana’o ina ia ou ola filemu; peitai ua
lafoa’i a’u i totonu o finauga ma taua ma fouvalega”. (D’Aubigne, b. [102]
5, ch. 2.) Ua oo nei la i le taimi e tulei ai o ia i totonu o le taua.
Ua leva ona faaaoga e le Ekalesia Roma le alofa tunoa o le Atua
e fai ai a latou su’egatupe. Ua fai ma masani a ē suitupe ona fai o a
latou fefaataua’iga i autafa o fata faitaulaga a le Ekalesia Roma, ma
sa faalogoina ai le fe’ei ma le pisapisaō o le au faatau i fefaataua’iga.
Ua faatau i tupe le faamagaloga o agasala, ina ia su’e ai tupe mo le
fausiga o se malumalu tele na ta’ua o le malumalu o Sagato Peteru
i Roma. O se poloa’iga a le pope na fai ai nei faagaioiga uma. O
lona uiga o tupe mai mea le tonu o le a faaaoga nei e fausia a’e ai se
malumalu mo tapua’iga i le Atua; o lona maatulimanu o le a faataatia
e ala i tupe e maua mai le amioleaga! Peitai o mea na faaaoga e Roma
e atia’e ai lona malosi ma lona tamao’aiga, o mea lava foi ia na afua
mai ai le tetee aupito iloga i lana pule ma lona malosi’aga. O mea
lava ia na faapogai mai ai le manuia o le tetee a fili o le Ekalesia
Roma, ma faapogai mai ai le taua na lūlūina ai le nofoalii o le pope,
ma taupa’ū ai le palealii na i lona ao.
O Teseli le igoa o le avefe’au faapitoa a le pope na auina atu i Siamani na te faagaioia le faatauina i tupe o le faamagaloga o agasala.
O se tagata faalemanuia lea tagata o Teseli. Na faamaonia lona faia
o ni amioleaga matagā na solia ai tulafono faalemalo, atoa ma le
tulafono a le Atua. Na faamaonia foi lona solasola mai faasalaga o
ana amioleaga, a’o lenei ua galue o ia mo le faalauteleina o fuafuaga
su’etupe ma faiga faalemanuia a le pope. Sa leai se mā po o se matamuli o Teseli i le faiga o ana pepelo ma le faiga o ana tala na fatu
ina ia faasespina ai tagata Siamani, ae maise o ē faigofie, o ē lei
a’oa’oina, ma ē na i ai talitonuga faanuupo. Ana ia i latou le afioga
a le Atua, semanū e le faaseegofieina i latou faapea. Ma o le pogai
tonu lava lea na taofia ai e le Ekalesia Roma le Tusi Paia mai tagata,
ina ia taofia ai i latou i lalo ifo o le pule a le pope, ina ia faigofie ai
ona fai su’egatupe mo le faalauteleina o le tamao’aiga ma le oa ma
le malosi o ona ta’ita’i.
Na faapenei ona faia o le galuega a Teseli. A taunuu atu o ia i se
aai, ona muamua lea o se avefe’au na te folafola atu faapenei, “O le
126
O Le Finauga Tele
alofa tunoa o le Atua, atoa ma le tamā paia ua toetoe lava oo mai i
o outou faitoto’a”. (D’Aubigne, b. 3, ch. 1.) Ma sa talileleia e tagata
lenei amioleaga taufaasese, ua peiseai o le Atua lava Ia lenei ua afio
mai ia i latou mai le lagi. Ua alu atu nei le solo tele i le falesa, ona
alu a’e loa lea o Teseli i luga o le pulelaa ma folafola mai ai faapea,
o le faatauina o le faamagaloga, o le meaalofa aupito tāua lea a le
Atua. Ua ia folafola atu afai e te faatauina se pepa o le faamagaloga,
o le pepa lava lena e faamaonia ai ua faamagaloina soo se agasala e
te mana’o e fai i soo se aso, ma e le toe mana’omia foi se salamō. Ae
le gata i lea, ua ia folafola atu i ni upu susua e faapea, e i ai le malosi
o le pepa o le faamagaloga e faaolaina ai, e le gata i ē o lo o ola, ae
[103] faapea foi e ua oti. Pe a pa’u ifo ai lau tupe i totonu o le pusatupe o
faamagaloga, o le a sa’oloto ai loa mai pulekatolio le agaga o le ua
oti, ma lele atu ai loa o ia aga’i i le lagi.
A’o vaai Simona Makasa i le faiga o vavega a le au aposetolo, na
oo ifo ia te ia le mana’o na te fia faataua i tupe le mana e fai ai vavega.
Peitai na tali atu i ai Peteru ma faapea atu, “Ia fano lau ario faatasi
ma oe, auā ua e manatu e faatau le mea foa’ifua a le Atua i tupe”.
Galuega 8:20. Peitai na talisapaia e le motu o tagata le faamagaloga
ua ofo atu nei e Teseli. Na tafe mai le auro ma le ario i totonu o lana
pusatupe. E faigofie ona maua o se faaolataga e faatau i tupe, nai lo
le faaolataga e mana’omia ai le salamō ma le faatuatua, atoa ma le
galue naunauta’i e tetee atu ma manumalo ai i le agasala.
Na i ai ni tagata paia, o ni tagata a’oa’oina i totonu o le Ekalesia
Roma, o ē na tetee i le tala’iga o le faatauina i tupe o le faamagaloga.
E toatele nisi e lei talitonu i mea taufaasese faapea, mea e le tusa ai
ma le afioga a le Atua, ma e le fetaui foi ma manatu o ē sa’osa’o o
latou mafaufau. E leai ma se patele po o se epikopo na mafai ona
sii a’e sona leo e tetee atu ai i lenei fefaataua’iga pi’opi’o. Peitai ua
toatele nisi ua le fiafia i lenei mata’upu, ma sa latou tuufesili ma le
naunauta’i po o afea o le a galue ai le Atua e ala i se tasi o Ana
meafaigaluega, mo le faamamāina o Lana ekalesia.
E oo mai lava i lea aso, sa faamaoni pea lava Luteru i le Ekalesia
Pope. Peitai na matuā le fiafia o ia ona o le tala’iga faalēmata’u a i
latou na faataua pepa o le faamagaloga. E oo lava i nisi o lana aulotu
na faatau a latou pepa o le faamagaloga, ma ua latou o mai nei ia
Luteru la latou patele e faaali i ai a latou agasala. E le ona ua latou
maua le agaga salamō ma le toe fuata’i. ae ona ua latou maua le pepa
O Le Vavae’ese O Luteru Mai Roma
127
o le faamagaloga. E lei faamagaloa e Luteru se isi o i latou nei. Na fai
i ai Luteru, “Afai tou te le salamō ma toe fuata’i o outou olaga, tou te
fano lava ia outou agasala”. Ua fememea’i nei tagata. Ua latou toe o
nei ia Teseli ma le le fiafia ona o ana pepa o le faamagaloga e le talia
e la latou faife’au. Ua feita nisi ma ua latou finau atu nei e toe faafoi
mai a latou tupe. Ua matuā tumu nei Teseli i le ita. Ua na faia ni fetuu
malolosi, ma faatonuina ina ia faia ni afi i le ogatotonu o le aai. Fai
mai o ia, “Na ou maua se poloa’iga mai le pope e susunuolaina ai i
latou uma o ē tetee i ana faamagaloga paia”. (D’Aubigne, b. 3, ch.
4.) ,
Ua faasaga atu loa Luteru ma le le toe fefe i le faiga o lana
galuega, o ia o le avesulu o le upu moni. Na faalogoina i le pulelaa lona leo o avatu ai ma le naunauta’i ni lapata’iga loloto ma le
tāua. Na ia faamanino i tagata uiga matagā o le agasala. Sa ia folafola atu e le mafai e le tagata, i ana lava galuega, ona faamāmāina
le mata’utia o le agasala, pe sola ese foi mai le faasalaga o le agasala.
Na o le salamō i luma o le Atua, atoa ma le faatuatua ia Keriso, ua
na o lea le ala e faaolaina ai le tagata agasala. E aunoa ma se isi
lava auala. E le faatauina le alofa tunoa o Keriso; o se meaalofa [104]
foa’ifua. O lana fautuaga i tagata, ia aua ne’i toe faatauina ni pepa
o le faamagaloga, a ia tepa atu i le Faaola ma Lona maliu, e ala i le
faatuatua. Na ia faamatalaina tausaga o lona olaga ua faama’imau,
talu ai ana taumafaiga tiga ina ia na maua le faaolataga, e ala i lona
sasa ma faataugā i lona lava tino. Fai mai o ia, “Faato’ā ou maua
lava le filemu ma le olioli ina ua aveese la’u vaai mai ia te a’u lava,
ae tepa tasi atu e ala i le faatuatua ia Keriso.
A’o faifai pea le galuega faalemanuia a Teseli, na manatu Luteru
ua tatau ona fai se isi osofa’iga malosi e tetee atu ai i nei amioga
pi’opi’o ma le taufaasese. E le’i umi ae maua lona avanoa. Sa i ai i
le malumalu i Vitenipeki ni mea tuai. Na talitonu tagata o nisi nei
o mea na faaaogā e tagata paia o augatupulaga ua mavae. Na latou
talitonu foi o nisi nei o ni mea totino na faaaogā e Iesu ma le au
aposetolo. O le masani la i Vitenipeki, e i ai ni aso paia faapitoa na
faataga ai le lautele o tagata latou te maimoa i nei mea tuai, ma o
i latou uma lava latou te asiasi atu i le malumalu i Vitenipeki i ia
aso paia, ma faaali ai a latou agasala, e maua e i latou le faamagaloga atoatoa o a latou agasala ma amioleaga uma. Ma sa taulēofi le
malumalu i Vitenipeki i le toatele o le motu o tagata na lolofi atu i
128
O Le Finauga Tele
ai, i nei aso paia faailogaina. Ua loma nei la se tasi o nei aso paia
- o le Aso Faailogaina mo le Aupaia Uma. Ua toe nei o se aso e tasi
ona tini lea i le Aso Faailogaina mo le Aupaia Uma. Ua alu atu loa
Luteru ma miomiō faatasi ma le toatele o tagata ua amata nei ona
lolofi mai i le malumalu i Vitenipeki. O le taimi lea na faapipii ai
loa e Luteru i le faitoto’a o le malumalu se pepa na ia tusia ai ni faamatalaga se ivasefulu- lima, e tetee atu ai i le tala’iga ma le faatauina
o pepa o le faamagaloga. Na ia folafola atu foi o le a ia nofo faatali
mai, i le iunivesete i le aso e sosoo ai, na te tali mai ai ia i latou uma
o ē fia lulu’i pe osofa’ia soo se tasi o ana faamatalaga tusia e 95.
E le’i umi ae lāuiloa i le atunuu atoa nei faamatalaga tusia e 95 a
Luteru. Na faitau ma saga faitau i ai le toatele, ma sa avea ma mea e
tālanoa i ai tagata i tulimanu uma o le atunuu. Na avea ia talitonuga
ma mea na lūlūina ai le iunivesete ma le aai atoa. Na faailoa mai e
nei faamatalaga e 95 a Luteru, e lei tuuina mai lava e le Atua i le
pope, po o se isi lava tagata ola le āiā po o le pule e faamagaloina ai
agasala, po o le faasalaga foi o le amioleaga. O lea fāufauga atoa, ua
na o se mea faa’ole’ole, o se togafiti e faamalosia mai ai tupe e ala i
le faavalea o tagata i o latou talitonuga sese, o se mailei a Satani e
faaumatia ai agaga o ē faalagolago i ana auala pepelo. O faamatalaga
lava foi ia e 95 na faailoa mai ai, o le talalelei o le oloa aupito taua
lea a le Ekalesia, ma o le alofa tunoa o le Atua e pei ona ua faaalia
mai i le talalelei, ua ofofua mai lea ia i latou uma o ē sa’ili’ili i ai, e
ala i le salamō ma le faatuatua.
Na tusia faamatalaga e 95 a Luteru i se auala na tatala atu ai le
faitoto’a i soo se tasi, latou te tula’i mai ai ma faailoa mai ia te ia soo
[105] se mea ua ia sese ai. Peitai e aunoa ma se tasi na talia lenei lu’itau.
E lei umi ae tālanoa Siamani atoa i mata’upu na ia faafesiligia i ana
[106]
tusitusiga. Na o ni nai vaiaso na va a’i ae faalogoina loa le leo o nei
mata’upu i atunuu Kerisiano uma. O i latou uma i le Ekalesia Roma
o ē na le fiafia talu ai amioletonu na faia i le ekalesia, o ē na latou
matauina ma le faanoanoa le tulaga ua oo i ai le ekalesia, ae na latou
le mailoa pe faapefea ona fo’ia o lea tulaga, ua latou faitau atu nei
ma le olioli i mata’upu e 95 a Luteru, ma ua latou lagona ai o le
si’ufofoga lava lea o le Atua. Na latou lagona ua siitia nei e le Atua
Lona aao e taofia ai le malosi o galu lolo o le amioleaga, e pei ona
ua fotua’i mai nei mai le nofoalii i Roma. Sa olioli malie ifo loto o
alii faamasino atoa ma ta’ita’i o nuu ma itumalo, ona ua mafai ona
O Le Vavae’ese O Luteru Mai Roma
129
faatuta’ia e se tasi le pule faasausili a Roma, le pule ua faasāina ai
le āiā tatau a tagata e talosagaina ai se toe iloiloina o ana faai’uga.
Peitai na matuā matata’u le toatele, ina ua tafi’esea tala’iga pepelo ma talitonuga sese na latou faalagolago i ai, mo se to’afilemu
o o latou loto. Ua sasao a’e nei le ita o le aufailotu pi’opi’o ona ua
faate’ia i latou i la latou galuega o le lagolagoina o le solitulafono.
Ua latou vaaia nei ua ono lamatia la latou ālamanuia, ma ua latou
tula’i faatasi atu nei e una’i ma lagolago a latou mata’upu pepelo. E
malolosi na’ua ma lēpopoi fili o le Failauga o le Toe Fuataiga. O nisi
o a latou moliga e faapea ua oso vale ma soona vavevave Luteru. O
moliga a isi e faapea o le fiapoto ma le fiailoa ua faia ai e Luteru nei
mea, ae le o le ta’ita’iga a le Atua. O le tali i ai a Luteru e faapea, “Soo
se isi lava e tula’i mai ma ni manatu fou, e foliga mai o ia o se tagata
fiapoto, ma e manatu le toatele o ia o se tagata faatupu faalavelave.
Aisea na fasiotia ai e tagata Keriso ma le au maturo? Auā na foliga
mai o i latou o ni tagata fiapopoto ona ua latou le amana’ia le poto
ma fautuaga a le aumatutua o lea vaitaimi. Na fasiotia i latou ona o
lo latou folafolaina o ni mea fou, e aunoa ma lo latou fesili muamua
i le aufai’upu ma le aupopoto i tu ma manatu faaanamua”.
Na ia toe tautino atu e faapea, “E le o le atamai faaletagata ua
una’iina ai a’u i mea uma ou te faia, a’o le finagalo o le Atua. Afai
o se galuega lenei a le Atua, o ai na te mafaia ona taofia? Ae afai e
leai, o ai na te mafaia ona una’ia? E le o lo’u loto, e lē o o latou loto,
po o i tatou foi, a’o Lou lava finagalo le Tamā paia e, Le o afio i le
lagi”. (Ibid., b. 3, ch. 6.)
E moni o le ta’ita’iga a le Agaga o le Atua na amatalia ai le
galuega a Luteru. Peitai e lei avea lea ma ala na tafi’esea ai e le
Atua faafitauli ma tofotofoga mai le lumana’i o lenei galuega. Na
pei o se lolo le pesi mai ia te ia o moliga a ona fili, faapea a latou
taumafaiga ina ia faauigasesē ana upu, ma faamāmāsagia lona igoa,
ma ta’uvalea ai lana amio. O nei mea uma na aafia ai o ia ma lana
galuega. Na i ai lona manatu o le a olioli le aufailotu ma fiafia ta’ita’i
o a’oga latou te uulima faatasi ma ia, ona o ni taumafaiga mo le
toe fuata’iga. Na faalototeleina o ia talu ai tima’iga a nisi na tulaga
iloga i nuu ma malo. Na ia vaai atu foi faalemafaufau i le tatafa [107]
mai o ata o se taeao pupula mo le ekalesia. Peitai, o lenei ua suia
tima’iga faalototele i faitioga ma upu faasala. E toatele alii mamalu
o le ekalesia ma le malo na latou talitonu i le moni ma le faamaoni
130
O Le Finauga Tele
o ana faamatalaga tusia; peitai na vave ona latou iloa e i ai ni suiga
tetele e ono oo mai i le ekalesia ma le malo pe a latou talia nei upu
moni. Afai o le a avatu le malamalama i tagata, o lona uiga o le
ave’esea lava lea o le faavae o le pule ma le malosi o Roma, o le
taofia lava foi lea o le afe ma afe o alagatupe o lo o tafe mai ai lona
tamao’aiga, ma o le a matuā faaitiitia ai le soifuaga manuia ma le
soifuaga faatupu o lo o ola ai nei ta’ita’i pope. E le gata i lea, afai o
le a a’oa’o tagata ina ia latou filifili e tusa ai ma o latou loto fuatiaifo,
ma latou vaai atu ia Keriso ua na o Ia e maua ai le faaolataga, o
a’oa’oga lava ia o le a talepe ai i lalo le nofoalii o le pope, ma i’u ai
lava ina lepetia i lalo la latou pule ma lo latou malosi. O le mafua’aga
tonu lea na latou teena ai le malamalama na ofoina atu e le Atua ia
i latou, ā ua latou tutū atu nei e pei o se itutaua e tetee atu ia Keriso
ma le upu moni, e ala i lo latou teena o le avefe’au na auina mai e
Keriso e aumaia ia i latou le malamalama.
Na gatete Luteru a’o ia manatu ifo i le tulaga ua ia oo nei i ai
- ua na o ia e toatasi e faafetauia pule aupito malolosi o le lalolagi.
Na tau masalosalo lona loto pe mata o le ta’ita’iga moni ea lenei a
le Atua ua ia tu atu ai na o ia e tetee i le pule a le ekalesia. O upu nei
na ia tusia, “O ai ea a’u ou te faatautee atu ai i le mamalu silisili o le
pope, o le ua gatete ai tupu o malo ma matata’u i ai le lalolagi uma?
E le mailoa e se isi le mafatia o lo’u loto i nei ulua’i tausaga e lua,
atoa ma le loto ua faavaivai ma ua foliga mai ua leai se faamoemoe”.
(Ibid., b. 3, ch. 6.) Peitai e lei tuulafoa’ia o ia e le Atua ina ia leai
sona faamoemoe. A mou atu ai sona faalagolagomaga i tagata, o le
a taula’i atu ai lana vaai i le Atua, ma iloa atu ai Lona aao malosi e
mafai ona ia faalagolago i ai e aunoa ma se masalosaloga.
Na tusi atu Luteru i se tasi o ana uō i le galuega o le Toe Fuataiga
ma ia faapea atu i ai, “Tatou te le ausia le malamalama’aga tonu o le
Tusi Paia e ala i a tatou su’esu’ega ma lo tatou poto faalemafaufau.
O le laasaga muamua lava e te uia o le tatalo. Ole atu i le Alii ina
ia foa’i mai ia te oe i Lona alofa tunoa, le malamalama’aga moni o
Lana afioga. E leai se isi e sili atu sana faamatalaina o le afioga a le
Atua, nai Le na tusia ia afioga. O Ia lava na fetalai mai, ’E a’oa’oina
i latou uma e le Atua’. Aua e te faalagolago i lou poto po o galuega
a ou lima, ae faalagolago tasi atu i le Atua ma le galuega a Lona
Agaga. Talitonu mai i le upu a le tagata ua uma ona tofo i ai”. (Ibid.,
b. 3, ch. 7.) O se āoga tāua lenei mo i latou uma o ē ua lagona ua
O Le Vavae’ese O Luteru Mai Roma
131
valaauina i latou e le Atua e folafola atu i isi upu moni mo lenei
vaitaimi. O upu moni lava ia o le a vivili a’e ai le ita o Satani, atoa
ma i latou uma o ē fiafia i ana fātuga faa’ole’ole. E le lava le poto ma
[108]
le malosi faaletagata e tau ai le taua ma alii o le pouliuli.
Na faamamafa mai e ona fili le tāua o tu ma uputuu, atoa ma
poloa’iga ma le pule a le pope. Peitai o le Tusi Paia, na o le Tusi
Paia lava, na faafetaia’ia ai i latou e Luteru. Ua latou fetaui ma ni
faa’upuga na matuā le mafai ona latou tali i ai, ma sa faapena ona
latou alalaga atu loa mo lona toto, e pei lava ona alalaga atu o Iutaia mo le toto o Keriso. Fai mai upu o la latou alaga, “O se tagata
taufaasese ma le faalata lenei. O se agasala matuiā i le ekalesia pe a
faataga se tagata taufaasese ma le inosia faapea e ola mo se isi itula.
Ia fausia loa nei lava sona fata e oti ai!” (Ibid., b. 3, ch. 9.) Peitai e
lei pa’ū atu Luteru i o latou lima sauā. E i ai le galuega na finagalo
le Atua ia faia e Luteru, ma sa auina mai agelu a le lagi e puipui ia
te ia. Peitai ua liliu atu nei le ita o Satani i le toatele o nisi na latou
talia le malamalama mai ia Luteru, ma sa tutū atu ma le le fefefe i
latou nei e fetaia’i ma sauaga, e oo lava i le oti.
E toatele nisi i itu e fa o Siamani na tosina i a’oa’oga a Luteru. O
ana lauga ma ana tusitusiga na susulu atu ai ave o le malamalama,
ma ua sulugia ma fagua ai le afe ma afe o tagata. Ua faifaimalie mai
nei ona oo mai o se faatuatua ola, e sui a’i sauniga mamate ua loa
ona saisaitia ai le ekalesia. Na faifaimalie foi ona fulitua le toatele i
tu ma mata’upu faanuupo a Roma. Na faifaimalie foi ona solōia i lalo
pa o talitonuga sese na va a’i tagata. Na faaaogā e Luteru le afioga
a le Atua e fua a’i soo se talitonuga ma soo se aoaoga, ma sa pei le
afioga a le Atua o se pelu e faatauma’ai ona itu, ma ua ati lona alu
ifo i loto o tagata. Na tupu a’e i itu uma o Siamani le faanaunauga o
tagata mo le faalauteleina o lo latou olaga faaleagaga. Faato’ā vaaia
lea o se galala faapea mo le amiotonu i totonu o Siamani atoa. Ua
leva ona faatepa mata o tagata i sauniga faaletagata ma ositaulaga
faalalonei; peitai o lenei ua amata fāliu atu la latou vaai e ala i le
salamō ma le faatuatua, ia Keriso o Le na faasatauroina.
Na atili faateleina le atuatuvale o ta’ita’i pope talu ai le toatele
o tagata na faaalia lo latou fiafia i le tala’iga fou. Na maua e Luteru
se tusi samania ina ia oo atu i Roma e tali ai i moliga ua faia, o ia o
se tagata taufaasese. Na oo ifo i ana uō le mata’u ma le popole talu
ai lenei poloa’iga. Na latou iloa lelei le tele o faigata e ono lamatia
132
O Le Finauga Tele
ai lona ola i totonu o lea aai amioleaga, le aai ua ’ōnā i le toto o
maturo a Keriso. O lea na latou tetee ai i lona alu i Roma, ma sa
latou talosaga ina ia faia lona su’esu’ega i Siamani.
Na i’u ina talia lenei fesuia’iga, ma sa tofia loa se sui o le pope na
te faia le faamasinoga i Siamani. O faatonuga a le pope na auina atu
i lea sui, na ta’u atu ai i ai e faapea, ua mae’a ona faia o le faai’uga
o Luteru, o ia o se fili taufaasese. O Le mea lea na faatonuina ai le
sui tofia ina ia ta’u atu ia Luteru lana agasala, ma ia saisaitia loa
lava o ia e aunoa ma se toe faatali. Ae afai e tumau pea Luteru, ma
afai e le mafai e le sui tofia ona pu’e ma saisai ia te ia, ua avatua
[109] nei i le sui tofia o le pope le pule na te ave’esea ai le puipuiga a le
tulafono ia Luteru, i soo se itu o Siamani. Ua avatu foi i le sui le pule
na te faate’a ai ma fetuu, ma sōloia mai le ekalesia i latou uma o ē
pipii atu pea ia Luteru”. (Ibid., b. 4, ch. 2.) Ae le gata i lea, o nisi
nei o faatonuga na poloa’i atu ai le pope i lona sui, ina ia lia’ina ma
tafi’esea ai a’oa’oga taufaasese ua pesi mai e pei o se faama’i. Soo se
isi lava, tusa lava po o le a lona tulaga i le malo po o le ekalesia, (se’i
vagana ai le ao o le malo), ia faate’a ma le ekalesia, pe afai latou te
le pu’e ma tuuina mai Luteru ma ona soo, ina ia faailoa atu i ai le
tauimasui ma le to’asa o Roma.
O lea ua faaalia tonu mai lava i inei le agaga moni o faiga
faapope. E aunoa ma se uiga faa-Kerisiano, po o se amiotonu foi
faaletulafono, e aliali mai i nei poloa’iga uma. Na vāvāmamao ma
Roma le mea sa i ai Luteru; ma sa na le maua se avanoa na te faia ai
se faamatalaga po o se faamalamalama’aga e uiga ia te ia ma lona
tulaga. Peitai a’o lei faia se su’esu’ega po o se faamasinoga, o lenei
ua mae’a ona faia o lona faai’uga - o ia o se fili taufaasese. Ma, o le
aso lava e tasi ua avatu ai ia te ia o le apoapoa’iga, o le ta’usalaina,
atoa ma lona faai’uga. Ma ua faia nei mea uma e le tagata ua fai mai
o ia o le tamā paia, o le pule sili e toatasi i le ekalesia ma le malo, o
ia e tonu atoatoa ona ala, ma e leai sana agasala!
Ina ua mana’omia tele ai e Luteru se faamafanafanaga ma ni
fautuaga a se uō faamaoni, na auina atu ai e le Atua Melanetone
i Vitenipeki. E talavou, e matamuli, e le gaoiā lea tagata. Peitai o
lona faautauta lelei ma lona poto lautele, o lona agavaa i le tautala,
atoa ma ona uiga mamā ma le amio sa’o, o nei uiga uma na aloa’ia
ma faaeaina ai o ia i manatu o le lalolagi. Pei lava ona maoa’e ona
agavaa ma ana taleni, na faapena foi le maoa’e o lona agamalu ma
O Le Vavae’ese O Luteru Mai Roma
133
lona le gaoiā. Sa le pine ae avea o ia o se tasi o soo faamaoni o le
talalelei, o se tasi foi o uō faamoemoeina a Luteru, ma o se tasi o
ona faalagolagomaga. Ua avatu nei le agamalu, le faautauta, ma le
faimeamae’a o Melanetone, ma ua tuu faatasi ma le loto tele ma le
’aumalosi o Luteru. Na avea lo la galulue faatasi o se faaopoopoga
malosi i le galuega o le Toe Fuataiga, ma sa avea lea o se fiafiaga ma
se faalototele ia Luteru.
Na maua le tonu o le a faia le faamasinoga o Luteru i Okisepeki,
ma sa sauni atu loa i ai Luteru mo lana sopo umi. Na i ai ni atugaluga
o nisi pe mata e saogalemu ai Luteru i lenei malaga umi. Na salalau
tala faapea e i ai nisi o le a latou pu’e ma fasiotia Luteru i le ala, ma
sa faapena ona augani atu ana uō e aua le alu o ia i Okisepeki. Na
latou faufautua atu e lelei lona tuua o Vitenipeki mo sina vaitaimi,
ae sa’ili lona saogalemu i ē o lo o naunau e puipui ia te ia. Peitai na
tumau lana filifiliga na te le tuua le mea ua tuuina o ia i ai e le Atua.
Na manatu o ia e ao lava ona tausisi ma le faamaoni i le upu moni,
tusa lava po o a matagi malolosi e pesi mai ia te ia. Fai mai lana
tali, “Ua pei a’u o Ieremia, o se tagata o fefinaua’iga ma feteena’iga.
Peitai o le faateleina o a latou faamata’u, o le faaopoopoina foi lea
o lo’u olioli. Ua latou lepeti lo’u tulaga, lo’u mamalu, atoa ma lo’u [110]
igoa lelei. Toe lava o lo’u tino augavale lenei e totoe. Tuu pea ia i ai
latou te avea lenei tino. E le o toe umi foi se taimi o totoe o lo’u olaga.
Peitai latou te le mafaia ona avea lo’u agaga. Soo se isi e naunau na
te folafola atu le afioga a Keriso i le lalolagi, e ao ona ia nofo sauni
i soo se taimi mo le oti”. (Ibid., b. 4, ch. 4.)
Na matuā olioli le sui o le pope ina ua maua tala ua taunuu
atu Luteru i Okisepeki. Ua foliga mai ua i ai nei i lima o Roma le
faatupu-faalavelave lea o lo o fia vā’ai uma nei i ai le lalolagi, ma
sa tonu i le loto o le sui o le pope, e le toe mamulu ese atu Luteru
mai ona lima. Na taunuu atu Luteru i Okisepeki e aunoa ma se tusi
o le puipuiga. (O le tusi lea e faasā ai ona pa’i se isi i lona ola ona
ua i ai o ia i lalo ifo o le puipuiga a le ao o le taupulega). Peitai ua
taunuu atu Luteru e aunoa ma sea tusi. O lea na fautuaina ai loa o
ia e ana uō ina ia ’aua lava ne’i alu atu o ia i luma o le sui o le pope
e aunoa ma lea tusi, ma sa latou faagaioi loa ina ia maua e Luteru
lea tusi mai le ao o le taupulega. Na manatu le sui o le pope ina ia
fai faamalosi se faato’esega a Luteru, ma ia ta’u atu ai e Luteru i le
lalolagi lona sese. Afai e le mafai lea tulaga, ona faatonuina lea e
134
O Le Finauga Tele
ave Luteru i Roma, ina ia faaoo ia te ia le faasalaga na faia ia Hasi
ma Ierome. O lea na ia taumafai ai e ala i ana avefe’au, ina ia oo
mai Luteru i ona luma e aunoa ma se tusi o le puipuiga. Peitai e lei
maluelue ai Luteru. Faato’ā oo atu lava Luteru i luma o le sui o le
pope, ina ua uuina i ona lima le tusi o le puipuiga, e faamaonia ai
lona saogalemu i lalo ifo o le puipuiga a le ao O le taupulega.
E tusa ai ma a latou faiga masani, na manatu ta’ita’i Roma latou
te taumafai ina ia gaua’i atu Luteru e ala i ni uiga ma ni upu fiiemu.
O ni foliga fiafia ma le fia faa-uō na faaali atu e le sui o le pope ia
Luteru, ma na fai ai a la feutaga’iga. Peitai na mana’o o ia ina ia
gaua’i Luteru i le pule a le ekalesia, ma ia faaali faalaua’itele mai e
Luteru le sese o ana a’oa’oga uma, e aunoa ma se finauga po o se
toe fesili. Na sese le mate a le sui o le pope, e uiga i le tagata o lo
o tu atu nei i ona luma. Na faailoa atu i le tali a Luteru lona āva i le
ekalesia, o lona faanaunauga mo le upu moni, o lona nofo sauni e
tali atu i faitioga uma e uiga i ana aoaoga, atoa ma lana talosaga ina
ia tuuina atu ana a’oa’oga i le iloiloga a nisi o iunivesete lauiloa, ina
ia iloa ai le sa’o po o le sese o mea ua ia tusia. Peitai na ia faailoa atu
foi lona agaga le fiafia i taumafaiga a le katinale ina ia faamalosia ai
o ia e ioe i le sese o ana aoaoga, e aunoa ma se faamaoniga e tasi o
sona sesē.
Na pau lava le tali na valaau mai ai le katinale o le, “Salamō,
salamō!” Na faailoa atu e Luteru ua lagolagoina e le Tusi Paia ana
a’oa’oga uma, ma sa ia tali atu ma le le fefe na te le mafai ona fulitua
i le upu moni. Na le mafai e le sui o le pope ona tali sa’o i faamatalaga a Luteru, a ua ia osofa’ia Luteru i ni upu taufaaleaga ma upu
faaulaula. E le gata i lea ae sa faaofiofi atu ai foi ma ni upu faaviivii,
[111] atoa ma ni upu na sii mai tala o le vavau. E lei toe tuua se avanoa i
le Failauga o le Toe Fuataiga e toe fai mai ai sana tala. Ua vaai atu
Luteru e ma’imau le taimi pe a faaauau ai pea faapea le faiga o le
faamasinoga. O lea na ia talosaga ai ina ia tuuina atu lana tali i se
pepa tusia. E lei mana’o i ai le sui o le pope ae na i’u lava ina maua
e Luteru lea faatagaga.
Fai mai Luteru i sana tusi i se tasi o ana uō, “E lua ni mea lelei
ua maua talu ai lea faatagaga. Muamua, o le a le na o le sui o le
pope e faalogo ia te a’u, ae o le a mafai foi e nisi ona latou iloiloina
la’u tali pe afai e tusia. Lona lua, e mafai e se tali tusia ona galue
filemu i le mafaufau o le sui faamaualuga o le pope. Ae a fai na o
O Le Vavae’ese O Luteru Mai Roma
135
se talanoaga, o le a faaaoga e le sui o le pope lona tulaga e fai ai
lana pule faamalosi ma ana upu faasausili”. (Martyn, The Life and
Times of Luther, pages 271, 271.)
Na folasia e Luteru i luma o le tauaofiaga na sosoo ai se tala tusia
o ana a’oa’oga - o se faamatalaga manino, ma’oti ma le tuusa’o, ma
sa lagolagoina e ni mau e tele mai le Tusi Paia. Ua mae’a ona faitau
leotele e Luteru o lenei tala tusia, ona ia tuuina atu lea o le pepa
i le katinale, le sui o le pope. Peitai, na o le tasi lava le vaai i ai
a le katinale ona ia togi’esea lea o le pepa ma faapea mai, “O se
anoanoa’i o upu ma mau e le aogā ma le fetaui”. Ua le toe taofiofi
nei Luteru, a ua ia sagai atu loa e fetaia’i ma le sui faasausili o le
pope. Na matuā faia’ina a’ia’i le sui i a la felafolafoa’iga e uiga i
uputuu ma a’oa’oga a le ekalesia.
Ua vaai atu le sui o le pope na te le mafaia Luteru i le faaaliga
o mafaufau, ona oso ai lea o lona to’atama’i tele ma ua ia alaga i
lona ita ma faapea atu, “Salamō! A ’ē le salamō o le a ou auina oe i
Roma e te tu ai i luma o faamasino tofia, o ē ua popoto ma masani
i au aoaoga. E le gata i lea, ou te faate’a foi oe ma le ekalesia, atoa
ma i latou uma o lo o lagolago ma faalafi ia te oe. Ou te tutulia uma
lava outou ma le ekalesia.” Ona sau ai lea o lana alaga faai’u i se leo
ma’ai ma le faasausili ua faapea mai, “Aua e te toe tu mai pe a e le
salamō”. (D’Aubigne, London ed., b. 4, ch. 8.)
Ona tuumuli ai lea o Luteru ma ana uō. Ua manino i lea tuumuli
e le salamō Luteru i se mea e tasi o ana aoaoga. E le o le i’uga lenei
na mana’o i ai le katinale. Na faamaualuga le katinale o lona leo tele
ma ana upu taufaamata’u o le a gaua’i atu ai Luteru ia te ia. Ua toe
mai nei na o ia le potu faamasino, ma i latou uma o lo o lagolagoina
o ia. A’o faasolosolo lana vaai i lana au vaega, sa matuā lūlū le ulu o
le katinale i lona ita ma lona le malie ona ua le manuia ana fuafuaga.
Na i ai ni taunuuga manuia na oo i ai taumafaiga a Luteru. Na
maua e le tauaofiaga tele se avanoa latou te faatusatusa ai Luteru ma
le katinale, ma avea ai i latou ma faamasino latou te faamasinoina
o la agaga faaalia, atoa ma le amiotonu ma le mautū o a la mau.
Se ese’esega ina a maoa’e! O le malosi mai le Atua ua tu atu ai
Luteru i lona mativa ma lona loto maulalo na te lagolagoina le upu
moni. Peitai o le sui o le pope e manatu faamaualuga, e faasausili i [112]
ona la’ei taugata ma le matagofie, ma e le fautuaina foi. E leai sana
faamatalaga e tasi na faavaeina i le Tusi Paia. Peitai na ita ma sauā
136
O Le Finauga Tele
lona leo ina ua ia alaga ma faapea mai, “A e le salamō, ou te auina
oe i Roma e maua ai lou i’uga”.
E ui lava ua maua e Luteru se tusi mai le tupu mo lona puipuiga,
ua taupulepule nei ta’ita’i Roma ina ia pu’e ma falepuipui ia te ia.
Na tima’i atu ana uō e ao ona toe foi faavave o ia i Vitenipeki ona ua
leai se uiga e toe faa’umi’umi ai lona nofo i Okisepeki. Ae le gata i
lea, ia matuā faaeteete ina ne’i iloa e se isi le itula na te tuua ai le aai.
Na faapena ona tuua e Luteru le aai o Okisepeki i se solofanua, a’o
lei tatafa ata o le taeao na sosoo ai. O se ta’iala mai le alii faamasino
na la Ō. A’o la ō atu faalilolilo i ala tetele pogisa ma le taaligoligoa
o le aai, e tele ni manatu na faapopoleina ai o ia. O fili sauā ma
le mata’alia ua latou taupulepule nei mo lona ola. Mata e sao o ia
i mailei ua latou faataatitia nei mo ia? O itula ia o atugaluga o le
loto o Luteru, atoa ma talosaga faatauanau. Ua la taunuu atu nei i se
faitoto’a itiiti i le pa o le aai. Sa tatala e le leoleo le faitoto’a ma ua
la faavave atu loa i fafo ma lona ta’iala. Na faataalise la la sosola ina
ua la te’a atu ma tuapā o le aai. E maua ane e le sui o le pope le tala
ia Luteru ua va tele o ia ma lima sauā o ona fili. Ua toilalo Satani
ma ana au. Ua sola nei le tagata na latou manatu ua i o latou lima;
ua alu ese atu nei Luteru e pei o le sola o se manulele mai le mailei
a le tagata fanafana.
Na tumu le katinale i le ofo ma le to’atama’i tele ina ua maua
le tala i le sola’aga a Luteru. Na i ai lona manatu o le a ia maua ni
viiga ona o lona poto ma lona faautauta, atoa ma lona onosa’i a’o
ia faamasinoina lenei tagata faatupu vevesi i le ekalesia. Peitai, ua
le taunuu lona faamoemoe. Na aliali lona to’asa tele i sana tusi ia
Fereti le alii sili o le malo o Sakisone. Na ia faailoa atu i lea tusi
ni tala leaga uma o Luteru, ma sa ia poloa’ia Fereti na te auina atu
Luteru i Roma. A le o lea, ia tuli’esea o ia mai Sakisone.
O le upu a Luteru i lana tali ia Fereti e faapea, “E ao i le sui o le
pope, po o le pope lava ia, ona faaali mai ia te a’u mai le Tusi Paia
ni mea ua ou sese ai. Ou te ta’utino atu ma le faamaoni ou te fulitua
i soo se tasi o a’u aoaoga, pe afai e faailoa mai ia te a’u se mea ua
eseese ai lea a’oa’oga ma le afioga a le Atua. Ou te faafetai i le Atua
ona ua ta’uaogāina a’u e sauāina ona o Lana galuega paia.
E lei lava se masani o Fereti ma a’oa’oga autū o le toe fuata’iga.
Peitai na le galo ia te ia le faamaoni, ma le malosi, atoa ma le manino
o upu na tautala ai Luteru. Na tonu ia Fereti o le a ia tu atu e avea o
O Le Vavae’ese O Luteru Mai Roma
137
ia ma puipuiga o Luteru, sei vagana ua faamaonia sona sese mai le
Tusi Paia. Na ia tali atu faapenei i le tusi a le sui o le pope. “Ua tatau
ona faamalieina lou finagalo ina ua tu atu le susuga a Matini i ou
luma i Okisepeki. Matou te lei manatu o le a ē taumafai e faamalosi
Luteru e fulitua i ana aoaoga, e aunoa ma se faaaliga manino ia te [113]
ia o mea ua ia sese ai. E leai se isi o faia’oga maualuluga i lo matou
malo ua ia ta’u maia ia te a’u faapea e faasausili a’oa’oga a Matini,
pe tetee foi i a’oa’oga faa-Kerisiano, po o le Tusi Paia”. E le gata i
lea na tetee foi lenei alii sili i le auina atu o Luteru i Roma, po o
le tuli’esea o ia mai itumalo o lana taupulega. (D’Aubigne, b .4, ch.
10.)
Na iloa e lenei alii sili le tele o le amioleaga ma le solitulafono o
le toatele o tagata. O se galuega tele o le toe fuata’iga ua mana’omia
nei. Semanū e le mana’omia fuafuaga taugatā ma le lavelave ua faia
mo soligatulafono pe ana talia e tagata tulafono a le Atua ma latou
usita’i i ai e ala i le loto fuatiaifo ua a’oa’oina lelei. Na matauina e
Fereti o le mea tonu lava lea o lo o galue agai i ai Luteru, ma sa olioli
lemu lona loto ona o se suiga lelei ua amata ona faalogoina i totonu
o le ekalesia.
Na matauina foi e Fereti le tulaga’ese o le manuia o le galuega
faaporofesa a Luteru i le iunivesete. Ua na o se tausaga e tasi ua
mavae talu ona tutu’i e Luteru ana faamatalaga tusia e 95 i le
faitoto’a o le malumalu tele. Peitai ua na matauina le toatele o le
faitau aofa’i o ē ua le toe asiasi mai faaletausaga i lea malumalu,
mo le Tausamiga mo le Au Paia Uma. Ua faaitiitia nei le au tapua’i
atoa ma taulaga mo Roma; peitai ua suitulaga mai nei se isi vasega
o tagata, o ē ua gasolo mai nei i Vitenipeki, e le ina ia maimoa i
faaaliga faaletausaga o mea tuai na “faaaogaina” e le au aposetolo,
a’o tagata ua lolofi mai nei i le iunivesete ona o aoaoga. Ua pei o
le susulu atu o se malamalama le salalau atu o le tala i tusitusiga a
Luteru, ma ua tupu mai ai le fia faalogo ma le fia su’esu’e o le toatele
i le Tusi Paia. Ua lolofi mai nei tagata i le fia aooga i le iunivesete o
Vitenipeki, e le gata i itu uma o Siamani, a ua faapea foi mai atunuu
i fafo. E i ai se masani na faia e le toatele o alii talavou o ē na fou
mai i Vitenipeki. Ina ua latou faatoa tepa ai i le aai o Vitenipeki, na
sisii a’e ai o latou lima i le lagi, ma latou vivii i le Atua ona ua Ia
faasusulu atu le malamalama o le upu moni mai lenei aai, e pei lava
138
O Le Finauga Tele
ona susulu atu mai anamua mai Siona, ma faapena ona salalau atu
ai i tulu’iga uma o le lalolagi. (Ibid., b. 4, ch. 10.)
E oo mai lava i lea aso e lei fuli’ese atoatoa Luteru mai a’oa’oga
ma faiga sese a Roma. Peitai na tumu o ia i le maofa tele pe a ia
faatusatusa le Tusi Paia i poloa’iga faapope, atoa ma ana tulafono
faavae. O nisi nei o upu na ia tusia i lea vaitaimi: “O lenei ou te
faitauina poloa’iga a pope. O le vāvāmamao tele o le Agaga o Keriso
ma le agaga o nei poloa’iga, ua faigata ai ona ou iloa po o le fea tonu
le anetikeriso - po o le sui o le pope, po o le pope lava ia”. (Ibid., b.
5, ch. 1.) Ae ui lava i nei mea uma, e oo mai lava i lea aso o lo o lotu
pea lava Luteru i le Ekalesia Roma, ma na te lei mafaufauina foi e i
ai se aso o le a ia tuua ai lenei faatuatuaga.
Na salalau atu tusitusiga a Luteru i atunuu Kerisiano uma i Europa. Na oo atu le galuega i Suiselani faapea Holani. Na salalau
[114] atu foi ni kopi o ana tusitusiga i Farani faapea Sepania. Na pei o
le taunuu atu o le upu o le ola le talileleia e tagata o ana a’oa’oga i
Egelani. Na faapea foi le salalau atu o le upu moni i Peleseuma ma
Italia. Na pei o le te’i a’e o se tagata matapogia le feala mai o le afe
ma afe o tagata, o ē ua latou maua le faamoemoe ma le olioli, ona
ua’latou ola i le faatuatua.
Ua faasolosolo a’e lava ina le lava le onosa’i o Roma talu ai osofa’iga a Luteru. Na fai le upu a nisi o patele na faia’oga i uinivesete
Katoliko e faapea, e leai se agasala a le tagata na te fasiotia Luteru le
monike faatautee. E le masani Luteru i se tagata na alu atu ia te ia i
se tasi aso. E alu atu lea tagata ma se fana ua nanā i ona lavalava, ma
ua ia fesiligia Luteru pe aisea e fealua’i ai na o ia. Fai mai le tali a
Luteru, “O lo’u ola o lo o i aao o le Atua. O Ia o lo’u malosi ma lo’u
pa puipui. O le a se mea e mafai e tagata ona fai ia te a’u?” (Ibid., b.
6, ch. 2.) Na te’i lava ua pula foliga o lenei tagata ina ua ia faalogo i
nei upu, ma sa ia tu loa lava i luga ma sola ese atu, e pei ua ia vaai i
ni agelu mai le lagi.
Na o le tasi le mea ua mamafa nei i le manatu o Roma, ia faaumatia Luteru. Peitai, na avea le Atua o lona pa puipui. E leai se vaega
o Siamani e lei faalogoina ai ana aoaoga. Na faalogo i ai i latou na
nonofo i faleo’o, na falogo foi i ai tamalii ma ē maumea. Na folafolaina i nofoaga faamonike atoa ma iunivesete, e oo lava i maota o
tupu. E toatele toa na tula’i mai latou te faaolaola ma faalauteleina
le galuega a Luteru. (Ibid., b. 6, ch. 2.)
O Le Vavae’ese O Luteru Mai Roma
139
Sa taumafai Luteru na te a’oa’o atu le upu moni e uiga i le
ta’uamiotonuina o le tagata e ala i le faatuatua. Na lilo ia te ia sa
folafolaina foi lenei lava upu moni e Hasi, le Failauga o le Toe Fuata’iga mai le atunuu o Pouimia. Faato’ā iloa e Luteru lenei mea ina
ua ia faitau i tusitusiga a Hasi. Fai mai le upu a Luteru, “O matou - o
Paulo, o Aukusotino ma a’u, ua leva ona matou savavali i a’oa’oga a
Hasi e aunoa ma so matou iloa. O le mea moni e faamasinoina e le
Atua le lalolagi ona sa folafolaina i ai le upu moni i le selau tausaga
ua mavae, a ua latou nonofo ma susunu”. (Wylie, b. 6, ch. 1.)
O upu nei na tusia e Luteru i sana olega i le tupu ma tamalii o
Siamani ona o le galuega o le Toe Fuata’iga i le Ekalesia Kerisiano.
Fai mai o ia e uiga i le pope: “E mata’utia tele le vaavaai atu i le
tagata ua fai mai o ia o le sui o Keriso, ae soifua ma la’ei i mea e le
maua e tupu o malo o le lalolagi. O ni foliga tonu ea nei o le soifuaga
mativa o Iesu, po o le olaga faatauvaa o Peteru? Ua latou fai mai o le
pope o le ta’ita’i po o le alii o le lalolagi. Peitai ua fetalai mai Keriso,
’E le mai le lalolagi lo’u malo.’ E sili atu ea le lautele o le pule’aga
a se sui pule nai lo lona ta’ita’i?” (D’Aubigne, b. 6, ch. 3.)
O ana upu nei na tusia e faatatau i iunivesete. Fai mai o ia, “E
i ai le mea ou te atugalu tele ai e uiga i a tatou iunivesete. A le
galulue ma le filigā faia’oga i le faamalamalamaina o le Tusi Paia,
ina ia faamautuina ai nei a’oa’oga i loto o le autalavou, o le a le pine [115]
ae avea a tatou iunivesete ma faitoto’a o Seoli. Ou te lapata’i atu
ina ia aua lava ne’i tuua sou atalii po o sou afafine i se a’oga e le o
faamuamua ai le afioga a le Atua. Soo se a’oga lava e le o su’esu’eina
ai e le aunoa le afioga a le Atua, e i’u ina avea ma nofoaga mau o le
tiapolo”. (Ibid., b. 6, ch. 3 )
Sa le pine ae soo Siamani atoa i le salalau atu o nei upu tusia,
ma sa avea ia ma lapata’iga malosi i olaga o tagata. Na lūlūina ai
le malo atoa, ma e afe ma afe na faate’ia ai ma ua latou tula’i atu
nei latou te lagolagoina le tagāvai o le galuega o le Toe Fuata’iga.
O le ita ma le fia tauimasui o fili o Luteru, ua latou fautuaina ai nei
le pope, ina ia faia se faai’uga ma’oti ma le iloga i lenei tagata. Na
faia loa lava se poloa’iga ina ia faasāina ai a’oa’oga a Luteru. E ono
sefulu aso na faataga atu mo Luteru ma ona soo latou te salamō ma
liliu’ese ai. A i’u masina e lua latou te lei liliu, ona faate’a loa lea o
i latou uma ma le ekalesia.
140
O Le Finauga Tele
O lenei tulaga na oo mai ai le fememea’i ma le atuatuvale i le
itu o le galuega o le Toe Fuata’iga. Ua selau ma selau tausaga o
avea lenei faasalaga, o le faate’a lea ma le ekalesia, o se auala na
faafuase’i ona oo ifo ai le fefe ma le mata’u i finagalo o tupu malolosi
o malo. E tele ni malo na oo i ai le malaia ma le faafanoga talu ai
lenei faasalaga. O ē masani ona pa’ū i ai lenei faasalaga, o tagata ua
inosia ma ua le toe fia vā’ai i ai le nuu, tagata ua motusia o latou
sootaga uma ma le nuu, tagata ua avea o pagota e ao ona tuliloaina
ma fasiotia. E lei tauaso Luteru i le afā ua toetoe lava pesi mai ia
te ia. Peitai na le maluelue ai Luteru ona sa ia faamoemoe tasi ia
Keriso, e avea o lona olo ma lona talitā. Na ia te ia le faatuatua ma
le agaga le fefe e pei ona faailoa e le toatele o maturo. O le agaga lea
na pogai ai lona tusia o upu nei, “O mea o le a tutupu ou te leiloa,
ma ou te le fiailoa foi. Tuu pea ia le pelu e faitalia po o fea tonu o le
a pa’ū i ai, ae ua aunoa ma so’u fefe. E leai se lau laau e pa’ū e aunoa
ma le finagalo o le Tamā. E le sili atu ea la Lana tausiga ia i tatou?
E le o se mea mamafa le oti mo le Lokou, auā na liutino tagata foi
le Lokou ma maliu mo i tatou. Afai tatou te oti faatasi ma Ia, o le a
faapena foi ona tatou ola faatasi ma Ia. Afai tatou te mulimuli i le
auala na Ia ulua’i savalia, o le a faapena foi ona tatou i ai i le mea ua
i ai nei o Ia, ma tatou mau faatasi ai ma Ia e faavavau”. (Ibid., 3rd
London ed., Walther, 1840, b. 6, ch. 9.)
Ua taunuu atu nei ia Luteru le poloa’iga tusia a le pope e faate’a
ai o ia ma ona soo mai le ekalesia. Fai mai Luteru ina ua ia maua lea
poloa’iga, “O se mea lenei ou te inosia ma tetee malosi i ai ona e leai
se amiotonu o i ai. ...O Keriso lava lenei ua avea ma pagota i lenei
poloa’iga. ...Amuia a’u o le a ou tau’aveina nei tiga ona o se galuega
sili ma le tāua. Ua ou lagona se sa’olotoga maoa’e i lo’u loto, ona
ua ou mautinoa nei o le pope o le anetikeriso, a’o lona nofoalii o le
[116] nofoalii lava lea o Satani”. (D’Aubigne, b. 6, ch. 9 )
Ae ui i lea, e toatele na lūlūina talu ai le poloa’iga a Roma.
O le falepuipui, o le faatāugāina o le tino, atoa ma le pelu, o
meafaigaluega malolosi ia na faaaogā e Roma mo ē lē usita’i. O ē
vaivai, atoa ma ē na talitonu i mea faanuupo, na latou taufai gatete
uma i le taunuu atu o le malelega a le pope. E ui lava la i se manatu
alofa o le lautele o tagata ia Luteru, e toatele na sili atu ia i latou lo
latou faapelepele i o latou ola, nai lo le lagolagoina o le galuega o
O Le Vavae’ese O Luteru Mai Roma
141
le Toe Fuata’iga. O le ata ua aliali mai nei ua foliga mai ai, ua tauau
ina faamutaina le galuega a le Failauga o le Toe Fuata’iga.
Peitai sa tumau pea le agaga le fefe o Luteru. Na tasoo le malele
atu o fetuu a Roma ia te ia a’o matamata pea le lalolagi, ma sa talitonu le toatele e lua lava taunuuga e ono oo ia Luteru - a le o le oti, o
le faamalosia o ia ina ia liliu’ese mai ana aoaoga. Peitai na lele atu i
ai ma le malosi le tali a Luteru ina ua ia ta’u atu ia Roma ana agasala.
E le gata i lea, sa ia folafola atu faalaua’itele lana filifiliga maumaututū o le a ia lafoa’ia Roma e faavavau. Na susunuina e Luteru i luma
o se faapotopotoga tele le tusi na avatu ai le poloa’iga a le pope, atoa
ma isi tusi o poloa’iga a le lotu, faapea ni tusi o mata’upu na lagolagoina ai le pule faapope. Na i ai i lea faapotopotoga ni faia’oga,
atoa ma ni tagata aooga iunivesete, faapea le lautele o tagata i o la- [117]
tou tulaga-tofi eseese. Fai mai Luteru, “Na susunu e o’u fili a’u tusi
ina ia manu’a ai le galuega o le upu moni i loto o le lautele o tagata,
ma faaumatia ai o latou agaga. O le mea lea ou te taui atu ai i ai, e
ala i lo’u susunuina o a latou tusi. E oo mai i le aso nei sa na ona ou
taalo i le pope. Peitai o le asō ua amatalia ai se tauiviga tele e tini i
le oti. O le suafa o le Atua na faavaeina ai le galuega lenei; o Lona
malosi foi ma Lona mana o le a faai’uina ai, ae o le a aunoa ma a’u”.
(Ibid., b. 6, ch. 10.)
O upu nei na tali atu ai Luteru ona o upu taufaifai a ona fili. Na
tali atu o ia, “Afai ua filifilia ma valaaulia a’u e le Atua, e ao ona oo
ifo ai ia i latou le mata’u, auā o lo latou manatu faatauvaa ia te a’u, o
lo latou manatu faatauvaa lava foi lea i le Atua. Sa toatasi Mose ina
ua sola ese o ia mai Aikupito, na toatasi foi Elia i le nofoa’iga a le
tupu o Aapo, faapea Isaia i Ierusalema, ma Esekielu i Papelonia. ...E
lei filifilia lava e le Atua se faitaulaga sili po o ē tulaga maualuluga
e avea ma perofeta. Na te filifilia ē maulalo ma faatauvaa, e oo lava
i le leoleo mamoe o Amosa. Na faaaogā e le Atua tagata faatauvaa
faapena i augatupulaga uma, Na te a’oa’ia ai ē maualuluga, o tupu
ma aloalii, o faitaulaga ma le aupopoto, e ui lava sa lamatia ai ola
o ia auauna. ...Ou te le o fai atu o a’u o se perofeta. Peitai e ao ona
latou matata’u ona e toatasi a’u ae toatele i latou. Ua ou mautinoa le
mea lenei - o lo o ia te a’u le afioga a le Atua, ae le o i latou”. (Ibid.,
b.6, ch. 10.)
Ae ui lava i lea sa i ai se tauiviga tele i le mafaufau o Luteru, a’o
lei faia lana faai’uga o le a ia vavae’ese atoatoa mai le ekalesia. Tusa
142
O Le Finauga Tele
o le vaitaimi lea na ia tusia ai upu nei: “Ua ou lagona i aso taitasi
le faateleina pea o le faigata o le faamatuu atu i mea na a’oa’oina
ai a’u a’o o’u itiiti. E ui lava o lo o o’u tu faatasi ma le Tusi Paia, e
le o se mea faigofie ona faai’uina le feteena’iga i lo’u mafaufau, pe
ao ona ou tu atu na o a’u e tetee atu i le pope, ma ta’u atu o ia o le
anetikeriso. E i ai ea se tiga matuitui e lei oo mai i lo’u loto? E silafia
e le Atua taimi e fia ua ou fesili ifo ai ona o le loto mafatia, le fesili
lea na masani ona fesili mai ai ta’ita’i pope, ina ua latou fai mai, ’Ua
na o oe ea le poto? O lona uiga ea ua sese tagata uma? Faamata o le
a se manatu pe a faai’u ane a’o oe e sese, ma ua aafia atu ai agaga
e fia i lau mata’upu sese? O ai la o le a oo i ai le fano e faavavau?’
Na faapena ona faia le feteena’iga i lo’u mafaufau, atoa ma la ma
fagatuaga ma Satani, seia po ina ua faamalosia lo’u loto e Keriso e
ala i Lana afioga, e tetee atu ai i nei masalosaloga”. (Martyn, pages
372, 373.)
O le poloa’iga a le pope, a lē salamō Luteru ma liliu’ese i ana
aoaoga, o le a faate’a o ia ma le ekalesia. Ua faatinoina nei lea
poloa’iga. Ua oo mai nei se poloa’iga fou ua faasalalau mai ai le
faate’aina atoatoa o le Failauga o le Toe Fuataiga mai le Ekalesia
Roma. Ua ta’u mai ai le sala a Luteru, ma ua ta’u mai ai foi ua inosia o ia e le lagi. E le gata i lea, o le sala a Luteru, o le sala lava
foi lea a i latou uma o ē mulimuli atu i ana aoaoga. Ua aasa nei
[118] taualumaga o le finauga tele.
E faapena ona oo mai o sauaga ia i latou uma o ē faaaogā e le
Atua latou te folafolaina atu upu moni e talafeagai tonu ma a latou
augatupulaga. Na i ai se upu moni mo ona po nei mo le augatupulaga
a Luteru, se upu moni na faapitoa lona tāua i lea vaitaimi. Ua i ai
foi se upu moni mo le ekalesia i nei ona aso. O le fuafuaga poto a le
Atua ua Ia tofia ai tagata e galulue i augatupulaga taitasi, ina ia latou
folafola atu upu moni e tusa ai ma le vaegataimi na latou ola ai. O ē
latou te faapelepele i le malamalama ua tuu atu ia i latou, o le a toe
sulugia i latou i nisi ave malolosi o le malamalama. Peitai e pei lava
ona tetee ta’ita’i pope ia Luteru, e faapena foi ona le fiafia i le upu
moni le toatele i ona po nei. E pei lava ona taliagofie e augatupulaga
ua te’a le poto ma uputuu a tagata nai lo le afioga a le Atua, o lo
o faapea lava foi i ona po nei. O le a le faigofie atu le galuega a
failauga o le upu moni i ona po nei, nai lo le galuega a failauga o le
upu moni i augatupulaga ua mavae. E aga’i ina faateteleina le aasa o
O Le Vavae’ese O Luteru Mai Roma
143
le finauga tele i le va o le upu moni ma a’oa’oga sese, i le va o Keriso
ma Satani, sei oo atu lava i le i’uga o le lalolagi.
Na fetalai Iesu i Lona au soo, “Ana ni tagata o le lalolagi outou,
po ua alofa mai le lalolagi i ona tagata; ae le ni tagata o le lalolagi
outou; a ua ou filifilia outou nai le lalolagi. O le mea lea e inoino ai
le lalolagi ia te outou. Ia outou manatua le upu na ou fai atu ai ia te
outou, ’E le sili le auauna i lona alii’. Afai ua latou faasauā mai ia
te au, e faasauā foi ia te outou; afai ua latou tausia la’u upu, latou te
tausia foi la outou”. Ionae 15: 19, 20. Peitai na fetalai manino mai foi
lo tatou Alii, “Oi talofa ia te outou pe a tāutala lelei tagata uma ia te
outou! auā sa faapea lava ona fai e o latou tamā i perofeta pepelo”.
Luka 6:26. Pei lava ona vāvāmamao le agaga o le lalolagi ma le
agaga o Keriso i ona po ua mavae, ua faapena lava foi i ona po nei,
ma e pei lava ona inosia failauga o le upu moni i na augatupulaga,
ua faapena lava foi i le asō. Atonu e eseese auala o le a ui mai ai
sauaga, atoa ma le tetee i le upu moni; atonu e le vaaiagofie ona o
ni uiga faalilolilo. Peitai o lo o tumau pea lava le agaga faasagatau
i le upu moni e pei ona sa fetaia’i ma Luteru, ma o le a faaalia lava
[119]
pea lea agaga sei oo lava i le i’uga o le lalolagi.
Mataupu 8—Tula’i Luteru I Luma O Le Fono Aoao
Faitulafono
Ua soloa’i ane nei i le nofoalii o le malo o Siamani se tupu fou e
suafa ia Salesa le Lima, ma ua faapea ona faavave atu loa i ai sui o
le Ekalesia Roma e avatu ia te ia a latou faamalo ma faamanuiaga.
Na latou taumafai foi ina ia faaaoga e le ao fou o le taupulega Iona
malosi ma lana pule, e tetee atu ai i le galuega o le Toe Fuata’iga.
Peitai sa i ai se faafaigata i lea itu. O le filifiliga o Salesa le Lima
e avea ma ao o le taupulega, na faalagolago tele lea i le palota ma
le tu malosi atu ia te ia o le kovana o le setete o Sakisone. Lenei la
ua talosagaina Salesa le Lima e le kovana mai Sakisone, ina ia ’aua
lava ne’i faia se faasalaga ia Luteru e aunoa ma sona faamasinoga.
Ua faapena ona oo le tupu o le taupulega i se tulaga fememea’i ma
le māsiasi. Na faigata ona faamalieina ta’ita’i pope sei vagana ua
faia se poloa’iga a le ao o le taupulega e faaoo ai le oti ia Luteru.
Ae ua mae’a foi ona faia le faasilasilaga a le kovana o le setete o
Sakisone. Fai mai le kovana mai Sakisone, “E leai ma se isi ua na
faaalia maia faapea e i ai ni sesē i tusitusiga a Luteru, e oo lava i
lana afioga le tupu. O le pogai lea e ao ai ona avatua ia Luteru se
tusi o le puipuiga a le malo, ina ia mafai ai ona tu atu o ia i luma
o se tauaofiaga a ni faamasino popoto, ni faamasino amiotonu, ni
faamasino e le faaitu’au.” (D’Aubigne, b. 6, ch 11.)
Ua taula’i atu nei le vaai a tagata uma i le Fono Aoao a le
taupulega o setete o Siamani. Na tauaofia lea Fono Aoao i le aai
o Vemi ina ua filifilia Salesa le Lima e avea ma ao o le taupulega.
E i ai ni mata’upu tāua faalemalo na faatali auā le iloiloga a lenei
Fono Aoao, ma o se ulua’i Fono foi lea o le a fesilafa’i ai ta’ita’i o
setete o Siamani ma le ao talavou o le taupulega. Ua potopoto mai
nei mai itu uma o Siamani ta’ita’i ma mamalu eseese o le ekalesia
faapea le malo. Na i ai alii sili ma kovana o itumalo ma setete taitasi,
o ni tagata na faaalu le tele o o latou taimi i le puipuia o o latou mamalu faaleatunuu. Na i ai katinale ma ta’ita’i o le ekalesia, tagata
ua fefete i o latou mamalu ma tulaga faalelotu. Na i ai alii mautofi
144
Tula’i Luteru I Luma O Le Fono Aoao Faitulafono
145
mai vaega’au a le malo faapea a latou auauna ma fitafita, atoa ma
amapasa mai nuu mamao ma atunuu i fafo. Ua latou tauaofia uma
nei i le aai o Vemi. Peitai e leai se mata’upu na pito sili ona tele i ai [120]
manatu i lenei tauaofiaga tele nai lo le mata’upu i le Failauga o le
galuega o le Toe Fuata’iga, le failauga mai le setete o Sakisone.
Na faatonuina e Salesa le kovana mai Sakisone ina ia la malaga
faatasi mai ma Luteru i le tauaofiaga a le Fono Aoao i Vemi. Na
faamanino atu e Salesa o le a i ai Luteru i lalo o le puipuiga a le
malo. Na folafola atu foi e Salesa o le a le tapunia felafolafoa’iga
e uiga i mata’upu ua vevesi ai nei le atunuu. Ua naunauta’i Luteru
i lona fia tu atu i luma o le ao o le taupulega. Na ma’i o ia ma sa
le atoa lona malosi i lea vaitaimi. Peitai fai mai upu o lana tusi i
le kovana o Sakisone, “Afai e le mafai ona ou alu atu i Vemi i le
tino malosi, e mafai lava ona sa’esa’e a’u i ai, tusa lava po o le a
lo’u ma’i. Afai ua valaau mai le ao o le taupulega ia te a’u, ou te
le masalosalo, o le valaau lava lea a le Atua. E le taumatea o le a
latou faaaogaina sauaga ia te a’u. Afai o lo latou mana’o lea, ou te
tuuina atu lea mata’upu i aao o le Alii. O lo o soifua pea le Atua o
le na faasaoina talavou e toatolu nai le ogaumu aasa. Afai foi Na te
le faasaoina a’u, e le afaina lea itu; e leai se mea tele o i ai i lo’u ola.
Pau lava le mea, ia tatou puipuia le talalelei ne’i tauemuina e tagata
amioleaga. Tatou tuu atu o tatou ola mo le talalelei ne’i manumalo
mai i ai ē amioleaga. E le o a’u e faia le filifiliga po o lo’u ola po o
lo’u oti e sili atu ona tāua mo le faaolataga o tagata. ...Soo se mea e
te finagalo i ai o le a ou faia; ou te le sola ai, ma e le mafai foi ona
[121]
ou fulitua i a’u aoaoga.” (Ibid., b. 7, ch. 1.)
Na tupu se vevesi i manatu o nisi ina ua faalogo i le tala o le a
tu atu Luteru i luma o le Fono Aoao i Vemi. Ua le gata i le ita ae sa
popole foi Aleana le sui a le pope, o le na filifilia faapitoa mo lenei
mata’upu. Na vaai atu Aleana na o le mala e oo i ai le itu a le pope pe
a faaauau lenei faamasinoga. Na o le luma ma le tauemuga o le pule
a le pope e oo i ai pe a faia nei se su’esu’ega po o se faamasinoga
o se mata’upu ua uma ona fai i ai le faai’uga ma le poloa’iga a le
pope, le poloa’iga ina ia faate’a Luteru ma le ekalesia. Ae le gata
i lea, sa popole foi Aleana ne’i avea le lauga lelei ma faamatalaga
maumaututū a Luteru, ma mea o le a liliu ese ai le toatele o alii sili
mai le itu a le pope. O le mea lea na faatopetope ai loa sana tusi
ia Salesa, e ta’u atu ai lona le fiafia i le oo mai o Luteru i luma o
146
O Le Finauga Tele
le Fono Aoao i Vemi. O le vaitaimi lava foi lea na faasalalauina ai
le poloa’iga a le pope e faate’aina ai Luteru ma le ekalesia. O le
poloa’iga a le pope, atoa ma le tusi a Aleana, o le taunuu faatasi atu
o nei mea e lua ua gaua’i ai loa Salesa le ao o le malo o Siamani. Na
tusi Salesa i le kovana o le setete o Sakisone. Na ia tusi atu afai e le
fulitua Luteru i ana aoaoga, e le tatau ona ia tuua Vitenipeki.
E lei malie ai Aleana i lea manumalo. Ua ia galue nei i ni
agapi’opi’o i le mea e gata mai ai lona malosi, ina ia faatinoina
ai le faasalaga ma le faate’aina o Luteru mai le ekalesia. Sa le fiugofie Aleana i ana taumafaiga e molileaga ai Luteru i luma o sui
mamalu o le Fono ma sui o le pope ma le tauaofiaga atoa, ona o
“lona faasagatau i le pule, o lona fouvale, o lona le āva, ma lona
faia o upuvale.” Peitai o lona lili ma lona soona ava’avau na faaali
manino mai ai le agaga moni o lo o faaosoina le amapasa a le pope.
O le upu lenei a le toatele o le aofia e uiga i ava’avauga a Aleana. Fai
mai i latou, “Ua na faia nei upu ona o le loto vale ma le fia tauimasui,
ae le o le fia auauna ma le amiotonu.” (Ibid., b. 7, ch. 1.) Ua atili ai
nei ona tosina atu le toatele o le tauaofiaga latou te vā’ai ma le alofa
i le galuega a Luteru.
Na faia ma le ma’elegā le galuega a Aleana a’o ia faamamafa atu
le matafaioi a le ao o le taupulega, o le faatinoina lea o poloa’iga ma
malelega a le pope. Peitai e le faatagaina se tulaga faapea i lalo o
tulafono a Siamani, sei vagana ua malilie i ai alii sili uma o Siamani
Peitai o le faatauanau pea o Aleana na i’u ai lava ina fai atu i ai
Salesa e faataatia lana mata’upu i luma o le Fono Aoao. “O se aso
lea na mitamita ma olioli ai le sui o le pope. O se tauaofiaga ese
lenei, ae sili a’e ai le maoa’e o le mata’upu o lo o iloiloina. Ua sauni
nei Aleana e finau mo Roma, ...le tinā po o le sa’o tamaitai o ekalesia
uma.” Na iloa e Aleana lana matafaioi - o lona faamaonia lea o le
pule a Peteru i luma o le tauaofiaga a setete ma malo Kerisiano uma.
“O se tagata atamai i le tautala Aleana, ma sa ō gatasi le tāua o le
tauaofiaga ma le maoa’e o lana lauga. O le fuafuaga a le lagi na faia
ai ina ia mua’i tu atu Roma ma faia lana faamatalaga i luma o lenei
[122] tauaofiaga aupito maualuga, e ala i lana failauga aupito atamai, a’o
lei molisalaina o ia. (Wylie, b. 6, ch. 4.) Ua vā’ai atu nei ma le popole
nisi sa i le itu a le failauga o le Toe Fuata’iga, i mea e ono tutupu
mai talu ai le lauga a Aleana. E lei ’auai le kovana mai Sakisone i lea
Tula’i Luteru I Luma O Le Fono Aoao Faitulafono
147
tauaofiaga. Peitai o lana faatonuga na ’auai atu ai nisi o ana faipule
latou te tusitusia vaega tāua o le lauga a le sui o le pope.
Ua sauni atu nei Aleana i lona atamai ma lona poto e lafotūina
le upu moni. Na ia fofola atu lea moliga leaga ma lafo atu lea moliga
leaga e uiga ia Luteru. Ua ia faaigoa Luteru o le fili o le ekalesia
ma le malo, o le fili o ē o lo o ola atoa ma ē ua oti, o le fili o le
aufailotu faapea tagata aulotu, ma o le fili foi o fono faitulafono faapea Kerisiano taitoatasi. Fai mai lana tala, “Ua lava sese ma leaga
o Luteru e fai ma pogai e susunuolaina ai ni tagata faapea se selau
afe.”
O le faai’uga o lana lauga na ia taumafai ai e faalumaina ma
tauemuina i latou uma ua mulimuli atu i lenei faatuatuaga. Fai mai
o ia, “O ai ea i latou nei ua ta’ua o tagata lotu Luteru? O i latou o se
faapotopotoga o ni a’oa’o gutuā, ma ni epikopo ma patele amioleaga,
atoa ma ni loia valelea ma ni alii uiga maulalo, faapea ma le lautele
o tagata ua latou faasesēina. Ua sili mamao ai le toatele, ma le poto
ma le malosi o le itu Katoliko! O se poloa’iga e ioe faatasi i ai lenei
tauaofiaga mamalu o le a faapotoina ai ē faigofie, e lapata’iina ai ē
ua soona vavevave, e faai’uina ai filifiliga a ē o lo o faatuvaelua, ma
faamalosia ai ē o vaivai.” (D’Aubigne, b. 7, ch. 3.)
O auupega lava faapenei na osofa’ia ai e le fili failauga o le upu
moni i augatupulaga uma. O faamatalaga lava ia o lo o faia ia i latou
o ē tutū atu ma le le fefe e folafola atu a’oa’oga manino ma le tuusa’o
a le afioga a le Atua, e tetee atu ai i a’oa’oga ma faiga sese ua talia
e le ekalesia. O upu nei e masani ona lafo e i latou o ē manana’o i
se ekalesia faigofie, se ekalesia e mulimuli ma faafiafia i manatu o
le toatele. Ua latou fai mai, “O ai ea nei failauga o a’oa’oga fou? O
i latou o ni tagata valelea ma le le a’oa’oina, e toaitiiti, ma e tulaga
maulalo ma matitiva i le nuu. Peitai ua latou fai mai ua ia i latou
le upu moni ma o i latou foi o le fanau filifilia a le Atua. O i latou
o ni tagata valelea ua ’olegia. E sili mamao ai la tatou ekalesia i le
toatele o tagata, faapea ma lona malosi! Silasila i le toatele o le au
popoto o lo o ia i tatou, atoa ma le malosi o lo o i la tatou itu!” O
faamatalaga nei e fūligofie ai mafaufau o le lalolagi; peitai e lei uma
ai masalosaloga o nisi i ona po o Luteru, ma e faapea foi i ona po
nei.
E lei muta ai le galuega o le Toe Fuata’iga ia Luteru e pei o le
manatu o nisi. E faaauau pea lava lea galuega sei oo lava i le i’uga o
148
O Le Finauga Tele
lenei lalolagi. O se galuega tele na faia e Luteru i lona avatua i nisi
o le malamalama na faatagaina e le Atua ia sulugia ai o ia. Peitai e
lei maua e Luteru le atoaga o le malamalama na finagalo le Atua e
tuuina mai i le lalolagi. Talu mai lava lea vaitaimi sei oo mai lava i
o tatou aso, o lo o susulu mai pea lava ni ave fou o le malamalama
o le Tusi Paia, ma matala mai ai e pei o se fugalaau ni a’oa’oga ma
[123] ni upu moni fou.
Na matuā iloga i mafaufau o le Fono Aoao le lauga a le sui o le
pope. E lei i ai Luteru ma upu moni manino o le afioga a le Atua e
faafetauia le sui a le pope. E lei i ai se taumafaiga e tu atu ai se tasi
e finau mo le Failauga o le Toe Fuata’iga. Na foliga mai o le manatu
lautele i lea taimi ia le gata i le faasalaina o Luteru ma le faasāina o
ana aoaoga, a ia matuā faaumatia atoatoa le mea ua latou faaigoa o le
a’oa’oga sese. O se avanoa faa-auro ua maua nei e Roma e tu atu ai e
finau mo lana mata’upu. O faamatalaga lelei uma mo le faamaoniga
ma le ta’uleleia o lana mata’upu ua mae’a atu nei. Peitai o foliga
lēma’alofia o le manumalo o Roma, ua avea lava foi ia o faailoga o
lona toilalo. O le a vaaia e amata atu i lea lava aso, le manino atili
mai o le ese’esega i le va o le upu moni ma mea sese, ae maise lava
pe a fetaui faapea i luma o tauaofiaga tetele. E amata atu i lea aso, e
le toe mausali le tu a Roma e pei ona sa masani mai ai.
E leai se faigata o le ioe atu o le toatele o sui o le Fono Aoao i le
avatua o Luteru i lima sauā o Roma. Peitai o le toatele o i latou na
vā’ai ma le le fiafia i le tulaga pa’u maulalo ma le amioleaga i totonu
o le ekalesia, ma sa latou naunau ina ia taofia faiga amioletonu o lo o
tigaina ai nei tagata Siamani talu ai le matape’ape’a ma le amioleaga
o ta’ita’i o le ekalesia. Ua mae’a nei ona folasia atu e Aleana le pule
ma mata’upu faapope i se lauga maoa’e i luma o le Fono Aoao a
Siamani. Ua galue nei le Agaga o le Atua i le loto o se sui o le Fono
Aoao na te folasia atu ma le tonu i luma o le Fono, faiga ma i’uga
leaga o le pule sauā faapope. Ua tula’i atu nei Siaosi le aloalii mai
Sakisone i luma o lenei tauaofiaga mamalu tele, ma ua ia folasia atu
auiliili faiga taufaasese ma amioleaga uma o le pulega faapope, atoa
ma le i’uga leaga ma le mata’utia o nei faiga uma. Na faai’u lana
lauga i upu nei:
“O nisi nei o faiga leaga o lo o alalaga atu nei ia Roma. Ua leai
so latou mā; ua faataatia ese le mā, a’o lo latou sini e tasi o le tupe,
o le tupe, na o le tupe lava. O failotu sa tatau ona latou a’oa’o atu
Tula’i Luteru I Luma O Le Fono Aoao Faitulafono
149
le upu moni, ua latou tautala mai na o pepelo ma a’oa’oga sese. E
le gata i lea ua maua e i latou le taui, auā o le tele o a latou pepelo,
o le tele foi lea o la latou tupe maua. O le punavai namuleaga lea
o lo o tafe mai ai nei le vai palapalā. Ua auaumea faatasi tuinanau
o le tino ma le matape’ape’a. ...Talofa e, ua lafo le tele o agaga i le
faasalaga e faavavau talu ai le amioleaga ma le pepelo e pogai mai
i le aufailotu. E ao ona amatalia se toe fuata’iga i le atunuu atoa.”
(Ibid., b. 7, ch. 4.)
Atonu ana faatasi ai Luteru i lea tauaofiaga semanu e le sili atu
sana lauga nai lo le folasaga ua faia nei e le aloalii mai Sakisone. Ua
atili ai le tāua o upu ua alu atu i laugutu o Siaosi ona o ia o se fili
malosi o Luteru.
Ana sei faapupulaina mata o le tauaofiaga, semanu latou te vaaia
agelu a le Atua i totonu o lea tauaofiaga o latou faasusuluina ave o
le malamalama i luga o le pogisa o mea sese, ma latou tatalaina
mafaufau ma loto auā le taliaina o le upu moni. O le mana o le Atua
e Ona le upu moni ma le faautauta, o Ia ua Na puleaina e oo lava [124]
i fili o le galuega o le Toe Fuata’iga. Na faapena ona saunia le ala
mo le galuega tele ua toetoe lava faatinoina. E lei i ai Luteru i lea
tauaofiaga, peitai na faalogoina i lea tauaofiaga le si’ufofoga o se
Tasi e sili atu ia Luteru.
Na tofia loa lava e le Fono’ Aoao se komiti latou te saunia se lisi
o faiga leaga uma faapope ua fai ma avega mamafa i tagata Siamani.
E selau ma le tasi mea na faama’oti atu e lenei lisi, ma sa tau’aao atu
loa i lana afioga le ao o le malo lenei lisi, faatasi ma se talosaga ina
ia faia loa lava e ia ni faagaioiga auā le taofia o nei faiga leaga uma.
Fai mai upu o la latou talosaga, “Faauta i le tele o agaga Kerisiano
ua faafanoina; faauta i le gaoi ma le faomea talu ai a’oa’oga e pogai
mai le ulu o le ekalesia Kerisiano! Tatou galulue ina ia ave’esea le
luma nai o tatou tagata, ma taofia ai le faatafunaga o lo tatou atunuu.
O la tatou matafaioi lava lea. O le mea lea matou te talosaga atu ai
ma le ava e tatau ai, ina ia e poloa’iina se toe fuata’iga i le taupulega
atoa, ma ia e amatalia loa ni faagaioiga auā lona faatinoga.” (Ibid.,
b. 7, ch. 4.)
Ua manana’o nei suiusufono o le Fono Aoao ina ia oo atu le
Failauga o le Toe Fuata’iga i o latou luma. E ui lava i ni talosaga, po
o le le malie o Aleana, po o ana upu taufaamata’u, na i’u lava ina
ioe le ao o le taupulega, ma ua avatua loa le tusi faatonu ina ia oo
150
O Le Finauga Tele
mai Luteru i luma o le Fono Aoao. Na avatu faatasi le tusi samania
ma le tusi o le puipuiga a le malo, ina ia mafai ai ona toe foi Luteru
i se nofoaga e saogalemu ai pe a i’u iloiloga a le Fono. Na avatua
nei tusi i Vitenipeki e se sāvali, o le na faatonuina la te malaga mai
faatasi ma Luteru i le aai o Vemi.
Na fefefe ma atuatuvale uō a Luteru. Na latou iloa lelei lava le
tele o faafitauli ua lamatia ai nei lona ola, ma sa latou manatu ai e le
saogalemu Luteru i lea malaga, tusa lava po o le tusi o le puipuiga a
le malo, auā e i ai nisi o le a latou le aloa’ia lea tusi. O lea na latou
augani atu ai ia Luteru e aua ne’i tuu atua lona ola i le fili. Fai mai le
tali a Luteru, “E le o lo’u alu atu i Vemi e manana’o i ai ta’ita’i pope,
a’o lo’u faasalaga ma lo’u oti. E le afaina. ’Aua tou te tatalo mo a’u,
ae tatalo mo le afioga a le Atua. ...O le a aumai ia te a’u e Keriso
Lona Agaga e mafai ai ona ou manumalo i nei faife’au o a’oa’oga
sese. Ou te inoino i ai i lo’u ola, ma o le a ou manumalo ia i latou i
lo’u oti. O lā ua vevesi nei i Vemi ona o ni auala e fai faamalosi ai
lo’u fulitua i a’u aoaoga. Peitai, na o le pau lenei o le mea o le a ou
fulitua i ai: O aso ua mavae na ou fai atu ai o le pope o le sui lea o
Keriso. Peitai o le taimi nei ou te fai atu ai o le pope o le fili lea o le
Atua, ma le aposetolo a le tiapolo.” (Ibid., b. 7, ch. 6.)
E lei malaga atu Luteru na o ia. Na latou malaga faatasi ma
le sāvali a le malo, faapea nisi se toatolu o ana uō aupito faamoemoeina. Na i ai le faanaunauga loloto o Melanetone e alu ai foi ma
ia i lea malaga. Na fusia lona loto i le loto o Luteru, ma sa i ai lona
faanaunauga e fia mulimuli atu ia Luteru tusa lava po o falepuipui
[125] po o le oti. Peitai e lei talia lana augani atu. Afai e fasiotia Luteru i
lenei malaga, ua na o lenei talavou o Melanetone le faamoemoe o le
galuega o le Toe Fuata’iga. O upu nei a le Failauga o le Toe Fuata’iga
ia Melanetone ina ua la faamavae, “Afai e fasiotia a’u e o’u fili, ma
taofia ai lo’u toe foi mai, ia le aunoa lou a’oa’o atu, ma ia e tumau i
le upu moni. Ia e galue e fai ma o’u sui. ...Afai e te manumalo, o le
manumalo lava lea o le galuega. E leai se mea tele o i ai i lo’u oti.”
(Ibid., b. 7, ch. 7.) Na ootia loto o tagata aooga i le iunivesete faapea
ma isi o ēna o ane latou te molimauina le faamavaega. Na fetagisi le
toatele o le au faamaoni a’o latou faamavae atu ia Luteru. Na faapena
ona tuua Vitenipeki e le Failauga o le Toe Fuata’iga faatasi ma ana
uo.
Tula’i Luteru I Luma O Le Fono Aoao Faitulafono
151
A’o faia lenei malaga, na latou matauina le toatele o tagata e
peiseai ua mamafatū i o latou mafaufau ni mea leaga e foliga o le
a tutupu mai. E i ai nisi aai e lei faaafeina ai i latou pe maua ai foi
so latou fesoasoani. A’o latou afe i se tasi o aai, na alu ane se patele
ma ta’u atu ia Luteru ona atugaluga ma faaali atu ia Luteru se ata
o se failauga o le toe fuata’iga e lei leva ona oti faamaturo i Italia.
O le aso na sosoo ai na latou faalogo ai i le tala ua faasāina e le
Fono Aoao i Vemi tusitusiga a Luteru. Na latou faalogo o folafola
e avefe’au a le malo le poloa’iga a le tupu, ma sa latou faalogo foi
o faatonuina tagata latou te ao uma mai nei tusitusiga ma aumai i
le au faamasino. Na popole le sāvali a le malo ona o le saogalemu
o Luteru i totonu o le aai o Vemi, ma sa ia manatu foi atonu ua tau
maluelue le filifiliga a Luteru talu ai mea ua latou faalogo nei i ai.
O lea na ia fesili atu ai ia Luteru po o mana’o pea lava e faaauau la
latou malaga i Vemi. Na tali Luteru, “E le taofia le malaga tusa lava
po o a tala tatou te fetaia’i i lea aai ma lea aai.” (Ibid., b. 7, ch. 7.)
Ua latou taunuu atu i Efata, ma sa talileleia Luteru i lea aai.
Na lolofi ane le toatele o tagata i le fia feiloa’i ia te ia a’o ia toe
savalia ala tetele na masani ona ia uia i le vaitaimi o lona olaga aisi
faamonike. Na ia toe asiasi atu foi i le potu na ia nofo ai, ma sa ia
manatua ai le tauiviga i lona mafaufau i le taimi na ulua’i sulugia
ai o ia i le malamalama lea ua malamalamagia ai nei Siamani atoa.
Na talosagaina o ia mo se lauga mo i latou. Na i ai le sā a le malo
na faasāina ai ona lauga o ia, peitai na avatua e le sāvali a le malo
ia te ia le faatagaga e lauga ai. Ua alu a’e loa i le pulelaa le monike
faatauvaa lea sa ola aisi i le tele o tausaga ua mavae.
O le fetalaiga a Keriso, “la ia te outou le filemu” na avea ma mau
o lana lauga i le motu o tagata. Fai mai o ia, “E lei manuia taumafaiga
a le au popoto ma le au tusitala latou te a’oa’o atu i tagata le ala i
le faaolataga ma le ola e faavavau. Peitai o lea o le a ou ta’u atua ia
te outou. Na faatūina a’e e le Atua nai e ua oti le Tagata e toatasi,
o le Alii lea o Iesu Keriso, ina ia faaumatia ai e Ia le oti atoa ma
le agasala, ma Ia tapunia ai faitotoa o seoli. O le galuega lea o le
faaolataga, ma ua manumalo ai nei Keriso. O le talalelei lea e olioli
ai ona ua faaolaina i tatou e ala i Lana galuega ae le o se galuega a i
tatou. Fai mai le fetalaiga a lo tatou Alii o Iesu Keriso, “Ia ia te outou [126]
le filemu; faauta i O’u lima”. O lona uiga ua Ia faapea mai, “Faauta
152
O Le Finauga Tele
oe le tagata! o A’u, ua na o A’u lava ua ou ave’esea lau agasala, ma
ua Ou faatauina oe, ma o le pogai lea ua e maua ai nei le filemu”.
Na ia a’oa’o atu foi o le faatuatua moni e iloa lea i le olaga faapaiaina. Na ia faapea atu: “Tatou faatonutonu o tatou ala ma a tatou
galuega ina ia avea o se mea manogi ma le malie i le Atua auā na
Ia lavea’iina i tatou. E tele ea sou tamao’aiga? Inā tufatufa atu ia au
mea e auauna atu ai mo e matitiva. Afai e te mativa ia e toaga ma
galue faamaoni ina ia fiafia mai ai ia te oe le tagata maumea. Afai
na o oe e aogā i ai lau galue, o lona uiga ua na o se pepelo le galuega
lea ua e fai mai ua faia mo le Atua”. (Ibid., b.7, ch. 7.)
Ua sioa le motu o tagata a’o tofitofi atu le areto o le ola auā o
latou agaga ua leva ona matelaina. Ua siitia a’e nei Keriso i o latou
luma i se tulaga e sili a’e ai nai lo pope ma ona sui, faapea tupu ma
ao o malo. E lei tā’ua e Luteru se mea e uiga i le tulaga lamatia ua
oo nei i ai lona ola. Na te lei taumafai ina ia misi alofa atu tagata ia
te ia pe fai foi o ia ma ogatotonu o o latou manatunatuga. Ua leai
sona manatu e tasi ia te ia lava, ona ua ia faaogatotonu Keriso i lana
lauga. Ua ia lafi i tua o le na tautau i Kalevario, ma e na o le tasi le
sini na ia fia ausia - o le folafolaina atu lea o Keriso o Ia o le Faaola
o le tagata agasala.
Sa mata’ina Luteru i soo se mea na ui atu ai lana malaga. Na
lolofi atu le motu o tagata i lo latou fia vaai ia te ia, ma sa toatele
leo alolofa o e na taumafai e lapata’i atu ia te ia e uiga i fāufauga
a Roma. Fai mai nisi o i latou, “Latou te susunuolaina oe ma faaliulefulefu lou tino e pei ona latou faia ia Ioane Hasi”. Na tali atu
Luteru, “Tusa lava pe latou te faia se afi tele e amata mai Vemi e oo
atu i Vitenipeki, ma e oo i le lagi lona mumū, ou te savali ai lava
i totonu o lea afi i le suafa o le Alii, ina ia ou tu atu ai i luma o le
Fono. Ou te ulufale atu i le gutu o lenei manufe’ai, ma ou talepea
ona nifo, ma ou folafola atu le Alii o Iesu Keriso.” (Ibid., b.7, ch. 7.)
Na tupu tele se vāvāō ina ua maua tala ua tau lalata atu le faigamalaga a Luteru i le aai o Vemi. Na atuatuvale ana uō i lo latou
manatu i lona saogalemu; peitai na atugalu foi le itu a le fili pe mata
o le a faamanuiaina la latou fuafuaga. Na taumafai malosi le toatele
o ana uō ina ia taofia o ia mai lona ulu atu i le aai. O le tonu a ta’ita’i
pope na una’iina ai o ia ina ia mālōlō atu le malaga i le ’olo o se
tasi o alii taitai’au. Na ta’u mai faapea o inā o le a faaleleia ma fo’ia
filemu ai ese’esega uma. Na taumafai ana uō ina ia faapopole o ia e
Tula’i Luteru I Luma O Le Fono Aoao Faitulafono
153
ala i lo latou faamatalaina atu i ai o mala ma puapuaga ua ono lamatia ai nei lona ola. Peitai e lei faamanuiaina a latou taumafaiga uma.
E lei maluelue ai Luteru. Fai mai lana tala, “Tusa lava pe pei o lau o
le fale le tele o tiapolo i le aai o Vemi, ou te ulufale lava i ai.” (Ibid.,
[127]
b. 7, ch. 7.)
Na lolofi atu le motu o tagata e faafeiloa’i ia te ia ina ua taunuu o
ia i Vemi. E oo lava i le ao o le malo po o le tupu o le taupulega e lei
faapea le toatele o le motu o tagata na lolofi i ai. Na maoa’e le vevesi
ma le vāvāō na oo i ai. Peitai na ’i’uvale ma maualuga se si’uleo
faanoanoa na faalogoina o lagi ina mai se pese o se falelauasiga, ua
pei o se lapata’iga ia Luteru e uiga i le i’uga o lo o faatali mai nei
mo ia. Fai mai le upu a Luteru a’o oso ifo i lalo o ia mai le taavale
solofanua, “O le Atua o lo’u puipui ma lo’u talita”.
E lei manatu ta’ita’i pope o le a lava le lototele o Luteru e tula’i
ai i luma o le Fono Aoao i Vemi, ma ua latou fememea’i nei i
lona taunuu atu. Ua faatopetope loa ona valaau se fono a le ao o
le taupulega ma ana faufautua e iloilo ai po o le a tonu le mea e ao
ona fai. Fai mai se tasi o epikopo, “Ua faa’umi’umi ona tatou talanoaina lenei mata’upu. E ao i lau afioga le ao o le taupulega ona
faaumatia lenei tagata. E lei faia ea e Sikisemane se poloa’iga inā
ia susunuolaina ai Ioane Hasi? E leai se tulafono e faamalosia ai lo
tatou tausia o le puipuiga o se failauga o a’oa’oga sese”. Tali atu le
ao o le taupulega, “Leai, e ao ona tatou savavali e tusa ai ma la tatou
folafolaga.” (Ibid., b. 7, ch. 8.) Ma ua maua ai loa le tonu e ao ona
faia le faamatalaga a Luteru i luma o le Fono Aoao.
Na fia vā’ai le aai atoa o Vemi i lenei tagata ofoofogia, ma sa le
pine ae tumutumu le toatele i le fale na ia nofo ai. Faato’a tau feololo
lava le malosi o Luteru i lona ma’i, ma o lo o vaivai foi o ia talu ai le
faigamalaga e lua vaiaso o fai, ma e ao foi ona sauniuni o ia e fetaia’i
ma taualumaga o le aso tele ā taeao, ma sa ia mana’omia ai se taimi
filemu e manatunatu lelei ai ma fai ai sana malologa. Peitai na malosi
tele le fia vā’ai ia te ia o le toatele, ma sa le umi sana malologa ae
tumutumu atu loa i lona fale o alii ma faipule, o matai ma taitai’au, o
patele ma tagatanuu eseese. Na i ai i lenei tumutumu ni alii sili o e na
fai ma le le fefe la latou fautuaga i le ao o le taupulega, ina ia i ai se
toe fuata’iga talu ai amioletonu e tele i le galuega a le aufailotu. Fai
mai Luteru, o alii sili uma nei ua faasa’olotoina talu ai lana talalelei.
(Martyn, ē 393.) Ua le gata i uō a Luteru ae na i ai foi ma ona fili i
154
O Le Finauga Tele
lenei tumutumu. Ua latou o mai uma i le fia vā’ai i le patele lototele
ma le le fefe. Na talileleia i latou uma e Luteru i se agaga filemu ma
uiga faatamalii. Sa vaaia ona uiga lototele ma le tumau. Na ta’u mai
i le sesega o ona foliga e lei atoatoa lona malosi, ma e le lava foi sana
mālōlō mai le tele o ana galuega. Peitai na vaaia i ona foliga le fiafia
ma le mataalofa. O le loloto ma le naunauta’i o ana faamatalaga na
le mafai ai e ona fili ona manumalo ia te ia. Na matuā maofa ana
uō atoa ma ona fili. E toatele na talitonu o se malosi faalelagi o lo o
si’osi’omia ai o ia. Peitai e i ai nisi na tusilima e pei ona faia e le au
Faresaio ia Keriso ma latou fai mai, “Ua ulufia o ia e se tiapolo”.
O le aso na sosoo ai na poloa’iina ai loa Luteru ina ia faatasi atu
i le Fono Aoao Faitulafono a le malo. Na tofia se leoleo a le tupu na
[128] te avatua aloa’ia Luteru i le Potu Tele e feiloa’i ai ma ona faamasino.
Sa le faigofie ona faia lenei savaliga i le Potu Tele o le faamasinoga
ona o le tumutumu o tagata i lo latou fia vā’ai i le patele le fefe ua
tetee i le pule a le pope.
Ua toetoe lava ulufale atu Luteru i le Potu Tele i luma o le au
faamasino ae vaaia loa o ia e se taitai’au, se toa o ni taua e tele ua
mavae. Fai mai ana upu alofa ia Luteru, “Talofa ia te oe patele. O
oe o se toa e sili atu i lo a’u po o se isi lava taitai’au o ē na tau i taua
aupito tetele a lo tatou malo. Afai ua e mautinoa le amiotonu o lau
mata’upu, e leai se mea e te fefe ai; ia e alu atu i le suafa o le Atua.
E le tuulafoa’ia oe e le Atua.” (D’Aubigne, b. 7, ch. 8.)
Ua tula’i nei Luteru i luma o le faamasinoga. Ua alalata’i mai le
ao o le taupulega i le nofoalii, ma ua si’osi’omia o ia e alii aupito
sili ona maualuluga i le malo. E leai se tagata ua na tula’i atu i luma
o se faamasinoga e sili atu lona mamalu ma le maualuga, i lo lenei
tauaofiaga o le a fai ai nei le faamatalaga a Luteru e uiga i lona
talitonuga. “O le tula’i atu o Luteru i luma o lenei Fono, o se tasi lea o
toilalo iloga o le pule faapope. Ua uma ona faia e le pope le faai’uga
o Luteru, a’o lea ua tula’i atu nei o ia i luma o se faamasinoga e
foliga mai e maualuga a’e i lo le pope, auā o lea o le a latou iloiloina
pe sa’o le faaiuga ua faia e le pope. Ua uma ona faate’a e le pope
Luteru ma le ekalesia ma faasāina ai ona toe fai sana vaega i soo
se faapotopotoga a tagata ola, a’o lea ua valaau aloa’ia o ia ma ua
tula’i ai nei i luma o le tauaofiaga aupito maoa’e lona maualuga i
le lalolagi. O le faai’uga a le pope na tonu ai e le toe faalogoina e
faavavau le leo o Luteru, a’o lenei o le a tautala o ia i luma o le afe ma
Tula’i Luteru I Luma O Le Fono Aoao Faitulafono
155
afe mai tulu’iga eseese o malo Kerisiano, o ē ua latou fia faalogo ia
Luteru. O lona uiga e foliga mai ua avea Luteru o se meafaigaluega
ua mafai ai nei se fouvalega tele i le pule faapope. Ua amata nei ona
faaitiitia le malosi o le nofoalii o Roma, ma o le leo o Luteru ua
pogai ai lenei luma o Roma. (Ibid., b. 7, ch. 8.)
Na peiseai ua oo ifo se lili’a ma se matamuli i le Failauga o le Toe
Fuata’iga ona o le vaai ifo i lona faatauvaa i luma o lenei tauaofiaga
mamalu ma le maualuga. Na matauina e nisi o alii sili lona le to’a,
ma ua latou sōsō atu ia te ia, ma ua musumusu atu ia te ia se tasi o i
latou ua faapea atu, “Aua e te fefe ia i latou o ē fasiotia le tino, ae le
mafai ona latou fasiotia le agaga”. Fai mai le upu a se tasi o i latou,
“A ta’ita’iina atu foi outou i luma o alii ma tupu ona o A’u, e foaiina
mai ia te outou e le Agaga o le Tamā upu tou te tautala atu ai.” Na
faapena ona aumaia afioga a Keriso e alii maualuluga o le lalolagi,
e avatu ai se faamalosiga i Lana auauna i le ituaso o lona puapuaga.
Ua avatu aloa’ia nei Luteru ina ia tula’i o ia i se tulaga e faafesagai tonu ai ma le nofoalii o le ao o le taupulega. Na faafuase’i ona
faalologo lenei tauaofiaga tele. Ua tula’i nei se leoleo o le malo, ua
faasino lona lima i le mea o i ai se faaputuga o tusitusiga a Luteru,
ma sa mana’o o ia ina ia tali atu le Failauga o le Toe Fuata’iga i ni [129]
fesili se lua. Muamua, pe ioe Luteru o ana tusitusiga nei, lona lua,
pe o le a lafoa’i ma fulitua Luteru i a’oa’oga ua ia faia i totonu o nei
tusi. Ua mae’a ona faalau mai o igoa o tusi, ona ioe atu lea i ai o
Luteru o ana tusitusiga lava ia. Ona fai atu lea o ia, “Peitai o le fesili
lona lua o se fesili lea e faasino tonu i le faatuatua ma le faaolataga
o agaga, ma e aafia ai foi le afioga a le Atua, le oloa aupito tāua lea i
le lagi atoa ma le lalolagi. Ma o le mea lea e le talafeagai ai ona ou
tali atu e aunoa ma lo’u mafaufau loloto muamua i ai. Ou te le fia
avatua se tali e faia i le faanatinati, ma avea ma ala ou te agasala ai i
le afioga a Keriso o Le na fetalai mai, “Ai se faafiti ia te au i luma o
tagata, ou te faafitia foi o ia i luma o lo’u Tamā o i le lagi” (Mataio
10:33 ) O le mea lea ou te talosaga atu ai ma le faamaulalo, i le āva e
tatau ai i lau afioga le tupu, le ao o le taupulega, ina ia faataga mai se
avanoa e mafai ai ona ou tali atu, e aunoa ma lo’u agasala i le afioga
a le Atua.” (D’Aubigne, b. 7, ch. 8.)
O lona faia o lenei talosaga ua faailoa mai ai le loloto o le faautaga a Luteru. O lenei talosaga ua talitonu ai le tauaofiaga e le soona
faia filifiliga a Luteru pe faatatope foi ona faia o ana galuega e
156
O Le Finauga Tele
aunoa ma se iloiloga lelei i lona mafaufau. O lona to’a ma lona
fai faatataulelei ua atili malosi ai lana faamatalaga, ma mafai ai
mulimuli ane ona tali atu o ia i le āva ma le faaaloalo, i se tali maumaututū ma le le femoumoua’i, se tali na faia i le faautauta lelei, se
tali na maofa ma le fiafia ai ona fili, ona ua faaaliali a’e ai lo latou
loto ma’a’a ma le faamaualuga.
O le aso na sosoo ai na fuafuaina e avatu ai lana toe tali i luma
o le faamasinoga. Peitai a’o manatunatu o ia i le malolosi o au ua
tuufaatasia nei e tetee i le upu moni, na oo ifo ia te ia le loto vaivai.
Na taumaluelue lona faatuatua; na oo ifo ia te ia le mata’u ma le
gatete ma ua manumalo ai le fefe ia te ia. E tele faigata ma puapuaga
na taufai laulaututū a’e i ona luma. Peiseai ua toetoe lava manumalo
a’ia’i ona fili, atoa ma agaga o le pogisa. Ua si’osi’omia o ia e ao
pogisa, ua peiseai o se pa pupuni i le va o ia ma le Atua. Na galala
lona loto mo le mautinoaga o le faatasi mai o le Atua ia te ia. O le
mafatia tele o lona loto na ia faapa’ū faō ifo ai i le eleele ma sasaa
atu lona loto i le Atua, i ni valaau faamomoiloto e le malamalama i
ai se tasi na o le Atua.
Fai mai lana valaau, “Oi le Atua mamana e, le Atua e faavavau,
faauta i lenei lalolagi sauā. Ua faamaga mai lona gutu e folo ia te au,
a ua itiiti na’ua lo’u faatuatua ia te Oe. Afai ua na o le malosi o lenei
lalolagi e maua i ai so’u faamoemoe, ua leai se aogā. Ua oo mai lo’u
toe itula, ma ua le taumatea lo’u i’uga. Le Atua e, ia E fesoasoani
mai i la’u tu atu e tetee i le poto o lenei lalolagi. Na o Oe lava ua ou
tagi atu i ai, auā o Lau galuega lenei. E leai se mea ou te oo mai ai fua
i inei. E leai sa’u mata’upu ou te finau atu ai i nei tagata maualuluga
o le lalolagi. O le galuega lenei a Lau Afio, o se galuega amiotonu,
[130] o le galuega e faavavau. Le Alii e, fesoasoani mai ia te a’u! Ua na o
Lau Afio ua ou faamoemoe i ai, o Oe o le Atua faamaoni, o le Atua e
le maliliu. E le tumau, e leai foi se mautinoaga i mea e fai e le tagata.
O mea uma e fai e tagata e i’uvale. Peitai ua E filifilia a’u mo lenei
galuega. Ta tutū faatasi ma Lau Afio ona o Keriso Lou Alo pele, o
le ua avea ma o’u lafitaga ma o’u talitā, o lo’u ’olo malosi.” (Ibid.,
b. 7, ch. 8.)
O le silafia e le Atua o mea uma na ia tuua ai faapea Luteru
ina ia lagona e ia lona puapuaga, ina ia le faamoemoe ai o ia i lona
lava malosi, ma pa’ū vave atu ai i le mailei ma le pagatia. Peitai e
le o tiga o le tino, e le o le mata’u foi i le oti po o le fefe i sauaga
Tula’i Luteru I Luma O Le Fono Aoao Faitulafono
157
na tau manumalo mai ia te ia, ma oo mai ai lona loto vaivai. Na ia
malaga mai ma lona iloa lelei o lona vaivai ma lona le mafai o se
mea. Atonu o lona vaivai o le a toilalo ai le galuega o le upu moni.
Na ia tauivi ma le Atua e le ina ia maua ai sona lava saogalemu,
a ia maua ai le manumalo o le talalelei. Pei lava o le fagatuaga a
Iakopo ma le Atua i autafa o lena vaitafe tuufua, na faapena foi le
feteena’iga i lona mafaufau ma le puapuaga o lona loto. Peitai, e pei
lava ona faia e Isaraelu, na faapena foi ona piimau atu o ia i le Atua
ma ua ia manumalo ai. O lona lagona o lona le mafai o se mea e tasi,
o lea na piimau atu ai lona faatuatua ia Keriso le Faaola malosi. Na
mafanafana lona loto ona o le mautinoaga o le a le tu atu na o ia i
luma o le faamasinoga. Ua toe maua nei le filemu i lona loto, ma sa
olioli o ia ona o le avanoa na te siitia a’e ai le afioga a le Atua i luma
o tupu ma tamalii o malo o le taupulega.
Na faapena ona piimau atu lona loto i le Atua a’o sauni atu o ia
mo le tauiviga ua i ona luma nei. Na ia manatunatu i lana tali o le
a faia i luma o le Fono; na ia iloiloina foi nisi o fuaitau i totonu o
ana tusitusiga; na ia sa’ilia foi ni mau o le Tusi Paia e faamaonia ai
ana a’oa’oga tusia. Ua mae’a ia, ona tuu lea o lona lima tauagavale i
luga o le Tusi Paia o lo o matala i ona luma, ma sa sii a’e lona lima
taumatau i le lagi ma faia lana tautinoga “e tumau ma le faamaoni
i le talalelei, ma tala’i atu ma le le fefe lona talitonuga, tusa lava pe
faamaufaailogaina lana tautinoga i lona ola.” (Ibid., b 7, ch 8.)
E lei vaaia i ona foliga se fefe po o se matamuli i le taimi na toe
avatu aloa’ia ai o ia i luma o le Fono Aoao Faitulafono a le taupulega.
Na to’a ma filemu lelei lona mafaufau a’o ia tu atu i ona uiga faatamalii, i luma o ē maualuluga o le lalolagi. Ua fesiligia nei o ia e le
leoleo a le tupu mo lana tali pe o le a ia lafoa’ia ma fulitua i ana
a’oa’oga tusia. Na avatu le tali a Luteru i se leo filemu ma le agamalu e aunoa ma ni ava’avauga. Na ia faailoa le āva ma le faaaloalo
e tatau ai e aunoa ma se faafiapoto. Peitai na vaaia i ona foliga se
to’a filemu ma se agaga fiafia na maofa ai le tauaofiaga uma.
Na tali atu faapenei Luteru: “Lau afioga a le tupu, le ao o le
taupulega; le mamalu maualuga o faipule faapea alii sili o le malo.
Ua ou tula’i atu i luma o lenei tauaofiaga mamalu, e tusa ai ma le [131]
faatonuga na tuu mai ia te a’u i le aso ananafi. Ou te talosagaina
i le suafa o le Atua lau afioga i lau maiesetete le tupu, faapea le
mamalu maualuga ua afifio nei, ina ia outou faafofoga alofa mai a’o
158
O Le Finauga Tele
o’u avatua se tala o le galuega ua ou mautinoa lona sa’o ma lona tonu
faamaoni. Afai ou te solia i lo’u valea ni tu ma ni aga faatamalii e
tusa ai ma lenei maota, ou te faamaulalo atu ina ia outou faamagalo
i le auauna, ona ou te lei ola a’e i ni maota o tupu, a’o le taaligoligoa
o le nofoaga faamonike.” (Ibid., b. 7, ch. 8.)
Ona amata loa lea o lana tali e tusa ai ma le fesili. Na ia ta’u atu
e le uiga tutusa uma ana a’oa’oga tusia. O nisi o ana tusitusiga o lo o
i ai a’oa’oga e faatatau i le faatuatua ma galuega lelei, ma e oo lava i
ona fili ua latou ta’u maia le aogā o nei aoaoga. Afai o le a lafoa’i ma
fulitua o ia i ia aoaoga, o lona uiga o le a ia lafoa’i i ni a’oa’oga o lo o
talitonu uma i ai le atunuu. O le vaega lona lua o ana a’oa’oga tusia
o lo o faaaliali a’e ai amioga leaga ma fāiga amioletonu a le pule
faapope. O le lafoa’i ma le fulitua i ia a’oa’oga o le a faamalosia atili
ai le pule le alofa a Roma, ma faalauteleina ai le avanoa e ofi mai ai
nisi amioletonu ma nisi amioleaga e sili atu le pa’ū maulalo. O lona
tolu o vaega o ana tusitusiga ua ia osofa’ia ai i latou o ē taupūnipuni
i le amioleaga. Na ia faailoa atu lona le taofiofi i ana upu ia i latou
ia. E le o ia o se tagata e aunoa ma se sese; peitai na te le mafai foi
ona lafoa’i ma fulitua i nei tusitusiga, ne’i faamalosia atili ai fili o le
upu moni, ma latou solipala ai le fanau a le Atua i nisi sauaga e sili
atu ona mamafa.
Ua faaauau le tali a Luteru ma faapea atu: “Peitai o a’u ua na o
se tagata, ae le o se atua. O le mea lea ou te tali atu ai e pei ona faia
e Keriso: Afai ua ou agasala i a’u upu, ona ta’u mai lea po o le ā
la’u agasala. Ou te ole atu i lau afioga le tupu, le ao o le taupulega,
faapea le mamalu maualuga i tama-aiga, atoa le mamalu eseese ua
aofia nei, ina ia aumaia se faamaoniga mai tusitusiga a le au perofeta
ma le au aposetolo e fai ma molimau o sa’u agasala po o so’u sese.
O le taimi lava e faamaonia ai ni o’u sese, o le taimi lava lea ou te
fulitua ai ma lafoa’i i ia sese, ma o a’u lava foi ou te taulamua i le
lafoa’ia o ia tusi i le afi.
“Ou te faamoemoe ua avea la’u faamatalaga lena ma mea ua
manino lelei ai, ua uma ona ou iloiloina ma ua ou iloa lelei puapuaga
ua lamatia ai nei lo’u ola. Ae ou te lē te’i pe faavaivai ai. Peitai ou te
olioli ona ua avea le talalelei ma faapogai o faigata ma feeseesea’iga,
e pei lava foi ona faia i taimi ua mavae. O le uiga tonu lena, ma o le
i’uga lava foi lea o le afioga a le Atua. Na fetalai mai Iesu, “Ou te lei
sau e avatu le filemu i le lalolagi, a’o le pelu”. O le Atua e ofoofogia
Tula’i Luteru I Luma O Le Fono Aoao Faitulafono
159
ae mata’utia foi i Ona ala; tatou faaeteete ina nei o tatou taumafai
e tineia fe’ese’esea’iga, ae avea lea ma mea tatou te sauāina ai le
afioga paia a le Atua, ma aumai ai i o tatou luga se taimi o puapuaga
e sili ona mata’utia, atoa ma le faatafunaga e faavavau. E mafai ona
ou siitia maia ni tala mai le afioga a le Atua. E i ai le tala ia Farao, [132]
tala i tupu o Papelonia, faapea tupu o Isaraelu. Ina ua latou sa’ilia
ai fautuaga a le aupopoto mo le atina’e ma le faalauteleina o o latou
malo, na latou galulue ai mo lo latou lava faatafunaga. ’Latou te lei
iloa e mafai e le Atua ona fulisia ma ave’esea mauga.’ ” (Ibid., b 7,
ch 8)
Sa faaaoga e Luteru le gagana Siamani i lana tali; peitai ua
talosagaina nei o ia ina ia toe faia lana tali i le gagana Latina. E
ui lava i le gagase o ona tino ma lona lplavā talu ai le tali faato’a
uma atu nei, sa talia e Luteru le talosaga, ma sa malosi ma manino
lelei lana tali, e pei lava ona faia muamua i le gagana Siamani. O le
finagalo lava lea o le Atua ua fai faalua ai le tali a Luteru. E toatele
alii sili ma ta’ita’i ua leva ona tauaso i latou ona o a’oa’oga sese ma
mea faanuupo, ma sa faigata ai ona goto ifo i o latou mafaufau le tāua
ma le manino o le tali a Luteru. Peitai o le faia faalua o lana tali ua
mafai ai nei ona latou vaai manino i vaega ese’ese o lana mata’upu,
e pei ona ua faataatia atu nei i o latou luma.
O ē na faama’a’a pea ma tapunia o latou mata i le susulu atu o le
malamalama, ma latou le fia talitonu i le upu moni, ua latou tu’itino
nei ma feita ona o le malosi ma le manino o upu a Luteru. O le taimi
na mae’a ai le tautalaga a Luteru na valaau mai ai ma le ita le fofoga
fetalai o le Fono Faitulafono ma fai mai, “E te lei talia le fesili na
avatu ia te oe. E mana’omia ia e aumaia se tali puupuu ma le manino.
E te lafoa’i ma fulitua i au a’oa’oga pe leai?”
O le tali lenei a le Failauga o le Toe Fuata’iga: “Talu ai ona ua
fia maua e lau afioga le tupu mamalu le ao o le taupulega, faapea
mamalu maualuga ua afifio nei se tali puupuu ma le manino, o lea ou
te usitai ai, ma o la’u tali lenei. E le mafai ona ou faatagaina le pope
po o se Fono latou te pulea o’u talitonuga ona o lenei. Ua manino
e pei o le ao, o nei tagata uma e masani ona sese, ma e masani foi
ona latou fe’ese’esea’i. O le mea lea afai e leai se faamaoniga o so’u
sese mai le Tusi Paia, afai e leai se molimau mai le afioga a le Atua
e faailoa mai ai e ao ona suia lo’u talitonuga, e le mafai, le mafai
lava ona ou liliu, ma ou te le fulitua foi pe lafoa’i i a’u aoaoga, auā
160
O Le Finauga Tele
e le tatau i se Kerisiano ona faatautee i lona loto fuatiaifo. O lea ou
te tula’i atu ai i le mea nei, ou te le liliu, ou te le liliu lava; tau ina ia
fesoasoani mai le Atua ia te a’u. Amene.” (Ibid., b. 7, ch 8.)
Na faapena ona tumau lenei tagata amiotonu i luga o le faavae
mautū o le afioga a le Atua. O le malamalama o le lagi na faamalamalamaina ai ona foliga. Na vaaia e le aofia ona uiga lelei ma lana
amio mamā, atoa ma lona agaga fiafia ma le agamalu, i le taimi na
avatua ai lana molimau e tetee atu ai i le malosi o a’oa’oga sese,
ma molimau atu ai i le maoa’e ma le maualuga o le faatuatua, le
faatuatua e manumalo ai i le lalolagi.
Na i ai sina taimi na foliga mai ai ua meia ma le magagana le
tauaofiaga atoa. Na faia le ulua’i tali a Luteru i se leo filemu, ma sa
vaaia foi ona uiga agamalu. Na manatu ta’ita’i Roma o ni faailoga
[133] ia o le fiu ma le lotovaivai o Luteru. Na latou manatu o le talosaga a
Luteru mo se taimi e iloiloina lelei ai sana tali, ua na o se amataga
[134]
lea o Iona liliu ma lona fulitua i ana aoaoga. O le taimi na tepa ai
Salesa le ao o le taupulega i le tino vale o le patele, atoa ma ona
la’ei ma lana tali filemu, o le taimi lava lea na fai ai lana tala faapea,
“O ai e fia talitonu i a’oa’oga sese a lenei patele?” Peitai o le to’a
ma le tūtūmau o Luteru e pei ona vaaia nei, faapea ma le malosi ma
le manino o lana tali, o nei mea uma ua tēte’i ma maofa ai i latou
uma. Ua suia nei le manatu o le ao o le taupulega ia Luteru ma ua
ia faapea ane ai, “E tautala le patele lenei e pei o se toa, e aunoa ma
se fefe po o se faavaivai”. E toatele nisi o tamalii o Siamani na latou
vā’ai ma le agaga faagaeetia ma le fiafia i lenei tama fanau a lo latou
malo.
Ua toilalo nei ’au a Roma; ua matuā foliga le manuia la latou
mata’upu. Ua latou taumafai nei e uumau la latou pule. Ua latou le
faaaogaina le auupega o le afioga a le Atua, a ua latou aapa atu nei i
la latou auupega masani o le taufaamata’u. Fai mai le fofoga fetalai
o le Fono, “Afai e te le liliu ma fulitua i au aoaoga, o le a fono le ao
o le taupulega ma setete uma o le taupulega auā se faasalaga e fai i
se failauga o a’oa’oga sese e le fia liliu.”
Na olioli uō a Luteru a’o latou faalogo i lana tali. Peitai o lenei
taufaamata’u ua faate’ia ma faapopoleina ai nei i latou. Ae ui i lea na
faapea lemu atu Luteru, “Tau ina ia avea le Atua o lo’u fesoasoani,
auā ou te le liliu lava, pe fulitua foi i se mea e tasi.” (Ibid., b. 7, ch.
8.)
Tula’i Luteru I Luma O Le Fono Aoao Faitulafono
161
Na faatonuina Luteru ina ia tuumuli atu i fafo a’o faia se feutaga’iga a alii sili, o sui o setete ese’ese. Na manatu le toatele ua oo
mai se tulaga pagatia tele. O le le fia gaua’i o Luteru o le a aafia ai le
tala tuufaasolo o le ekalesia mo le tele o augatupulaga o le lumana’i.
O lea na tonu ai loa o le a avatua ia Luteru se toe avanoa e gaua’i ma
liliu ai. Ua aumaia nei o ia i luma o le Fono mo se toe taimi. Ua toe
fesiligia foi o ia pe o le a ia lafoa’i ma fulitua i ana aoaoga. “E leai
se isi a’u tali e ese ai nai le tali ua ou avatua i le taimi ua mavae,”
o le upu lea a Luteru. Ua foliga mai nei ua le mafai e folafolaga, ua
le mafai foi e se taufaamata’u ona tosina ai Luteru e gaua’i atu i le
faatonuga a Roma.
Na o le ofo ma le feita na oo ifo i ta’ita’i pope. Ua latou maofa
ona o la latou pule malosi e masani ona gatete ai tupu ma tamalii, a’o
lenei ua faaleaogaina e lenei patele faatauvaa. Na latou fia tagolima
ia Luteru ma faaoo atu i ai lo latou to’asa, ma faatāugāina ai lona
tino sei oo i le oti. Peitai, e ui lava na iloa lelei e Luteru lona tulaga
pagatia, sa ia tali atu ia i latou uma ma le to’a i le agaga Kerisiano
ma le faatamalii. E lei i ai se mitavale po o se ava’avau po o se
taufaasesē i ana upu. Na matuā faagalo e Luteru ia lava, na ia le
manatu foi i mamalu eseese faalelalolagi ua si’omia ai nei o ia. Na
o le tasi lava le mea na oo ifo ia te ia. Na ia lagona ua i ai o ia i luma
o le silafaga a Le sili mamao a’e Lona maualuga nai lo pope po o
katinale, po o tupu ma ao o malo. Na fetalai Iesu i lenei tauaofiaga e [135]
ala i le tautinoga a Luteru, ma o le maoa’e tele ma le manino lelei o
lea lauga na faatumulia ai mo sina vaitaimi ana uō atoa ma ona fili,
le maofa atoa ma le mata’u. Na faatasi ai le Agaga o le Atua i lena
Fono ina ia faamalūlūina ai loto o tupu ma ta’ita’i o malo eseese o
le taupulega. E i ai nisi o ia alii sili na latou ioe ma le le fefefe i le
amiotonu o le mata’upu a Luteru. E toatele na latou talitonu i le upu
moni e pei ona laugaina e Luteru; peitai na papa’u le faalogo a nisi.
Na i ai se isi vasega o tagata o ē lei faailoaina so latou talitonu i lea
taimi, peitai ina ua mae’a sa latou sa’ili’iliga i le Tusi Paia, na avea
mulimuli ane i latou o nisi o lagolago malolosi ma le le fefefe o le
galuega o le Toe Fuata’iga.
Ua leva ona fia vaai Fereti le kovana o Sakisoni i le taunuu atu
o Luteru i luma o le Fono Aoao Faitulafono, ma sa ia faalogo ma
le naunauta’i a o faia le lauga a Luteru. Na faagaeetia lona loto i le
mitamita ma le olioli a’o ia matauina le lototele, le tūtūmau, atoa ma
162
O Le Finauga Tele
le to’afilemu o le failauga, ma sa tonu ia Fereti o le a ia tu malosi
atu, auā le puipuiga o Luteru. Na faia e Fereti se faatusatusaga o itu
e lua o le faamasinoga, ma sa ia iloa ai ua faaleaogaina le poto o
pope ma tupu ma katinale, e le mana o le upu moni. Ua i ai nei se
toilalo o le pule faapope, o se toilalo o le a lagona i totonu o malo
Kerisiano uma, atoa ma augatupulaga uma.
A’o vaavaai atu le sui a le pope i le tulaga ua aliali mai nei talu ai
le lauga a Luteru, sa matuā faapopoleina o ia ona o le saogalemu o
le pule faa-Roma, ma o lea na tonu ai loa ia te ia, o le a ia faaaogaina
soo se auupega i lalo ifo o lana pule, auā le lafotūina o le Failauga o
le Toe Fuata’iga. Ua faasaga atu loa le amapasa na te faaaoga lona
atamai i le gagana, atoa ma lona agavaa i upufai o malo, o se taleni
lea ua ta’uta’ua ai nei o ia, ma ua amata loa lava ona faailoa atu i
le ao talavou o le taupulega, le valea ma le le manuia o le manatu i
le mata’upu a se patele faatauvaa faapea, ae afaina ai lo la va ma le
tupusa o Roma.
E lei galo i le mafaufau o Salesa nei upu. O le aso na sosoo ai
na poloa’iina ai loa e Salesa se fe’au e faitauina i luma o le Fono
Aoao. O lea fe’au na folafola atu ai lana filifiliga maumaututū o le
a ia lagolagoina ma puipuia le ekalesia Katoliko, e pei lava ona faia
e tupu o le taupulega o ē na muamua atu ia te ia. Talu ai ona ua le
fia lafoa’ia e Luteru ona sese, e ao ona faaaogaina auupega aupito
mamafa ia te ia, atoa ma a’oa’oga ua ia tala’ia. Fai mai upu o le fe’au
a Salesa: “Ua i ai se patele e toatasi ua faasesēina i lona valea, ma
ua ia tu a’e ai e faatautee i le talitonuga o malo Kerisiano uma. Ua
ou nofo sauni nei e foa’i uma atu o’u malo, o lo’u tamao’aiga, o a’u
uo, o lo’u tino ma lo’u toto, o lo’u agaga ma lo’u ola, ina ia taofia
ai lenei faalēmigao. Ua toe nei o sina taimi ona ou poloa’iina lea o
lana susuga ia Luteru e alu, ma o le a alu atu lenei patele ma la’u
poloa’iga e faasā ai ona faia e ia se mea e toe tupu mai ai se vevesi
i o tatou tagata. O le faasalaga o ē loto ma’a’a ma ē faia tala’iga
sese, o le faasalaga lea o le a ou faia ia Luteru ma i latou uma o
[136] ē mulimuli ia te ia. O le a ou faate’ina i latou ma le ekalesia, ma
faasā ai ona latou toe auai i soo se sauniga a le ekalesia. O le a ou
faaaoga soo se auupega auā lo latou faaumatiaga. Ou te valaau atu
ai i tagata uma i setete taitasi, ina ia latou amio e pei o Kerisiano
moni.” (Ibid., b. 7, ch. 9.) Peitai na faia foi le folafolaga a le ao o le
taupulega, ina ia aloa’ia ma tausia le puipuiga o Luteru. O lona uiga
Tula’i Luteru I Luma O Le Fono Aoao Faitulafono
163
e le mafai ona faatinoina se tasi o nei faasalaga sei vagana ua mua’i
taunuu saogalemu Luteru i lona nuu ma lona aiga.
Ua vaeluaina nei le Fono Aoao i ni manatu se lua. Fai mai le
sui o le pope e tia’i ma faagalo i le puipuiga o le Failauga o le Toe
Fuata’iga. Fai mai la latou tala, “Ia lafo i le vaitafe o le Raine lefulefu
o Luteru, e pei ona faia i lefulefu o Ioane Hasi i le selau o tausaga
ua mavae”. (Ibid., b.7, ch. 9.) Peitai na tetee alii sili o Siamani i
lenei amioletonu e ui lava o i latou foi o ni tagata lotu pope, ma o
Luteru foi o lo latou fili. O lo latou manatu a le aloa’ia le puipuiga
o Luteru, ua le savavali ta’ita’i Siamani e tusa ai ma le folafolaga na
faia ia Luteru, ma o se pisia matagā foi lea i le igoa lelei o le malo.
Na latou faatepa le Fono i mala na mulimuli mai i le oti o Hasi, ma
e le fia avea i latou ma faapogai o se toe oo mai o ni mala faapea i
luga o Siamani, faapea luga o le ao talavou o le malo.
Fai mai le tali a Salesa, “O lenei mea o le savali e tusa ai ma se
folafolaga, e ao ona ave’esea ma le lalolagi. Peitai e ao ona i ai sona
lafitaga i totonu o loto o alii sili”. (Ibid., b. 7, ch. 9.) Sa toe faia lava
foi se isi taumafaiga a fili aupito sauā o Luteru, ina ia una’ia ai le
ao o le taupulega na te faia ia Luteru, e pei ona faia e Sikisemane ia
Hasi. O lona uiga, ia tuu atu Luteru ina ia tagolima i ai le ekalesia.
Peitai na manatua e Salesa le aso na tu ai Hasi i luma o le tauaofiaga,
ma tusi i filifili ua noatia ai o ia, ma ua ia ta’u sa’o atu ia Sikisemane
lona olaga faaKerisiano ua tali mate. O lea na tali atu ai Salesa le
Lima, “Ou te le fia māsiasi e pei o Sikisemane”. (Lenfant, vol 1, p.
422.)
Ae ui i lea tali a Salesa, ua ia teena lava ma le iloa upu moni na
faailoa atu e Luteru. Fai mai lana tala tusia, “Ua maumaututū lo’u
manatu ou te savali e pei ona faia e ao o le taupulega o ē na muamua
atu ia te a’u”. (D’Aubigne, b. 7, ch. 9.) Ua faia lana filifiliga na te le
fia laa ese i tu ma masani auā lona vaai i le upu moni ma le amiotonu.
Pei lava ona faia e ona tua’ā, o le a faapena foi ona lagolagoina e ia
le pule faapope, faatasi ai ma le sauā ma amioletonu a lea pule. Na
faapena ona faia lana filifiliga, na te le fia talia se malamalama e sili
atu i lo le malamalama na talia e ona tua’ā, na te le fia faia foi se
tiute latou te lei faia.
O lo o i ai le toatele i ona po nei o lo o faapea ona latou piimau
atu i aganuu, i tu ma masani a ō latou tua’a. Latou te le fia talia se
malamalama fou e auina mai e le Atua ia i latou, ona e lei avatua lea
164
O Le Finauga Tele
malamalama e le Atua i o latou tua’ā. Tatou te le o ola i le vaitaimi
na ola ai o tatou tua’ā, ma e faapena foi ona le tutusa tiute tau’ave
ua faaee mai e le Atua ia i tatou, ma tiute tauave na tuuina e Ia i o
[137] tatou tua’ā. E le finagalo le Atua ina ia avea le faata’ita’iga a ō tatou
tua’a o se ta’iala i o tatou olaga, ae faagalo ai lo tatou lava su’esu’e
ifo i Lana upu moni. E sili atu le tele o mea ua tatou iloa i lo mea
na malamalama i ai o tatou tua’ā. E fesiligia i tatou e le Atua i le
malamalama na maua e o tatou tua’ā, ma sa latou tuulima maia ia i
tatou. Peitai e faamasinoina foi i tatou e le Atua ona o le malamalama
faaopoopo o lo o sulugia ai nei i tatou mai le afioga a le Atua.
Fai mai le fetalaiga a Keriso e uiga i tagata Iutaia le fia talitonu, ’Ana ou le sau ma tautala atu ia i latou, semanu e leai sa latou
agasala; peitai ua leai nei se mea e ufiufi a’i la latou agasala” Ioane
15:22. O Keriso lava foi lea na fetalai atu e ala ia Luteru, i le tupu
ma tamalii o Siamani. A’o susulu atu le malamalama mai le afioga
a le Atua, na faapena ona ole atu mo se toe taimi Lona Agaga i le
toatele na i ai i lea tauaofiaga. Pei lava ona teena e Pilato le Faaola o
le lalolagi i le tele o senituri ua mavae, ona o mamalu ma tulaga ma
lona’tepa i manatu o tagata; e pei lava ona gatete Filiki ma faapea
atu i le avefe’au o le upu moni, “Alu ia oe i le aso nei, sei maua so’u
avanoa lelei ona ou toe fe’au atu lea ia te oe”; e pei lava ona tautala
Akeripa faamaualuga ma fai mai, “Toetoe lava ē liua a’u e fai ma
Kerisiano”, ae na ia liliu ese mai le fe’au faalelagi; na faapena foi
ona faia e Salesa le Lima, i lona teena o le malamalama o le upu
moni ona o lona naunau i mamalu ma tulaga faalelalolagi, atoa ma
lona vaai i aganuu ma tu e masani ai.
E tele ni fāfātala e uiga i le mea o le a tupu ia Luteru na salalau
i le aai o Vemi, ma faapogai ai se vevesi tele. E tele ni uō fou a le
Failauga o le Toe Fuata’iga na maua i le aai, ma sa masani lelei nei uō
i le taufaalata ma le sauā o Roma ia i latou uma o ē faafiatoa ma latou
taumafai e faaaliali a’e ana amioletonu. Na tonu i nei uō e le tatau
ona ave ai faapea le ola o Luteru. E faitau selau tamalii o le malo na
latou tautino latou te puipui ia te ia. E toatele foi na latou faitioina
faalaua’itele le faasalalauga a le ao o le malo. Fai mai i latou o lea
fe’au ua faailoa manino mai ai ua usitai atu faatamaitiiti Siamani i le
pule malosi a Roma. Na tusia ni upu i ni fasi laupapa ma tutu’i i luma
o fale o tagata ma fale o le malo. O nisi o ia laupapa na latou faitio
ma faaleaga ia Luteru, o nisi foi na latou lagolagoina o ia. O se tasi
Tula’i Luteru I Luma O Le Fono Aoao Faitulafono
165
o ia laupapa na tusia ai upu a le poto o Solomona ua faapea mai, “Le
nuu e, oi talofa ia te oe pe a o se tamaitiiti lou tupu”. Failauga 10:16.
E toatele naunau i latou o ē na lagolagoina faalaua’itele Luteru i
totonu o le malo atoa o Siamani. O lea na manatu ai le tupu ma
le Fono Aoao afai e fai nei se faasalaga le sa’o ia Luteru, e oo ina
lamatia ai le filemu o le taupulega atoa, faapea ma le saogalemu o
le nofoalii.
Na matauina ma le faaeteete nei mea uma e Fereti le Kovana
o le setete o Sakisone. E ui lava na te lei faailoaina i se isi lona
agaga moni e uiga ia Luteru, sa ia leoleo ma le faaeteete ia te ia.
Na ia matau-mamao atu ona laasaga uma, atoa ma faagaioiga uma [138]
a ona fili. Peitai e toatele nisi latou te lei natia lo latou lagolagoina
o Luteru. Na ō atu ia te ia ni asiasiga a ta’ita’i o setete, o alii tāua, o
matai ma isi tamalii o le malo faapea ma le ekalesia. Fai mai le tala
a le tusitala o Sepalatina, “Na le ofi le tama’i potu o le faiaoga i le
toatele o ē na asiasi atu ia te ia”. (Martyn, vol 1, ē 404.) Sa sioa ia te
ia tagata ua pei o ia o se agelu. E oo lava i ē lei talitonu i ana a’oa’oga
na latou faia ona viiga talu ai lona tumau ma le le fefe, ma ua sili ai
ia te ia le oti nai lo le soli i ona talitonuga ma lona loto fuatiaifo.
Na faamaoni ma naunauta’i taumafaiga a nisi ina ia ioe Luteru
i se leleiga po o se faato’esega ia Roma. Na fautua i ai nisi o alii
sili afai e tumau pea lona le usitai i le finagalo o le ekalesia ma le
Fono, o le a le pine ae faaaunuua o ia mai le malo, ma o le a le toe
maua ai loa sona puipuiga. O le tali lenei i ai a Luteru, “E le mafai
ona folafolaina le talalelei a Keriso e aunoa ma le faatigāloto i nisi.
Aisea la o le a avea ai le mata’u i sauaga ma pogai o le a ma tete’a ai
ma le Alii ma Lana afioga? E leai, ua sili ia te a’u lo’u tuuina atu o
lo’u tino, ma lo’u toto, ma lo’u ola atoa.” (D’Aubigne, b. 7, ch. 10.)
Na toe fautuaina foi o ia ina ia usitai i le faamasinoga a le ao o le
taupulega, ona le toe i ai lea o se mea e popole ai. Fai mai lana tali,
“Ou te ioe ma lo’u loto atoa ina ia ō ane le ao o le taupulega, faapea
alii sili o Siamani ma soo se Kerisiano, latou te faitau ma su’esu’e i
a’u tusitusiga. Peitai e tasi la’u talosaga, ina ia latou avea le afioga a
le Atua o le fua e fua a’i a’u aoaoga. O le tiute o tagata uma lo latou
usitai i ai. Aua tou te fautuaina a’u ou te soli i lo’u loto fuatiaifo, auā
ua noatia lo’u loto i le afioga a le Atua.” (Ibid., b. 7, ch 10.)
Fai mai lana tali i se isi o fautuaga, “Ou te ioe ina ia latou faaleaogaina le tusi o lo’u puipuiga. Ou te tuuina atu lo’u tino ma lo’u ola
166
O Le Finauga Tele
i aao o le ao o le taupulega; peitai o le afioga a le Atua - e leai, leai
lava!” (Ibid., b. 7, ch. 10.) Fai mai o ia e le faigata lona usitai atu i le
filifiliga a se fono lautele. Peitai, ia faia le filifiliga a lea fono lautele
e tusa ai ma le Tusi Paia. Fai mai o ia, “A oo i mea tau talitonuga ma
le afioga a le Atua, e leai se ese’esega o le faamasinoga a Kerisiano
ta’itoatasi ma le faamasinoga a le pope, tusa lava pe fia ni fono latou
te lagolagoina ia faai’uga. (Martyn, vol 1, ē 410.) Na i’u lava ina
talitonu ana uō atoa ma ona fili ua leai se aogā o le toe tauanauina o
Luteru, ona e le toe suia lona mafaufau.
Ana ioe Luteru i sina mea e tasi, semanu o le a maua e Satani ma
ana ’au le manumalo. Peitai o lona tumau ma le le maluelue, na avea
lea ma auupega na mafai ai ona faasa’olotoina le ekalesia ma afua
mai ai se feagaiga fou. Na ia le fefe i lona faia o ana lava filifiliga
i mea tau tapua’iga. Ua avea le olaga o lenei tagata e toatasi o se
manogi lelei ua aafia ai le lalolagi atoa faapea le ekalesia, e le gata
i lana augatupulaga, ae faapea foi augatupulaga uma o le lumana’i.
O lona faamaoni ma lona tūtūmau le maluelue, o le a faamalosia
[139] ai i latou uma o le a uia le ala o sauaga, sei oo lava i le i’uga o le
lalolagi. Na faapena ona tu manumalo a’e o le mana matalasi o le
Atua, e faatoilaloina ai manatu faaletagata, atoa ma le mana malosi
o Satani.
Sa le pine loa ae poloa’iina Luteru e le pule a le ao o le taupulega,
ina ia toe foi i lona nuu ma lona aiga. Sa iloa lelei e Luteru o lenei
poloa’iga o le a tatao mai ai tua le poloa’iga o lona faasalaga. Na
faamālumalu ifo ao pogisa i lona auala, peitai a’o tuua e ia le aai o
Vemi, sa tumu lona loto i le viiga ma le olioli. Fai mai lana tala, “Ua
matuā sau lava le tiapolo e fai ma leoleo i le aai o le pope; ae peitai
ua leai se aogā ua matuā vatele se solo o le pa o le aai ua faia i ai e
Keriso, ma ua ioe ai nei Satani e le tutusa lona malosi ma le mana
o le Alii. (D’Aubigne, b. 7, ch 11.)
Na faia e Luteru se tusi i le ao o le taupulega, ina ua te’a ese atu
o ia ma le aai. Na ia faia lenei tusi ona o lona popole ne’i faauigasesēina o se fouvalega lona tūtūmau i ona talitonuga. Fai mai upu o
lana tusi, “O le Atua lava Ia, o Lē Na te silafia loto o tagata uma,
o Ia e molimau i lo’u faamaoni. O Ia Na te silafia lo’u nofo sauni e
usitai ma le faamaoni i lau afioga, pe oo mai ai se mamalu po o se
ta’uvalea, po o le ola foi po o le oti, ou te faamaoni i lo’u fia usitai
i lau afioga i mea uma, sei vagana ua aafia ai le afioga a le Atua,
Tula’i Luteru I Luma O Le Fono Aoao Faitulafono
167
lea ua fai ma ta’iala o le tagata. E le maluelue lo’u faamaoni i soo
se mea i lenei olaga, auā pe ou te ola pe oti, o le a le afaina ai lo’u
faaolataga. Peitai a fāi i le itu tau le ola e faavavau, e le finagalo le
Atua ina ia usitai le tagata i le isi tagata. Auā o le usitai faapea pe
a tāu i mea faaleagaga, o le tapua’i lava lea, ma e na o le Atua e ao
ona tatou ifo ma tapua’i i ai. (Ibid., b. 7, ch. 11.)
Na sili ona talileleia e tagata Luteru i lona foi atu mai Vemi, nai
lo le taimi na faimalaga atu ai o ia i lea aai. Na talia ma le fiafia o ia e
le aufailotu ma isi tamalii o le ekalesia, atoa ma pulenuu ma faipule,
e ui lava ua ta’usalaina nei o ia e le ao o le malo. Na tauanau o ia e
tagata mo sana lauga, ma e ui lava ua i ai nei o ia i lalo ifo o le sā a
le malo, na ia toe alu a’e lava i le pulelaa. Fai mai lana tala, “E lei
faia sa’u tautinoga faapea o le a ou noanoatia i filifili le afioga a le
Atua, ma e le faia lava sa’u ta’utinoga faapena. (Martyn, vol 1, page
420.)
E lei leva ona tuua e Luteru Vemi ae faa’upu loa e ta’ita’i pope
le ao o le taupulega ina ia faia sana poloa’iga auā le faasalaga o
Luteru. O lea poloa’iga na faaigoaina ai Luteru “o Satani ua sau i
le tino tagata, ma ua ofu mai i ofu faapatele”. (D’Aubigne, b. 7, ch.
11.) Fai mai le poloa’iga a uma loa aso faaletulafono o le puipuiga o
Luteru, o le a faamalosia loa le taofiga p lana galuega. O lona uiga
o le a faasāina loa soo se tasi ona faalafiina o ia, pe avatua ia te ia
se mea’ai po o se vaiinu. E faasāina ai foi ona faia ia te ia soo se
fesoasoani, pe faalaua’itele pe faananā, pe faa’upu pe faatino. Soo
se mea lava o i ai Luteru pe a oo i lea taimi, o le a pu’eina ai lava o ia
ma avatua loa lava i leoleo a le malo. O ē uma foi na latou faifaimea
faatasi ma Luteru o le a lafoina i latou i falepuipui, ma o le a ave [140]
faamalosia o latou fale ma fanua. O ana tusitusiga o le a susunuina
uma, ma, soo se tasi lava e faafiatoa ma le savali e tusa ai ma lenei
poloa’iga, o le a faia ia te ia e tusa ai ma aiaiga o lenei poloa’iga.
E lei umi se va o le taimi na tuua ai e Luteru le aai o Vemi ma le
taimi na tuua ai foi lea aai e le kovana o le setete o Sakisone, faapea
ma alii sili uma o ē na aupito alolofa ma loto fesoasoani ia Luteru.
Ma o le mea lea sa le faigata ai ona pasia e le Fono Aoao Faitulafono
le poloa’iga a le ao o le taupulega. Ua leai nei se mea e gata mai ai
le olioli o ta’ita’i pope. Ua latou manatu ua to ai lava i inei ma le
mānava a le galuega o le Toe Fuata’iga.
168
O Le Finauga Tele
Peitai ua mae’a ona faia e le Atua se ala o le faaolataga mo Lana
auauna le taimi o lona puapuaga. E i ai se tasi ua leva ona ia matauina
laasaga uma a Luteru, ma sa tonu i lea tagata agaga alofa ma le tumau
faamaoni, o le a ia lavea’ia le auauna a le Atua. Sa manino i le toatele
o le a le mālōlō Roma seiloga ua oti Luteru, ma afai e le natia o ia e
se tasi, o le a le pine ae oo atu loa o ia i le gutu o le leona. Na avatua
e le Atua le poto ma le faautauta ia Fereti le kovana o Sakisoni, na te
faia ai se tonu lelei auā le faaolataga o le Failauga o le Toe Fuata’iga.
Na galulue faatasi nisi o uō faamaoni a Fereti i le faatinoina o lana
fuafuaga, ma ua mafai ai loa ona natia malu Luteru mai ona fili atoa
ma ana uo. A’o faimalaga Luteru i le vao i le vaitaimi na ia tuua ai
le aai o Vemi, sa faafuase’ia ona pu’eina o ia i totonu o le vaomatua,
ma ave’esea ai loa o ia mai ē na latou faimalaga faatasi, ma avatu
faanatinati ai lava o ia i lena vaomatua, aga’i atu i se ’olo tuufua i
luga o mauga, le olo o Votipeki. Na lelei tele le faiga faananā o le
pu’ega ma le natiaina o Luteru. E oo lava ia Fereti sa umi lava se
vaitaimi o le māutala o ia po o fea ua ave i ai le Failauga o le Toe
Fuata’iga. O le pogisa o Fereti e uiga i le mea tonu ua oo i ai Luteru,
o se tasi lea o vaega o le fuafuaga. Afai e le silafia e Fereti le mea
o i ai Luteru, o le a faigofie foi ona tali o ia i le toatele o ē o le a
fesiligia o ia po o fea o i ai le Failauga o le Toe Fuata’iga. Tasi lava
le mea na fia iloa e Fereti o le saogalemu o Luteru, ae lei popole o
ia po o gafea tonu o natia ai o ia.
Ua mavae nei ni masina e iva ma ua oo mai le taumalulu; o lo
o taofia pea Luteru ua pei o se pagota i le olo o Votipeki. Na olioli
Aleana ma ana au ona ua foliga mai ua toetoe lava pe le mōli o le
talalelei. Ae peitai latou te lei iloa o le taimi tonu lava lea, o lo o toe
utu faatumu ai le mōlŪ a le Failauga o le Toe Fuata’iga i le faleoloa
o le upu moni, ma o le a toe susulu mai lea mōli i se susulu e sili atu
le malosi o lona malamalama.
Sa fiafia Luteru mo sina vaitaimi ona ua mamao mai o ia mai le
aasa o le taua, ma ua saogalemu ai o ia i le olo o Votipeki. Peitai e lei
umi sona fiafia i lona nofo filemu na o ia. O ia o se tagata e masani
i se olaga gaioi, se olaga finau ma le tau, ma sa le umi ae fiu o ia i
se olaga e aunoa ma tagata. Na tu a’e i ona luma i ia aso o lona nofo
toatasi, le tulaga le manuia o le ekalesia. O lea na ia valaau ai e pei o
[141] se tasi ua leai sona faamoemoe ma ua ia faapea ane, “Faauta, ua leai
se isi e tu atu e pei o se pa puipui i luma o le Alii, e laveai ia Isaraelu i
Tula’i Luteru I Luma O Le Fono Aoao Faitulafono
169
nei toe aso o Lona to’asa”. (Ibid., b. 9, ch. 2.) Ua toe faasolo ane ona
mafaufauga ia te ia lava, ma sa ia popole ne’i faapea tagata o lona
pala’ai ua ia sola ese ai mai le taua. E le gata i lea ua ia faitio foi ia
te ia lava talu ai lona le gaioi ma lona faalogologo-tiga. Peitai e leai
se tagata e toatasi na te gafatia galuega na mafai ona faia e Luteru i
lenei vaitaimi na nofo toatasi ai na o ia. E lei mālōlō lava lana peni.
A’o olioli ma fiafia ona fili ona o lo latou manatu ua le toe mafaia se
mea e Luteru, sa tēte’i ma fememea’i i latou ina ua maua molimau e
faamaonia ai o lo o galue malosi pea lava o ia. Na salalau i Siamani
atoa ni pepa faasalalau o ni mata’upu na ia tusia. Na ia faia foi se
galuega aupito tāua mo ona tagata, ina ua ia faaliliuina le Feagaiga
Fou i le gagana Siamani. Toetoe lava tausaga atoa o ia folafolaina
le talalelei mai lona nofoaga faa-Patamo i luga o le mauga, ma sa ia
a’oa’ia le aturiuu talu ai agasala ma sese o lena vaitaimi.
Na ave’esea Luteru ina ia puipuia ai o ia mai le to’asa o ona fili,
ma maua ai foi sina taimi paganoa na te faia ai ia galuega tāua. Peitai
e i ai nisi pogai e sili atu ona tāua, na ala ai ona ave’esea e le Atua
Lana auauna mai lana galuega i luma o tagata. O le tuuina o Luteru
i lenei olo tuufua ma le saogalemu, o le ave’esea lava lea o ia mai
viiga a tagata. Na faapena ona lavea’iina o ia mai le mitavale, atoa
ma le faalagolago i lona lava malosi. O nei lagona e lua e masani
ona oo i se tagata talu ai le faamanuiaina ana galuega. Ua avea le
mafatia o Luteru ma lona puapuaga, o aua ua ua toe saunia lelei ai o
ia na te savalia ma le faautauta le tulaga maualuga ua faafuase’i ona
faaeaina o ia i ai.
A’o olioli tagata i le sa’olotoga ua latou maua talu ai le upu moni,
e masani le toatele ona latou faavi’ivi’i i ē na faaaogaina e le Atua, e
fai ma mea faigaluega Na te lepetia ai ma motusia filifili o a’oa’oga
sese ma talitonuga faanuupo. E taumafai Satani na te faatosina ese
mafaufau o tagata mai le Atua, ae tepa tasi atu i le auauna. Na te
ta’ita’ia tagata ina ia latou viia ma faaeaina le mea faigaluega, ae
faagalo ai le Aao o lo o faagaioia ma faatonuina mea uma. E tele
ta’ita’i faalelotu ua faapena ona viia ma faaeaina e tagata, ma ua
faapea ona latou faatuatua ai i lo latou lava poto ma le malosi, ae
galo ai lo latou faalagolago i le Atua. O le mea e sosoo ai ua latou
taumafai e pulea mafaufau ma loto fuatiaifo o tagata, o ē ua tepa
tasi atu i le faife’au mo lo latou ta’ita’iga, ae faagalo ai le afioga a le
Atua. E masani ona tuta’ia le galuega o le toe fuata’iga ona o lenei
170
O Le Finauga Tele
agaga faavi’ivi’i. E finagalo le Atua ina ia puipuia le galuega o le
Toe Fuata’iga mai lenei faama’i. E finagalo o Ia ina ia iloga tulagaaao o le Atua i lenei galuega, ae le o tulaga-lima o le tagata. Na tepa
tasi atu mata o tagata ia Luteru le failauga o le upu moni. Peitai na
ave’esea o ia ina ia taula’i atu ai le vaai a tagata i le Atua, le Pogai e
[142] faavavau o le upu moni.
Mataupu 9—O le Failauga O Le Toe Fuataiga Mai
Suiselani
Ua faaaogaina e le Atua le fuafuaga faalelagi e tasi Na te faatuina ai Lana ekalesia, ma filifilia ai ta’ita’i mo le toe fuata’iga o lea
ekalesia. E lei fia faaaogaina e le Faiaoga faalelagi ē maualuluga o
le lalolagi, po o ē māumea ma ē ua i ai suafa mamalu, po o ta’ita’i
ua masani i viiga ma upu faavi’ivi’i a tagata. O lo latou faamaualuga
ma lo latou fefete i o latou tulaga ma tofi ma lo latou poto, o mea ia
na le mafai ai ona a’oa’oina i latou ina ia latou tiga faatasi ma o latou
uso-a-tagata, ma galulue faatasi ma le Faaola agamaulalo. O ē le’i
a’oa’oina, atoa ma tagata faifaiva o Kalilaia, o i latou ia na fetalai i ai
Iesu, “Mulimuli mai ia te a’u, ou te faia outou ma faifaiva i tagata”.
Mataio 4:19. O ni tagata agamaulalo ma le a’ugofie lenei au soo. O
le itiiti o lo latou aafia i a’oa’oga sese o lena vaitaimi, o le faigofie foi
lea ona a’oa’oina ma sauniunia i latou e Keriso mo Lana galuega. Sa
faapena foi i le vaitaimi o le galuega o le Toe Fuata’iga. O Failauga
aupito iloga o le galuega o le Toe Fuata’iga, o i latou o ni tagata
faatauvaa ma le matitiva, ni tagata e lei pisia i le loto fefete talu ai ni
o latou tulaga-tofi, ma e lei pisia foi i a’oa’oga sese ma uiga pi’opi’o
o le aufailotu. E fia faaaogaina e le Atua mea faigaluega faatauvaa i
Lana fuafuaga, mo le faia o ni galuega tetele ma le tāua. Ona le avea
lea o le viiga i tagata, ae tuuina atu i le Atua, o Le ua galue e ala i
tagata, ina ia faataunuuina ai Lona lava finagalo paia.
Na o ni nai vaiaso na va a’i le fanau mai o Luteru i le fale o
se tagata eli koale i Sakisone, ma le fanau mai o Urika Suigeli i
se fale o se leoleo manu, i atumauga ua ta’ua o le Alepa Alepese i
Suiselani. O mea uma na si’osi’omia ai Suigeli i lona tamaitiiti, atoa
ma a’oa’oga mai ona mātua a’o itiiti o ia, o nei mea uma na saunia ai
o ia mo lana galuega i le lumana’i. Na vave lagona e ia le mamana
ma le matalasi o le Atua ma Ana galuega, auā sa ola a’e o ia ma vaai
i le matagofie ma le matalasi, atoa ma le mata’utia o atumauga na
si’omia ai lo latou aiga. Na fia pei o ia o nisi o toa i ni taua sa faia
i luga o nei atumauga, e pei ona ua tusia i tala tusia o lona atunuu.
171
172
O Le Finauga Tele
Na ia faalogo o faia e le tinā o lona tinā ni tala mai le Tusi Paia, o
[143] ni nai tala ia na filifilia mai e lenei tinā mai le tele o le gaogaosā o
tala o le fatu, ma tala masani o le ekalesia. Na avea o sana mea fiafia
lona nofo ma faalogo i tala o mea tetele na faia e pateriaka ma le au
perofeta, faapea le tala i leoleo mamoe ma a latou lafu manu i luga
o mauga o Palesitina ma le taimi na talanoa atu ai agelu ia i latou,
ae maise le tala i le Pepe o Petele’ema, faapea Iesu i Kalevario.
Pei lava ona faia e le tamā o Luteru, na faapena foi ona naunau le
tamā o Suigeli ina ia maua e lona atali se a’oa’oga lelei, ma o le pogai
lea na auina ese atu ai o ia mai lona nuu a’o itiiti lava o ia. Na televave
na’uā le tuputupu a’e o lona mafaufau, ma sa le pine ae faigata ona
maua o ni faia’oga lelei e mafai ona latou a’oa’oina o ia. O le 13 o
ona tausaga na alu ai o ia i le a’oga aupito maoa’e i Suiselani, le
a’oga lea i le aai o Peni. Peitai o inā na tu a’e ai se faaletonu semanū
e lamatia ai le manuia o lona lumana’i. E tele taumafaiga a patele
na fai ina ia mailei atu ai Suigeli e avea o se monike. E lua itu’aiga
vasega o patele na tauvā po o le fea e sili ona toatele tagata e ō atu i
a latou sauniga. O vasega ia ua faaigoa o le itu’aiga o Tominika ma
le itu’aiga o Faranisisi. Na taumafai nei itu’aiga e lua e faatosina atu
tagata e ala i faaaliga teūga o a latou falesa, le felanulanua’i ma le
māta’ina o a latou sauniga, atoa ma le faaaliga o faatusa faivavega,
ma ni mea tuai na ta’u mai o ni mea na faaaogaina e Keriso ma le
au aposetolo.
Lenei la ua vā’ai patele Tominika o le aai o Peni i le atamai o
Suigeli, ma ua latou manatu ai o le a sili a’e le ta’uta’ua o la latou
itu’aiga pe afai latou te maua lenei talavou agavaa. O lona talavou,
o lona agavaa i le tautala, o lana atamai i tusitusiga, atoa fo’i ma
musika ma tusiga-solo, o nei agavaa uma o le a tosina mai ai tagata i
a latou sauniga. Ma, o le toatele o tagata e o mai i a latou sauniga, o le
tele foi lea o le tupe-maua mo la latou itu’aiga. Na faapena ona latou
faaaogā ala pi’opi’o ma faiga faavi’ivi’i ina ia mailei atu ai Suigeli e
ulufale atu i lo latou nofoaga faamonike. O se nofoaga faamonike foi
faapea na ulufale i ai Luteru i le taimi na a’oga ai o ia, ma semanū
e le aogā o ia i le lalolagi pe ana le faasa’olotoina o ia i le auala a le
Atua. E le’i finagalo le Atua ina ia oo atu Suigeli i se tulaga lamatia
faapea. O le auala a le Atua na maua ai e le tamā o Suigeli se tala e
uiga i fāufāuga a patele. Na mamao ma le mafaufau o lona tamā le
avatua o lona atali e ola i se olaga faapaiē ma le le aogā e pei ona
O le Failauga O Le Toe Fuataiga Mai Suiselani
173
faia e nei monike. Na iloa e lona tamā ua tulaga lamatia le lumana’i
aogā o lona atalii, ma sa ia fe’au loa lava i lona atalii e foi vave atu
i lo latou aiga.
Na usitai Suigeli i le faatonuga a lona tamā. Peitai e lei umi se
fiafia o lenei talavou i lona nuu, ma sa le umi loa ae alu atu o ia i
le a’oga i Pasele. O inei na ulua’i faalogo ai Suigeli i le talalelei o
le alofa tunoa o le Atua, na ala mai ia Vitepaka lona faia’oga o le
gagana Eleni ma le gagana Eperu. O su’esu’ega a lenei faia’oga i nei
gagana tuai e lua, na ta’ita’ia ai o ia i le Tusi Paia. Na faapena ona
susulu atu ave o le malamalama ia i latou uma o ē na a’oa’oina e lenei [144]
faia’oga. Fai mai lenei faia’oga e i ai se upu moni mai anamuā ona
aso ma e sili a’e foi lona tāua i lo taumatematega o lo o a’oa’oina e le
au popoto ma le au atamamai. Fai mai lenei upu moni mai anamuā,
o le maliu o Keriso ua na o lea le togiola o le tagata. Ua avea nei upu
o se ulua’i ave o le malamalama mo Suigeli, a’o lei tatafa mai ata o
le taeao o le Toe Fuata’iga.
E lei umi ae valaauina loa Suigeli mo le amatalia o lana galuega
faafaife’au. O lana aulotu muamua o se nuu i luga o mauga, e le
mamao ma le nuu na ia fanau ai. Ua faau’u o ia o se patele, ona
tuuina atu loa lea e ia o lona loto atoa i le sa’iliga o le upu moni
faalelagi. Fai mai se tasi o ona uso-a-failauga, “Na fia iloa lelei e
Suigeli po o ai tonu ua tuuina mai i ai le lafu mamoe a Keriso”.
(Wylie, b. 8, ch. 5.) O le tele o lana su’esu’e i le afioga a le Atua, o
le manino lelei foi lea ia te ia o le ese’esega o upu moni o le Tusi
Paia ma a’oa’oga sese a Roma. Na ia usitai i le Tusi Paia auā na ia
lagona o le afioga lea a le Atua, ma ua na o lea foi le fua e atoatoa,
le fua e le sese. Na ia lagona e ao ona avea le Tusi Paia o lona lava
faamatala-upu. Na ia lagona le le manuia o le taumafai e faamatala le
Tusi Paia ina ia lagolagoina ai manatu ma a’oa’oga sese a le tagata.
Na talitonu o ia o le tiute o le tagata lona su’esu’e ina ia iloa e ia
a’oa’oga manino ma le tuusa’o a le Tusi Paia. Na ia sa’ili’ili i soo
se auala e mafai ai ona maua e ia le uiga tonu ma le uiga moni o
faa’upuga a le Tusi Paia, ma sa ia tatalo mo le fesoasoani mai a le
Agaga Paia. Fai mai lana tautinoga, e faaali mai e le Agaga Paia le
uiga moni o le afioga a le Atua, ia i latou uma o ē sa’ili’ili i ai i le
tatalo ma le faamaoni.
Fai mai Suigeli, “O tusi paia uma e mai le Agaga o le Atua ae le
o le tagata, ma o le Atua o le na pogai mai ai le fe’au, o le Atua lava
174
O Le Finauga Tele
lea Na te faamaninoina mai le uiga o lea fe’au. E le sese le afioga a
le Atua. E manino faamatalaga o le afioga a le Atua e faamalamalamaina ai le loto i le talalelei o le faaolataga ma le alofa tunoa. O le
afioga foi a le Atua e faamafanafanaina ai le loto, e faamaulaloina ai
le loto, ina ia le toe manatu ifo le tagata ia te ia lava, a ia talia ma le
fiafia e ia le Atua”. Na iloa lelei e Suigeli le tonu o nei upu. Fai mai
ni upu na ia tusia e uiga i lona olaga i lea vaitaimi, “Sa le mapu le
tutupu a’e pea o masalosaloga ma manatu faaletagata i lo’u mafaufau, i le taimi na amata ai ona ou tuuina atu lo’u loto i le su’esu’eina
o le Tusi Paia. Na i’u lava ina tonu i lo’u mafaufau o le a ou faagalo i
nei manatu uma, ae sa’ili ifo i le uiga o le Atua, i totonu o Lana lava
afioga manino. O le taimi na ou tatalo ai i le Atua mo Lona malamalama, o le taimi foi lea na amata ai ona faigofie ia te a’u mau o le
Tusi Paia”. (Ibid., b. 8, ch. 6.)
O Keriso ae le o Luteru na pogai mai ai a’oa’oga na folafolaina e
Suigeli. Fai mai Suigeli, “Afai o lo o folafolaina e Luteru Keriso, o
lo o ma faia le galuega e tasi. E sili atu le toatele o i latou ua aumaia
e Luteru ia Keriso nai e ua ou ta’ita’ia. Peitai e le afaina lea mea. Ou
[145] te le tau’avea se isi suafa e ese nai le suafa o Keriso. O a’u o Lana
auauna ma ua na o Ia foi lo’u Alii ma lo’u Pule. E leai ma se upu e
tasi ua ou tusia ia Luteru; e leai foi se upu e tasi ua tusi mai ai Luteru
ia te a’u. Aisea? Ina ia iloa ai e le lalolagi e le feteena’i le Agaga o le
Atua. Ua faamaonia lea itu ona e ui lava e leai sa ma fesoota’iga ma
Luteru, o lo o savali gatasitasi pea lava la ma folafolaina o a’oa’oga
a Keriso”. (D’Aubigne, b. 8, ch. 9 )
O le tausaga 1516 na tofia ai Suigeli e fai ma failauga i le nofoaga faamonike i Esiteni. O inei o le a vaai lelei ai Suigeli i nisi o
amioletonu a Roma, ma o inei foi o le a fai ai e ia le galuega o le
Toe Fuata’iga, se galuega o le a faalogo i ai nuu Kerisiano uma. O
se tasi o mea na tosina atu ai tagata i Esiteni o le faatusa o Maria; na
talitonu le toatele e i ai le mana i lea faatusa na te faia ai vavega. O
luga a’e o le faitoto’a tele o lenei nofoaga faamonike na tusia ai upu
nei: “E maua i inei le faamagaloga e faavavau o agasala”. (Ibid.,
b. 8, ch. 5.) Na lolofi atu tagata i soo se vaitaimi o le tausaga i le
fia oo i le malumalu na i ai le faatusa o Maria; peitai na sili atu le
toatele o le motu o tagata na lolofi atu i Esiteni i le taimi o le sauniga
faaletausaga na faapa’iaina ai lea faatusa. E oo lava i Farani ma Siamani na o atu ai faigamalaga uumi ona o le fia molimauina e tagata
O le Failauga O Le Toe Fuataiga Mai Suiselani
175
o lea sauniga. Na tiga le mafaufau o Suigeli talu ai lenei vaaiga le
manuia, ma sa ia faaaogaina loa lea avanoa lelei na te folafolaina
ai le sa’olotoga e ala i le talalelei, i lenei toatele ua nofo pologa i
talitonuga faanuupo.
Fai mai upu a Suigeli, “Aua tou te manatu ua sili atu le faatasi
mai o le Atua i lenei malumalu nai lo isi vaega o Lana foafoaga. O
lo o soifua le Atua i soo se atunuu na ou tou faimalaga mai ai; o lo o
i ai le Atua i ou autafa ma lou nuu; Na te faafofoga ia te oe. E mafai
ea e a tatou galuega faalēmanuia, po o faigamalaga uumi faapenei,
po o taulaga, po o faatusa, po o talosaga ia Maria po o le au paia, e
mafai ea e nei mea uma ona e maua ai le alofa tunoa o le Atua? O le
a le aogā o le tele o upu ua faa’upu atu ai a tatou talosaga? O le a le
aogā o le pulou iila i le ulu o le patele, o le a le aogā o le sele mamā
o lona ulu, po o ofu talaloa, po o seevae ua teuteuina i le auro? E
silasila le Atua i le loto, a’o o tatou loto ua mamao lava ia te Ia. Na
faasatauroina Keriso e avea o le togiola mo agasala a i latou uma o
ē faatuatua, seia oo lava i le faavavau”. (Ibid., b. 8, ch.5.)
E toatele le au faafofoga. e le’i fia faalogo i nei aoaoga. Latou te
le’i fia faalogo i upu ua ta’u mai ai e leai se aogā o le faigamalaga
umi ma le faigata ua latou faia nei. Na le malamalama i latou i lenei
faamagaloga ua ofofuaina mai ia i latou e ala ia Keriso. Ua fiafia
lava i latou i le auala tuai i le lagi ua uma ona faasino mai ia i latou e
Roma. Na latou mumusu i le faigatā o le sa’ili’ili atu mo se isi auala
e sili atu. E faigofie le tuuina atu o lo latou faaolataga i lima o patele
ma le pope; ae faigata le sa’ili atu mo le loto ia faamamāina.
Peitai na i ai se isi vasega o tagata na latou talia ma le fiafia le
talalelei o le faaolataga e ala ia Keriso. Latou te le’i maua se filemu [146]
o o latou agaga i lo latou tausia o tulafono na faatonuina e Roma,
ma ua latou talia nei e ala i le faatuatuai le toto o le Faaola e avea o
lo latou togiola. Na foi atu i latou nei i o latou nuu ma latou faailoa
atu i isi le malamalama ua latou maua. Na faapena ona avatua le upu
moni mai lea nuu i lea nuu, mai lea aai i lea aai, ma ua faapena ona
matuā faaitiitia ai tagata na faimalaga mamao mai i le malumalu o
Maria. Na vaaia foi le pa’ū ifo o tupe o taulaga, ma sa faapena foi
ona pa’ū ifo ai o le totogi o Suigeli, auā o tupe ia na maua ai lona
totogi. Peitai na o lona fiafia na oo mai ai ona ua ia vaaia ua amatalia
nei ona lepetia i lalo le malosi o talitonuga faanuupo.
176
O Le Finauga Tele
E le’i tauaso ta’ita’i o le ekalesia i le galuega ua faia nei e Suigeli.
Peitai, mo le taimi nei, latou te le’i faalavelave i ai. Na i ai lo latou
faamoemoe atonu lava latou te maua o ia mo lo latou itu e ala i
faiga faavi’ivi’i. Peitai a’o faapena ona latou faatalitali, sa le faatali
le salalau atu o le upu moni, atoa ma le taliaina o lea upu moni i loto
o tagata.
O lana galuega i Esiteni na saunia ai Suigeli mo se tovine e sili
atu lona lautele. Ua mae’a ona tausaga e tolu i Esiteni, ma ua tofia
loa o ia e avea ma failauga i le malumalu tele i le aai o Suriki. O
le aai aupito tāua lea i le atunuu atoa o Suiselani, ma o le a mamao
le salalau atu o tala o lana galuega i lenei aai. Peitai e le’i fia vaai
le aufaulotu ma ta’ita’i o le ekalesia i ni suiga fou e faia e Suigeli i
totonu o le ekalesia. O lea na latou o atu ai loa e faatonu o ia e uiga
i ona tiute.
O tiute nei na latou faatonuina ai Suigeli: “Ia faaaoga lou malosi
atoa e te aoina ai lafoga uma o lou itumalo; aua nei pa’ū se lafoga
e tasi tusa lava po o le a le itiiti. Ia e apoapoa’i i le au faatuatua
ina ia totogi uma a latou sefulua’i ma lafoga, ma faailoa lo latou
alofa i le ekalesia e ala i a latou taulaga. Ia e apoapoa’i atu faapena
mai le pulelaa, faapea ma le kofesio. Ia e tinoū i le sa’ilia o auala e
faateleina ai le tupe maua - o tupe mai ē mama’i, mai misisā, atoa
ma soo se sauniga faalelotu. O isi ou tiute e lavea ai le faiga o le
faamanatuga, atoa ma lauga ma le vaaiga o le lafu mamoe. Peitai e
mafai ona e filifilia se isi e fai ma ou sui i le faiga o nisi o nei tiute,
ae maise lava lauga. Na o ē maualuluga e te avatua i ai le uaina ma
le areto o le faamanatuga pe a maua mai ai sou valaauga. E faasā oe
ona e faia le faamanatuga mo isi tagata le taulia.” (Ibid., b. 8, ch. 6.)
Sa le tautala Suigeli a’o faagasolo mai nei faatonuga. Ua mae’a
ia faatonuga ona faia loa lea o lana tali. Na muamua lana faafetai
ona ua tofia o ia i lenei tulaga tāua, ona sosoo ai loa lea ma lana
faamatalaga i le fuafuaga ua ia faataatia e uiga i lana galuega. Fai
mai ana upu, “Ua leva ona natia mai tagata le talalelei o le soifuaga
o Keriso. Na o le vaipuna lava o le Tusi Paia o le a ou faaaogaina
i a’u lauga. O le a ou sa’ili’ili i lona loloto, ma faatusatusa uiga o
lea mau ma lea mau, ma ou sa’ili’ili i le malamalama moni e ala i
le tatalo faatauanau. Ou te faaaogaina lo’u ola ma faia la’u galuega
[147] mo le viiga o le Atua ma Lona Alo, mo le faaolataga o agaga, atoa
ma le atina’e o le fanau a le Atua i le upu moni”. (Ibid., b. 8, ch.
O le Failauga O Le Toe Fuataiga Mai Suiselani
177
6.) E le’i fiafia nisi o nei ta’ita’i i lana fuafuaga ua faataatia, ma sa
latou fautuaina o ia ina ia suia lenei fuafuaga; peitai e le’i maluelue
ai Suigeli. Na fai lana tala e le o ni mea fou o le a ia aumaia i totonu
o le ekalesia, a’o ni auala tuai na faaaogaina i taimi ua mavae a’o
manuia ma mamā le ekalesia.
Ua amata nei ona fāgua le fiafia o tagata i upu moni na ia
a’oa’oina, ma sa lolofi atu le toatele i le fia faalogo i ana lauga. Na
i ai i lenei motu o tagata nisi e toatele ua leva o le toe ō i ni lotu.
Na amata lana galuega i lona faitauina o tusi Evagelia, ma lona faamatalaina i le au faalogologo o le tala i le soifuaga o Keriso, ma Ana
aoaoga, ma Lona maliu. Pei lava o lana masani i Esiteni, na ia folafola atu mea e lua - o le Tusi Paia, ua na o lea le pule lē sese e tasi;
ma le maliu o Keriso, ua na o lea le taulaga atoatoa e tasi. Fai mai
lana tala, “E i ai lo’u mo’omo’oga ou te fia ta’ita’ia outou ia Keriso,
o Ia o le Punavai o le faaolataga”. (Ibid., b. 8, ch. 6.) Na si’osi’omia
lenei failauga e le motu o tagata mai soo se vaega o le aai - o alii ma
faipule faapea le au popoto, atoa ma tagata faigaluega ma ē matitiva.
Sa lē ’emo se mata a’o latou faalogo i ana lauga. Na ia folafolaina le
meaalofa foa’ifua o le faaolataga, ae na le fefe foi o ia e ta’u sa’o atu
amioleaga ma ala pi’opi’o ua pogisa ai le ekalesia. Na foi le toatele i
o latou aiga ma le viiga i le Atua. Fai mai i latou, “O le failauga lava
o le upu moni le tagata lenei. O ia lea o le a avea o la tatou Mose na
te ta’ita’i’esea i tatou mai lenei Aikupito pogisa. (Ibid., b. 8, ch. 6.)
Peitai e ui lava i na talia ma le fiafia e tagata lana galuega i le
amataga, sa le pine ae laulaututū a’e le au faatu’i’ese. Ua tutū mai
patele ma le au monike latou te faalavelave i lana galuega ma faitiona
ana aoaoga. E toatele na latou taliē ma faatauemu ia te ia; o nisi
na latou faailoa ia te ia ni uiga pa’a’ā ma le le taupulea, ma upu
taufaamata’u. Peitai na onosa’i lava Suigeli. Fai mai lana tala, “E
ao ona tapunia o tatou mata i le tele o le gaogaosā pe afai tatou te
naunau ina ia maua mo Iesu Keriso le tagata amioleaga”. (Ibid., b.
8, ch. 6.)
O le taimi lenei na taunuu ai i Suriki se tasi e igoa ia Lusiana, o le
na avea ma fesoasoani i le atina’e o le galuega o le Toe Fuata’iga. Na
auina mai Lusiana i Suriki e se tasi o uo a Suigeli i le aai o Pasele. Na
sau Lusiana ma aumai nisi o tusitusiga a Luteru, atoa ma le poloa’i
atonu o le faatauina atu o nei tusi i tagata, o se tasi lea o auala lelei
o le a faasalalauina atu ai le malamalama. Fai mai le tusi a lea uo
178
O Le Finauga Tele
ia Suigeli, “Vaai lelei e oe pe mata e lava le faautauta ma le agavaa
o Lusiana. Afai e lava, ona tuu lea i ai o tusi a Luteru e alu ma ia e
faatau atu i lea aai ma lea aai, mai lea nuu i lea nuu, mai lea fale i
lea fale i tagata Suiselani, ae maise lava le tusi i le Tatalo a le Alii,
ua tusia mo le lautele o tagata. Afai e toatele tagata latou te iloa tusi
nei, o le toatele foi lena o ē o le a latou faatauina. Na faapena ona
[148] ofi atu le malamalama i loto o tagata. (Ibid., b. ch. 6.)
O le taimi e fai ai sauniuniga a le Atua ina ia lepetia ai filifili
u’amea o le pogisa ma talitonuga faanuupo ua saisaitia ai tagata, o
le taimi foi lea e galue ai Satani i le atoatoa o lona mana, ina ia ufitia
ai tagata i le pogisa, ma toe faamausali atili ai filifili u’amea ua taula
ai nei i latou. A’o laulaututū a’e tagata i lea atunuu ma lea atunuu
latou te folafolaina le faamagaloga ma le ta’uamiotonuina e ala i le
toto o Keriso, sa tu atu foi Roma e toe faia ma le malosi lana galuega
o le faatauina i tupe o le faamagaloga, i atunuu Kerisiano uma.
E tofu lava le agasala ma lona tau, ma sa faapena ona maua e
tagata le laisene latou te faia ai amioleaga uma latou te manana’o i
ai, ae tau lava ina ia anoanoa’i ai tupe e maua mo le faletupe o le
ekalesia. Na faapena ona taufai alu i luma nei galuega e lua - o le
tasi ua na faatauina i tupe le faamagaloga o agasala, a’o le isi o le
faamagaloga e ala ia Keriso. O le tasi ua avatu ai e Roma le laisene
e fai ai e tagata soo se agasala ma avea lea o lana alagatupe, a’o le
isi ua ta’u sa’o atu ai e Failauga o le Toe Fuata’iga le amioleaga,
ma faasino atu ai tagata ia Keriso, o Ia o le Togiola ma le Faaola e
to’atasi.
O patele o le itu’aiga o Tominika, o i latou ia na tofia i Siamani
latou te faia le galuega o le faatauina i tupe o le faamagaloga. O
Teseli faalēmanuia na avea ma o latou ta’ita’i. Peitai o patele o le
itu’aiga o Faranisisi, o i latou ia na tofia i Suiselani latou te faia lea
galuega, ae ta’ita’i ai se patele Italia e igoa ia Samasoni. Ua iloga
ni galuega lelei ua faia e Samasoni mo le ekalesia Roma. E tele se
tinoitupe na ia maua mai Siamani faapea Suiselani mo le faletupe o
le pule’aga faapope. Lenei la ua fealua’i o ia i Suiselani, ma ua lolofi
atu i ai le motu o tagata. O sina tupe sa i lima o ē matitiva, na oo uma
[149] i le taga a Samasoni, faatasi ai ma ni meaalofa tetele mai le vasega
a le au maumea. Peitai e ui lava e le’i mafai e le galuega o le Toe
Fuata’iga ona taofia atoatoa lenei mala, na avea le galuega o le Toe
Fuata’iga ma ala na faaitiitia ai lona malosi. E taunuu atu Samasoni
O le Failauga O Le Toe Fuataiga Mai Suiselani
179
i Suiselani e le’i tuua e Suigeli le aai o Esiteni. Na te’i Suigeli ina
ua faalogo ua taunuu Samasoni ma lana vaega i se tasi o aai laiti e
tua’oi ma Esiteni. Na faalogo loa Suigeli i le uiga tonu o le galuega
a Samasoni, amata loa ona ia tetee i ai. E le’i maua sa la feiloa’iga.
Peitai na faailoa atu e Suigeli i tagata le pepelo ma le pi’opi’o o le
galuega o lo o faia e Samasoni. O le malosi tele o le tetee a Suigeli
sa faavave ai loa ona toe tāpena Samasoni ma lana pisinisi su’etupe
e ō i se isi aai.
Na faapena foi le malosi o le tetee o Suigeli i le faatauina o le
faamagaloga i le aai o Suriki. E. taulata atu Samasoni i Suriki ae
fetaui ma se avefe’au mai le fono a alii ma faipule o lea aai, e ta’u
atu ai le finagalo o le fono, ina ia laasia lo latou aai i le galuega a
Samasoni. Na i’u lava ina maua e Samasoni se faatagaga e ulufale
ai i le aai e ala i ni ana auala pi’opi’o. Peitai e lei umi ae tuli’esea o
ia ma le aai e aunoa ma se faamagaloga e tasi ua taulia, ma sa le toe
umi ni aso ae tuua loa e Samasoni le atunuu o Suiselani.
Na maua se fesoasoani malosi mo le galuega o le Toe Fuata’iga e
ala i le mala po o le Oti Tele na lavea ai Suiselani i le tausaga e 1519.
A’o lāvevea le toatele i le faama’i ma lalata atu ai i latou i le oti, na
faapena ona latou lagona le leai o se aogā o pepa o le faamagaloga
ua faato’a uma ona latou faatauina. Na faapena ona latou mo’omo’o
mo se faavae mautū mo lo latou faatuatua. Na lavea ai foi Suigeli i
le faama’i i Suriki, ma o le tigaina tele o lona ma’i na manatu ai le
toatele e le ola o ia, ma sa salalau le tala faapea ua maliu o ia. Peitai e
le’i maluelue lava lona lototele ma lona faamoemoe, i le taimi o lona
puapuaga. Na ia tepa atu e ala i le faatuatua ia Keriso i Kalevario, o
Ia o le togiola atoatoa o agasala. Na toe faaolatia o ia mai faitoto’a
o le oti, ma sa tonu ia te ia o le a atili ai lona tinoū i le folafolaina
o le talalelei. Na lagona e tagata se malosi uiga ese o ana upu. Ua
latou toe faafeiloa’i ma le olioli i la latou faife’au ua toe faafoi atu
ia i latou mai augutu o le tuugamau. E i ai foi tagata o o latou aiga
na lavevea i le faama’i, po ua maliliu foi talu ai le mala, ma sa goto
ifo i o latou loto le tāua ma le aogā o le talalelei.
O ana su’esu’ega na maua ai e Suigeli se malamalama’aga
manino o upu moni o le talalelei, ma sa lagona foi e ia i lona lava
olaga le malosi o le mana o le talalelei e faafouina ai le olaga. O le
pa’ū o le tagata, ma le fuafuaga o le faaolataga, o mata’upu ia na mamafa i ai ana lauga. Fai mai o ia, “Ua oti i tatou uma ia Atamu, ma
180
O Le Finauga Tele
ua tatou goto ifo ai i le leaga o le agasala ma lona faasalaga. ...Peitai
ua faatauina mo i tatou e Keriso se togiola e leai sona gata’aga.
O Lona maliu ua avea o se taulaga e faavavau, ma o Lona mana
faamālōlō e faapena foi e faavavau. Ua faamalieina ai e faavavau le
[150] tulafono amiotonu a le Atua, mo i latou uma o ē faatuatua i ai ma le
le masalosalo”. Peitai na ia faamanino atu foi e le avea le alofa tunoa
o Keriso ma mea o le a sa’oloto ai pea le tagata na te faia le agasala.
Fai mai lana tala, “Soo se mea o lo o mafuta ai le Atua, o le a maua
ai foi ma le ma’elega e una’iina ai tagata latou te faia galuega lelei”.
(D’Aubigne, b. 8, ch. 9.)
Na le ofi le malumalu tele i Suriki i le motu o tagata na lolofi
atu i ai i le fia faalogo i lauga a Suigeli. Na faifaimalie lona tuuina
atu ia i latou o le upu moni, e tusa ai ma le mea e mafai ona latou
malamalama i ai. Na te le’i vave avatua ia i latou ni a’oa’oga e ono
faate’ia ai i latou ma faatupu ai le masalosalo. Na mana’o o ia na
te faatosina loto o tagata ia Keriso, ma suōtosinaina o latou loto i
Lona alofa, ma faatū atu i o latou luma le faaa’oa’oga a Keriso. A’o
faapena ona latou talia o upu moni o le talalelei, o le a faapena foi
ona lafotūina ai o talitonuga ma faiga faanuupo.
Na faapena ona laa pea i luma o le galuega o le Toe Fuata’iga i
Suriki. A ua avea foi lea ma mea ua fafagu a’e ai i luga le itu a le fili.
Ua tausaga atoa nei talu ona tu Luteru i luma o le ao o le taupulega
ma le Fono Aoao i Vemi, ma ta’u atu i ai lona le fia fulitua i le upu
moni ma ana tusitusiga. Lenei ua foliga mai o se tetee foi faapea i
le pule faapope o le a vaaia i Suriki. E tele ni osofa’iga na faia ia
Suigeli. E i ai ni soo o le talalelei na susunuolaina i lea taimi ma
lea taimi i nisi o itumalo na i lalo ifo o le pule faapope i Suiselani.
Peitai, e le’i faamalieina ai le fili; na latou manana’o lava ina ia taofia
e faavavau le leo o le faia’oga o mata’upu e le tutusa ma a’oa’oga a
le ekalesia. Ua auina atu loa e le epikopo o le aai o Konesetane ni
sāvali se toatolu ma se tusi i le fono a alii ma faipule o le aai o Suriki.
O lea tusi ua ia molia ai Suigeli ona o lona a’oa’oina o tagata e soli i
tulafono a le ekalesia, o se mea e ono lamatia ai le filemu ma le nofo
lelei o tagata o le aai. Fai mai le epikopo i lana moliga, a le aloa’ia
le pule a le ekalesia, o le mea e sosoo ai o se aai malepelepe ma
tagata le taupulea. Fai mai le tali a Suigeli, “Ua fa tausaga talu ona
ou folafolaina le talalelei i Suriki, ma e sili atu le filemu ma le nofo
lelei o tagata o le aai o Suriki, nai lo se isi lava aai i le atunuu atoa.
O le Failauga O Le Toe Fuataiga Mai Suiselani
181
E foliga mai ia te a’u o le auala sili e maua ai le filemu ma le nofo
lelei o tagata, o le folafolaina lea o upu moni o le talalelei”. (Wylie,
b. 8, ch. 11.)
O le apoapoa’iga a sāvali e toatolu i le fono a alii ma faipule o
Suriki, ia latou tūtūmau pea i le ekalesia, auā e leai ma se isi mea e
maua ai le faaolataga. Fai mai le tali a Suigeli, “Aua tou te maluelue
ai i lea faamatalaga. Ua na o le tasi le Papa ua avea ma faavae o le
ekalesia; o le Papa lea o Keriso o Le na avatua ia Peteru lona igoa,
ina ua ia folafola atu o Ia ma le faamaoni. E talia e le Atua soo se
tasi e talitonu i le Alii o Iesu ma lona loto atoa. Ua na o lea le auala
o le faaolataga, e leai ma se isi”. Na liua i le talitonuga fou se tasi o
savali e toatolu a le epikopo talu ai la latou feiloa’iga ma Suigeli i le
fono a alii ma faipule o le aai o Suriki.
E lei manana’o le fono e fai se faiga ia Suigeli, ma o lea na tonu
ai loa ia Roma o le a sauni se isi osofa’iga. Fai mai le tala a lenei [151]
Failauga o le toe Fuata’iga ina ua ta’u atu ia te ia fāufāuga a ona fili,
“Tuu ai pea e o mai. E leai se ese’esega o la latou mea lea e fai ia te
a’u ma faiga a galu o lo o faia i le pupū”. O taumafaiga a ta’ita’i pope
e lafotūina ai le galuega o le Toe Fuata’iga, na atili ai ona faaopoopo
i le manuia o lea galuega. E lei taofia le salalau atu o le upu moni.
O ē na faavaivai i Siamani ina ua nimo Luteru ma ua latou le iloa
le mea ua tupu ia te ia, ua toe faalototeleina nei i latou ina ua latou
faalogo i le manuia o le galuega o le talalelei i Suiselani.
A’o faapena ona maua’a le galuega o le Toe Fuata’iga i Suriki,
na faapea ona vaaia o ona fua i le faaitiitia o le amioleaga, atoa ma
le atina’e o le filemu ma le nofo lelei i lea aai. Fai mai upu na tusia
e Suigeli i lea vaitaimi, “Ua fai la tatou aai ma apitaga o le filemu
- ua leai ni finauga, leai se faafiaamiotonu, leai se matau’a, leai foi se
vāvāō. O fea e sau ai lenei nofo lelei ma le galulue faatasi? E leai se
isi ala e maua ai le filemu sei vagana le Atua, atoa ma a tatou aoaoga,
nei ua faatumulia ai i tatou i le filemu ma le ola faapa’iaina”. (Ibid.,
b. 8, ch. 15.)
O le manuia o le galuega o le Toe Fuata’iga ua avea ma ala ua
fagua a’e ai ta’ita’i pope ina ia faia nisi osofa’iga sili auā le lafotūina
o lea galuega. Ua iloa nei e ta’ita’i pope e leai se aogā tele o le faaaogaina o sauaga e tineia ai le galuega a Luteru i Siamani. O lea na tonu
ai o le a latou faafetauia le galuega o le Toe Fuata’iga, e ala i lo latou
mulimuli i auala ua faaaogaina e ta’ita’i o le galuega o le Toe Fu-
182
O Le Finauga Tele
ata’iga. O lea na fai ai loa se tonu o le a faia se felafolafoa’iga po o
se faatau i le va o la latou itū ma le itū a Suigeli. O i latou lava o le
a latou faagaioia le mata’upu ina ia mautinoa ai lo latou manumalo.
O i latou foi o le a latou filifilia le mea e fai ai le faatau, o i latou foi
e filifilia faamasino e faia le faai’uga po o ai le itū e manumalo. Na
fai la latou upu e le toe mamulu ese atu Suigeli mai o latou lima pe
a latou maua o ia. A faapena ona taofia e faavavau le leo o le ta’ita’i,
o le a le pine loa ae mate le galuega o le Toe Fuata’iga. Na faalilolilo
le faiga o nei fuafuaga uma.
Na tonu o le a faia le felafolafoa’iga i le aai o Patena e tusa ai
ma lea fuafuaga; peitai na faia lenei tonu e aunoa ma le faatasi ai o
Suigeli. Ua masalosalo nei le fono a alii ma faipule o le aai o Suriki
i fāufāuga a ta’ita’i pope. E le gata i lea ua latou vaai foi i fata na
susunuolaina ai nisi o soo o le galuega o le Toe Fuata’iga, i nisi o
itumalo na i lalo ifo o le pule faapope. O lea na fautuaina ai e le
fono lo latou faife’au e le tatau ona alu atu o ia i se mea faapea
e lamatiagofie ai lona ola. E le afaina le faia o le felafolafoa’iga i
Suriki; tusa lava pe toafia ta’ita’i pope e auina mai e Roma, ua sauni
lelei atu i ai Suigeli. Peitai o le alu i Patena i le mea e le’i mago lelei
ai le toto o le au maturo, o le alu lava lea i se oti ua mautinoa. O lea
na filifilia ai loa Okolamatiu ma Hola e fai ma sui o le galuega o le
Toe Fuata’iga, a’o le toa a Roma o le tagata lauiloa ma le poto e igoa
[152] ia Eki, faatasi ai ma ni epikopo ma ni faia’oga popoto e fai ma ona
fesoasoani.
E ui lava e lei faatasi ai Suigeli i lea felafolafoa’iga, sa ia iloa
lelei taualumaga o lea faatau. Na tofia e ta’ita’i pope ni failautusi
latou te tusitusia uma taualumaga o le felafolafoa’iga; a i ai se isi e
ese ai e maua o faia ni ana tusitusiga o taualumaga o le fono, o le
oti na folafola i ai. Ae ui lava i nei tulafono, na maua lava e Suigeli i
lea aso ma lea aso se tala faamaoni o taualumaga o le felafolafoa’iga
i Patena. E i ai se tama a’oga na faatasi atu i lenei felafolafoa’iga,
ma sa ia mātauina lelei mata’upu na faia i aso taitasi. A oo i le po
ona tusia lelei lea e ia o nei taualumaga uma i se lipoti. E toalua nisi
tama aooga na ofo la te avea nei lipoti ia Suigeli i Suriki, faatasi ai
ma ni tusi mai ia Okolamatiu ma Hola. Na tali mai i ai Suigeli e ala
i lona tusia o ni fautuaga ma ni apoapoa’iga. Na tusia ana tali i le po,
ae malama le taeao toe foi nei tama e toalua ma ave i Patena. Peitai
na i ai ni leoleo i faitoto’a taitasi o le aai. Na fai le togafiti a nei tama
O le Failauga O Le Toe Fuataiga Mai Suiselani
183
ina ia aua ai nei maua e ia leoleo tusi a Suigeli. Na o mai nei tama
ma amo mai i o la ua ni ato ua tumu i ni moa, ma sa faapena ona
faatagaina ai i la’ua e ulufale i le aai e aunoa ma se faalavelave.
Na faapena ona fai e Suigeli le taua ma ona fili popoto. Fai mai
le tala a Makoni, “O ana talosaga ma lana tapua’iga, o lona le moe
i le po, faatasi ai ma ana fautuaga na auina atu i Patena, ua sili atu
le tele o nei galuega, nai lo galuega semanū na te faia pe ana faatasi
atu o ia i le tino e fetaui ma ona fili”. (D’Aubigne, b. 11, ch. 13.)
Na soona olioli ta’ita’i Roma ona e le’i masalosalo se isi o i latou
i le manumalo o le a latou maua i Patena. O lea na latou o atu ai i
Patena ua la’ei atu i o latou la’ei aupito taugata, ua taufai fe’ilafi uma
atu i maa tāua. Na faapena foi ona tumu o a latou laulau i fale’aiga,
i mea’ai taugata eseese ma uaina ua filifilia mai faapitoa. Na avea
a latou tausuaga ma taliēga ma ala ua peiseai ai ua le mamafa tele
o latou tiute faalelotu. O se vaaiga matuā ese mamao na mātauina i
le va o i latou nei ma le itu a sui o Suigeli. O o latou la’ei e leai se
eseesega tele ma ofu o tagata aisi i le auala, o lo latou matitiva foi
e lei umi ai ona latou nonofo i se laulau, ona e leai ni mea se tele
na latou faataua. Na masani ona asiasi le pule o le fale talimālō i le
potu na nofo ai Okolamatiu. Peitai soo se taimi lava e asiasi atu ai o
ia i le potu, e maua atu lava Okolamatiu o fai, a le o le tatalo, o le
su’esu’eina o le upu moni. Sa lūlū le ulu o lenei pule ma fai mai, “E
failauga i talitonuga sese, ae uiga ese lona ola faapa’iaina”.
Ua oo mai nei i le taimi e fai ai le faatau i le falefono o le aai o
Patena. “Ua savali a’e nei Eki ua pei o le tupu, i se pulelaa ua uma
ona teuteuina lelei ma ua fe’ilafi mai lona matagofie; ae laalaa lēmū
atu Okolamatiu ua la’ei i ni ofu faatauvaa, ma ua nofo faafeagai tonu
lava ma Eki, i se nofoa faatauvaa e leai se faalagolago.” Ua amata
mai loa Eki i le leoleoā e masani ona maua ai lona manumalo. Ua
atili ai lona ma’elega ona o lona manatu i le auro atoa ma le viiga o [153]
le a mulimuli mai, auā o se toa e finau faapea mo le ekalesia, e tele
se taui e faatali mai mo ia. Afai e le lava ana upu ma faamatalaga
fuafuaina, o le a faaaogaina e ia o upu taufaifai, po o le i’u lava foi
i lona faaaogaina o ni upuvale e le tusa ai ma lona tulaga.
Na fefe Okolamatiu a’o lumana’i ai le faatau, ma sa ia alu atu i ai
ma lona loto faaletonu ma le le to’a lelei. Peitai fai mai lana upu i le
taimi o le faatau, “Ou te le talia lava se fua po o se faamasino e ese
ma le afioga a le Atua”. Na faailoa lona ava ma lona migao i luma
184
O Le Finauga Tele
o le aofia, ma e lei malosi lona leo. Peitai, na lelei ana tali, ma sa
le fefe pe maluelue o ia i se mea. Na sii mai e le itu a Roma le pule
atoa ma tu ma masani a le ekalesia, e faamaonia ma lagolago ai a
latou faamatalaga; peitai na tumau ma le le maluelue le Failauga o
le Toe Fuata’iga i le Tusi Paia. Fai mai lana tali, “E leai se malosi o
se tu po o se masaniga i lo tatou atunuu o Suiselani seia vagana ua
tusia i le tulafono faavae; ae a fāi i le itu tau tapua’iga, ua na o le tasi
la tatou tulafono faavae, ua na o le Tusi Paia lava lea”. (Ibid., b. 11,
ch. 13.)
Na lagona i loto o le toatele le eseese mamao i le va o uiga faaalia,
atoa ma faamatalaga a itu e lua. O le manino o faamatalaga a le
Failauga o le Toe Fuata’iga, atoa ma le tuuina atu o ana faamatalaga
i se auala filemu e aunoa ma ni ava’avauga, o mea ia na ootia ai loto
o ē na liliu ese i le soona leoleoā ma tali faamaualuga a Eki.
E 18 aso o faia pea lenei faatau. O le faai’uga o ia aso na folafola ai e ta’ita’i pope i se agaga faamaualuga lo latou manumalo.
Na palota le toatele o sui o le fono i le itu a Roma, ma o lea na fai ai
loa le folafolaga a le fono ua to’ilalo le itu a Failauga o le galuega o
le Toe Fuata’iga, ma ua faate’a ai nei i latou, faapea lo latou ta’ita’i
o Suigeli, mai le ekalesia. Peitai, o fua na faailoa ina ua mae’a lenei
fono, na faaalia manino ai le itu ua manumalo moni. Na avea lenei
felafolafoa’iga ma ala na faamalosia atili ai le galuega o le Toe Fuata’iga, ma e lei mavae se taimi umi ae folafolaina loa e aai e lua o
[154] Peni ma Pasele lo latou liliu i le itu o le galuega o le Toe Fuata’iga.
Mataupu 10—Faagasologa O Le Galuega Toe
Fuata’i I Siamani
Na faapopoleina le toatele i totonu o le mālō atoa o Siamani, ina
ua nimo faafuase’i atu o Luteru e aunoa ma se faamalamalama’aga.
Na faalogoina i tulimanu uma o le atunuu le tuu-fesili o tagata i lo
latou fia iloa po o le a se mea ua tupu ia Luteru. E anoanoa’i le mau
fāfātala na salalau e uiga ia te ia, ma e toatele na manatu ua fasiotia o
ia. Sa tele le faavauvau o tagata ona o ia, e le gata i ana uo faamaoni,
ae faapea foi i le afe ma afe o ē le’i faailoaina so latou lagolagoina o
le galuega o le Toe Fuata’iga. E toatele i latou na ’auai i se faatautoga
na fai ina ia tauia lona oti.
Na vā’ai atu ma le matata’u tele ta’ita’i o le ekalesia Roma i le
maoa’e o le tulaga ua oo nei i ai le tetee o tagata ia i latou. Na mua’i
olioli ia ta’ita’i ina ua manatu ua oti Luteru, a’o lenei ua fefefe i
latou ma fia sosola ese atu, mai le ita o tagata. Ua sili atu nei lo
latou atuatuvale i le to’esea o Luteru, nai lo aso na aupito logologoā
ai lana galuega a’o le’i to’esea atu o ia. O ē sa lilivau i le fia tagolima
ma faa’uma i le ola o lenei toa o le galuega o le Toe Fuata’iga, ua
matuā faatumulia nei i latou i le mata’u, e ui lava ua pei o se pagota
nei o ia, ma ua na le mafaia se mea. Fai mai se tasi o i latou, “Na o
le tasi lava le auala tatou te sao ai. Ia tutu ni sulu ma sa’ili ia Luteru
i tulimanu uma o le lalolagi, ma toe faafoi atu o ia i le atunuu o lo o
manana’o mai nei ia te ia”. (D’Aubigne, b. 9, ch. 1.) Ua foliga mai
ua le amana’ia e le toatele le poloa’iga a le ao o le malo. Na matuā
toatama’i sāvali a le pope ina ua latou vā’ai atu ua sili mamao atu i
manatu o tagata le ola ma le saogalemu o Luteru, nai lo le poloa’iga
a le ao o le taupulega.
Na maua le to’afilemu o le toatele ina ua maua le tala o lo o
manuia pea o ia, e ui lava o lo o nofo saisaitia. Sa avea lea ma mea na
atili faagaeetia ai o latou loto, ma atili ai lo latou fia lagolagoina o ia.
Ua atili ai foi lo latou ma’elega ma lo latou naunau e fia faitau i ana
tusitusiga. Na aga’i pea i luga le fuainumera o ē na lagolagoina lenei [155]
toa, o le na tu mo le afioga a le Atua, e ui lava sa lamatia ai lona ola.
185
186
O Le Finauga Tele
Sa tupu a’e pea le malosi o le galuega o le Toe Fuata’iga. Sa taufai
tatupu solo a’e i Siamani fatu na totōina e Luteru. O lona to’esea ua
mafai ai nei ona faia le galuega semanū e le faataunuuina a’o latou
faatasi ma ia. Talu ai ona ua to’esea lo latou ta’ita’i, ua lagona nei
e nisi o le aufaigaluega e ao ona latou tutū atu e ta’ita’ia le galuega.
Ua faafouina lo latou faatuatua ma lo latou ma’elega latou te una’i
faatasi ai i luma, ina ia le toe tuta’ia le galuega ua matagofie mai nei
lona faavae.
Peitai e le’i nofo samasamanoa le tiapolo. O taimi o una’iga
faapenei mo le olaga toe fuata’i, o taimi foi ia e faasaga atu ai le
tiapolo e fai lana galuega masani, o le faasese ma le faaumatia o le
fanau a tagata, e ala i lona faatūina i o latou luma o se mea faafoliga,
e sui a’i le mea moni. E pei lava ona i ai o keriso pepelo i le uluai
senituri o le tuputupu a’e o le ekalesia Kerisiano, na faapea foi ona
tutū mai o perofeta pepelo i lona 16 o senituri.
O le vevesi i mea faalelotu i le lalolagi Kerisiano, na avea lea
o se avanoa lelei na tutū a’e ai nisi ma latou fai mai ua valaauina
faapitoa i latou e le lagi, latou te tau’avea ma faai’uina le galuega na
amatalia e Luteru i se tulaga vaivai ma le faaletonu. O lo latou lava
lea manatu. A’o le mea moni lava , ua latou faaleaogaina le galuega
na faatūina e Luteru. Ua latou teena le faavae autū o le galuega o
le Toe Fuata’iga - o le afioga lea a le Atua, o le fua atoatoa lea e
tasi e fua a’i le faatuatua ma galuega faatino. Ua latou ave’esea le
ta’iala le sese, a ua latou tuu i ai le tapulaa fesuisuia’i ma le le tumau
o o latou lava lagona ma manatu. O le ave’esea o le ta’iala e mafai
ona iloa ai a’oa’oga sese ma mea pepelo, o le tatalaina lava lea o le
faitoto’a e ulu mai ai Satani na te pulea le loto o tagata e tusa ai ma
lona mana’o.
O se tasi o nei perofeta pepelo na fai mai ua auina faapitoa mai
o ia e le agelu o Kaperielu. Na la to’alua ma se tama a’oga ua tuua
ana a’oga ae fai mai ua faa’auupegaina faapitoa o ia e le Atua auā
le folafolaina o Lana afioga. Na faapipii atu foi i ai ma nisi o ē talitonu-gofie i mea faapea, ma ua faatupu atili ai le vevesi ona o a latou
faagaioiga. Ua avea lauga a Luteru o se fafagu i tagata uma ina ia latou lagona ai e ao ona i ai se toe fuata’iga. Peitai o lenei ua faasesēina
nisi o le au faamaoni ona o le taufaasesē o nei perofeta pepelo.
Ua o atu nei i le aai o Vitenipeki ta’ita’i o lenei vaega, ma ua
latou faatauanau ia Melanetone ma ona uso-a-auauna. Ua latou fai
Faagasologa O Le Galuega Toe Fuata’i I Siamani
187
i ai, “Ua auina mai i matou e le Atua e a’oa’o i tagata. Na matou
feiloa’i ma talanoa ma le Alii, ma ua matou iloa ai mea o le a tutupu
mai. O lona uiga o i matou lava o aposetolo ma perofeta, ma e matou
te fia feiloa’i ia Luteru”. (D’Aubigne, b. 9, ch. 7.)
Na maofa ma fememea’i ta’ita’i o le galuega o le Toe Fuata’iga.
O lo latou faato’a fetaia’i lea ma ni faafitauli faapea, ma sa latou le [156]
māumanatu po o le a tonu le mea e ao ona latou fai. Fai mai Melanetone, “E maoa’e ma uiga ese agaga o lo o i tagata nei; ae ou te fia
iloa po o a tonu nei agaga! E ao ona tatou faaeteete ne’i o tatou tineia
le Agaga Paia o le Atua; a’o se isi foi itu, e ao ona tatou mataala ne’i
ta’ita’isesēina i tatou e le agaga o Satani”. (D’Aubigne, b. 9, ch. 7.)
Sa le pine ae fotua’i mai loa fua o le a’oa’oga fou lenei. Ua latou
ta’ita’ia le toatele ina ia latou le amana’ia le Tusi Paia, po o le matuā
teena atoatoa foi o le afioga a le Atua. O se tulaga vevesi ma le fesoua’ina na oo i ai a’oga ma le iunivesete. E toatele le au a’o’oga na
manatu ua le toe i ai ni tulafono, ma ua latou tia’ia nei a latou vasega
ma tuua le iunivesete. Ua toetoe lava malepelepe le galuega o le Toe
Fuata’iga i faiga a i latou o ē na manatu ua ia i latou le poto e ta’ita’ia
ma faaleleia ai lenei galuega. Ua toe olioli nei ta’ita’i o le ekalesia
Roma ma ua latou faapea ane, “Toe tasi lava sa tatou taumafaiga ona
mautinoa loa lea o lo tatou manumalo atoatoa”. (D’Aubigne, b. 9,
ch. 7.)
Na faalogo mai Luteru i Votipeki i le tulaga ua oo i ai le galuega,
ma sa faapea ane o ia ma le agaga faanoanoa, “O le mala lava lenei
na ou masalosalo o le a aumai e Satani”. Na ia iloa lelei le uiga
moni o nei perofeta pepelo, ma sa ia iloa ua oo i se tulaga lamatia
le galuega o le upu moni. Ua sili atu le popole ma le mafatia o lona
mafaufau i lenei mala, nai lo le taimi na ia tu ai luma o le ao o le
malo ma sui o le pope. Ua tula’i a’e fili aupito faigata o le galuega o
le Toe Fuata’iga i totonu lava o le galuega. O upu moni na maua ai
le olioli ma faamafanafanaga, ua latou faaaogaina nei e sa’eu a’e ai
finauga ma fevesia’iga i totonu o le ekalesia.
O le Agaga o le Atua na una’iina Luteru i le galuega o le Toe
Fuata’iga, ma o le pogai lea na mafai ai ona faia e ia le galuega na
ia manatu e le mafaia ona fai. Na te le’i fuafuaina o le a na laasia
ni tulaga e pei ona ia uia nei, pe faia foi ni suiga tetele e pei ona ua
faia nei. O ia ua na o se mea faigaluega i le aao o Le e Ona le malosi
uma lava. Ae ui i lea, na gatete o ia pe a manatu i mea e ono tutupu
188
O Le Finauga Tele
mai talu ai lana galuega. Fai mai o ia, “E sili atu lo’u oti faasefulu i
lo le faia pea o se a’oa’oga ou te iloa ua manu’a ai se uso e to’atasi,
tusa lava po o le a le maulalo po o le faatauvaa o sea uso. Peitai e le
mafai ona faamanu’alia se tasi i lenei a’oa’oga auā o le talalelei lava
lea. (Ibid., b. 9, ch. 7.)
Peitai o lenei o le a pa’O atu lava Vitenipeki le laumua ma le
ogatotonu o le galuega o le Toe Fuata’iga, i le malosi o a’oa’oga
sese ma uiga le taupulea. E le o a’oa’oga a Luteru ua tupu mai ai
lenei tulaga mata’utia; peitai na soo Siamani atoa o tuua’iina ai o ia
e ona fili talu ai lenei tulaga. O le tiga o lona loto na ia fesili ifo ai,
“O le i’uga ea lenei o le galuega tele o le Toe Fuata’iga?” (Ibid., b.
9, ch. 7.) Peitai na toe oo ifo le to’afilemu i lona loto a’o fagatua o
[157] ia ma le Atua i le tatalo. Fai mai upu o lana tatalo i le Atua, “E le o
a’u e ana le galuega a’o Lau Afio. Aua E te tuuina atu lenei galuega
ina ia faa’eleelea i uputuu ma talitonuga faanuupo”. Peitai o lona
mafaufau pea i lona to’esea mai le galuega i lenei taimi uigā, na faia
ai loa lana filifiliga maumaututū e toe foi atu i Vitenipeki.
E lei toe faatali Luteru a ua amata loa lana malaga fitā. O lo o i
ai pea o ia i lalo o le faasā a le malo. Na faasā se tasi o ana uo ona
fesoasoani pe faalafi ia te ia; na sa’oloto foi ona fili e fasioti ia te ia
i soo se taimi e maua ai o ia. Na mamafa faasalaga na fuafuaina e le
malo mo i latou uma na lagolagoina o ia. Ae ui i lea na ia vaaia le
tulaga lamatia ua oo i ai le galuega o le talalelei, ma o lea na alu ai
loa o ia i le suafa o le Alii e tau mo le upu moni.
Na fai sana tusi i le kovana o le setete o Sakisone. Ua ia ta’u i
ai le pogai ua ia filifilia ai na te tuua le olo i Votipeki. Ua uma ia
upu ona ia faapea atu lea i le kovana, “Ou te fia faailoa atu i lau
afioga mamalu, o le a ou alu i Vitenipeki i lalo ifo o se puipuiga
e sili mamao a’e, nai lo le puipuiga e mafai ona maua mai faipule
ma kovana. Ua ou le manatu e talosagaina le fesoasoani a lau afioga
mamalu; peitai ou te ofoina atu la’u puipuiga mo oe. Ana ou iloa e
mafai e lau afioga mamalu ona puipui mai ia te a’u, semanū ua ou
le alu i Vitenipeki. E le mafai e le pelu ona puipuia pe una’ia foi le
galuega lenei. Ua na o le Atua lava e ao ona faia mea uma e aunoa
ma se fesoasoani po o se ioega a le tagata. O le ua aupito tele lona
faatuatua, o ia lea e maua mai ai le puipuiga sili”. (D’Aubigne, b. 9,
ch. 8.)
Faagasologa O Le Galuega Toe Fuata’i I Siamani
189
O lona lua o ana tusi na tusia a’o faia lana malaga i Vitenipeki, na
faapea atu ai Luteru i le kovana, “Ua ou nofo sauni mo le finagalo le
malie o lau susuga mamalu faapea le to’asa o le lalolagi uma. Peitai,
e le o a’u mamoe ea i latou o lo o i Vitenipeki? E le’i tuuina mai ea
i latou e le Atua ia te a’u ou te tausia? E le ao ea la ona ou sauni e
fetaia’i ma le oti, pe afai e tusa ai, ona o i latou? E le gata i lea, ou
te le fia vaai i le alia’e mai o se mea mata’utia i totonu o Siamani, se
mea e ono faaoo mai ai le. to’asa o le Atua i lo tatou malo. (Ibid., b.
9, ch. 7.)
Ua toe amatalia lana galuega i se agaga maulalo ma se agaga
faaeteete lava. Peitai na ia te ia foi le agaga maua’i ma le taofi mau.
Fai mai lana upu, “O mea uma na faatūina i auala vevesi ma le soona
sauā, o le a tatou lafotūina e ala i le afioga a le Atua. Ou te le mana’o
e faaaogaina ala sauā po o le taufaamata’u i tagata le talitonu, po o ē
foi ua i ai talitonuga faanuupo. E le faamalosia se tasi. O le sa’olotoga
o le aano moni lea o le talalelei. (Ibid., b. 9, ch. 8.)
Sa le pine ae salalau le tala i Vitenipeki ua toe foi mai Luteru,
ma o ia o le a lauga. Na lolofi mai tagata mai itu uma o le aai, ma
sa le ofi tulimanu uma o le malumalu tele. Ua ia alu a’e i le pulelaa
ma ua ia a’oa’o, ma apoapoa’i, ma a’oa’i atu foi i le agaga maulalo
ma le faaeteete lava. Na ia tā’ua foi le mata’upu e uiga i le sōloia
faamalosia e nisi o le misisā. Fai mai lana tala e uiga i lea mataupu: [158]
“O le misisā o se mea leaga e tetee i ai le Atua, ma e ao foi ona
sōloia. Ma’imau pe ana mafai ona soloia lenei mea i le lalolagi atoa
ae sui i ai le faamanatuga o le maliu o Iesu. Peitai, ’aua lava nei toso
faamalosia mai ai se tasi. Tatou tuu atu lea mata upu i aao o le Atua.
Ia galue Lana Afioga i loto o tagata ae le o i tatou. O le a fesili mai
nisi pe aisea. Auā ou te le uuina loto o tagata i o’u lima, e pei ona
faia e le faiipu i le omea. E i ai la tatou āiā tatau tatou te tautala atu
ai; ae leai sa tatou āiā tatou te faamalosia ai se tasi. Ia tatou folafola
atu; ae tuu i le Atua Lana vaega. Afai ou te aapa atu ma le lima saua
e fai ai faiga faamalosi, o le a se mea ou te maua ai? E maua mai
ai le musu, e maua mai ai sauniga e lelei ma mamalu i ona foliga i
fafo, e maua mai ai poloa’iga ma tulafono faaletagata, e maua mai
ai uiga faa-faresaio. Ae le maua mai ai se agaga faamaoni, po o se
faatuatua, po o se alofa. Soo se mea faalelotu e le maua ai mea nei e
tolu, ua matuā māmāsagia lava, ma e le ma’imau i ai sa’u sene apa i
se lotu faapea. E sili atu mea e mafai e le Atua e ala i Lana afioga nai
190
O Le Finauga Tele
lo mea e mafai e le malosi tuufaatasi o i tatou, po o le lalolagi atoa.
E galue le Atua mo le loto, auā o le maua o le loto, o le manumalo
foi lea i mea uma.
“Ou te lauga, ou te ’auai i felafolafoa’iga, ou te faia foi tusitusiga;
peitai ou te le faamalosia se tasi, auā o le faatuatua o le pule faitalia
lea a le tagata. Ua outou vā’ai lava foi i le mea na ou faia. Na ou
tu atu e tetee i faiga sese a le pope, na ou tetee i le faatauina o le
faamagaloga, na ou tetee i ta’ita’i pope; peitai na faia nei mea uma e
aunoa ma se pisapisaō po o ni faiga faamalosi. Na ou faamuamua le
afioga a le Atua; sa ou lauga ma fai a’u tusitusiga - na pau ia o mea
na ou faia. Ona ou mālōlō lelei lava lea ae lafotūina le pope ma ana
a’oa’oga e ala i le afioga a le Atua na ou folafolaina, ma ua le āfāina
ai le afioga a le Atua i faiga a faipule ma kovana, po o le ao foi o
le taupulega. Peitai na faia nei mea uma e le afioga a le Atua ae le
o a’u. Ana ou mana’o e faaaogā le pelu, atonu po ua lofia Siamani
atoa i le toto masa’a. Ae o le a se mea e maua mai ai? Ua na o le
malaia ma le faatafunaga o le tino atoa ma le agaga. O le mea lea na
ou fifilemu ai, ae tuu le afioga a le Atua e galue na o ia i le lalolagi.”
(D’Aubigne, b. 9, ch. 8.)
Na faapena ona lauga atu Luteru i lea aso ma lea aso mo se vaiaso
atoa, i le motu o tagata na lolofi ane i le fia faalogo. O le galuega a
le afioga a le Atua ua faamuta ai le vevesi faa’umi’umi na oo i ai
Siamani talu ai faagaioiga a le au perofeta pepelo. O le mana o le
talalelei ua toe faafoi mai ai i le upu moni i latou na faasesēina.
E le’i fia feiloa’i Luteru i perofeta pepelo na pogai mai ai lea
leaga tele. Na ia iloa o i latou o ni tagata faalemanuia, o ni tagata
e le lelei mafaufau ma le iloa pulea lelei o latou olaga. Ua latou fai
mai ua latou maua se malamalama faapitoa mai le lagi, ae osotū i
[159] lugā pe a faatuta’ia e se isi pe avatua foi i ai se fautuaga filemu. O
lo latou faamaualuga ua latou fai mai ai ua ia i latou le pule aoao,
ma ua latou manana’o ia talia e tagata uma la latou pule e aunoa ma
se fesili. Na latou manana’o i se feiloa’iga ma Luteru, ma sa talia e
Luteru lo latou mana’o. O le manuia tele o faiga a Luteru, i lona ta’u
sa’o i ai o a latou faiga pepelo ma mea faafoliga, o lea na faavave ai
loa ona latou tuua Vitenipeki.
Ua taofia nei mo sina vaitaimi le alu a’e o talitonuga sese. Peitai
ina ua mavae ni nai tausaga, sa toe mapuna a’e foi i luga nei a’oa’oga
sese, i se tulaga ua sili atu lona malosi, ma sa vaaia ai foi ni fua aliali
Faagasologa O Le Galuega Toe Fuata’i I Siamani
191
ua sili atu ona mata’utia. Fai mai upu a Luteru e uiga i ta’ita’i o nei
tala’iga fou, “O le Tusi Paia i lo latou manatu, ua na o se tusi e le o
toe i ai se aogā. Ua latou taufai valaau, ’Le Agaga! Le Agaga!’ Ae
ou te ta’u atu ma le mautinoa, ou te le alu i le mea e ta’ita’ia i latou
i ai e la latou agaga. Tau ina ia taofia a’u e le alofa o le Atua mai se
ekalesia e maua ai na o tagata pa’ia faapea. Ou te fia mau faatasi ma
ē maulalo, o ē vaivai, o ē mama’i, o ē iloa ma lagona a latou agasala,
ma ē o lo o oi ma tagi e le aunoa i le Atua mai le ta’ele o o latou
loto, ina ia latou maua Lana faamafanafanaga ma Lona alofa. (Ibid.,
b. 10, ch. 10.)
O se tasi o ta’ita’i o nei a’oa’oga sese o se tagata atamai e igoa
ia Toma Musa. Ana faaaoga sa’o ana taleni semanū e tele se lelei
e maua mai ai. Peitai e le’i iloa e ia le lesona muamua e uiga i le
olaga faa-Kerisiano. Na i ai lona faanaunauga na te fia faafouina le
lalolagi atoa. Peitai, e pei lava o isi foi tagata sogasogā faapea, na
galo ia te ia e ao ona amata lea faafouga ia te ia lava. Na galue malosi
Musa ina ia maua e ia le viiga ma tulaga-tofi, ma e le’i fia maulalo
ifo o ia i se tasi, tusa lava po o Luteru. Fai mai a ia, o le aumaia o le
Tusi Paia e ta’ita’i o le galuega o le Toe Fuata’iga, e sui a’i le pule a
le tupusā, o le faatūina lava lea o se isi pulega faapope. Na fai lana
tala ua valaauina faapitoa o ia e le lagi na te amatalia le toe fuata’iga
moni. Fai mai Musa, “O se tasi na te maua lenei agaga, ua maua e
ia le talitonuga moni, tusa lava pe le vaai o ia i le Tusi Paia i lona
olaga atoa”. (Ibid., b. 10, ch. 10.)
Na pulea olaga o nei faiaoga faasesēina e o latou lava lagona, ma
sa latou talitonu o soo se lagona ma soo se manatu e oo ifo ia i latou,
o le si’ufofoga lava lea o le Atua. O le pogai tonu lea o lo latou sese
mamao. O nisi o i latou ua latou susunu a latou Tusi Paia ma latou
faapea ane, “O le mata’itusi e maua ai le oti, a’o le Agaga e aumaia
le ola”. Na fiafia le toatele i a’oa’oga a Musa ona sa faamalieina ai lo
latou mana’o i mea fou ma mea ofoofogia, ma sa faamalieina ai foi
lo latou fia-tagata e ala i lona siitia o manatu ma taofi o tagata ina
ia sili a’e i le afioga a le Atua. E afe ma afe tagata na latou talia ana
aoaoga. Na sosoo ai ma lona faitioina o le pulega lelei o tapua’iga
faitele. Fai mai o ia o le usita’i i tupu ma tamalii, o le taumafai lava
lea e auauna i le Atua atoa ma Paala.
Ua amata ona lafoa’ia e tagata le amo o pulega faapope, ma ua
amata foi ona latou fiu i le nofo saisaitia i lalo ifo o tulafono faale- [160]
192
O Le Finauga Tele
malo. Ua avea nei le taunuu mai o a’oa’oga sese a Musa, faapea na
maua mai le lagi, ma ala ua latou lafoa’ia ai tulafono uma, ae tuuina atu i latou ia pulea e o latou manatu ma lagona leaga uma. O
ni vaaiga aupito mata’utia o taua ma fevaevaea’iga na mulimuli ane
ai, ma sa lofia le laueleele o Siamani i le toto masa’a.
Ua toe palasi mai nei ia Luteru le tiga mafatia o lona loto, e pei
ona oo ane ia te ia i Efati i le leva o tausaga ua mavae. Peitai ua sili le
mamafatū i lona mafaufau o lenei mea, ona ua tu’ua’ia le galuega o
le Toe Fuata’iga talu ai faiga i’uvale a ta’ita’i o a’oa’oga sese. Fai mai
ta’ita’i pope, o le fouvalega o le fua le ma’alofia lava lea o a’oa’oga
a Luteru, ma e toatele i latou na latou talitonu i lea tu’ua’iga sese. E
aunoa ma se faamaoniga o lenei moliga sese. Peitai na oo ifo ai ia
Luteru se faanoanoa tele. Na ia lagona le mamafatū o lenei avega i
lona agaga, ona ua ta’uvalea le galuega o le upu moni talu ai faiga
matagā a ta’ita’i o a’oa’oga sese. Na inosia Luteru e ta’ita’i o lenei
fouvalega ona o lona tetee i a latou aoaoga, ma lona fai mai e le
mai le lagi la latou fe’au, ma lona ta’ua o i latou o ē fouvale i le
malo. Ua latou taufaaleaga ia Luteru ma fai mai o ia o se tagata
leaga taufaasese. Ua peiseai ua nofo lava ia ma fai o ia ma fili o tupu
ma tamalii, atoa ma le lautele o tagata.
Na soona olioli ta’ita’i Roma ma lo latou manatu o le a palasi
faatopetope ifo nei le galuega o le Toe Fuata’iga, ma sa latou tu’ua’ia
Luteru ona o a’oa’oga sese a i latou e pei o Musa. Sa alofagia e le
toatele le vaega a faia’oga o aoaoaga sese ona ua latou pelogia tagata
ma fai i ai ua sāuāina i latou. E pei ona masani ai tulaga faapea,
ua foliga mai nei le itu sese o i latou o ni maturo. Na faapena ona
alofagia ma viia i latou o ē na pito sili lo latou tetee i le galuega o le
Toe Fuata’iga, ona o le manatu ua sāuāina ma agaleagaina i latou. O
Satani lava e ona le galuega lenei. O se galuega lenei ua una’iina e
le agaga na faapogai mai ai le ulua’i fouvalega i le lagi.
E le o mapu Satani i ana taumafaiga na te faasesēina ai tagata,
ma ta’ita’ia ai i latou ina ia latou ta’u le agasala o le amiotonu, ae ta’u
le amiotonu o le agasala. O lo o manuia na’uā ana taumafaiga nei.
Ua faafia ona faitioina ma faamāsiasia auauna faamaoni a le Atua
talu ai lo latou tutū atu ma le le fefefe mo le upu moni! Ae ua faafia
ona sii i luga ma viia latou o au a Satani, ona o le manatu o i latou
o ni maturo! O e sa tatau ona ta’uleleia ma alofagia ona o lo latou
Faagasologa O Le Galuega Toe Fuata’i I Siamani
193
tumau ma le faamaoni i le Atua, ua tuulafoa’ia, ua masalomia ma ua
le talitonuina.
O lo o faapena ona faia o le galuega taufaasese a le amiotonu
faafoliga i ona po nei. Atonu e ese’ese foliga ma faatinoga i le asō,
a’o le agaga lava lea e tasi sa i ona po o Luteru, o lo o galue pea
lava i le asō, ina ia faaliliu’eseina loto o tagata mai le Tusi Paia, ina
ia taitaia tagata e mulimuli i o latou lagona ma manatu, ae le o le
gaua’i atu ma le usiusita’i i le tulafono a le Atua. O se tasi lenei o [161]
togafiti aupito manuia a Satani, o le faitioina ma le faamātagāina o
le upu moni ma le talalelei.
A’o faapena ona fafati mai o galu o osofa’iga mai soo se itu, na
faapena foi ona tu atu Luteru ma le le fefe e tau mo le upu moni.
Peitai sa molimauina le malosi o le afioga a le Atua, o se auupega
e fetaui ma soo se osofa’iga. O le auupega lea na faaaogā e Luteru
fetaui ai ma le pule fao-faamalosi a le pope, atoa ma taumatematega
ma filosofia a le au popoto, ma tu atu ai foi e pei o le mausali o le
papa, e tetee i talitonuga sese sa tau faapipii ane i le galuega o le Toe
Fuata’iga.
Na to’atele fili ese’ese o le galuega o le Toe Fuata’iga. Peitai na
tofu lava ia fili ma lana auala e tulei’esea ai le Tusi Paia, ae sui i
ai le poto o le tagata e fai ma faavae o le upu moni ma talitonuga.
O se tasi o nei fili ua faia le mafaufau o le tagata o se atua, ma ua
avea ai manatu o le tagata o le fua e iloa ai le lelei ma le leaga. O le
ekalesia Roma na avea o se tasi o ia fili. Ua latou fai mai o le pule
a la latou tupusā e pogai mai lea i se faasologa o pope e lei motusia
lava talu mai le vaitaimi o le au aposetolo, ma e le mafai lava ona
suia e se tasi lea faasologa. O lea talitonuga sese e ofigofie mai ai isi
foi talitonuga sese, atoa ma ni amioletonu o le a faalafi mai tua o le
igoa o le au aposetolo. O le isi o fili o le galuega o le Toe Fuata’iga
o le vaega lea na ta’ita’ia e tagata e pei o Musa. Na avea manatu
fesuisuia’i o le tagata o lo latou ta’iala, ma sa latou tetee i pulega
faalelotu ma pulega faalemalo, atoa ma le pule faalelagi. Peitai o le
talitonuga moni faa-Kerisiano na te talia le afioga a le Atua e avea o
le fale teu’oa o upu moni faalelagi, ma o le fua foi lea e iloa tonu ai
le sa’o ma le sese o soo se talitonuga.
Na faamae’a e Luteru lana faaliliuga o le Feagaiga Fou ina ua
tuua e ia le olo i Votipeki, ma sa le pine ae maua loa e tagata Siamani le talalelei i la latou lava gagana. Na talia ma le olioli tele lenei
194
O Le Finauga Tele
faaliliuga e i latou uma o ē na fiafia i le upu moni; peitai na teena e
i latou o ē na faasilia uputuu ma tulafono a tagata.
Na atuatuvale alii patele ona o le a mafai nei e le lautele o tagata
ona latou fesilisili ia i latou e uiga i a’oa’oga o le afioga a le Atua,
ma o le a aliali ai nei lo latou pouliuli. Sa matuā le mafai e auupega
o manatu faaletagata ona tutū i luma o le pelu o le Agaga. Na matuā
faaaogaina e Roma lana pule malosi e taofia ai le salalau atu o le
Tusi Paia. Peitai e le’i mafaia e ana poloa’iga, po o le faate’a ma le
ekalesia, po o sauaga ona taofia le afioga a le Atua. O le tele o lana
faitio ma lona faasāina o le Tusi Paia, o le atili faateleina foi lea o le
naunauta’i o tagata e fia iloa po o a tonu mea ua fai mai ai le Tusi
Paia. O e na iloa faitau tusi, sa naunau e su’esu’e i le afioga a le Atua
mo i latou lava. Sa latou feoa’i ma fe’avea’i le Tusi Paia, ma latou
faitau ma saga faitau i ai, ma sa faato’a faamalieina i latou ina ua
latou taulotoina ni vaega uumi o le Tusi Paia. O le fiafia tele o tagata
[162] i le Feagaiga Fou na amata ai loa e Luteru le faaliliuga o le Feagaiga
Tuai, ma o le taimi lava e mae’a ai lea vaega ma lea vaega, o le taimi
lava foi lea e lomia ma faasalalauina ai.
Na talisapaia tusitusiga a Luteru i aai tetele atoa ma nuu laiti. Na
faia e Luteru ma ana uo le galuega o le tusitusiga, ae na faasalalauina
e isi o le aufaigaluega. Na lagona e nisi o alii monike le le sa’o o
le olaga faamonike, ma sa latou fia suia lo latou olaga faapaie, i se
olaga aogā, se olaga gaioi. Peitai e le’i lava la latou aoaoga, ma latou
te le’i iloa folafola le afioga a le Atua. O lea na latou femalaga’i ai i
itumalo, ma asiasi atu i nuu ma aiga, ma latou faatau atu tusitusiga
a Luteru ma ana uo. Sa le pine ae soo Siamani atoa i nei faatau tusi
lototetele. (Ibid., b. 9, ch. 11.)
Na su’esu’eina ma le naunauta’i nei tusitusiga e le ’au māumea
ma ē matitiva, o le au popoto ma ē lei a’oa’oina. A oo i le po ua
faapotopoto tagata i lea fale ma lea fale ae faitau leotele nei tusi ia i
latou e nisi o faia’oga. Na avea nei faagaioiga uma ma auala na liua
ai nisi ma latou talia le upu moni, ma ua faapena ona latou ta’u atu
i isi le talalelei.
Ua taunuu ai le upu o le Tusi Paia ua faapea mai, “O le faaalia
mai o Au afioga e faamalamalamaina ai; e faalotomatalaina ai ē ua
faigofie”. Salamo 119:130. E tele se suiga na oo i loto ma mafaufau
o tagata talu ai lo latou su’esu’eina o le Tusi Paia. Sa faapologaina
i latou i lalo ifo o le amo u’amea o le pule faapope, le pule lea na
Faagasologa O Le Galuega Toe Fuata’i I Siamani
195
taofiofia ai i latou i le tulaga o le le a’oa’aina ma le pa’ū maulalo.
Na latou faia ma le faamaoni le tausiga o tulaga tau tapua’iga. Peitai
toetoe lava leai se vaega a le loto ma le mafaufau i ia sauniga uma. O
upu moni manino o le afioga a le Atua e pei ona laugaina e Luteru,
faatasi ai ma le tuuina atu o le Tusi Paia i lima O le lautele o tagata,
o mea ia ua fafagu a’e ai ni malosi’aga ua leva ona tanumia, ma ua
le gata i le faamamāina ma le faalauteleina ai o le olaga faaleagaga,
a ua maua ai foi ma se malosi’aga fou o le mafaufau.
Na laulaututū a’e le toatele latou te galulue ma finau mo a’oa’oga
o le Toe Fuata’iga. O ē mautofi, o nisi o tagata a’oa’oina, o tamalii
sei oo i le lautele o tagata, o i latou uma nei na vaaia ma a latou Tusi
Paia i o latou lima o tula’i atu e tau mo a’oa’oga o le Toe Fuata’iga.
Na masani tagata o le ekalesia pope ona tuu le su’esu’ega o le Tusi
Paia e fai e alii patele ma monike. Ua manana’o nei la tagata ina
ia tula’i mai alii patele nei ma monike latou te faailoa atu le sese
o a’oa’oga o le galuega o le Toe Fuata’iga. Peitai, e le’i iloa e nei
alii patele ma monike le Tusi Paia, latou te le’i iloa foi le mana o le
Atua, ma sa to’ilalo popo i latou i tagata na latou fai mai e valelea
ma le iloa se mea. Fai mai se tagata tusitala Katoliko, “O le mea e
faanoanoa ai, ona ua a’oa’oina e Luteru lona au soo ina ia latou le
taliaina se ta’iala e ese nai le Tusi Paia. (D’Aubigne, b. 9, ch. 11.) Na
lolofi ane tagata i le fia faalogo i le upu moni o folafolaina e lenei
au failauga, o ni tagata faatauvaa e lei tele sa latou aoaoga. Sa latou
faia foi ni felafolafoa’iga ma ē popoto ma le aufailotu. Na aliali a’e
i ia felafolafoa’iga le vālea ma le māsiasi o nei tagata maualuluga,
ina ua fetaui a latou finauga, ma a’oa’oga faigofie o le afioga a le [163]
Atua. Na sili atu le iloa ma le malamalama i le Tusi Paia o tagata
faigaluega, ma fitafita, o fafine, e oo lava i tamaiti, nai lo alii patele
ma le aufailotu popoto.
Na faapena ona vaaia o se eseesega tele i le va o soo o le talalelei,
ma ē na mulimuli i talitonuga faanuupo a le ekalesia Roma. Na vaaia
foi lea eseesega tele i le va o soo o le talalelei, ma le au popoto ma
tagata a’oa’oina o le ekalesia. “Sa tetee le autalavou a’oa’oina i taitai
o le lotu ona O lo latou lē amana’iaina o le a’oa’oina o gagana ma
tusitusiga tāua. Sa naunau nei talavou e fia su’esu’e ma sa’ili’ili i
le Tusi Paia, ma faamasani i tusitusiga tāua a augatamā ua mavae.
Na i lenei autalavou le mafaufau ola, o le agaga maoa’e, atoa ma
le lototele le fefe, ma a’o tuputupu a’e le malamalama o nei alii ta-
196
O Le Finauga Tele
lavou, sa le mafai e se tasi, mo se vaitaimi umi lava ona faafetauia
i latou nei. Soo se faapotopotoga lava e feiloa’i ai nei soo talavou o
le galuega o le Toe Fuata’iga ma le au popoto o le ekalesia Roma,
sa leai se faigata o lo latou osofa’ia o nei ta’ita’i. Na faapena ona
aliali ai o le valea ma le pouliuli o le au popoto ma le aufailotu o
le ekalesia Roma. Na faapena foi ona maua lo latou masiasi ma le
to’ilalo matagā, ma ua vā’ai maulalo tagata uma i ai.” (D’Aubigne,
b. 9, ch. 11.)
A’o mātauina e le aufailotu Roma le saga faaitiitia pea o a latou
aulotu, sa latou tāpā loa le fesoasoani a le au faamasino, ma sa latou
uia ala uma na latou iloa, ina ia toe maua atu ai a latou tagata. Peitai,
sa maua e tagata i nei aoaoaga fou le faamalieina o le galala o o latou
agaga, ma sa latou liliu ese mai lenei aufailotu o ē ua loa ona latou
fafaga i latou i otaota o sauniga ma talitonuga faanuupo, atoa ma
uputuu a tagata.
Na aasa le afi o sauaga na faia i faia’oga o le upu moni. Peitai
na latou manatua le fetalaiga a Keriso na faapea mai, “Pe a latou
faasaua ia te outou i le tasi aai, ia outou sosola i le tasi”. Mataio
10:23. Na ati le susulu atu o le malamalama i soo se itu. A’o latou
sosola mai sauaga, sa matala mai ia i latou faitoto’a o le agalelei i lea
mea ma lea mea. A’o latou api ai i’ina, sa latou folafola atu Keriso, a
le o totonu o se falesa, ua faia i fale o tagata, po o fafo foi i le lāolao.
Soo se mea lava na mafai ona latou folafola atu ai le talalelei, na
avea lea mea o se malumalu pa’ia ia i latou. Na le mafai e se tasi ona
taofia le salalau atu o le talalelei, ina ua folafolaina atu faapea i le
ma’elega ma le lototele, atoa ma le mautinoa lelei.
Sa le mafai e le pule faalemalo po o le pule faalelotu ona tineia
le mea na latou ta’ua o le tala’iga sese. Sa leai se aogā o falepuipui
po o le faatāugāina o le tino, o le afi foi atoa ma le pelu. E faitau afe
le au faatuatua o e na latou faamaufaailogaina lo latou talitonuga i
o latou lava ola. Peitai, e lei taofia ai le aga’i i luma o le galuega.
Na avea sauaga o se ala na salalau atili atu ai le upu moni. Ae na
avea talitonuga sese, atoa ma mea faafoliga sa tau faapipii ane i ai e
Satani, o se ala na manino atili ai le ese’esega o le galuega a Satani
[164] ma le galuega a le Atua.
Mataupu 11—O Le Mau A Alii Sili
Ose tasi o molimau aupito tāua na faia e lagolagoina ai le galuega
o le Toe Fuata’iga, o le Mau lea na faia e alii sili Kerisiano o le malo o
Siamani i le tauaofiaga a le Fono Aoao Faitulafono a Siamani, na faia
i le aai o Sepaea i le tausaga e 1529. O le lototele, o le faatuatua, ma
le tūtūmau o ia auauna a le Atua, na maua ai le saolotoga i mea tau
tapua’iga, mo tupulaga o le a mulimuli mai. O la latou Tetee na maua
ai e le ekalesia faafouina le igoa Porotesano, auā o āiaiga faavae o
lea Tetee, “o le aano moni lava lea o le talitonuga faa-Porotesano”.
(D’Aubigne, b. ch. 6.)
Ua oo mai nei se aso faamālumalu ma le pogisa i le galuega
o le Toe Fuata’iga. O le poloa’iga a le Fono i Vemi na ave’esea ai
le puipuiga faaletulafono ia Luteru, ma faasa ai ona toe tala’ia pe
talitonuina foi ana aoaoga. Peitai e oo mai i lea taimi o i ai lava pea
le sa’olotoga o mea tau tapua’iga i totonu o le malo o Siamani. Na
taofia e le aao o le Atua ’au malolosi na tetee i le upu moni. Na
mana’o Salesa le Lima e matuā olopala ma faaumatia le galuega o
le Toe Fuata’iga. Peitai, o taimi uma na sii a’e ai lona lima ina ia
faao’o i le galuega o le Toe Fuata’iga, sa le mafai ona faataunuuina
ana fuafuaga. Na i ai taimi na foliga mai ai ua oo mai le i’uga o i
latou na tetee ia Roma, ma ua leai so latou toe faamoemoe. Peitai, o
taimi tonu lava faapea na faafuase’i ai ona vaaia o vaega’au a Take
i le tuaoi i sasa’e, po o le tupu foi o Farani i le tuaoi i sisifo, po o
le pope lava foi ua siitaua mai, talu ai lona matau’a i lona vaai i le
tuputupu a’e o le malosi o le ao o le malo tele o Siamani. Ua avea le
vevesi ma le fetaua’i o nei malo, ma ala na maua ai e le galuega o le
Toe Fuata’iga le avanoa lelei e faaopoopo atili ai lona malosi.
Peitai na i’u lava ina toe faaleleia fe’ese’esea’iga i le va o tupu
o nei malo pope, ina ia mafai ai ona latou tutu faatasi latou te tetee
atu i ta’ita’i o le galuega o le Toe Fuata’iga. O le faai’uga a le Fono
Aoao i Sepaea i le 1526, na maua ai e setete ta’itasi o le taupulega
le sa’olotoga atoatoa i mea tau tapua’iga, ma faatali ai le taimi e fai
ai se tauaofiaga a le Sinoti Tele a le ekalesia. Peitai, na te’a atu loa
197
198
O Le Finauga Tele
faalavelave na faapogai ai le tuuina mai o lea sa’olotoga, ona tālo
loa lea e le ao o le taupulega se tauaofiaga lona lua a le Fono Aoao e
[165] faia i Sepaea i le 1529, ma lona faamoemoe ina ia tineia ai a’oa’oga
a ta’ita’i a le galuega o le Toe Fuata’iga. Sa manatu Salesa ina ia
faatosina mai alii sili ma kovana o setete ta’itasi i se auala filemu,
ina ia latou tutū faatasi ai e tetee atu i le galuega o le Toe Fuata’iga.
Peitai, afai e le mafai lea tulaga i se auala filemu, ua ia nofo sauni
loa na te faaaogaina le pelu.
Na matuā olioli ta’ita’i ma tagata pope. Ua latou lolofi ane nei
i Sepaea, ma sa le natia lo latou agaga ita ma le tetee i ta’ita’i o le
galuega o le Toe Fuata’iga ma i latou uma ua mulimuli i ai. Fai mai
Melanetone, “Ua fai tatou ma otaota ma mea inosia a le lalolagi,
peitai e silasila ifo Keriso i Ona tagata pagatia ma Na lavea’i mai ia
i latou”. (D’Aubigne, b. 13, ch. 5.) Ua faasāina kovana ma alii sili
Kerisiano, o ē na auai atu i le tauaofiaga a le Fono, ona faaaogaina
o o latou maota e folafolaina ai le talalelei. Peitai, na galala tagata
o le aai o Sepaea i lo latou fia maua o le afioga a le Atua, ma e ui
lava i lea faasā, na faitau afe i latou na lolofi ane i sauniga sa faia i
le falesa o le kovana o le setete o Sakisone.
O le mafua’aga lea na vave ai ona agi mai o le afā. Sa faitauina i
le Fono Aoao se malelega a le ao o le taupulega ina ia faaleaogaina
ai le sa’olotoga i mea tau tapua’iga, ona ua avea lea ma faapogai o
le vevesi ma le vāvāō. Na oso ai le ita ma le le fiafia o Kerisiano
evagelia ona o lenei poloa’iga fai faamalosi. Fai mai se tasi o i latou,
“Ua toe pa’ū atu nei Keriso i lima o Kaiafa ma Pilato”. LJa atili ai
le lilivau o ta’ita’i pope. Fai mai se tasi o nei ta’ita’i le fautuaina,
“E sili atu ai tagata Take i lo soo o Luteru. E tausi e tagata Take
aso anapogi; peitai e soli e soo o Luteru. Afai e tuuina mai mea e
lua tatou te filifili ai po o le afioga a le Atua po o a’oa’oga sese a le
ekalesia, e ao ona tatou teena le afioga a le Atua”. Fai mai le tala a
Melanetone, “Ua le ’asa se aso ma le togi mai o se maa a Feipa ia i
tatou i luma o le tauaofiaga”. (Ibid., b. 13, ch. 5.)
Ua uma ona Talia e le malo le tulafono e faavaeina ai le
sa’olotoga i mea tau tapua’iga i Siamani, ma ua tutu faatasi nei setete
ua latou talia le talalelei, ina ia latou tetee atu ai i ni tulaga e ono
ave’esea ai la latou āiā tatau i mea tau lotu. O lo o i ai pea Luteru i
lea vaitaimi i lalo ifo o le sā a le malo, e pei ona poloa’iina e le Fono
i Vemi. O lea na le mafai ai ona malaga atu o ia i Sepaea; peitai na
O Le Mau A Alii Sili
199
maua i ona uso-a-auauna nisi sa fai ma ona sui, faatasi ai ma alii sili
Kerisiano ua faatutūina a’e e le Atua e finau mo le manuia o Lana
galuega i lenei faalavelave. Ua maliu nei le tagata aogā o Fereti, le
kovana o Sakisone, le tama-aiga lea na fai ma puipuiga o Luteru;
peitai o Ioane lona uso ua soloa’i ane nei e suitulaga ia te ia, ma sa
ia talisapaia le galuega o le Toe Fuata’iga. Na naunau Ioane mo le
filemu; peitai, sa faaalia lona sogasogā ma lona lototele i ana taumafaiga mo le manuia o le galuega.
Na manana’o alii patele ina ia gaua’i i le pule a Roma setete
uma ua latou talia le galuega o le Toe Fuata’iga. Peitai na faamanatu
atu e ta’ita’i o le galuega o le Toe Fuata’iga le sa’olotoga i mea tau
tapua’iga na latou maua i le ulua’i Fono i Sepaea. O lea na le mafai [166]
ai ona latou ioe atu i le toe tosoina atu e Roma o setete ua latou talia
le afioga a le Atua, i lalo ifo o lana pule.
Na maua se maliliega ina ua toe fetuuna’i manatu o itu e lua. O
le maliliega e faapea: Ia matuā faamalosia le tausiga o le poloa’iga
a le Fono Aoao i Vemi, i soo se setete e le’i maua’a ai le galuega
o le Toe Fuata’iga. “O setete ua toe sōlomuli ai tagata mai a’oa’oga
o le Toe Fuata’iga, po o le ono tupu mai ai foi o se fouvalega pe a
taumafai tagata e usitai i ia aoaoga, ia taofia ai le faia o nisi a’oa’oga
fou, ma ia taofia foi le folafolaina ai o mata’upu e ono tutupu mai ai
finauga, ia taofia ai foi lo latou tetee i le faiga o le misisā, ma ia le
faatagaina ai se tagata Katoliko Roma na te taliaina le lotu Luteru.”
(Ibid., b. 13, ch. 5.) Na pasia lenei mata’upu e le Fono Aoao, ma sa
maua ai le olioli tele o le aufailotu o le ekalesia pope.
Afai ae faamalosia lenei poloa’iga, o lona uiga “o le a le mafai
ona toe faalauteleina le galuega o le Toe Fuata’iga i vaega o le atunuu
e lei oo i ai, ma o le a le mafai foi ona faamautūina ma faamalosia
atili le galuega o le talalelei i nuu ma setete ua oo nei i ai.” E le gata
i lea ae o le a ave’esea ai foi le āiā tatau a le tagata e tautala ai e tusa
ai ma ona talitonuga. O le a faasā ai foi ona toe liulotu se tagata. E
le gata i lea, na faatonuina ta’ita’i o le galuega o le Toe Fuata’iga ina
ia gaua’i loa lava ma faatinoina lo latou usitai i lenei poloa’iga. Na
foliga mai ua toetoe lava faa’umatia le faamoemoe o le lalolagi. “O
le toe faatūina o pulega faaRoma, o le mautinoa lava foi lea o le toe
oo mai o faiga pogisa e pei ona i ai anamuā”, ma o le a faigofie ai foi
ona maua o se auala e “faamae’aina ai le faa’umatiaga o le galuega
200
O Le Finauga Tele
ua loa ona lūlūina” i a’oa’oga sese ma fevaevaea’iga. (D’Aubigne, b.
13, ch. 5.)
Sa fememea’i ma le mau manatu ta’ita’i o le talalelei. Ua nā o
lo latou fevā’aia’i ma le le talitonu i le mea ua tupu. Na o le tasi le
fesili na laualuga i o latou mafaufau. “O le a tonu nei le mea e ao
ona latou faia?” O ni mata’upu tāua e aafia ai le lalolagi atoa ua i
o latou luma nei. “O se mea tatau ea i ta’ita’i o le galuega o le Toe
Fuata’iga ona latou gaua’i ma talia lenei poloa’iga? O se itulā uigā
ua oo nei i ai le galuega o le talalelei, ma e faigofie lava ona faia o
se filifiliga sese i se taimi faapea. E tele ni manatu lelei e mafai ona
faatutū mai e tatau ai ona latou gaua’i i le poloa’iga a le Fono Aoao.
Ua i ai le āiā tatau i mea tau tapua’iga ua faataga mai i kovana ma
alii sili o ē ua latou talia a’oa’oga a Luteru. O tagata uma foi i lalo
ifo o le pulega a nei alii sili na latou maua lea āiā tatau i mea tau lotu
pe afai na liua i latou a’o le’i faia le poloa’iga. E le’i lava ea ia mea e
faamalieina ai i latou? E tele foi faigata ma sauaga o le a taofia pe a
latou gaua’i. E iloa e ai le tele o faafitauli ma puapuaga e ono fafati
mai pe a latou le gaua’i! O iloa foi e ai atonu e i ai nisi avanoa lelei
mo le galuega o le talalelei i se taimi o lumana’i! Tatou fusi mai i le
[167] filemu, ma tatou talia le lālā olive ua faalālā mai nei e Roma; o le a
faapena ona tatou fusifusia ai manu’a o Siamani. Sa leai se faigata o
le aumaia o ni manatu faapea e lagolagoina ai e ta’ita’i o le talalelei,
lo latou talia o se auala semanū e i’u ai ina lafotūina la latou galuega.
“Na latou iloiloina le manatu faavae na mafua ai la latou tetee,
ma sa faia ai loa la latou faai’uga e ala i le faatuatua. O le ā lea
manatu faavae? O le āiā lea a Roma na te pulea faamalosi ai le faitalia
a le tagata, ma faasāina ai le agaga sa’ili’ili e tusa ai ma le talitonuga
o le tagata. Peitai, e le’i faatagaina mai ea le sa’olotoga i mea tau
tapua’iga mo i latou, atoa ma o latou tagata? Ioe, e moni ua latou
maua lea sa’olotoga; peitai ua tuuina mai lea sa’olotoga o se āiaiga
faapitoa o tuutuuga ua faataatitia nei, a ua le aumaia o se āiā tatau
a le tagata. O lona uiga o i latou uma o i fafo atu o nei tuutuuga,
ua i ai i latou i lalo ifo o le pule faamalosi a Roma; e le taulia ni
loto fuatiaifo; ua na o Roma lava le faamasino le sese, ua na o ia
foi e usitai uma i ai. O lo latou talia o le fuafuaga ua faatū mai nei,
o lo latou ioe atu lava lea ina ia na o le setete o Sakisone e gata ai
le sa’olotoga i mea tau tapua’iga. A’o le lalolagi Kerisiano uma, o
le a avea o se agasala matuiā le talia o le tala’iga a Luteru, po o le
O Le Mau A Alii Sili
201
sa’ili’ili foi e tusa ai ma le faitalia a le tagata; ma o le faasalaga o
ia agasala o le lafo i lua i totonu o falepuipui, po o le susunuolaina
foi. Se mea tatau ea la lo latou ioe atu ina ia faapitoa na o se vaega e
tasi o le malo le sa’olotoga i mea tau tapua’iga? Afai o le a latou ioe
i lea mea, o lona uiga o se faasilasilaga lava lea o le a latou ta’u atu
ai i le lalolagi ua taofia nei le salalau atu o talalelei; ma o le a le toe
laa atu foi le galuega o le talalelei i se isi nuu, po o se isi aai; ma o
setete uma lava o lo o i lalo ifo o le pule’aga a Roma, o le a i ai pea
lava i latou e faavavau i lalo ifo o lea pule. Afai o le a latou gaua’i
ma ioe atu nei, ma faapena ona oo mai ai sauaga ma le oti i le afe ma
afe o tagata i totonu o setete o lo o i lalo o le pule faapope, faamata
e mafai e ta’ita’i o le galuega o le Toe Fuata’iga ona faapea mai ua
mamā i latou ma le toto o lenei toatele? Afai latou te ioe atu nei, ua
tusa lava ua latou faalata le galuega o le talalelei, atoa ma sa’olotoga
o le au Kerisiano uma, i se taimi aupito uigā faapea.” (Wylie, b. 9, ch
15.) “Afai latou te le gaua’i, faamata ua latou nofo sauni nei e ofoina
atu a latou mea uma mo le faalauteleina o le talalelei, e oo lava i o
latou setete, ma o latou palealii, ma o latou ola?” (D’Aubigne, b. 13,
ch. 5.)
Fai mai le upu a nei alii sili ma kovana, “Tatou tetee i le tulafono
lenei. E leai se malosi o le to’atele pe a oo i le faitalia ma le loto
fuatiaifo o le tagata”. Na latou fai ane, “O le poloa’iga o le 1526 ua
faapogai mai ai le filemu ma le nofo lelei e pei ona i ai nei le malo. O
le a sasao a’e faalavelave ma fevaevaea’iga i totonu o Siamani atoa,
pe afai e faaleaogaina lea poloa’iga. E leai se mea tele e mafai e le
Fono Aoao sei vagana ua tauaofia le Sinoti Tele. (Ibid., b. 13, ch.
5.) O le tiute o le malo le puipuia o le āiā tatau a tagata, ma o inā e
gata mai ai le pule a le malo i mea tau tapua’iga. Soo se faigamalo
lava e taumafai e faatulafonoina pe faamalosia le faiga o tapua’iga, [168]
ua latou faaleaogaina le faavae autū na mafatia ma maliliu ai le au
Kerisiano evagelia.
Na tonu i le taofi o ta’ita’i pope ina ia tineia le mea ua latou ta’ua
o le “mimilo ma le fouvale”. Ua amata loa ona latou faatupuina o
fevaevaea’iga i le va o soo o le talalelei. Na latou taufaamata’u i e le’i
liliu atoatoa e talia a’oa’oga a Luteru. Ua i’u ina amia sui uma o aai
sa’oloto latou te tūtūla’i i luma o le Fono. Na faatonuina i latou ina
ia ta’utino i luma o le Fono pe latou te gaua’i i āiaiga o le tulafono
ua taufaatuina nei. Na latou talosaga mo se avanoa, peitai e lei talia
202
O Le Finauga Tele
lea talosaga. Na faapena ona oo i latou i le tofotofoga, ma e toetoe
lava o le afa o i latou na tutū i le itu o le galuega o le Toe Fuata’iga.
O ē na faapena ona latou tetee i le ave’esea o le sa’olotoga ma le
āiā tatau a le tagata i mea tau tapua’iga, na latou iloa o le a avea lo
latou tetee ma mea o le a matauina ai i latou mo faitioga, faapea ma
sauaga. Fai mai se tasi o i latou, “E lua lava mea tatou te filifili ai
- o le faafiti i le afioga a le Atua, po o le susunuolaina”. (Ibid., b. 13,
ch. 5.)
O le uso o Salesa le Lima e suafa ia Fetinani, le tupu o Osetaria, o ia lea na fai ma sui o le ao o le taupulega i le Fono Aoao.
Na vaai Fetinani o le a avea le tulafono taufaatū ma faapogai o ni fevaevaea’iga, sei vagana ua talia ma lagolagoina lea mata’upu e alii
sili uma o le malo. O lea na ia taumafai ai loa na te faaoleole ma
faatauanau i nei aloalii, auā na ia iloa lelei afai e faaaogā ni faiga
faamalosi, o le a atili ai lo latou mausali i la latou filifiliga. Na ia
“ole atu i nei alii sili ina ia latou talia le poloa’iga, ma ua ia mautinoa o le a fiafia ai tele le ao o le taupulega ia i latou.” Peitai o se pule
e maualuga a’e i pulega faalelalolagi na tulimata’i i ai le vaai a nei
alii faamaoni, ma o lea na latou tali atu ai ma le filemu ma faapea
atu, “Matou te usiusitai i le ao o le taupulega i mea uma e ono maua
ai le filemu ma le viiga o le Atua”. (D’Aubigne, b. 13, ch. 5.)
Ona faia loa lea e le tupu o le folafolaga i luma o le Fono, ma
ua ia faapea atu ai i le kovana o le setete o Sakisone faapea ma ana
uo, “Ua toe o sina taimi ona tusia loa lea o le tulafono e avea o se
malelega a le ao o le taupulega. Na o le tasi le mea o lo o totoe
e mafai ona outou faia - gaua’i i le finagalo o le toatele”. Ua uma
atu ia upu, ona tula’i loa lea o le tupu ma tuumuli ese atu mai le
tauaofiaga, e aunoa ma le tuuina atu o se toe avanoa i alii sili ma
ta’ita’i o le galuega o le Toe Fuata’iga, e fai ai sa latou talanoaga, pe
tali mai ai foi. Na leai se aogā o la latou sāvali na auina atu i le tupu
ina ia toe foi ane i totonu o le maota”. Na o le tasi lava lana tali i a
latou taumafaiga uma. Fai mai lana tali, “Ua uma ona faia le i’uga;
na o le tasi le mea o lo o totoe nei, o lo outou gaua’i”. (D’Aubigne,
b. 13, ch. 5.)
Na talitonu le itu a le malo i le taofi mau o aloalii Kerisiano i le
Tusi Paia, atoa ma lo latou faasilia o le afioga a le Atua i lo a’oa’oga
ma tulafono a tagata, ma o soo se mea e talisapaia ai lenei talitonuga,
[169] o ina foi e i’u ai lava ina lafotūina le pule faapope. Peitai, na o mea
O Le Mau A Alii Sili
203
e vaaia e mata o tagata na latou tepa i ai, e pei lava ona faia e le
toatele talu mai lena vaitaimi; ma sa latou manatu faamaualuga ai i
le malosi o le itu a le pope ma le ao o le taupulega, atoa ma le vaivai
o le itu o le talalelei. Ana na o le fesoasoani a tagata e faalagolago
i ai le itu o le talalelei, semanū e sa’o ai lea manatu o ta’ita’i pope.
Peitai, e ui lava i so latou ausage, e ui lava foi ua latou fe’ese’esea’i
ma Roma, sa i ai lo latou malosi’aga. Ua latou le faamoemoe nei i
le lipoti a le Fono Aoao, a ua latou faalagolago atu i le afioga a le
Atua; ua latou le aapa atu nei i le fesoasoani a le ao o le taupulega,
a’o le fesoasoani sili a Iesu Keriso, le Tupu o tupu ma le Alii o alii.
(D’Aubigne, b. 13, ch. 6.)
Talu ai ona ua le amana’ia e Fetinani o latou talitonuga faamaoni,
ua tonu loa i le itu a alii sili Kerisiano o le a le āfaina lona to’esea, ae
o le a faia loa la latou Mau i luma o le Fono Aoao. Na tusia aloa’ia
loa la latou ta’utinoga ma tuuina atu i luma o le Fono e faapea:
“Matou te tuuina atu la matou Mau i luma o le Atua e toatasi, o
Le na faia i matou, o Le o lo o tausia i matou, o lo matou Togiola ma
lo matou Faaola, o Le o le a avea ma o matou Faamasino i se aso,
ma luma foi o tagata uma ma mea uma na Ia faia, matou te faapea
atu ai, O i matou ma o matou tagata, matou te le ioe pe tausisi i le
poloa’iga ua fuafuaina nei, matou te le ioe foi pe tausisi i soo se mea
e le tusa ai ma le finagalo o le Atua, po o Lana afioga pa’ia, po o a
matou āiā tatau i mea tau talitonuga, po o le faaolataga o o matou
agaga.”
“Oi! A faapefea ona matou ioe i lenei tulafono? Matou te ta’utino
atu e faapea. A valaauina se tasi e le Atua i Lona malamalama, e le
mafai ona maua e lea tagata le malamalama o le Atua! Na o le tasi
le a’oa’oga moni - na o le a’oa’oga lea e mulimuli atoatoa atu i le
afioga a le Atua. E faasā e le Atua le folafolaina o se isi aoaoga. E ao
ona faamaninoina le Tusi Paia e isi mau mai le afioga a le Atua. O
lo o i totonu o le Tusi Paia soo se mata’upu e tāua mo le olaga faaKerisiano; e faigofie ona malamalama i ai; ma o lea malamalama e
tuli’esea ai le pogisa. O lea ua matou filifili ai, e ala i le alofa tunoa
o le Atua, matou te tausisi i le laugaina sa’o o Lana afioga e tasi, e
pei ona tusia i le Feagaiga Tuai ma le Feagaiga Fou, e aunoa ma le
faaopoopo atu i ai o se isi mea e le tusa ai ma lea afioga. Ua na o
lea le upu moni, ua na o lea foi le ta’iala e le sese mo a’oa’oga uma
ma tagata ola uma, ma e na te le pelogia i tatou. O se tasi e fau lona
204
O Le Finauga Tele
fale i luga o lenei faavae, o le a mafai ona tu atu o ia e tetee i ’au
uma o seoli. Peitai e pa’u’ū i luma o fofoga o Ieova i latou uma o ē
faamaualuluga ma faataute’e i Lana afioga.”
“O le pogai lea ua matou teena ai le amo ua faaee mai i o matou
luga. Peitai ua matou talitonu o le a tali mai ia i matou lana afioga
mamalu i le ao o le taupulega, i se tali e faailoa mai ai o ia o se
tama-aiga Kerisiano, o se tasi na te faasilia i mea uma lona alofa i le
[170] Atua. Ma e matou te faapea atu ai, ua matou nofo sauni nei e tuuina
atu ia te ia, faapea a outou afioga alii, o matou moomooga alofa ma
le usitai atoatoa, e tusa ai ma lo matou tiute faaletulafono.” (Ibid., b.
13, ch. 6.)
Na matuā oo ifo i ta’ele o finagalo o le Fono le tāua o mea uma e
pei ona latou faafofoga i ai. Na tumu le to’atele i le maofa, atoa ma
le atuatuvale ona o le le fefefe o i latou ua latou faia lenei tetee. O se
lumana’i fesoua’ina ma le le manino ua aliali mai nei ia i latou. Ua
foliga mai ua mautinoa le oo mai i Siamani o taua ma fevaevaea’iga
ma le toto masa’a. Peitai na lototetele ma tūtūmau le itu o le galuega
o le Toe Fuata’iga, auā na latou mautinoa le amiotonu o la latou mau,
ma sa latou faalagolago foi i le aao o Le Ona le malosi uma lava.
“O le mata’upu ua latou faailoa atu i totonu o lenei Tetee
ta’uta’ua, o le faavae autū lava lea o ekalesia Porotesano. Na tetee
lenei Mau i ni faiga sese faaletagata i le itu tau tapua’iga. Muamua,
o le ofi faamalosi mai o faamasino a le malo i totonu o mea tau lotu;
ma lona lua, o le pule soona fai ma le pule faamalosi a le ekalesia.
Na ofoina atu e le itu a tagata Porotesano ni mea lelei e sui ai nei
faiga sese. Ua latou ofoina atu le malosi o le loto fuatiaifo e sili a’e i
lo faamasino, a’o le afioga a le Atua e sili a’e i le ekalesia. Ua latou
teena le pule faalemalo i mea faalelotu, ma ua latou ta’utino mai ai
faatasi ma le au perofeta ma le au aposetolo, ’E sili lo matou ana’ana
i le Atua, i lo le ana’ana i tagata’. Ua latou siitia le palealii o Iesu
Keriso e sili a’e i le palealii o Salesa le Lima. Ae le gata i lea, ua latou
savavali i le faavae o le afioga a le Atua, e sili a’e i soo se a’oa’oga a
tagata.” (Ibid., b. 13, ch. 6.) Na faailoa atu foi e i latou o ē na faia le
Mau, la latou āiā tatau e ta’u atu ai i soo se tasi lo latou talitonuga i
le upu moni. E le lava le na o le talitonu ma usitai, a ia a’oa’o atu foi
le mea ua fai mai ai le afioga a le Atua, ma sa latou teena le āiā mai
fua o patele ma faamasino i lenei mata’upu. O le Tetee i Sepaea o se
molimau tāua lea e tetee atu ai i faiga sauā faalelotu; o se ta’utinoga
O Le Mau A Alii Sili
205
foi lea o le āiā tatau a tagata uma, latou te tapua’i atu ai i le Atua e
tusa ai ma o latou lagona ma a latou faitalia.
Ua mae’a nei ona faailoa atu o la latou tetee. Ua faamauina nei
lenei tetee i mafaufau o le afe ma afe o tagata, ma ua tusia foi i tusi
a le lagi, i le mea e le mafai e se taumafaiga faaletagata ona tineia
pe soloia. O setete Siamani uma na latou talia a’oa’oga a Luteru, ua
latou talia nei le Tetee a alii sili e avea o le faatinoga tusia o lo latou
talitonuga. Na vaaia e tagata i Siamani se faamoemoega fou mo a
taeao i totonu o lenei Tetee. Fai mai se tasi o faipule i ta’ita’i o le
Mau, “Tau ina ia taofia outou i le tumau faa- Kerisiano, e Le Ona le
malosi uma lava, o Le na avatua ia te outou le alofa tunoa, ua mafai
ai ona outou molimau atu i le faamalosi ma le le fefe”. (Ibid., b. 13,
ch. 6.)
Ana faauō atu i le lalolagi le galuega o le Toe Fuata’iga i le taimi
o lona solosolo manuia, semanū ua na faalata i le Atua ma ona lava
tagata, ma faapena ona mautinoa ai lona to’ilalo ma lona faatafu- [171]
naga. O lo o i ai se lesona aogā mo tupulaga fāi mai, i le tetee na
faia e alii sili Kerisiano i Siamani. E le’i suia le auala a Satani e
faasagatau atu ai i le Atua ma Lana afioga. E pei ona faia e ia i lona
16 o senituri, o lo o faapea lava ona tetee Satani i ona po nei, i le
avea o le Tusi Paia ma ta’iala o le olaga. Ua tatou se mamao ese, mai
a’oa’oga o le afioga a le Atua, ma e ao ona tatou toe foi i le faavae autū
o le galuega a ta’ita’i Porotesano. O le ā lea faavae autū? O le Tusi
Paia, na o le Tusi Paia lava e avea o le ta’iala o talitonuga ma galuega
uma faalelotu. O lo o galue pea Satani i soo se ala na te iloa, ina ia
ave’esea ai le sa’olotoga i mea tau tapua’iga. O le pule’aga faalelotu
lea na tetee i ai alii sili Kerisiano i Sepaea, o le pule lava lea ua toe
galue nei i se malosi ma se ma’elega fou, ina ia toe faatūina ai lana
pule ua leiloa. Na o le tasi lo tatou faamoemoe mo se faafouga i le
asō - na o le tumau ma le le maluelue lea i le afioga a le Atua, e pei
ona faia i lea itula uigā o le galuega o le Toe Fuata’iga.
Sa i ai ni faailoga vaaia o ni faigata ua faamālumalu mai nei mo
le au Porotesano; ae peitai, sa i ai foi ni faailoga na faaalia ai le
aapa mai o le aao faalelagi e puipui i ē faamaoni. O le vaitaimi tonu
lea na ave faatopetope ai e Melanetone lana uo faia’oga o Simona
Keriniasi, ua la ui atu i ala tetele o le aai o Sepaea, aga’i i le vaitafe
o le Raine. Na fai Melanetone ia Keriniasi e faavave ona sopo loa
lava i le isi ituvai o le vaitafe. E le’i malamalama Simona i le pogai
206
O Le Finauga Tele
o lenei faanatinati. Ona ta’u lea i ai e Melanetone faapenei, “Na tu
mai i o’u luma se toeaina ou te le masani ai, se toeaina e pāū ona
foliga. Fai mai lana tala ia te a’u, ’Toe o ni nai minute ona taunuu
mai loa lea o leoleo a Fetinani e pu’e ia Keriniasi’.”
O le taeao o le aso lava lea na fai ai se lauga a Feipa, o se a’oa’o
pope āuiloa. Na faaleaga ma faitioina Keriniasi i le lauga a Feipa a’o
i ai lava Keriniasi i le aofia. Ua otegia mai luma Keriniasi ona o lona
a’oa’oina o ni mata’upu ua ia faaigoaina nei o ni a’oa’oga sese ma le
inosia. Sa natia e Feipa lona ita; peitai na mae’a loa lana lauga, ona
faavave atu loa lea o ia e feiloa’i i le tupu. Ma o le tupu na maua mai
ai se poloa’iga ina ia pu’e ma saisaitia le faia’oga mai Haitelepeki.
E le’i masalosalo Melanetone o le Atua lava na Ia lavea’i i lana uo,
e ala i Lona auina mai o se tasi o ana agelu pa’ia ma se fe’au lapata’i
ia te ia.
“Na tu le gaioi Melanetone i auvai o le Raine, e faatali ai sei oo
Keriniasi i le isi ituvai, ma sao atu ai mai ona fili sauā. A’o vaaia e
Melanetone le taunuu o lana uo i le isi ituvai, sa ia alaga ma fai mai,
“Faafetai ua se’i’esea atu o ia mai gutu o manu fe’ai, o ē ua fia feinu
i le toto o tagata amiotonu”. E fo’i atu Melanetone i lona fale ae fai
mai le tala, faato’a te’a atu lava leoleo a le tupu, ma sa latou su’eni
i luga tulimanu ma pa’usisi uma o le fale i le su’ega o Keriniasi.”
(Ibid., b. 13, ch. 6.)
Na finagalo le Atua ina ia aumaia le galuega o le Toe Fuata’iga
i luma o ē sili ona maualuluga o le lalolagi. Na musu le tupu o Feti[172] nani e faalogo i le faamatalaga a alii sili Kerisiano; peitai ua latou
maua nei se avanoa e faailoa atu ai la latou mata’upu i luma o le
ao o le taupulega ma le tauaofiaga mamalu o alii mautofi o le malo
ma le ekalesia. Ua atoa le tausaga talu ona faia o le Tetee a alii sili
Kerisiano i Sepaea. Ua tāloina nei e Salesa le Lima se Fono Aoao
ina ia faato’afilemu ai fevaevaea’iga ua vevesi ai nei le malo. Na faia
lana faasilasilaga o le a tauaofia le Fono Aoso i le aai o Okisepeki,
ma o ia lava o le a ta’ita’ifono. Na poloa’iina loa ta’ita’i Porotesano
ina ia oo ane i luma o lea tauaofiaga.
E tetele ni faigata na faamālumalu mai i le galuega o le Toe Fuata’iga. Peitai na faalagolago pea ona ta’ita’i i le Atua, ma tonu ai o
le a latou tūtūmau i le talalelei. Na fāutuaina le kovana Sakisone e
ana faufautua, ina ia aua ne’i auai atu o ia i lea Fono. Na latou fai ane
o le mailei le mea lea ua mana’o ai le ao o le taupulega latou te oo
O Le Mau A Alii Sili
207
uma atu i luma o le Fono. Fai mai i latou, “Faamata e le ono lamatia
ai le lumana’i o le galuega pe a outou o atu uma nei ma loka faatasi
ai outou ma le fili sauā i totonu o pa o le aai? Peitai na lototetele
isi ma latou faapea atu, “O le a manumalo le galuega a le Atua pe a
maua e alii sili Kerisiano le lototetele. Fai mai le upu a Luteru, “E
faamaoni le Atua, Na te le tuulafoa’ia i tatou”. (Ibid., b. 14, ch. 2.)
Sa malaga loa le alii kovana faatasi ma ana faafeao mo Okisepeki.
Na latou iloa uma lava faigata ua ono lamatia ai nei lona ola, ma sa
malaga le toatele ma le agaga popole. Peitai na latou malaga faatasi
ma Luteru sei oo i le aai o Koupeki, ma sa ia faalototele atu ia i latou,
e ala i lona usuina o le pese na ia fatuina i lea lava faigamalaga. O
upu o le pese - “O Le Atua Lo Tatou Olo Malosi”. O le faalogoina o
lenei viiga faagaeetia loto na tuli’esea ai le popole ma faamāmāina
ai loto mafatia o le toatele.
Na tonu i alii sili ma tama-aiga o le itu a Luteru e ao ona
faavasega ma tusia lelei o latou talitonuga, faatasi ma faamaoniga
mai le Tusi Paia auā le tuuina atu aloa’ia i luma o le Fono Aoao. O le
sauniunia lelei o lea vaega na pa’u atu lea ia Luteru, ma Melanetone
ma o la uso-a-auauna. Na talia e le au Porotesano lenei Ta’utinoga
e avea o le faamatalaga o lo latou faatuatuaga, ma sa latou potopoto
loa ina ia sainia o latou igoa i lenei pepa tāua. O se taimi faigata
ma le uigā lea itula. E le’i manana’o ta’ita’i o le galuega o le Toe
Fuata’iga e fenumia’i la latou galuega ma mata’upu faalemalo po o
tulaga-tofi o nei alii sili. Na latou manana’o ina ia na o le Tusi Paia
lava le punavai ma le faavae o la latou galuega. A’o aga’i atu tamaaiga Kerisiano e sainia le Ta’utinoga, sa faasalavei Melanetone ma
fai atu i ai, “Ua lava faifeau ma le aufailotu latou te faailoa atu mea
faalelotu faapea. Faaleoleo mo isi mata’upu le pule a ē maualuluga
o le lalolagi”. Peitai na tali mai Ioane le kovana o Sakisone, “Leai,
’aua outou te faa’esea a’u; ua tonu ia te a’u ou te faia le mea sa’o
e aunoa ma so’u popole i lo’u tulaga ma lo’u palealii. Ua i ai lo’u
faanaunauga ou te fia molimau mo lo’u Alii. E le sili ia te a’u lo’u
tulaga faatama-aiga po o le kovana, po o lo’u tulaga o le faamasino [173]
nai lo le satauro o Iesu Keriso”. Ua mae’a lana saunoaga, ona sainia
ai lea o lona suafa. Na saunoa mai foi se tasi o tama-aiga a’o ia tago
atu i le peni ma faapea mai, “Ua ou sauni e tuua a’u mea uma atoa
ma lo’u ola, pe afai e mana’omia lea mo le viiga o lo’u alii o Iesu
Keriso. E sili ia te a’u le tuua o o’u tagata ma o’u setete, ma ou alu
208
O Le Finauga Tele
ese mai le atunuu o lo’u tamā, nai lo lo’u taliaina o se a’oa’oga ua le
o tusia i lenei Ta’utinoga”. Na faapena le faatuatua ma le le fefefe o
nei tagata o le Atua. (Ibid., b 14, ch. 6.)
Ua oo mai loa le taimi e tutū atu ai i latou i luma o le ao o le
taupulega. Ua faitauina loa la latou Ta’utinoga i luma o Salesa le
Lima, ua afio mai nei i lona nofoalii ae si’osi’omia e alii sili ma
kovana. Ua faapena ona folafola atu ma le manino upu moni o le
talalelei i luma o lena tauaofiaga mamalu, ma faailoa atu ai foi ma
faiga sese a le ekalesia pope. Ua tonu ai le faaigoaina o lea aso, “o
le aso aupito maualuga o le galuega o le Toe Fuata’iga, o se tasi o
aso aupito maoa’e i le tala faasolopito o le ekalesia Kerisiano ma le
fanau a tagata”. (D’Aubigne, b. 14, ch. 7.)
Ua na o ni nai tausaga ua te’a talu ona tu Luteru i luma o le
tauaofiaga a le Fono Aoao i Vemi. A’o lenei ua sui tulaga ia te ia
tama-aiga aupito mamalu ma le malolosi o le malo. E le’i faatagaina Luteru e faatasi atu i Okisepeki, peitai sa auai atu o ia e
ala i ana fautuaga ma ana talosaga. Fai mai upu o sana tusi, “Ua
matuā faafiafiaina a’u ona ua mafai ona ou aulia mai lenei aso, le
itula ua faaeaina ai Keriso e ni molimau maualuluga ma le maoa’e,
i luma o se tauaofiaga mamalu faapenei”. (Ibid.) Ua faapena ona
faataunuuina ai le upu a le Tusi Paia ua faapea mai, “Ou te tautala
foi au tulafono i luma o tupu”. Salamo 119:46.
Na faapena foi i aso o Paulo. O le talalelei na falepuipui ai Paulo,
sa avatua aloa’ia i luma o aloalii ma toeaiina o le laumua o le malo.
A’o le taimi o Luteru, o le mea na faasāina e le ao o le taupulega ona
folafolaina mai le pulelaa, lenei ua alagaina mai le maota o le tupu.
O le fe’au na manatu faatauvaa i ai le toatele, lenei ua faafofoga i ai
ma le ofo tupu ma tamalii o le taupulega. O tupu ma tamalii le au
faafofoga, o tama-aiga ma alii sili Kerisiano le au failauga, a’o le upu
moni a le Atua le lauga. Fai mai le upu a se tasi tusitala, “Talu mai
lava aso o le au aposetolo, e leai se isi fe’au po o se galuega ua sili
atu lona maoa’e i lo lenei Ta’utinoga a alii sili Kerisiano o Siamani.
(D’Aubigne, b. 14, ch. 7.)
Fai mai upu a se epikopo pope, “E moni mea uma ua fai mai ai
soo o Luteru; e le mafai ona tatou faafitia se mea e tasi”. Fai mai le
fesili a se tasi o epikopo i le porofesa pope lauiloa o Eki, “E mafai
ona e faamaonia le sese o talitonuga e pei ona aumaia i le Ta’utinoga
ua faia e le kovana ma lana itu?” Ua tali Eki ma faapea mai, “Afai
O Le Mau A Alii Sili
209
e mana’omia ni faamaoniga mai tusitusiga a le au perofeta ma le au
aposetolo, o le tali e leai; ae afai o ni faamaoniga mai tusitusiga a
augātamā faapea ma i’ugafono a le ekalesia, o le tali o le Ioe!” Fai
mai le tala a le ana le fesili, “Manaia, o lona uiga la o lau faamatalaga [174]
o soo o Luteru o lo o i totonu o le Tusi Paia, a’o tatou o lo o i fafo!”
(D’Aubigne, b. 14, ch. 8.)
Na liua foi nisi alii sili o le malo o Siamani i le talitonuga o
ta’ita’i o le Toe Fuata’iga. E oo lava foi i le ao o le taupulega na ia
faailoa mai o le Ta’utinoga a le au Porotesano o le upu moni lava lea.
Na faaliliuina la latou Ta’utinoga i gagana e tele ma faasalalauina
i itu uma o Europa, ma e faitau miliona i latou i augatupulaga na
mulimuli mai, na latou talia lenei Ta’utinoga e avea o le faa’upuga
o lo latou talitonuga.
E le’i galulue na o i latou auauna faamaoni a le Atua. Na au
faatasi tupu ma malo ma agaga leaga e faasagatau atu ia i latou;
peitai e le’i tuulafoa’ia e le Atua Ona tagata. Ana se’i faapupulaina
o latou mata, po ua latou vaaia se faamaoniga manino o le fesoasoani
faalelagi, e pei ona sa tuuina atu i se perofeta anamuā. A’o faasino
atu e le auauna a Elisaia au a le fili ua si’osi’omia ai i la’ua, ma ua
le mafai ai ona la sosola, na tatalo le perofeta ma faapea atu, “Le
Alii e, ia e faapupula i ona mata ina ia ona iloa”. 2Tupu 6:17. Faauta
foi, ua tumu le mauga i solofanua ma kariota afi, o ’au a le lagi ua
vagavagai e puipui i le tagata o le Atua. Sa faapena ona puipuia e
agelu le au faigaluega o le galuega o le Toe Fuata’iga.
E le’i mana’o Luteru na te tāpāina le malosi faalemalo e lagolagoina ai le galuega o le Toe Fuata’iga; na te le’i talosagaina foi ni
vaega’au mo lona puipuiga. O se tasi lenei o mata’upu faavae e le’i
laa ese ai Luteru. Na tele lona olioli ina ua folafolaina le talalelei e
alii sili Kerisiano o le taupulega. Peitai ina ua latou faia se fuafuaga
mo se soo faatasi auā le puipuiga o le galuega, fai mai o ia, “Na o le
Atua lava e ao ona puipui i le talalelei. O le itiiti o le āiā a le tagata
i le galuega, o le atili ofoofogia foi lea o le faaaliga o le aao lavea’i
o le Atua. O le soo faatasi e pei ona ua fuafuaina, ua faaalia mai ai
le agaga o le mata’u ma le le faatuatua”. (D’Aubigne, London ed.,
b. 10, ch. 14.)
A’o faia se soo faatasi a fili malolosi ina ia latou lafotūina le
galuega o le talalelei, ma foliga mai ai ua toetoe lava oo mai le
galuega a le pelu ia i latou, na tusi atu Luteru e faapea: “Ua faaatoa-
210
O Le Finauga Tele
toa mai le ita o Satani; o lo o taupulepule foi ta’ita’i amioletonu o le
ekalesia, ma ua faamālumalu mai nei le taua i o tatou luga. Ia fai atu
i tagata ina ia latou faatoga atu ma le faamalosi i luma o le nofoalii o
Ieova i le faatuatua ma talotaloga, ina ia faato’ilaloina e le Agaga o le
Atua o tatou fili, ma pulea ai i latou i le filemu. O lo tatou mana’oga
sili ma la tatou ulua’i galuega o le faia o talosaga. Ia mautinoa lelei
e o tatou tagata ua latou faafesaga’i nei ma le mata o le pelu ma le
lilivau mai o Satani, ma e ao ona latou tatalo.” (D’Aubigne, b. 10,
ch. 14.) o62
Na toe fai se faamatalaga a Luteru i se aso mulimuli ane e uiga i
le fuafuaga a tama-aiga ma alii sili Kerisiano mo se soo faatasi auā
le puipuiga o le galuega. Fai mai Luteru na o le tasi lava le auupega
e ao ona faaaogaina i lenei taua, “o le pelu lea o le Agaga”. O upu
[175] nei o sana tusi i le kovana, le tama-aiga o Sakisone, “E le mafai
ona tatou ioe atu i le soo faatasi e pei ona ua fuafuaina nei. E sili
ai lo tatou oti faasefulu nai lo le avea o le talalelei o se faapogai o
le faamaligi toto, tusa lava pe na o se matāūa e tasi. Ia pei i tatou o
mamoe ua avea e fasia; o la tatou tiute lena. E ao ona tatou amoina le
satauro o Keriso. Aua ne’i i ai se mea e mata’u ai lau afioga mamalu.
E sili atu mea e mafaia e a tatou talosaga nai lo mea e mafai e upu
faatauemu a o tatou fili. Pau o le mea, aua lava ne’i pisia ou aao i le
toto o ou uso. Afai e finagalo le ao o le taupulega e avatu i tatou i
luma o lana faamasinoga, ua tatou sauni i ai. E le mafai e lau susuga
ona finau pe puipuia i le talitonuga tuufaatasi o i tatou; ia talitonu ifo
lava le tagata ia, ma lona iloa lelei e ono lamatia ai lona lava ola”.
(D’Aubigne, b. ch. 1.)
O le nofoaga lilo o talosaga na maua mai ai le malosi’aga na
mafai ai ona lūlūina le lalolagi e le galuega tele o le Toe Fuata’iga.
O inā, i le filemu faalelagi, na tutū ai vae o auauna a le Alii i luga o le
papa mausali o Ana folafolaga. A’o loma le faalavelave i Okisepeki
e leai se aso na te’a e aunoa ma le faaaluina e Luteru o le tolu itula i
talosaga. O ia itula na aupito sili ona matala ai o lona mafaufau. Na
faalogoina o ia i le filemu o lona potu, o sasaa atu lona loto i luma
o le Atua i upu “o le viiga, upu o le mata’u, ma upu faalototele, ua
pei lava o le talanoa atu a se tasi i sana uo”. Na ia tatalo atu, “Ua
ou iloa o Oe lava o lo matou Tama ma lo matou Atua, ma o le a
E faata’ape’apeina i latou o lo o faasaua mai i Lau fanau, auā ua
lamatia faatasi Lau Afio ma i matou. O Lau galuega lenei, ma o Lau
O Le Mau A Alii Sili
211
una’iga foi ua matou galulue ai nei. O le mea lea le Tama e, ia E
lavea’i mai ia i matou”. (D’Aubigne, b. 14, ch 6.)
Na iloa e Luteru le tigaina o Melanetone i le avega mamafa o
le popole ma le fefe. O lea na fai ai sana tusi faapea ia Melanetone,
“Ia ia te oe le alofa tunoa ma le filemu o Keriso, ae le o le lalolagi,
Amene. Ua ou matuā le fiafia lava i avega mamafa ua faataugaina ai
oe. Afai e le tonu le galuega, tia’i; ae afai e tonu, aisea ua masalomia
ai folafolaga a Le na faatonuina i tatou ina ia tatou momo’e e aunoa
ma se fefe? Tatou te le masalomia Keriso i Lona amiotonu ma lona
faamaoni. O lo o soifua o Ia ma o lo o ia te Ia le pule aoao; o le ā ea
la se mea o le a tatou fefefe ai? (Ibid., b. 14, ch. 6.)
Na faafofoga le Atua i le Valaau a Ana auauna. Na Ia avatua
i alii sili Kerisiano ma ta’ita’i o le galuega le alofa tunoa latou te
lototetele ma taofi mau ai i le upu moni, ma tetee atu ai i alii o le
pouliuli o lenei lalolagi. Ua fetalai mai Ieova, “Faauta, ou te tuu i
Siona le maa tulimanu ua filifilia ma le tāua; e le mā foi se faatuatua
ia te Ia”. 1 Peteru 2:6. Na atia’e e le au Porotesano ma failauga o le
galuega o le Toe Fuata’iga le faavae i luga o Keriso, ma e le mafai e
faitoto’a o seoli ona manumalo i ai.e na tuuina tagata i le oti i faiga
[176]
faaumiumiina ai le tigā.
[177]
Mataupu 12—Galuega O Le Toe Fuata’iga I Farani
Na avea le Tetee i Sepaea ma le Ta’utinoga i Okisepeki o se tasi
o pine faamau o le manumalo o le galuega o le Toe Fuata’iga i Siamani. Peitai na sosoo mai lea manumalo ma ni tausaga o taua ma fevaevaea’iga ma le pogisa. Na foliga mai o le a faa’umatia atoatoa le
galuega faa- Porotesano talu ai fevaevaea’iga i ona lava tagata, atoa
ma faiga malolosi a le fili. E afe ma afe na faai’u a latou faiga filifiliga i le tuuina atu o o latou ola mo le talalelei. Ua fetaua’i le atunuu;
ua faalataina le galuega faa- Porotesano e se tasi o ona ta’ita’i. Na
pa’u’ū atu i lima o le ao o le taupulega nisi o alii sili Kerisiano na
taulamua i le galuega o le talalelei, ma sa pu’eina ma saisaitia i latou
ma faatasina i luma o tagata i lea aai ma lea aai. Peitai, o le taimi
lava na foliga mai ai ua manumalo le ao o le taupulega, o le taimi
tonu lava lea na oo mai ai lona to’ilalo. Ua vaai atu Salesa le Lima
ua tauau o le a vane’esea atu e le fili mai ona lima, ma sa siilima ai
loa o ia ma faatagaina ai loa le faia o aoaoga ua leva ona ia taumafai
e faa’umatia. Na fai sana upu i se taimi ua mavae na te tuuina atu
lona malo, ma lona tamao’aiga, ma lona ola atoa, auā le olopalaina
ma le faatafunaga o le galuega o le Toe Fuata’iga. Peitai o lenei ua
ia vaai atu i le olopalaina o ana vaega’au i le taua, ua ia vaai ifo foi
i le tafe faavai atu o lona tamao’aiga, ua ia vaai atu foi i itumalo ma
setete o lana taupulega ua taufai lamatia i fouvalega, a’o le galuega
ua leva ona ia taumafai e olopala ma faaumatia, ua ia vaai atu nei
i le faatupula’ia o lona malosi i soo se itu. Ua leva ona faasagatau
Salesa le Lima i le mana o le Atua. Fai mai le fetalaiga a le Atua, “Ia
malamalama”; peitai na mana’o Salesa ia le motusia le pule’aga a le
pouliuli. Ua leai nei se aogā o ana taumafaiga. Na faapena ona vave
toea’ina o ia talu ai le tauiviga faa’umi’umi, ma sosoo atu ai ma lona
lafoa’ia o le nofoalii ae alu nofo to’atasi i se nofoaga o monike.
Pei lava ona faia i Siamani, na faapena foi ona oo atu o aso pogisa
mo le galuega o le Toe Fuata’iga i Suiselani. E tele ni itumalo i Suiselani na latou talia aoaoga o le Toe Fuata’iga; peitai e to’atele foi
nisi itumalo na latou piimau pea ma le le malamalama i aoaoga sese
212
Galuega O Le Toe Fuata’iga I Farani
213
a Roma. O lo latou sauāina o ē na fia mulimuli i le upu moni, o le [178]
faapogai lea o le taua na tula’i mai i le va o tagata o lea atunuu. O
le taua lenei na maliu ai Suigeli, faapea le to’atele o nisi na latou
galulue faatasi i le galuega o le Toe Fuata’iga. O le mamafatū o nei
faalavelave i le mafaufau o Okolamatia na le umi ai ae maliu foi ma
ia. Sa leai se mea e gata mai ai le olioli o Roma, ma sa foliga mai
ua toetoe lava toe maua uma mai ana mea na leiloa. Peitai e le’i tuulafoa’ia e le Atua Lana galuega po o Ona tagata. O le a lavea’iina i
latou e Ona aao. Na Ia faatutū a’e se aufaigaluega i nisi atunuu latou
te tau’aveina le galuega o le Toe Fuata’iga.
E amata ona tatafa ata o le malamalama i Farani a’o lei faalogo
se tasi i le igoa o Luteru. O se tasi o i latou na mua’i vaaia lea malamalama o se toeaina e igoa ia Lefaiva, o se tagata a’oa’oina, o se
porofesa i le Iunivesete o Pale, ma o se Katoliko filigā ma le faamaoni. O ni ana su’esu’ega i tusitusiga o augatupulaga ua mavae,
na ia tau ane ai i le Tusi Paia, ma sa amata ai loa ona latou su’esu’e
faatasi i le Tusi Paia ma ana tamaiti a’oga.
Na fiafia Lefaiva e su’esu’e i soifuaga o tagata paia. O le mea lea
na ia amata tusia ai loa se tala faasolo o tagata paia ma maturo, e
pei ona maua i totonu o tala o le ekalesia. Na faa’umi’umi le faiga o
lenei galuega, ma ua feololo lava se vaega o le galuega ua mae’a ae
manatua loa e ia atonu e maua se fesoasoani mo lenei galuega mai le
Tusi Paia. Ma o le mafua’aga lea na amataina ai loa lona su’esu’eina
o le Tusi Paia. E tele tagata paia na ia maua i totonu o le Tusi Paia;
peitai e le tāitai tutusa le au paia o le Tusi Paia ma tagata paia o lo
o i ai i le faasologa o le kalena Katoliko. Ua malamalamagia nei
lona mafaufau i le pupula o le malamalama faalelagi. Na oo ifo i
lona mafaufau le maofa, ma sa liliu’ese loa o ia ma le ino’ino mai
lea galuega, ae faaalu lona taimi atoa i le su’esu’eina o le afioga
a le Atua. Na ia a’oa’o atu i nisi upu moni uma na ia maua i ana
su’esu’ega.
A’o lei amatalia e Luteru po o Suigeli le galuega o le Toe Fuata’iga, na tusia e Lefaiva i le 1512 upu nei. Fai mai o ia, “O le faatuatua tatou te maua ai le amiotonu, e tuuina mai ia i tatou e le Atua
i Lona alofa tunoa. O le amiotonu lea e ta’uamiotonuina ai le tagata
mo le ola e faavavau”. (Wylie, b. 13, ch. 1.) Fai mai lana faamatalaga e uiga i mealilo o le faaolataga, “Faauta, e le mafaamatalaina
le uiga ese o lenei fesuia’iga. Ua faasalaina le e leai Sana sala, ae
214
O Le Finauga Tele
sa’oloto ai le tagata agasala. Ua tau’aveina e le Manuia le mala, a
ua faamanuiaina ai ē na malaia. Ua maliu le Ola, ae ola ē ua oti. Ua
ufitia le malamalama i le pouliuli, ae faa’ofuina i le malamalama le
tagata amio pi’opi’o. (D’Aubigne, London ed., b. 12, ch 2.)
O le upu moni lenei na ia folafolaina - o le faaolataga o le galuega
lea a le Atua, a’o le usitai o le tiute lea o le tagata. Fai mai lana
aoaoga, “Afai o oe o se tasi o le ekalesia a Keriso, o oe foi o se
[179] vaega o Lona tino; ma afai o oe o se vaega o Lona tino, ua ia te oe
foi le uiga paia. Ma’imau pe ana malamalama tagata i lenei aoaoga,
semanū ua latou ola mamā, ma ola faapaiaina, semanū ua latou le
toe popole i mamalu ma viiga o lenei lalolagi, auā e le mafaatusalia
ia mea uma i le mamalu ma le pupula e le mava’aia e mata o tagata”.
(Ibid., b. 12, ch. 2.)
Na i ai i le vasega a Lefaiva ni tagata aooga o e na faalogo lelei i
ana upu, o e na latou faaauauina le tala’iga o le upu moni i le tele o ni
tausaga na sosoo ai, ina ua mavae atu lo latou faia’oga. Na faapena
Viliamu Farela. O ni tagata matata’u i le Atua ona mātua, ma sa
a’oa’oina o ia ina ia talia e aunoa ma se fesili aoaoga a le ekalesia.
O le taimi o lona taule’ale’a sa leai sona ese’esega ma Paulo. O se
taimi lea o lona savali faamaoni i tulafono o le lotu. O lona olaga
tausi tulafono atonu e mafai ai ona ia faapea mai faatasi ma Paulo,
“Na ou ola o a’u o se Faresaio faamaoni”. Galuega 26:5. O ia o
se Katoliko faamaoni, ma sa mumū fa’aafi lona ma’elegā na te fia
faa’umatia ai i latou uma o e na fiatotoa ma latou tetee i le ekalesia.
Fai mai le upu a Farela e uiga i le vaitaimi tonu lea o lona olaga, “E
lilivau o’u nifo e pei o se luko fe’ai pe a ou faalogo o faitioina e se
isi le pope”. (Wylie, b. 13, ch. 2.) Sa le faaitiitia lona alofa naunau
i tagata paia, ma sa faapena o na la malaga taamilo ma Lefaiva ma
tapua’i ai i fata faitaulaga i lea falesa ma lea falesa, ma teuteuina
faalelei faatusa o nei tagata paia. Peitai e le’i maua ai le filemu o
lona loto i nei galuega lelei uma. E le’i avea nei galuega lelei ma
mea na ave’esea ai le avega o le agasala na mamafa i lona mafaufau.
Na pei o se leo mai le lagi lana faalogo i upu a lona faia’oga, “O le
alofa tunoa e maua ai le faaolataga”. “Ua faasala le e leai sana sala,
ae sa’oloto le tagata amioleaga.” “Na o le satauro lava o Keriso e
mafai ai ona talaia faitoto’a o le lagi ae tapunia ai faitoto’a o seoli.”
(Ibid., b. 13, ch. 2.)
Galuega O Le Toe Fuata’iga I Farani
215
Na talia ma le fiafia tele e Farela le upu moni. Na pei o Paulo lona
liliu ese mai le pologa o uputuu faaletagata, ae savali i le sa’olotoga o
le fanau a le Atua. Fai mai lana upu, “Ua mavae le loto fasioti tagata
o le luko fe’ai, a ua ou fo’i mai ma le agamalū o le tama’i mamoe,
ma lo’u loto ua matuā momotu ese mai le pope, a ua tuuina atu ia
Keriso Iesu”. (D’Aubigne, b. 12, ch. 3.)
A’o faasalalau atu pea e Lefaiva le malamalama e ala i ana
vasega, sa alu Farela i lona agaga ma’elegā ma folafolaina atu le
upu moni, e pei lava o lona ma’elegā a’o galue o ia mo le pope. Na
liua se tagata maualuga o le ekalesia, le epikopo o le aai o Mou, ma
faapena ona latou galulue ai faatasi. Na faapena foi ona liua o nisi
o faia’oga atamamai, ma latou tutu faatasi ai i le folafolaina o le talalelei. Na liua mo le talalelei tagata mai soo se vaega o le atunuu,
mai ē matitiva ma tagata faigaluega, seia oo lava i tagata o le aiga
tupu. Na faapena ona talia o le talalelei e le tuafafine o Faranisisi, le
tupu o Farani. E oo lava foi i le tupu, faapea ma le tinā o lana masiofo, e i ai sina vaitaimi na foliga mai ai ua fiafia i la’ua i le fe’au o [180]
le talalelei, ma sa tālotalo ta’ita’i o le galuega o le Toe Fuata’iga mo
le taimi e manumalo ai le talalelei i Farani.
Peitai e le’i faataunuuina lea moomooga. Sa faatali mai sauaga
ma tofotofoga mo soo o Keriso. Peitai o le alofa o le Atua na le
faaalia atu ai lea tulaga ia i latou i lea taimi. Na i ai se taimi o le
to’afilemu na sosoo ai, ina ia faaopoopoina ai lo latou malosi e fetaia’i ai ma puapuaga. Ma sa vave le tuputupu a’e ma le aga’i i luma
o le galuega o le Toe Fuata’iga. Na galue ma le ma’elegā le epikopo
o le aai o Mou i lona a’oa’oina o faife’au atoa ma tagata lautele i Iona
itumalo. Na faate’a patele amio le lelei ma i latou e le’i a’oa’oina,
ae sui i ai nisi e atamamai ma āva i le Atua. Na i ai le faanaunauga
o le epikopo ina ia maua e ona tagata le afioga a le Atua i la latou
lava gagana. Sa le umi ae faamanuiaina lea faamoemoe. Na galue
Lefaiva i le faaliliuina o le Feagaiga Fou i le gagana Farani; ma e fai
le ulua’i lomiga o le Tusi Paia Siamani a Luteru i le aai o Vitenipeki,
ae mae’a foi ma le ulua’i lomiga o le Feagaiga Fou i le gagana Farani
i le aai o Mou. E le’i taofia e le epikopo se tupe po o se isi lava mea e
ono mafai ona oo atu ai le Tusi Paia i le lautele o tagata o ana aulotu.
Sa le pine ae tofu tagata o le aai o Mou ma a latou Tusi Paia, e oo
lava i e matitiva.
216
O Le Finauga Tele
Na talia e nei agaga gālala le fe’au a le lagi, e pei o le tofo atu i le
vai mālū, o ni tagata faimalaga ua leva ona matelaina i le fiainu. O e
na galulue i fanua, ma e na galulue i fale faigaluega, na faafiafiaina
i latou uma i aso taitasi e ala i lo latou talatalanoa i le tāua o upu
moni o le Tusi Paia. A oo i le po, ua latou le ō i fale-inu-’ava, a ua
latou potopoto i lea fale ma lea fale e faitauina ai le afioga a le Atua,
ma fai ai viiga ma talosaga. Na le umi ae vaaia se suiga tele i nei
nuu ma aai. O i latou o ni tagata faatauvaa ma le le a’oa’oina, o ē
faia galuega mamafa i lea aso ma lea aso. Peitai na vaaia i o latou
olaga faafouina le mana o le alofa tunoa o le Atua. E ui lava i lo latou
faatauvaa po o le mativa, na latou tutū atu e avea o ni molimau o le
suiga e mafai ona oo i soo se tasi na te talia ma le faamaoni le alofa
tunoa o le Atua.
Na susulu mamao atu ave o le malamalama na faamumūina i
Mou. Na faatupula’ia i lea aso ma lea aso le numera o ē na liua i
le talalelei. Na taofiofia e le tupu o Farani le pesi mai i ai o le ita o
ta’ita’i pope, auā na manatu faatauvaa foi le tupu i le pumoomoo o
manatu ma talitonuga o monike ma le vasega o patele; peitai na i’u
lava ina manumalo ta’ita’i pope. Ua fausia nei le fata e susunuolaina
ai tagata le usitai. Ua faatonuina le epikopo o Mou e filifili i mea e
lua, o le afi po o lona lafoa’i ma fulitua i le talalelei. O le mea faigofie
na filifilia e le epikopo. Peitai, e ui lava i le pa’ū o lenei ta’ita’i, na
tūtūmau pea lana lafu mamoe. E to’atele na molimau mo le upu moni
i totonu o le afi. O lo latou lototetele ma le faamaoni i totonu o le
afi, na mafai ai e nei Kerisiano agamalū ona molimau atu i le afe ma
afe o tagata, o ē semanū e le mafai ona faalogo i sa latou molimau i
[181] taimi o le solo lelei.
E le na’o ē maulalo ma matitiva sa molimau mo Iesu a’o sauāina
i latou. Sa i ai foi i totonu o maota o alii maualuluga ma tupu i latou o le aiga tupu, o ē na sili ona tāua ia i latou o le upu moni, nai
lo le tamao’aiga, po o tulaga-tofi, po o o latou ola. Na i ai se agaga
maoa’e ma le mausali i tua atu o ofutau faatupu, o se agaga e sili a’e
lona mausali nai lo le loto o le epikopo o le aai o Mou. Na faapena le
tagata o le aiga tupu na igoa ia Lui le Pakini. O se taitai’au lototele
ma le amio faatamalii, o se tagata e fiafia i le faitau tusi, ma o se
tagata e le mata’uleagaina. Fai mai se tasi tusitala, “O ia o se Katoliko malosi ma le faamaoni, o se tagata e fiafia e faalogo i lauga ma
misisā; ae na laualuga i nei uiga lelei uma lona ino’ino tele i aoaoga
Galuega O Le Toe Fuata’iga I Farani
217
a Luteru”. Peitai o le aao faalelagi na ta’ita’ia o ia i le Tusi Paia, e
pei lava foi o le to’atele o nisi. Na ofo o ia ina ua maua e ia i totonu
o le Tusi Paia “aoaoga a Luteru ae le o aoaoga a Roma”. (Wylie, b.
13, ch. 9.) Na amata atu i lena taimi ona tuuina atu atoatoa lona ola
i le galuega o le talalelei.
Na aupito maualuga ana a’oga i lo alii tāua uma o Farani. O se
tagata e agavaa i le tautala, o se taitai’au na ta’uta’ua lona le fefe i
soo se taua, o se tagata foi na lolo’u-gofie ai le finagalo o le tupu auā
o se tagata na fiafia i ai le tupu. O nei uiga lelei uma na manatu ai le
to’atele o le tagata lea ua tofia faapitoa mo le ta’ita’iga o le galuega
o le Toe Fuata’iga i lo latou atunuu. Fai mai Pesa, “Semanū e avea
Pakini o se Luteru lona lua, pe ana lagolagoina o ia e Faranisisi e
pei ona lagolagoina Luteru e le kovana o Sakisone. Peitai na alalaga
ta’ita’i pope ma fai mai, “E sili atu le faigata o le tagata lenei i lo
Luteru”. (Ibid., b. 13, ch. 9.) Na matuā fefefe ai tele ta’ita’i pope i
totonu o Farani i lenei tagata. Na latou lafo o ia i le falepuipui ona
o ana aoaoga sese; peitai na toe faasa’olotoina o ia e le tupu. Na
faapena ona faia o le tauiviga mo le tele o tausaga i totonu o Farani.
Na faapena le femoumoua’i o Faranisisi - o le taimi ua faalavelave, o
le taimi foi ua na le taofia le ma’elegā faasauā o patele ma katinale.
E faatolu ona faafalepuipui Pakini e ta’ita’i pope ae faatolu foi ona
tatala i tua e le tupu. Na tāua i le finagalo o le tupu le atamai ma
le agavaa ma le amio faatamalii o Pakini, ma o le pogai lena na le
mana’o ai le tupu e faamamulu atu Pakini i lima sauā o ta’ita’i pope.
Na sautualasi lapata’iga na avatu ia Pakini e uiga i tulaga na ono
lamatia ai lona ola i Farani. Na fautuaina o ia ina ia alu i se mea e
sao ai o ia mai lima o le fili. O se tasi o ia fautuaga na maua mai
ia Eramasi, o se tagata atamai ma le maoa’e o ana a’oga. Peitai o se
tagata pala’ailoto, o se tagata na faamuamua lona ola ma ona tulaga,
i lo le upu moni. Na fai sana tusi ia Pakini ma fautua atu ai e faapea,
“Fai sau talosaga ina ia fai oe ma amapasa a le malo i se atunuu i
fafo; a le o lena, alu mo sau malaga taamilo i Siamani. Ua e iloa lelei
lava Peta ma ana ’au. O Peta ua pei o se gata e afe ona ulu, ma ua
ia faapipisi solo le ’ona i soo se itu. E to’atele naunau ou fili. Tusa
lava pe sili a’e ia Iesu Keriso lou lelei ma le lelei o lau galuega, e le [182]
popole i ai ou fili; latou te sa’ili lava ina ia latou fasioti ia te oe. Aua
e te faamoemoe tele i le puipuiga a le tupu. Ma, aua lava ne’i e faia
218
O Le Finauga Tele
se mea e ono lamatia ai lo’u tulaga i le matagaluega o su’esu’ega
faalelotu i le iunivesete”. (Ibid., b. 13, ch. 9.)
Peitai a’o saputu mai lea faalavelave ma lea faalavelave, sa atili
ai le malosi o le ma’elega o Pakini. Na te le’i mulimuli i fautuaga
manatu faapito a Eramasi. Peitai na tonu ia te ia o le a uia e ia nisi
ala e faailoa ai lona le fefe. O le a le gata i lona tu atu e tautala mo
le upu moni, ae o le a faasaga atu foi o ia na te osofa’ia aoaoga sese.
O le moliga e pei ona ua molia ai nei o ia e ta’ita’i pope i le faia o
aoaoga sese, o le a faasaga atu nei o ia na te faasaga tonu lea moliga
ia i latou lava. Na avea o ona fili aupito faigata faia’oga ma patele o
le matagaluega o suesuega faalelotu i le Iunivesete o Pale. O i latou
ia na avea o se tasi o leo aupito malosi i pulega faalelotu i totonu o
le aai o Pale, faapea le atunuu atoa o Farani. Ua tuufaatasia e Pakini
ni aoaoga se 12 mai tusitusiga a nei faia’oga. Ua sosoo ai ma lona
folafolaina faalaua’itele o le tetee o nei aoaoga i le Tusi Paia, ma sa
ia talosagaina le tupu na te faamasino i lenei finauga.
Na fiafia le tupu ona o se avanoa lea e vaai lelei ai o ia i le
ese’esega o le malosi o itu e lua, atoa ma le ma’ai o mafaufauga
o ta’ita’i a nei itu e lua. O se avanoa lava foi lea e toso ai i lalo le
manatu faamaualuga o nei patele ma monike. Ua valaauina loa e le
tupu nei faia’oga ina ia latou aumaia mai le Tusi Paia ni faamaoniga
o a latou aoaoga. Na latou iloa lelei lava e leai se aoga o lenei auupega ia i latou; o auupega latou te masani ai o sauaga, o le falepuipui,
atoa ma le fata e susunuolaina ai tagata. Lenei la ua ese le tulaga ua
oo nei i ai, ma ua latou vā’ai atu nei ua toetoe lava o latou pa’u’ū
atu i le lua na latou manana’o e lafo i ai Pakini. Ua latou maofa ma
fetilofa’i solo mo se auala latou te sao ai.
O le taimi tonu lava lea na ta’eia ai e ni tagata se faatusa o Maria
sa tu i se tasi o magāala. Ua vevesi ai nei le aai atoa. Ua lolofi atu
tagata, o isi ua alalaga i le faanoanoa, a’o isi ua fe’ei i le feita. E oo
lava foi i le tupu sa mafatia ai lona finagalo i lenei mea. Ma o se
avanoa tonu lava faapea na su’e e le au patele, ma sa latou olioli ona
o lenei avanoa. Ua latou alalaga loa ma fai mai, “O fua tonu lava ia
o aoaoga a Pakini. O lenei ua toetoe lava lafotūina mea uma - o mea
faalelotu, o le tulafono, e oo lava i le nofoalii o le tupu, talu ai lenei
fouvalega faa-Luteru. (Ibid., b. 13, ch. 9.)
Ua toe pu’eina nei foi Pakini. Ua tuua nei e le tupu le aai o
Pale, ma ua sa’oloto ai loa le au patele e fai la latou faitalia ia
Galuega O Le Toe Fuata’iga I Farani
219
Pakini. Na faia le faamasinoga o Pakini, ma o le oti lona i’uga. Na
faataunuuina i lea lava aso lenei i’uga ina ne’i toe faalavelave Faranisisi ma faasaoina ai lona ola. O le tutonu o le la na ta’ita’ia atu ai
loa Pakini i le mea e faataunuuina ai lona oti. O se motu o tagata
e to’atele na lolofi atu latou te molimauina lenei faasalaga, ma e
to’atele na latou vā’ai ma le ofo, atoa ma o latou loto ua masalosalo,
ona o le ua filifilia e oti o se tasi o le aiga tupu e sili lo latou lelei [183]
ma e sili foi ona lototetele i aiga tupu uma o Farani. O foliga o le
motu o tagata na vaaia ai le ofo, ae na vaaia i nisi le ita, o nisi o le
faatauemu, o nisi o foliga fasiotitagata. Na faapena ona lafoia se ao
pogisa i luga o lena to’atele. Peitai e leai se mea na pogisa ai foliga
o le maturo. O ona mafaufauga sa mamao ma lenei vevesi; na o le
tasi lava le mea na ia lagona i lea taimi o le faatasi mai o lona Alii.
O le taavale toso na ia tietie ai, atoa ma le faatotoso mai o mata o
le au patele, ma le oti mata’utia ua ia alu atu nei i ai, o nei mea uma
na te le’i popole i ai, auā sa i ona tafatafa Le na maliu a ua soifua
nei e faavavau, ma ua ia te Ia ki o seoli atoa ma le oti. Na pupula
foliga o Pakini i le malamalama ma le filemu o le lagi. Na matagofie
ona la’ei - “o lona ofu talaloa veloveta, o lona ofutino o le ie satini
e filogia i le silika, ma lona ie lanu auro”. (D’Aubigne, History of
the Reformation in Europe in the Time of Calvin, b. 2, ch. 16.) Ua
toeitiiti nei ona molimau atu lea o ia i lona faatuatua, i luma o le
Tupu o tupu ma le lalolagi atoa o lo o matamata mai, ma o le a leai
se faailoga o se faanoanoa i ona foliga, e ta’upepeloina ai lona fiafia.
A’o aga’i lemu atu lenei solo i ala tetele ua tumutumu i tagata, sa
matauina ma le ofo e nisi le atoatoa o le agaga filemu i ona foliga, le
agaga fiafia ma le manumalo. Na latou fai ane, “Ua foliga mai o se
tagata o lo o nofo i le malumalu ma mafaufau loloto ai i mea paia”.
(Wylie, b.13, ch. 9.)
Ua latou taunuu atu i le fata e fai ai lona faasalaga, ona taumafai
lea o Pakini e fai ni nai upu e molimau atu ai i tagata. Peitai na
fefefe patele i se mea e ono tupu mai pe a faia sea tautalaga. O lea
na latou fe’ei ai, ma ua soona faapa’ō ma faafeto’ai e fitafita a latou
meatau, ma ua le lagona ai sina leo o le maturo. Na faapena ona faia
o se faata’ita’iga leaga e le pule faalelotu aupito sili ona maualuga i
le aai o Pale, o se aai o ni tagata malamalama ma le a’oa’oina, i le
1529. O lea faata’ita’iga leaga na mulimuli ai tagata-lautele o Farani
220
O Le Finauga Tele
i le 1793, ina ua latou fe’ei ma ua le lagona ai leo paia o e na tutū i
luga o le fata i le taimi o lo latou oti. (Ibid., b. 13, ch. 9.)
Ua uma ona sisi o Pakini, ona susunu lea o lona tino i le afi. O le
tala o lona maliu na oo atu ai le faanoanoa i uō e to’atele o le galuega
o le Toe Fuata’iga i itu uma o Farani. Peitai e lei ma’imau lona ola
ma lana faata’ta’iga. Fai mai ni molimau e to’atele mo le upu moni,
“Ua matou nofo sauni foi, matou te feiloa’i fiafia ma le oti, auā ua
tāula’i atu la matou vaai i le ola atali”. (D’Aubigne, History of the
Reformation in Europe in the Time of Calvin, b. 2, ch. 16.)
O le taimi na faia ai sauaga i le aai o Mou, o le taimi lava lea na
ave’esea ai foi ma le faatagaga e mafai ai e failauga o le galuega o
le Toe Fuata’iga ona latou folafolaina le talalelei. O le pogai lea na
latou o ese ai loa i nisi nofoaga. Na mavae se taimi ona malaga lea
[184] o Lefaiva i Siamani. Na malaga Farela i le aai na ia tupu a’e ai i le
itu i sasa’e o Farani, ma faasalalau atu ai i inā le malamalama o le
upu moni. E taunuu atu Farela ua oo atu foi i ai tala o sauaga na faia
i Mou, ma sa to’atele na fia faalogo i le upu moni na ia folafolaina i
lona ma’elegā ma le lē fefe. Sa le umi ae faasāina lana galuega ma
ua tuli’esea foi o ia ma le aai. Ua faasāina lona faia faalaua’itele o
ni lauga; peitai na mafai ona ia fealua’i i nuu ma vanu, ma sa faia
ni ana aoaoga mai lea fale i lea fale, faapea ma mea tuufua i le vao,
atoa ma ana i mauga, i mea na masani ona ia tafao ai i aso o lona
tamaitiiti. Ua sauniunia nei o ia e le Atua mo ni tofotofoga e sili atu
ona mamafa. Fai mai lana upu, “O satauro, o sauaga, ma fāufauga a
Satani, o mea ia na lapata’iina ai a’u. Semanū ou te le manumalo i
nei tofotofoga pe ana mā lē faatasi ma le Atua lo’u Tamā. O Ia Na
te aumaia le malosi ou te manumalo ai”. (D’Aubigne, History of the
Reformation of the Sixteenth Century, b. 12, ch. 9.)
O sauaga i Farani na “i’u ina tupu atili ai le talalelei” e pei lava
ona faia i aso o le au aposetolo. Filipi 1:12. Na tuli’esea i latou mai
aai o Pale ma Mou, ma “ua ō solo fo’i ē na faasalalauina, ma latou folafola atu le talalelei o le upu”. Galuega 8:4. Na faapena ona
salalau atu le malamalama i nisi o tulimanu aupito mamao o Farani.
Na sauniunia pea e le Atua nisi e galulue mo le faalauteleina o
Lana galuega. Na i ai i se tasi o a’oga i Pale se talavou atamai e igoa
ia Ioane Kalavini - o se tagata e lē gaoiā ae ma’ai lona mafaufau, o se
talavou e tinoū ma filigā, o se tasi e lē pōnā lona olaga ae faamaoni
i mea faalelotu. Na lē umi ae avea lenei talavou o se mitamitaga
Galuega O Le Toe Fuata’iga I Farani
221
o le kolisi talu ai lona atamai ma le ma’ai o lona mafaufau, ma e
to’atele na latou iloa o le a i ai se aso e avea ai Kalavini o se tasi o
ta’ita’i ta’uta’ua o le a galue mo le ekalesia Roma. Peitai e oo lava
i le mafiafia o pa o tulafono tau le a’oga ma talitonuga faanuupo na
si’osi’omia ai Kalavini, na ati atu lava i ai le susulu o se ave o le
malamalama faalelagi. Na te’i o ia ina ua faalogo i tala o ni tala’iga
fou, ma sa manatu o ia ua fetaui lelei lava le faasalaga o le afi i
ta’ita’i o nei aoaoga sese. Peitai e uiga ese le auala na ta’ita’ia ai o ia
ina ia fetaia’i ma nei aoaoga ua ta’ua e patele o aoaoga sese, ma ua
tofotofoina ai i inā le malosi o aoaoga a Roma e faafetauia ai aoaoga
faaPorotesano.
Sa i Pale se tagata e igoa ia Oliveta, e tausoga o lā tamā ma
Kalavini, ma o se tagata ua liua e avea o se Porotesano. Na masani
ona talatalanoa Kalavini ma Oliveta e uiga i mea ua vevesi ai nei
atunuu Kerisiano. Fai mai le tala a Oliveta, “Nā o le lua lava lotu
i le lalolagi. O le lotu muamua e aofia ai soo se itu’aiga talitonuga
ua faatūina e tagata, ma e maua e le tagata lona faaolataga e ala i
ana lava galuega atoa ma sauniga faalelotu. O le lotu lona lua o le
talitonuga lea mai le Tusi Paia, ma ua a’oa’o mai ai le tagata e tepa atu
i le alofa tunoa o le Atua, ua na o lea le ala e maua ai le faaolataga”. [185]
“Ou te lē fia faalogo i se mea e tasi o nā tala’iga fou; o lou manatu
ea na ou ola mai aoaoga sese i lo’u olaga atoa?” o le tali atu lena a
Kalavini. (Wylie, b. 13, ch. 7.)
Ae ui lava i lea tali a Kalavini, ua amata nei ona fāgua i lona loto
ni fesili na lē mafai ona te’a ese ma lona mafaufau. A’o nofonofo
Kalavini na o ia i lona potu, sa alu lona mafaufau i upu a Oliveta.
Ua na lagona nei le leaga o le agasala, ma sa ia vaai ifo ia te ia lava ua
aunoa ma se fautua, i luma o le Faamasino paia ma le amiotonu. O le
galuega fautua a le au paia, o galuega lelei, o sauniga fai a le ekalesia,
ua lē aogā se mea e tasi o nei mea uma e fai ma togiola o le agasala.
Ua na o le pogisa o le faanoanoa ma le leai o se faamoemoe ua tu mai
nei i ona luma. Na leai se aogā o taumafaiga a faia’oga ma porofesa
o le ekalesia e faafilemuina ai lona mafaufau. Na faia kofesio, na faia
anapogi ma isi mea e faatigaina ai le tino ona o agasala; peitai na le
aogā nei mea uma e faia ai se leleiga i le va o lona loto ma le Atua.
A’o faia pea lenei tauiviga i le olaga o Kalavini, na alu o ia i se
tasi aso e asiasi i se tasi o malae o le aai, ma sa te’i ua tau atu ai o
susunuolaina ai se tasi o ē ua molia i le faiga o le tala’iga sese. Na
222
O Le Finauga Tele
lagona lemu ifo i lona loto le maofa ona o uiga o le filemu, ma le
fiafia, ma le lē popole i se mea, sa vaaia i foliga o le maturo. Na ia
vaaia se faatuatua ma se lototele i lea tagata, i le taimi o le matuitui
ma le tiga o lenei oti mata’utia, atoa ma le fetuu a le ekalesia. Na
faatusatusa e Kalavini nei uiga lelei i le pogisa o lona loto ona o le
leai o sona faamoemoe, e ui lava e le o masepu se mea e tasi i lana
tausiga o tulafono a le ekalesia. Na ia iloa o le faatuatua o nei maturo
ua faavaeina i luga o le Tusi Paia. Na tonu ai loa ia te ia o le a faasaga
e su’esu’e i le Tusi Paia, pe mata na te maua ai le pogai lilo o lo latou
olioli.
Na ia maua Keriso i le Tusi Paia. O lea na ia alaga ai, “Lo’u
Tama e, o le maliu o Keriso ua faamalieina ai Lou to’asā; o Lona
toto ua fufulu ese ai a’u agasala; o lo’u malaia ua Na tau’aveina i
Lona satauro; o Lona maliu ua fai ma togiola ia te a’u. Ua matou
faatūina mo i matou lava le tele o mea valea e leai se aogā, a’o lenei
ua E aumaia Lau afioga ia te a’u ua pei o se lamepa. Lenei ua E,
pa’i mai i lo’u loto, ina ia ou ino’ino ai i le tele o auala eseese i le
faaolataga, ae piimau atu ai ia Keriso”. (Martyn, vol. 3, ch. 13.)
Na a’oga faa-patele Kalavini i se taimi ua mavae. Na o le 12 ona
tausaga i le taimi na tuu ai o ia na te vaaia se aulotu toaitiiti, ma o
le taimi foi lea na sele mamā ai lona ulu e le epikopo, e tusa ai ma
tulafono a le ekalesia. E le’i faia sona faapaiaga, na te le’i faia foi
tiute masani o le patele, peitai na avea o ia o se tasi o le aufailotu, o
se fesoasoani, ma sa maua foi lona totogi e tusa ai ma lea tulaga.
Lenei la ua ia lē toe fia patele, ma sa liliu lona mafaufau mo
sina vaitaimi i ni su’esu’ega faaloia. Peitai na i’u ina toe tia’i e ia
[186] nei su’esu’ega ae tonu ia te ia o le a tuuina atu atoatoa lona ola i le
galuega o le talalelei. Peitai sa faaletonu lona mafaufau e uiga i le
avea o ia o se faia’oga i aoga i fafo. O ia o se tagata matamuli, ma sa
mamafa ia te ia lona vaai i le tāua o tiute tau’ave o lea tulaga. O lea
na manatu ai o ia e sili pe a tuu atoa lona taimi mo le sa’iliga o le
poto.’ Peitai o le faatauanau atu a ana uō na i’u ai ina toe suia lona
mafaufau, ma sa avea ai loa o ia o se faia’oga. Fai mai lana upu, “Ou
te maofa ona o se tagata faatauvaa e pei o a’u, ua faaeaina i se tulaga
faamamaluina faapenei”. (Wylie, b. 13, ch. 9 )
Na amata lēmū le galuega a Kalavini e aunoa ma se vevesi, ma
sa talia e tagata ana upu ua pei o le totō ifo o le sau e faamālūina
ai le fogaeleele. Na tuua e ia Pale ma ua i ai nei o ia i se aai na i
Galuega O Le Toe Fuata’iga I Farani
223
lalo ifo o le puipuiga a le sa’o tama’ita’i o Makerita. Na fiafia lenei
purinisese o Makerita i le talalelei, ma sa na faaaogāina lona tulaga
e avatua ai le puipuiga i soo o le talalelei. O lo o talavou pea lava
Kalavini i lea taimi, o se tagata agamalu, o se talavou e leai ni ona
uiga faafoliga. Na amata lana galuega i lona asiasi i tagata i o latou
fale. A’o si’omia o ia e tagata o se aiga, sa ia faitauina i ai le Tusi Paia
ma faamatalaina ia i latou upu moni o le faaolataga. O ē na faalogo
i le fe’au na ō ma ta’u atu le talalelei i isi, ma sa ē umi ae oo atu le
faia’oga i tua’oi o le aai, ma oo atu ai i nuu maotua. Na talileleia o
ia, e le gata i fale o tagata faatauvaa, ae faapea foi i maota o tamalii
ma tagata tāua o le atunuu. Na ia tala’i le upu moni ma faataatia le
faavae o ni aulotu se tele, ma o aulotu ia na maua mulimuli mai ai
ni toa e to’atele mo le upu moni.
Ua mavae ni nai masina ona toe oo foi lea o Kalavini i le aai
o Pale, le laumua o le atunuu. Na i ai se vevesi e lē masani ai i
le vasega o faia’oga ma le aupopoto. O a latou su’esu’ega o gagana
faaanamua na ta’ita’ia ai le to’atele o nei tagata popoto i le Tusi Paia,
ma e ui lava e le’i liua ai o latou olaga, sa masani ona latou faia o
ni felafolafoa’iga ma ni finauga e uiga i mata’upu o le Tusi Paia. O
nisi foi o i latou na fai ni a latou finauga ma faia’oga maualuluga
o le ekalesia Roma. O se tagata lelei tele foi Kalavini i finauga ma
felafolafoa’iga faapea i mata’upu o le Tusi Paia. Peitai e le o le mea
lea na sau ai o ia i Pale. Ua fagua nei mafaufau o tagata, ma o le taimi
tonu lea e avatu ai ia i latou le upu moni. A’o faapena ona pisapisaō
potu a’oga o le iunivesete i finauga ma felafolafoa’iga i mata’upu o
le Tusi Paia, na faapena ona asiasi atu Kalavini i lea aiga ma lea aiga,
ma faamatalaina atu ia i latou aoaoga o le Tusi Paia, ma tala’i atu ia
i latou Keriso ma Lona maliu.
O lenei o le a toe avatua le valaau i le aai o Pale, latou te taliaina
ai le talalelei e tusa ai ma le fuafuaga a le Atua. Na teena e lenei aai
le valaau a Lefaiva ma Farela, a’o lenei o le a toe faalogo tagata uma
o lenei aai tele, le laumua o le atunuu, i le talalelei o le faaolataga. E
le’i tu atoatoa lava le tupu i le itu a Roma e tetee atu ai i le galuega
o le Toe Fuata’iga, talu ai lona manatu popole i lana faigamalo. Sa
i ai lava le faamoemoe o Makerita ina ia i ai se aso e manumalo [187]
ai le talalelei i totonu o le malo o Farani. Na tonu ia te ia e ao ona
folafolaina le talalelei i totonu o le aai o Pale. A’o alu malaga le tupu
i se isi itu o le atunuu, na faatonuina e Makerita faife’au Porotesano
224
O Le Finauga Tele
latou te lauga i falesa uma o le aai. Peitai na faasāina lea mea e
ta’ita’i pope, ma sa talaia ai loa e Makerita faitoto’a o maota o le
tupu mo le folafolaina ai o le talalelei. Na faalapo’a se tasi o maota e
fai ma falesa, ma sa faia le faasilasilaga o le a faia se lauga i se itula
atofaina i aso ta’itasi, ma e talia ma le fiafia soo se tasi. Na lolofi atu
le to’atele i ia sauniga. Ua lē na o le falesa ua lē ofi, ae na faatumulia
foi ma potu tetele i luma o le falesa atoa ma autafa. Na faapena ona
tumutumu mai o le afe ma afe o tagata eseese - o tamalii, o faipule,
o loia, o e faipisinisi, faapea ma e galulue i fale faigaluega. Ua taliu
mai nei le tupu. Peitai na te lei faasāina le faia o nei sauniga. Ae le
gata i lea, na ia poloa’iina ina ia talaia ni falesa se lua i Pale mo lenei
galuega. Faato’a gae’e lea o lenei aai’ i le afioga a le Atua. Peisea’i
ua manavaina mai le agaga o le ola mai le lagi i luga o nei tagata.
Ua suia nei le ’ōnā, ma le faita’aga, ma fevaevaea’iga, ma le paiē, i
le fai faatatau lelei, ma le olaga mamā, o le nofo lelei, ma le olaga
galue.
Peitai e le’i nōfonofovale ta’ita’i pope. Ua lē taofia e le tupu lenei
tala’iga; ma o lea ua latou liliu atu ai loa i le lautele o le atunuu. Latou
te le’i tuua se mea e tasi i a latou taumafaiga ina ia faaosoina ai le
popole, o le faaitu’au, o uiga soonafai o tagata lē a’oa’oina ma ē ua
tumu i talitonuga faanuupo. Na faapena ona usiusitai ma le pogisa
nei tagata i o latou a’oa’o pepelo. Ua pei o Ierusalema anamuā le aai
o Pale; ua na lē iloa le taimi e asia ai o ia, po o mea foi e manuia
ai o ia. E lua tausaga o folafolaina le afioga a le Atua i le laumua o
le atunuu; peitai e ui lava sa feololo le aofa’i o nisi na latou talia le
talalelei, na teena lenei fe’au e le to’atele. O le fesoasoani a Faranisisi
i lenei galuega, sa na o ni mea faafoliga. Na faia ona sa ia mana’omia
le lagolago atu o tagata Porotesano i lana faigamalo, peitai sa le umi
ae toe laualuga loa ta’ita’i pope i lenei tauiviga tele. Ua latou toe
tapunia falesa, ma ua toe faatūina foi le fata e susunuolaina ai ē lē
usitai.
E tutupu nei mea o i ai pea lava Kalavini i le aai o Pale, o lo o
sauniuni ai o ia mo le lumana’i o lana galuega ma le faasalalauina o
le malamalama, e ala lea i lona faitau tusi ma ana su’esu’ega. atoa
ma talosaga. Peitai sa i’u ina māsalomia o ia e ta’ita’i o le ekalesia,
ma sa tonu ai loa ia i latou o le afi lona i’uga. Na manatu lava ia
ua saogalemu ma lē āfāina o ia i le mea na nofo to’atasi ai na o ia,
ma e le’i manatu o ia i se mea e ono lamatia ai lona ola. Peitai na
Galuega O Le Toe Fuata’iga I Farani
225
te’i o ia ina ua tutu ni ana uō ma le tala fai mai ua tali oo atu leoleo
e pu’e ia te ia. E le’i uma atu nā upu ae faalogoina loa se tu’itu’i
leotele i le faitoto’a tele i fafo. Ua leai se taimi e faama’imau. Ua o
atu nisi o ana uo i le faitoto’a i luma e faatalanoa ai leoleo, a’o isi
ua latou tuutuu ifo o ia i se faamalama i tua, ma faapena ona sola [188]
ese atu ai o ia aga’i atu i tua’oi o le aai. Na maua sona lafitaga i le
fale o se tagata faigaluega, o se uō o le galuega o le talalelei. O inā
ua ofu ai loa Kalavini i ni ofu faigaluega ma se pulou o lana uō,
ua amo sana laau velevao, ona amata loa lea o lana malaga ua pei
lava o se tagata faigaluega o le nuu. Na aga’i i saute lana malaga i
itumalo na maua ai lona puipuiga i lalo ifo o le pule’aga a Makerita.
(D’Aubigne, History of the Reformation in Europe in the Time of
Calvin, b. 2, ch. 30.)
Na ia nofo ai i inā mo ni nai masina, i lalo ifo o le puipuiga a ni
uō māutofi i le malo, ma toe faaauau ai i inā ana su’esu’ega. Peitai
na i ai lona faanaunauga ina ia soo Farani i le talalelei, ma e lei umi
na ia nofo samasamanoa ai. Na fāiifo loa le pesi o le afā toe amata
loa foi lana galuega i se isi aai - le aai o Poitea, le aai sa i ai se
iunivesete, se aai na fia faalogo ai tagata i le tala’iga fou. Na faalogo
ma le fiafia tagata uma i le tala’iga o le talalelei. E le’i faia ni lauga
mo le lautele o tagata, peitai o le maota o le faamasino sili, po o se
togalaau to’afilemu, o inā na folafolaina ai e Kalavini upu o le ola i
soo se tasi na fia faalogo. A’o faatupula’ia le aofa’i o le au faafofoga,
na maua le manatu faapea e sili ona faia o a latou sauniga i tua atu
o le aai. Na filifilia se ana i autafa o se tofe e fai ai a latou sauniga.
O se ana lea e lē faigofie ona iloa ona e punipuni e ni laau ma ni
papa tetele. O inā na ō ta’itoatolu pe ta’itoafā i ai le au faalogologo,
ina ua latou tuua le aai i auala eseese. O totonu o lea ana tuufua na
faitauina ma faamatalaina ai le Tusi Paia. O inā foi na fai ai le ulua’i
faamanatuga a le au Porotesano i Farani. O lena aulotu toaitiiti na
auina atu ai i fafo nisi o le au tala’i faamaoni.
Ua toe taliu atu nei foi Kalavini i Pale. E le’i fia faagaloina e
Kalavini lona faanaunauga ina ia talia e le atunuu o Farani le talalelei. Peitai toetoe lava tapunia uma auala e ono folafolaina ai le
talalelei. O le laugaina faalaua’itele o le talalelei, o le auala vave
lena e oo ai le failauga i le fata e susunuolaina ai o ia O lea na tonu
ai loa ia te ia o le a na tuua Farani ae malaga atu i Siamani. Faato’a
te’a atu lava o ia ma Farani ae agi mai loa le afā o sauaga semanū e
226
O Le Finauga Tele
alu ai ma ia i le to’atele o Porotesano na maliliu ai, pe ana le tuua e
ia le atunuu.
Na manana’o le au Porotesano i Farani ina ia tulaga tutusa lo
latou atunuu ma isi atunuu e pei o Siamani ma Suiselani i le alualu
i luma o le galuega o le Toe Fuata’iga. O lea na latou manana’o ai
ina ia faia sa latou osofa’iga tele o talitonuga faanuupo o Roma, se
osofa’iga e mafai ona fafagu ai le atunuu atoa. Na faapena ona soo
Farani atoa i le po e tasi, i ni pepa faasalalau na latou osofa’ia ai
le misisā. Peitai, o lenei galuega faalēmanuia ua lē faalauteleina ai
le galuega o le talalelei e pei ona latou fuafuaina, a ua oo mai ai le
faa’umatiaga, ua le gata i ē na latou faia lea galuega, ae faapea foi
ma uō o le talalelei i soo se itu o Farani. O le mea tonu lava lea na
manana’o i ai ta’ita’i Roma. Na latou manana’o i se ’alofaga e mafai
[189] ai ona latou fasiotia failauga o lenei galuega, se ’alofaga e mafai
ai ona ta’ua i latou nei o ni tagata faatupu faalavelave, o nisi e ono
lamatia ai le filemu ma le nofo lelei o le atunuu.
O se tasi o nei pepa sa tutu’i tonu lava i le faitoto’a o le potu o
le tupu i totonu o le maota; e le’i iloa po o se fili po o se uō na ia
tutu’ia lea pepa i le faitoto’a o le potu o le tupu. O se mea lenei na
matuā to’atama’i ai tele le tupu. O mea na tusia i lea pepa na osofa’ia
ai talitonuga faanuupo ua fia augatupulaga o faamamalu i ai tagata,
ma ua manatu ai le toatele o ni mea paia. Peitai e le’i popoi ai le
lima o lē na faia lenei osofa’iga. A’o le fia toa o le tagata na avatua
lea pepa tuu i lalo ifo o poga’iisu o le tupu, o le mea lea na oso ai
tele le to’atama’i o le tupu. Na ia tu ua lē magagana ona o lona ofo
tele i nei faiga faalēmata’u. Ona sosoo ai loa lea ma le faaalia o lona
to’atama’i i upu nei, “Ia pu’e ma saisaitia i latou uma ua masalomia
ua talitonu i aoaoga sese a Luteru. O le a ou faatāma’ia i latou uma”.
(Ibid., b. 4, ch. 10.) Ua fā’alele nei le malelega a le tupu, ma e leai
se tasi na te mafaia ona toe suia. Ua faia nei le filifiliga a le tupu o
le a tuu atu atoa lona malosi e lagolagoina ai le itu a Roma.
Na faapena ona faia loa lava faagaioiga mo le pu’eina o soo se
tasi na talitonu i aoaoga a Luteru i totonu o le aai o Pale. E i ai se
tagata Porotesano faatauvaa na fai ma ona tiute lona alu e tala’i le
taimi o a latou sauniga fai faalilolilo i le ana. Ua pu’e si nei tagata ma
ua faamata’u e susunuolaina o ia i le fata pe afai na te lē faasinoa le
sui o le pope i aiga uma o tagata Porotesano i le aai o Pale. Na gatete
ona tino i le mata’utia o lenei mea ua tuuina mai na te faia. O lona
Galuega O Le Toe Fuata’iga I Farani
227
fefe tele i le afi na i’u ai ina ioe lea tagata o le a avea o ia o le fā’alata
o ona uso. Ua alu atu loa le solo ua ta’imua atu ai le eukarisitia ua
si’osi’omia atu e patele, ma ē na tau’avea mea manogi, ma monike,
ma fitafita, ona sosoo atu ai loa lea ma Molini le leoleo nanā a le
tupu, ma le fā’alata. Ua faapena ona alu atu lemū ma le lē pisa o
lenei solo i ala tetele o le aai. O lenei solo, na latou fai mai o le
solo ua faia faapitoa mo le sakalameta paia, o se sauniga ua faia ina
ia faailoa ai lo latou salamō ona o le misisā paia ua osofa’ia e le
au Porotesano. Peitai o lenei solo ma lenei sauniga ua faalafi atu ai
se faamoemoe mata’utia. A oo atu le solo i luma o le fale o se soo
o Luteru, ona faia lea e le fā’alata se faailoga i lona lima e aunoa
ma se upu na faia. Ona taofi loa lea o le solo, ua ulufale atu nisi i
le fale, ua latou toso faamalosi uma mai i fafo tagata o lea aiga, ua
latou noanoatia i latou i filifili. Na faapena ona alu atu o lenei solo
mata’utia auā le sa’ilia uma mai o soo o Luteru. Latou te le’i laasia
se aiga - pe maualuluga pe faatauvaa, e oo lava i vaega ese’ese o le
Iunivesete o Pale. Na gatete le aai atoa i faiga a Molini. O se pule
sauā a le puapuaga ma le oti. (Ibid., b. 4, ch. 10.)
O se oti mata’utia na faaoo i nei tagata, o se oti na faatāugāina ai
o latou tino i faiga sauā. Na faia se poloa’iga faapitoa ina ia faaitiitia
le aasa o le afi, ina ia faa’umi’umi ai le taimi e faatāugāina i latou
i le afi ma umi ai lo latou puapuaga. Peitai na maliliu i latou o ni
toa manumalo. Na latou tūtūmau ma le lē maluelue, ma sa leai se [190]
mea na faapogisaina ai le filemu ma le fiafia i o latou foliga. Na
lagona e le au faaoosala lo latou to’ilalo, ina ua lē mafaia e lo latou
malosi ona lūlūina le faatuatua o nei tagata, pe toe suia ai foi a latou
filifiliga. “Na tofu vaega uma o le aai o Pale ma fata na faatutū ai mo
le faataunuuina o le sala, ma sa eseese aso na susunuina ai tagata i
lea itu ma lea itu o le aai. Na faia nei afi i vaega eseese o le aai i aso
eseese ina ia matata’u ai tagata i le leaga o lo latou talia o tala’iga
fou. Peitai, e uma a’e nei sauaga mata’utia ua tele se aogā ua maua ai
mo le galuega o le talalelei. Na vā’ai le aai atoa o Pale i le amioatua
o tagata ua latou talia le tala’iga fou. Ae le gata i lea, e leai se pulelaa
e tutusa ma le fata ua fausia e susunuolaina ai le au faamaoni. O le
olioli le gaoiā sa vaaia i foliga o nei tagata a’o latou savavali atu i le
fata e faaoo ai lo latou sala, o lo latou lototetele ma le lē faafiti a’o
latou tutū i totonu o le afi, o le agaga na latou faamagaloina ai mea
leaga e tele na faia ia i latou, o mea uma ia na vave liua ai le ita o
228
O Le Finauga Tele
le to’atele ma ua suia i le alofa mutimutivale. Na liua ai le loto fia
fasioti tagata i le loto alofa. Na avea nei mea uma o se leo faagaeetialoto na ole atu auā le galuega o le talalelei.” (Wylie, b. 13, ch. 20.)
Na manana’o patele ina ia faatumauina le feita o le to’atele i
tagata Porotesano, ma o le faapogai lena na latou faasalalauina ai ni
moliga mata’utia e faaleaga ai tagata Porotesano. Na molia i latou
ona o ni fāufauga e fasiotia uma ai tagata Katoliko, atoa ma ni fāufauga mo se fouvalega i le malo, ma se fuafuaga e fasiotia ai le tupu.
E aunoa ma sina molimau na mafaia ona latou avane e faamaonia ai
nei moliga uma. Peitai na i’u lava ina faataunuuina valo’aga o nei
mala uma. Peitai na matuā ese mamao ni tulaga na tutupu mai ma i’u
ai i le faataunuuga o ia valo’aga; o le faapogai foi o ia mala sa matuā
eseese mamao ma mea na tutupu i le vaitaimi o Kalavini. O sauaga
na faaoo e Katoliko i tagata Porotesano o ē leai so latou sese, o ia
sauaga na faaputu auā le aso o le tauimasui. Na taunuu le valo’aga e
uiga i le fouvalega i le malo ma le fasiotia o le tupu, le valo’aga na
latou fai ane ua toetoe lava taunuu. Peitai na mavae tausaga e 300
faato’ā faataunuuina lea valo’aga e tagata lē talitonu i le Atua, atoa
ma tagata pope lava latou. O le mala na oo ia Farani ina ua mavae
tausaga e 300, e le’i taunuu lea mala ona o le faatūina o le ekalesia
Porotesano, ae na taunuu talu ai le sauāina o tagata Porotesano.
Na oo i tagata uma o le aai le femāsalosaloa’i atoa ma le fefefe. E
to’atele tagata a’oa’oina ma tagata maualuluga ma tagata amio lelei
na latou talia aoaoga a Luteru, i le vaitaimi o le vevesi o sauaga
o tagata Porotesano. Na te’i lava ua vaaia ua avanoa ni tulaga-tofi
maualuluga sa tau’avea e ni tagata Porotesano faamoemoeina. Na
te’i ua lē toe vaaia le to’atele e pei o ē galulue i fale faigaluega ma
fale lomitusi, o le au popoto faapea ma porofesa i iunivesete, o le au
tusitala, e oo lava i nisi mai maota o tamalii ma le maota o le tupu. E
[191] faitau selau na latou tuua le aai o Pale atoa ma lo latou atunuu moni;
ma o se tasi lea o ulua’i faailoga na iloa ai le to’atele naunau o ē na
foliga mai ua lolo’u o latou mafaufau i le tala’iga fou. Na fevaaia’i
ta’ita’i pope i lo latou ofo ona o se lipoti faapea e to’atele nisi o soo
o Luteru faato’ā o ese atu nei, a ua leva ona i ai i o latou autafa e
aunoa ma lo latou iloa. Na i’u lo latou ita i luga o le selau ma selau o
nai tagata faatauvaa na i lalo ifo o la latou pule. Na lē ofi falepuipui;
na foliga mai ua pogisa le lagi i le asu o afi na tafu e susunuolaina
ai ē na molimau mo le talalelei.
Galuega O Le Toe Fuata’iga I Farani
229
Na mitamita Faranisisi I ona sa avea o ia o se tasi o ta’ita’i o le
galuega tele o le toe faaolaolaina o mea tau aoaoga i le amataga o
lona 16 o senituri. Na avea o sana mea fiafia lona faapotopotoina mai
i lona maota, o le au popoto mai atunuu eseese o le lalolagi. O lona
lagolagoina o mea tau aoaoga, o lona vaai faatauemu i le valelea o
le au monike, atoa ma talitonuga faanuupo o patele, o nisi nei o mea
na fesoasoani i le aumaia o se sa’olotoga itiiti na maua e le galuega
o le talalelei. Peitai o lona naunau ina ia matuā ati’esea le tala’iga
fou ma aoaoga faaPorotesano mai totonu o Farani, o le pogai lea na
ia faia ai se poloa’iga e faasā ai ona toe lomia o ni tusi po o ni pepa
i le atunuu atoa o Farani. O Faranisisi I o se tasi lea o pine faamau
e faamaonia ai e lē avea le tulaga maualuga i mea tau aoaoga, o se
puipuiga e taofia mai ai le faatulafonoina o mea tau tapua’iga, atoa
ma le faia o sauaga ona o mea tau lotu.
O le a tuu atu atoatoa nei e Farani ia lava i le galuega o le matuā
faa’umatiaina o le tala’iga faa-Porotesano, e ala i se sauniga o le a
faia faalaua’itele i le atunuu. Na manana’o patele ina ia totogi i le oti
le mātagā lea na faia, ina ua faatauemu le au Porotesano i le misisā.
Na latou manana’o foi ina ia tuuina mai faalaua’itele e le tupu lana
faamanuiaga i le galuega tele o le susunuolaina o tagata Porotesano.
Ua tuupōina loa le aso 21 Ianuari, 1535, o le a faataunuuina ai
lenei sauniga mata’utia. O atugaluga uma e pogai mai talitonuga
faanuupo, ma lagona fia fasioti tagata o le toatele, ua sa’eu a’e uma
nei i luga ia lagona i totonu o le atunuu atoa. Na taulēofi le aai o
Pale i le motu o tagata na lolofi atu i ai mai itumalo na lata ane
i ai. Na fuafuaina ina ia amata taualumaga o le aso i se solo tele,
se solo mamalu. “O fale uma i autafa o le ala o le a ui atu ai le
solo, na faatonuina ina ia tāutau mai ai ni ie uli o le faanoanoa, ae
faatutū ni fata faitaulaga i le va o nei fale”. Ia faatū foi se mōli po
o se sulu i luma o le faitoto’a o fale uma, e faailoa ai lo latou āva
i le “sakalameta paia”. E le’i tatafa ata a ua amata ona faatulaga
le solo tele i talane o le maota o le tupu. “Na muamua mai fu’a
ma faakoluse o itumalo ma aulotu uma ta’itasi; sosoo ai lea ma le
lautele o le atunuu e tutū ta’itoalua, e tofu ma sulu po o mōli e uu.”
Ona sosoo mai ai lea ma le vasega o patele i o latou itu’aiga e fa, e
la’ei uma i o latou toniga eseese. Ona sosoo lea ma se vaega tele o
ni mea tuai ta’uta’ua na fai mai o mea na faaaogā e tagata paia ma
le au aposetolo i aso anamuā. Ona mulimuli atu ai lea o epikopo ma [192]
230
O Le Finauga Tele
katinale ma isi ta’ita’i mamalu o le ekalesia ua ti’eti’e, ma ua la’ei
i o latou ofu talaloa violē ma ofu pā’auli, ma fai a latou asoa ma
mama ma isi teuga eseese ua felanulanua’i ma fe’ilafi solo mai.
“Na tau’aveina e le epikopo o le aai o Pale le eukarisitia, ua i
totonu o se tama’i fale’ie ua maoa’e lona matagofie i ona teuga, ma
ua amo atu nei lea tama’i fale e ni aloalii se to’afā o le aiga tupu. O
tua o le eukarisitia na savali atu ai le tupu. E le’i faia le palealii o
Faranisisi I i lea aso, e le’i la’ei foi o ia i ona la’ei faatupu. Ua punou
o ia a’o savali atu e leai sona palealii, ma ua uuina se mōliga’o i lona
lima. Na alu atu le tupu o Farani ua pei o se tagata agasala ua salamō.
(Ibid., b. 13, ch. 21.) Na tu o ia i luma o fata faitaulaga ta’itasi uma
i le ala ma ifo punou ai, e faailoa ai lona māsiasi ma lona salamō,
e lē ona o amioleaga ua palapalā ai lona agaga, e lē ona o le toto
o ē amiotonu ua pisipisia ai nei ona lima, a ua faia e ia lenei mea
ona o le agasala mātuiā a ona tagata, ina ua latou lē popoi ma latou
faitioina ma tauemuina le misisā. Na mulimuli atu ia te ia le masiofo
faapea ma le mamalu maualuga eseese o le malo, ua latou savavali
ta’itoalua, ua tofu ma le sulu i o latou lima.
Ua taunuu atu i le maota o le epikopo, ona fai ai lea o se lauga
a le tupu i le mamalu o ē mautofi o le malo. Ua ia tu atu ma ni
foliga faanoanoa ma se leo faamomoiloto, ua ia alaga i le faanoanoa
ona o le mātuiā o le soligatulafono, ona o le upuvale, ona o lea
aso o le māsiasi ma le matagā ua oo mai i luga o le malo. Ua ia
valaau i tagata-nuu faamaoni uma, ina ia latou u’ulima faatasi i le
fufulu’eseina o le faama’i o tala’iga sese, ua faamālumalu mai nei
e lepeti i le atunuu atoa o Farani ma ona tagata. Fai mai lana upu,
“Le mamalu e ua aofia, ou te ta’u atu ma le faamaoni, ona o a’u o
lo outou tupu, afai ou te iloa ua pisia po ua aafia se tasi o o’u lima
i lenei faama’i mata’utia, ou te ta’u atu ma le faamaoni ou te tuuina
atu lea lima ia te outou ina ia vavae’esea. Ae le gata i lea, afai foi ou
te vaai ua lavea ai se tasi o la’u fanau i lea faama’i, ou te lē faapelepele lava i ai. O a’u lava ou te avatua lea atalii poo lea afafine, e
fai ai le taulaga i le Atua”. E le’i mae’a ana upu ona o ona loimata,
ma sa lauē le aofia atoa, ma ua latou alalaga faatasi mai, “Matou te
ola mo le lotu Katoliko; matou te oti foi mo le ekalesia Katoliko!”
(D’Aubigne, History of the Reformation in Europe in the Time of
Calvin, b. 4, ch. 12.)
Galuega O Le Toe Fuata’iga I Farani
231
E mata’utia na’uā le pogisa o le atunuu ua latou teena le malamalama o le upu moni. Na faaali atu ia Farani le alofa tunoa e maua
ai le faaolataga; na latou vā’ai i le mana ma le paia o lea malamalama, na tosina atu i ai le afe ma afe i lona matagofie, na sulugia
ai ona aai ma ona nuu i lona pupula. Peitai na liliu’ese ai Farani i lea
malamalama. Na ofoina atu ia i latou le meaalofa faalelagi, peitai
ua latou lē talia. Na latou ta’ua le amioleaga o le mea lelei, a’o le
mea lelei ua latou ta’u o le mea leaga, sei oo ai lava ina pagatia i
latou i mea taufaasese ua latou talitonu i ai ma le iloa lelei. Atonu
na latou talitonu ua latou faia le finagalo o le Atua e ala i lo latou [193]
sauāina o Ona tagata, peitai e le mafai ona ta’uamiotonuina i latou
i lo latou faia ma le faamaoni o le mea sese. Ua latou teena ma le
iloa le malamalama semanū e sao ai i latou mai mea taufaasese, ma
semanū e sao ai i latou mai le pisia o o latou lima i le toto o tagata
amiotonu.
Na faia i le malumalu tele se tautōga mamalu ina ia matuā ati
uma ese i luga le tala’iga sese. O le malumalu tele lava lea na fai ai e
Farani le faauuga o le atua-fafine o Mafaufauga ina ua mavae le 300
tausaga; ua faia lea faauuga e se atunuu ua galo ia i latou le Atua
soifua. Ua toe faatulagaina nei le solo tele, ma o le a faasaga atu loa
sui o Farani e amatalia le galuega na latou tautō i ai. “Na i ai ni fata
na faatutūina i lea vaega ma lea vaega o le ala, ina ia susunuolaina ai
nisi o Kerisiano Porotesano. O le fuafuaga e faapea, a taulalata atu
loa le tupu i se fata faapena, ona tutu loa lea o le afi, ma o le a taofi ai
i inā le solo, se’i o latou molimauina le faasalaga.” (Wylie, b. 13, ch.
21.) E faigata ona maua upu e faamatala au’ili’ili ai le faatāugāina
o le tino ma sauaga na faia i nei molimau mo Keriso; peitai sa latou
tūtūmau ma le faamaoni. Fai mai le tali a se tasi o i latou ina ua
tauanauina o ia e liliu ma fulitua i le tala’iga fou, fai mai lana tali,
“Na o mea na folafolaina e le au aposetolo ma le au perofeta ou te
talitonu i ai, faapea ma aoaoga na talitonu i ai le au paia. E mafai
e lo’u faatuatua mausalU i le Atua ona tetee i alii uma o le pouliuli
o seoli”. (D’Aubigne, History of the Reformation in Europe in the
Time of Calvin, b. 4, ch. 12.)
Na faapena ona taofi o le solo tele i lea fata ma lea fata na
faatāugāina ai soo o le talalelei. Ua ta’ape nei le motu o tagata ina
ua latou taunuu atu i le maota o le tupu, i le mea na amata atu ai la
latou solo. Ua o atu foi i totonu o le maota le tupu ma katinale ma
232
O Le Finauga Tele
sui o le pope, ua atoatoa le fiafia o o latou loto ona ua faamanuiaina
taualumaga uma o le aso. Na latou taufai faamālō le tasi i le isi ona
ua latou iloa o le galuega ua latou amatalia i le asō, o le a faaauauina
lava pea lea galuega se’ia oo ina faaumatia ai atoatoa le tala’iga sese.
Na taunuu le ati’esea uma o le talalelei ua teena e Farani, ma e
mata’utia le i’uga o le a oo i ai Farani talu ai lenei mea. O le aso 21
Ianuari, 1793, ina ua atoa lelei tausaga e 258, o le aso lea na vaaia
ai se isi solo tele i ala tetele o le aai o Pale; peitai e ese mamao
le mea na faapogai ai lenei solo. “O le tupu foi sa ogatotonu i ia
taualumaga; na to’atele foi le motu o tagata ma leo na alalaga ai; na
toe faalogoina foi le alaga ina ia avatua nisi tagata e faaumatia; na
toe vaaia foi fata uli na faatutū mo le faataunuuina o faasalaga; ma
sa faai’uina foi taualumaga o lea aso i ni faasalaga mata’utia. O le
tupu o Farani i lea vaitaimi o Lui le Sefuluono. Ua toso-faatātā atu
nei o ia e fitafita i le mea o i ai le fata e faaoo ai lana sala; ua faapena
ona loka ai o lona ulu ma ona lima ma vae ina ia le mafai ona gaioi,
[194] ae pa’u mai i lona ua le mata o le kilotini ma vavae’esea ai lona ao,
ma ua taavalevale ai faapena lona ulu i luga o le fata. (Wylie, b. 13,
ch. 21.) Ma e lē na o le tupu na vavae’esea lona ao i lea faalavelave;
e lua afe valu selau isi tagata na faapena ona maliliu ai i le kilotini i
aso mata’utia o le Pule’aga a le Oti.
Na tuuina atu i tagata e le galuega o le Toe Fuata’iga le Tusi Paia
ua tatala, ua faamanino atu ai upu o le tulafono a le Atua, ma faailoa
atu ai le finagalo o le Atua mo tagata. O le alofa lē uma o le Atua
na Ia faaalia ai i tagata faavae ma tulafono o le lagi. Na fetalai mai
le Atua, “O lenei ia outou tausisi i ai; ma ia outou faia, auā o le mea
lea tou te popoto ai, ma atamamai ai i luma o nuu e faalogologo i
nei tulafono uma; ona faapea ane lea, E moni lava o le nuu popoto
ma le atamamai lenei nuu mamalu”. Teuteronome 4:6. Na lūlūina e
Farani fatu o le faatafunaga ma olaga lē taupulea ina ua teena e ia
le meaalofa a le lagi; ma o fua lē ma’alofia na tutupu mai ai, o le
Fouvalega Tele lea i Farani, atoa ma le Pule’aga Mata’utia.
Ua leva ona tuua Farani e Farela a’o lei tāitai ona faia o sauaga
na tutupu ona o le faitioga o le misisā. Na alu o ia i Suiselani, ma
o lana galuega i inā na faaluaina ai le galuega a Suigeli, ma fesoasoani ai i le taliaina e lea atunuu o le galuega o le Toe Fuata’iga. O
le vaega mulimuli o le olaga o Farela na galue ai o ia i Suiselani.
Peitai sa i ai lava sona leo i le galuega o le faafouga i Farani. Na
Galuega O Le Toe Fuata’iga I Farani
233
faapitoa ana galuega i ona ulua’i tausaga i Suiselani, i le sa’ilia o ni
auala e faasalalauina ai le talalelei i lona atunuu moni i Farani. E
tele se taimi na faaalu e ia i le folafolaina atu o le talalelei i tagata o
lona atunuu na nonofo i le tua’oi ma Suiselani. O inā na ia galue ma
mātauina ai taualumaga o le finauga tele, ma o inā sa ia fesoasoani
ai i soo o le talalelei, e ala i ana upu apoapoa’i ma ana fautuaga. Na
latou galulue faatasi ma isi tagata Farani na sosola atu i Suiselani,
ma mafai ai ona faaliliuina i le gagana Farani tusitusiga a ta’ita’i
Siamani o le galuega o le Toe Fuata’iga. E faitau afe ni kopi o nei
faaliliuga sa lomia, faatasi ai ma le Tusi Paia Farani. O ē faatautusi
na latou faatau atua nei tusi i soo se itu o Farani. O se tau taugofie
na maua ai nei tusi e le au faatautusi; ma sa faapea ona maua o se
tupe e ola ai i latou, ma mafai ai foi ona faaauauina o lenei galuega.
Na galue faa-faiaoga Farela i le amataga o lana galuega i Suiselani. O se nuu faalēamana’ia na amata ai lona a’oa’oina o tamaiti. Na
lē gata i mata’upu o le a’oga e pei ona masani ai, ae sa a’oa’oina foi
e Farela upu moni o le Tusi Paia ma lona faamoemoe, o nei tamaiti
o le a matala atu ai le faitoto’a i o latou mātua. Na i ai nisi na talitonu. Peitai na laulaututū a’e foi patele latou te taofia lenei galuega.
Ua latou faaitaina loto o tagata ma faapena ona tetee ai tagata i le
galuega a Farela. Fai mai upu a nei patele, “E lē o le talalelei lenei
a Keriso, auā o le faia o ia aoaoga ua lē tupu mai ai le filemu, a’o
taua”. (Wylie, b. 14, ch. 3.) Afai ua sauāina i lea aai, ona sola lea i
se isi aai. Na faapena ona faia o le galuega a Farela, e pei lava ona [195]
faia e soo o Keriso. Na ia sopo atu mai lea nuu i lea nuu, o lea aai
i lea aai; na lagona lona fia’ai, ma lona maalili, ma lona vāivai, ma
sa lamatia lona ola i soo se mea na alu i ai. Na ia lauga i mea sa fai
ai fefaataua’iga, na ia lauga foi i falesa, o nisi foi o taimi na ia lauga
mai ai i pulelaa o malumalu tetele. Na i ai taimi na alu atu ai o ia i le
falesa mo sana lauga, ae aunoa ma se isi na sau e faalogologo; o nisi
o taimi na fe’ei atu ai tagata ma faalavelave a’o fai sana lauga; na toe
faamalosia foi le ave’esea o ia mai le pulelaa. E faalua ona pu’eina
o ia e le motu o tagata ē taupulea ma fasi o ia se’i tai oti ai. Ae ui
i nei mea uma, sa ia savali punoua’i. E ui lava ina teena soo o ia e
tagata, sa lē taofia ai lona ma’elegā i le faia o le taua lelei; ma e tele
ni nuu ma ni aai sa fai ma ’olo malolosi o le pulega faapope, a ua
talaia mai nei o latou faitoto’a i le talalelei. Na talia le talalelei e le
ulua’i nuu na ia galue ai. Na faapea foi ona faia e le aai o Morata ma
234
O Le Finauga Tele
le aai o Niusate ina ua latou fulitua i sauniga faaRoma ma ua latou
ave’esea ai faatusa mai o latou falesa.
Ua leva ona i ai le faanaunauga o Farela ina ia faatū le fu’a a
tagata Porotesano i Sineva, le laumua o Suiselani. Afai e manumalo
le talalelei i lea aai, o le a avea Sineva ma laumua o le galuega o le
Toe Fuata’iga i Farani, ma Suiselani, ma Italia. Na i ona luma pea
lea sini a’o ia galue, se’ia oo ina ua talia le talalelei e le tele o nuu
laiti na latou si’osi’omia Sineva. Ona la ulufale atu loa lea ma sana
uō i le aai o Sineva. Peitai na o le lua ni lauga na faatagaina ia te ia.
Na lē faamanuiaina taumafaiga a patele ina ia pu’e ma saisaitia o ia
e leoleo a le malo. Ua latou amia loa o ia ina ia alu atu i luma o se
fono a le ekalesia. Na latou o mai i lea fono ma ni fana ua nanā mai
totonu o o latou ofu patele, ina ia faauma ai lona ola. O fafo o le fale
ua potopoto ai nei se motu o tagata e tusa ai ma le fuafuaga a patele,
ua latou o mai ma uatogi ma pelu, ina ia sauni ai e fasioti ia Farela
pe afai ae sola o ia ma le fono a patele. Peitai na sao o ia ona sa i ai
i le fono ni alii faamasino faapea ma ni fitafita a le malo. O le taeao
pō o le aso na sosoo ai na ave ai i la’ua ma lana uō i le isi itu o le
vaituloto, i se nofoaga la te saogalemu ai. O le mea lena na i’u i ai
lana ulua’i taumafaiga ina ia avatua le talalelei i Sineva.
Na filifilia e le Atua se mea faigaluega faatauvaa mo le
taamilosaga lona lua, i le avatua o le talalelei i Sineva. O lea mea
faigaluega o se talavou e igoa ia Fomeni. O le faatauvaa tele o lenei
talavou na oo ai lava i uō o le talalelei latou te lei amana’iaina o ia. O
le a se mea e mafai e se tagata faapenei pe afai ua teena Farela e lea
aai? E mafai faapefea e se tasi e lē lava sona iloa po o sona lototele
ona faafetaia’ia le afā ua sosola ese ai toa ma ē malolosi? “E le o
le fitafita, e le o le malosi, a’o Lo’u Agaga, ua fetalai mai ai Ieova
o ’au.” Sakaria 4:6. “Ua filifilia e le Atua mea vaivai a le lalolagi
e faamāina ai mea malolosi” “Auā o le valea o le Atua e sili lona
poto i tagata; o le vāivai foi o le Atua e sili lona malosi i tagata.” 1
[196] Korinito 1:27,25.
Na galue faa-faiaoga Fomeni i le amataga o lana galuega. O upu
moni na ia a’oa’oina i tamaiti, na latou ō ma ta’u i o latou mātua. Sa
lē umi ae vaaia ua o mai foi mātua e faalogologo a’o faamatalaina e
Fomeni le Tusi Paia, sei oo ina ua tumu le potu a’oga i ē fia faalogologo. Na tufa fua i ai e Fomeni Feagaiga Fou atoa ma pepa faasalalau,
ma e toatele na fefefe e o mai i le fale a’oga e faalogologo ai, ae na
Galuega O Le Toe Fuata’iga I Farani
235
latou faitauina nei tusi ma pepa. Ua mavae se taimi ona taofia foi lea
o le galuega a Fomeni ma sa faamalosia ai foi lona sola ese ma le
nuu. Peitai na mautū i mafaufau o tagata upu moni na ia a’oa’oina.
Ua totōina nei le fatu o le galuega o le Toe Fuata’iga, ma sa tuputupu
a’e pea ma faaopoopoina le malosi o lea galuega. Na i’u ina toe foi
mai le au failauga o le talalelei i Sineva, ma sa avea la latou galuega
ma ala na faatūina ai tapua’iga faaPorotesano i totonu o lea aai.
E ulufale Kalavini i Sineva ua talia e lea aai le galuega o le Toe
Fuata’iga. Sa alu sana toe asiasiga i le nuu na ia fanau ai. Ua taliu
mai nei lana malaga ma ua faatu aga’i i le aai o Pasele. Peitai na
tapunia le ala puupuu i Pasele ona o vaega’au a Salesa le Lima. O le
mea lea na ia malaga mai ai i le ala umi, e ui mai i talane o Sineva.
Na iloa e Farela o le ta’ita’iga a le Atua ua ui mai ai le malaga
a Kalavini i Sineva. E ui lava ua talia e Sineva le fe’au o le Toe
Fuata’iga, e tele se galuega o totoe e ao ona faataunuuina i lea aai.
O le liuga e lē o se mea e fai to’atele e se aai po o se nuu, a’o le mea
e fai e tagata ta’itoatasi; o le galuega o le toe fuata’iga e ao ona faia
i le loto ma le mafaufau; o le galuega lea a le Agaga Paia ae lē faia
e poloa’iga po o fono a le ekalesia. Ua lafo’esea e Sineva le pule a
Roma; peitai latou te le’i sauni e lafo’esea amioletonu e tele na faia
i lalo ifo o lana pule. E le o se galuega faigofie le faatūina i lenei aai
o faavae o le talalelei, e lē o se mea faigofie foi le sauniunia o lenei
aai mo le galuega ua valaauina i ai i latou e le lagi.
E le’i masalosalo Farela ua na maua ia Kalavini se tasi la te galulue faatasi i lenei galuega. Na ia ole ma faatauanau atu i le faife’au
talavou, i le suafa o le Atua, ina ia nofo la te galulue i Sineva. Na
faate’ia Kalavini i lenei mea. O ia o se tagata filemu ma le matamuli,
ma sa faaletonu lona mafaufau ona o lona manatu i uiga lē popoi ma
le lē taupulea o tagata Sineva. Na i ai lona mana’o e fia mālōlō mai
le galuega folafola ona o lona soifua maloloina faatasi ai ma le fia
faaauauina o ana su’esu’ega. Na i ai lona manatu o lana sao aupito
sili mo le galuega o le Toe Fuata’iga e ala lea i ana tusitusiga. O
lea na ia naunau ai ina ia maua se nofoaga filemu e lelei mo ana
su’esu’ega. O inā na ia manatu na te a’oa’o atu ai i tagata ma atina’e
ai aulotu eseese e ala i ana tusitusiga. Peitai o le leo o fautuaga a
Farela na ia faalogoina ai le valaau mai le lagi. Na faigata ona ia
sola ese mai lea valaau. Fai mai lana tala, e peisea’i ua aapa mai le
aao o le Atua mai le lagi, ua ’u’u ia te ia, ma taofi ai o ia i le aai na
236
O Le Finauga Tele
ia fia sola ese ai. (D’Aubigne, History of the Reformation in Europe
[197] in the Time of Calvin, b. 9, ch. 17.)
E tele ni faigata ma ni faafitauli na si’omia ai le galuega a le
au Porotesano i lea vaitaimi. Na oo atu i ai poloa’iga a le pope e
faasā ai ona toe faia o ni a latou sauniga, ma faate’a ai i latou mai
le ekalesia. Na folafola atu foi ia Sineva lona faaumatiaga e ui mai
i ni malo malolosi. E mafai faapefea e lenei aai laitiiti ona tetee i le
malosi o le pule’aga faapope, le pule’aga e fefefe ma usitai uma i ai
tupu ma ao o malo? E faapefea ona tu atu lenei aai e tetee i vaega’au
a toa malolosi o le lalolagi?
E tele ni fili malolosi i totonu o atunuu Kerisiano na lamatia ai le
galuega o le Toe Fuata’iga. Ua mavae atu nei ni ulua’i manumalo o
le galuega o le Toe Fuata’iga; ma ua tonu loa ia Roma o le a faaaogā
ni auupega fou auā le faaumatiaga o lea galuega. O le taimi tonu lea
na faatūina ai e le pule’aga faapope le vasega na ta’ua o le itu’aiga o
Iesueti, o se itu’aiga aupito sili ona sauā, o se itu’aiga e pito sili ona lē
alolofa, o se itu’aiga na pito sili ona malolosi i toa uma a le pule’aga
faapope. O i latou o ni tagata ua vavae’esea mai o latou aiga; ua latou
le toe lagona se alofa faale’aiga po o se alofa faaletagata; ua latou le
toe lagona se leo o se loto fuatiaifo, pe fia faalogo foi i se fautuaga
lelei; latou te lē faalogo foi i se tulafono sei vagana lava tulafono o la
latou itu’aiga; e leai ni a latou uo po o ni aiga ua na o la latou itu’aiga
lava; na o le tasi lava la latou galuega - o le faalauteleina lea o lo
latou malosi. O le talalelei ua maua ai e soo o Keriso le onosa’i ma
le malosi latou te fetaia’i ai ma tiga ma puapuaga atoa ma mea e ono
lamatia ai o latou ola; ua mafai ai foi ona latou fetaia’i ma tofotofoga
ma le lē maluelue i le mativa, po o le fia’ai, po o faasalaga, po o le
mālūlū; ua mafai ai foi ona latou tau’aveina le fu’a o le upu moni e
aunoa ma se fefe i sauaga po o le oti. Na a’oa’oina le itu’aiga o Iesueti
ina ia latou iloa fetaia’i ma osofa’ia le au Kerisiano. Na a’oa’oina i
latou ia ola i se olaga soonafai ma le lē faatataulelei, ina ia mafai
ai ona latou lavā tetee tiga e pei ona mafaia e le au Kerisiano, ina
ia mafai ai foi ona latou tetee i le mana o le upu moni e ala i lo
latou faaaogāina o le auupega o le pepelo ma le taufaasese. E leai
se amioleaga na latou alo ese ai; e leai se mea taufaasese na latou lē
faia, e le’i faigata foi ia i latou ona suia o o latou foliga ma o latou
la’ei ina ia faataunuuina ai sa latou fuafuaga. Ua latou tautō latou te
ola i se olaga faatauvaa ma le matitiva. Peitai o le taula’iga o a latou
Galuega O Le Toe Fuata’iga I Farani
237
faagaioiga-uma o le faalauteleina lea o lo latou malosi ma lo latou
tamao’aiga, atoa ma le lafotūina o le galuega a tagata Porotesano,
ma le toe faafo’iina o le pule’aga faapope i lona malosi’aga tuai.
O la latou toniga masani e faailoa i luma o tagata o ni ofu e pei
o la’ei o patele, o ni ofu talaloa e pei o ofu o ni tagata paia. Na
faapena ona latou la’ei pe a latou ō e asiasi i falepuipui ma falema’i,
po o le fesoasoani foi i tagata mama’i ma ē matitiva. Na faapena ona
latou faia o galuega lelei ma latou tau’aveina le suafa paia o Iesu,
ma latou fai mai ua latou fulitua i le lalolagi. Peitai o totonu o nei [198]
foliga paia ma le matagofie, na masani ona faalafi ai le pogai moni
o la latou galuega, se pogai oona ma le mata’utia. Fai mai se tasi o a
latou tulafono autū, “O le i’uga o se taumafaiga e ta’uamiotonuina
ai le auupega”. O lona uiga, o pepelo, o le gaoi, molimau pepelo,
fasioti tagata, o nei mea uma e ao ona faaaogaina, e faamagaloina
foi pe afai e faataunuuina ai le mana’o o le ekalesia. Na suia o latou
la’ei ma faapena ona maua ai a latou galuega i totonu o matagaluega
eseese o le malo; o nisi foi ua oo i tofi maualuluga e pei o faufautua
i le tupu, ma ua malosi ai lo latou leo i totonu o faigamalo a atunuu
ese’ese. O nisi o i latou na galulue o ni auauna a tagata maualuluga
ina ia mafai ai ona latou sipai i faagaioiga a o latou matai. O nisi na
latou faatutūina ni kolisi mo le a’oa’oina o alo o tama-aiga ma alii
tāua, atoa ma ni a’oga mo le lautele o tagata. Na faapena ona aafia
ai fanau a tagata Porotesano i ni aoaoga na ta’ita’ia atu ai i latou ina
ia savavali i sauniga faapope. O tulaga masani o tapua’iga faapope,
i lo latou felanulanua’i ma le fe’ilafi o lo latou matagofie, o ia tulaga
uma na faaaogā ina ia ofo ma fenumia’i ai le mafaufau o le fanau. Na
faapena ona faalataina e le fanau le sa’olotoga na afu-toto ai o latou
mātua. E le’i umi ae salalau atu i Europa atoa le itu’aiga o Iesueti,
ma o vaega uma o Europa na latou ō i ai, na faapena ona faafouina
ai le malosi o le pule’aga faapope.
Na maua se faaopoopoga tele o le malosi o le itu’aiga o Iesueti
ina ua faia se poloa’iga faapitoa a le pope e faatūina ai se faamasinoga faapitoa na faaigoaina o le Inikuisisi. Na gugulu ma lē
fiafia le to’atele o tagata i le Inikuisisi, e oo lava i atunuu Katoliko.
Peitai e le’i taofia ai le toe faatūina o lenei faamasinoga mata’utia
e ta’ita’i pope, ma sa toe faia ai foi i totonu o ona ana faalilolilo le
tele o sauaga mata’utia e lē mafai e le malamalama ona tepa i ai.
E afe ma afe na fasiotia ai i totonu o atunuu eseese. O le toatele o
238
O Le Finauga Tele
nei tagata o le malosi o le atunuu, o ē sili lo latou amiolelei, o ē sili
ona popoto ma a’oa’oina lelei, o faife’au faamaoni ma le amioatua,
o tagata lotonuu ma le galulue malosi, o fāi’ai aupito ma’ai ia o le
atunuu, faapea ma tagata agavaa ma le talenia i soo se matātā. O
lima o le Inikuisisi na i’u uma ai o latou ola; a’o nisi na sosola i isi
atunuu.
O auupega ia na faaaogaina e Roma e tape ai le sulu o le galuega
o le Toe Fuata’iga, ma ave’esea ai le Tusi Paia mai tagata, ma toe
faafo’i mai ai talitonuga faanuupo atoa ma le valea o Augatupulaga
o le Pogisa. Peitai e le’i pa’ū ai le galuega o le Toe Fuata’iga talu ai
le ta’ita’iga a le Atua, atoa ma le galuega a i latou o ē na faatutO a’e
e le Atua e faaauauina le galuega a Luteru. O le malosi o lea galuega
e le’i maua i ni auupega po o ni vaega’au a tupu ma tamalii, po o so
latou agalelei foi. O atunuu aupito laiti, o atunuu aupito faatauvaa
ma le vaivai, o atunuu ia na avea o ’olo malolosi o le galuega. O
Sineva faatauvaa i le taimi na fuafuaina ai lona faatafunaga e ni fili
[199] malolosi; o Holani i talane o le sami i mātū a’o tauivi lea atunuu ma
le malo tele, le malo sauā, le malo tamao’aiga o Sepania; o Suetena
mālūlū ma le lē ola ai o se mea, o atunuu ia na maua ai le manumalo
mo le galuega o le Toe Fuata’iga.
Toetoe lava atoa le 30 tausaga o galue Kalavini i le aai o Sineva
ina ia faataunuuina ai ni sini se lua. Muamua, ia faatūina se ekalesia e savavali i le amiotonu a le Tusi Paia; lona lua, ia faalauteleina
ma atina’e le galuega o le Toe Fuata’iga i itu eseese o Europa. E le’i
aunoa ma se sala Kalavini i lana galuega faa’evagelia; e le’i aunoa foi
ma se sese ana aoaoga na fai. Peitai na avea o ia o se mea faigaluega
na te faasalalauina upu moni na tāua ma uigā mo lena vaitaimi. O
upu moni ia na malosi ai le galuega a tagata Porotesano, a’o latou
feagai ma le fafati mai o galu o le malosi faafouina o le pule’aga
faapope. O lana galuega foi na faamalosia ai se olaga usitai i totonu o aulotu Porotesano, se olaga mamā ma le faigofie, e sui ai le
faamaualuga ma amioga lē tonu na faamalosia i lalo ifo o aoaoga a
Roma.
O Sineva na salalau atu ai faia’oga atoa ma tusitusiga na
faalauteleina ai le galuega o le Toe Fuata’iga. O i latou uma na
sauāina i atunuu eseese, o Sineva na taula’i i ai la latou vaai mo
faatonuga, mo fautuaga, ma faamalosiga. O inei, i le aai a Kalavini
na avea ma lafitaga mo i latou uma o ē na tuliloaina ona o le upu
Galuega O Le Toe Fuata’iga I Farani
239
moni i atunuu uma o Europa i Sisifo. Na latou sosola mai i Sineva
latou te sao ai mai le afā o sauaga na agi mo le tele o senituri i totonu o Europa. Na latou o mai ua fia’aai, ua lavevea, ua leai ni o latou
aiga; na talileleia i latou ma tausia lelei i Sineva. O inei na maua ai
so latou nofoaga fou, ma ua faamanuiaina ai lenei aai ona o agavaa
ma taleni, o le poto atoa ma le amioatua na latou aumaia. E toatele
nisi o nei tagata na latou toe foi i o latou atunuu ma latou tetee ai i
le pule sauā a Roma. Na faapena Ioane Nokise le failauga le fefe o
le galuega o le Toe Fuata’iga mai le atunuu o Sikotilani; na faapea
foi nisi o Porotesano mai Egelani; ma Porotesano mai Holani ma
Sepania; atoa ma tagata Iukenote mai Farani. Na tuua Sineva e nei
tagata uma, ma ua latou malaga ese atu ua latou tau’aveina le sulu
o le upu moni e faamalamalamaina ai le pogisa o atunuu na latou
[200]
fananau ai.
Mataupu 13—O Holani Ma Sikane-Tineivia
Na avea Holani o se tasi o ulua’i atunuu na tetee i le pule sauā a
le pope. Na tetee i le tupusā o Roma ni epikopo se to’alua i totonu
o i Holani i le 700 o tausaga a’o lumana’i ai le fanau mai o Luteru.
Na auina nei epikopo e to’alua o ni sui faapitoa i Roma. Peitai o
Roma na lā vā’ai manino ai i le uiga tonu o le tagata ua ta’ua o le
tupusā. Na saunia e le Atua mea lelei e faavavau mo Lana ekalesia,
le faato’ānofotane; o nei sauniuniga o ni mea e lē mamae, e lē paia,
ma ua avatu ia te ia se tootoo ma se palealii e faavavau. Peitai ua
faasalavei ane e pei o se gaoi isi mea ua e tamao’aiga ai. Ua e faatūina
lou nofoalii i le malumalu o le Atua; ua le o oe o se leoleo mamoe, a
ua avea oe o se luko i le lafu mamoe; e te mana’o matou te talitonu
uma atu o oe o se epikopo alofa ma le agalelei, peitai ua e tula’i mai
o se ta’ita’i sauā. E ao ona avea oe o se auauna i isi auauna, e pei
ona e tautala mai ai, peitai ua e tausili ia avea oe o le alii o alii. Ua
e lafoa’ia tulafono a le Atua. O le Agaga Paia Na te atina’e ekalesia
uma i le lalolagi. E oo i tulu’iga uma o le lagi le aai o lo tatou Atua,
ma o matou uma o tagata-nuu o lea aai, le aai e sili atu i lo le aai na
faaigoaina o Papelonia e le au perofeta. O Papelonia lea ua fai mai
o ia o le atua, ma siitia a’e i le lagi o ia e ia lava, ma ua faamaualuga
ma fai mai o lona poto e oo i le faavavau, fai mai na te le’i faia se
agasala, ma e le mafai foi ona sese o ia i se mea. (Gerard Brandt,
History of the Reformation in and About the Low Countries, b. 1,
p. 6.)
Na tutū a’e nisi i lea senituri ma lea senituri latou te faaauauina
lenei tetee. Peita’i o mua’au o lea galuega o ni faia’oga na femalaga’i
mai lea atunuu i lea atunuu ma latou folafolaina ai le talalelei, sei oo
ina ua latou taunuu i Sikane-tineivia. E eseese igoa na faaigoa ai i
latou i atunuu eseese na latou o i ai; peitai na iloa e le to’atele i latou
o ni misionare Vōtuā. Na vave le salalau atu o a latou aoaoga. Na
latou faaliliuina le Tusi Paia a tagata Ualetenese i le gagana Holani.
Fai mai ia latou tala, “E tele se aogā ua maua mai ai - e leai ni tala
faaulaula o i ai, leai ni tala faafagogo, leai ni mea taufaasese po o
240
O Holani Ma Sikane-Tineivia
241
ni tala lē aogā o i ai, ua na o le upu moni lava. Atonu o lo o i ai
ni mata’upu e faigata ona malamalama i ai; peitai o lona fe’au tu- [201]
totonu e suamalie i lona lelei ma lona pa’ia, ma e faigofie foi ona
malamalama i ai. (Ibid., b. 1, ch. 14.) O upu ia a le au Kerisiano i
lona 12 o senituri.
O le vaitaimi lea na amata ai sauaga a le ekalesia Roma. Peitai
e ui lava O le tiga o sauaga atoa ma le afi, na faatupula’ia pea le
aofa’iga o le au faatuatua. Na latou tūtūinau i le Tusi Paia ona sa
latou talitonu ua na o lea le ta’iala lē sese i mea tau lotu. Na latou
talitonu foi e lē o se mea sa’o le soona faamalosia o se tasi ina ia
talitonu i le upu moni; e ao ona faia le filifiliga a le tagata ina ua
faalogo i le folafolaina o le afioga a le Atua, (Martyn, vol. 2, p. 87.)
O le ola lelei o aoaoga a Luteru i le eleele o Holani na mafai
ai ona laulaututū a’e nisi faamaoni latou te folafolaina le talalelei.
Na faapena ona tula’i mai o Mino Simona mai se tasi o itumalo o
Holani. Na a’oga Mino i a’oga a le pope ma sa faau’u foi o ia e avea
o se patele; peitai na te le’i iloa le Tusi Paia, ma sa musu foi o ia
e faitau i le Tusi Paia ne’i pa’O atu ai o ia i aoaoga sese. Na i ai
se aoaoga a le pope faapea a faamanuiaina le areto ma le uaina i
le faamanatuga, ona suia ai lea o le areto ma le uaina e avea o le
tino ma le toto moni o Keriso. Na oo ifo ia Mino lona masalosalo
i se tasi aso i lenei aoaoga; peitai na faapea o ia o se faaosoosoga
a Satani lenei manatu, ma sa ia taumafai ina ia faasa’olotoina o ia
mai lenei faaosoosoga e ala i le tatalo, atoa ma le kofesio. Peitai
e lei te’a ese ai lenei masalosalo i lona loto. Ua alu atu nei o ia e
faata’ita’i nisi o tu’inanauga o le tino ina ia faafilemu ai le leo o
lona loto fuatiaifo; peitai na i’uvale ia taumafaiga. Ua mavae sina
taimi ona ta’ita’ia lea o ia i le su’esu’eina o le Feagaiga Fou. O ia
su’esu’ega, faatasi ai ma lona faitauina o tusitusiga a Luteru, o mea
ia na faapogai ai lona taliaina o le talitonuga a tagata Porotesano. E
le’i mavae se taimi umi ae molimauina e Mino le vavae’esea o le ulu
o se tagata ona ua papatisoina faalua o ia. Na avea lea faasalaga ma
mea na alu ai Mino ua su’esu’e faalelei i le aoaoga a le Tusi Paia e
uiga i le papatisoga o pepe. E leai ma se molimau a le Tusi Paia e
faamaonia ai le papatisoina o pepe; fai mai le aoaoga a le Tusi Paia e
ao ona salamō muamua le tagata ma faatuatua ia Keriso ona faato’a
papatiso ai lea.
242
O Le Finauga Tele
Ua tuua loa e Mino le ekalesia Katoliko Roma ae tuuina atu lona
ola e tala’ia ai upu moni ua ia talia nei. Na sasao a’e i Siamani faapea
ma Holani ni aoaoga sese a ni tagata o ē na ola soonafai, tagata na
latou faia ni aoaoga e tetee ai i le malo, ni aoaoga e tetee ai i soo
se tulafono, e aofia ai ma tulafono o le tausia o le filemu ma le nofo
lelei o tagata, ma ua sosoo ai ma lo latou faia o ni taupulepulega o
ni mea leaga ma se fouvalega. Na iloa e Mino i’uga mata’utia e ono
oo i ai aoaoga ma taupulepulega a nei tagata faapea, ma sa tu malosi
o ia e tetee i nei -aoaoga pi’opi’o. Na to’atele nisi na faasesēina i nei
aoaoga a ua latou liliu’ese ai nei; na to’atele foi nisi na i ai o fanau o
[202] fanau a ulua’i Kerisiano - o fua o le galuega a tagata Ualetenese. O
i latou ia na galulue ma le ma’elegā i ai Mino, ma sa faamanuiaina
tele lana galuega.
E 25 tausaga o femalaga’i Mino ma lona to’alua ma le fanau i le
atunuu o Holani, atoa ma Siamani i mātū. E tele faigata ma faafitauli
na faafetaia’i ma ia a’o ia galue i le tele o taimi mo tagata matitiva
ma ē faatauvaa. O Mino o se tagata e agavaa i le tautala e ui lava e
le’i tele sana a’oa’oga; o se tagata e rnautū lona faamaoni; o se tagata
agamalu ma le lē gaoiā; o se tagata amioatua faamaoni; o se tagata na
savali i mea uma na ia a’oa’oina; ma o se tasi na talitonuina e tagata.
Na sauāina ma faata’ape’apeina ona soo. E tele mea na latou tigaina
ai ona ua fenumia’i i latou ma soo o Musa i mafaufau o tagata. O
Musa ma ona soo o ni tagata na tetee i le malo ma tetee i tulafono
uma. Ae ui i nei faafitauli uma, e to’atele na liua ona o le galuega a
Mino.
Na sili ona talileleia o le talalelei i Holani nai lo isi atunuu uma.
Peitai o se tasi lenei o atunuu na aupito malosi ai le sauaga o soo o le
talalelei. Na faasāina e Salesa le Lima le galuega o le Toe Fuata’iga i
Siamani, ma semanū e susunuolaina uma e Salesa soo o le talalelei
i Siamani pe ana lē tutū a’e alii sili Kerisiano e tetee i lana pule
faasauā. Peitai e le’i i ai se isi na faalavelave i lana pule i Holani, ma
sa faasoso’o le saputu mai o poloa’iga e sauāina ai le fanau a le Atua
i totonu o Holani. O le faitauina po o le folafolaina foi o le Tusi Paia,
o le faalogologo o laugaina le Tusi Paia po o le talanoa foi e uiga i
aoaoga o le Tusi Paia, o le faasalaga o soo se tasi o ia mea uma o
le susunuolaina i le afi. O le afi foi le i’uga o le tatalo faalilolilo i le
Atua, po o le usuina o se salamo, po o le tetee foi i le ifo i faatusa.
E oo lava i tagata na salamō ma liliu’ese mai le tala’iga fou, na faia
O Holani Ma Sikane-Tineivia
243
uma lava o latou faasalaga - afai o tane, na oti i latou i le pelu; afai
o fafine, na tanuolaina i latou. E afe ma afe na faalava’au faapea i le
nofoa’iga a Salesa atoa ma le pule’aga a Filipo le Lua.
Na aumaia i luma o le Inikuisisi se aiga atoa, ua molia talu ai lo
latou le ō i le misisā a ua latou tapua’i i totonu o lo latou fale. Fai
mai le tali a le ui’i o lea aiga i le su’esu’ega a le Inikuisisi, “Matou te
tootutuli ma tatalo i le Atua ina ia faamalamalamaina o matou loto
ma faamagaloina a matou agasala; matou te talosia lo tatou tupu ina
ia manuia lana nofoa’iga ma ia soifua fiafia o ia; matou te talosia foi
o tatou alii faamasino ina ia leoleoina i latou e le Atua”. (Wylie, b.
18, ch. 6.) Na ootia loto o nisi o le aufaamasino o le Inikuisisi; peitai
na i’u le faamasinoga i le susunuolaina o le tamā faatasi ma se tasi
o ona atalii.
Na fai o le aasa o sauaga, ae na faapea foi le malosi o le faatuatua
o ē na sauāina. Na latou lototetele ma le faamaoni - o tane ma fafine
atoa ma teine. “A’o tigaina i le afi le tamā o le aiga, sa le fefe le tinā
e alu atu ma tu i autafa o le fata ma musumusu atu ni upu faalototele
i le tamā, po o le usuina foi o se salamo e faafiafiaina ai o ia i lona
toe itula.” “Na faapena foi talavou teine i le taimi na tanuolaina ai
i latou. Na latou o ifo ma taatitia i o latou tuugamau e pei lava o lo [203]
o sauni e mālōlō i le po; a lē o lea ua latou savavali atu i le fata e
susunuolaina ai i latou, ua oofu i o latou la’ei aupito sili, pei lava ua
sauni atu i latou mo a latou faaipoipoga.” (Ibid., b. 18, ch. 6.)
A’o sauāina e tupu faapaupau le au Kerisiano ma latou taumafai
ai ina ia faaumatia le talalelei, na avea le toto o le au Kerisiano
o le fatu na pa’ū i le ele’ele ae na toe tatupu a’e. Na faapena foi
i le vaitaimi o sauaga i lalo ifo o tupu Kerisiano ma le pule’aga
faapope. (Tertullian, Apology, para. 50.) Na avea sauaga ma mea na
faatupula’ia atili ai le fuainumera o ē na molimau mo le upu moni.
Na atili ai le to’atama’i o le tupu ona e mavae atu lea tausaga ma
lea tausaga o sauaga, ae lē maluelue lava le tūtūmau faamaoni o nei
tagata, ma sa lilivau atili ai o ia i le faiga o lana galuega mata’utia
ma le sauā. Peitai na i’uvale ana taumafaiga. Na i’u lava ina aumaia i
Holani le sa’olotoga i mea tau lotu ona o le Fouvalega Tele na taita’ia
e Viliamu, o se alii tāua o le setete o Oragi.
Na iloagofie mea na uluola ai le talalelei ona o le toto o le au
Kerisiano; na faapena i luga o mauga i Italia, na faapena i fanua laugatasi i Farani, atoa ma nuu tūmatāfaga i Holani. Peitai na ofi filemu
244
O Le Finauga Tele
atu le talalelei i atunuu o Europa i Mātū. O ni tama na a’o’oga i le Iunivesete o Vitenipeki i Siamani, o i latou ia na latou foi i o latou aiga
ma faapena ona latou avatua le talalelei i le atunuu o Sikane-tineivia.
Na avea foi le lomiga o tusitusiga a Luteru o se auala na faasalalauina
ai le malamalama. Na faapea ona liliu ese o tagata o lea atunuu mai
faiga amioletonu a Roma, atoa ma ona talitonuga faanuupo ma ana
sauniga felanulanua’i, ae latou talileleia ai upu moni faigofie o le
Tusi Paia, upu moni e maua ai le ola.
O le ta’ita’i o le galuega o le Toe Fuata’iga i le atunuu o Tenimaka
o se tagata na igoa ia Tauseni, o le atalii o se tagata mativa. Na vaaia
le maai o lona mafaufau a’o itiiti o ia, ma sa moomoo o ia i le fia alu
i se a’oga. Peitai e le’i maua e ia lea aoaoga ona o le tulaga mativa
o ona mātua. O le pogai lea na alu ai o ia i se nofoaga o monike e
a’oga ai faapatele. Na oso lē fiafia o lona pule ia te ia ona o lona
olaga mamā, atoa ma lona filigā ma lona faamaoni. O se su’esu’ega
na aliali a’e ai o lo o ia te ia le atamai e ono aogā mo le galuega a
le ekalesia Roma i se aso o i luma. Na tonu ai loa o le a ave o ia e
faaa’oga i se tasi o iunivesete i Siamani po o Holani. Na tuu le faitalia
ia Tauseni e-filifili ai o ia i soo se iunivesete e fia alu i ai; peitai na i
ai le lave e tasi - na faatonuina o ia e aua lava ne’i alu i le Iunivesete
o Vitenipeki. O se faaeteetega lenei mea ne’i lavea le tama a’oga a le
ekalesia pope i le mea oona o aoaoga sese a le tala’iga fou a Luteru.
O le tala lea a le au monike.
Na alu Tauseni i le Iunivesete o Kolone i totonu o le atunuu o
Farani, o se tasi lea o ’olo malosi o le ekalesia Roma. Peitai e le’i
umi ae lagona -lona lē fiafia ona o talitonuga faalēmanuia o tagata o
lea a’oga. O le taimi tonu foi lea na maua ai e ia tusitusiga a Luteru.
[204] Na ia faitau i nei tusi ma lona fiafia tele, ma sa i ai sona moomooga
na te fia oo atu i se vasega e faia’oga ai Luteru. Peitai afai na te faia
lea mea, o lona uiga o le a matuā lē fiafia ai lona pule, ma o le a
ave’esea ai foi lona fesoasoani i le tulaga tau tupe. Ae ui i lea e le’i
umi ae faia loa lana filifiliga, ma sa ia apalai loa ma ua talia o ia e
avea o se tama a’oga i le Iunivesete o Vitenipeki i Siamani.
Na toe alu Tauseni i le nofoaga o monike ina ua toe foi atu o ia
i Tenimaka. E leai ma se isi na masalosalo ua talitonu o ia i aoaoga
a Luteru; ma na te lei faaalia i se isi le mea lilo sa i lona loto. Peitai
na ia taumafai ina ia ta’ita’i lemū ana uō ma ona uso-a-monike i le
talitonuga fou ma se olaga amioatua e aunoa ma le faia o se mea
O Holani Ma Sikane-Tineivia
245
e ono faaitaina ai i latou. Na ia a’oa’oina ia i latou le Tusi Paia ma
faamatalaina le uiga tonu o aoaoga a le Tusi Paia, ma sa ia lauga foi
ia i latou e uiga ia Keriso, ua na o Ia le amiotonu e to’atasi mo le
tagata agasala, ma lona faamoemoe e to’atasi mo le faaolataga. Na
ita na’ua lona pule ona sa i ai lona faamoemoe ina ia avea Tauseni o
se a’oa’o lauiloa mo le ekalesia Roma i se aso o i luma. Sa le pine ae
ave’esea loa o ia i se isi nofoaga o monike, ma o inā sa falepuipuiina
ai o ia i se potu na leoleoina faalelei ai o ia.
Peitai na ofo le pule o lea nofoaga faamonike ona e le’i mavae se
taimi umi ae liua nisi o monike i le talitonuga o tagata Porotesano. O
va o u’amea o le pa na tautala atu ai Tauseni i ona uso-a-monike ma
avatua ai ia i latou le malamalama o le upu moni. Ana popoto nei
patele Tenimaka i faiga masani a le ekalesia i la latou tauiviga ma
tala’iga fou, semanū e le toe faalogo se isi i le leo o Tauseni. Peitai
ua latou lē lafoina o ia i se ana i totonu o se falepuipui, a ua latou
faate’aina o ia ma le nofoaga o monike. Ua leai nei se mea latou te
toe mafaia. Faato’a mavae atu lava foi le faiga o se poloa’iga a le tupu
e avatu ai le puipuiga a le malo i a’oa’o o le tala’iga fou. Na amata
loa lava ona fai tala’iga a Tauseni. Na faatagaina o ia e lauga i falesa,
ma sa lolofi atu le to’atele i lo latou fia faalogo ia te ia. Na faapena
foi le folafolaina o le afioga a le Atua e nisi o ana uō. Na to’atele
foi na latou maua le Feagaiga Fou ua faaliliuina i le gagana a tagata
Tenimaka. Na i’uvale taumafaiga a ta’ita’i pope latou te lafotūina
ai le galuega; ua na o le faalauteleina ai atili o le galuega i a latou
taumafaiga leaga, ma e le’i umi ae faia loa se faasilasilaga aloa’ia a
le atunuu o Tenimaka ua latou talia le talitonuga a tagata Porotesano.
Na faapea foi i le atunuu o Suetena. O fanau a tagata Suetena na
a’o’oga i Vitenipeki i Siamani, o i latou ia na latou avatua le vai o
le ola i lo latou atunuu ina ua toe foi i latou i o latou nuu ma aiga.
Na faapena se auso e toalua e igoa ia Olafi ma Lorenisi, o le fanau
a se tu’i u’amea e igoa ia Peteru i le aai o Orepo. Na avea i la’ua o
nisi o ta’ita’i o le galuega o le Toe Fuata’iga i i totonu o le atunuu o
Suetena. Sa a’o’oga i la’ua i Vitenipeki i vasega a Luteru ma Melanetone, ma sa faapena ona la a’oa’o atu ma le ma’elegā mea uma
na a’oa’oina ai i la’ua i le iunivesete. Na pei Olafi o Luteru i lona
ma’elegā ma lona tinoū, atoa ma lona agavaa i le tautala; o lona uso [205]
o Lorenisi na pei o Melanetone i le ma’ai o lona mafaufau ma lona
faautauta ma lona lē gaoiā. Na tutusa lelei i la’ua i mata’upu tau
246
O Le Finauga Tele
le Tusi Paia; o i la’ua uma foi o ni tagata amioatua faamaoni, o ni
tagata tūtūmau ma le lototetele i le faalauteleina o le upu moni. E le’i
nonofo samasamanoa foi patele ma ta’ita’i pope. Na latou faatupu
faalavelave ma latou faaitaina loto o tagata, o ē na malosi ai talitonuga faanuupo, atoa ma ē le’i a’o’oga. E tele taimi na toetoe ai
lava fasiotia Olafi e le motu o tagata. Peitai na i ai nei ta’ita’i o le
galuega i lalo ifo o le puipuiga a le tupu o Suetena.
Na matitiva ma tigaina tagata i lalo ifo o le pule sauā a le Ekalesia
Roma. Latou te le’i vaai pe faalogo i le Tusi Paia, ma ua latou toe foi
lava i talitonuga faanuupo ma faiga faapaupau a ō latou tua’ā, auā o
le lotu ua a’oa’oina ai i latou e le ekalesia ua na o faatusa ma sauniga
faataunuu mo le vaaiga i fafo, ae le faapupulaina ai le mafaufau. Na
atili ai le matitiva ma le tigaina o tagata ona o taua ma fevaevaea’iga
faifaipea i totonu o le atunuu. O lea na tonu ai i le tupu ina ia i ai se
toe fuata’iga i totonu o le malo faapea ma le ekalesia, ma o le pogai
lea na ia talia fiafia ai ta’ita’i o le tala’iga fou, e avea ma fesoasoani
i le taua ma Roma.
Na tula’i Olafi Peteru i luma o le tupu ma le mamalu eseese o
le atunuu o Suetena na te finau ai mo aoaoga o le galuega o le Toe
Fuata’iga ma tetee atu ai i a’oa’o lauiloa o le ekalesia Roma. Na ia
ta’u atu i luma o le tauaofiaga, tatou te lē talia uputuu a le ekalesia
po o aoaoga a augatamā, se’i vagana ua ō gatasi ia mea ma aoaoga
a le Tusi Paia. Ua faaalia manino mai e le Tusi Paia aoaoga e ao
ona faavae ai lo tatou talitonuga; ua manino ma faigofie ia aoaoga
ina ia malamalama i ai tagata uma. Na fetalai mai Keriso, “O la’u
mataupu e lē sa’u lava, a’o Lana na auina mai a’u”. Ioane 7:16. Ma
ua fai mai Paulo (Kalatia 1:8), afai na te folafolaina se isi talalelei e
ese i lo le fe’au na ia maua mai le Alii, o le a faamalaiaina o ia. Fai
mai le fesili a Olafi, “O le a faapefea la ona nonofo i latou nei ma fai
poloa’iga faalelotu e tusa ai ma o latou loto, ma ua latou fai mai e
lēē maua e se tasi le faaolataga se’i vagana ua ia tausi i ai? (Wylie,
b. 10, ch. 4.) Na ta’u atu foi e Olafi e leai se malosi po o se pule a
poloa’iga a le ekalesia se’i vagana ua o gatasi ma le tulafono a le
Atua. E le gata i lea, na ia faailoa atu foi le faavae autū o talitonuga
faaPorotesano - “o le Tusi Paia, na o le Tusi Paia lava” o le ta’iala
lea o soo se talitonuga ma soo se faagaioiga i totonu o le ekalesia.
O se tauaofiaga a le fono a se atunuu laitiiti na fai ai lenei finauga
i le va o Olafi ma ta’ita’i o le ekalesia Roma. Peitai ua faailoa mai
O Holani Ma Sikane-Tineivia
247
i lenei finauga le “itu’aiga tagata na avea ma soo o le galuega o le
Toe Fuata’iga. E lē o ni tagata valelea i latou ma le lē a’oa’oina; e lē
o ni tagata faatupu vevesi pe faaitu’au, e leai. O i latou o ni tagata
na su’esu’e i le afioga a le Atua, ma sa latou iloa lelei faaaogā le
auupega o le afioga a le Atua. A fāi i le itu tau a’oa’oga, sa motu mamao i luma i latou i la latou augatupulaga. A tatou vaai pumoomoo [206]
na o aai e pei o Vitenipeki ma Suriki, afai foi e gata la tatou vaai i
igoa e pei o Luteru ma Melanetone, po o Suigeli ma Okolamatiu, e
i ai nisi o le a latou fai mai e lē faapena le popoto ma le atamamai,
po o le agavaa ma le talenia ma le amioatua o le lautele o tagata na
mulimuli i le galuega o le Toe Fuata’iga. O le a latou fai mai o uiga
maoa’e ia o ta’ita’i o le galuega, ae lē faapena le toatele o soo o le
talalelei. Peitai a liliu la tatou vaai i atunuu laiti e pei o Suetena, afai
tatou te liliu ese mai ta’ita’i ta’uta’ua ae taula’i la tatou vaai i igoa
faatauvaa e pei o Olafi ma Lorenisi, o le a le mea tatou te vaaia? O
le a tatou vaaia o i la’ua foi o ni tagata atamamai ma le a’oa’oina
lelei, o ni tagata na malamalama lelei i le Tusi Paia, o ni tagata na
la faavasegaina lelei upu moni uma o le talalelei, ma o ni tagata na
manumalo i finauga ma a’oa’o ta’uta’ua ma ta’ita’i Roma”. (Ibid., b.
10, ch. 4.)
O le a le mea na i’u i ai lenei finauga i le va o Olafi ma ta’ita’i
pope i luma o le Fono a le atunuu o Suetena? Ua talia e le tupu o
Suetena le talitonuga o tagata Porotesano, ma e le’i mavae se taimi
umi ae faamaonia loa lea tulaga e le Fono Faitulafono a le atunuu.
Na faaliliuina e Olafi le Feagaiga Fou i le gagana Suetena, ma o le
finagalo o le tupu ua galulue ai loa le auso e to’alua i le faaliliuina
o le Tusi Paia atoa. O le faato’ā maua lea o le afioga a le Atua e
tagata Suetena i la latou gagana. Na faia le poloa’iga a le malo ina ia
faamalamalamaina e le aufailotu le Tusi Paia, ma ia a’oa’o tamaiti e
faitau i le Tusi Paia i totonu o a’oga.
Na faapena ona mou lemū atu le pogisa o le valea ma talitonuga faanuupo ona o le malamalama matagofie o le talalelei. Ua
faasa’olotoina tagata mai le pule sauā a Roma, ma ua faapena ona
oo atu le malo i se malosi ma se tulaga aloa’ia latou te le’i ausia
muamua. Na avea Suetena o se tasi o ’olo malosi o le galuega faaPorotesano. Na faailoa lea malosi ina ua mavae se selau tausaga, i
le taimi tāua ma le uigā o le taua na faaigoaina o le Taua o Tausaga
e Tolusefulu. O se atunuu lenei na manatu faatauvaa i ai le lalolagi.
248
O Le Finauga Tele
Peitai na o le pau lenei o se atunuu na mafai ona sii a’e lona lima e
fesoasoani atu ai ia Siamani i le taimi o le Taua o Tausaga e Tolusefulu. Na foliga mai o le a toe mamulu uma atu Europa atoa i Mātū
i lalo ifo o le pule’aga sauā a Roma. Peitai o vaega’au a Suetena na
mafai ai ona manumalo Siamani ia Roma, ma mafai ai ona faatagaina i Siamani le lotu Porotesano - lotu a Kalavini faapea ma le
lotu a Luteru - ma mafai ai ona toe faafoi le sa’olotoga o mea tau
[207] lotu i atunuu ua latou taliaina le galuega o le Toe Fuata’iga.
Mataupu 14—O Nisi Ta’ita’i O Le Galuega O Le
Toe Fuata’iga I Egelani
A’o folafolaina atu e Luteru aoaoga a le Tusi Paia ua leva ona
tapunia i tagata o Siamani, na una’iina foi Tiniteli e le Agaga o le
Atua ina ia folafolaina atu e ia le Tusi Paia i ona foi tagata i Egelani.
E tele ni sese na maua i le Tusi Paia Latina na faaliliu mai ai e Uikilifi
le Tusi Paia i le gagana Peretania. Na taugata tele tusi o le faaliliuga
a Uikilifi ona o ni kopi na tusilima e le’i lomia i se masini. Na o ē
mauoloa ma alii sili na mafai ona latou maua ni tusi o lea faaliliuga.
Na atili faaitiitia le salalau atu o lenei faaliliuga ona sa faatulafonoina
e le ekalesia lona faasalalauina atu. Na faasalalauina e Eramasi lana
faaliliuga o le Feagaiga Fou i le gagana Eleni ma le gagana Latina i
le tausaga e 1516, tusa o le tausaga atoa a’o lei tuuina atu e Luteru
ana tusitusiga e tetee atu ai i le ekalesia. O le ulua’i lomiga lea ua
lomia ai le Tusi Paia i gagana na ulua’i tusia ai. Na faasa’osa’o i le
faaliliuga a Eramasi le tele o ni sese na i ai i isi ulua’i faaliliuga. Na
sili foi le manino o le faaliliuga a Eramasi nai lo isi ulua’i faaliliuga.
Na maua ai e le to’atele o tagata a’oa’oina se malamalama’aga tonu o
le upu moni, ma maua ai foi se faamalosiga fou mo le galuega o le toe
fuata’iga. Peitai e le’i pa’i le to’atele o le lautele o tagata Peretania
i le afioga a le Atua. Ua tuuina nei ia Tiniteli na te faamae’aina le
galuega a Uikilifi, le galuega o le tuuina atu o le Tusi Paia i tagata o
lona atunuu.
O Tiniteli o se a’oa’o filigā, ,se tagata sa’ili ma le ma’elegā i le
upu moni. Na ia maua le talalelei i lona su’esu’eina o le Feagaiga
Fou na faaliliuina e Eramasi i le gagana Eleni. Na ia lē fefe i lona
laugaina atu o ona talitonuga, atoa ma lona faatonu atu ina ia fai le
Tusi Paia o le fua e fua a’i aoaoga uma. Na i ai se talitonuga faapope
e faapea o le Tusi Paia na tuuina mai e le ekalesia, ma ua na o le
ekalesia foi na te mafai ona faamalamalamaina le Tusi Paia. O le tali
lenei a Tiniteli i lea manatu -faapope: “Tou te iloa o ai na a’oa’oina
aeto e sa’ili i a latou mea’ai? O le Atua lava lena e tasi Na te a’oa’oina
Lana fanau matelaina ina ia latou maua lo latou Tamā e ala i lo latou [208]
249
250
O Le Finauga Tele
sa’ili ia te Ia i totonu o Lana afioga. E leai alii e, tou te le’i tuuina
mai ia i matou le Tusi Paia; o outou na outou natia ia i matou le Tusi
Paia; ua outou susunuolaina i latou o ē na folafolaina aoaoga a le
Tusi Paia; semanū tou te faatafunaina foi le Tusi Paia pe ana o se
mea tou te mafaia.” (D’Aubigne, History of the Sixteenth Century,
b. 18, ch. 4).
Na avea aoaoga a Tiniteli ma mea na fagua ai le fiafia o le to’atele
o tagata, ma e to’atele na latou talia le upu moni. Peitai na mataala
foi patele latou. Ina ua alu ese atu ai Tiniteli, na latou taumafai ai
e lepetia lana galuega e ala i a latou upu taufaamata’u ma a latou
mōliga taufaaleaga. E tele aso na faamanuiaina ai a latou taumafaiga
leaga. Ona ōi ai lea ma fesili ifo Tiniteli: “O le a ea se mea e ao ona
fai? A ou lūlūina le fatu o le upu moni i lenei itu, ua alu atu le fili
ma faaleaogaina le galuega i le la itu faato’ā ou alu ese mai ai. E le
mafai ona ou i ai i itu uma o le galuega i le aso e tasi. Ma’imau pe
ana ua i lima o le au Kerisiano le Tusi Paia i la latou lava gagana,
semanū ua latou mafaia ona tetee atu i nei aoaoga sese uma. E le
mafai ona maua’a le au Kerisiano i le upu moni e aunoa ma le Tusi
Paia.” (Ibid., b. 18, ch. 4.)
Ua laualuga nei i lona mafaufau se faamoemoega fou. Na ia faapea ifo: “O le gagana lava a Isaraelu na latou usuina ai salamo i le
malumalu o Ieova; e lē o se mea tatau ea la ona tatou faalogo i le
talalelei i le gagana a lo tatou lava atunuu o Egelani? ... O se mea
talafeagai ea le itiiti o le malamalama e maua e le ekalesia i le aoauli
nai lo le vaveao? ... E ao i Kerisiano ona latou faitauina le Feagaiga
Fou i la latou lava gagana masani. Sa eseese manatu o a’oa’o ma
faia’oga a le ekalesia i le tele o aoaoga. Ua na o le Tusi Paia lava
e mafai ai ona maua le upu moni. Ua talitonu nisi ua sa’o le a’oa’o
lenei, a ua taofi foi isi e sa’o le faia’oga lena... Ua taufai fete’ena’i
uma aoaoga a nei ta’ita’i. E faapefea la ona tatou iloa le ua tautala
mai i le mea sa’o, ma lē ua tautala mai i le mea sese? ... E faapefea?...Ua na o le afioga lava a le Atua.” (Ibid., b. 18, ch. 4.)
E le’i umi ae tula’i mai loa se faife’au atamai o le ekalesia Katoliko e fai le faatau ma Tiniteli. Fai mai le upu a lenei faife’au: “E sili
ia i matou ona matou ola e aunoa ma le tulafono a le Atua, ae aua
lava ne’i o matou tuulafoa’i i poloa’iga a le pope.” Ona tali atu ai
lea o Tiniteli, “Ou te matuā tetee i le pope ma ana tulafono uma; ma
afai e faasaoina e le Atua lo’u ola, e lē umi ni tausaga ou te a’oa’oina
O Nisi Ta’ita’i O Le Galuega O Le Toe Fuata’iga I Egelani
251
ai se talavou o galue i le suotosina ae sili atu lona malamalama i le
Tusi Paia nai lo mea na ua ē iloa.” (Anderson, Annals of the English
Bible, p. 19.)
Ua mautū nei i lona mafaufau lona faamoemoe mo le tuuina atu
o le Feagaiga Fou i tagata Egelani i la latou lava gagana. Sa ia galue
loa mo le faataunuuina o lenei faamoemoe. Na tuli’esea o ia mai
lona aiga ona o sauaga; o lea sa malaga atu ai loa o ia i Lonetona ma
faaauau ai i inā lana galuega mo sina taimi e aunoa ma se faalavelave.
Peitai na mulimuli atu pea sauaga faapope ia te ia, ma sa ia toe sola [209]
ese ai foi. Peiseai ua tapunia Egelani atoa ia te ia, ma o lea na tonu
ai loa ia te ia o le a ia sulufa’i atu i Siamani. O inā na ia amatalia ai
loa le lomiga o le Feagaiga Fou i le gagana Peretania. Na faalua ona
taofia o lana galuega; peitai ina ua faasāina ona faia o lana lomiga
i le tasi aai, sa ia alu atu i se isi aai. Na oo lava ina taunuu atu lana
malaga i Vemi, le aai lea na tula’i atu ai Luteru i luma o le Fono
Aoao i ni nai tausaga ua te’a e tetee atu ai i aoaoga sese faapope.
Sa i Vemi se to’atele o nisi na talitonu ma mulimuli i le galuega o
le Toe Fuata’iga, ma o inā na faaauau ai loa e Tiniteli lana galuega
e aunoa ma se toe faalavelave. E tolu afe tusi o le Feagaiga Fou na
lomia i lenei ulua’i lomiga, ma sa sosoo mai ai ma le lomiga lona
lua i le tausaga lava lea e tasi.
Na galue punoua’i Tiniteli ma e le’i fiugofie. E ui lava sa leoleoina lelei uafu ma taulaga o Egelani, na i ai lava auala faalilolilo na oo atu ai le afioga a le Atua i Lonetona, ma faapena ona
faasalalauina atu ai i le atunuu atoa o Egelani. Na i’uvale taumafaiga
faapope e tineia ai le upu moni. O se tasi o ia taumafaiga na faatau
ai e le epikopo o le aai o Taurama Tusi Paia uma a se faatautusi e
uō ma Tiniteli. Na faatauina e le epikopo nei Tusi Paia uma ma lona
faamoemoe o le a ave uma e susunu, ma lona manatu o le a taofia
mai ai le galuega o le faatauina o le Tusi Paia. Peitai na atili ai ona
faalauteleina o lenei galuega. O le tupe na maua mai i le faatauga a
le epikopo, na toe faatau mai ai ni mea na manaomia mo se lomiga
fou o le Tusi Paia, se lomiga na sili atu lona lelei ma lona manino.
Semanū e lē mafai ona faia o lenei lomiga fou pe ana aunoa ma le
tupe a le epikopo. Mulimuli ane a’o i ai Tiniteli i le falepuipui, sa
ofoina atu e le ekalesia e mafai ona faasa’olotoina o ia pe afai na
te ta’u maia igoa uma o i latou na fesoasoani i le faatupeina o le
lomiga o ana Tusi Paia. Na tali atu Tiniteli o le epikipo lava o le aai
252
O Le Finauga Tele
o Taurama na aupito sili lana fesoasoani nai lo isi tagata uma; o lona
faatauina o Tusi Paia uma na totoe i se tau maualuga, o le pogai lea
ua mafai ai ona maua e ia le lototele e faaauauina ai lana galuega.
Na faalataina Tiniteli e ona fili, ma na faataugāina ai o ia i ni
masina se tele i le falepuipui. Na i’u nei mea uma i lona molimau
atu mo lona faatuatua i lona maliu faamaturo; peitai o auupega na ia
saunia ua mafai ai e isi fitafita ona latou tau le taua lelei i augatupulaga uma na sosoo mai ai se’i oo mai lava i ona po nei.
Na masani ona lauga Latimere ma fai mai e ao ona faitauina e
tagata le Tusi Paia i la latou lava gagana. Fai mai upu o se tasi o ana
lauga, “O le Atua lava na Ia tusia le Tusi Paia, ma o lo o i ai le mana
i ia Tusitusiga, ma e faavavau foi e pei lava o lona Tusitala. E leai se
tupu, leai se faamasino, e leai lava se pule ua lē o aafia i le poloa’iga
ina ia usitai uma i Lana -afioga pa’ia. Aua ne’i o tatou uia nisi ala
ese, a ia avea le afioga a le Atua o le ta’iala ia i tatou. Aua ne’i o
[210] tatou sa’ili e savavali e pei o o tatou tua’ā, a ia tatou sa’ili e fai le
mea sa tatau ona latou faia.” (Hugh Latimer, First Sermon Preached
Before Edward VI.)
Na tula’i mai uō faamaoni a Tiniteli, o Panesi ma Filifi, e finau
mo le upu moni. Na faapena foi ona faia e le aiga o Ritili, atoa ma
Karanimara. O nei ta’ita’i uma o le galuega o le Toe Fuata’iga i
Egelani o ni tagata a’oa’oina lelei, ma sa alofagia ma faaaloalogia
le toatele o i latou i totonu o le ekalesia Roma ona o o latou olaga
faapaiaina. O lo latou iloa lelei o aoaoga sese faapope na mafai ai
ona latou tetee atu i aoaoga ma faagaioiga a lea ekalesia. O lo latou masani lelei foi ma mea lilo a Papelonia na faamalosia atili ai la
latou molimau e tetee atu ai i ai.
Na fai atu Latimere, “O le a ou fai atua se fesili uiga ese. O ai le
epikopo aupito sogasogā ma le maelegā i Egelani atoa?... Ou te vaai
atu ua outou alo lelei mai auā lo’u ta’uina atu o lona suafa. ... O le a
ou ta’u atua: o le tiapolo. ... E le te’a ese lava o ia mai lona nuu ma
lana aulotu; soo se itula e te asiasi atu ai i ai, e te maua atu lava o ia
i lona fale; ... e lē te’a lava o ia mai lana suotosina. ... Ou te tautino
atu e te lē maua o ia o nofonofovale. ... Soo se mea o nofonuu ai le
tiapolo, ... e tuu’esea ai tusi ae sui mai i ai mōliga’o; e faasāina ai
Tusi Paia ae faatagaina ai losalio; e tuli’esea ai le malamalama o le
talalelei ae faaofi mai i ai le malamalama o moliga’o i le aoteatea; e
ave’esea ai le satauro o Keriso ae ofi mai ai aogatupe mo pulekatorio;
O Nisi Ta’ita’i O Le Galuega O Le Toe Fuata’iga I Egelani
253
... e lē tāua ai le faalavalavaina o ē matitiva ma ē lēlavalavā ma ē
mama’i, ae tāua ai le faamatagofieina o tupua e fai i laau ma maa;
e siitia a’e ai uputuu a tagata ma a latou tulafono, ae solipalaina ai
tulafono a le Atua ma Lana afioga. ... Ma’imau pe ana ma’elegā o
tatou epikopo ma patele i le lūlūina o le fatu o aoaoga lelei faapei
ona sogasogā Satani i le lūlūina o fatu o mea leaga.” (Ibid., “Sermon
of the Plough.”.)
O le faavae autū na talitonu i ai nei ta’ita’i uma o le Toe Fuataiga
o le pule lē sese lea a le Tusi Paia e avea ai ma fua e fua a’i tu ma
aoaoga uma. O le faavae lava lea e tasi na siitia a’e e tagata Ualetenese, faapea Uikilifi, ma Ioane Hasi, faapea Luteru ma Sigili ma ē
uma na latou galulue faatasi. Na latou tetee atu i le āiā a pope ma le
aufailotu, po o patele foi ma tupu, latou te pulea ai mafaufau o tagata
i mea tau tapua’iga. Na o le Tusi Paia lava lo latou ta’iala, ma sa avea
aoaoga a le Tusi Paia o le fua e tasi e fua a’i soo se aoaoga ma soo
se talitonuga. O le faatuatua i le Atua ma Lana afioga na mafai ai
ona onosai ma tūtūmau nei tagata pa’ia a’o latou tuuina atu o latou
ola mo le Atua i le oti faamaturo. A’o alu a’e le mumū o le afi ma
ua na o ni toe minute ona ave’esea ai lea o o latou leo ma o latou
ola, na valaau atu Latimere i se tasi o ona uso ua saisaitia nei i luga
o le fata e susunuolaina ai ma faapea atu: “Loto tele, o le asō tatou
te faamumūina ai se mōli i le suafa o le Atua i totonu o Egelani, o
se mōli ou te talitonu e lē mafaia ona toe tapēina.” (Works of Hugh
[211]
Latimer, vol 1 p 13.)
E le’i faaumatia atoatoa fatu o le upu moni na faasalalauina e
Kalama i totonu o Sikotilani. Sa uumau pea e Sikotilani lo latou
sa’olotoga i le selau ma selau o tausaga na pulea ai e Roma le ekalesia i Egelani. Peitai o le senituri lona 12 na faatūina ai le ekalesia
Roma i totonu o Sikotilani, ma sa sili atu le mamafa o le pule’aga
a Roma i Sikotilani nai lo se isi lava atunuu. Sa leai se atunuu na
sili atu lona pogisa nai lo Sikotilani. Peitai na ofi mai lava i ai ave
o le malamalama i lenei pogisa, ma peiseai ua ta’u mai ai ua lata
mai le ao. O ē na tutū malolosi ma taofi mau i le malamalama o le
talalelei o tagata Lolati; o i latou nei na malaga mai Egelani ma le
Tusi Paia, atoa ma aoaoga a Uikilifi. Na tofu lava le senituri ma ona
tagata molimau, na tofu foi le senituri ma ona maturo.
E le’i leva ona amatalia o le galuega o le Toe Fuata’iga i Sikotilani ae taunuu mai loa tusitusiga a Luteru, sosoo mai ai ma le Fea-
254
O Le Finauga Tele
gaiga Fou na faaliliuina e Tiniteli. Na feoa’i i mauga ma vanu nei
avefe’au e aunoa ma se pisa, ma sa lē amana’iaina foi i latou e ta’ita’i
o malo ma le aufailotu. A’o latou feoa’i, sa latou toe faaolaolaina sulu
o le upu moni na toetoe lava mamate uma i totonu o Sikotilani, ma
sa latou taumafai e talaia noanoataga ua saisaitia ai e Roma le au
Kerisiano i totonu o Europa ma Egelani mo ni tausaga e fa selau.
O le toto o maturo na maua ai e le galuega o le Toe Fuata’iga se
faamalosiga fou. Ua tete’i a’e nei ta’ita’i pope i le malosi o le galuega
o le Toe Fuata’iga, ma sa latou susunuolaina ai nisi na aupito tamalii
ma faaaloalogia o fanau a Sikotilani. Peitai o fata na latou fauina
mo le susunuina o nei maturo, o fata lava ia na avea o pulelaa na
toe tuuina mai ai le molimau a nei maturo i o latou toe itula, i luma
o le faafofoga’aga a le atunuu atoa. O le toe molimau a nei maturo
na mautū ai le faamoemoe o tagata ina ia latou lafo’esea filifili ua
saisaitia ai i latou e Roma.
O Amilitone ma Uisiata, o nisi ia o alo o Sikotilani na maliliu
faamaturo, o ni tagata amio faatamalii. Na la tuuina atu o la ola,
faatasi ai ma le to’atele o le au faamaoni o ē na maliliu i le susunuina
i le afi. Peitai o le susunuolaina o Uisiata, na avea lea ma amataga
o le galuega a se tasi o alo o Sikotilani e igoa ia Ioane Nokisi, o se
tasi e le’i taofia e le afi lona leo, o lē na faaaogāina e le Atua na te
tāina le logo o le maliu o galuega faapope i totonu o Sikotilani.
Na liliu ese Ioane Nokisi mai uputuu ma aoaoga sese a le ekalesia
ina ia ’ai ma inu o ia i upu moni o le afioga a le Atua; ma o aoaoga
a Uisiata na mautū ai lana filifiliga e vavae ese mai le tapua’iga a
Roma, ae mulimuli atu i ta’ita’i o le galuega o le Toe Fuata’iga, i
latou ua sauāina.
Na solomuli Nokisi i le fefe ina ua una’iina o ia e nisi o ana
uō, ina ia avea o ia ma failauga o le upu moni. Sa faigata ia te ia
lenei filifiliga. E tele ni aso na feliuliua’i ai lenei mata’upu i lona
mafaufau. Peitai e le’i toe maluelue o ia ina ua faia lana filifiliga na
[212] te talia lenei lu’iga. Sa faapena loa ona galue o ia ma le tinoū ma le
ma’elegā, e aunoa ma se fefe i aso uma na totoe o lona ola. E leai
se isi na fefe ai Nokisi. Na susunuolaina se to’atele i lea vaitaimi;
peitai e le’i lotovaivai ai Nokisi. Na o le atili ai o lona ma’elegā ma
lona fiafia i le faiga o lana galuega. E ui lava na faia le folafolaga o
le a vavae’esea lona ao i le kilotini, na tumau pea lava Nokisi i lona
O Nisi Ta’ita’i O Le Galuega O Le Toe Fuata’iga I Egelani
255
lē fefe a’o ia faia le taua i soo se itu, ina ia lepetia ai i lalo tapua’iga
i tupua.
Na fāiifo le maelegā o nisi o ta’ita’i o le galuega o le Toe Fuata’iga ina ua latou oo atu i luma o le tupu tamaitai o Sikotilani.
Peitai e oo lava i luma o le tupu tamaitai sa lē maluelue ai Ioane
Nokisi a’o ia molimau atu mo le upu moni. E lē o upu milimili e
gaua’i ai Ioane Nokisi; ae sa lē maluelue foi o ia i upu taufaamata’u.
O le moliga a le tupu tamaitai e faapea ua fai e Nokisi ni aoaoga
sese. E faapea ua ia a’oa’oina tagata ina ia latou talia se tala’iga ua
faasāina e le malo, ma ua ia solia ai le poloa’iga a le Atua ua ta’u
mai ai ina ia usitai tagatanuu uma i o latou tupu ma tamalii. Na tali
atu Nokisi ma le mautinoa, ma le leai o sona fefe e faapea:
“E le’i maua e le galuega o le upu moni lona ulua’i malosi’aga po
o lona faavae mai tupu ma tamalii o le lalolagi, na maua lea faavae
ma lea pule mai le Atua e faavavau e to’atasi; ma e lē faalagolago foi
le faatūina o talitonuga o tagatanuu i le mea e manana’o i ai o latou
tupu ma ta’ita’i. Auā o le tele o taimi e leai nisi e sili atu lo latou
valelea i le upu moni a le Atua nai lo tupu ma tamalii....Ou te fesili
atu i le āva ma le migao e tatau ai i lau afioga le tupu tamaitai: Ana
mulimuli uma le fanau a Aperaamo i le talitonuga o Farao, lo latou
tupu, faamata o le a le itu’aiga talitonuga e oo i ai le lalolagi i lea
vaitaimi? Ae le gata i lea, ana mulimuli uma tagata i ona po o le au
aposetolo i le talitonuga o emeperoa o le malo o Roma, faamata o le
a le itu’aiga talitonuga e ono maua i ia onapō, i le lalolagi? ... Ma o le
mea lea lau afioga a le tupu tamaitai, atonu ua manino i lau faafofoga
mai, e le faalagolago talitonuga o tagatanuu i le mea e talitonu i ai o
latou tupu ma tamalii, e ui lava ua faatonuina tagatanuu ia usiusitai
i o latou tupu ma ta’ita’i.”
Ona tali mai lea o le tupu tamaitai o Mele ua faapea mai, “Ua
eseese lau faauigaga o upu o le afioga a le Atua ma le faauigaga a
ta’ita’i Katoliko Roma; o ai nei la o le a ou talitonu i ai, ae o ai o le
a faamasino?”
Ua tali atu Nokisi: “Ia talitonu le tupu tamaitai i le Atua o Le ua
fetalai manino mai i Lana afioga. E te lē talitonu i lenei itu po o le la
itu pe afai e ē ō gatasi ma aoaoga a le afioga a le Atua. Ua manino
lava le afioga a le Atua; peitai afai e i ai se mau ua faanenefu, ua i
ai le Agaga Paia Na te faamaninoina lea mata’upu e ala i mau mai
isi vaega o le Tusi Paia. E lē feteena’i galuega a le Agaga Paia, ma
256
O Le Finauga Tele
afai tatou te usitai ia te Ia o le a leai se mea e toe faanenefu ai, se’i
vagana i latou o ē loto ma’a’a.” (David Laing, The Collected Works
of John Knox, vol. 2, pp. 281, 284.)
Na faapena ona tali atu ma le lē fefe o lenei ta’ita’i o le galuega
[213] o le Toe Fuata’iga i le faafofoga’aga a ao o malo, e ui lava sa ono
lamatia ai lona ola. Na faapena ona tumau o ia i lana filifiliga e aunoa
ma se fefe. Na faapena ona tatalo o ia ma tau le taua a le Alii, se’i oo
ai lava ina faasa’olotoina Sikotilani atoa, mai noanoataga faalepope.
O le faatūina i Egelani o le talitonuga faaPorotesano na faaitiitia
ai sauaga ae le’i taofia atoatoa ai. E ui lava ina ua ave’esea nei le tele
o aoaoga a Roma mai totonu o Egelani, sa latou faaaogāina pea le
tele o metotia faa-Roma i a latou sauniga. Ua teena nei le pule a le
pope, peitai ua faanofo nei le ao o le malo i le nofoalii e fai ma ao o
le ekalesia. E le’i tāitai lava ona oo le ekalesia i le tulaga mamā ma
le lē gaogaosā, i le faiga o ana sauniga. E le’i oo mai i le ekalesia le
malamalama e uiga i le mata’upu o le sa’olotoga i mea tau tapua’iga.
E ui lava e le’i tele ni taimi na faaaogāina ai e ta’ita’i Porotesano
sauaga mata’utia e pei ona sa faaaogāina e Roma, peitai e le’i maua
i lea taimi se āiā a tagata ta’itoatasi e tapua’i atu ai i le Atua e tusa
ai ma o latou lava talitonuga ma loto fuatiaifo. Na faatonuina tagata
ina ia latou talia aoaoga uma, ma usitai i auala uma ua faatūina e
le ekalesia e fai ai sauniga. O ē na ese ai so latou leo sa feagai ma
sauaga mo le selau ma selau o tausaga.
E afe ma afe faife’au na faate’aina mai o latou tofi i le senituri
lona sefulu ma le fitu. Na faasāina tagata ona ō i ni sauniga faalelotu
e ese mai sauniga ua faatagaina e le ekalesia. O ē na lē usitai sa
faasalaina i le falepuipui, po o le togisala, po o le faaaunuua. O le au
faamaoni o ē na lē mafai ona taofia lo latou fia potopoto e tapua’i i
le Atua, na fai faalilolilo a latou sauniga i ni nofoaga e lē ono maua
ai i latou e le fili, po o le vaomatua foi i le tulua o po ma ao. Ua
avea totonu o le vaomatua ma malumalu faapa’iaina mo le Atua, e
potopoto i ai nei uso ua sauāina ma faata’ape’apeina, e tuuina atu ai o
latou loto atoa i le Atua e ala i talosaga ma viiga. Ae ui lava i so latou
matuā faaeteete, e to’atele i latou na sauāina ona o lo latou faatuatua.
Sa matuā faatumulia falepuipui. E tele foi aiga na faamalepelepeina.
E to’atele foi na faaaunuua i nuu ese. Peitai sa faatasi le Atua ma Ona
tagata, ma sa le’i manumalo ai sauaga ia i latou, pe taofia ai foi la
latou molimau. E to’atele i latou na sosola mai Europa ma folau atu
O Nisi Ta’ita’i O Le Galuega O Le Toe Fuata’iga I Egelani
257
i Amerika, ma o inā na latou faataatia ai le faavae o le sa’olotoga
i mea tau faigamalo ma mea tau lotu. Ua avea lea sa’olotoga o le
poutū ma le mitamitaga o le atunuu o Amerika.
Ua avea sauaga ma ala na salalau atili atu ai le talalelei, e pei
lava ona faia i ona po o le au aposetolo. O se tasi o ana pogisa na
falepuipui ai Ioane Paniani. E ui lava sa tuu ai o ia i inā faatasi ma
pagota aupito amioleaga, sa manavaina i inā e Paniani le ea faalelagi,
ma o inā na ia tusia ai lana tusi faataoto e uiga i se tagata faimalaga
mai le nuu o le faafanoga e agai atu i le nuu faalelagi. E sili atu i
le lua selau tausaga o tautala atu pea i loto o tagata lenei leo sa i le
falepuipui i Petifoti, e ala i ana tusi e lua ua faaigoaina o le Faula’i o
le Alofa Tunoa mo le Tagata ua Silimusa i le Agasala, ma le Sola’aga [214]
a le Tagata Malaga. Na avea nei tusi ma ta’iala ua ta’ita’iina atu ai
agaga e to’atele i le auala o le ola.
Na tutū a’e ma le malosi nisi e pei o Pakiseta ma Falaivo ma
Aleine latou te finau mo le talitonuga ma le faatuatuaga na ulua’i
tuuina atu i le au pa’ia. O ia tagata e to’atolu ma a latou uō o ni
tagata talenia ma le atamamai, o ni tagata na loloto lo latou olaga
faa-Kerisiano. E lē mafai ona mate le galuega na faia e nei tagata,
e ui lava sa ave’esea ia i latou le puipuiga a tulafono a malo o le
lalolagi. Na faaigoaina tusi e lua a Falaivo o le Puna o le Ola ma le
Auala o le Alofa Tunoa. E afe ma afe tagata na a’oa’oina e nei tusi
ina ia latou tuuina atu o latou ola ia Keriso. O le ulua’i tusi a Pakiseta
na ta’ua o le Faife’au ua Liua, ma sa avea lea o se faamanuiaga mo
e na naunautai mo le toe fuata’iga i le galuega a le Atua. O lana tusi
lona lua na faaigoaina o le Malologa e Faavavau mo le Au Paia, ma e
to’atele agaga na ta’ita’iina atu e lenei tusi i le malologa o lo o totoe
mo le fanau a le Atua.
Ua mavae atu ni tausaga e selau ona tutū mai lea o Uatifili ma le
auso o Ioane Uesele ma Salesa Uesele e fai o ni avesulu mo le Atua
i se vaitaimi o le pogisa tele faaleagaga. O se vaitaimi lea na oo ai
tagata o Egelani i se tulaga o le solomuli tele i tua, ma ua faigata ai
ona iloa se eseesega i a latou tu, ma uiga faapaupau. Sa i ai pea lava
tagata i lalo o le pule a le ekalesia faavaeina, le ekalesia Egelani. O
le talitonuga faanatura na mātele i ai su’esu’ega a le au failotu, ma sa
aafia ai aoaoga uma a le ekalesia i lea talitonuga. Na vā’ai maulalo
tupu ma tamalii o Egelani i mea tau tapua’iga. Na manatu i latou o
tapua’iga ua lē fetaui lea ma tulaga maualuluga o tupu ma tamalii.
258
O Le Finauga Tele
O ē na tulaga maulalo na faatumulia i le valea ma le amioleaga, ae
na leai se malosi po o se faatuatua ola o le ekalesia e mafai ai ona
toe faatūina a’e le upu moni ua solipalaina.
O le aoaoga o le ta’uamiotonuina e ala i le faatuatua, lea sa
a’oa’oina manino e Luteru, ua toetoe lava mou atu atoatoa, a ua tuu i
ai e le aufailotu le talitonuga faapope o le faalagolago i galuega lelei
mo le faaolataga. O Uatifili ma alo o Uesele o ni tagata o le ekalesia
faavaeina, le lotu Egelani. O i latou o ni tagata sa’ili’ili i le faamaoni
mo le alofa o le Atua ma Lana faaolataga, ma sa a’oa’oina i latou e
le ekalesia ina ia talitonu e maua e i latou lea alofa ma le faaolataga
e ala i se olaga ua tumu i galuega lelei, atoa ma le tausia o aso ma
sauniga faapitoa a le ekalesia.
Na i ai se aso na ma’i tigaina ai Salesa Uesele, ma ua manatu ai o
ia ua lata mai le oti. Na fesiligia o ia po o le a se mea ua faalagolago
i ai lona faamoemoe mo le ola e faavavau. Na tali atu o ia e faapea:
“Na ou faaaogāina a’u galuega sili ou te auauna atu ai i le Atua.” Sa
peiseai e le’i faamalieina lē ona le fesili i lea tali, ma sa mafaufau
ai Uesele ma faapea ifo: “Ua lē lava ea a’u galuega e taula i ai lo’u
faamoemoe? O le a faoa ea e le Atua a’u galuega lelei? Ua leai ma
[215] se isi mea ou te faalagolago i ai.” (John Whitehead, Life of the Rev.
Charles Wesley, page 102.) Na faapena le mafiafia o le pogisa na
si’osi’omia ai le ekalesia, ma ua ufitia ai le togiola, ua fao’esea ai
le malo ia Keriso, ma liliu’eseina ai mafaufau o tagata mai lo latou
faamoemoe e tasi mo le faaolataga - o le toto lea o le Faaola o Le na
maliu i le satauro.
Na ta’ita’iina Uesele ma ana uō ina ia latou malamalama o le
lotu moni e maua lea i le loto, ma o le tulafono a le Atua e aofia
ai mafaufauga faapea ma upu ma galuega fai. O le taimi na latou
talitonu atoatoa ai i le tāua o le faapaiaina o le loto, atoa ma le sa’o
o amioga fai, o le taimi foi lea na latou amatalia ai ma le naunauta’i
se olaga fou. Na latou taumafai ma le filigā atoa ma talosaga ina ia
tineia mea leaga uma o le loto e le’i fanaufouina. Na latou ola i se
olaga mativa, se olaga foa’i atu, se olaga agamalu. Na latou tausia
ma le faamaoni tulafono uma na latou manatu e ono fesoasoani i lo
latou maua o le mea ua sili ona latou naunau nei i ai - o le olaga pa’ia
lea e fiafia mai ai le Atua ia i latou. Peitai latou te le’i maua le mea na
latou sa’ilia. Na le aogā a latou taumafaiga e faasaolotoina ai i latou
mai le faasala, atoa ma le malosi o le agasala. O le tauiviga lava foi
O Nisi Ta’ita’i O Le Galuega O Le Toe Fuata’iga I Egelani
259
lenei na feagai ma Luteru i lona potu i Erefata. O le fesili lava lea e
tasi na faataugāina ai lona agaga - “E faapefea ona ta’uamiotonuina
le tagata i luma o le Atua?” Iopu 9:2.
Na toetoe lava mamate uma sulu o le upu moni i luga o fata
faitaulaga a le au Porotesano. Faato’ā toe faaolaina ia sulu e ala i
le sulu mai anamuā lea na tuulimaina mai e augatupulaga eseese o
Kerisiano mai Pouimia i Europa. Na matuā solipalaina ma tuli’esea
le lotu Porotesano mai Pouimia i faiga a tagata Roma. O ē uma na
latou tumau i le upu moni na tuliloaina i latou e sauaga. O nisi o i
latou na maua so latou lafitaga i Egelani, ma sa latou faaauauina ai i
inā lo latou ulua’i talitonuga. O fanau a fanau a i latou nei na ui mai
ai le malamalama ia Uesele ma ana uō.
Na auina atu Ioane Uesele ma Salesa Uesele mo se galuega i
Amerika ina ua faauuina i laua mo le talalelei. Na i ai ni tagata Moreivia mai Siamani i luga o le vaa na la malaga ai. Na malolosi tele
matagi na āfatia ai la latou malaga, ma ina ua foliga mai ua lata mai
le oti, na lagona e Ioane Uesele na te le’i maua se leleiga ma le Atua.
Peitai na vaaia i nei tagata Siamani se filemu ma le leai o se popole,
o se mea na te le masani ai i aso faapea.
Fai mai lana tala: “Ua leva ona ou matauina le le gaoiā i a latou
amioga. Na faailoaina foi lo latou agamalu i aso uma, e ala i lo latou
faia o ni galuega fesoasoani mo isi o le aupasese, o ni fe’au e le fia
faia e se tagata Peretania, ma e leai se totogi na latou maua; latou
te le’i manana’o foi i se totogi mo ia galuega fesoasoani. Fai mai
i latou o lo latou faia o ia galuega faatauvaa e aogā ia mo o latou
loto faamaualuluga, ma e tele atu mea ua faia e lo latou Faaola alofa
mo i latou nai lo mea ua latou faia mo isi. Sa latou faaalia lea loto
maulalo i aso uma, ma sa le taofia lea uiga ona o upu faatiga a isi [216]
tagata. Afai e tuleia pe pōina mai i latou, latou te tutū i luga ma
savavali ese atu e aunoa ma se upu. Sa leai se muimui i o latou gutu.
O lenei la ua i ai se avanoa e tofotofoina ai pe mata ua manumalo
i latou i le fefe, e pei ona ua latou manumalo i le faamaualuga, ma
le ita, ma le tauimasui. A’o latou usuina se salamo e amataina ai la
latou sauniga lotu i lea afiafi, sa faate’ia ona sau o se galu tele ma
ufitia ai le vaa ma saei ai le lā aupito lapoa o le vaa, ma ua foliga
mai ua goto lo matou vaa i le moana. Na le pine le alu a’e o se fe’ei
fia ola o tagata Peretania. Peitai na faaauau pea lava le pese a tagata
Siamani ma le to’amalie. O se taimi mulimuli ane na ou fesiligia ai
260
O Le Finauga Tele
se tasi o i latou, ’Tou te le’i fefefe?’ Fai mai lana tali: ’Ou te faafetai
i le Atua, e leai’. Ona ou toe fesili lea i ai, ’Ae le’i fefefe fafine ma
tamaiti o la outou faigamalaga?’ Na ia tali filemu mai: ’E leai, e lē
fefefe i le oti a matou fafine ma tamaiti.’ ” (Whitehead, Life of the
Rev. John Wesley, page 10.)
Ua latou taunuu i Savana, ona nofo lea o Uesele i tagata Moreivia
mo ni nai aso, ma sa matuā faagaeetia lona mafaufau i o latou uiga
faa- Kerisiano. O lo o i ai i ni ana tusitusiga se faamatalaga e uiga
i se tasi o a latou sauniga lotu, e ese mai sauniga a le lotu Egelani
e leai se ola o i ai. Fai mai lana tusiga: “Na avea le mamalu ma le
lē gaogaosā o le sauniga atoa, ma mea na toetoe ai lava galo ia te
a’u ua sefulu ma le fitu senituri talu ona mavae atu le au aposetolo.
Ua peiseai ua ou oo i se faapotopotoga i ona po na ta’ita’i ai Paulo
po o Peteru i le sauniga. O le vaitaimi lea sa leai ni mau gaogaosā o
sauniga, ae sa iloga ai le faatasi mai o le Agaga, atoa ma le mana.”
(Ibid., pages 11, 12.)
Ua toe taliu atu i Egelani Uesele, ma o ina na maua ai e ia se
malamalama’aga manino o le faatuatua mai le Tusi Paia, i lalo ifo o
aoaoga a se faife’au Moreivia. Ua ia talitonu nei e ao ona ia lafoa’i
lona faalagolago i ana lava galuega mo le faaolataga, a ia faalagolago
tasi atu i “le Tamai Mamoe a le Atua, Na te ave’esea le agasala a
le lalolagi.” O se tasi o sauniga a le sosaiete a tagata Moreivia na
faitauina ai se faamatalaga na tusia e Luteru e uiga i le liuga e oo
i le loto o le Kerisiano e ala i le galuega a le Agaga o le Atua. A’o
faalogologo Uesele, sa tupu a’e i lona loto le talitonu ma le faatuatua.
Fai mai a ia: “Ua ou faalogo atu ua ese lava le mafanafana o lo’u loto.
Na ou lagona ua ou talitonu ia Keriso, na o Keriso lava, mo lo’u
faaolataga; ma sa ou maua le mautinoaga ua Ia aveesea a’u agasala,
ma faaolaina a’u mai le tulafono o le agasala ma le oti.” (Ibid., page
52.)
Ua leva tausaga o tumau pea Uesele i lona faamoemoega e tasi
o le sa’ilia o le Atua. O ia tausaga o lana tauiviga na ia lē maua ai se
mapu ma se mālōlō, a’o se olaga mativa, se olaga o le mamafa ma le
tele o galuega, se olaga o le faamaulaloina ma le mā. A’o lenei ua ia
maua o Ia; ma ua ia iloa o le faaolataga lea sa ia sa’ilia ina ia maua e
ala i talosaga ma anapogi, e ala i taulaga ofo ma le ola mativa, ua ia
[217] iloa nei o lea faaolataga o se meaalofa e maua e aunoa ma se tupe,
ma e leai sona tau.
O Nisi Ta’ita’i O Le Galuega O Le Toe Fuata’iga I Egelani
261
Ua faatumauina nei o ia i le faatuatua ia Keriso, ma ua amata
loa ona mu lona loto i se faanaunauga e faasalalau atu i le lalolagi
le malamalama o le talalelei o le alofa tunoa o le Atua. Fai mai o ia:
“Na ou talitonu o le lalolagi atoa ou te tausinuu ai, ma ou te talitonu
o le mea sa’o ma le mea tatau, ma o lo’u tiute fai lo’u faasalalauina
atu o le talalelei o le faaolataga ia i latou uma o ē fia faalogo mai, i
soo se mea ou te galue ai.” (Ibid., page 74.)
Na ia faaauau pea lona olaga mativa. Peitai ua lē faia nei ina
ia maua ai e ia le faatuatua ae ona ua ia maua le faaolataga; e lē o
le aa a’o le fua o le olaga faapaiaina. O le faavae o le faamoemoe
o le Kerisiano o le alofa tunoa lea o le Atua e ala ia Keriso; ma o
le a vaaia lea alofa tunoa e ala i le usiusitai. Na tuuina atu atoa e
Uesele lona ola mo le laugaina atu o upu moni ua na maua, e pei
o le ta’uamiotonuina e ala i le faatuatua i le toto togiola o Keriso,
ma le mana faafou o le Agaga Paia i totonu o le loto, le mana lea e
mafai ai ona vaaia fua lelei i le olaga o le tagata ua mulimuli atu i le
faata’ita’iga a Keriso.
Na sauniunia Uatifili ma uso o Uesele mo la latou galuega, e ala
i lo latou talitonuga manino ua leva ona i ai, e uiga i lo latou lava
tulaga pagatia ma le fano. Na latou ui mai foi i tofotofoga aasa o
tauemuga atoa ma le feagai ai ma upu faifai ma sauaga, e le gata i le
iunivesete a’o le taimi foi na amatalia ai la latou galuega. Na avea ia
tofotofoga uma o mea na sauniunia ai i latou ina ia onosai i faigata,
o fitafita a Keriso. Na fāifaia i latou ma a latou uō e tama ma teine
ulavavale o le iunivesete, ma ua avea ai le upu Metotisi o so latou
gao. Peitai ua avea nei lea upu o se igoa ua faapelepeleina e se tasi
o lotu aupito iloga i Egelani faapea ma Amerika.
Sa latou pipii malosi atu pea i auala a le lotu Egelani i mea tau
sauniga, talu ai ona o i latou o ni tagata o lea lava ekalesia. Peitai
ua faaalia atu nei ia i latou e le Atua mai Lana Afioga se tapulaa
e sili a’e lona maualuga. Na una’iina i latou e le Agaga Paia ina ia
laugaina atu Keriso o Le na faasatauroina. Na faatasi atu le mana o
le Silisili Ese i la latou galuega. E afe ma afe na lagona lo latou sese
ma liua ai ma le faamaoni. Na lagona se mana’oga ina ia puipuia nei
mamoe mai luko fe’ai. E le’i manatu Uesele ina ia faatūina se lotu
fou, peitai na ia faatulagaina i latou nei i lalo ifo o le igoa, Mafutaga
a Tagata Metotisi.
262
O Le Finauga Tele
Sa uiga ese ma tiga le tetee a le ekalesia faavaeina na faafeagai
ma nei faife’au; peitai o le poto ma le pule a le Atua na Ia faia ai
ina ia ola ma tupu a’e le galuega o le toe fuata’iga i totonu lava o le
ekalesia faavaeina. Ana tupu a’e atoatoa le galuega o le toe fuata’iga
i fafo o le ekalesia faavaeina, semanū e lē o’oo’o atu le galuega o le
toe fuata’iga i vaega uma na aupito sili ona mana’omia ai. Peitai o
failauga o le galuega o le toe fuata’iga o ni tagata ekalesia o le lotu
faavaeina, ma sa galulue i latou i totonu lava o le ekalesia i soo se
[218] aso na latou maua ai le avanoa. O le mea lea na ofigofie atu ai le
galuega i mea semanū e tapunipuni mamau ai faitoto’a. E i ai nisi
o faife’au na fagua a’e nai lo latou moe faaleagaga, ma avea o ni
failauga sogasogā ma le ma’elegā i aulotu lava na latou tausinuu ai.
O aulotu na matuā malō ti’a’a i le gaogaosā o sauniga na faia ona o
le vaaiga i fafo, ua toe fagua mai nei ia aulotu i le ola.
O le tala faasolopito o le ekalesia ua tatou iloa ai e tofu lava le
augatupulaga ma i latou o ē na i ai atamai e fai ai la latou galuega
atofaina. Na faapena foi i ona po o Uesele. E le’i tasi so latou manatu
i aoaoga faalelotu uma, peitai na ta’ita’ia i latou uma e le Agaga o
le Atua, ma sa tasi i latou i le sini maualuga o le ta’ita’ia o agaga
ia Keriso. Na avea ese’esega i le va o Uatifili ma alo o Uesele ma
mea na toetoe ai lava tete’a i latou; peitai o le onosai ma le alofa na
toe faaleleia ai i latou ona ua latou maua le lesona o le agamalu ma
le faapalepale i le a’oga a Keriso. Latou te le’i faama’imauina itula
latou te fefinaua’i ai a’o saosaoa le sasao a’e o aoaoga sese ma le
amioleaga, ma gōgoto ifo ai le to’atele i le faafanoga e faavavau.
E gaoā le ala na ui ai auauna a le Atua. Na faaaogā e le au
māumea ma le au popoto lo latou malosi e tetee atu ai i auauna
a le Atua. E oo lava foi le vasega o faife’au sa latou tetee atu ma le
malosi i nei auauna a le Atua; ma ua faapena ona tapunia ai faitoto’a
o falesa eseese e tetee atu ai i le upu moni. Na faaaogaina e faife’au
a latou pulelaa e faailoa mai ai lo latou tetee i le tala’iga fou. Na
avea lea ma mea na faamalosia ai i tagata ni uiga pogisa ma le lē
taupulea, atoa ma le amioleaga. Na o le vavega lava o le alofa o le
Atua na faasaoina ai Ioane Uesele mai le oti i le tele o aso. E leai se
mea e mafai e le auauna a le Atua pe a si’osi’omia o ia e le motu o
tagata ua ulufia i le pogisa ma le ita faatemoni. O aso faapea na tu
atu ai i ona autafa se agelu i se tino tagata. Sa le pine ae solomuli atu
O Nisi Ta’ita’i O Le Galuega O Le Toe Fuata’iga I Egelani
263
le motu o tagata ma mafai ai ona savali ese atu le auauna a le Atua
mai le mea semanu e oti ai.
O le faamatalaga lenei a Uesele ina ua lavea’iina o ia mai le
motu o tagata i se tasi o taimi faapena. Fai mai o ia: “E to’atele na
manana’o e tulei pe togi a’u i lalo a’o matou sopo ifo i se mauga i se
auala maseesee. Na i ai lo latou manatu faapea a ou pa’ū loa i lalo
o le a leai se avanoa ou te toe tu a’e ai i luga. Peitai e le’i see faatasi
lo’u vae pe ou te sulu foi, ma i’u ai lava ina ou te’a ese ai mai o latou
lima.... E ui lava e to’atele na taumafai ina ia tagolima i le kola o lo’u
ofu po o isi vaega o o’u lavalava ina ia faapa’ū ai a’u i lalo, sa lē mau
sa latou u’u. Na o le to’atasi le tagata na ia uumauina se pito o lo’u
pelaue ma masae ese atu ai; o le isi pito o lo’u pelaue sa i ai se tupe
pepa i le taga; o le pito lena sa na o na masae ae le’i alu ese atoa atu.
... Na mulimuli mai i o’u tua se tagata tino ese ma le malosi. Na ia
tāina faatolu pe faafā a’u i se laau lapoa; ana ia tāina a’u i tua o lo’u
ulu se manu e lava lava se ta e tasi e faauma ai a’u. Peitai o taimi
uma lava na sau ai lana ta, sa peiseai e tulei’esea e se isi le ta ma lū [219]
lavea ai a’u, auā sa lū mafai ona ou alo pe sola ese i le itu taumatau
po o le itu tauagavale. ... Na momo’e mai le isi ma tau faaofiofi mai i
le to’atele o tagata ma sii a’e lona lima o le a tu’i a’u. Ona faafuase’i
lea ona toe faapa’ū o lona lima a ua milimili lo’u ulu ma fai mai lana
tala, ’E ese le vaivai manaia o lona lauulu!” ... Peitai, o ta’ita’i lava
o le au faimealeaga o le nuu, o i latou ia na ulua’i liua o latou loto i
le talalelei; ma o se tasi o i latou o se tagata fusu. ...
“E faasolosolo malie ona sauniunia o i tatou e le Atua mo Lona
finagalo! Ua lua nei tausaga talu ona lū lavea lo’u ulu i se ogapiliki
na togi a’i a’u e se tagata. O le tausaga na sosoo ai na pā ai le maa i
lo’u muaulu i le va o o’u mata. O le masina ua te’a nei e tasi le tu’i
na ou lavea ai a’o le afiafi nei e lua, e tasi ina ua matou o mai i le
nuu, a’o le isi ina ua matou te’a ese atu ma le nuu. Peitai sa pei o se
mea noa ia tu’i e lua: auā e ui lava sa matuā masāu le o mai a tu’i,
ma tau i lo’u fatafata le tasi ae tau i lo’u gutu le isi ma puna mai ai
le eleele, sa ou lū lagonaina se tiga. Pei lava o se pa’i mai ia te a’u o
se lau laau.” (John Wesley, Works, vol.3, pp. 297, 298.)
O nei aso tau amata sa tauemuina ma sauāina ai tagata Metotisi
ma o latou ta’ita’i. O nei sauaga ma tauemuga sa lē gata ina faia e
tagata lē lolotu o ē na oso lo latou ita ona o pepelo a tagata lolotu, ae
sa faapena foi ona faasauā ma tauemu tagata lolotu, tagata o le lotu
264
O Le Finauga Tele
faavaeina. Na aveina tagata Metotisi i luma o faamasinoga. Peitai
o nei faamasinoga sa na o se igoa, auā na seāseā ona maua se faamasinoga tonu i fale faamasino o na ona po. E tele aso na tigaina ai
i latou i sauaga. E i ai kegi na feoa’i solo i fale ma faaleaga meaafale
a aiga Metotisi ma ave faamalosi ai soo se mea latou te manana’o
i ai, ma soona sauā ai i tane, ma fafine ma tamaiti. O nisi aso na
tutu’i ai pepa faasalalau i itu eseese o se nuu e ta’u atu ai o ē uma e
fia fesoasoani i le talepeina o faamalama ma le faoina o mea a le au
Metotisi ia faapotopoto i le taimi ma le nofoaga ua ta’ua i le pepa.
O nei soliga o tulafono faaletagata atoa ma tulafono a le Atua na
solofua e aunoa ma se mea na faia i ai. Sa fuafuaina ma faatulagaina
lelei le faiga o nei mea uma ina ia sauāina ai lenei faalapotopotoga
o ē leai so latou sese se’i vagana ai lo latou fia faasinoina ese o vae
o ē agasala mai le ala o le faafanoga a ia agai atu ai i le ala o le ola
faapaiaina.
O le faamatalaga lenei a Ioane Uesele e uiga i mōliga na faia ia
te ia ma ana uō: “Fai mai nisi e sese aoaoga a nei tagata, ma o mea
fou faato’ā latou faalogo i ai; ua latou fai mai o mea faa-Kueika, po
o mea a tagata ua ē sa’osa’o o latou mafaufau, po o mea foi faapope.
Ua leva ona faasa’oina lenei mōliga; ma ua uma foi ona ta’u atu
faalaua’itele, o lenei aoaoga o le aoaoga manino a le Tusi Paia, ma
ua faamatalaina e la tatou lava ekalesia. Ma e lē mafai la ona sese
se’i vagana ua sese le Tusi Paia.” “Fai mai le mōliga a nisi, ’E faigata
[220] tele la latou aoaoga; ua latou faavāitia le ala i le lagi.’ Ma o le mea
moni lava o la latou ulua’i moliga lava lenei, (sa na o le pau lava lea
o la latou moliga mo se taimi umi,) ma e ui ina faalilolilo ae o lo o i
ai pea lava i le ta’ele o le afe o isi mōliga ua aliali mai i tino eseese.
Peitai, ua sili atu ea le faavāitia e Metotisi o le auala i le lagi nai lo
le Alii ma Ona soo? E i ai ea se mea ua sili atu ai ona faigata o la
latou aoaoga nai lo le aoaoga a le Tusi Paia? O upu nei ua fai mai ai
le Tusi Paia: ’Ia e alofa atu i le Alii lou Atua ma lou loto atoa, ma
lou agaga atoa, ma lou malosi atoa.’ ’O upu faatauvaa uma e faia e
tagata, latou te talatala atu ai le tala i le aso faamasino.’ ’O lenei, pe
outou te aai, pe outou te inu, po o se tasi mea outou te faia, ia outou
faia mea uma lava ia viia ai le Atua.’
“Afai ua faigata atu la latou aoaoga nai lo aoaoga a Keriso ma
Ona soo, ua sese i latou; peitai ua outou silafia i le ta’ele o outou finagalo e leai. E lē mafai e se tasi ona faaitiitia faatonuga a le Tusi Paia i
O Nisi Ta’ita’i O Le Galuega O Le Toe Fuata’iga I Egelani
265
se iota e tasi e aunoa ma lona faamāmāsagiaina o le afioga a le Atua.
E mafai ea ona tatou faapea mai ua faamaoni se tagata tausimea o
mea lilo a le Atua pe afai na te suia soo se vaega itiiti o Lana afioga?
E leai. E lē mafai e se tagata ona faaitiitia pe faafaigofieina se mea e
tasi o le afioga a le Atua; ua faatonuina le tagata tausimea na te ta’u
atu faapea i tagata uma: ’E lē mafai ona ou toso maia le Tusi Paia ina
ia fetaui ma o outou mana’oga. E ao ina ia outou o a’e i le Tusi Paia;
a lē o lea, ua faafanoina outou e faavavau.’ O le faavae tonu lava
lenei o mōliga a le to’atele e uiga i le lē alolofa o nei a’oa’o. E moni
ea e lē alolofa i latou? Le alolofa i lē fea itu? Latou te lē o fafagaina
ea ē o fia aai ma faa’ofu atu i ē lelavalavā? ’E leai e ē o le mea lena;
o le mea ua faailoa ai lo latou lē alolofa o la latou faamasinoga! Ua
manatu i latou e leai se isi e faaolaina se’i vagana ai ē ua mulimuli
atu i lo latou auala.’” (Ibid., vol.3, pp 152, 153.)
O le solomuli ma le pa’ū faaleagaga i Egelani i luma atu o le
aso o Uesele na tupu mai talu ai aoaoga faa-anitenomi. O aoaoga
ia ua fai mai ua mavae atu le tulafono, ma ua sa’oloto foi i tatou
mai le tausiga o le tulafono. E to’atele na latou ta’u mai ua sōloia e
Keriso le tulafono, ma ua ē ao ona fai e Kerisiano lo latou tausiga
o le tulafono, ma ua faasa’olotoina le Kerisiano mai le “pologa o
galuega lelei”. O isi, e ui ina latou ioe o lo o tumau pea le tulafono,
a ua latou fai mai e lē tatau i faife’au ona latou tima’i atu i tagata
e tausi i poloa’iga, auā o ē ua filifilia e le Atua mo le faaolataga, e
ta’ita’iina i latou e “ala i le faagaioiga o le alofa tunoa o le lagi, ina
ia latou ola ai i se olaga lelei ma le pa’ia.” A’o ē ua faamalaiaina e
faavavau “e leai so latou malosi e mafai ai ona usitai i le tulafono a
le Atua.”
O isi na latou talitonu e lē mafai e le au filifilia a le Atua ona toe
agasala pe pa’u’ū ese foi mai le alofa tunoa o le Atua. O i latou ia
na i ai so latou talitonuga mata’utia faapea “o amioleaga uma latou
te faia e lē o ni agasala po o se soliga o le tulafono a le Atua. Ma,
afai ua leai sa latou agasala, ua leai foi se mana’oga mo le faaali atu [221]
o ni a latou agasala, ma ua leai foi se mana’oga mo le fulitua i le
agasala e ala i le salamō.” (McClintock and Strong, Cyclopedia, art.
“Antinomianism.”) Ma o le pogai lea ua latou fai mai ai e tusa lava
po o se agasala aupito sili ona mātagā ma “ua manatu le lalolagi o
se soligatulafono mamafa o le poloa’iga a le Atua, peitai e lē o se
agasala lea mea i le silafaga a le Atua,” pe afai ua faia e se tasi o le
266
O Le Finauga Tele
au filifilia. “Auā o se tasi o uiga manino e iloa ai le au filifilia o lenei:
latou te lē mafai ona faia o se mea e lē fiafia mai ai le Atua, po o se
mea e faasāina e le tulafono.”
O aoaoga mata’utia lava nei sa toe aliali a’e foi i aoaoga a faia’oga
ma a’oa’o i se vaitaimi mulimuli ane. Ua latou fai mai e leai se tulafono lemaliliua a le Atua e fai ma tapulaa e fua a’i le mea sa’o. Peitai
ua latou fai mai o le sa’o po o le tonu o se mea, e fuafua lea i le mea
ua tonu ma sa’o e tusa ai ma tu masani a le atunuu, ma o lea tapulaa
e ono suia i soo se taimi e tusa ai ma tu a tagata. O nei manatu uma
ua tasi lo latou tupu’aga - e tutupu uma mai i le mafaufau o lē na
amatalia lana galuega leaga i le lagi e ala i lona taumafai e lepetia le
tulafono a le Atua.
O le aoaoga na ta’ita’ia ai le to’atele ina ia teena le tulafono a le
Atua o le aoaoga lea na fai mai ua filifilia e le lagi nisi ia faaolaina,
a’o nisi mo le faafanoga e faavavau. Na matuā tetee Uesele i nei
aoaoga sese faa- anitenomi, ma sa ia ta’u atu o nei aoaoga e lē ō
gatasi ma le Tusi Paia. “Auā o le alofa tunoa o le Atua ua aumai ai
le olataga, ua faaalia mai lea i tagata uma lava.” Tito 2:11. “Auā o
le mea lelei lea ma le mālie i luma o lo tatou Faaola le Atua, o le
finagalo ina ia faaolaina o tagata uma lava, ma ia oo ina iloa lelei
le upu moni. Auā e to’atasi le Atua, e to’atasi foi le puluvaga i le
Atua ma tagata, o le tagata o Keriso Iesu lea; o Le na foaifuaina e ia
ia te ia e fai ma togiola mo tagata uma lava.” 1 Timoteo 2:3- 6. Ua
tuusaunoaina mai le Agaga o le Atua ina ia mafai ai e tagata uma ona
maua le ala o le faaolataga. Ma, o Keriso le malamalama moni, “na
te faamalamalamaina tagata uma lava i lona maliu mai i le lalolagi”
Ioane 1:9. E to’atele o le a latou lē maua le faaolataga ona o lo latou
faatālatū ma lo latou lē fia taliaina o le meaalofa o le ola.
O le faamatalaga lenei a Uesele na tali atu ai i ē na fai mai o
le maliu o Keriso na sōloia ai tulafono e sefulu a le Atua, faatasi ai
ma tulafono o faigataulaga. Fai mai Uesele: “E le’i aveesea e Keriso
le tulafono e pei ona faaalia mai i poloa’iga e sefulu ma tausia e le
au perofeta. E le’i afio mai Iesu ina ia soloi’esea se vaega o lenei
tulafono. E lē mafai ona ave’esea se vaega o lenei tulafono, auā o le
tulafono lenei e ’tumau e pei o le molimau faamaoni i le lagi.’... O
le tulafono lenei mai le amataga o le lalolagi, ma e le’i tusia lenei
tulafono i papamaa, a’o loto o le fanau a tagata, ina ua mae’a ona
foafoaina i latou e aao o le Atua. Ma, e ui lava ina ua tau leiloa atu
O Nisi Ta’ita’i O Le Galuega O Le Toe Fuata’iga I Egelani
267
nei mata’itusi o le tulafono talu ai le agasala, peitai e le mafai ona
mou ese atu atoatoa le tulafono a’o i ai so tatou malamalama’aga i le [222]
va o le lelei ma le leaga. E tumau pea lenei tulafono i ona vaega uma,
mo tagata uma, i augatupulaga uma. O le tumau o lenei tulafono e
lē faalagolago lea i le vaega taimi po o le augatupulaga e te ola ai,
po o le vaega o le lalolagi e te mau ai, po o se tasi lava mea e ono
suia. Peitai o le tumau o lenei tulafono e faalagolago lea i le uiga o
le Atua, ma le uiga o le tagata, atoa ma le va lēmasuia o nei uiga e
lua.
“ ‘Ou te le’i sau e tatalaina, a ia faataunuuina.’ ... E lē taumatea
le uigā o Lana fetalaiga lenei (e ō gatasi lava ma Ana ulua’i fetalaiga, atoa foi ma Ana fetalaiga na mulimuli mai.) O lona uiga, ua
Ou sau ina ia faatumauina le tulafono i lona atoatoa, tusa lava po o
ā taumafaiga a tagata ina ia soloi’esea ai. Ua Ou sau ina ia faamaninoina vaega uma sa pogisa ma faanenefu i ai tagata. Ua Ou sau ina
ia ta’u atu le uiga moni, le uiga atoa o vaega ta’itasi uma o lenei tulafono; ina ia faasino atu le umi ma le lautele, ma mea uma ua aofia
i soo se poloa’iga ua i ai i lenei tulafono; atoa foi le maualuga ma le
loloto, faapea le uiga mamā tatou te lē malamalama i ai, ma le uiga
faaleagaga o ona vaega uma.” (Wesley, Sermon 25.)
Na ta’u atu e Uesele le ō gatasitasi atoatoa o le tulafono ma le
talalelei. Fai mai Uesele: “E faapena le vāvālalata o le sootaga o le
tulafono ma le talalelei. O le tasi itu ua tatou vaaia ai o lo o faamuamua e le tulafono le talalelei; a’o le isi itu ua tatou vaaia ai le talalelei
o ta’ita’ia i tatou ina ia tatou faamasani ma tausi i le tulafono. Faapei
o lenei: Ua faatonuina i tatou e le tulafono ina ia tatou alolofa i le
Atua, ina ia tatou alolofa i o tatou tua’oi, ina ia tatou agamalu ma
loto maulalo, ma ola faapaiaina. Atonu ua tatou manatu tatou te lē
mafai ona faia o nei mea uma; ma e moni tatou te lē mafaia nei mea
i le malosi faaletagata. Peitai ua folafola mai e le Atua mo i tatou lea
alofa, ma le agamalu ma le loto maulalo atoa ma le ola faapaiaina.
Ona tatou talitonu ai lea i lea talalelei, ma ua faia mo i tatou e tusa ai
ma lo tatou faatuatua; ma ua faataunuuina ai ia i tatou le amiotonu
o le tulafono, e ala i le faatuatua ia Keriso Iesu. ...
Fai mai Uesele: “E i ai ni fili aupito malolosi o le talalelei ua
latou faitioina ma faamasinoina le tulafono, ma ua latou ta’uleagaina
le tulafono a le Atua. Ua latou a’oa’o tagata ina ia latou soli ma
faaleaogā poloa’iga uma a le Atua i se taimi e tasi. ... O le mea lenei
268
O Le Finauga Tele
e sili ona ofo ai i lenei galuega taufaasese. O e o lo o lagolagoina
lenei galuega sese, ua matuā talitonu i latou ua latou faia se mea
e viia ai Keriso, e ala i lo latou lafotūina o Lana tulafono. Ua latou
talitonu o lo o latou siitia a’e Lona malo e ala i lo latou lepetia o Ana
aoaoga! Ioe, ua latou viia Keriso e pei lava ona faia e Iuta ina ua fai
mai o ia, ’Rapi e, si o’u alofa, ona sogi ai lea o ia ia te ia.’ Semanū
o se mea talafeagai pe ana fesili atu Iesu ia i latou uma nei, ’Tou te
faalata ea le Atalii o le Tagata i le sogi?’ Auā o le mea moni lava ua
latou faalata ia te Ia ina ua latou tautala mai i Lona toto, a ua latou
[223] ave’esea Lona palealii; ua latou faamāmāsagia Lana tulafono, a ua
latou fai mai o lo o latou una’ia i luma Lana talalelei. O le moliga
lava lenei e aafia ai soo se tasi na te laugaina atu ni aoaoga i se ala
e ono faamāmāsagiaina ai le usitai; po o le laugaina atu o Keriso i
se ala e ono sōloia ai pe faaitiitia ai le aogā o se tasi o poloa’iga a le
Atua.” (Ibid.)
O le tali lenei a Uesele ia i latou o ē na fai mai o le tala’iga o
le talalelei e faataunuuina ai sini uma o le tulafono. Fai mai Uesele:
“Matou te matuā tetee i lea manatu. E lē faataunuuina e le tala’iga
o le talalelei le ulua’i sini o le tulafono, o le faailoa atu lea i tagata o
le leaga o le agasala, atoa ma le faguaina o i latou o ē o lo o momoe
pea i augutu o le tofē o seoli. Fai mai le aposetolo o Paulo, ’O le
tulafono e iloa lelei ai le agasala’, ma e lē lagona moni e le tagata
lona mana’oga o le toto togiola o Keriso se’i vagana ua ia lagona lona
tulaga agasala. ... O Keriso lava na fetalai mai, ’E lē mana’omia e ē
malolosi le foma’i, a’o ē mama’i’. Ma, o se mea valea le valaauina
o se foma’i mo ē o lo o malolosi, po o i latou foi o ē manatu o lo o
malolosi i latou. Ia muamua ona lagona e i latou o lo latou pagatia
i le ma’i, ona latou maua lea o le agaga fia faafetai i lau galuega
fesoasoani i le aumaia o le foma’i. E faapena foi le valea o le ofoina
atu o Keriso ia i latou o ē manatu o lo o atoatoa i latou, i latou o ē
le’i nutimomoia o latou loto.” (Ibid. Sermon 35)
Na faapena ona laugaina atu e Uesele le alofa tunoa o le Atua,
ma mulimuli atu ai o ia i lona Matai e ala i lona sa’ili’ili ina ia
“faalauteleina le tulafono ma ta’uleleiaina ai”. Na ia faia ma le faamaoni le galuega na tuuina atu e le Atua ia te ia, ma, e maoa’e le
matagofie o fua o lana galuega sa ia vaai i ai. E sili atu i le 50 tausaga
na galue ai o ia o se faife’au femalaga’i solo. Ina ua faai’uina lana
galuega ina ua sili atu i le 80 tausaga o lona soifua, sa sili atu i le
O Nisi Ta’ita’i O Le Galuega O Le Toe Fuata’iga I Egelani
269
toa lima selau afe i latou ua ta’ua o tagata Uesele. Peitai e lē iloa
i le olaga nei le faitau aofa’i o ē na faamanuiaina ma siitia a’e nai
le faafanoga ma le palapalā o le agasala, ma faatūina o latou vae
i se olaga maualuga ma le mamā, e ala i lana galuega. Tatou te lē
iloa foi i lalo nei le fuainumera o i latou o ē na faamanuiaina i se
olaga sili ma le tamāo’aiga i mea faaleagaga, e ala i ana aoaoga. Na
o le lagi o le a tatou iloa ai nei mea uma. O lo o i ai i le soifuaga o
Uesele se lesona e maoa’e lona aogā mo Kerisiano uma ta’itoatasi.
Ma’imau pe ana mafai ona vaaia i ekalesia uma i aso nei le faatuatua
ma le agamalu, le ma’elegā paia ma le galue punoua’i, atoa ma le
[224]
ola tuuina atu atoatoa o lenei auauna a Keriso!
Mataupu 15—O Le Tusi Paia Ma Le Fouvalega Tele
I Farani
Ole galuega o le Toe Fuata’iga na tatala atu ai nei le Tusi Paia i
le lautele o tagata, i lona sefulu ma le ono o senituri. Na sa’ili’ili loa
ta’ita’i o le galuega o le Toe Fuata’iga ina ia faaofi atu le Tusi Paia
i atunuu uma o Europa. Na talileleia le Tusi Paia e nisi o atunuu
ua pei o se avefe’au mai le lagi. Peitai sa faamanuiaina taumafaiga
faalepope e taofia ai le ofi atu o le Tusi Paia i le tele o isi atunuu,
ma ua lē mafai ai ona ofi atu le malamalama o le Tusi Paia e siitia ai
tapulaa o tagata i ia atunuu. E ui lava na ofi atu le Tusi Paia i se tasi
o ia atunuu, sa lē malamalama i ai tagata talu ai le tele o le pogisa.
Ona tauivi ai lea o le upu moni ma le mea sese mo le selau ma selau
o tausaga i totonu o le atunuu o Farani. Na i’u ai lava ina manumalo
le leaga, ma ua tulia ai loa i fafo le upu moni. “O le faasala foi lenei,
ina ua oo mai le malamalama i le lalolagi, a’o tagata, e sili lo latou
mana’o i le pouliuli i lo latou mana’o i le malamalama.” Ioane 3:19.
Ona tuua loa lea o lea atunuu na te selesele i le i’uga o le ala ua ia
filifilia. Na aveesea le Agaga o le Atua mai nei tagata, o ē ua latou
inoino ma teena le meaalofa o Lona alofa tunoa. Na faatagaina le
leaga ina ia faaatoatoaina lana galuega. Ma sa vaaia e le lalolagi le
fua o le teena ma le iloa o le malamalama.
O le taua umi lea na tau i Farani e tetee atu ai i le Tusi Paia, sa
taualuga lea taua i ni vaaiga mata’utia i le taimi o le Fouvalega Tele.
O le sasao a’e o nei fouvalega mata’utia, o le fua lava lea o le teena,
atoa ma le faasāina e Roma o le Tusi Paia. O se ata aupito manino
lea ua vā’ai i ai le lalolagi i le taunuuga tonu o faiga faapope. O se
ata lea o le taunuuga ua oo i ai le sili atu i le afe o tausaga na fai ai
a’oa’oga a le ekalesia Roma e tetee atu ai i le Tusi Paia.
Na valo’ia mai e le au perofeta le tu’ipalaina o le Tusi Paia i le
vaitaimi umi o le pule aoao a le pope. Na valo’ia mai foi i le Faaaliga
le i’uga mata’utia o le a mulimuli mai, ae maise lava i Farani, talu
ai le pule a le “tagata o le agasala”.
270
O Le Tusi Paia Ma Le Fouvalega Tele I Farani
271
Fai mai le agelu a le Alii: “Latou te solia foi le aai paia i masina
e fagafulu ma le lua. Ou te tuuina atu foi i a’u molimau e to’alua, la
te vavalo ai i aso e tasi le afe e lua selau ma le onogafulu, o oofu i [225]
la’ua i ie talatala. ... Pe a uma ona la faai’uina la la mau, ona sii mai
lea o le taua ia te i la’ua e le manu feai, lē ua alu a’e nai le to e le gata,
e manumalo foi o ia ia te i la’ua, ma fasioti ia te i la’ua. O la tino foi
e i ai ia i le ala o le aai tele, o lona igoa faaleagaga, o Sotoma ma
Aikupito, o le mea foi na faasatauroina ai lo tatou Alii. ... E fiafia foi
ē ua nonofo i le nuu ona o i la’ua, ma latou olioli, ma fe’avea’i mea
alofa; auā na faatigaina ē ua nonofo i le nuu e ia perofeta e to’alua.
A ua mavae aso e tolu ma le vaeluagalemu o le aso, ona uluitinoina
ai lea o i la’ua e le Agaga ola mai le Atua, ona la tutū i luga ai lea o
la vae, ona oo ai lea o le mata’u tele i ē na matamata ia te i la’ua.”
Faaaliga 11: 2-11.
E lua vaegataimi o lo o ta’ua i inei: o “masina e fagafulu ma
le lua”, ma “aso e tasi le afe e lua selau ma le onogafulu”. Peitai e
faasino ia faaupuga i se vaitaimi e tasi - le vaitaimi lea na sauāina ai e
Roma le ekalesia a Keriso. Na amata le 1260 tausaga o le pule aoao a
le pope i le T.A 538, ma o lona uiga e faai’u i le 1798. O le tausaga lea
na taunuu ai i Roma se vaega’au a Farani ma ave faatagataotauaina
ai le pope, ma sa ia maliu ai a’o faaaunuua o ia. E ui lava sa le’i
umi ae toe palotaina ma filifilia se isi pope fou, e le’i toe oo lava le
malosi o le pule faapope i le tulaga na i ai i luma atu o le 1798.
E lei atoa le 1260 tausaga o faaauauina le sauaga o le ekalesia.
O le alofa o le Atua i Ona tagata na faapuupuuina ai le vaitaimi o le
aasa o lo latou tofotofoga. O upu nei na faamatalaina ai e le Faaola
le “puapuaga tele” na Ia valo’ia o le a oo mai i le ekalesia: “A le
faapuupuuina foi ia aso, e lē faaolaina se tasi; ae faapuupuuina ia
aso ona o ē ua filifilia.” Mataio 24: 22. Na faamutaina sauaga i luma
atu o le 1798 talu ai le galuega o le Toe Fuata’iga.
Fai mai le perofeta e uiga i molimau e lua: “O laau olive ia e lua,
ma tuugalamepa e lua ua tutū i luma o le Atua o le lalolagi.” Faaaliga
11:4. Fai mai le tusi salamo: “O lau afioga o le sulu lea i o’u vae,
ma le malamalama i lo’u ala.” Salamo 119:105. O molimau e lua ua
faatusa i ai Tusitusiga Paia o le Feagaiga Fou ma le Feagaiga Tuai. O
ni molimau tāua nei i le tupu’aga mai, atoa ma le tumau e faavavau
o le tulafono a le Atua. Ua molimau foi i la’ua nei i le fuafuaga o
le faaolataga. O faatusa uma ma ata, ma taulaga ma valo’aga o le
272
O Le Finauga Tele
Feagaiga Tuai, ua latou faasino lima i luma i le Faaola o le a afio
mai. O evagelia ma le au tusitala uma o le Feagaiga Fou, ua latou
faamatalaina mai le Faaola ua taunuu mai, pei lava ona sa valo’ia
mai i ata ma valo’aga.
“La te vavalo ai i aso e tasi le afe e lua selau ma le onogafulu,
o oofu i la’ua i ie talatala.” O le tele o lea vaitaimi sa tau le iloa ai
molimau e lua a le Atua. Na sa’ili’ili le pule faapope e natia le upu
moni mai tagata, ae siitia a’e i o latou luma ni molimau sese e tetee
atu ai i le mau a le Tusi Paia. O le vavalo o molimau e lua a’o “oofu
[226] i ie talatala” e faasino lea i le vaitaimi na faasāina ai le Tusi Paia e
le pule faalelotu ma le pule faalemalo. E faasino lea i le vaitaimi na
taumafai ai le pule faapope e faaliliusese i le mau a le Tusi Paia. E
faasino foi i taumafaiga uma a tagata ma temoni ina ia faaliliu’eseina
mafaufau o tagata mai le Tusi Paia. E faasino i le vaitaimi na oo ai
sauaga ia i latou o ē na tutu atu ma le lē fefefe e lauga atu le upu
moni paia. Na sa’ilia ma tuliloaina i latou ua pei o ni manu’aivao,
na faalataina i latou ma faatāugāina, na lafoina i latou i ni ana pogisa
e falepuipui ai, na fasia faamaturo i latou ona o lo latou faatuatua,
a’o nisi na sosola i ni mea tuufua i luga o mauga, po o lua ma ana i le
eleele. O le taimi lea na oofu ai molimau e lua i ie talatala. Peitai na
faaauauina pea la la molimau i lea vaitaimi atoa, o le 1260 tausaga.
E oo lava i vaitaimi aupito pogisa o le tala faasolo o le ekalesia, sa i
ai lava le au faamaoni o ē na tāua ia i latou le afioga a le Atua, ma
sa latou tutū atu ai e tau mo Lona viiga. Na tuuina atu i nei auauna
faamaoni le poto ma le faautauta, o le mana ma le pule e tala’i atu
ai Lana upu moni i tausaga uma o lenei vaitaimi umi.
“Afai foi e fia faaleaga se tasi ia te i la’ua, ona alu atu ai lea o
le afi ai o la gutu, e faaumatia ai ē ua fai i la’ua mo latou fili; afai
foi e fia faaleaga se tasi ia te i la’ua, e tusa ona faapea ona fasiotia o
ia.” Faaaliga 11:5. E lē mafai ona solia e tagata le afioga a le Atua e
aunoa ma so latou faasalaga. Ua faataatiaina mai i le mata’upu faai’u
o le Faaaliga le uiga o lenei lapata’iga: “Auā ou te ta’utino atu ia i
latou uma o ē faalogo i upu o le valo’aga o lenei tusi, Ai se tasi e
faaopoopo mai se upu i nei upu, e faaopoopoina atu e le Atua ia te
ia o mala ua tusia i lenei tusi. Ai se tasi foi e aveese se upu i upu o le
tusi o lenei valo’aga, e aveeseina e le Atua lona tofi i le tusi o le ola,
ma le aai paia, ma mea ua tusia i lenei tusi.” Faaaliga 22: 18, 19.
O Le Tusi Paia Ma Le Fouvalega Tele I Farani
273
E faapena lapata’iga ua tuuina mai e le Atua ina ia puipuia ai
tagata mai lo latou taumafai e suia i soo se auala Ana poloa’iga po
o mea ua Ia faaalia mai. E faasino nei lapata’iga ia i latou uma o ē
faaaogā la latou pule, po o lo latou poto ma le malosi e ta’ita’ia ai
tagata ina ia latou manatu māmā i le tulafono a le Atua. E ao ona oo
ifo ai le gatete ma le fefe ia i latou o ē faalepopoi i lo latou fai mai
e leai se ese’esega pe tatou te tausia le tulafono a le Atua pe leai.
O i latou uma o ē siitia a’e o latou lava manatu ina ia sili a’e i lo le
finagalo faaalia o le Atua, o i latou uma o ē taumafai e suia le uiga
manino o le Tusi Paia ina ia tusa ai ma mea latou te manana’o i ai,
po o mea e mana’o i ai le lalolagi, ua sopo atu vae o i latou nei i se
ala matuā mata’utia. O le afioga tusia, le tulafono lea a le Atua, o
le a avea lea ma faamasino i amio a tagata uma, ma ta’usalaina ai i
latou uma o ē o le a fuaina i lenei fua lēmasesē, ma iloa ai lo latou
māmāsagia.
“Pe a uma ona faai’uina la la mau.” O le vaitaimi o le vavalo
a molimau e lua a’o oofu i ie talatala na faamutaina lea i le 1798.
A’o tau lalata atu i le mutaaga o la la galuega na faia i le taimi o le [227]
pogisa, fai mai le valo’aga, o le a siitau mai ia i la’ua le malo lea ua
faatusaina i le “manu feai ua alu a’e nai le to e le gata.” O ē na pule
i le ekalesia ma le malo i le tele o atunuu o Europa, sa pulea i latou
e Satani e ala i le malosi faalepope. Peitai ua tatou vaaia i inei se
faaaliga fou o le mana faasatani.
Sa pei o se tulafono tumau a Roma lona taofia o le Tusi Paia mai
tagata. Na ia taofia ma natia le Afioga a le Atua mai tagata e ala i
lona faaaogaina o se gagana e lē malamalama i ai tagata. Fai mai
Roma o le ala lea e faailoa ai le āva i le Tusi Paia. O lalo ifo o lana
pule na vavalo ai molimau e lua a’o “oofu i ie talatala”. Peitai ua
valo’ia mai se tasi malo, le manu feai lea ua alu a’e nai le to e le
gata, o le a ia lē natia lona siitaua atu faalaua’itele i le afioga a le
Atua.
O Aikupito le igoa “faaleagaga” o le “aai tele” lea na fasiotia
ai molimau e lua, ma taatitia ai o la tino i le ala. Ua sili Aikupito
i isi malo uma o lo o tā’ua i le Tusi Paia, i lona faasausili ma lona
upuvale i le Atua soifua, atoa ma lona tetee i Lana tulafono. E leai se
malo na sili atu le faamaualuga o lona tupu e pei o le faasausili o le
tupu o Aikupito i le pule a le Lagi. Ina ua avatu i ai e Mose le fe’au
mai le Atua, fai mai le tali faamaualuga a Farao: “O ai Ieova ou te
274
O Le Finauga Tele
usitai i ai ma tuuina atu ai Isaraelu e o? Ou te le iloa Ieova, ma ou te
le tuuina atu foi Isaraelu e o.” Esoto 5:2. O le talitonuga mata’utia
lenei ua fai mai e leai se Atua, ma o le atunuu lea ua faatusaina ia
Aikupito o le a toe faapea foi ona faailoa mai o lona lē talitonu i le
Atua soifua, ma o le a toe faailoa mai foi le agaga lava lea e tasi o
le faamaualuga ma le faasausili. O Sotoma le tasi igoa “faaleagaga”
ua faatusaina i ai le “aai tele”. O le pa’ū maulalo o Sotoma i lona
solia o le tulafono a le Atua sa faatinoina lea i le amioleaga ma le
faitaaga. Ma o le agasala lava foi lea e tasi na valo’ia mai o le a avea
ma uiga iloga o le atunuu lea ua faatusaina e le Tusi Paia o Sotoma.
E tusa ai la ma upu a le perofeta, na valo’ia mai o le a tu mai
se malo e uiga faatasi ma Satani i lona tupu’aga ma lana amio, i ni
nai tausaga a’o le’i oo i le 1798. O le a tu mai lea malo e siitaua atu
i le Tusi Paia. Ma, o le atunuu o le a taofia ai le mau a molimau e
lua, o le a iloga ai le faasausili e pei ona sa faailoa e Farao, ma le
amioleaga e pei ona lauiloa ai Sotoma.
E ofoofogia ma atoatoa le faataunuuga o lenei valo’aga i le tala
faasolo o le malo o Farani. O le tausaga 1793, a’o faia pea le Fouvalega Tele i Farani, o le tausaga lea “na faato’ā vā’ai ai le lalolagi
i se fono a ni tagata a’oa’oina ua latou faoa le pule e pulea ai se tasi
o malo aupito iloga i Europa, ma ua latou sii a’e ai lo latou leo tuufaatasi e teenaina ai le talitonuga ma le tapua’iga i le Atua.” (Sir
Walter Scott, Life of Napoleon vol 1, ch 17.) “Ua na o Farani lava
le malo i le lalolagi o lo o i ai tusitusiga aloa’ia e faamaonia ai lona
sii a’e o lona lima, o se malo ua fouvale faaaliali i lē na foafoaina
le lagi ma le lalolagi. E to’atele i latou i Egelani, Siamani, Sepania,
[228] ma isi atunuu, o ē na upuvale i le Atua, ma o lo o latou saga upuvale
pea i Lona suafa, ma fai mai e leai se Atua. Peitai ua tu tasi mai lava
Farani i le tala faasolo o le lalolagi, ua na o lea le malo ua faia e
lana Fono Faitulafono se poloa’iga e folafola mai ai ua leai se Atua.
E le gata i lea, na fe’ei fiafia ma pepese ma sisiva tagata uma o lona
laumua, atoa ma le to’atele i isi aai, o tane atoa ma fafine, ina ua
latou faalogo i lea folafolaga.” (Blackwood’s Magazine, November,
1870.)
Na i ai foi nisi uiga iloga o Sotoma sa vaaia i Farani. Na vaaia i le
vaitaimi o le Fouvalega Tele se tulaga pa’ū maulalo ma le amioleaga
e pei lava o amioga na oo mai ai le faafanoga i aai o Sotoma ma
Komoro. O upu nei a le tusitala o le tala faasolo ua na faamatalaina
O Le Tusi Paia Ma Le Fouvalega Tele I Farani
275
mai ai le lē talitonu o Farani i le Atua, atoa ma le amioleaga pa’ū
maulalo o ona tagata, e tusa ai ma le valo’aga. Fai mai le tusitala, “Na
fuifuilua le faia o le tulafono e uiga i le leai o se Atua, ma le tulafono
na faamāmāsagiaina ai le sauniga o le faaipoipoga. O le faaipoipoga
o le feagaiga aupito paia lea e ono faia e tagata. O le malosi ma le
tumau o le sauniga o le faaipoipoga, o le malosi foi lea ma le tumau
o se nuu po o se malo. Peitai o lenei ua faamāmāsagiaina e Farani le
sauniga o le faaipoipoga, ma avea ai ua na o se feagaiga faalemalo,
se feagaiga e lē tumau, se feagaiga e pule ai lava le ulugalii la’ua i
le taimi e faamutaina ai. ... Ana o mai temoni e sa’ili’ili se auala e
ono lepetia ai uiga lelei uma o le faaaloalo ma le āva, atoa ma isi
uiga lelei ma uiga tumau o le li’o faale’aiga, ma ana fai latou te fia
maua se auala e mafai ai ona faatumauina o lenei amioleaga i lea
tupulaga ma lea tupulaga, semanū latou te lē maua se auala e sili
atu ona manuia ai lo latou mana’o nai lo le faamāmāsagiaina o le
sauniga o le faaipoipoga. ... Na faaigoaina e se tasi tagata lauiloa o
lea vaitaimi le faaipoipoga i Farani o le ’sakalameta o le mulilua’. O
le igoa o lea tagata o Sofi Ano.” (Scott, vol. 1, ch. 17.)
“O le mea foi na faasatauroina ai lo tatou Alii.” Na faataunuuina
foi e Farani le vaega lenei o le valo’aga. E leai se isi malo na sili atu
ona faaalia ai o le agaga tetee ia Keriso nai lo Farani. E leai se isi
atunuu na sili atu ona faafeagai ai o le upu moni ma sauaga tiga. Na
faasatauroina e Farani Keriso e ala i sauaga na ia faia i Ona soo o ē
na tala’ia le talalelei.
Na faapea ona faamaligiina o le toto o le aupaia i le selau ma
selau o tausaga. A’o tuuina atu ola o tagata Ualetenese mo le afioga
a le Atua ma le mau a Iesu Keriso, i luga o mauga o Pietimoni, na
faapena foi ona molimau atu mo le upu moni o latou uso, o tagata
Alapikenesi i Farani. O sauaga mata’utia atoa ma le oti na feagai ma
i latou nei i le vaitaimi o le Toe Fuata’iga. O le faatāugāina o tino o i
latou nei i sauaga mata’utia ma le oti faamaturo mo Iesu, na fai lea o
ni mea faafiafia auā le maimoaga a le tupu ma alii sili, faapea o latou
masiofo ma faletua, atoa ma le au mau tofi maualuluga o le malo.
Na faapea foi ona faamasaaina o le toto o tagata Iukenote i Farani
a’o latou finau atu mo le sa’olotoga i mea tau tapua’iga, o se mea
ua pele ma paia i le loto o le tagata. Na pei o ni tagata solitulafono [229]
mamafa le au Porotesano, ma sa tuliloaina i latou faapei o le tulia o
276
O Le Finauga Tele
ni manu’aivao, ma sa ofoina atu ni tupe i soo se tasi na te maua ma
fasiotia soo se isi o le au Porotesano.
O le “Ekalesia i le Toafa” na igoa ai fanau a fanau a ulua’i
Kerisiano o ē na totoe i Farani i lona 18 o senituri, o e na lalafi
solo i luga o mauga i le itu i Saute o Farani, ma latou tūtūmau ai i le
faatuatua o o latou tua’ā. Sa fai a latou sauniga i le po i luga o mauga
po o vaega tuufua o le vao, ma sa tuliloaina ma maua i latou e fitafita
na o mai i solofanua ma tatoso atu i latou nei e fai ma pologa e aloina
vaa faigaluega o le malo i lo latou olaga atoa. O ē na aupito amioatua
ma aupito a’oa’oina o le au Kerisiano i Farani sa faatāugāina o latou tino ma tuu i filifili i le mea sa falepuipui ai le au faomea ma le
au fasioti tagata. O isi na vave oo mai lo latou oti ina ua fanaina i
latou a’o latou faapa’u’ū ifo i o latou tulivae i le tatalo. E selau ma
selau toeaiina ma fafine ma tamaiti na fasiotia ma faataatitia ai lava
o latou tino i le eleele na fai ai a latou sauniga. O ē na ui atu ai i
lea vaomatua i se taimi mulimuli ane, na latou maua ai “tino oti ua
fola i le eleele, a’o isi tino oti o lo o tāutau solo mai i luga o laau.”
Ua avea nei lo latou atunuu o se vaomatua pogisa, o se laufanua ua
faatafunaina e le pelu ma le agaese atoa ma fata na susunuina ai le
au Kerisiano. “E le’i faia lenei fasiotigātagata i se vaitaimi pogisa;
na fai nei faiga uma i le vaitaimi o le malamalama i le nofoaiga a
Lui le Sefulufā. O le taimi lea ua aloa’ia ai a’oa’oga faasaienitisi, na
tāua ai foi le au tusitala ma ē ua malamalama ma a’oa’oina lelei; o
a’oa’o foi ma patele i le maota o le tupu faapea lo latou laumua o ni
tagata popoto ma ē ua a’oa’oina, ma sa latou faailoaina atu i luma o
tagata ni foliga agamalu ma le alofa.” (Ibid., b. 22, ch. 7.)
Peitai e ui i nei sauaga uma, o le amioleaga na aupito sili ona
maoa’e i le pouliuli o sauaga uma, ma aupito sili ona mata’utia i
sauaga uma faatemoni i senituri uma o le pogisa, o le fasiotigātagata lea ua ta’ua o le Fasiotigātagata i Patolomaio. E manatua pea
e le lalolagi ma le gatete o loto atoa ma le maniti o tino, ni vaaiga
ofoofogia ma le mata’utia o lea fasiotigātagata mata’utia ma le sauā.
Na tuuina atu e le tupu o Farani lana faamanuiaga i lenei galuega
leaga ina ua una’iina o ia e patele ma epikopo Roma. Na faia le fuafuaga o le ta o le logo i le valuapo, o le a avea lea ma faailoga o le
amataga o le fasiotigātagata. E afe ma afe tagata Porotesano na momoe filemu i o latou fale i lena po ma lo latou faatuatua i le puipuiga
O Le Tusi Paia Ma Le Fouvalega Tele I Farani
277
a lo latou tupu. Peitai na faafuasei ona tatosoina atu i latou i fafo ma
fasiotia ai loa lava i latou e aunoa ma se upu po o se lapata’iga.
Pei lava ona avea o Keriso o le ta’ita’i lemavaaia o Ona tagata mai
le mea na latou nofo pologa ai i Aikupito, na faapena foi ona avea o
Satani o le ta’ita’i lemavaaia o ana au i lenei galuega mata’utia o le
faatupula’ia o maturo. E fitu aso o faaauau pea lea fasiotigātagata i
totonu o le aai o Pale; ma sa sili ona mata’utia o vaaiga o le ulua’i
tolu o aso. E le na o tagata o le aai tele o Pale na aafia i lenei mala. Na
maua se faatonuga faapitoa mai le tupu ina ia aafia ai soo se itumalo [230]
atoa ma aai laiti uma e maua i ai tagata Porotesano. Na faasolo’atoa
le faiga o lenei fasiotigātagata. O toeaiina ma loomatutua, o tane ma
fafine, o tamalii atoa ma auauna, o tinā faapea le autalavou, e oo
lava i nai pepe laiti, e le’i foi ai le galuega a le pelu. E lua masina o
faia pea lava lenei fasigātagata. Ma e 70,000 i latou o le malosi o le
atunuu na maliliu ai i lea fasiotigātagata.
“E leai se mea na gata mai ai le olioli o patele ma le aufailotu i
Roma ina ua latou maua le tala i lenei fasiotigātagata. E afe kalauna
(tusa ma le $3,000 tālā) na tuuina e le katinale o le aai o Loreni i
le avefe’au na alu atu ma lenei tala. Na taalili le pa mai o fana na
faailogaina ai le taunuu atu o lenei tala fiafia. E le gata i lea o lo
latou fiafia tele na latou ta ai logo i falesa eseese i le ao, ma latou
faia ai ni afi tetele i le po, ua pei ai lava o le ao. Na faafeao pope
Kelekolio le Sefulutolu e katinale ma le mamalu eseese o le aufailotu
a’o ia malaga atu i se solo umi agai i le malumalu o Sene Lui, e
faafofoga ai a’o peseina mai e le katinale o le aai o Loreni se vii o le
manumalo i le Atua. ... Na faia faapitoa se pine e faailogaina ai lenei
fasiotigātagata. O lo o i ai pea i le Vatikana ni ata tetele se tolu na
tusia e faamanatuina ai lea aso. O se tasi o ia ata o se ata o le tupu o lo
o fono ma ana faufautua i le fuafuaina o le fasiotigātagata, a’o le tasi
ata o se ata o le faatinoina o le galuega o le fasiotigātagata. O le tele
o le olioli o Kelekolio na ia auina atu ai ia Salesa le tupu o Farani,
le Rosa Auro. E fa masina talu ona mae’a o lenei fasiotigātagata
ae faafofoga loa ma le fiafia le pope o lauga se patele Farani ma ia
ta’ua ai ’le olioli ma le fiafia i le aso na maua ai e le tamā paia le
tala fiafia, ma ia maliu atu ai i se solo mamalu e fai le faafetai i le
Atua i le malumalu o Sene Lui.’” (Henry White, The Massacre of
St. Bartholomew, ch. 14, par. 34.)
278
O Le Finauga Tele
O le agaga sa taulamua ma una’iina le fasiotigātagata i Patolomaio, o le agaga lava lea e tasi na ta’ita’i i vaega eseese o le Fouvalega Tele. Na latou fai ane o Keriso o se faalata, ma, o le upu
teuloto a nei tagata Farani lē talitonu i le Atua o lē: “Olopala lea
Meaola”, ma o lea upu na faatatau ia Keriso. Na ō faatasi le faiga o
upuvale i le lagi ma le faia o amio mātagā ma amio pa’a’ā; o ē na
aupito sili le amio leaga ma le sauā, o i latou ia na aupito sili ona
faaeaina ma ave i ai le mamalu. O nei faiga uma na avatu ai le viiga
sili ia Satani; a’o Keriso i Ona uiga masani o le upumoni, amiotonu,
ma le alofa fua, ua latou faasatauroina.
“Ona sii mai lea o le taua ia te i la’ua e le manu fe’ai lē ua alu a’e
nai le to e le gata, e manumalo foi o ia ia te i la’ua, ma fasioti ia te i
la’ua.” E le’i talitonu i le Atua le tupu na pulea Farani i le taimi o le
Fouvalega Tele atoa ma le Pule’aga a le Oti Mata’utia, ma o ia lea
na faataunuuina le siitaua atu i le Atua ma Lana afioga paia, i se taua
uiga ese ua faato’ā molimauina lea e le lalolagi. Na sōloia e le Fono
Faitulafono le tapua’iga i le Atua. Na aoina Tusi Paia ma susunuina
faalaua’itele. Na latou faaalia i soo se auala lo latou manatu faatau[231] vaa ma le manatu maulalo i le Tusi Paia. Na solipalaina le tulafono a
le Atua. Na latou sōloia ma faaleaogaina sauniga ua poloa’iina mai
e le Tusi Paia. Na latou tuu’esea le aso mālōlō i le ta’i fitu o aso, a
ua avea le ta’i sefulu o aso ma aso e fai ai fiafia ma poula ma amioga
e upuvale atu ai i le lagi. Ua latou faasāina le Papatisoga ma le Faamanatuga. Ma sa tutu’i pepa faasalalau i fanua tanu uma, e ta’u atu
ai o le oti o le moe e faavavau, ma e leai se Toetu.
Na latou fai ane o le mata’u i le Atua e lē o le amataga lea o
le poto, a’o le amataga lea o le valea. Na faasāina soo se tapua’iga
faalelotu se’i vagana ai tapua’iga i le sa’olotoga ma tapua’iga i le
atunuu. “Ua aumai nei le epikopo o le aai o Pale e fai ma sui o le
ekalesia na te faataunuuina le mea na manana’o i ai le Fono Faitulafono. Ua faafeaoina mai o ia ina ia tu i luma o le Fono e fai ai lana
tautinoga faalaua’itele, e ta’u atu ai e faapea, o a’oa’oga faalelotu
uma na ia a’oa’oina mo le tele o tausaga, ua na o ni togafiti pepelo
faapatele, ma e leai so latou faavae i le tala faasolopito o le lalolagi
po o le upu moni paia. Na ia tautino atu ma le manino e leai se Atua,
ma o le a tuuina atu atoa o ia mo le tapua’iga i le sa’olotoga, ma
le faaeaina o le tulaga tutusa o tagata uma, ma uiga tausaafia, atoa
ma le mea sa’o. Ona sosoo ai lea ma lona tuuina i luga o le laulau o
O Le Tusi Paia Ma Le Fouvalega Tele I Farani
279
ona faailoga uma faa-epikopo, ae opoina loa ma fusia o ia e le Peresetene o le Fono. Na uia lea faata’ita’iga leaga e nisi foi patele ua lē
toe talitonu i le Tusi Paia.” (Scott, vol. 1, ch. 17.)
“E fiafia foi ē ua nonofo i le nuu ona o i la’ua, ma latou olioli,
ma fe’avea’i meaalofa; auā na faatigaina ē ua nonofo i le nuu e ia
perofeta e to’alua.” Ua tapunia nei e le faapaupau o Farani le leo
a’oa’i o molimau e lua a le Atua. Ua taatia nei ua oti le upu moni
i luga o ona alatetele, a ua soona olioli i latou uma o ē na tetee i
poloa’iga uma o le tulafono a le Atua. Na lē natia le faatauemu o
tagata Farani i le Atua. Pei lava ona faia e tagata amioleaga anamua,
na faapena foi ona latou alalaga ma faapea atu: “E silafia ea faapefea
e le Atua? E i ai ea se poto i le Silisili Ese?” Salamo 73:11.
Sa matuā ese le tulaga na oo i ai le fiatagata faalepopoi o se tasi o
patele o lenei talitonuga fou. Fai mai o ia: “Le Atua, afai o E soifua
ia E tauimasui mai ona o Lou suafa ua upuvaleina. Ou te lu’i atu ia
te Oe! Ua E lēmagagana. Ua matuā lē mafai ona E faaalia mai o sou
malosi. O ai nei la o le a talitonu o lo o E soifua pea?” (Lacretelle,
History, vol. II, p. 309; in Sir Archibald Alison, History of Europe,
vol.I, ch. 10.) E le o se si’uleo ea lenei o Farao ina ua ia fai atu ia
Mose, “O ai ea Ieova ou te faalogo ai i lana upu? ...Ou te le iloa po
o ai Ieova!”
“Ua fai ifo le tagata valea i lona loto, E leai se Atua” Salamo
14:1. Ma ua fetalai mai le Alii e uiga ia i latou o ē suia Lana upu
moni: “E iloa lelei lava ˜ lo latou valea e tagata uma” 2 Timo. 3:9. E
le’i umi se va o le teena e Farani o le tapua’iga o le Atua soifua, “o lē
maualuga ma ua Silisili, o lē afio e faavavau”, ma lona pa’ū ifo loa i
le tulaga ifo i tupua. O le ifo i tupua a Farani na faatinoina lea e ala i [232]
lo latou tapuai atu i le atua Fafine o Mafaufauga, o se fafine talitane.
O nei mea uma na tausolomua ai le Fono Faitulafono, le fono o sui
maualuluga atoa ma isi ta’ita’i o le malo. Fai mai le tusitala o le tala
tuufaasolo, “Na aupito ona valea ma le faalēpopoi se tasi o sauniga
na faatūina e Farani i lea vaitaimi o le pogisa. Na talaia faitoto’a o le
Maota Fono ma sa ulufale atu ai loa se au fā’aili ua tāina a latou pese
Sa muamua atu i luma o le fā’aili sui maualuluga uma o le fono i se
solo mamalu. Sa latou usuina se pese e viia ai le sa’olotoga a’o latou
savavali atu faatasi ma se fafine o pulou i se ufimata. O ia lea o le a
avea ma tapua’iga a Farani; o ia lea o Atuafafine o Mafaufauga. Ua
oo atu nei o ia i luma o le Fono, ma ua susu’eina loa ma le faaeteete
280
O Le Finauga Tele
lona ufimata, ma ua faasaofa’i o ia i le itu taumatau o le ta’ita’i o le
Fono, ma ua iloa ai loa e le to’atele o se tasi lenei o fafine siva o le
fale siva o le taulaga. Ua fai e le Fono Faitulafono a Farani lea fafine
ma sui aupito fetaui o le mafaufau lea ua avea ma o latou atua, ma
ua latou tapuai faatasi atu nei i ai.
“Sa lē na o le laumua o Farani na fai ai lenei sauniga faalēmata’u
ma le valea. Sa faia foi faapea i soo se vaega o Farani na malosi ai
le Fouvalega Tele.” (Scott, vol. 1, ch. 17.)
Fai mai upu a le failauga na faatūina le tapua’iga i Mafaufauga:
“Sui mamalu e, o le Fono Faitulafono! O le mea sa soonafai ai talitonuga ma lotu e aunoa ma se taofiofi, ua sui tulaga nei i ai le mafaufau. E lē mafai e talitonuga faapea ona vaai i le malosi o le malamalama. O se ulua’i taimi lenei ua molimauina ai e puipui o lenei
fale le leo o le upu moni a’o potopoto lenei aofia e to’atele i le asō.
Ua faailogaina e tagata Farani i le asō le tapua’iga moni e tasi - o le
tapua’iga lea o le Sa’olotoga, le tapua’iga o Mafaufauga. O inei ua
tatou ofo alofa ma ofo manuia atu ai i vaega eseese o le malo tele
o Farani. O inei ua tatou lafoa’ia ai tupua e leai ni ola ina ia tatou
tapuai atu ai i le faatusa ola, le faauluuluga o le uiga faaletagata,
le Atuafafine o Mafaufauga.” (M A Thiers, History of the French
Revolution, vol. 2, pp. 370, 371.)
O upu nei a le failauga i le Fono Faitulafono a Farani ina ua
avatua le atua fafine i luma o le Fono: “Uso e, soia tatou te toe gatete
ma matata’u i luma o le si’ufofoga o le Atua e leai se mana po o
se malosi o i ai. O o outou lava manatunatuga ua tupu a’e ai lo tou
matata’u. Ia amata atu i le asō ona tatou tia’i atua uma sei vagana ai le
“atua o mafaufauga”. Ou te avatua ia te outou le faatusa mamā ma le
maualuga lenei o le atua o Mafaufauga. Afai tou te fia tapuai i tupua,
ona outou fai taulaga lea i tupua faapei o lenei. ...Faapau’ū atu ia i
luma o le Fono Tele o le Sa’olotoga. E! le ’ie ufimata o Mafaufauga!”
“Sa tago atu loa le ta’ita’i o le Fono ma fusi mai i le Atuafafine.
Ua mae’a lea ona faatūina loa lea o le atua fafine i se taavale ua
matuā maoa’e lona matagofie, e avatu ai o ia i le malumalu tele o
[233] Nota Taima a’o molimauina e le afe ma afe o le motu o tagata. Ua
faatūina nei le atua fafine e fai ma sui o le Atua, i se fata faitaulaga
maualuga i totonu o le malumalu, ma ua ifoifo ma tapuai atu loa i ai
i latou uma na faatasi atu i ai.” (Alison, vol.l, ch. 10.)
O Le Tusi Paia Ma Le Fouvalega Tele I Farani
281
E le’i mavae se taimi umi ae sosoo mai ai loa ma le susunuina
faalaua’itele o Tusi Paia. O le maota tele o le aai o Pale na ulufale
mai i ai nisi o le Sosaiete o le Fale Mataaga ma latou fe’ei ma fai
mai: “la Soifua Pea le Mafaufau!” Sa latou ’u’uina mai se laau umi
o lo o tautau mai ai ni toega o ni tusi ua toetoe lava ona mu atoatoa.
Sa i ai i luga o lea laau ni toega o ni tusi tatalo, atoa ma ni toega o
le Tusi Paia. Fai mai le ta’ita’i fono o lea Sosaiete, “O se afi tele na
togisala ai tusi nei ona o mea valea uma ua latou una’ia tagata latou
te faia.” (Journal of Paris, 1793, No 318. Quoted in Buchez-Roux,
Collection of Parliamentary History, vol. 30, pp. 200, 201.)
O faiga faapope na amata mai ai le galuega lea ua faaauauina
nei e i latou ua le talitonu i le Atua. Na tula’i mai ni tulaga faalenuu,
faalemalo, faalelotu - ni tulaga na faataaliseina ai le faamalepeina o
Farani. O fuafuaga lava a Roma ma ana tulafono na faapogai ai le
tula’i mai o ia tulaga i totonu o Farani. A’o faamatalaina mai e le au
tusitala mea mata’utia na tutupu i le Fouvalega Tele, ua latou fai mai
e ao ona faati’eti’e nei mea leaga uma i luga o le nofoalii o le tupu,
atoa ma le ekalesia. A’o le mea tonu lava e ao ona faati’eti’e nei mea
uma i luga o le ekalesia. Na avea faiga faapope ma mea na faa’ona
ai mafaufau o tupu ina ia tetee atu ai i le galuega o le Toe Fuata’iga.
Ua avea ai le galuega o le Toe Fuata’iga o se fili o le nofoalii, o se
mea e tupu mai ai fevaevaea’iga, o se mea e ave’esea ai le filemu ma
le nofo lelei o le atunuu. O fāufauga a Roma ua avea ai lenei manatu
ma mafua’aga o ni sauaga aupito sili ona tiga ma pito sili ona oona
i sauaga uma ua faapogai mai i le nofoalii.
E ō gatasi a’oa’oga a le Tusi Paia ma le agaga o le sa’olotoga. Na
fagua mafaufauga o tagata i soo se nuu ma soo se aai na talileleia ai
le upu moni ma le talalelei. O le galuega o le talalelei na amata ai
ona latou lafoa’ia o filifili u’amea na saisaitia ai i latou o ni pologa
o le valea, ma le amioleaga, ma talitonuga faanuupo. Ua afua atu i
lea taimi ona latou mafaufau ma ola o ni tagata sa’oloto. Na gatete
tupu ina ua latou vā’ai atu i le mea o le a a’ofia ai lo latou malosi ma
la latou pule.
E le’i faatuai le tula’i atu o Roma na te faatupuina le popole ma
le le fiafia o tupu ona o le galuega o le Toe Fuata’iga. O upu nei a
le pope na fai i se tasi o tupu o Farani i le tausaga 1525. Fai mai a
ia: “O le a faafenumia’i e lenei mea valea (o le lotu Porotesano lea)
e le gata i mea faalelotu, ae o le a latou faamalepeina foi o itumalo,
282
O Le Finauga Tele
o faipule, o tulafono, o le filemu, ma le nofo-a-tofi o le atunuu.” (G.
de Felice, History of the Protestants of France, b.l, ch. 2, para. 8.)
[234] Na mavae ni nai tausaga ona taunuu mai ai lea o se avefe’au mai le
pope ma le lapata’iga lenei i le tupu o Farani: “Lau susuga e, aua
ne’i faasesēina oe. O le a faamalepina e le au Porotesano e le gata
i le filemu faalelotu, ae o le a latou lepetia foi le filemu faalemalo.
... Ua tulaga lamatia nei e le na o le fata faitaulaga, a ua faapea foi
le nofoalii. ... O le ofi atu o se ekalesia fou, o le ofi atu lava lea o se
faigamalo fou.” (DAubigne, History of the Reformation in Europe
in the Time of Calvin, b.2, ch. 36.) Ua faateleina e le aufailotu se
popole sa i tagata. Fai mai le aufailotu, o le a’oa’oga faaPorotesano
o le a tosina atu ai tagata i mea fou ma mea valea; e ave’esea ai le
alofa o tagatanuu i lo latou tupu, ma lepetia ai le ekalesia faapea
le malo. “Na faapena ona faamanuiaina taumafaiga a Roma ina ia
faatupuina ai le tetee o Farani i le galuega o le Toe Fuata’iga. “O
ulua’i sauaga i totonu o Farani o sauaga ia na fai ina ia lagolagoina
ai le nofoalii, ma faatumauina ai le malosi o alii sili ma tamalii, atoa
ma a latou tulafono.”
E le’i mafaufauina e ta’ita’i o Farani i lena taimi le mea o le a
tula’i -mai talu ai lenei filifiliga mata’utia. Ana faatagaina a’oa’oga a
le Tusi Paia i totonu o Farani, semanū o le a avea lea ma ala e totōina
ai i mafaufau ma loto o tagata le tele o uiga lelei e pei o le amiotonu,
faifaatatau lelei, agaalofa ma le le faailoga tagata. O uiga lelei ia e
faavae ai le manuia o se atunuu. “O le amiotonu e faaeaina ai le nuu”,
ma “faatumauina ai le nofoalii.” Faataoto 14:34; 16:12. “O le mea e
tupu i le amiotonu o le manuia lea; e tupu mai foi i le amiotonu le
filemu ma le saogalemu e faavavau.” Isaia 32:17. O i latou o ē usitai
i le tulafono a le Atua e aupito sili le faamaoni o lo latou anaana ma
le usitai i tulafono faalemalo. O ē matata’u i le Atua latou te āva foi
i le tupu ma lana pule pe a faia i le ala tatau ma le amiotonu. Peitai
ua faasāina nei e Farani le Tusi Paia, faatasi ai ma i latou o ē talitonu
i ai. E to’atele le au faamaoni ma ē amiotonu, atoa ma le au popoto
o ē le’i fefefe e tutū atu mo le mea moni, e to’atele na sauāina ma
faapologaina ona o lo latou faatuatua ma lo latou talitonuga. E selau
ma selau tausaga o faaauau pea nei sauaga. Na faapologaina i luga o
vaa le to’atele; e to’atele foi na saisaia ma susunuolaina i luga o fata,
po o le faamatelaina i ana o falepuipui sa lafo i ai i latou. E afe ma
afe na maua lo latou saogalemu ina ua latou sosola ese ma Farani,
O Le Tusi Paia Ma Le Fouvalega Tele I Farani
283
ma e 250 tausaga na faaauau ai nei sauaga talu mai le amataga o le
Fouvalega Tele.
“O se mea mauagatā i lea vaitaimi umi se augatupulaga o tagata
Farani o ē latou te le’i molimauina sola’aga a soo o le talalelei,
mai le malosi le mafaufau o sauaga. O le sola’aga a nei soo o le
talalelei, na tafe atu ai ma le atamai ma le tamao’aiga faalemafaufau mai Farani, ma ua faatamao’aigaina ai atunuu na latou maua
i ai le mapu ma le saogalemu. O le manuia na maua e isi atunuu
ona o i latou, o le manuia lava lea ua na lēiloaina e Farani. Ana tumau pea i Farani le tamao’aiga lea ua tuliesea nei, ana faaaogāina
i Farani lenei tamao’aiga i lea tolu selau tausaga mo le faaleleia o [235]
lona laueleele; ana faaaogā i Farani i lea tolu selau tausaga lenei poto
masani e faalauteleina ai ona fale mo le fausia o oloa; ana faaaogaina
nei taleni i lea tolu senituri e faatamao’aigaina ai ana tusitusiga ma
faalauteleina ai lona poto faasaienitisi; ana faaaogaina lo latou atamai ma le faautauta e fautuaina ai ana fonotaga; ana faaaogaina e
Farani lo latou malosi ma lo latou lē fefefe e tau ai ana taua, ma lo
latou lē faailoga tagata e faasa’osa’oina ai ana tulafono, ma a’oa’oga a
le Tusi Paia e a’oa’oina ai mafaufau ma puleaina ai loto o ona tagata,
semanū e ofoofogia ma maoa’e le mamalu e si’osi’omia ai Farani i
le asō! Faauta i se atunuu manuia, se atunuu maoa’e ma le fiafia semanū e oo i ai Farani! Semanū e avea Farani o se faaa’oa’oga mo isi
atunuu!
“Peitai o le tauaso ma le sauā o ona ta’ita’i ma o latou talitonuga
pumoomoo, ua tuliesea ai nei mai lona laufanua o a’oa’o faamaoni
uma, o i latou uma o ē na maoa’e lo latou anaana i tulafono, i latou
uma o e na faamaoni lo latou tu atu mo le nofoalii. O i latou uma nei
semanū e ala mai ai le faaeaina ma le mamalu o Farani i le lalolagi.
Peitai ua peiseai ua faapea atu Farani ia i latou uma nei ina ia faia la
latou filifiliga po o le oti faamaturo i Farani i luga o fata e susunuina
ai, po o le faaaunuua i nuu ese. Na faapena ona oo mai o le malepe
atoatoa o le malo. Ua leai nei nisi o totoe e toe fai i ai le taufaamata’u
a le malo ona o o latou talitonuga, ua lē o totoe nei se tasi e ono saisaia ma susunuina i luga o fata na faia mo lea mata’upu, ua lē o totoe
mai nei se isi e ono faaaunuua ona o sona loto nuu moni.” (Wylie, b.
13, ch. 20.) O le i’uga faigata na oo i ai Farani o le Fouvalega Tele
ma tulaga mata’utia uma na mulimuli mai ai.
284
O Le Finauga Tele
“O le sosola ese o tagata Iukenote na oo mai ai i Farani se tulaga
pa’ū maulalo tele. Na faatafunaina aai tetele sa ola ma tamao’aiga;
ua toe foi i le vaomatua le tele o itumalo sa aupito sili le lelei o lo
latou laueleele; o le manuia solosolo lelei sa i ai ua sosoo mai nei
ma le vaitaimi o le pa’ū maulalo i le itu faalemafaufau atoa ma le
itu faaleagaga. Na faatumulia le aai o Pale i tagata matitiva ma le au
aisimea, ma e tusa o le lua selau afe tagata faapea na fafaga ma ola i
le malo i le taimi na tupu ai le Fouvalega Tele. Na o le au Iesueti (O
le ituaiga o patele.) na tupu malosi ma uluola la latou itu’aiga i lenei
taimi o le faatafunaga o le malo o Farani. E mata’utia le pule sauā
a le au Iesueti i aulotu ma a’oga i lea vaitaimi, faapea falepuipui ma
vaa na faapologaina ai le to’atele.”
Ana talia e Farani le talalelei, semanu e aumaia e le talalelei ia
Farani le vaifofō mo nei faafitauli na palo ai mafaufau o le aufailotu
faapea le tupu ma le fono faitulafono. O faafitauli lava ia na malepelepe ma lafotūina ai le malo o Farani. Peitai, i lalo ifo o le pule
malosi a Roma, na mou ese atu i loto o tagata a’oa’oga matagofie
a le Faaola e pei o le agaalofa ma le agaga lē faapito. Ua leva ona
ta’ita’i’esea i latou mai ia uiga lelei e pei o le galue atu mo le lelei o
[236] isi. E le’i maua e le au maumea i lalo ifo o le pule a Roma se a’oa’iga
ma se faasalaga mo lo latou sauā i ē matitiva; e le’i maua foi e tagata
matitiva se fesoasoani mo lo latou pologa ma lo latou tulaga mativa
masaesae. Na atili ai le tupu tele o le manatu faapito ma le sauā o
le au maumea ma i latou uma na uuina le pule. O le matape’ape’a
ma le amio mātagā a alii ma matai i le selau ma selau o tausaga, na
tupu mai ai lo latou pule sauā ma le pule le alofa i tagata matitiva.
Na sauā le au maumea i ē matitiva, ae na inosia e le au matitiva ē
maumea.
O fanua i le tele o itumalo sa ’u’u i lima o tamalii, ae na galueaiina e tagata nofolisi o ē na i lalo o le pule sauā ma le pule soonafai a i
latou na umia fanua. O le mamafa o mea faalelotu ma mea faalemalo
na pa’u lea i luga o le vasega o tagata faigaluega ma le au nofolisi.
Na i o latou luga le mamafa o lafoga faalemalo faapea le mamafa
o lafoga faalelotu. “E leai se isi mea na sili a’e lona tāua nai lo le
faamalieina o finagalo o le vasega o tamalii; e le’i popole tamalii ma
le au maumea pe mole-manava ma fia’aai le au galulue fanua ma le
au nofolisi. ... E leai se mea na faia e aunoa ma le fesili o tagata po o
le a le finagalo o le tamalii e ona le fanua. O le olaga o le au galulue
O Le Tusi Paia Ma Le Fouvalega Tele I Farani
285
fanua ma le au nofolisi o se olaga e aunoa ma se mālōlō, o se olaga
nofo pologa. O le tagata e faitio e atili ai ona faamamafaina o ana
galuega. E leai foi se amiotonu na maua i faamasinoga i lea vaitaimi
auā na au faamasino i le itu a tamalii e tetee atu ai i le au galulue
fanua. Na masani le au faamasino lo latou talia o tupe mai tamalii
ina ia faia ai faai’uga e tusa ai ma le finagalo o le tamalii. Soo se
mea na manana’o i ai tamalii na faia ma tausia e pei o se tulafono i
totonu o lenei faigamalo amioletonu. E le’i oo i faletupe o le malo
po o faaputugatupe a le ekalesia le ’afa o lafoga mamafa sa pa’u i
luga o le lautele o tagata. Na faaaluina ia tupe e fai ai agasala matagā
ma faamalieina ai tuinanau o i latou na taunuu mai i ai ia lafoga. E ui
lava e le’i tōgia se lafoga a nei tamalii, na latou faamativaina o latou
uso-a-tagata, na tumau pea la latou aiā i soo se tofiga faalemalo ona
o tu po o tulafono a le atunuu. Na o le 150 afe le aofa’i o nei tamalii.
Peitai na faapologaina le miliona ma miliona o tagata Farani, ona o
le faamalieina o o latou manaoga.”
O le maota o le tupu na faatumulia i se olaga o mea taugata, o
se olagaO le amioleaga e aunoa ma se mā. Ua le toe faatuatuaina e
tagata o latou ta’ita’i. Na masalomia e tagata faagaioiga uma na faia
e le malo; na manatu tagata o ni togafiti ma ni faiga faapito ia mea
uma. A’o lumanai le Fouvalega Tele, e 50 tausaga o nofoia le nofoalii
o Farani e Lui le Sefululima. E ui lava i le tele o le amioleaga o lea
vaitaimi, sa silimusa ai Lui i lona amioleaga ma lona faamalieina o
ona tuinanauga o le tino; na lauiloa foi o ia i lona paiē. Na tutusa le
tupu ma tamalii i lo latou sauā atoa ma lo latou amio pa’ū maulalo;
a’o le lautele o tagata sa le gata ina matitiva ae na le a’oa’oina foi.
Na nofo aitalafu le malo; a’o tagata ua oo nei i ai se tulaga o le fiu
ma ua lē lavā o’ono. E le se’iloga o se perofeta ona ia iloa lea o le
[237]
tulaga pagatia ua toetoe lava pa’ū atu nei i ai Farani. O
le tali masani a le tupu i lapata’iga a ana fautua o lenei: “Taumafai e
faagaioi lelei mea uma a’o o’u ola; ou te lē popole po o le a le mea e
tupu pe a ou oti.” Sa leai se aogā o fautuaga ma una’iga uma mo se
toe fuata’iga. Na iloa e Lui faafitauli o Farani, peitai na te le’i maua
le lototele, po o le malosi e tulai atu ai na te faafetaia’ia nei faafitauli.
Sa manino mai lava i le tali faapito a Lui le malaia ua toetoe lava
pa’ū mai i luga o le malo o Farani. Fai mai lana tali masani: “Faato’ā
oo mai lava le lolo pe a ou mavae atu.”
286
O Le Finauga Tele
O le poto faitogafiti o Roma ua oo mai ai lenei tulaga pagatia ia
Farani. Na galue Roma ina ia faaita le tupu atoa ma tamalii, ina ia
latou saga faapologaina ai pea tagata Farani. Na iloa lelei e Roma o le
taofiofia o tagata i se tulaga pologa faapea, o le vaivai lava foi lea o le
malo, ma o le faigofie foi lea o le taofiofia o tagata Farani faapea ma
lo latou tupu ma ta’ita’i, i lalo ifo o le pule faapope. O le vaai mamao
o Roma na ia iloa ai e lē mafai ona manuia le faapologaina o tagata
se’i vagana ua saisaitia o latou agaga. O lea lava foi vaai mamao na ia
iloa ai le auala mautinoa e taofia ai tagata i lalo o lenei nofo pologa.
O lea na faia ai e Roma ina ia le iloa ma le mafai e tagata ona ola
sa’oloto. Peitai e ui lava i le mata’utia o le pologa faaletino na oo i
ai tagata Farani, sa sili mamao ai le leaga o le pologa faaleagaga. Ua
ave’esea le Tusi Paia, ma ua tuufau atu ai loa tagata e faafeagai ma
a’oa’oga faapito ma a’oa’oga faaRoma. O a’oa’oga ia ua si’osi’omia
ai tagata i le valea atoa ma talitonuga faanuupo, ma ua latou goto
ifo ai i le loloto o le amioleaga, ma ua le mafai ai ona latou pulea i
latou lava.
Peitai ua ese mamao le mea ua oo nei i ai Farani ma le mea na
fuafuaina e Roma. Na fuafua e Roma ina ia taofiofia tagata i lalo o
lana pule e ala i lo latou usitai pogisa i ana aoaoga, peitai ua avea lana
galuega ma mea ua liliu ai tagata i le lē talitonu i le Atua, atoa ma le
fouvale. Na inosia e tagata mea faaRoma; na latou faaigoa ia mea o
togafiti faapatele. Na leai se eseesega o le aufailotu ma tamalii sauā
o le atunuu i le vaaiga a tagata. Na tutusa lelei lo latou faapologaina
o tagata. Na o le tasi le atua na iloa e tagata Farani, o le Atua lea o
Roma. Na o le tasi foi le lotu na latou iloa, o le ekalesia Roma. Na
manatu tagata o le matape’ape’a ma le sauā o le ekalesia Roma o se
fua lava lea o a’oa’oga a le Tusi Paia, ma o le ala lea o lo latou teena
o le afioga a le Atua.
O faiga a Roma ua ta’usesēina ai le amio a le Atua atoa ma Ana
tulafono, ma ua avea lea ma mea ua teena ai e tagata Farani le Tusi
Paia atoa ma lona Tusitala. Na faatonuina e Roma ina ia usitai tauaso
tagata i ana aoaoga, ma sa faaupuina nei a’oa’oga ua peiseai o ni
faatonuga mai totonu o le Tusi Paia. O le a le i’uga o nei aoaoga? Ua
tula’i mai Volatea ma ana uō ma ua latou teena atoatoa le afioga a le
Atua, ma ua latou faasalalauina le vai’ona o le lē talitonu i le Atua.
Ua leva o olopalaina e Roma tagata Farani i lalo ifo o ona mulivae
[238] u’amea; ma ua oo nei tagata i se tulaga ua le gata i le faapologaina,
O Le Tusi Paia Ma Le Fouvalega Tele I Farani
287
a ua amioleaga foi ma pa’ū maulalo. O lo latou fiu i lea pologa ua
latou tutū a’e ai loa ma ua latou lafoa’i i nei tulafono uma. O lo
latou ita tele i le faa’ole’ole o le ekalesia ua leva ona latou āva ma
auauna i ai, o le ita lea ua latou teena ai le upu moni faatasi ma mea
faa’ole’ole a le ekalesia. Ua latou manatu o le sa’olotoga moni e
maua i le faamalieina o tuinanau uma o le tagata lava ia. Na faapena
ona soona olioli tagata i lo latou faia o le mea ua latou manatu o le
sa’olotoga moni.
O se ioega mai le tupu i le amataga lava o le Fouvalega Tele
na faatagaina ai ina ia sili a’e le aofa’i o sui o tagata, nai lo le tuufaatasiga o sui o tamalii ma le aufailotu i totonu o le Fono Faitulafono a le atunuu. Na faapena ona oo atu i lima o tagata le malosi
faalemalo, atoa ma le pule. Peitai latou te le’i faia ma le faautauta
po o le faatatau lelei le faaaogaina o lea aiā. Ua latou naunau nei ina
ia faasa’osa’o mea leaga uma ua leva ona latou tigaina ma pologa ai,
ma ua latou oli atu nei e suia atoatoa le pulega o le ekalesia, faapea
le malo ma ona tagata. Ua leva ona taofiofi ma o’ono le ita o tagata
ona o mea le sa’osa’o ma faiga sauā ua leva ona latou nofo pologa ai.
Ua mautū nei la latou filifiliga ina ia i ai se suiga atoatoa o le pulega
o tagata, ma ia latou tauimasui atu i ē na pogai ai lo latou oi ma lo
latou nofo pologa. Ua fesuia’i nei tulaga o le to’atele o tagata i totonu o Farani. O ē na oi ma nofo pologa ua faasaga atu nei e faasauā
ma faatigaina i ē na faapologaina i latou.
Ua seleseleina nei ma le faanoanoa e Farani le mea na ia lūlūina.
E mata’utia mea na i’u i ai lona usitai i le pule a Roma. O le mea na
faatūina ai e Farani le ulua’i fata mo le susunuolaina o le au Porotesano talu ai le una’iga a Roma i le amataga o le Toe Fuata’iga, o inā
tonu lava ua faatūina ai nei e ta’ita’i o le Fouvalega Tele le ulua’i
kilotini mo le vavae’eseina o ulu o o latou fili. O le fasifanua na
susunuolaina ai ulua’i maturo Porotesano i le senituri lona 16, o inā
tonu lava na mua’i taavavale ai ulu i aso o le Fouvalega Tele i le
senituri lona 18. Na o le talalelei lava semanū e maua ai e Farani
sona faamalologa. Peitai o lona teena o le talalelei, o lona tatalaina
atu lava lea o le faitoto’a i le le talitonu i le Atua, ma i’u atu ai i
le mālepelepe atoatoa o Farani. Ua faasāina nei i totonu o Farani le
Tusi Paia ma le tulafono a le Atua. Peitai sa le pine ae iloa e tagata
Farani le leai o se malosi o tulafono faalemalo e taofiofia mai ai le
malosi o le amioleaga o tagata, ma sa faataalise atu pea le pa’ū atu
288
O Le Finauga Tele
o Farani i le fouvalega, atoa ma lona mālepelepe. O le taua na tetee
atu ai tagata Farani i le Tusi Paia, o le taua lava lea na amatalia ai se
vaegataimi ua faaigoa nei o le Pule’aga a le Oti Mata’utia, i le tala
tuufaasolo o le lalolagi. Na mou ese atu le filemu ma le fiafia i totonu
o aiga faapea ma loto o tagata. E leai se tasi na ola saogalemu. O lē
na manumalo i le asō, e masalomia, ma molia, ma faasalaina i le oti
a taeao. Na pule aoao le fasitagata, atoa ma le tuinanau o le tino i
[239] totonu o Farani.
Ua faasolosolo atu nei le tupu faapea le aufailotu ma tamalii mo
lo latou faasalaga i lima o tagata Farani ua tumu i le ita ma le fia
tauimasui. E le’i faaitiitia lo latou ita ina ua latou vavae’esea le ao o
le tupu. Sa atili sasao a’e ai lo latou fia faaauauina o la latou galuega
tauimasui. O ē na faia le tulafono ina ia oti le tupu, o i latou lava ia
na sosoo atu ai mo le vavae’esea o o latou foi ulu i luga o le fata o
le oti. Na faapena ona faasolosolo mai mo le oti i latou uma o ē na
masalomia e tetee i le Fouvalega Tele. Sa lē ofi falepuipui. O se tasi
o ia vaitaimi sa sili atu ai i le lua selau afe i latou na faatumulia ai
falepuipui o le atunuu. Na sasao a’e i aai tetele o le malo ni vaaiga
mata’utia o fasiotigatagata. Sa lē taofi tutusa i latou na lagolagoina
le Fouvalega Tele. Na tetee atu le tasi vaega o le fouvalega i le isi
vaega o le fouvalega, ma ua faapena ona fetāua’i ai tagata Farani i lo
latou ita ma lo latou fia tauimasui. O se tasi lenei o tala o ni vaaiga i
lea vaitaimi i totonu o Pale le laumua o Farani: “E mae’a le tasi taua
ae sosoo atu ma le isi misa. Ma sa fevaevaea’i tagata i ni vaega se
tele i la latou galuega o le fefasia’i.” Na faaopoopo mai i lenei mala
ma le pagatia, se taua mata’utia ma le faa’umi’umi na tau i le va o
Farani ma malo tetele o Europa. “Toetoe lava mālepelepe atoatoa
le malo o Farani. Ua finau mai nei fitafita mo o latou totogi ua tele
masina o le’i tōgia atu e le malo; ua mole manava ma fia’aai tagata
o le aai o Pale; a’o le tele o itumalo ua faatafunaina e le au faomea
ma ē fāsitagata. Sa toetoe lava mate le malamalama o le upu moni
ona ua malepe le tulafono ma ua mafiafia le amioleaga.”
Na popoto ma oso tatau tagata Farani i le faiga o sauaga ma fasiotigatagata auā o le ā’oga tāua lea na a’oa’o faalelei i ai e Roma. Ua
oo mai nei le aso o le tauimasui. Ua lē o soo o Iesu ua lafoina nei i ana
pogisa e faapologaina ai, po o le susunuina foi i luga o fata. Ua leva
ona maliliu i latou ia po o le faaaunuua foi i ni motu tuufua. Peitai ua
lagona nei e Roma le malosi ma le mata’utia o i latou sa ia a’oa’oina
O Le Tusi Paia Ma Le Fouvalega Tele I Farani
289
ina ia fiafia i le faamasaa toto. “O le galuega leaga o le sauaga lea
na faia e le aufailotu o Farani i le tele o augatupulaga, lenei ua toe
faafoi mai lava i luga o o latou ulu, i se auala mata’utia na’uā. Na
’ula’ula lauloa luga o fata i le toto masaa o patele. O falepuipui ma
vaa na faapologaina ai tagata Iukenou, ua tumutumu ai nei i latou ia
sa faia le galuega leaga o le sauaga. Ua saisaia nei i latou i filifili i
falepuipui, ma ua pologa i le aloga o vaa faigaluega. Ua faia nei i le
aufailotu Katoliko Roma e pei lava ona sa faia e la latou ekalesia i
tagata na talitonu i a’oa’oga faaPorotesano.”
“Ona oo mai ai lea o aso na faatinoina ai tulafono aupito faapaupau ma le mata’utia, e le fono faitulafono aupito sili lona sauā ma le
lē alofa. E oo i sou faatalofa atu i sou tuaoi po o sou faia o sau tatalo, sa oo mai ai ia te oe le faasalaga o le oti. Sa feoa’i ma lalafi solo
tagata matamata a le malo. Sa lē mālōlō le kilotini i lana galuega o
le vavae’esea o ulu o fili o le Fouvalega Tele. Na matuā faatumulia
falepuipui i totonu o le atunuu. Na ’ula’ula le tafe o autu ma alavai [240]
i le toto a’o tafe atu agai i le vaitafe o le Saine. ... Na la’u faaaliali
atu i ala tetele o Pale le to’atele agai atu i lo latou oti. Na uta atu i
latou ia i luga o taavale solofanua i lea aso ma lea aso, a’o faia ma le
fiafia e kovana o itumalo la latou sauaga i se mata’utia ua sili atu nai
lo sauaga na faia i le aai o Pale. Na tuai le alu i luga ma le pa’ū ifo
o le mata o le kilotini i le galuega o le oti i ia itumalo. E to’atele na
pa’u’ū i le galuega a le pulufana a’o latou tutu i ni laina uumi. O le
isi to’atele na uta i luga o vaa uumi, ona faia lea o ni pu i le ta’ele o
ia vaa, ina ia gogoto ma malelemo ai i latou uma na uta ai. Na faatafunaina le itumalo o Liona, a’o le itumalo o Ara e le’i faatagaina ai
le oti faavave e pei ona faia i le kilotini po o le fana. Na vaaia i le
vaitafe umi o le Lua, ni tino oti lēlavalavā o tafefea faatasi atu agai
i le sami faatasi ma ni manulele o lo o aai fiafia atu ai i luga o nei
tino oti. E le’i foi lenei oti mata’utia i soo se tasi, po o le tane po o le
fafine, pe toeaina po o le talavou. E faitau selau ma selau le aofa’iga
o tama ma teine ta’i 17 tausaga lo latou matutua na fasiotia e lena
malo inosia. Na lia’i faamalosi ese atu nai pepe a’o fesusui i o latou
tinā ma tau’ai atu mai lea tao i le isi tao i le laina a le au Iakopina. O
i latou ia na faatinoina le galuega tele o le fasiotigatagata i le taimi o
le Fouvalega Tele.” E afe ma afe le motu o tagata na fasiotia i lenei
taimi puupuu o le sefulu tausaga.
290
O Le Finauga Tele
O le mea tonu lava lea na mana’o i ai Satani. O le mea lea na
ia galue agai i ai mo le tele o augatupulaga. O le tulafono tumau
a Satani o le taufaasese lea mai le amataga sei oo i le i’uga, ma o
lana sini tumau o le aumaia lea o le puapuaga ma le pagatia i tagata,
ia faaleaga ma faamatagāina le faauluuluga o galuega a le Atua, ma
talepe i lalo le sini faalelagi o le alofa ma le agalelei, ina ia maua ai le
faanoanoa i le lagi. Ona ia faaaogaina lea o lona atamai e taufaasese
ma e faatauasoina ai mata o tagata, ina ia latou lafo ai le leaga o lana
galuega i luga o le Atua, ina ia foliga mai ai o nei mala ma puapuaga
uma, ua tutupu mai ona o le fuafuaga a le Atua. E le gata i lea, pe
a maua le sa’olotoga o ē na oi ma faapologaina e ala i lona malosi
ma lona sauā, ona ia faaosoosoina lea ma una’iina i latou nei ina ia
latou tauimasui ma fasioti tagata. Ona māu-upu ai lea o tupu ma ē
pule sauā ma faapea mai, o nei fasiotigatagata o se tasi lenei o le tele
o mea leaga ua tutupu mai talu ai le sa’olotoga.
E faaofu mai e Satani le mea sese i ofu matagofie, ma o le taimi
e aliali a’e ai lana togafiti, o le taimi foi lea e sui ai e le tiapolo se
isi ofu e faaofu mai ai le mea taufaa’ole’ole lava lea e tasi. Ona toe
talia foi lea e tagata o lenei lava mea sese e tasi e pei lava o le mea
moni. Na iloa loa lava e tagata le faa’ole’ole o a’oa’oga faa-Roma,
ma ua le mafai ai e Satani ona toe faaaogaina mea faapope ina ia soli
ai e tagata le tulafono a le Atua, ona una’iina loa lea e Satani tagata
ina ia latou talitonu e faa’ole’ole lotu uma, ma o le Tusi Paia ua na
o se tusi o fagogo. Na faapea lava ona faia i Farani ina ua teena e
[241] tagata Farani tulafono faalelagi, ma latou sagai atu ai loa i le faiga o
le agasala e aunoa ma se toe taofiofi.
E maua le sa’olotoga moni i totonu o le li’o ma le leo o le tulafono
a le Atua. O le teena e tagata Farani o lenei upu moni, na avea lea
ma sesē tūgā na tatalaina atu ai le faitoto’a i le mala ma le pagatia
na mulimuli mai. “E! ana ua’i mai ou taliga i a’u poloa’iga, po ua
tusa ma se vaitafe lou manuia; ma lau amiotonu, e tusa lea ma peau
o le sami. ... Ua fetalai mai Ieova, E leai se filemu i e amio leaga.”
“A’o le faalogo mai ia te au, e nofo o ia ma le fifilemu; e filemu o ia,
e le fefe i se mea leaga.” Isaia 48:18, 22; Faataoto 1:33.
E teena ma ta’uleagaina le tulafono a le Atua e i latou o ē lē
talitonu i le Atua ma ē lē talitonu i se lotu; peitai o le taunuuga ma
le leaga o lo latou le talitonu ua faailoa mai ai e leai se manuia o le
tagata e aunoa ma Iona usitai i tulafono faalelagi. O ē ua latou le fia
O Le Tusi Paia Ma Le Fouvalega Tele I Farani
291
faitauina lea lesona mai le tusi a le Atua, ua latou va’ai ma faitau i
lea lesona i le tala tuufaasolo o mea na tutupu i malo.
Na faaaogaina e Satani le Ekalesia Roma na te toso’esea ai tagata
mai le usitai atu i le tulafono a le Atua. Peitai o le lelei ma le lilo o le
faiga o le mailei a Satani na oo mai ai le malaia ma le pa’ū maulalo ia
Farani, e aunoa ma le iloa e tagata o ia mea uma o le fua lea o le soliga
o le tulafono. O le galuega a le Agaga o le Atua i le faafeagai ai ma
le malosi o Satani, o le galuega lea na le mafai ai ona faataunuuina
atoatoa fuafuaga a le tiapolo. E le’i iloa e tagata le mafuaaga ma le
pogai tonu o lo latou pagatia. Peitai, ina ua teena faalaua’itele e le
Fono Faitulafono a Farani le tulafono a le Atua i le Fouvalega Tele,
ma mulimuli mai ai ma le Pule’aga a le Oti Mata’utia, sa manino loa
i tagata uma le taunuuga ua latou oo i ai, atoa ma le tupu’aga ma le
pogai o ia mea uma.
Ina ua teena faalaua’iteleina ai e Farani le Atua ma le Tusi Paia,
na olioli ai le au amioleaga faapea agaga o le pogisa, ina ua faamanuiaina la latou fuafuaga ua leva ona faanaunau i ai. Na latou
manana’o i se malo e sa’oloto ai tagata mai taofiofiga a le tulafono
a le Atua. “Auā ua le vave faaootia le sala i le amio leaga, o le mea
lea ua matuā naunau ai loto o tagata e fai mea leaga.” Failauga 8:11.
Peitai e le mafai e tagata ona latou soli i le tulafono amiotonu a le
Atua, e aunoa ma le oo mai ai ia i latou o le pagatia ma le malaia.’E
ui lava e le’i vave taunuu mai lo latou faamasinoga, e tasi lava le
i’uga na tusilima i ai amioleaga uma na faia e tagata Farani. Ua leva
ona faaputu le selau ma selau o tausaga o le amioleaga ma le soliga o
le tulafono mo le aso o le to’asā ma le tauimasui. A tumu ai la latou
ipu o le amioleaga, ona o iloa ai lea le faanoanoa e le au faatauemu
le mata’utia o le faaonoono i le finagalo paia o le Atua. O le Agaga
o le Atua e avea lea o se mana taofiofi Na te faafetauia le mana o
Satani. Peitai ina ua tumu le ipu o le amioleaga a tagata Farani, sa
to’esea loa mai Farani se vaega tele o lea mana taofiofi o le Atua,
ma faatagaina ai loa Satani e fai lana faitalia ma lona fiafia e ala i [242]
lona aumaia o le mala ma le pagatia i tagata o lea atunuu. O ē na
latou filifilia le galuega o le fouvalega, ua tuua nei latou te seleseleina fua o la latou galuega, sei oo ai lava ina faatumulia le laueleele
i le amioleaga ma fasiotigatagata, ua lē mafai ona faamatalaina lo
latou mata’utia. Na faalogoina se leo mata’utia i aai ma itumalo ua
faatafunaina - o se leo o le lilivau ma le tagi auē. Na lūlūina Farani
292
O Le Finauga Tele
peiseai ua lūlūina e se mafuie. O lotu uma, o tulafono, o faiga nuu,
o le feagaiga faaleulugalii, o le malo faapea le ekalesia, o nei mea
uma ua lepetia i lalo e le lima lēpopoi lea e tasi na sii ae i lana tetee i
le tulafono a le Atua. Ua moni ai le upu a le poto: “E pa’ū lē ua amioleaga i lana lava amioleaga.” Faataoto 11:5. “E ui lava ina faaselau
ona fai mea leaga o lē ua agasala, ma ua faafualoaina lona ola; a ua
ou iloa lava e manuia ē ua matata’u i le Atua, o ē matata’u i Ona
luma. Ae lē manuia lē ua amioleaga.” Failauga 8:12, 13. “Na latou
inoino i le poto; ua latou lē mana’o foi i le mata’u ia Ieova. ...o le
mea lava lea latou te aai ai i le fua o a latou amio; e maoona foi i
latou i a latou togafiti.” Faataoto 1:29, 31.
E le’i umi se vaitaimi na valo’ia e filemu ai molimau faamaoni e
lua a le Atua, ina ua fasiotia i la’ua e le manufe’ai taufāifai lea na alu
a’e nai le to e le gata. “A ua mavae aso e tolu ma le vaeluagalemu
o le aso, ona uluitinoina ai lea o i la’ua e le Agaga ola mai le Atua,
ona la tutū i luga ai lea o la vae, ona oo ai lea o le mata’u tele i ē na
matamata ia te i la’ua.” Faaaliga 11:11. O le tausaga 1793 na ioe ai
e le Fono Faitulafono a Farani ni tulafono e soloiesea ai ma faasāina
le lotu Kerisiano faapea ma le Tusi Paia i totonu o Farani. E tolu ma
le afa tausaga na sosoo mai ai, ona liliu lea o le filifiliga a le Fono
Faitulafono lava lenei e tasi, ma ua toe sōloia uma ai nei tulafono,
ma ua toe faatagaina ai le Tusi Paia i totonu o Farani. Na maofa le
lalolagi i le mata’utia o le amioleaga ma le agasala na oo i ai Farani
talu ai lona teena o le afioga Paia a le Atua. Ua ioe nei tagata i le
tāua o le faatuatua i le Atua ma Lana afioga, e avea o le faavae o
mea lelei uma, ma le fua e iloa ai le lelei ma le leaga. Ua fetalai mai
le Alii: “O ai ea ua ē upu leaga i ai , ma ē fāifai i ai? O ai ea ua ē
fai i ai upu faasausili, ma ē faasiasia i ai? O le Paia lava o Isaraelu.”
Isaia 37:23. “O le mea lea, faauta, ou te faailoa atu ai ia te i latou, e
atu tasi lava ona ou faailoa atu ia te i latou lo’u lima ma lo’u malosi,
latou te iloa ai o Ieova o lo’u igoa lea.” Ieremia 16:21.
Ua faapea mai le perofeta e uiga i molimau e lua: “Ona la faalogo
lea i le leo tele mai le lagi, ua faapea atu ia te i la’ua, Inā o mai ia i
luga nei. Ona la o a’e ai lea i le lagi i le ao, ua matamata foi ia te i
la’ua o ē na fai i la’ua mo latou fili.” Faaaliga 11:12. Ua i’u nei le sii
taua atu o Farani i molimau e lua a le Atua. Talu mai lava lea taimi
ua na o le mamalu ua faaeeina i nei molimau e lua. O le tausaga
1804 na faatūina ai le Sosaiete Tusi Paia a Peretania ma Nuu ese
O Le Tusi Paia Ma Le Fouvalega Tele I Farani
293
(British and Foreign Bible Society.) Na sosoo mai ai ma le faatūina
o isi sosaiete faapea, atoa ma o latou lala, i Europa. O le tausaga [243]
1816 na faatūina ai le Sosaiete Tusi Paia a Amerika. Na o le lima
sefulu gagana na lomia ai le Tusi Paia ina ua faatūina ai le Sosaiete
Tusi Paia a Peretania. Talu mai lea aso, ua selau ma selau gagana
eseese ua faaliliuina i ai le Tusi Paia i le lalolagi.
Toetoe lava leai se manatu na faaaluina mo galuega faamisionare
i totonu o nuu ese i le 50 tausaga i luma atu o le 1792. E le’i faatūina
i lea vaitaimi ni sosaiete fou faamisionare, na seāseā foi maua se
aulotu na latou faia ni taumafaiga mo le faasalalauina atu o le tala’iga
faa-Kerisiano i atunuu faapaupau. Peitai na suia atoa lea tulaga i le
tau faai’uga o lona 18 o senituri. Ua iloa nei e tagata le i’uga le
manuia o le faalagolago i le poto ma mafaufauga faaletagata, ma ua
latou lagona ai nei le tāua o le afioga faaalia a le Atua, faapea le
olaga ma talitonuga faaleagaga. E le’i vaaia i le lalolagi i luma atu
o lea vaitaimi se saosaoa o le tuputupu a’e o galuega faamisionare e
pei ona sa vaaia talu mai lea vaitaimi.
Na avea le poto fou o tagata i mea tau lomiga o tusi ma ala na
saosaoa atili ai le faasalalauina atu o le Tusi Paia. O masini fou mo
le faaleleia o fesootaiga i le va o malo, o le lepetiaina i lalo o pa
puipui i le va fealoai o atunuu ma lanu eseese, o le mamulu ese atu
o le pule ma le malosi faalemalo na i lima o le pope, o nei mea uma
ua tatalaina ai le faitoto’a mo le salalau atu o le afioga a le Atua. Ua
atoa nei ni nai tausaga talu ona faatagaina le faatauina atu o le Tusi
Paia i tagata i ala tetele o le aai o Roma, ma sa sosoo atu ai ma le
faasalalauina atu o le afioga a le Atua i vaega ainā uma o le lalolagi.
O Volatea o se tagata Farani faalēmata’u ma le le talitonu i se
lotu. O lona mitavale na ia faia ai upu nei. Fai mai lana tala: “Ua
ou fiu i le faalogo soo o fai mai tagata e to’a 12 ē na faatūina le
lotu Kerisiano. Ou te ta’u atu ia te outou na o le tasi lava se tagata e
mana’omia na te lepetia i lalo lenei faasoesā.” Ua tele augatupulaga
ua mavae atu talu ona maliu Volatea. E miliona ma miliona nisi na
taumafai e sii taua atu i le Tusi Paia. Peitai e le’i lepetiaina lava
le afioga a le Atua. O le mea na i ai le selau Tusi Paia i le taimi o
Volatea, ua i ai nei le selau afe kopi o le Tusi a le Atua. Fai mai se tasi
o ta’ita’i o le galuega o le Toe Fuata’iga e uiga i le lotu Kerisiano:
“E tele samala ua malepelepe i luga o le u’amea o le afioga a le
Atua.” Ua fetalai mai le Alii: “O auupega uma e faia e tau ma oe e
294
O Le Finauga Tele
le manuia ia; o laulaufaiva uma e finau atu ia te oe i le faamasinoga,
e te faasalaina ia.” Isaia 54:17.
“O le afioga a lo tatou Atua e tumau lea e faavavau.” Isaia 40:8.
“O galuega a ona aao e moni ia ma le tonu; e faamaoni ana fe’au
uma lava. E faatumauina ia mea e faavavau faavavau lava; ua faia i
le faamaoni ma le tonu.” Salamo 111:7, 8. E lafotūina soo se mea
e faavaeina i luga o le pule a le tagata. Peitai o le mea e faavaeina i
[244] luga o le papa o le afioga lēmasuia a le Atua, e tumau lea e faavavau.
[245]
Mataupu 16—Sola’aga a Le ’Au Femalaga’i I
Amerika
Na fulitua tagata Porotesano i totonu o Peretania i aoaoga
faapope; peitai e tele tu ma faiga faapope na latou taofi pea i ai.
Na latou teena le pule a Roma ma ana talitonuga; peitai e tele tu ma
aga ma sauniga faa¬Roma na faaaogāina pea i tapua’iga a le Lotu
Egelani. Na i ai lo latou talitonuga e lē āfāina ai le tulafono a le Atua
i nei tu ma sauniga faaRoma, auā e lē o fai mai ai le Tusi Paia, ma e
lē o faasāina mai foi i le afioga a le Atua. O lo latou tausia o ia tu ma
sauniga masani na tau faavaiti ai le tofē ua taatia nei i le va o Roma
ma aulotu Porotesano. Na i ai se fautuaga faapea o lo latou faia o
nei sauniga o le a faigofie ai ona talia e tagata pope le talitonuga
faaPorotesano.
Na manatu nisi ua lelei na’uā nei fautuaga. Peitai na i ai se vaega
e le’i manatu o se mea sa’o lo latou pipii atu pea i tu ma aga faaRoma.
Na manatu i latou afai ua avea nei tu ma masaniga ma mea ua felāta’i
ai lotu Porotesano ma Roma, o le pogai tonu lava lea e ao ai ona
latou fulitua i nei faiga faaRoma. Fai mai i latou o nei tu ma aga
ua pei o ni pine faamanatu o lo latou nofo pologa i lalo o Roma;
lenei ua latou sa’oloto, latou te lē fia manatua ia aso o le pologa. Fai
mai i latou ua faatūina e le Atua i Lana afioga tulafono e pulea ai le
faiga o tapua’iga ia te Ia, ma e leai se pule a le tagata e to’esea ai pe
faaopoopo ai foi se mea i nei tulafono. E lē gata i lea na amata ona
sp ese le ekalesia mai le finagalo o le Atua ona ua latou taumafai e
faaopoopo le pule a le ekalesia i le pule a le Atua. Na amata e Roma
ia faiga ina ua ia faaopoopo mai mea e le’i faasāina e le Atua, ae
mulimuli ane ua faasāina e Roma mea ua manino ona faatonuina
mai e le Atua.
Na naunau se to’atele ina ia latou toe foi i le tulaga paia ma le
mamā ma le leai o se gaogaosā, tulaga na iloga ai le ulua’i ekalesia i le taimi o le au aposetolo. Na latou talitonu o le tele o tu ma
masani ua faia e le Lotu Egelani o ni mea faamanatu lava ia o le ifo
i tupua, ma ua latou lagona e l ē tatau ona latou saga lagolagoina
295
296
O Le Finauga Tele
pea lea tapua’iga. Peitai o le Lotu Egelani o se ekalesia ua lagolagoina e le pule faalemalo, ma e faasā le lē usitai i ana tulafono
[246] uma. Na faatulafonoina le faatasi atu i sauniga, ma sa faasāina le
faia o ni faapotopotoga mo tapua’iga e aunoa ma se faatagaga a ē
pule. O le faasalaga o le soliga o lea tulafono o le falepuipui, po o le
faaaunu’ua, po o le oti lava foi.
O le taimi tonu lenei o le amataga o lona 17 o senituri, ma o le
amataga lava foi lea o le nofoa’iga a se tupu fou o Egelani. Sa fai
le filifiliga mautū a lenei tupu ina ia fai faamalosi le Au Femalaga’i
lenei ina ia latou usitai i le mea ua mana’o i ai le ekalesia, le ekalesia
lea ua ta’ua o le ekalesia a le malo. Afai e le o lea o le a faatigainaina
i latou ina ia latou o ese atu ai ma le atunuu; a le o lea, o le a latou
feagai loa ma sauaga. (George Bancroft, History of the United States
of America, pt. 1, ch. 12, par. 6.) Na faapena ona sauāina i latou i le
falepuipui, po o le tuliloaina foi e pei o manu’aivao. Na latou lagona
ua leai se lumana’i manuia mo i latou i lo latou atunuu moni, ma afai
latou te fia tapua’i i le Atua e tusa ai ma o latou talitonuga, ua ao loa
ona latou o ese ma Egelani. (J. G. Palfrey, History of New England,
ch. 3, par. 43.) O lea na tonu ai loa i nisi o le a sa’ilia so latou lafitaga
i le atunuu o Holani. Na latou fetaia’i ma le tele o faafitauli ma le
falepuipui. Na faalataina i latou i lima o o latou fili, ma ua iloa ai
e le fili la latou fuafuaga ina ia latou tuua le atunuu. Peitai na latou
finafinau pea ma le onosa’i sei oo ai lava ina ua latou taunuu atu i
matafaga o le atunuu o Holani.
Ua latou sosola nei ae tuu o latou fale ma lo latou tamao’aiga, ma
a latou alagātupe. Ua latou taunuu atu nei i se atunuu e ese o latou
tagata, ese la latou gagana, ese foi a latou tu ma masani. Ua latou
tau sa’ili nei soo se galuega e mafai ona maua ai se alagātupe latou
te ola ai. O nisi o i latou na ola mai lava o galulue i le suotosinaina
o le palapala; peitai ua latou faata’ita’i nei ona galulue i ni galuega
e faaaogāina ai masini. Ae ui i lea latou te le’i faameo pe faitio. E ui
lava i se olaga mativa ua latou oo nei i ai, na latou viia le Atua ona
o faamanuiaga ua latou maua, ma sa latou olioli ona o le sa’olotoga
latou te tapua’i faatasi ai e aunoa ma ni sauaga. “E le’i galo ia i latou
ua na o ni tagata faimalaga i latou i le lalolagi nei, ae na tepa a’e o
latou mata i le lagi, lo latou nuu moni, ma faapena ona maua ai le
mapusaga o o latou loto”. (Bancroft, pt. 1, ch. 12, par. 15.)
Sola’aga a Le ’Au Femalaga’i I Amerika
297
Na avea faafitauli na latou fetaia’i, atoa ma lo latou mau i nuu
ese ma ala na faamalosia atili ai lo latou faatuatua. Na latou talitonu
i folafolaga a le Atua, ma Na te le’i tuulafoa’iina i latou i le taimi o lo
latou puapuaga. Na i o latou autafa agelu a le Atua latou te faamalosi
ma fesoasoani ia i latou. Na latou ō i le faatuatua, na latou ō ma le
le masalolo, na latou ō i le ta’ita’iga faalelagi ina ua foliga mai ua
finagalo le Atua ina ia latou folau i le vasa, agai atu i se laueleele
atonu o le a fai ma o latou atunuu, se laueleele o le a maua ai le
sa’olotoga i mea tau tapua’iga, le sa’olotoga o le a avea o se tofi
latou te avatua i a latou fanau.
Na faatagaina e le Atua puapuaga e oo mai i Ona tagata, ina
ia saunia ai i latou mo le faataunuuina o Lona finagalo alofa mo i
latou. Na pa’ū maulalo le ekalesia, ina ia mafai ai ona toe faaeaina [247]
o ia. Ua fia faailoa atu nei e le Atua Lona mana mo le ekalesia, ina
ia fai ma molimau i le lalolagi e lē tuulafoa’ia e le Atua i latou o
ē talitonu ia te Ia. O Lana pule aoao ua faaaogaina ai le to’asā o
Satani ma fāufauga a ē amioleaga, e faalauteleina ai Lana galuega,
ma avatua ai Lana fanau i se nofoaga latou te mapu ma filemu ai.
Ua avea sauaga ma auala ua tatala mai ai le faitoto’a o le sa’olotoga
ia i latou.
Na faia se ta’utinoga a tagata Puritani po o le au faamaoni ina
ua latou vavae’ese mai ai ma le Lotu Egelani. Na faia sa latou
ta’utinoga, o i latou o le fanau sa’oloto a le Alii, “ina ia latou savavali
faatasi i Ona ala uma e tusa ai ma le malamalama ua faaalia mai ia
i latou”. (J Brown, The Pilgrim Fathers, page 74.) O le agaga moni
lea o le galuega o le toe fuata’iga, ma o le faavae autū foi lea o le
galuega faaPorotesano. O le faamoemoe lea na i agaga o lenei Au
Femalaga’i ina ua latou tuua Holani mo so latou aiga i le Lalolagi
Fou i Amerika. O le ta’ita’iga a le Atua na lē mafai ai ona latou folau
ma lo latou faife’au o Ioane Ropinisone. Ae ui i lea fai mai upu na
faamavae atu ai la latou faifeau ia i latou:
“Uso e, ua lē o toe mamao ona tatou faamavae lea, ma ua na o le
Alii Na te silafia pe mata o le a tatou toe fevā’aia’i pe leai. Ou te lē
iloa po o le finagalo lea o le Atua pe leai. Peitai ou te ta’utino atu i
luma o le silafaga a le Atua ma Ana agelu paia, ina ia aua lava tou te
mulimuli mai ia te a’u sei vagana ua outou iloa o lo o o’u mulimuli
ia Keriso. Pei lava ona outou talia upu moni na ou avatua ia te outou,
ia faapea foi ona outou nofo sauni e talia se malamalama e tuuina atu
298
O Le Finauga Tele
ia te outou e le Atua e ala i se isi o Ana auauna; auā ua ou mautinoa
e tele se malamalama ua finagalo le Atua e ao ona sulugia ai i tatou
mai Lana afioga.” (Martyn, vol. 5, p.70.)
“A’o a’u, e lē lava a’u upu e ta’u atu ai lo’u lē fiafia i le tulaga
ua oo i ai ekalesia o le toe fuata’iga. Ua tu nei le ekalesia o le toe
fuata’iga e aunoa ma se toe gaioi i luma; ua latou tutū ai lava i le
mea na tuu ai i latou e o latou ta’ita’i. O le mea lava na gata mai ai
le vaai a Luteru o inā foi ua tutū ai nei tagata o le Lotu Luteru; ua
faapena foi tagata o le Lotu Kalavini. O le mea lava na tuu ai i latou
e lena auauna a le Atua, o inā lava ua latou tutu ai nei e aunoa ma se
isi toe laa i luma. O se tulaga lenei e matuā faanoanoa ai. E moni o
ni fetu pupula nei ta’ita’i i le taimi na latou soifua ai; peitai latou te
le’i maua le atoaga o le finagalo o le Atua. Ana o soifua mai pea ia
ta’ita’i, e lē taumatea lo latou talia ma le fiafia o se isi malamalama
faaopoopo, e pei lava ona latou talia ma le fiafia le malamalama na
latou ulua’i maua.” (D. Neal, History of the Puritans, vol. l,p. 269.)
“Aua ne’i galo la outou ta’utinoga ma le feagaiga ua outou faia
ina ia _ outou savavali i ala uma o le Alii, ala ua Ia faaalia mai,
ma ala o le a Ia faaalia mai ia te outou. Ia outou manatua la outou
ta’utinoga ma le feagaiga na faia i luma o le Atua, ina ia talia soo se
[248] malamalama Na te faaalia mai ia te outou i Lana afioga tusia. Peitai
ou te lapata’i atu ina ia outou faaeteete ma ia outou mua’i faatusatusa
aoaoga uma i le afioga a le Atua a’o le’i taliaina. O lo o pōpōfou le
vavae’ese mai o le au Kerisiano mai le pogisa mafiafia o aoaoga faaanetikeriso, ma ou te talitonu e le’i maua e le au Kerisiano le atoaga
o le malamalama e ao ona latou maua.” (Martyn, vol. 5, pp. 70, 71.)
O le faanaunauga mo le sa’olotoga i mea tau tapua’iga na lototetele ai lenei Au Femalaga’i latou te folau atu i le vasa tele, ma
onosa’i ai i faigata ma faalavelave o le vaomatua, ma mafai ai ona
latou faataatiaina i Amerika le faavae o se atunuu tele, e ala i le faamanuiaga a le Atua. Peitai, e ui lava o i latou o ni tagata faamaoni ma
le matata’u i le Atua, e le’i malamalama le Au Femalaga’i i lea taimi
i le uiga moni o le faavae autū o le sa’olotoga i mea tau tapua’iga. E
tele faafitauli ma sauaga na latou fetaia’i ona o lo latou fia maua o le
sa’olotoga i mea tau tapua’iga; peitai latou te le’i manana’o e avatua
lea sa’olotoga i isi. “E toaitiiti lava i latou i lea vaitaimi o lona 17 o
senituri na latou malamalama atoatoa i le uiga moni o lenei faavae
autū. E oo lava i nisi o le au popoto ma ta’ita’i o le au Porotesano
Sola’aga a Le ’Au Femalaga’i I Amerika
299
latou te le’i manino atoatoa i le avea o le Atua, ua na o le Atua lava,
e fai ma faamasino i mea tau tapua’iga.” (Ibid., vol. 5, p.297.) O le
talitonuga faapea ua tuuina mai e le Atua i le ekalesia le āiā tatau
latou te pulea ai le faitalia a le tagata, ma faia ai poloa’iga e aafia
ai le loto fuatiaifo o le tagata, ma faia ai faasalaga o ē le usitai i ia
poloa’iga, o le talitonuga lea ua avea o se tasi o aoaoga sese a le pope
ua aupito sili ona mausali ma loloto o ona a’a i totonu o le ekalesia.
Ua teena e le au Porotesano talitonuga a Roma; peitai latou te le’i
fulitua atoatoa i lona agaga pule faamalosi. E lei te’a ese atoatoa le
pogisa mafiafia lea na ufitia ai e le pule faapope atunuu Kerisiano
uma, i le tele o augatupulaga o lana pule. Fai mai se tasi o le aufailotu i se tasi o aulotu fou i Amerika, “Na se ese le ekalesia mai
aoaoga a Keriso ona o le sa’olotoga i mea tau tapua’iga, ma e le o
se mea leaga sauaga na faia e le ekalesia i ē na latou faia aoaoga
sese”. (Ibid., vol. 5, p. 335.) Na faatūina e le faapotopotoga fou o
tagata Amerika se tulafono e faataga ai na o tagata-aulotu e palota
ma fai so latou leo i mata’upu faalemalo. Na faapena ona faatūina
ai i Amerika se ekalesia e pii faatasi ma le malo, ma ua faia ai le
tulafono ina ia saotupe uma tagata mo le lagolagoina o le aufailotu,
ma ua avatu i le au faamasino le matāfaioi o le faia o faasalaga o
ē faia aoaoga sese. Na faapena ona ’u’u i lima o le ekalesia le pule
faalemalo. E le’i umi ae aliali mai sauaga, o le fua masani lava lea
o faiga tapua’iga faapenei.
E 11 tausaga talu ona faatūina le ulua’i kolone i Amerika ae
taunuu loa i ai Roka Viliamu. Pei lava ona fiafia le Au Femalaga’i
na mua’i taunuu i Amerika, na faapea foi ona olioli o Viliamu ona o
le sa’olotoga i mea tau tapua’iga. Peitai na pupula ona mata i se mea
na tauaso i ai le to’atele i lea vaitaimi. Na ia vaai i le tāua o le avatua
o le sa’olotoga i mea tau tapua’iga i soo se tasi, tusa lava po o a ona [249]
talitonuga. Na sa’ili naunauta’i Viliamu i le upu moni; na talitonu
i la’ua ma Ropinisone i le tele o le malamalama o le upu moni e
le’i sulugia ai le fanau a le Atua. Na avea Viliamu o le tagata muamua i atunuu Kerisiano uma, ua na faavaeina se faigamalo i luga o
ni faavae autū se lua. Muamua, o le sa’olotoga o le tagata i mea tau
talitonuga ma tapua’iga; ma lona lua, o le tutusa o leo o tagata uma
i luma o le tulafono. Fai mai lana upu o le tiute o le au faamasino
lo latou faaitiitia o le soligatulafono; peitai e le o so latou tiute le
pulea o talitonuga o tagata. “E mafai e alii faamasino po o le leo o
300
O Le Finauga Tele
le lautele o tagata ona faia filifiliga i mea tau tiute o le tagata agai i
le isi tagata; peitai e leai sa latou āiā e faia ai ni tulafono e āiaia ai le
tiute o le tagata i le Atua. E leai se puipuiga o i ai i lea tulaga, auā e
mafai e alii faamasino i le asō ona poloa’i mai ina ia tatou talitonu i
tulafono nei e fia, ae oo atu foi a taeao ua ese mai foi nisi tulafono,
e pei ona faia e tupu ma masiofo o Egelani, e pei foi ona faia e pope
eseese ma fono a le Ekalesia Roma. O le mea e oo i ai o le fenumia’iga ma le lē malamalama i mea tau talitonuga. (Martyn, vol. 5,
p. 340.)
Na i ai se tulafono na faasā ai le lē faatasi atu i sauniga a le
ekalesia faavaeina; o le faasalaga o le lē auai i sauniga, o le sala
tupe po o le falepuipui. “Na faitioina e Viliamu lenei tulafono; o le
tulafono aupito lē manuia i tulafono uma a Peretania o le tulafono
lea na faamalosia ai le ō i lotu. Na talitonu Viliamu ua solia le āiā
tatau a le tagata pe a faia faamalosi lea tagata e tapua’i faatasi ma i
latou e lē tutusa o latou talitonuga. O le toso faamalosi i lotu o ē lē
fia lolotu, o le faamalosia foi lea o tagata ina ia faia le pepelo. Fai
mai le upu a Viliamu, ’E lē o se mea tatau le faamalosia o soo se
isi e tapua’i, e le o se mea tatau foi le faamalosia o soo se tasi na te
lagolagoina se lotu pe a le mana’o o ia i ai’. Ua leo tetele ona fili ma
fai mai, ’O le a? E le o se mea tatau ea le ave o le taui i le tagata
faigaluega?’ Fai mai le tali a Viliamu, ’E tatau le taui; ae ia faia le
taui e i latou na latou faafaigaluegaina lea tagata’.” (Bancroft, pt. 1,
ch. 15, par. 2.)
O se faife’au faamaoni Viliamu, o se faifeau na alofagia ma
faaaloalogia, o se tagata agavaa ma le atamai, o se tagata alofa faamaoni, o se ta’ita’i e lē mafai ona faatauina i ni tupe. Peitai sa inosia
o ia e ta’ita’i o le ekalesia faavaeina ona o lona fai mai e leai se āiā a
le au faamasino latou te pule ai i totonu o le ekalesia. Latou te le’i fiafia foi i le avatua o le sa’olotoga o mea tau tapua’iga i soo se tagata.
Ua latou fai mai o le talia o lea aoaoga i totonu o le ekalesia o le a
avea lea ma faapogai o fouvalega i faigamalo a le atunuu. (Ibid., pt.
1, ch. 15, par. 10.) O le faai’uga na faia ia Viliamu o le faate’a mai
le nuu. Na tonu ia te ia o le a sola ne’i pu’e faamalosia o ia e leoleo.
Na faapena ona faia o lana sola’aga i le vaomatua i le taimi leaga o
le tau mālūlū.
Fai mai lana tala, “E 14 vaiaso o o’u tigaina i le mata’utia o le
[250] tau mālūlū; ua galo ia te a’u foliga o le mea e ta’u o se moega po o se
Sola’aga a Le ’Au Femalaga’i I Amerika
301
mea’ai. Peitai na fafaga a’u e oreva i le vaomatua, ma sa masani ona
ou lafi i se pu i totonu o se laau. (Martyn, vol. 5, p. 349, 350.) Na
faapena ona puapuaga o ia i lana sola’aga i le kiona i le vaomatua,
sei oo ina maua sona lafitaga i se nuu o ni tagata Initia Amerika na
alolofa ane ia te ia, se nuu na ia a’oa’oina i ai upu moni o le talalelei.
Ua mavae ni masina e tele o fealua’i ma fesolata’i Viliamu, ona
alu faatū loa lea o lana malaga i le vaifagaloa o Narakaseti. O inā na
ia faataatia ai le faavae o le ulua’i setete faaonaponei ua latou talia
atoatoa le āiā o tagata ma lo latou sa’olotoga i mea tau tapua’iga. O
le igoa o lea setete o le Motu o Rote (Rhode Island.) O le faavae autū
o lea kolone o le āiā lea po o le sa’olotoga o tagata ta’ito’atasi latou
te tapua’i ai i le Atua e tusa ai ma latou faitalia ma le malamalama
ua latou maua. (Ibid., vol. 5, p. 354.) Na avea lenei setete ma lafitaga
mo i latou uma ua sauaina, ma sa tupu ma manuia lenei kolone sei
oo ina avea le faavae autū o lenei setete ma maa tulimanu o le malo
atoa o Amerika. O lea faavae autū o le sa’olotoga i mea tau tapua’iga,
faapea ma āiā tatau o le tagata i mea faalemalo.
Na tusia e muā’au ma ulua’i tamā o le malo o Amerika se faamatalaga e uiga i āiā tatau o le tagata. Na latou tusia lea faamatalaga
i le pepa ta’uta’ua ua faaigoaina o le Faasilasilaga o le Tuto’atasi o
Tagata Amerika. Fai mai upu o la latou faasilasilaga, “Ua manino le
uiga o nei talitonuga ua matou taofi i ai. Ua matou talitonu na faia
ia tutusa tagata uma e le Atua; ma ua tuuina foi e le Atua i tagata
uma ni āiā tatau e le mafai ona ave’esea ia i latou; ma o nisi o ia āiā
e aofia ai le āiā tatau i le ola, le āiā tatau mo le sa’olotoga, ma le āiā
tatau e sa’ili’ili ai mo le fiafia.” Ae le gata i lea ua ta’u manino mai
e le Tulafono Faavae o Amerika le tāua o le sa’olotoga ma le faitalia
a le tagata i mea tau talitonuga. Fai mai le faaupuga o le Tulafono
Faavae, “E le faalagolago le tofiga o se tasi i se ofisa o le malo o
Amerika i lana lotu”. “E le faia e le Fono Faitulafono a Amerika se
tulafono e faatūina ai se lotu, pe faasāina ai foi se lotu.”
“O ē na tusia le Tulafono Faavae o le Unaite Setete na latou iloa
le va o le tagata ma le Atua. Na latou iloa o tiute o le tagata i le
Atua e i luga a’e lea o tulafono a tagata, ma e le mafai ona ave’esea
mai le tagata lana faitalia i mea tau talitonuga ma tapua’iga. E le tau
faasinoa mai lenei mea e se tasi ia i tatou; tatou te lagona uma lava
lenei mea i le ta’ele o o tatou loto. O le lagona lea na lototetele ai le
au maturo i le vao o sauaga ma le afi, a’o latou tetee atu i tulafono a
302
O Le Finauga Tele
tagata. Na latou lagona o lo latou tiute i le Atua e maualuga a’e lea i
poloa’iga a tagata, ma e leai se pule faamalosi a le tasi tagata i le loto
fuatiafio o le isi tagata. O se sa’olotoga lenei e fanau mai ma le tagata,
ma e le mafai e se tagata po o se tulafono ona tineia.” (Congressional
documents, USA, serial No. 200, document No. 271.)
Na salalau i Europa le tala e uiga i se atunuu ua maua i ai le
[251] sa’olotoga o le tagata e pule ai o ia i ana mea totō, ma lona sa’olotoga
e ola ai o ia e tusa ai ma le talitonuga o lona loto. E afe ma afe
na lolofi i le Lalolagi Fou, ma sa faapena ona vave faatupula’ia ai
le fuainumera o kolone i Amerika. “Na faia se tulafono faapitoa e
le kolone o Masakuseti (Massachusetts.) Na latou ofo atu latou te
talileleia ma fesoasoani i le au Kerisiano mai soo se atunuu i Europa,
o ē ua fia sosola ese i sauaga ma taua, faapea ma le mativa i totonu
o o latou atunuu. Na faapena ona faia o le tulafono e fesoasoani
atu ai le malo ma ona tagata i ē ua sauaina ma ē ua faamativaina.”
(Martyn, vol. 5, p. 417.) Na o le 20 tausaga talu ona taunuu i Pilima
(Plymouth) le ulua’i folauga a le Au Femalaga’i a ua atoa le 20 afe
isi tagata Europa ua taunuu atu ma nonofomau ai i le itumalo o Niu
Egelani i Amerika.
O lo latou naunau i le sa’olotoga na latou malilie ai latou te ola
matitiva, ma ola faalagolago i mea na latou totōina. Latou te le’i tatalo mo se mea maua fua, ae na latou tatalo ina ia manuia mea totō na
latou tuua i le eleele. Latou te le’i mafaufauina se tamao’aiga maua
vave i lo latou atunuu fou. Na latou malilie i le tulaga faifaimalie o
le laa i luma o o latou olaga. Na latou onosa’i i lo latou mativa i le
togavao a’o latou faasūsūina le laau o le sa’olotoga i o latou loimata,
faapea ma le afu o o latou muaulu, sei oo ai lava ina ua maua’a ma
uluola le sa’olotoga i totonu o le atunuu.”
Na maualuga la latou vaai i le Tusi Paia - o le faavae o le faatuatua, o le amataga o le poto, ma le ta’iala o le sa’olotoga. Na latou
ma’elegā i lo latou a’oa’oina o upu moni o le Tusi Paia i totonu o
o latou aiga, ma totonu o a latou a’oga, faapea ma totonu o o latou
falesa. Na vaaia fua o ia aoaoga i lo latou atamamai, ma o latou olaga
mamā, ma lo latou olaga fai faatatau lelei. E mafai ona nofo se tasi i
le nuu o lenei au Puretani mo ni tausaga, e aunoa ma se faalogoina
o se palauvale, po o le vaaia o se ’ōnā, po o le fetaui foi ma se tagata
aisi. (Bancroft, pt. 1, ch. 19, par. 25.) O le Tusi Paia o le auala mautinoa lea e mafai ai ona avea se atunuu o se malo tele; ma o olaga o
Sola’aga a Le ’Au Femalaga’i I Amerika
303
nei tagata ma la latou faigamalo ua fai lea ma molimau maumaututū
o lenei mea. Na tutupu lemu a’e nei kolone vaivai ma le vāvāmamao, se’i oo ina ua avea i latou o se soo tuufaatasi o setete malolosi,
ma sa ofo le lalolagi a’o latou matauina le nofo filemu, atoa ma le
tamao’aiga “o se ekalesia e aunoa ma se pope, o se atunuu e aunoa
ma se tupu”.
Peitai na faatupula’ia pea le numera o ē na lolofi atu i Amerika
ona o isi mafua’aga ae le o le sa’ilia o le sa’olotoga e pei ona faia e le
Au Femalaga’i. Sa malosi pea lava le leo o upu ma le leo o olaga o le
au Puretanii upufai o a latou faigamalo; peitai sa faasolosolo mālie
ifo i lalo le malosi o lea leo a’o tuputupu mālie a’e le fuainumera o
ē na folau atu i Amerika ona o le sa’iliga o le tamao’aiga ma isi mea
faalelalolagi.
Na faia e ulua’i ta’ita’i o kolone se tulafono e faataga ai na o
tagata ekalesia e palota, pe tofia foi i se tofiga o le malo. Peitai na [252]
avea lea tulafono ma auala na oo mai ai ni tulaga lē manuia. Na faia
lenei tulafono ina ia puipuia ai le tulaga mamā o le malo; peitai na
avea lea ma mea ua ofi atu ai le palapalā ma le amioletonu i totonu
o le ekalesia. Ua vā’ai le to’atele e lē mafai ona latou palota pe tofia
foi i ni ofisa o le malo se’i vagana o i latou o ni tagata ekalesia. Ua
ofi mai loa i le ekalesia i latou nei, ona o lo latou vaai i le tofi ae
aunoa ma se liuga moni o le loto. Na faapena ona tumu le ekalesia
i le to’atele o ē le’i liua; na i ai foi le aufailotu na latou talitonu i
aoaoga sese, ma latou lē iloa le mana o le Agaga Paia e faafouina ai.
Na faapena ona toe maua o nisi faamaoniga o le leaga o le taumafai
e atina’e le ekalesia e ala i le fesoasoani a le malo, po o le tagi atu foi
i le pule faalemalo e lagolagoina ai le talalelei. Ua tele faamaoniga
o le leaga o lea tulaga, i le amata mai lava i aso o Konesetina se’i oo
mai lava i le asō. Na fetalai mai Iesu, “E lē mai le lalolagi nei lo’u
malo”. Ioane 18:36. Atonu e lē malosi se sootaga i le va o le malo ma
le ekalesia, atonu foi e foliga mai o lea sootaga o le a faalatalata mai
ai le lalolagi i le ekalesia; peitai o le mea moni lava o le a faalatalata
atu ai le ekalesia i le lalolagi.
Na i ai ni upu moni tāua na a’oa’oina e Ropinisone faapea ma
Roka Viliamu. Muamua, o le upu moni e laalaa i luma ae lē tumau
i le mea e tasi. Lona lua, e ao i tagata Kerisiano ona nofo sauni
latou te talia soo se malamalama o le a faasulugia ai i latou e le
Atua, mai Lana afioga. Peitai ua faagalo ia aoaoga lelei e fanau a le
304
O Le Finauga Tele
au Kerisiano. Na tutusa ekalesia Porotesano i Amerika ma ekalesia
Porotesano i Europa - ua latou lē laa i luma i le faiga o le galuega
o le Toe Fuata’iga. Na i ai se au faamaoni toaitiiti na tutū a’e i lea
vaitaimi ma lea vaitaimi, latou te folafolaina aoaoga fou ma faailoa
atu i tagata aoaoga sese ua leva ona latou taofi i ai. Peitai o le to’atele
o tagata na pei lava o tagata Iutaia i ona po o Keriso, po o tagata
pope foi i ona po o Luteru - na latou fiafia lava e talia talitonuga a ō
latou tua’ā; na latou fiafia foi e ola e pei ona soifua o latou tua’ā. Na
faapena ona toe pa’ū atu le ekalesia i le tulaga ua latou faaauauina
ai sauniga faalelotu e aunoa ma se mana po o se ola faaleagaga o
i ai. Ua toe taofi mamau foi le to’atele i aoaoga sese ma talitonuga
faanuupo - talitonuga semanu ua leva ona lafoa’ia pe ana faaauau le
savali a le ekalesia i luga o le malamalama o le afioga a le Atua. Na
faapena ona mate lemu atu le agaga na fāgua a’e e le galuega o le Toe
Fuata’iga, ma ua toetoe ai lava ina toe oo atu le ekalesia Porotesano i
le tulaga na i ai le ekalesia Roma i ona po o Luteru. Ua toe vaaia nei
foi i le to’atele le fiafia i le lalolagi ma le moe faaleagaga; ua latou
toe faaeaina foi manatu o tagata, ma ua latou toe avane foi manatu
o tagata e sui a’i aoaoga a le afioga a le Atua.
Na tele le faasalalauina atu o le Tusi Paia i le amataga o lona 19
o senituri, ma ua tele ai foi le malamalama na sulugia ai le lalolagi.
[253] Peitai e le’i faapena le tele o le iloa e tagata o le upu moni e pei ona
ua faaalia mai i le Tusi Paia, ma e le’i faatinoina foi ia upu moni o le
afioga a le Atua i o latou olaga. Ua le toe mafai e Satani ona taofia
le Tusi Paia mai tagata; ua mafai nei ona maua e tagata uma le Tusi
Paia. Peitai ua uia nei e Satani se isi auala ina ia faataunuuina ai pea
lona mana’o - ua ia ta’ita’ia nei le to’atele ina ia latou manatu māmā
i le Tusi Paia. Ua le su’esu’e tagata i le Tusi Paia, ma ua faapena ona
latou taliaina ai o faauigaga sese o le Tusi Paia, ma ua faapena foi
ona latou taofi mamau ai i ni aoaoga e leai so latou faavae i le Tusi
Paia.
Na i’uvale taumafaiga a Satani e solipalaina ai le upu moni e ala
i sauaga. Ua liliu atu loa Satani na te toe faaaogā lana fuafuaga e
talia faa’afa’afa ai e tagata le upu moni. O le fuafuaga lava foi lea
na amata mai ai le sese o le ulua’i ekalesia, ma ua avea ma poutū na
faavaeina ai le Ekalesia Roma. Ua le ta’ita’ia nei e Satani tagata ina
ia latou soo faatasi ma ē faapaupau e pei ona faia i ulua’i senituri,
a ua ia ta’ita’ia nei i latou e soo faatasi ma ē ua pupū o latou loto
Sola’aga a Le ’Au Femalaga’i I Amerika
305
i mea o le lalolagi. O le pupū atu o o latou i mea o le lalolagi o se
faamaoniga lava lea o lo latou ifo i tupua; ma e leai se ese’esega o
lea ifo i tupua ma le ifo i tupua ua ta. O lea soo o le a tutupu mai
ai auala pi’opi’o ma le le manuia e pei ona faia i augatupulaga ua
mavae; e faaalu le tele o le tupe ona o faalialiaga ma tuinanauga,
ae faalafi i tua o le igoa o le lotu, ma e faapena ona ofi mai o le
amioletonu ma uiga pi’opi’o i totonu o le ekalesia. Na faia pea lava
e Satani lana galuega masani o le faaofi lēmū mai o lea suiga ma lea
suiga e faaopoopo atu i aoaoga a le Tusi Paia, se’i oo ina ua mautū
ma maua’a ai manatu ma uputuu a tagata ma avea ai lea ma faapogai
o le faasesēina o le miliona ma miliona o tagata. Ona faasaga loa lea
o le ekalesia e finau mo le puipuiga o nei uputuu, a ua le finau mo le
upu moni na tuuina mai i le au paia. Na faapena ona latou tosoina i
lalo ma fesuia’ia aoaoga na galulue punoua’i ai ma sauāina ai ta’ita’i
[254]
o le galuega o le Toe Fuata’iga.
Mataupu 17—Avefe’au O Le Taeao
Ole Toe Afio Faalua mai o Keriso mo le faamae’aina o Lana
galuega o le faaolataga, o se tasi lea o poutū malolosi o le talalelei
a le Atua e pei ona faaalia mai i Lana afioga. Ua leva ona feoa’i
ma fesea’i le fanau a le Atua e aunoa ma so latou nuu moni i lenei
lalolagi; ua leva ona nonofolatou i le nuu o puapuaga ma sauaga.
Peitai o lo o i ai se faamoemoe matagofie mo i latou, se faamoemoe
faafiafialoto ua āfifi mai i le folafolaga o le toe afio mai o Iesu, o
Ia o le Toe Tu ma le Ola, e afio mai e avatua i latou ua leva ona
faaaunu’ua i lo latou nuu moni. O le Afio Faalua Mai o Keriso o le
aoaoga autū lea o le Tusi Paia atoa. Talu mai lava le aso na faliu ese
ai ma le faanoanoa o tatou ulua’i matua mai Etena, o lo o faatalitali
le fanau faatuatua a le Atua mo le afio mai o le na Folafolaina Mai,
o le Na te faato’ilaloina le malosi o le fili, ma toe faafoi atu i latou
i le Parataiso na leiloa. Na taula’i atu le vaai a le au pateriaka i le
faaali mai o le Mesia e avea o le taualuga o lo latou faamoemoe. Na
faatagaina Enoka, o lona fitu mai ia Atamu, le tagata na feoa’i ma le
Atua mo le 300 tausaga, na faatagaina o ia na te iloa mamao atu le
afio mai o le Faaola. Fai mai Enoka, “Faauta e afio mai le Alii ma
Lana au paia e manomano, e faamasino ai tagata uma”. Iuta 14,15.
Na alaga foi le pateriaka o Iopu i le itupō o ona puapuaga ma ta’utino
mai, “Auā ua ou iloa o lo o soifua le Na te togiolaina a’u; o aso amuli
foi e tulai mai ai o Ia i luga o le eleele. ...ae ou te iloa atu le Atua i
lo’u tino; ou te iloa atu ia te ia mo a’u lava, e vaai atu foi o’u mata
ia te ia, ae le o se tasi”. Iopu 19:25- 27.
Na avea le toe afio mai o Keriso o le autū o pese atoa ma isi
faa’upuga matagofie a le au tusitala o le Tusi Paia. Na faa’upuina e
fatusolo ma faamatalaina e le au perofeta le toe afio mai, i ni upu
faagaeetia loto. Fai mai faa’upuga a le faisalamo a’o ia pese i le
mata’utia ma le silisili ese o le Tupu o Isaraelu: “O lo o pupula mai
le Atua mai Siona, o le mea e silisili ese ona matagofie. O lo o afio
mai lo tatou Atua, ua le tuua Lona si’ufofoga. ...E valaau Ia i le lagi i
luga, atoa foi ma le lalolagi, i le faamasinoina o Lona nuu”. Salamo
306
Avefe’au O Le Taeao
307
50:2-4. “Ia fiafia le lagi, ia olioli foi le lalolagi; ...i luma o Ieova: auā
o lo o afio mai, auā o lo o afio mai e faamasino le lalolagi; na te faamasinoina le atulaulau i le amiotonu, atoa ma nuu i lona faamaoni.” [255]
Salamo 96:11-13.
Fai mai le perofeta o Isaia: “Inā ala mai ia ma alalaga fiafia outou
ē o lo o nonofo i le efuefu; auā o lou sau e pei o le sau o le vao iti
ia; e lafo atu foi e le eleele ē ua oti”. “E toe ola mai ou tagata oti, e
toe tutū mai i latou faatasi ma lo’u tino oti.” “E faaumatia e Ia le oti
e faavavau; e soloi’esea foi e le Alii o Ieova o loimata i mata uma
lava; e faate’aeseina foi e ia le gao o lona nuu i le lalolagi uma lava;
auā ua fetalai mai ai Ieova. O lea aso e faapea ai, Faauta, o lo tatou
Atua lenei; sa tatou faatalitali ia te ia; tatou te fiafia ma olioli i lana
faaolataga.” Isaia 26:19; 25:8,9.
Fai mai faa’upuga a Sapakuka a’o ia vaaia i se faaaliga Lona toe
afio mai: “Na afio mai le Atua mai Timanu, na afio mai foi le Paia
mai le mauga o Parana. Sa ufitia le lagi i lona pupula, o lona viiga
foi sa tumu ai le lalolagi. O le pupula foi sa faapei o le la.” “Sa tu o
ia ma fuafua le lalolagi; na ia silasila mai, ma na faagateteina nuu
ese; na faata’ape’apeina ai foi mauga o le vavau; na faamaualaloina
ai mauga iti o le vavau; o ona ala e mai le vavau.” “Ua E ti’eti’e i
au solofanua ma ou nofoa faataavalevale o le faaolataga.” “Na iloa
oe e mauga, ua latou gatete ai; ...na gagana mai Le moana, ua na
sisii i luga ona lima. Sa tutū pea le la ma le masina i le mea la te
mau ai; o le malamalama oauū fanafana na latou savavali ai, ma le
malamalama o lou tao pupula.” “Sa E afio atu e faaola i lou nuu, e
faaola i le na E faau’uina.” Sapakuka 3:3, 4, 6, 8, 10, 11, 13.
A’o faanoanoa le au soo ona o le a latou tete’a ma lo latou Matai,
na latou maua le lototele ma se faamafanafanaga ina ua folafola atu
ia i latou e le Faaola Lona toe afio mai. “Aua le atuatuvale o outou
loto. ...E tele mea e nonofo ai i le maota o lo’u tama. ...Ou te alu e
sauni se mea e nonofo ai outou. Afai foi ou te alu ma sauni se mea
e nonofo ai outou, ou te toe sau, ou te talia foi outou ia faatasi ma
a’u.” Ioane 14:1-3. “E sau le Atali o le tagata i lona mamalu, ma le
au agelu paia uma faatasi ma ia, ona ti’eti’e ai lea o ia i lona nofoalii
mamalu; e faapotopotoina foi i ona luma o nuu uma lava.” Mataio
25:31,32.
A’o tutū le au soo i luga o le mauga o Olive ma tepa a’e i le lagi,
na faamanatu i ai e agelu le folafolaga o Lona toe afio mai. “O Iesu
308
O Le Finauga Tele
lena ua aveina a’e nai ia te outou i le lagi, e faapea ona toe afio mai
o Ia, pei o lona afio atu i le lagi na outou vaavaai i ai.” Galuega 1:11.
Fai mai le molimau a Paulo a’o ulufia o ia e le Agaga Paia, “Auā e
afio ifo mai le lagi le Alii lava ma le alaga, ma le leo o le agelu sili
ma le pu a le Atua”. 1 Tesalonia 4: 16. Ua fai mai foi le perofeta sa
faaaunuua i Patamo, “Faauta, o lo o afio mai o Ia ma ao, e iloa atu
foi o Ia e mata o tagata uma”. Faaaliga 1:7.
Ua avea le toe afio mai o Keriso ma ogatotonu e taula’i i ai le
pupula o mea uma, “e toe fuata’i ai mea uma lava, ua fetalai mai
ai le Atua i fofoga o ana perofeta paia uma lava talu mai anamuā”.
Galuega 3:21. Ona motusia ai lea o le pule faa’umi’umi a le fili, “o
[256] malo o le lalolagi” ua avea “mo lo tatou Alii ma Lona Keriso; e fai foi
o Ia ma Tupu e faavavau faavavau lava.” Faaaliga 11:15. “Ona faaali
mai ai lea o le pupula o Ieova, e vaaia lava e tagata uma faatasi.”
“E faapea lava ona faatupuina e le Alii o Ieova o le amiotonu ma le
viiga i luma o nuu uma.” E avea o Ia “ma palealii e matagofie, ma
pale lalelei i ē ua totoe o lona nuu.” Isaia 40:5; 61:11; 28:5.
O le taimi lea o le a faatūina ai loa le malo o le filemu, le malo
o le Mesia ua leva ona avea ma faanaunauga o le toatele. “Auā e
faamafanafanaina Siona e Ieova, e faamafanafanaina ana mea faatafunaina uma lava; na te faia lona fanua lafulafuā e pei o Etena, ma
lona toafa e pei o le faato’aga a Ieova.” “E avatu e ia le lalelei o Lepanona, ma le matagofie o Karamelu ma Sarona.” “E le toe ta’ua oe,
Ua Lafoa’iina; e le toe ta’ua foi lou laueleele, Ua Tuufua; ae peitai e
igoa oe o Lo’u Fiafia, o lou laueleele o Piula.” “E pei ona fiafia foi
o le faatoafaiavā i lana āvā, e faapea ona fiafia o lou Atua ia te oe.”
Isaia 51:3, 35:2; 62: 4,5.
Ua avea le afio mai o Iesu o le faamoemoe o Ona soo moni i
tupulaga uma. O le folafolaga faamavae a le Faaola i le mauga o
Olive, le folafolaga o Lona toe afio mai, na pei o se mōli ua malama
uma ai le lumana’i mo le au soo, ua faatumulia ai o latou loto i
le olioli ma le faamoemoe, o se faamoemoe e le mate i sauaga ma
puapuaga. Ua avea le faaali mai o lo tatou Atua ma lo tatou Faaola
o Iesu Keriso o le faamoemoega e manuia ai i taimi o puapuaga ma
sauaga. Na tumu i le faavauvau Kerisiano o le nuu o Tesalonia a’o
latou tatanu i o latou tagata ua maliliu, o ē sa faamoemoe e soifua pea
e oo i le aso o le toe afio mai o le Alii. Peitai na faatepa i latou e Paulo
lo latou faiaoga, i le aso o le toe tu pe a afio mai le Faaola. O le aso
Avefe’au O Le Taeao
309
lea e toe tutū mai ai ē na feoti o i a Keriso, ona aveina a’e faatasi ai lea
o i latou ma ē o ola e feiloa’i ma le Alii i le vanimonimo. “Ona tatou
faatasi pea lava lea ma le Alii. O lenei, ia outou fefaamafanafana’i i
nei upu.” 1 Tesalonia 4:16-18.
A’o i ai le soo pele i luga o papa o Patamo, na ia faalogo i le
folafolaga ua faapea mai, “E moni, ou te vave alu atu”. Fai mai lana
tali naunauta’i, “O lea lava le Alii e, Iesu, ia E afio mai”. Ma o le
tatalo lava lea a le ekalesia i tupulaga uma a’o latou maumausolo ma
fesea’i i lenei lalolagi. Faaaliga 22:20.
Na faalogoina i senituri uma le faaleoina o lenei faamoemoe e
le au paia ma maturo, a’o latou molimau atu mo le upu moni i ana o
falepuipui, i fata na susunuolaina ai i latou, ma fata na vavae’esea ai
o latou ulu. “Na latou manatu faatauvaa i le oti ona ua latou maua le
mautinoaga o le toe tu mai o Keriso, ma ua mafai ai foi ona mautinoa
lo latou lava toe tutū mai, i le aso o Lona afio mai.” Na latou malilie
latou te o ifo i tuugamau, ina ia mafai ai ona toe tutu a’e i latou ua
sa’oloto. Na latou tulimata’i atu i le afio mai o le Alii mai le lagi
i le pupula o Lona Tamā, o le a tuuina mai ai i le au amiotonu le
malo. O le faamoemoe lava lea na ’u’umau i ai tagata Ualetenese. [257]
Na taula’i atu foi le vaai a Uikilifi i le afio mai o le Faaola, e avea o le
faamoemoe o le ekalesia. (Daniel T Taylor, The Reign of Christ on
Earth: or, The Voice of the Church in All Ages, p.33, 54, 129-134.)
Fai mai le upu a Luteru, “E i ai lo’u talitonuga faamaoni e le atoa
le 300 tausaga ae oo mai loa le aso o le faamasinoga. E le mafai ona
faatagaina e le Atua lenei lalolagi amioleaga e alu ai pea faapenei”.
“Ua lata mai lava le aso tele, le aso e lafotūina ai le malo o mea
inosia uma.” (Ibid., pp. 158, 134.)
Fai mai le faamatalaga a Melanetone, “Ua leva le lalolagi, ma e
le o toe mamao lona i’uga”. Fai mai le apoapoa’iga a Kalavini i le
au Kerisiano, “Ia outou tatalo ma le naunauta’i mo le aso o le afio
mai o Keriso, e leai se isi aso e sili atu i lea aso. Ia tulimata’i i ai
le au aiga atoa o ē faamaoni. E ao ona tatou galala mo Keriso; e ao
ona tatou manatunatu ma sa’ili’ili se’ia tafa mai ata o lea aso tele,
le aso e faaalia manino mai ai e le Alii le pupula ma le mamalu o
Lona malo. (Ibid., pp. 158, 134.)
Fai mai le fesili a Ioane Nokisi, le failauga o le galuega o le Toe
Fuata’iga mai le atunuu o Sikotilani, “E lei afio atu ea le Alii o Iesu
ma lo tatou tino tagata i le lagi? E i ai ea se mea o le a taofia ai
310
O Le Finauga Tele
Lona toe afio mai? Ua tatou iloa e toe afio mai o Ia, ma e le faatuai
mai lava”. Na taula’i atu foi e ala i le faatuatua le vaai a Ritili ma
Latimere i le afio mai o le Alii, a’o tuuina atu o la ola mo le upu
moni. Fai mai ni upu na tusia e Ritili, “Ua ou talitonu e aunoa ma
so’u masalosalo ua lata mai le i’uga o le lalolagi. Tatou alalaga atu
faatasi ma le auauna a le Atua o Ioane ma tatou faapea atu, “O lea
lava le Alii e, Iesu, ia E afio mai”. (Ibid., pp. 151, 145.)
Fai mai le tautinoga a Pakiseta, “Ua pito sili le suamalie ma le
faafiafialoto ia te a’u o le manatu i le toe afio mai o le Alii. O le
faatuatua o le au paia latou te tulimata’i atu ai i lea aso o Lona faaali
mai, le faamoemoega e manuia ai. Afai o le oti o le fili mulimuli
lea e faatoilaloina i le aso o le toe tu, e ao i le au talitonu ona latou
tatalo ma le faatauanau mo le toe afio mai o Keriso, e atoatoa ai
le faataunuuga o lenei faamoemoe. O le aso lenei e ao ona tālotālo
ma faamoemoe ma faatalitali i ai le au faatuatua, o le taualuga o le
galuega tele o lo latou faaolataga, o le faanaunauga o ō latou agaga.
Ia oo mai ia lea aso, le Alii e”. O le faanaunauga lena o le ekalesia
i le vaitaimi o le au aposetolo, o le faamoemoe lena o le ekalesia i
le vao, faapea le au tala’i o le galuega o le Toe Fuata’iga. (Richard
Baxter, Works, vol. 17, pp. 555, 500, 182,183.)
Ua valo’ia mai e le Tusi Paia, faailoga e iloa ai e tagata ua latalata
mai lea aso o le toe afio mai o Keriso. Na fetalai mai Iesu, “E i ai
faailoga i le la, ma le masina, ma fetu”. Luka 21:25. “E faapogisaina
le la, e le susulu mai foi le masina, e pa’u’ū mai fetu o le lagi, e
lūlūina foi au o le lagi. Ona iloa atu lea e i latou o le Atali o le tagata
ua sau i ao ma le mana tele ma le mamalu.” Mareko 13:24,26. O le
[258] faamatalaga lenei a Ioane i le Faaaliga, e uiga i le ulua’i faailoga o
le toe afio mai: “Faauta foi o le mafui’e tele, o le la foi ua liua ua
uliuli e pei o le ie fulufulu talatala, o le masina foi ua liua e pei o le
toto.” Faaaliga 6:12.
Na molimauina nei faailoga uma a’o lei oo i le amataga o lona
19 o senituri. Na faataunuuina lenei valo’aga i le tausaga 1755, le
tausaga na lūlūina ai le mafui’e aupito malosi i tala faamaumauina
i lena vaitaimi. Na faaigoa lea mafui’e o le Mafui’e o le Aai o
Lisipone i Sepania; peitai na aafia ai le vaega tele o le konetineta
o Europa, faapea Aferika ma Amerika. Na faalogoina foi lenei mafui’e i Kirinilani, i Amerika tutotonu, i le motu o Matira, i Nouei
ma Suetena, i Peretania ma Aealani. E sili atu i le fa miliona maila
Avefe’au O Le Taeao
311
faatafafā na aafia i lenei mafui’e. Toetoe lava leai se eseesega o le
malosi o lenei mafui’e i Aferika ma lona malosi i Europa. E sili atu i
le ’afa o le aai o Alekia (Algiers) le laumua o Alekeria (Algeria) na
faaleagaina atoa. Na faamaga le eleele ma goto atoa ifo i ai se nuu e
le mamao ma Moroko, se nuu pe tusa o le valu i le sefulu afe tagata
na i ai. O gataifale uma o Sepania ma Aferika na lavevea i se galu
lolo na faapulou ai aai tetele ma faaleagaina ai le tele o mea.
Peitai o Sepania ma Potukale atunuu na pito sili ona mafatia i
faiga a lenei mafui’e. Fai mai e 60 futu le maualuluga o galu na
lavea ai le aai o Katisa i le talafatai o Sepania. O le tele o “mauga
o Potukale na lūlūina faatatope e le mafui’e, ua peiseai ua lūlūina i
latou mai o latou faavae. O nisi o ia mauga na i’u ina māvaevae ma
faamamaga a’e i le lagi o latou tumutumu. Na faapena le mata’utia
o le saeia o ia mauga e le mafui’e, ma lafo ifo i lalo ogamauga i vanu
ma vāimauga. Na lipotia mai foi le alu a’e o le afi i nei mauga”. (Sir
Charles Lyell, Principles of Geology, p. 495.)
Na faalogoina i le aai o Lisipone se gogolo e pei o se faititili e sau
i totonu o le eleele. E lei umi ae faalogoina loa se lūlūga mata’utia,
se lūlūga na alu ifo ai i lalo le tele o le aai. Na o le ono minute na lūlū
ai le mafui’e ae ono sefulu afe na maliliu. Na vaaia le sami ua te’i
ua pe eleele; ona toe vaaia loa lea ua sau le galu lolo ua sili atu i le
lima sefulu futu le maualuluga o galu. O nisi o tala o mea mata’utia
faapea na tutupu i lea mafui’e, e aofia ai le tala i le goto ifo o se uafu
fou, se uafu taugatā na fausia i le maa tāua o le mapu. E toatele se
motu o tagata na faapotopoto i luga o lenei uafu ina ia latou sao ai
mai fale pa’u’ū ma mea to’ulu. Peitai na faafuasei le goto ifo o lenei
uafu faatasi ma i latou uma na i ai, ma e aunoa ma se tino oti na toe
mānu a’e i le fogatai. (Ibid., p. 495.)
“Na sosoo mai lava le lOlOga o le mafui’e ma le taufai alu ifo
uma i lalo o falesa, alu ifo uma i lalo ma nofoaga o le au monike,
toetoe lava lalo uma foi ma fale maualuluga o le malo, ma le tusa
o le kuata o fale o aiga. Tusa o le lua itula talu ona lūlūina le aai
ae amata loa ona sasao a’e afi i vaega eseese o le aai. E tolu aso o
faia le faatafunaga o lenei aai. Na tupu le mafui’e i se aso pa’ia o le
ekalesia, ma e maua mai e le mafui’e le toatele o tagata o tumutumu
mo sauniga i totonu o falesa. Toetoe lava leai se isi na sao o lenei [259]
toatele. (Encyclopedia Americana, art. ’Lisbon,’ note, ed. 1831.) “E
le mafai e upu ona faamatalaina le mata’u na oo i ai tagata. E leai
312
O Le Finauga Tele
nisi na fetagisi; ua leai ni loimata e o mai. Ua na o le fetaufetulia’i
solo i lea itu ma lea itu, ua peiseai ua faama’ifasa i le fefefe ma
le matata’u. Ua na o le fe’ei ma fepō o latou mata ma fatafata ma
alalaga ma fai mai, ’Ua oo mai le i’uga o le lalolagi!’ Ua leai ma
se tinā ua toe manatua sana tama, a ua na o le fetaufetulia’i solo ma
fe’avea’i a latou faatusa ma faakoluse. E toatele na taututu’u i falesa
latou te saogalemu ai; peitai na leai se aoga o le faaliali a’e i luga o
le sakalameta; na i’uvale lo latou opoina o fata faitaulaga; o faatusa
ma patele ma tagata, na tanumia faatasi uma i latou i le i’uga e tasi.”
Pe tusa ma le iva sefulu afe tagata na maliliu i lea aso mata’utia.
Ua mavae le 25 tausaga, ona taunuu lea o le isi faailoga e pei
ona ta’ua i le valo’aga - o le fāapogisaina lea o le la ma le masina.
Na atili le iloga o lenei faailoga ona sa valo’ia mai e le Tusi Paia le
taimi tonu e taunuu ai. A’o talanoa atu Iesu i Lona au soo i luga o le
mauga o Olive, na Ia ta’ua ni mea o le a tutupu a’o lumana’i ai lona
toe afio mai. Na Ia ta’ua le vaitaimi umi o puapuaga o le ekalesia,
le vaitaimi lea o le 1260 tausaga o sauaga na faia e le pule faapope,
le vaitaimi o puapuaga na Ia folafola mai o le a faapuupuuina. Na Ia
valo’ia le taimi tonu o le a molimauina ai le ulua’i faailoga o Lona
afio mai: “O aso foi ia pe a mavae atu lena puapuaga, e faapogisaina
ai le la, e le susulu mai foi le masina”. Mareko 13:24. O le tausaga
1798 na faai’u i ai le 1260 aso poo tausaga o le valo’aga. Toetoe
lava i’u uma sauaga i le 25 tausaga a’o lumana’i ai le 1798. E tusa
ai la ma le fetalaiga a Keriso, e i’u loa sauaga sosoo mai ai ma le
faapouliuligia o le la. Na faataunuuina lenei valoa’ga i le aso 19 o
Me, 1780.
“Ua tula’i mai le aso pogisa o Me 19, 1780, o se aso uiga ese, se
aso e le faaluaina, se aso e leai sona faamalamalama’aga, se aso na
pogisa uma ai le lagi ma le vanimonimo i le vaega atoa o Amerika
ua ta’ua o Niu Egelani.” (R M Devens, Our First Century, p. 89.)
O le faamatalaga lenei a se tasi mai le aai o Masakuseti na vaai
i ai. “Na lāgilelei le taeao i le oso a’e o le la; peitai e lei umi ae
puaōa loa le lagi. Ua pei e taufaamata’u le fā’auli mai o le aso ma
le māulalo o ao. E lei umi ae emo mai uila ma pāpā faititili, ma sa
to’ulu foi sina timu. E ta le iva ua amata ona manifi ao, ma ua suia
lo latou lanu i le lanu apamemea, ma ua faapena ona peisea’i ua suia
ai foi foliga o le eleele ma maa ma laau ma fale ma le vai ma tagata
ona o lea lanu uiga ese faapea. Ua mavae ni nai minute ona ufitia lea
Avefe’au O Le Taeao
313
o le lagi atoa i se ao uliuli mafiafia, sei vagana ai sina vaega itiiti i le
tafatafā’ilagi. O le pouliuli ua oo nei i ai, ua pei o le pogisa e masani
ai i le ta o le iva i le po. ...
“Ua oo ifo nei le fefe ma le popole ma le mata’u i le toatele. Ua
na o le tutū o fafine i faitoto’a o ō latou fale ma autilo atu i le pogisa
o le laufanua; ua toe foi mai a latou tāne mai mea na latou galulue ai
i le fanua; ua mānava le tufuga, ua alu le tu’i u’amea, ma ua tu’ua foi [260]
e le faatau’oloa lana laulau faatau. Ua faatu’ua a’oga, ma ua taufetuli
tamaiti ua fefefe i o latou aiga. O ē na femālāga’i ua afe ane nei i se
fale o se faifaato’aga o lata ane i le auala. ’O le ā le mea a tupu?’ o le
fesili lea na latou taufai fesilisili ai. Na foliga mai ua toetoe lava agi
mai se afā tele i le atunuu atoa, ae na foliga mai i nisi, o le gata’aga
lenei o mea uma.
“Ua tutu mōli ma faamumū afi i fale o aiga. Ua toe felelei a’e moa
i laau e masani ona momoe ai, ua toe foi povi i le mea e ta’o’oto ai
mo le po, ua pepese mai manu felelei i a latou pesega masani o le
afiafi, ma ua felelei solo foi pe’a. Na o le tagata ola na ia iloa e lei
goto le la ma e lei oo mai foi le po.
“Na fai ni sauniga lotu a se tasi faifeau e suafa ia Natanielu Uitikā
i le aai o Salema, ma e fai mai lana lauga, o lea pogisa o se mea
mai le Atua. Na faapena ona faapotopoto aulotu i vaega eseese o le
atunuu. O mau autū o nei lauga uma, o ni mau na foliga mai ai o
le pogisa o se faataunuuga lea o valo’aga a le Tusi Paia. Na pito sili
ona mafiafia o le pogisa i le te’a laitiiti o le sefulu tasi i le taeao.”
(The Essex Antiquarian, April, 1899, vol. 3, No. 4, pp. 53,54.) E
tele vaega o le atunuu na le mafai ona faia o ni a latou galuega sei
vagana ua tutu ni mōli po o le faamumū o afi. ...
“E tele se vaega o le atunuu na aafia i lenei pogisa. Na aafia ai
aai e pei o Falamau (Falmouth) i le talafatai o le setete ua ta’ua o
le Motu o Lou (Rhode Island.) O le alu i le itu i sisifo na aafia ai
tua’oi i sisifo o le setete o Konetikati faapea ma le aai o Alepani
(Albany) i le setete o Niu Ioka. O le alu i le itu i saute, na aafia
uma ai talafatai i saute; a’o le alu i matu, na aafia ai nuu ainā uma o
kolone o Amerika.” (William Gordon, History of the Rise, Progress,
and Establishment of the Independence of the U.S.A., vol. 3, pi 57.)
Pe tusa ua toe lua itula oo i le po ae vaaia loa le la, ma ua tau
lagilelei mai foi le afiafi, ae sa manifi pea lava ao ūli i le lagi, na le
manino ai le susulu mai o le la. “Ua goto le la, ma ua toe vaaia ao
314
O Le Finauga Tele
pogisa i le lagi. Ua toe oo mai foi le pogisa mafiafia e pei lava o le
pogisa i le taeao. Sa i ai le masina ua tai atoa i lea po, ae peitai sa
le iloa se mea sei vagana o se mōli. Fai mai nisi ua pei le pogisa
o lea po o le pogisa na oo ia Aikupito i le taimi o mala e sefulu, o
se pogisa e pei e le ila i le malamalama o se mōli.” (Isaiah Thomas,
Massachusetts Spy; or, American Oracle of Liberty, vol. 10, No 472,
May 25, 1780.) Fai mai se tasi na vaai i lea pogisa, “Ou te lagona
ana aveesea uma e le Atua Ana fetu ma lā ma isi malamalama i le
vanimonimo i lea po, ou te matea e le tutusa ma le pogisa o lea po.
Ta le iva i le po ae tau aliali mai le masina; peitai e lei lava lona
malamalama e tuli’esea ai ata taufaafefe na vaaia i lea taimi. Faato’ā
matafi le pogisa i le te’a o le valuapō, ma ua susulu mai le masina;
[261] peitai na pei o le mūmū o le toto foliga o le masina i lea taimi.
Ua ta’ua le aso 19 o Me, 1780 i le tala tusia o le lalolagi, “O le
Aso Pogisa”. Talu mai le vaitaimi o Mose, e lei i ai lava se pogisa
faamaumauina ua sili atu lona mafiafia ma lona umi ma lona lautele,
e pei o le pogisa o lea aso. O faamatalaga a tagata na vaai i ai, ua
na o se si’uleo lea o upu na fetalai mai ai le Alii e ala i le perofeta o
Ioelu i le lua afe lima selau tausaga a’o lumana’i ai le faataunuuga o
lenei valoa’ga. Fai mai Ioelu, “E muamua ona liua le la i le pouliuli,
ma le masina i le toto, i le oo ai i le aso tele ma le silisili o Ieova”.
Ioelu 2:31.
Na fetalai Keriso i Ona tagata ina ia latou mataala ma vaavaai
mo faailoga o Lona afio mai, ma ia latou olioli ona ua latou vaai i ia
faailoga o le toe afio mai o lo latou Tupu. Na fetalai mai o Ia, “A afua
ona faia ia mea, ia tepa a’e outou, ma ia ea i luga o outou ulu; auā
e latalata ina faaolaina outou”. Na Ia faatepa Ona soo i lau o laau i
le taimi o le tau tuputupu ma ia faapea atu, “Pe a faato’ā matala mai
lau, ua outou vaai, ona outou iloa ai lea ua latalata le vaitau vevela.
Ia faapea foi outou pe a iloa e outou ia mea ua faia, ia outou iloa ua
latalata le malo o le Atua”. Luka 21:28, 30, 31.
Peitai, a’o sosolo malie mai i totonu o le ekalesia le agaga fiavi’ia
ma le agaga tausili e sui ai le agamalu ma le amioatua, na faapena
ona ma’alili le alofa mo Keriso atoa ma le faatuatua i Lona toe afio
mai. Ua pupū loto o le fanau a le Atua i mea o le olaga nei ma mea
faafiafia, ma ua tauaso ai o latou mata i aoaoga a le Faaola e faatatau
i faailoga o Lona afio mai. Ua faagalogalo e le toatele le aoaoga o
le toe afio mai; ua faauiga sese mau o le toe afio mai ma ua faapena
Avefe’au O Le Taeao
315
ona fenumia’i ai lenei aoaoga i mafaufau o tagata, sei oo ai lava ina
ua faagalo ma ua le toe popole i ai le toatele - ae maise i ekalesia
i totonu o Amerika. O le sa’olotoga ma le olaga solo lelei ua maua
e tagata Amerika uma; o le mana’o tele ma le matape’ape’a mo le
tamao’aiga; o le alu tasi o le mafaufau i le su’ega o le tupe; o le agaga
tausili ia lauiloa po o le tausili mo le pule ma tulaga-tofi; o mea uma
nei ua liliu ai loto o tagata ina ia faa’ogatotonu i o latou mafaufau
mea o lenei lalolagi, ae tuu mamao ai i le lumana’i lea aso tele, le
aso e faatafunaina ai mea uma o lenei olaga.
A’o faatepa e le Faaola mata o Ona soo i faailoga o Lona toe afio
mai, na Ia valo’ia le tulaga o le solomuli faaleagaga o le a oo mai,
a’o lumana’i ai Lona afio faalua mai. E pei lava ona faia i aso o Noa,
o le a faapena foi ona pupū tagata i mea o le lalolagi nei, i le sa’iliga
o le tupe ma le sa’iliga o le fiafia. O le a latou fefaataua’i, o le a
latou totō mea’ai ma fau fale, o le a latou faiāvā ma faaavaga, ma
le leai o se manatu i le Atua po o le ola e faavavau. O le lapata’iga
lenei a Keriso ia i latou uma o ē ua ola i lenei vaitaimi: “Ia outou,
nei faamamafaina o outou loto, ma le faaniniva, ma le ’ōnā, ma le
popole i mea o le olaga nei, ne’i faafuase’i mai lea aso ia te outou.”
“O lea ia outou mataala ai ma tatalo e le aunoa, ina ia ta’uaogaina
outou e sao mai ia mea uma ua tali oo mai, ma ia tutū i luma o le
[262]
Atali o le tagata.” Luka 21:34,36.
O upu o le fetalaiga a le Faaola i le tusi o Faaaliga, ua faailoa
mai ai le tulaga moni o le ekalesia i ona po nei. “Ua ia te oe le igoa
ua e ola, a ua e oti.” Fai mai le lapata’iga mo i latou o ē lē fia gae’e
mai lo latou faafifilemu, “Afai foi e te le mataala, ou te alu atu ia te
oe e pei o se gaoi, e te le iloa foi le itu aso ou te alu atu ai ia te oe”.
Faaaliga 3:1, 3.
E ao ona fāgua tagata ina ia latou iloa le tulaga lamatia ua latou
oo i ai. E mana’omia ina ia latou ala mai ma sauni mo mea o le a
tutupu, i le taimi e tapunia ai le alofa tunoa. Fai mai le perofeta a le
Atua, “Auā e mamafa le aso o Ieova, e matuā mata’utia, po o ai se na
te mafaia ona talia?” A’o ai se tasi e mafai ona tu atu pe a faaali mai o
Ia, o le “sili ona manino o Ona fofoga, o le le fia silasila i le agasala”?
Ioelu 2:11; Sapakuka 1:13- E i ai i latou o ē valaau mai, “Le Atua e,
matou te iloa oe”, ae latou te solia pea le feagaiga ma mulimuli atu
i isi atua, ma latou ufiufi le agasala i o latou loto, ma fiafia i ala o le
amioletonu. O le aso o Ieova e pouliuli, e le malamalama, e pogisa
316
O Le Finauga Tele
lava ma leai sona pupula mo i latou nei. Hosea 8:2,1; Salamo 16:4;
Amosa 5:20. “O ona po foi ia ou te suesue ai Ierusalema i sulu, ona
ou taui atu lea i tagata o ē ua to’a i luga o ’alu o a latou uaina, o lo
o faapea i o latou loto, E le faia e Ieova se mea lelei, na te le faia foi
se mea leaga.” Sefanaia 1:12. “Ou te faasalaina le lalolagi ona o a
latou amio leaga, o tagata ulavavale foi ona o a latou agasala; ou te
faaumatia foi le faasausili o e faamaualuluga, ou te lafotūina i lalo
le faasiasia o e faasaua.” Isaia 13:11. “E le mafai lava i o latou ario
ma o latou auro ona lavea’i ia te i latou.” “E avea foi o latou oloa ma
vete, o latou fale foi e avea ia ma mea gaogao.” Sefanaia 1:18, 13.
A’o taula’i atu le vaai a le perofeta o Ieremia i lenei taimi
mata’utia, na ia alaga ma faapea mai, “Ua tiga lo’u loto i totonu
ia te a’u; ou te le mafaalologo; auā lo’u agaga e, ua e faalogo i le leo
o le pu, ma le vāvāō ō le taua. Ua alalaga mai o lea mea ua sofaia,
ma lea mea ua sofaia”. Ieremia 4:19, 20.
“E fai lea aso ma aso o le to’asa, o aso o le puapuaga ma le tiga,
o le aso o le faatafunaina ma le faagaogaoina, o le aso o le pouliuli
ma le pogisa, o le aso o ao ma le faamālumalu, o le aso o le pu ma
le pāpā o alaga i le taua.” Sefanaia 1:15, 16. “Faauta, o lo o sau le
aso o Ieova, e fai ai le nuu ma faatafunaga; na te faaumatia foi tagata
agasala o i ai.” Isaia 13:9.
Talu ai le lata tele mai o lena aso tele, o lo o sau le valaau manino
a le afioga a le Atua i Ona tagata ina ia latou ala mai i lo latou momoe
faaleagaga ma saili i Ona fofoga i le salamō ma le loto maulalo. “Ia
outou ilia le pu i Siona, ia taalili i lo’u mauga pa’ia, ia tetemū i latou
uma o e nonofo i le nuu; auā o le a oo mai le aso o Ieova, auā ua
latalata mai.” “Ia outou atofaina ni aso e anapogi ai; ia outou tala’iina
se faapotopotoga. Ia outou faapotopoto le nuu; ia outou faapaiaina le
[263] potopotoga; ia outou faapotopotoina toeaina, ia aofia tamaiti; ia alu
atu le faato’afaiavā ai lona potu, ma le faato’anofotane ai lona afeafe.
Ia fetagisi le au ositaulaga o auauna a Ieova, i le va o le faapaologa
ma le fata faitaulaga.” “Ia outou toe foi mai ia te a’u ma o outou loto
atoa, ma le anapogi, ma le fetagisi, ma le Tagi aue; Ia outou saeia
o outou loto, ae le o outou ofu, ma toe foi ia Ieova lo outou Atua;
aua e alofa fua, ma alofa mutimutivale o Ia, e telegese Lona to’asa
ua tele foi Lona alofa.” Ioelu 2:1, 15-17, 12, 13.
O se galuega tele o le toe fuata’iga e ao ona faia ina ia sauniunia
ai le nuu latou te tutū atu i le aso o le Atua. Na silasila mai le Atua e
Avefe’au O Le Taeao
317
le o atina’e mo le ola e faavavau le to’atele o ū ua ta’ua o Lana fanau,
ma o Lona alofa tunoa na Ia finagalo ai ia auina mai se fe’au o le
lapata’iga ina ia fagua ai i latou mai lo latou momoe, ma sauniunia
ai i latou mo le toe afio mai o le Alii.
Ua tatou vaaia lea lapata’iga i le Faaaliga 14. Ua tuuina mai i
le Faaaliga se fe’au sautuatolu, se fe’au ua folafolaina e agelu, ma
e sosoo mai lava lea fe’au ma le afio mai o le Atalii o le tagata Na
te seleina le saito o le lalolagi. Ua ta’u mai i le ulua’i lapata’iga le
faamasinoga ua oo mai. Na vaaia e le perofeta se agelu “ua lele i le
taulotoa’iga o le lagi, ua ia te ia le talalelei e faavavau e folafola atu
i e nonofo i le lalolagi, i atunuu uma, ma ituaiga, ma gagana eseese,
ma nuu, ua faapea atu ma le leo tele, Ia outou matata’u i le Atua, ma
avatu ia te ia le viiga, aua ua oo mai le itu aso o lana faamasinoga;
ma ia outou ifo i le na faia le lagi, ma le fanua, ma le sami, atoa ma
puna o vai”. Faaaliga 14:6, 7.
Ua ta’ua lenei fe’au o se vaega o le “talalelei e faavavau”. Ua le
tuuina mai i agelu le galuega o le folafolaina o le talalelei; ua tuuina
mai i tagata. E faaaogaina e le Atua agelu latou te faatonutonuina
lenei galuega, ma latou ta’ita’ia vaega tetele o le galuega o le faaolataga o tagata; peitai o le galuega o le folafolaina o le talalelei e faia
lea e auauna a Keriso i le lalolagi.
E finagalo le Atua ina ia avatua le lapata’iga i le lalolagi e tagata
faamaoni, i latou o e usitai i musumusuga a le Agaga Paia ma aoaoga
mai Lana afioga. O i latou ia o lo o tausisi “i upu o le valo’aga e sili
ona mausali”, ma le “lamepa e mumū i le mea pogisa, se’ia tafa mai
ata, seia alu a’e foi le Fetu ao”. 2 Peteru 1:19. O i latou ia na latou
sa’ili’ili i le finagalo o le Atua e sili atu i lo oloa lilo uma, “auā e
sili ona lelei o lona faatau i lo le faatau o le ario; ma mea e maua ai
e sili lea i le auro”. Faataoto 3:14. Ona faaalia lea e Ieova ia i latou
o mea silisili o Lona malo. “O lo o faaali e Ieova Lona finagalo i e
matata’u ia te Ia; Na te faailoa atu foi Lana feagaiga ia te i latou.”
Salamo 25:14.
E le o le au popoto i mea faalelotu na latou maua le malamalama’aga o lenei upu moni, ma galulue i lona tala’iga. Ana o ni
leoleo faamaoni lenei au popoto, ana latou su’esu’eina le Tusi Paia
ma le ma’elega ma le tatalo, semanu latou te iloa le vaitaimi o le po
ua oo i ai; semanu latou te iloa e ala i le valo’aga mea o le a tutupu [264]
mai i le lalolagi. Peitai latou te lei faia lea galuega, a ua folafolaina
318
O Le Finauga Tele
le fe’au e tagata faatauvaa. Ua fetalai mai Iesu, “Sāvali ia manū o ia
te outou le malamalama, ne’i maua outou e le pogisa”. Ioane 12:35.
O e ua fulitua i le malamalama ua avatu ia i latou e le Atua, po o
le le su’esu’e foi i ai a’o latou maua le avanoa, o le a pogisa pea i
latou. Peitai ua fetalai mai le Faaola, “O lū mulimuli mai ia te a’u, e
le savali o ia i le pouliuli, ae ia te ia le malamalama o le ola”. Ioane
8:12. O e latou te faamuamua le sa’ilia o le finagalo o le Atua, ma latou savavali i le malamalama ua avatu ia i latou, o le a faaopoopoina
lo latou malamalama; o le a ta’ita’ia i latou i upu moni uma e le
pupula mai le lagi.
Sa tatau ona iloa e le au ositaulaga ma le au tusiupu faailoga e
iloa ai ua lata le taimi e fanau ai le Mesia e pei ona folafolaina mai,
auā o i latou na tuuina i ai afioga paia a le Atua. O le valo’aga a Mika
sa tatau ona latou iloa ai le nuu e fanau ai le Mesia; o le valo’aga
a Tanielu na ta’u maia le taimi o lona fanau mai. Mika 5:2; Tanielu
9:25. Na tuuina e le Atua nei valo’aga uma i ta’ita’i o tagata Iutaia.
E leai se mea latou te ’alofaga i ai pe afai latou te le’i iloa ma latou
le folafolaina i tagata le taunuu mai o le Mesia. O lo latou valea o le
i’uga lena o lo latou agasala ma le faatamala. Na fai e tagata Iutaia
ni maa faamanatu mo perofeta a le Atua ua maliliu. Peitai o lo latou
tuu o le faaaloalo i e maualuluga o le lalolagi, o lo latou tapua’i lava
lea i auauna a Satani. Na alu le taimi o tagata Iutaia i a latou finauga
mo tulaga-tofi ma le pule, ae galo ai le mamalu faalelagi na ofoina
atu ia i latou e le Tupu o le lagi.
Sa tatau i ta’ita’i o Isaraelu ona latou su’esu’e ma le faaeteete,
ma su’esu’e ma le mata’u po o le ā tonu le vaitaimi, a’o fea tonu foi
le nuu o le a fanau mai ai le Mesia, auā o le taeao sili lenei o taeao
uma o tala tusia o le lalolagi, o le afio mai lea o le Alo o le Atua
Na te aumaia le faaolataga i tagata. Sa tatau i tagata Iutaia uma ona
[265] latou faatalitali ma le mataala, ina ia avea i latou o e taulamua i lo
latou talileleia o le Faaola o le lalolagi. Ae faauta e leai se faitoto’a
i Peteleema na tālā mo le ulugalii ua vaivai i la la faigamalaga mai
mauga o Nasareta. Mai le tasi itu o Peteleema i le isi itu, na i’uvale
a la taumafaiga ina ia maua se potu la te mālōlō lelei ai i lena po.
Sei oo ai lava ina ua la toa’i i le mea palapala e nonofo ai manu, ma
o ’inā na fanau ai le Faaola o le lalolagi.
Na vaavaai agelu i le mamalu na i le Alo o le Atua a’o la faatasi
ma le Tamā i le amataga a’o lei faia le lalolagi; ua leva ona taula’i
Avefe’au O Le Taeao
319
mai la latou vaai i le aso e taunuu ai o Ia i le lalolagi, o se taeao
e ao ona oo mai ai le olioli sili i tagata uma. Na tofia agelu latou
te aumaia le tala fiafia i e ua sauni latou te talia lea talalelei, o e
latou te ta’u atu ma le fiafia lea tala i tagata uma o le lalolagi. Ua
finagalo malie Keriso e faamaulalo ia te Ia lava, ma Ia tau’aveina
le tino tagata; o le a Ia tau’aveina se avega mamafa o puapuaga, se
avega e le mafaamatalatalaina a’o tuuina atu e Ia Lona soifua o le
togiola mo agasala. E ui lava ua faamaulaloina le Alo o le Atua, sa
i ai le faanaunauga o agelu latou te fia vaai i le faaali mai o Keriso i
tagata i se tulaga mamalu, se tulaga e talafeagai ma le Alo o le Atua.
Faamata o le a potopoto ane i le laumua o Isaraelu tagata maualuluga
uma o le lalolagi latou te faafeiloa’ia ai Lona afio atu? Faamata e i
ai se au agelu latou te faafeao atua o Ia, ma tau’a’ao aloa’ia atu o Ia
i le faapotopotoga ua faatalitali mai nei i le lalolagi?
Na asiasi mai se agelu i le lalolagi e vaai po o ai ua sauni e
faafeiloa’i ia Iesu. Peitai e lei vaai o ia i se faailoga o ni sauniuniga
po o nisi o faatalitali. Na te le’i faalogo i se leo o ni viiga po o se leo
o le manumalo e iloa ai ua tali oo mai le aso o le Mesia. Ua oo atu le
agelu i le aai filifilia ma matamata ifo i le malumalu sa masani ona
i ai le pupula o le Atua mo le tele o augatupulaga. Peitai e oo lava i
le malumalu e leai ma se isi e popole po o sauniuni mo se mea tele
o le a tupu. O lo o i ai ositaulaga i o latou la’ei ma teuga matagofie
ma o latou loto faamaualuluga, o lo o latou faia ni taulaga pōnā ma
le le mamā i totonu o le malumalu. O lo o leoleoā le au Faresaio i
a latou lauga i tagata, po o le faia foi o a latou tatalo i magaala o le
aai, e vi’ia ai a latou mea ua fai. O maota o tupu, o tauaofiaga a le
au popoto, o a’oga a le au rapi, e tutusa uma lava nei nofoaga; e leai
ma se isi o iloa le talalelei ua faatumulia ai nei le lagi i le viiga ma le
olioli, le talalelei i le Faaola o tagata, lea o le a oo mai i le lalolagi.
E leai ma se faailoga e iloa ai o faatalitali se isi mo Keriso; e
leai ma se sauniuniga o faia mo le taunuu mai o le Alii o le ola. Na
matua ofo le loto o le agelu a’o ia sauni e toe foi i le lagi ma le tala
faanoanoa; peitai na te’i ua ia tau ane i ni leoleo mamoe o leoleoina
a latou lafu i le po. A’o latou tepa taula’i atu i fetu o le lagi, sa latou
manatuaina le valo’aga o le Mesia o le a afio mai i le lalolagi, ma sa
latou faanaunau mo le faaali mai o le Faaola o le lalolagi. Ua nofo
sauni leoleo mamoe latou te talia le fe’au faalelagi. Ona faafuase’i [266]
lea ona faaali i ai o le agelu a le Atua, ma ta’u atu i ai le talalelei e
320
O Le Finauga Tele
olioli ai. Ua malamalama le laufanua atoa i le pupula o le lagi, ma
ua aliali mai ai se au agelu e mano ni mano. Peiseai ua le lava le
agelu e tasi na te faailoa maia le olioli tele o le lagi. E afe ma afe leo
o le au agelu ua pepese mai nei i le vii, le vii lea o le a pepese ai i
se aso le au faaolaina. “O le viiga i le atua i mea aupitoaluga: ma le
manuia i le lalolagi; o le finagalo alofa i tagata.” Luka 2:14.
Se lesona ina a tāua o i totonu o lenei tala ia Peteleema! E le o
se a’oa’iga ea lenei o lo tatou lē talitonu, ma lo tatou loto ma’a’a, ma
lo tatou faamaualuga? Se lapata’iga ina a manino mo i tatou - ina
ia tatou ’alo ese i le faalepopole o tagata Iutaia, ne’i o tatou le iloa
faailoga o le vaitaimi ua tatou ola ai, ona maua mai lea o i tatou e le
o sauni.
E le na o luga o mauga o Iutaia na maua ai e agelu le au faatalitali mo le afio mai o le Mesia. Na i ai foi i nuu faapaupau i latou
na vaavaai mo Lona afio mai - o i latou o ni tagata popoto, o ni alii
maualuluga ma le maumea, o le au Makoi mai Sasa’e. Na vaai le
au Makoi i le Atua e ala i galuega a Ona aao, aua sa latou su’esu’e
i mea na foafoaina e le Atua. O a latou su’esu’ega o le Tusi Paia
Eperu na latou faitau ai i se Fetu o le a oso a’e i le aiga o Iakopo. Sa
latou faatalitali ma le naunauta’i i Lona afio mai, o le ua ta’ua o le
“Lavea’i o Isaraelu”, “o le Malamalama e faamalamalama a’i nuu
ese”, “o le faaolataga e oo i tulu’iga o le lalolagi”. Luka 2:25, 32;
Galuega 13:47. Na latou sa’ili’ili mo le malamalama, ma sa faamalamalamaina o latou ala i le malamalama mai le nofoalii o le Atua. A’o
ufitia i le pouliuli le au ositaulaga ma a’oa’o o Ierusalema, i latou o
e na tofia e puipui ma folafolaina le upu moni, na ta’ita’ia e le Fetu
mai le lagi nei tagata o nuu ese, i le mea na fanau ai le Tupu.
“E faaali foi o Ia ia te i latou o e faatalitali atu ia te Ia i Lona foi
faalua mai, e le ina ia aveina agasala, a ia latou ola ai.” Eperu 9:28.
E lei tuuina i ta’ita’i o Iutaia le talalelei o le fanau mai o le Faaola;
e lei tuuina mai foi le fe’au o le toe afio mai o Keriso i le aufailotu.
Aisea? Ona ua leai so latou sootaga ma le Atua, ma ua latou teena
le malamalama mai le lagi. E le o lavea i latou ia i le faamatalaga
a Paulo na ia tusia e faapea: “A’o outou le au uso e, tou te le o i le
pouliuli, ia maua mai ai outou e lena aso, pei o se gaoi. O tagata o
le malamalama outou uma lava, ma tagata o le ao; tatou te le o i le
po ma le pouliuli”. 1 Tesalonia 5:4, 5.
Avefe’au O Le Taeao
321
Sa tatau ona taulamua le aufailotu i lo latou maua o le talalelei o
le afio mai o le Faaola, sa tatau ona taulamua i latou i lo latou folafolaina atu ua lata mai o Ia, sa tatau ona taulamua i latou i le lapata’i
atu i tagata ina ia latou sauniuni mo Lona afio mai. Peitai, na latou
faafifilemu, na latou manana’o i le filemu ma le leai o se popole, a ua
momoe tagata ma ua latou le iloa a latou agasala. Na faatusa e Iesu
Lana ekalesia i le mati ua na o lau e aunoa ma se fua. Na latou viia
i latou lava ona o lo latou tausia o le auala sa’o e fai ai sauniga, a’o
uiga lelei e pei o le agamalu, salamō, ma le faatuatua, uiga e mafai ai [267]
ona talia e le Atua soo se sauniga, sa gaogao’i’i ai i latou. Ua lē o fua
lelei o le Agaga, a ua latou faailoa mai le faalialiavale, o le fiaviia, o
sauniga fai e aunoa ma le mana o le Atua, o le manatu faapito, atoa
ma le sauā. Na le fia vaai le ekalesia i faailoga o le vaitaimi ua latou
ola ai. E lei tuulafoa’ia i latou e le Atua; peitai na latou fulitua ia te
Ia, ma latou ave’esea i latou lava mai Lona alofa. Na le mafai ona
faataunuuina ia i latou Ana folafolaga ona ua latou le fia usitai ma
faia mea e ala mai ai le faataunuuga o ia folafolaga mo i latou.
E faapena le i’uga mautinoa o le faatamala ma le lē faaaogāina
o avanoa ma le malamalama ua foa’i mai e le Atua. E toe foi lava
le ekalesia i le nā o le faataunuuina o auala sa’o e fai ai sauniga, ae
gaogao’i’i i le amioatua ma le mana o le Agaga Paia, sei vagana ua
latou mulimuli atu i Lana ta’ita’iga, sei vagana ua latou talia uma
ave o le malamalama ua sulugia ai i latou, sei vagana ua latou faia
tiute uma e pei ona faaalia atu ia i latou. E tele taimi i le tala tusia
o le ekalesia ua faamaonia ai le tonu o lenei manatu. E fia silasila
le Atua i galuega o le faatuatua ma le usitai, galuega e talafeagai ma
faamanuiaga ma avanoa ua Na foa’i mai. E i ai mea faapelepele o le
olaga e mana’o le usita’i e tia’i; e i ai foi le satauro e mana’o le usita’i
ina ia amoina. O le mafua’aga lena ua teena ai le malamalama mai
le lagi e le toatele o i latou ua fai mai o i latou o soo o Keriso. Pei
lava o tagata Iutaia anamua, latou te lei iloa le taimi o Lana asiasi
mai ia i latou. Luka 19:44. Na liliu ese ia i latou le Atua ona o lo
latou lē talitonu ma lo latou lotovii ma le faamaualuga, a ua faaali
atu e le Atua Lana upu moni i isi e pei o leoleo mamoe o Peteleema,
ma Makoi mai Sasa’e, o e na usiusitai ma savavali i le malamalama
[268]
na latou maua.
Mataupu 18—Se Failauga O Le Toe Fuata’iga I
Amerika
Na filifilia faapitoa e le Atua se faifaato’aga loto faamaoni e igoa
ia Viliamu Mila na te ta’ita’ia le folafolaina o le afio faalua mai o
Keriso. O ia o se tagata e lei talitonu o le Atua le Tusitala o le Tusi
Paia; ae peitai o ia foi o se tagata na sa’ili faamaoni mo le upu moni.
E matitiva le aiga na ola a’e ai Viliamu Mila, e pei lava foi o isi
o failauga o le galuega o le Toe Fuata’iga, ma sa masani o ia i le
ola galue ma le ola mativa. O tagata o lo latou aiga o ni tagata e le
faalagolago i isi, o ni tagata na tāua ia i latou le sa’olotoga, atoa ma
le lagolagoina o lo latou malo, o ni tagata e lava lo latou onosa’i. Na
vaaia nei uiga uma ia Mila. Na avea lona tamā o ta’i’au i le vaega’au
i le taimi o le tetee ma le Fouvalega a Amerika ia Peretania. O puapuaga ma le olaga mativa o lona tamā i lea taimi na aafia ai le olaga
talavou o Mila.
O Mila o se tagata tino malosi, o se tagata na vaaia le ma’ai o
lona mafaufau talu mai lava lona tamaitiiti. A’o tuputupu a’e ona
tausaga, na faapena foi le tupu a’e o le malosi o lona mafaufau ma
lona poto. Na te lei maua se avanoa e alu ai i se ā’oga maualuga;
ae peitai o lona naunau i le faitautusi, ma lona fuafua lelei, ma le
fetālā’i o lona mafaufau, o uiga ia na avea ai o ia o se tagata poto ma
le faautauta, o se tagata e lautele lona mafaufau. O se tagata amio
sa’o, o se tagata na ta’uleleia lona igoa i soo se mea - i le faamaoni,
i le faifaatataulelei, i le agaalofa. Na ia te ia se agava’a na maua i le
galue malosi ma lona ma’elega, ae lei faagaloina ai lana masani o le
faitautusi. Na oo o ia i ni tulaga-tofi maualuluga i totonu o le malo
faapea ma le au fitafita, ma sa faapena ona foliga mai ua matalatala
atu ia te ia faitoto’a o le tamao’aiga ma viiga faalelalolagi.
O lona tinā o se tamaita’i amioatua faamaoni, ma sa faapena ona
maua e Mila se faavae i mea faalelotu i lona tamaitiiti. Peitai o lana
galuega i le vaitaimi o lona taule’ale’a na pipii ai Mila i ni tagata e le
talitonu i le Tusi Paia. Na atili aafia le olaga o Mila i nei tagata ona o
i latou o ni tagatanuu amiolelei, o ni tagata alolofa. E le taumatea o
322
Se Failauga O Le Toe Fuata’iga I Amerika
323
nei uiga lelei na latou maua talu ai lo latou nonofo faatasi ma tagata
Kerisiano faapea ma le galuega a le Tusi Paia. Peitai o le poto o le
tiapolo na latou talitonu ai e mafai ona maua nei uiga lelei uma e [269]
aunoa ma le Tusi Paia. Ua maua ai nei la Mila i uiga o nei tagata. E
toatele na talitonu e le’i tuuina mai e le Atua le Tusi Paia, ona o le
tele o faailoga fesili ma faafitauli e le mafai e se tasi ona tali i ai. Ae
peitai e le’i maua ai lava se filemu po o se fiafia i le loto o Mila. O
lona talitonuga fou ua ave’esea ai nei le Tusi Paia i lona olaga, ae ua
leai se mea ua tuu i ai e faatumuina ai lea avanoa. E 12 tausaga o taofi
pea Mila i lenei talitonuga sese. Peitai o le galuega a le Agaga Paia
na lagona ai e Mila ina ua atoa lona 34 tausaga, lona tulaga pagatia
ona o ana agasala. E leai sona faamoemoe i tua atu o le tuugamau i
le talitonuga ua ia taofi nei i ai. Na o se lumana’i pogisa ua tu mai
nei i ona luma. Fai mai lana tala e uiga i lenei vaitaimi o lona olaga:
“Na o le fefe ma le mata’u na oo mai pe a ou mafaufau i le fano e
faavavau, ma le taimi o le faamasinoga. O le lagi ua pei o se faasalaga
ua i luga a’e o lo’u ulu; a’o le lalolagi ua le maua i ai so’u sola’aga
po o se lafitaga. Ou te le’i malamalama po o le a le ola e faavavau
a’o le a le oti e faavavau; ou te lei malamalama foi po o le a le oti ae
aiseā foi e oo mai ai. O le tele o lo’u manatunatu i ai o le atili ai foi
lea o lo’u le fiafia; o le atili ai foi lea o le fenumia’i o nei mea uma i
lo’u ulu. Na ou taumafai e faagalogalo i ai, ae lei taofia ai lava le o
mai o nei manatu. Na ou lagona lo’u malaia ma lo’u pagatia, ae ou
te lei iloa po o le a le mafua’aga. Na ou muimui ma faitio ae ua ou
le iloa po o ai o le a tuu i ai le leaga. Na ou iloa e i ai se mea tele ua
le o sa’o; peitai na palo lo’u mafaufau po o fea tonu ou te maua ai le
mea sa’o. Na ou tagiauē, ae ua leai se faamoemoe.”
Na faapena le pagatia o lona olaga mo ni nai masina. Fai mai lana
tala, “Ona faafuase’i lava lea ona manino i lo’u mafaufau le aogā o
se Faaola i taimi faapea. Atonu e i ai se isi e maoa’e sona alofa o
le a mafai ai ona faia e ia se togiola e totogi ai a tatou agasala, ona
tatou sao ai lea mai le puapuaga o le faasalaga o le agasala. Se tagata
matuā lelei o sea tagata! Se’i tago maia o lea tagata e opo atu a’u i [270]
lona alofa! O le a ou tuuina atu atoatoa i ai a’u. Peitai ua tu mai nei
le fesili, Faamata e i ai se faamaoniga e iloa ai e moni lava e i ai se
tagata faapea? Ou te lei maua se faamaoniga o se Faaola faapea, po
o se ola atali, sei vagana ai le Tusi Paia. ...
324
O Le Finauga Tele
“Na ou maua i le Tusi Paia se Faaola e tutusa lelei ma lo’u
mana’oga. Peitai ua faaletonu nei lo’u mafaufau. Afai e le o le Atua
le Tusitala o le Tusi Paia, aisea ua maua ai i totonu o le Tusi Paia le
tali atoatoa mo faafitauli o le lalolagi agasala? Ua i’u la’u filifiliga;
ua ou ioe o le Tusi Paia o se faaaliga mai le Atua. Na avea le Tusi
Paia o so’u fiafiaga; na avea esu o sa’u Uo. Na avea le Faaola o lē
sili i lo’u olaga; a ua avea le Tusi Paia o le sulu i o’u vae ma le malamalama i o’u ala. Ua maua le filemu i lo’u mafaufau; ua maua le
fiafia i lo’u olaga. Na avea le Atua o se Papa, o se sulufa’iga i le vasa
o le olaga nei. Ua numera tasi nei le Tusi Paia i a’u tusi faitau ma a’u
su’esu’ega, o se tusi na ou sa’ili’ili i ai ma le fiafia. Ua sili mamao
atu mea ua ou vaai nei i ai i le Tusi Paia, i lo mea na ou faalogo i ai.
Ua ou fesili ifo nei ia te a’u pe aisea na ou tauaso ai ma ou le iloa le
matagofie o neiuma. Ua ou ofo pe na mafai faapefea ona ou teena
le Tusi Paia. O faanaunauga uma o lo’u loto ua ou maua i le Tusi
Paia, faapea le fofō mo ma’i uma o lo’u agaga. Ua oso mai nei lo’u
le fiafia e toe faitau i isi tusi e pei ona masani ai, a ua alu atoa lo’u
loto i le sa’iliga o le poto mai le Atua. (S. Bliss, Memoirs of Wm.
Miller, pp. 65-67.)
Ua faia nei le ta’utinoga faalaua’itele a Mila e uiga i lona talia
o le talitonuga na ia manatu faatauvaa i ai. Peitai ua feosoi mai nei
ana uo le talitonu i le Tusi Paia ma ua latou tu’i o ia i faamatalaga
na masani ona faaaoga e Mila a’o lei talitonu o ia i le Tusi Paia. E
lei lava sana sauniuniga i lea taimi e tali atu ai i ana uo; peitai na i ai
lona manatu afai o le Tusi Paia o se faaaliga mai le Atua, e tatau ona
ō gatasi a’oa’oga o le tasi itu o le Tusi Paia ma a’oa’oga o le isi itu o
le Tusi Paia. E le gata i lea afai ua tuuina mai le Tusi Paia e a’oa’o ai
le tagata, o lona uiga e tatau ona malamalama i ai le tagata. Ua tonu
loa ia Mila o le a ia faasaga e su’esu’e au’ili’ili i le Tusi Paia, se’i
iloa ai pe mafai ona faafetaui nisi o mau ua foliga mai e feteena’i.
Ua faasaga atu loa Mila i lana su’esu’ega o le Tusi Paia - ua ia
taumafai e tuu ese uma ona manatu ma talitonuga na i ai ae alu i
le Tusi Paia ma le loto sa’ili’ili faamaoni. Ua le faalagolago o ia i
ni tusi ua faamalamalama mai ai e isi tagata mau o le Tusi Paia; na
ia talitonu e ao ona faamalamalama e mau o le Tusi Paia isi mau o
le afioga a le Atua. Na faapena ona ia faatusatusa o lea mau ma lea
mau; na ia faaaogaina le tusi o lisi o mataupu eseese uma o le Tusi
Paia ma o latou mau. Na ia faia faamae’ae’a lelei lana su’esu’ega o le
Se Failauga O Le Toe Fuata’iga I Amerika
325
Tusi Paia. Na ia amata i le tusi o Kenese ma faitau i fuaiupu ta’itasi,
ma e lei laa ese o ia mai se fuaiupu sei vagana ua ia malamalama
lelei i ai. O lana masani a i ai se mau e faanenefu, ona ia faatusatusa
lea o mau uma o le Tusi Paia o lo o tautala i lea mata’upu. A ō [271]
gatasitasi uma mau ua ia faatusatusaina, o lona uiga ua manino lea
mata’upu. Na faapena ona maua e ia o mau mai isi vaega o le Tusi
Paia, e faamalamalamaina ai mau o isi vaega o le Tusi Paia. A’o ia
su’esu’e ma tatalo faamaoni mo le ta’ita’iga faalelagi, na faafapena
ona manino o ia i mata’upu ua leva ona pogisa ia te ia. Ua tonu ai ia
te ia upu e pei ona fai mai ai le faisalamo: “O le faaalia mai o Lau
afioga e faamalamalamaina ai; e faaloto matalaina ai e ua faigofie”.
Salamo 119:130
Na sili lona fiafia i lana su’esu’ega o le tusi a Tanielu ma le tusi
o Faaaliga. O le auala lava lea e tasi na ia faaaogaina e faamalamalamaina ai mau o ia tusi e lua; ma sa maua lona olioli ina ua ia malamalama i uiga o faatusa ma ata e pei ona faaaogaina i valo’aga. O ana
su’esu’ega o valo’aga ua taunuu, na ia iloa ai na faataunuuina uma
nei valo’aga e pei lava ona valo’ia mai. O ata ma faatusa ma faataoto
o lo o manino ona faamalamalamaina mai; a le o lea e manino pe
a faatusatusa ma mau mai isi vaega o le Tusi Paia. O lona uiga afai
tatou te malamalama i uiga o ata ma faatusa, o le a manino foi le
faataunuuga o valoaga taitasi e pei ona tusia. Fai mai le upu a Mila,
“Ua malie lo’u loto i le faatulagaga lelei o upu moni faaalia a le Tusi
Paia - e manino ma faigofie lona faatulagaga mai, ina ia mafai ai e
soo se tasi ona savali ma le le sese, e oo lava i ē le’i a’oa’oina”. (Bliss,
p.70.) A’o pa’u’ū ta’itasi mai vaega eseese o valo’aga tetele o le Tusi
Paia, na atili ai lona fiafia a’o ia vaai i le fetaui lelei o sootaga o vaega
eseese o ia valo’aga..Na ta’ita’ia e agelu o le lagi lona mafaufau a’o
latou faamalamalamaina ia te ia afioga uma a le Atua.
Na ia talitonu afai ua faataunuuina i le tino valo’aga ua mavae, o
lona uiga o le a faaletino foi le faataunuuga o valo’aga o le lumana’i.
O lea na ia manatu ai ua le sa’o le talitonuga o le toatele faapea o
le nofotupu a Keriso i le afe tausaga a’o lumana’i ai le i’uga o le
lalolagi o se nofoaiga faaleagaga. O lea talitonuga ua le tusa ai ma
le afioga a le Atua. Ua latou talitonu e i ai se afe tausaga o le filemu
a’o lumana’i ai le afio faalua mai o Keriso. Ua faapena ona latou tuu
mamao i le lumana’i mala o le aso o le Atua. E ui lava i se logomalie
o lea aoaoga, e le talafeagai ai ma a’oa’oga a Keriso ma Lana au
326
O Le Finauga Tele
aposetolo. O le a’oa’oga a Keriso ma le au aposetolo ua ta’u mai ai
e ola faatasi le sa,ito ma le titania sei oo i le aso o le seleselega, o le
i’uga lea o le lalolagi. Ua a’oa’o mai foi le au aposetolo, “o tagata
amioleaga ma ē taupelopelo, e alualu pea lava lo latou leaga”, ma, “o
ona aso e gata ai e oo mai ai aso faigata”; o le malo foi o le pouliuli
e faaauau pea sei oo i le afio mai o le Alii, ma o Lona afio mai o le
a faa’umatia ai ē amioleaga i le mānāva o Lona fofoga; e fano foi i
latou i le pupula o Lona afio mai. Mataio 13:30, 38-41; 2 Timoteo
3:13; 2 Tesalonia 2:8.
E lei talitonu le au aposetolo i le a’oa’oga o le liuga o le lalolagi atoa po o le nofoa’iga faaleagaga a Keriso. Faato’a lauiloa lea
a’oa’oga i le amataga o lona 18 o senituri. Pei lava o isi a’oa’oga sese,
[272] e tele se leaga na tupu mai ai. Na a’oa’oina ai tagata o lo o mamao
i le lumana’i le afio mai o Iesu, ma ua latou le mataala ai i faailoga
ua ta’u mai ai le latalata mai o Lona faaali mai. Na maua mai ai se
agaga le popole ma le moe faaleagaga, ma ua faatamala ai le toatele
i a latou sauniuniga mo le afio mai o le Alii.
Na manino i le faitau atu a Mila le a’oa’oga a le Tusi Paia e uiga
i le afio mai o Keriso i la le tino. Fai mai Paulo, “Auā e afio ifo mai
le lagi le Alii lava ma le pu a le Atua”. 2 Tesalonia 4:16. Na fetalai
mai foi le Faaola: “Latou te iloa atu foi le Atalii o le tagata ua sau
i ao o le lagi ma le mana ma le mamalu tele”. “Auā e pei ona emo
mai o le uila i sasa’e ma malamalama atu i sisifo, e faapea foi ona
sau o le Atalii o le tagata.” Mataio 24:30, 27. E afio mai o Ia ma ’au
uma a le lagi. “Pe a sau le Atalii o le tagata i lona mamalu, ma le
’au agelu paia uma faatasi ma Ia.” Mataio 25:31 “E aauina atu foi e
Ia o ana agelu ma le leo tele o le pu, latou te faapotopoto foi i ē ua
filifilia.” Mataio 24:31.
Pe a afio mai Keriso o le a toe tutū mai ai le au amiotonu na feoti,
ae o le a suia ai foi le au amiotonu o ola pea. Fai mai Paulo, “E le
momoe i tatou uma, ae liua i tatou uma; e faafuase’i lava, o le emo o
le mata, pe a ilia le pu faa’uma; auā e ilia lava, e toe tutū mai ai ē ua
oti ma le ola pea; e liua foi i tatou. Auā e tatau ona ofu o lenei tino
i’uvale i le tino ola pea; ia ofu foi lenei tino oti i le tino le oti lava”.1
Korinito 15:51-53- Ua mae’a lona faamatalaina o le toe afio mai o
Iesu, ona fai mai lea o upu a Paulo i lana tusi i tagata Tesalonia, “E
muamua ona toe tutū mai o ē ua oti o iā Keriso, ona faafuase’i lea
ona aveina a’e o i tatou o ē ola ma totoe faatasi ma i latou i ao, ina
Se Failauga O Le Toe Fuata’iga I Amerika
327
ia fetaia’i ma le Alii i le vanimonimo; ona tatou faatasi pea lava lea
ma le Alii”. 2 Tesalonia 4:16-17.
Faato’a tuuina mai i tagata o le Atua le malo pe a afio mai Iesu.
Na fetalai mai le Faaola: “Pe a sau le Atali o le tagata i Lona mamalu,
ma le au agelu paia uma faatasi ma Ia, ona ti’eti’e ai lea o ia i Lona
nofoalii mamalu; e faapotopotoina foi i Ona luma nuu uma lava;
ona tuu’eseeseina lea o i latou e Ia, e pei o le leoleo mamoe ona
tuu’eseeseina o mamoe ma oti, ona tuu ai lea e Ia o mamoe i Lona itu
taumatau, a’o oti i Lona itu tauagavale. Ona fai atu lea o le tupu iēoi
Lona itu taumatau, O mai ia, o outou na faamanuiaina e lo’u Tamā,
ia fai mo outou tofi le malo ua saunia mo outou a’o lei faavaeina le
lalolagi”. Mataio 25:31-34. Fai mai mau o lo o siitia i luga, a afio
mai le Atalii o le tagata, ona toe tutu a’e lea o ē ua oti i se tino olapea, ma o le a suia foi ē o ola i lea taimi. O lea liuga o le a saunia
ai i latou mo le tuuina atu i ai o le malo; auā ua fai mai Paulo, “E le
mafai ona avea o le malo o le Atua ma tofi o i latou ua i ai tino ma
aano ma toto; e le avea foi le ola e faavavau ma tofi o le tagata o i ai
le tino i’uvale”. 1 Korinito 15:50. E oti ma paia le tino o le tagata i
lona tulaga i le taimi nei; peitai o le malo o le Atua e le paia ae oo i
le faavavau. O le mea lea e le mafai ai ona ulu atu le tagata i le malo
o le Atua i lona tulaga i le taimi nei. Peitai e tuuina mai e Iesu le tino [273]
ola-pea i Lana fanau i Lona toe afio mai, ona Ia valaauina atu lea o i
latou e fai mo i latou le malo - ua leva ona avea i latou o suli o lenei
malo.
E i ai le mea ua manino i le mafaufau o Mila talu ai lana su’esu’e
atu i nei mau uma. Ua manino ia te ia o le tele o mea ua manatu le
toatele e tutupu a’o lei afio mai Iesu - mea e pei o le afe tausaga
o le filemu, ma le faatūina o le malo o le Atua i le lalolagi - o nei
mea uma ua ta’u mai e le Tusi Paia e mulimuli mai i le afio faalua
mai o Keriso. Ae le gata i lea, o faailoga o le taimi ua tatou oo i ai
ma le tulaga o lo tatou lalolagi, ua talafeagai lelei ia ma faamatalaga
faavalo’aga o aso o le i’uga. Na o le tasi le mea ua oo ifo i lona
mafaufau talu ai lana su’esu’ega o le Tusi Paia - e le o toe umi se
taimi o totoe o le lalolagi i lona tulaga e pei ona i ai nei.
Fai mai le tala a Mila, “E i ai ma le isi itu’aiga faamaoniga na
ofo ai tele lo’u loto - o le faatulagaga lelei lea o vaitaimi_eseese i
totonu o le Tusi Paia. O mea na valo’ia mai ma ua mavae atu nei lo
latou faataunuuga, na masani ona tutupu i totonu o se vaitaimi e pei
328
O Le Finauga Tele
ona tuuina mai i le valo’aga. E pei o le 120 tausaga na tuuina mai
a’o lei oo mai le lolo (Kenese 6:3); o le fitu aso a’o lei amata timuga
o le lolo, ma le 40 aso na valo’ia o le a timu ai (Kenese 7:4); o le 400
tausaga o le nofo pologa o le fanau a Aperaamo (Kenese 15:13); o le
tolu aso o miti a le tautū uaina ma le fai mea’ai (Kenese 40:12-20); o
le fitu tausaga o le miti a Farao (Kenese 41:28-54); o le 40 tausaga i
le vao (Numera 14:34); o le tolu ma le afa tausaga o le oge i le taimi
o Elia (1 Tupu 17:1. Luka4:25); o le 70 tausaga o le tafeaga (Ieremia
25:11); o le fitu tausaga na ai mutia ai Nepukanesa (Tanielu 4:1316); atoa ma le fitu vaiaso, o le 62 vaiaso, ma le vaiaso e tasi, ua maua
ai le 70 vaiaso na atofaina mo le nuu o Iutaia (Tanielu 9:24- 27) - na
valo’ia mai nei vaitaimi uma i le valo’aga, ma sa faataunuuina uma
foi e tusa ai ma ia valo’aga”. (Bliss, pp. 74, 75.)
Na faapena ona maua e Mila i lana su’esu’ega o le Tusi Paia, ni
vaitaimi ua faatulaga lelei mai i le Tusi Paia, ma e tusa ai ma lona
iloa, e oo nei vaitaimi i le afio faalua mai o Keriso. Na i ai lona
talitonuga o nei vaitaimi o ni vaitaimi ua valo’ia mai, ma ua faaalia
atu nei mea e le Atua i Ana auauna. Ua faapea mai Mose, “Oja Ieova
lo tatou Atua mea lilo, a’o mea ua faailoa mai, o ia te i tatou ia ma a
tatou fanau e faavavau”. Na fetalai mai foi le Alii e ala i le perofeta
o Amosa, “E le faia lava se mea e le Alii o Ieova, ae faaali Lona
finagalo i Ana auauna o perofeta”. Teuteronome 29:29; Amosa 3:7.
O lona uiga e mafai e i latou o ē su’esu’e i le afioga a le Atua ona
latou vā’ai ma le mautinoa i le faataunuuga o le taeao sili o taeao
uma i le tala tusia o le tagata, auā ua faapena ona ta’u manino mai i
le afioga a le Atua.
Fai mai le ta’utinoga a Mila: “Na ou talitonu atoatoa o ’Tusi Paia
uma lava mai le Agaga o le Atua e aoga (2 Timoteo 3:16); ma e le o
le loto o tagata na tuu mai ai, ae na tusia e tagata paia o le Atua ina
[274] ua osofia i latou e le Agaga Paia (2 Peteru 1:21); na tusia foi ’ina ia
a’oa’o mai ai ia te tatou, ina ia tatou maua ai le faamoemoe e tupu
mai i le onosa’i, i le faamafanafana mai o Tusi” (Roma 15:4.) O lona
uiga o vaega o le Tusi Paia o lo o ta’u mai ai vaitaimi o valo’aga, o
vaega uma lava ia o le afioga a le Atua, ma e ao ona tatou mafaufau
loloto ma su’esu’e i ai, e pei lava o isi vaega o le Tusi Paia. O le mea
lea na ou talitonu ai afai ua tatou sa’ili’ili ina ia malamalama i mea
ua finagalo le Atua i Lona alofa e faaali mai ia i tatou, e leai sa’u aiā
Se Failauga O Le Toe Fuata’iga I Amerika
329
ou te la’aloa ai ma le su’esu’eina vaegataimi faavalo’aga”. (Bliss, p.
75.)
O le Tanielu 8:14 ua foliga mai o le valo’aga lea ua sili ona
manino mai ai o le taimi o le afio faalua mai. “Se’ia atoa afiafi
ma taeao e lua afe ma le tolu o selau, ona faapa’iaina ai lea o le
malumalu.” Na mulimuli Mila i lana masani o le faamatalaina e le
Tusi Paia o isi mau o le Tusi Paia, ma o lea masani na ia iloa ai o le
aso i upu faavalo’aga o le faatusa lea o le tausaga (Numera 14:34;
Esekielu 4:6.) Na ia iloa ai foi e tapunia le feagaiga ma tagata Iutaia
ae lei i’u le vaegataimi o le 2,300 aso faavalo’aga po o tausaga e
2,300. O lona uiga o le malumalu ua ta’ua i lenei valo’aga e le o le
malumalu lea o le vaitaimi o tagata Iutaia. Na talia e Mila le talitonuga o le toatele i lea vaitaimi e faapea o le malumalu o le faatusa
lea o le lalolagi. O le pogai lea na ia manatu ai o le faamamāina o
le malumalu, e pei ona valo’ia mai i le Tanielu 8:14. o le faatusa lea
o le faamamāina o le lalolagi i le afi i le afio faalua mai o Keriso.
Ona faapea lea o le manatu o Mila, afai na te iloa le taimi tonu na
amata ai le 2300 aso, o le a faigofie ai foi ona iloa le taimi o le afio
faalua mai o Iesu. O le a faapena ona tatou iloa tonu ai le taimi o
le i’uga o mea uma, le taimi o le i’uga o le lalolagi i lona tulaga e
pei ona i ai nei; o le a mavae atu ai “le faamaualuga ma le fiamalosi,
o tu’inanauga ma le faalialia vale, o amioleaga ma sauaga; le taimi
e ave’esea ai le malaia nai le lalolagi ma faaumatia ai le oti, o le a
tuuina atu ai le taui i auauna a le Atua, i le au perofeta ma le au paia
ma i latou uma o ē matata’u i Lona suafa; ae faatafunaina i latou o
ē na latou faaumatia le lalolagi”. (Bliss, p. 76.)
Ua atili ai le fiafia ma le naunau o Mila i le su’esu’ega o valo’aga.
O nisi o taimi ua alu ai le po atoa faapea ma le ao i le su’esu’ega o
le mata’upu ua avea nei ma faatumutumuga o lona olaga. E leai se
mea o ta’u mai ai se amataga o le 2300 aso i le mata’upu e valu o
Tanielu: na faatonuina le agelu o Kaperielu na te aumaia ia Tanielu
le malamalama’aga o le faaaliga, peitai na o se vaega o le faamalamalama’aga na ia avea ia Tanielu. A’o vaai Tanielu o fofola atu i ona
luma le faaaliga o sauaga mata’utia e oo mai i le ekalesia, sa le toe
maua sona malosi na te saga vaai ai i nei mea o le a tutupu i le ekalesia. Ona tuua lea o ia e le agelu mo sina taimi. Na vaivai Tanielu ma
ma’i mo ni nai aso; na ia ofo tele foi i le faaaliga, a ua le iloa e se
tasi. Tanielu 8:27.
330
O Le Finauga Tele
Peitai na fetalai le Atua i Lana avefe’au, “Ia e faamatalaina le
[275] faaaliga i lenei tagata”. E ao ona faataunuuina lea fe’au. Na usitai le
agelu, ma ua ia toe foi ia Tanielu ma fai atu i ai, “Ua ou sau nei e
a’oa’o ia te oe ina ia e malamalama ai”; “o lenei ia e iloa le upu, ma
mafaufau i le faaaliga”. Tanielu 8:16; 9:22, 23, 25-27. E i ai se vaega
tāua o le faaaliga o le mata’upu e valu e lei faamalamalamaina i le
ulua’i taimi na sau ai le agelu ia Tanielu - o le vaega lea e faatatau i le
2300 aso. O le vaega tonu lea ua faapitoa i ai le faamalamalama’aga
a le agelu ina ua toe faaauau lana faamatalaga.
“Ua atofaina vaiaso e fitugafulu i lou nuu ma lou aai paia. ...Ia
e iloa foi ma e manatunatu, e afua mai i le oo atu o le poloaiga ia
toe faia ma ia atina’e Ierusalema e oo atu i le Mesia le Alii, e fitu
vaiaso ma vaiaso e onogafulu ma le lua, e toe faia le ala tele ma le
pa i ona po lava o le puapuaga. A mavae vaiaso e onogafulu ma le
lua, ona fasiotia ai lea o le Mesia, ae leai se mea ia te ia. ...Na te
faatumauina foi le feagaiga i tagata e toatele i le vaiasosā e tasi; o le
vaeluagalemu foi o le vaiasosā na te faagata ai le taulaga.”
Na auina faapitoa mai le agelu ina ia faamalamalama ia Tanielu
le mea na ia le malamalama ai i le faaaliga o le mata’upu e valu, le
soāfuaiupu e faatatau i le vaegataimi - “Se’ia atoa afiafi ma taeao e
lua afe ma le tolu o selau, ona faapaiaina ai lea o le malumalu”. Ua
uma ona ta’u e le agelu ia Tanielu ina “ia e iloa le upu ma mafaufau
i le faaaliga”; ona sosoo ai loa lea ma lona fai atu, “Ua atofaina vaiasosā e fitugafulu i lou nuu ma lau aai paia.” O le upu ua faaliliuina
o le “atofaina” e uiga tutusa ma le “vavae ese”. Fai mai le agelu o
le 70 vaiaso, po o le 490 tausaga, o le a vavae’esea faapitoa ia mo
tagata Iutaia. Ae na vavae’esea lea 70 vaiaso mai le a? Na o le tasi
le vaegataimi o lo o ta’ua i le mata’upu e valu, o le vaegataimi lea o
le 2300; p lona uiga ua vavae’esea mai le 70 vaiaso mai le 2300 aso.
O lona uiga o le 70 vaiaso o se vaega o le 2300 aso, ma o lona uiga
foi e amata faatasi vaegataimi ia e lua. Fai mai le agelu e amata le
70 vaiaso i le taimi e fai ai le poloa’iga ina ia toe fausia ma atina’e
Ierusalema. Afai ae maua tonu le aso na fai ai lea poloa’iga, o le a
faigofie ona maua le aso tonu e amata ai aso e 2300.
Tatou te maua lenei poloa’iga i le mata’upu e fitu o Esera fuaiupu
e 12- 26. O le atoaga o lenei poloa’iga na tuuina mai e Aretaseta le
tupu o Peresia i le tausaga 457 TLM. Peitai fai mai le Esera 6:14 na
faia le fale o Ieova i Ierusalema “e tusa ai ma le poloa’iga a Kuresa,
Se Failauga O Le Toe Fuata’iga I Amerika
331
ma Tariu, ma Aretaseta, le tupu o Peresia”. O lenei poloa’iga na
ulua’ifaia e Kuresa, ona toe tatao mai lea e Tariu, ae na faamae’aina
e Aretaseta e tusa ai ma le valo’aga, ma ua avea lea ma amataga o le
2300 tausaga. A faaaoga le TLM 457, le taimi na faamae’a ai lenei
poloa’iga, e avea o le tausaga na tuuina mai ai lenei poloa’iga, o le
a fetaui tonu loa isi vaega o le valo’aga o le 70 vaiaso ma o latou
faataunuuga.
“E afua mai i le oo atu o le poloaiga ia toe faia ma ia atina’e
Ierusalema, e oo atu i le Mesia le Alii, e fitu vaiasosā ma vaiasosā e [276]
onogafulu ma le lua” - o lona uiga e 69 vaiaso. po o le 483 tausaga.
Na faataunuuina le poloa’iga a Aretaseta i le tau e to’ulu ai lau o laau
i le TLM 457. A amata le faitau mai le taimi lea, ona atoa tonu lea
o le 483 tausaga i le tau e to’ulu ai lau o laau i le TA 27. O le taimi
lea na faataunuuina ai lenei valo’aga. O le upu “Mesia” e faatatau
i “le Na Faau’uina”.O le TA 27, i le tau e to’ulu ai lau o laau, o le
taimi lea na papatisoina ai e Ioane Keriso, ma ua faau’uina ai o la e
le Agaga Paia. Fai mai le molimau a le aposetolo o Peteru, “O Iesu o
le Nasareta, o lē na faauuina e le Atua i le Agaga Paia ma le mana”.
Galuega 10:38. Ma ua fetalai mai le Faaola lava la, “Ua i o’u luga le
Agaga o le Alii, auā ua Na faau’u mai ia te a’u e folafola le talalelei
i ē matitiva”. Luka 4:18. Ua mae’a Lona papatisoga ona maliu atu
lea o Ia i Kalilaia, ma “ua tala’i atu ai le talalelei o le malo o le Atua,
ua faapea atu, Ua oo mai le malo o le Atua”. Mareko 1:14. 15.
“Na te faatumauina foi le feagaiga i tagata e toatele i le vaiasosā
e tasi.” O le “vaiaso” lea e tasi ua ta’ua o le vaiaso mulimuli lea o le
70 vaiaso: o lona uiga o tausaga mulimuli ia e fitu o le vaegataimi
ua vavae’esea faapitoa mo tagata Iutaia. O lea fitu tausaga, mai le
TA 27 sei oo i le TA 34, o le vaitaimi lea na tuuina atu faapitoa ai
le valaau o le talalelei i tagata Iutaia e Keriso, faapea ma Ona soo
mulimuli ane ai. A’o o atu le au aposetolo ma le talalelei o le malo,
fai mai le fetalaiga a le Faaola, “Aua tou te ui i se ala o nuu ese, aua
foi tou te o atu i se aai o Samaria; ae lelei ona outou o atu i mamoe
o le aiga o Isaraelu ua leiloa”._Mataio 10:5. 6.
“Ō le vaeluagalemu foi o le vaiasosā Na te faagata ai le taulaga
atoa ma le mea foaifuaina.” Na faasatauroina lo tatou Alii i le TA
31, o le tolu ma le a fa tausaga lea talu Lona papatisoga. O le osia o
lenei Taulaga Tele i Kalevario, o le i’uga lava foi lea o faiga taulaga
na faia mo le fa afe o tausaga e faasino i luma i le aso e taunuu
332
O Le Finauga Tele
mai ai le Tama’i Mamoe a le Atua. Ua fetaui ai i inā le faatusa ma
le na faasino i ai le faatusa, ma ua faamuta ai loa i inā le aogā o
faiga taulaga eseese uma na faasino agai i le taunuu mai o le Tama’i
Mamoe a le Atua.
O le 70 vaiaso po o le 490 tausaga lea na vavae’esea faapitoa mo
tagata Iutaia, na i’u lea vaegataimi i le TA 34. O le taimi tonu lea na
faailogaina ai e tagata Iutaia lo latou teena o le talalelei e ala i lo latou
fasiotia faamaturo o Setefano, ma lo latou sauaina o soo o Keriso,
O le amataga foi lea o le tatalaina atu o le fe’au o le faaolataga i
le lalolagi, a ua le toe faapitoa mo na o le nuu filifilia. O le sosola
ese atu o le au soo mai Ierusalema talu ai sauaga, na avea lea ma
mea ua latou o atu ai i nuu uma ma tala’i atu ai le upu moni. Na alu
Filipo i Samaria ma tala’i atu Keriso ia i latou. Na ta’ita’ia Peteru e
le Agaga na te tatalaina atu le faitoto’a o le talalelei ia Konelio, o se
tagata e mata’u i le Atua, o le ta’ita’i o se to’aselau mai Kaisareia.
A’o Paulo na tuuina i ai le galuega o le avatua o le talalelei “i nuu
[277] ese e mamao”. Galuega 8:4, 5; 22:21.
Na faapena ona faataunuuina vaega eseese uma o valo’aga, ma
ua mautu foi le avea o le TLM 457 o le amataga o le 70 vaiaso, a’o le
TA 34 o lona faai’uga. Talu ai ona ua mautu le tausaga amata ma le
tausaga faai’u o le 70 vaiaso, ua faigofie ai foi ona maua le tausaga
faai’u o le 2300 aso. A vavae ese le 70 vaiaso po o le 490 aso mai
le 2300 aso, ona totoe mai ai lea o aso e 1810. A mae’a le 490 aso,
ona totoe mai lea o le 1810 aso e ao ona faataunuuina. A amata le
faitau mai le TA 34, e atoa le 1810 aso i le 1844. Fai mai le agelu a
oo i le faai’uga o lenei vaegataimi faavalo’aga umi, ona faamamāina
ai lea o le malumalu. Na faapena ona faamaninoina mai o le taimi o
le faamamāina o le malumalu, o se mea na talitonu le toatele o le a
tupu i le taimi o le toe afio mai.
Na i ai se talitonuga muamua o Mila ma ana uo faapea o le 2300
aso e faai’u tonu i le taimi o le tau tuputupu o le 1844; peitai na
faasino mai e le valo’aga e faai’u le 2300 aso i le tau e to’ulu ai lau
o laau i le tausaga lava lea. O le malamalama’aga sese e uiga i lenei
vaega o le valo’aga na oo mai ai le fememea’i ma le tigā tele i ē na
latou tala’ia le 1844 e avea o le aso e afio mai ai le Alii. Peitai e lei
avea lea ma mea na aafia ai le tonu o faamatalaga na faailoa mai ai
e i’u aso e 2300 i le tausaga e 1844, ma o le tausaga lava foi lea e
Se Failauga O Le Toe Fuata’iga I Amerika
333
faataunuuina ai le aso tele lea ua faatusaina mai e le valo’aga i le
faamamāina o le malumalu.
Na amata su’esu’ega a Mila i le Tusi Paia ona o lona fiailoa pe
mata o se faaaliga lenei mai le Atua. E lei i ai se manatu o Mila o le
a i’u ana su’esu’ega i se talitonuga e pei ona ua ia maua nei. Sa ofo
ma tau le talitonu Mila i le mea ua oo nei i ai ana su’esu’ega. Peitai
ua le mafai nei ona toe fulitua i molimau manino ma le maumaututū
a le Tusi Paia.
Ua atoa le lua tausaga o faia su’esu’ega a Mila i le Tusi Paia. Ua
aulia le tausaga 1818, ma ua maua e Mila se talitonuga maumaututū
ua toe 25 tausaga ona afio mai lea o Keriso mo le faaolaina o Lana
fanau. Fai mai lana tala, “Ou Je le tau ta’u atua le olioli na tumu
ai lo’u loto ona o lenei manatu faafiafialoto, atoa ma moomooga o
lo’u agaga i lo’u fia faatasi ai i le oliolisaga o le au faaolaina. Ua
avea nei le Tusi Paia o se tusi fou ia te a’u. Ua avea o se faiga’ai tele
faalemafaufau - o mea uma na pogisa, o mea sa lilo ma faanenefu i
a’oa’oga a le Tusi Paia, ua faamaninoina nei i lo’u mafaufau ona o le
malamalama ua susulu mai nei i ona laupepa paia. Se vaaiga ina a
pupula matagofie o le taatia mai o le upu moni! O feteena’iga i le va
o mau sa ou maua ai muamua ua matafi atu nei. E tele ni vaega na
ou lagona e lei atoatoa so’u malamalama i ai; peitai o le tele naunau
o le malamalama ua susulu mai ai ma faamalamalamaina ai lo’u
mafaufau sa pogisa, o le mea lea na ou fiafia tele ai ma naunau i
le su’esu’ega o le Tusi Paia. E lei i ai so’u manatu e ono maua se
fiafiaga tele o se tagata e ala i le su’esu’eina o le Tusi Paia”. (Bliss,
pp. 76, 77)
“Ua ia te a’u se talitonuga maumaututū e uiga i nei mea tetele ma
le tāua ua le o toe mamao ae tutupu mai, e pei ona valo’ia mai e le
Tusi„ Paia. O lea talitonuga maumaututū na oo ifo ai se fesili leotele [278]
i lo’u mafaufau e uiga i lo’u tiute e ao ona fai mo le lalolagi talu ai
molimau e tele ua fagua ai nei lo’u lava mafaufau.” (Ibid., p. 81.) Na
faigata ona faate’a ma lona mafaufau le manatu faapea, o lona tiute e
ao ona fai lona avatua i isi o le malamalama ua ia maua. Na ia lagona
o le a toatele nisi o le au amioleaga o le a tetee i nei mea; peitai na ia
le masalosalo i le taliaina ma le fiafia e le au Kerisiano uma o lenei
fe’au e uiga i le afio mai o le Faaola, o le ua latou fai mai latou te
alolofa i ai. Na o le tasi le mea na ia popole ai - ina ne’i avea lo latou
fiafia i le matagofie o lenei talalelei o le lavea’iga, ma mea latou te
334
O Le Finauga Tele
soona ioe vave ai ma talia lenei tala’iga e aunoa ma se su’esu’ega e
iloa ai le faamaoni o ia aoaoga. O le pogai lea na ia faatautū ai, ua na
le mautinoa pe tatau ona tala’i atu lenei aoaoga, ne’i i ai se mea e sese
ai o ia ona avea lea o ia ma faapogai e faaseseina ai nisi. Ua faasaga
atu nei o ia e toe iloilo lelei faamaoniga mo vaega eseese o valo’aga
uma ua ia talitonu nei i ai, ma ua ia toe fefulisa’iina faafitauli eseese
na oo ifo i lona mafaufau e uiga i vaega eseese o nei aoaoga. O le
a le i’uga o lana toe iloiloga o nei valo’aga? Ua matafi uma ese atu
faafitauli eseese ona o le malamalama o le afioga a le Atua, ua pei o
le matafi ese atu o le puao i le susulu mai i ai o le la. E lima tausaga
atoatoa na ia faaalu i le iloiloga ma le fefulisa’iga o nei a’oa’oga uma.
Na uma a’e nei tausaga e lima ua leai ma se masalosaloga e tasi i
lona mafaufau i le sa’o ma le tonu o faai’uga ua ia talitonu nei i ai.
Ua toe oo mai nei ia te ia se lagona malosi e ao ona faailoa atu i
isi, mea ua ia talitonu ua a’oa’o manino mai e le Tusi Paia. Fai mai
lana tala, “E i ai le musumusuga e leotele mai pea ia te a’u i soo se
taimi e fai ai sa’u galuega. Fai mai lea musumusuga, ’Alu e ta’u i le
lalolagi le tulaga lamatia ua latou oo nei i ai’. Ae le gata i lea e i ai
se mau na le mafai ona te’a ese ma lo’u mafaufau. Fai mai le mau
lea, ’A ou fai atu i le ua amioleaga, Le tagata amioleaga e, e te oti
lava oe; afai e te le tautala atu e apoapoa’i atu ai i le ua amioleaga,
ia liliu ese i lona ala, e oti lena tagata amioleaga i lana amioleaga;
a’o lona toto ou te tauiatua lea ia te oe. A’o oe afai e te apoapoa’i
atu i le ua amioleaga, ia liliu ese o ia i lona ala; afai na te le liliu
ese i lona ala, e oti o ia i lana amioleaga, a ua faasaoina e oe lou
lava agaga’. Esekielu 33:8, 9. Na i ai lo’u manatu faapea a mafai ona
lapata’ia faalelei le au amioleaga, e toatele nisi o i latou o le a liliu
ma salamō; ae afai ou te le avatua i ai le lapata’iga, o le a pa’ū i lo’u
ulu lo latou oti. (Bliss, p. 92.)
Ua amata ona ta’uta’u atu e Mila ona talitonuga i nisi ta’ito’atasi,
pe a maua avanoa lelei; peitai na ia tatalo ina ia i ai se faife’au na
te lagona i se aso le tāua o nei a’oa’oga ma faapena ona tuuina atu
ai o ia mo le tala’iga o ia aoaoga. Ae na le mafai foi ona te’a ma
ia le manatu faapea o lona tiute lava foi le avatua i le lalolagi o le
lapata’iga. Na leotele atu pea upu nei i lona mafaufau: “Alu e tala’i
[279] i le lalolagi; e pa’u ia te oe lo latou oti”. E iva tausaga atoatoa o
ia faatali pea lava ma lenei avega mamafa i lona loto, sei oo ina ua
Se Failauga O Le Toe Fuata’iga I Amerika
335
aulia le 1831 ona faato’a faailoa faalaua’itele loa lea o talitonuga ua
ia maua.
Pei lava ona valaauina Elisaia mai le suōtosina i le fanua, ina ia
pa’ū atu ia te ia le ofu talaloa o le galuega faaperofeta, na faapena
foi ona valaauina Viliamu Mila na te tuua lana suōtosina ae alu atu
na te tala’i atu i tagata mea lilo o le malo o le Atua. Sa lagona lona
fefe i le tau amataga o lana galuega a’o ia a’oa’oina faalelei le au
faalogologo ina ia latou malamalama i laasaga ta’itasi o vaegataimi
eseese o valo’aga, sei oo atu ai i le afio faalua mai o Keriso. A’o
faasolosolo atu faapena lana galuega, sa auaua’i mai foi lona to’a
ma lona lototele a’o ia maitauina le toatele o tagata ua latou fiafia i
le fia faalogo i ana aoaoga.
O le tauanau atu soo o ana uo na malie ai loa Mila e faailoa
atu i le lautele o tagata ona talitonuga; na ia talitonu o le tauanau
mai o ana uo o le valaau lava lea a le Atua. Ua atoa nei le 50 o ona
tausaga, o ia o se tagata e le masani i le tautala i mea faitele, o se
tagata foi na ia lagona lona le tusa ai ma le galuega ua taatia mai nei
i ona luma. Ae peitai na uiga ese le faamanuiaina o lana galuega mo
le faaolataga o agaga. O lana tautalaga muamua na sosoo ai ma se
faafouina faaleagaga na faai’u i le liuga o ni aiga atoatoa se 13 sei
vagana ai ni tagata se to’alua mai ia aiga e 13. Ua faalausoso’o mai
nei valaaulia ina ia fai ana a’oa’oga i isi aulotu, ma e toetoe lava o
aulotu uma na tupu ai se faafouga faaleagaga talu ai lana galuega.
Ua liua le au amioleaga, ua toe fagua le au Kerisiano ina ia ola faapaiaina, ua liua foi le au le talitonu i le Tusi Paia ina ua latou ioe i
le tonu o le Tusi Paia, atoa ma le talitonuga faaKerisiano. Fai mai le
ta’utinoga a i latou na ia galue i ai, “E i ai le vasega o tagata e faalogo ma usiusitai i lauga a Mila ae le ila i faamatalaga a isi tagata”.
(Ibid., p. 138.) Na fuafua lelei ana tala’iga ina ia fafagu ai mafaufau
o le lautele o tagata i mea faaleagaga, ma tau faaitiitia ai le sasao a’e
o uiga faalelalolagi ma tu’inanauga o le tino.
E toatele na liua i aai taitasi ona o ana lauga; o nisi aai na faitau
selau i latou na liua. Toetoe lava leai se ekalesia Porotesano latou te
lei valaaulia faapitoa o ia mo ni ana sauniga i a latou aulotu; o lea
valaaulia na masani ona sau i faife’au o aulotu taitasi. O le tulafono
masani a Mila e le alu e galue i se aai sei vagana ua sau se valaaulia.
O le tele naunau o talosaga na le mafai ai ona faataunuuina le afa o
nei valaaulia. E i ai nisi latou te lei talia lona talitonuga e uiga i le
336
O Le Finauga Tele
taimi tonu o le afio mai o Keriso; peitai o ana lauga na latou talitonu
ai ua lata tele mai le toe afio mai, ma e ao ona latou sauniuni mo
lea aso tele. Na i ai ni suiga iloga na vaaia i nisi o aai tetele na ia
galue ai. E i ai nisi sa i ai ni o latou falepia, ua latou fulitua nei i lea
mata’upu ae tatala o latou fale inu ’ava e fai ma potu e fai ai sauniga
faalelotu. E i ai ni falepoka na tapunia; e toatele i latou na le talitonu
i le Atua po o le Tusi Paia ua liua nei; na liua foi nisi o tagata na pito
[280] sili ona amioleaga ma faita’aga; o nisi o i latou nei ua fia tausaga
e lei oo i se falesa. Na amataina e ekalesia eseese ni sauniga tatalo
i vaega eseese o le aai, ma taimi eseese foi o le aso. O nisi o le au
faipisinisi na latou potopoto i le 12 i le aoauli mo a latou sauniga e
fai ai talosaga ma viiga. E lei i ai se soona fiafiavale, peitai na lagona
e tagata le uigā o mata’upu ua latou faalogo i ai, ma le taimi ua latou
ola ai. Na mātele le galuega a Mila i le faapupulaina o le mafaufau
ma le fagua o le loto fuatiaifo ae le o le faaosoina o lagona e pei o
le mata’u ma le fefe.
Na maua e Mila sona laisene lauga i le 1833 mai lana ekalesia, le
Lotu Papatiso. O le toatele o faife’au o lana ekalesia na latou fiafia i
lana galuega, ma o la latou faatagaga na mafai ai ona faaauauina lana
galuega. Na le aunoa le fealua’i o Mila ona o lana tala’iga ae maise
lava i Setete Tutotonu o Amerika ma le itumalo o Niu Egelani. O
le mea e ao ona fai o le faatupeina o lenei tala’iga na faia uma lava
lea e Mila i ulua’i tausaga o le galuega. Na maua mulimuli ane se
fesoasoani tautupe mo lenei galuega; peitai e le lava lea fesoasoani
e totogi ai lona fealua’i i aai uma na aumai ai ona valaaulia. Na
faapena ona faalagolago lenei galuega i le tupe mai lona fanua; na
faapena foi ona faaitiitia lona fanua i lenei vaitaimi o lona olaga. Na
toatele lana fanau; peitai na latou iloa ola matitiva ma ola galulue;
ma sa lava mea na maua i lana faato’aga e ola ai i latou ma ola ai foi
ma ia.
Ua oo i le tausaga e 1833, ma ua lua nei tausaga talu ona amata
e Mila lona folafolaina o faamaoniga o le latalata mai o le toe afio
mai o Keriso. O le tausaga tonu lea na faataunuuina ai le faailoga
mulimuli e pei ona folafola mai e Keriso, o faailoga e iloa ai Lona
toe afio faalua mai. Na fetalai mai Iesu, “E pa’u’ū foi fetu mai le
lagi”. Mataio 24:29 A’o vaaia e Ioane i le faaaliga mea o le a tutupu
a’o lumana’i ai le aso o le Atua, na ia alaga ma faapea mai, “O fetu
foi o le lagi ua pa’u’ū i le lalolagi, e pei o le mati ona to’ulu o ona fua
Se Failauga O Le Toe Fuata’iga I Amerika
337
moto pe a lūlūina e le matagi tetele”. Faaaliga 6:13. Na uiga ese le
faataunuuga o lenei valo’aga ina ua to’ulu mai le lagi fetu e pei o le
timu, i le aso 13 Novema, 1833. O se faaaliga aupito matagofie lea
ma le aupito tele o fetu to’ulu ua tusia i le tala faasolo o le lalolagi.
“Na faitau itula o malama le lagi atoa i itu uma o le Iunaite Setete
a’o felavasa’i le to’ulu ifo o ia fetu. Faato’a vaaia lea i Amerika o
se faaaliga faalelagi faapea - o se faaaliga na vaaia ma le ofo ma le
fiafia e le tasi vaega o tagata, ae na vaaia ma le fefe ma le mata’u e
le isi vaega o le atunuu.” “Na manatua pea e le toatele le ofoofogia
ma le matagofie faalelagi o lenei mea. E lei i ai se timu ua faapea
le mafiafia o lona to’ulu mai e pei o le to’ulu ifo i le eleele o fetu
po o mitiora i lea po - i sasa’e, i sisifo, i matu atoa ma saute, na leai
se eseesega. Ua peiseai ua fegasoloa’i le lagi atoa. Na vaaia lenei
faaaliga tele i vaega eseese o le atunuu atoa o Amerika. Na amata
mai le lua i le po sei oo ina ua aoteatea o fai lava le faaaliga a fetu
i lo latou to’ulu felavasa’i solo ifo, ma ua matagofie ai le malama o [281]
le lagi atoa; ua atili ai le ofoofogia o le manaia o le faaaliga ona sa [282]
malū le po, ma sa aunoa ma se ao i le lagi.” (R M Devens, American
Progress; or, The Great Events of the Greatest Century, ch. 28, pars.
1-5.)
“E leai ni upu e mafai ona faamatalaina ai le matagofie, le mamalu, ma le ofoofogia o lea faaaliga uiga ese. E le mafai e se tasi e lei
vaai i ai ona malamalama i le mamalu o lea faaaliga. Ua peiseai ua
potopoto faatasi fetu uma o le lagi i le tumutumu o le lagi, ona latou
taufai felelei loa lea i le saosaoa e pei o le emo o le uila i vaega uma
o le tafatafā’ilagi; ma sa faapena ona sosoo mai ai o le afe ma afe o
isi fetu, e mulimuli mai i le isi fia afe, ua pei lava o ni fetu na faia
faapitoa mo le faaaliga i lea po.” (F Reed, in the Christian Advocate
and Journal, Dec. 13, 1833 ) “O se ata sili lenei ona matagofie o se
mati ua to’ulu uma ona fua moto ina ua lūlūina e le matagi; e leai se
isi ata e sili atu i lo lea.” (The Old Countryman, in Portland Evening
Advertiser, Nov. 26, 1833.)
Na i ai se tala umi lava e uiga i lenei faailoga na i le pepa a le au
faatauoloa o le aai o Niu Ioka, le pepa o le aso 14 Novema, 1833.
O nisi nei o nai fuaiupu na siitia mai lea tala: “E leai se atamai po
o se poto ua na tusia pe faamatalaina se mea ua tupu e latalata lona
ofoofogia i le ofoofogia o le faaaliga e pei ona tatou molimauina i le
taeao ananafi. Peitai na valo’ia mai lenei mea e se perofeta i le afe
338
O Le Finauga Tele
valu selau tausaga ua mavae; ma e fetaui lelei upu o lea valo’aga ma
le mea na tupu i le taeao ananafi”.
Na faapena ona faataunuuina o le faailoga faai’u e pei ona lapata’iina ai e Iesu Lona au soo ma la fetalai atu i ai faapea, “Pe a
outou iloa ia mea uma, tou te iloa ai, ua latalata Ia, ua i faitoto’a
lava”. Mataio 24:33. Ua mavae atu ia faailoga, ona vaaia lea e Ioane
le isi mea e sosoo ai - o le lagi ua taai e pei o se fala, a ua lūlūina
le eleele, ua ave’esea mauga ma motu mai mea na latou tutū ai, a ua
sa’ili’ili le au amioleaga e sosola ese i lo latou matata’u ma le fefefe,
mai le silafaga a le Atali o le tagata. Faaaliga 6:12-17.
O le toatele o nisi na molimauina le pa’u’ū o fetu, ua latou
faauigaina lenei faaaliga o se faailoga o le to’asā o le a oo mai. Ua
latou fai mai o se lapata’iga alofa lenei, ma ua na o se ata lea o lenā
aso tele, lena aso mata’utia. Na faapena ona faatepaina tagata i le
faataunuuina o valo’aga, ma e toatele na usiusitai i le lapata’iga o le
afio faalua mai.
Na tupu i le tausaga e 1840 se isi faataunuuga o valo’aga, o se
faataunuuga na ofo ma tete’i a’e ai le toatele. Ua lua tausaga ua
mavae, i le 1838, talu ona faia o le valo’aga a Iosia Lisi e uiga i
le pa’ū o le malo o Take. O Iosia Lisi o se tasi lea o le au failauga o
le fe’au o le toe afio mai, ma o lana valo’aga na tusia i sana faamalamalama’aga o le Faaaliga mata’upu e iva. Fai mai lana valo’aga, o
le a lafotūina lenei malo “i le TA 1840, i se vaitaimi o le masina o
Aokuso”. Ua toe o ni nai aso tupu lenei mea, ae tusia loa e Iosia upu
[283] nei, “Afai tatou te talia le faataunuuga o le ulua’i 150 tausaga a’o lei
nofoia e Tikose le nofoalii e tusa ai ma le faatagaga a le malo o Take;
afai foi e amata faitau tausaga e 391 ma aso e
ina ua faai’uina le ulua’i 150 tausaga, o lona uiga e faai’u tonu
ia tausaga e 391 ma aso e 15 i le aso ll o Aokuso, 1840 - o le aso
lea e ao ona gagau ai le malosi o le pule a le malo Take i le aai o
Konesetinopo. Ou te talitonu o le mea lava lea o le a tupu”. (Josiah
Litch, in Signs of the Times, and Expositor of Prophecy, Aug. 1,
1840).
O le aso na ta’ua i le valo’aga, o le aso tonu lava lea na talia ai
e Take, e ala i ana sui, le puipuiga a malo tuufaatasi o Europa, ma
ua faapena ona tuuina atu ai e Take ia lava i lalo ifo o le pule a malo
Kerisiano. Na tutusa lelei le mea na tupu ma upu o le valo’aga. Ua
faalogo le toatele i le valo’aga na faia ma ua latou vaai i le mea ua
Se Failauga O Le Toe Fuata’iga I Amerika
339
tupu, ona latou talitonu ai lea i le sa’o o le faauigaga o valo’aga e pei
ona faia e Mila ma ana uo; ma ua faapena ona faaopoopo mai o se isi
malosi i le galuega o le tala’iga o le toe afio mai. Ua galulue faatasi
nei nisi e toatele o tagata popoto ma tagata tulaga maualuluga, i le
folafolaina ma le lomiaina o a’oa’oga a Mila; ma sa faapena ona
saosaoa le alu o le galuega mai le tausaga 1840 sei oo i le 1844.
Na iā Mila se mafaufau ma’ai ma le atamai, ua atili ai le malosi
o lona mafaufau talu ai lana su’esu’ega o le Tusi Paia ma lona mafaufau loloto i ai. Ae le gata i lea, na ia faaopoopo i ai le poto ma le
faautauta mai le lagi, e ala i lona a’apa atu i le Puna o le poto. O Mila
o se tagata amio sa’o ma le faamaoni, ma sa faaaloalogia o ia i soo
se mea na tāua ai i manatu o tagata uiga amiotonu ma le faamaoni.
Na ia te ia le agaalofa faamaoni atoa ma le agamalu faa-Kerisiano,
faapea ma lona pulea lelei o ia lava. Na ia te ia le āva ma le matafiafia
i soo se tasi; o se tasi e faalogo lelei i mafaufauga o isi tagata, ma
manatunatu loloto i ai pe sa’o pe sese. Na ia faatusatusa i le afioga
a le Atua manatu uma ma soo se a’oa’oga na aumaia ia te ia; o le
ma’ai o lona mafaufau ma lona poto i le Tusi Paia na mafai ai ona ia
faafetauia a’oa’oga sese ma faaaliali a’e i luga le mea pepelo.
E toatele nisi na tetee ma faalavelave i le faiga o lana galuega. Pei
lava ona faia i isi ta’ita’i o le galuega o le Toe Fuata’iga, na faapena
foi ona tetee ta’ita’i o ekalesia tetele i upu moni na ia folafolaina.
Na le mafai e i latou nei ona latou lagolagoina o latou manatu i ni
mau mai le Tusi Paia; o le mea lea na latou toomaga ai i uputuu
ma a’oa’oga a tagata. Peitai na o le afioga lava a le Atua na talia e
failauga o le fe’au o le toe afio mai, e fai ma molimau ma faamaoniga
o soo se manatu. Na latou faia “Le Tusi Paia, ua na o le Tusi Paia
lava” e avea ma a latou upu teuloto. A le lava mau o le Tusi Paia e
faamaonia ai manatu o o latou fili, ona latou faalava lea i tauemuga.
Na faaaoga e fili, le atamai ma tamao’aiga, e taumafai e taufaaleaga
ai i ē na faatalitali ma le fiafia i le toe afio mai o lo latou Alii, o
ē na taumafai latou te ola amioatua ma apoapoa’i i isi ina ia latou [284]
sauniuni mo Lona faaali mai.
Na tele taumafaiga malolosi na fai ina ia seu ese ai mafaufau o
tagata mai le mata’upu o le toe afio mai. Na a’oa’oina tagata e fili o
le galuega ina ia latou talitonu o se agasala ma o se masiasi lo latou
su’esu’e i valo’aga e faatatau i le toe afio mai o Keriso ma le i’uga
o le lalolagi. Na faapena ona faamāmāsagiaina e faife’au o ekalesia
340
O Le Finauga Tele
tetele le talitonuga o tagata i le afioga a le Atua. O a latou a’oa’oga
na lē talitonu ai tagata i le Tusi Paia po o le Atua, ma e toatele na
latou faaaogaina lea avanoa latou te savavali ai e tusa ai ma o latou
tu’inanauga ma a latou amioleaga. Ona faasaga mai loa lea o nei
faife’au ua tu’ua’i lea leaga i ē na tala’ia le fe’au o le toe afio mai.
Na toatele tagata atamamai na tumutumu ai sauniga a Mila. Ae
peitai na seasea ta’ua le igoa o Mila i nusipepa faalelotu sei vagana
o ni moliga ma ni tu’ua’iga po o ni tauemuga. Ua atili ai le leaga o
tagata amioleaga ina ua latou vaai i nei amioaga a o latou ta’ita’i.
Ua latou faia ni gao mataga ma ni upu taufaifai e taufaaleaga ai ma
faalumaina ai le igoa o Mila ma lana galuega. Ua tauemuina ma vaai
faatauvaa i ai le toatele, ma ua ta’ua o ia o se tagata pepelo ma le
lē faamaoni. Ua faapena ona latou faia ia Mila, o lē ua ulusinā nei,
le tagata na tuua lona aiga ma lana faato’aga ma lona fale matagofie
ae fealua’i i ana lava tupe mai lea aai i lea aai, na te folafolaina ai le
lapata’iga o le faamasinoga, ma le i’uga o mea uma ua lata mai.
Na i ai ni tagata na latou tutū a’e latou te tali atu i le tele o upu
faifai ma moliga pepelo ma tauemuga ua faia ia Mila. O nisi o nei
tali na faia i totonu o nusipepa a le lalolagi. Fai mai le tali a nei tagata
o le lalolagi, “O le ula ma le faatauemu i se mata’upu uigā faapea, ua
le gata o se faatigā lea i mafaufau o ē o lo o tala’ia lenei aoaoga, a’o
le ula lava foi lea ma le faatauemu i le Atua ma Lana faamasinoga. O
amioga faapea e vave mai ai le to’asa ma le faamasinoga a le Atua”.
(Bliss, p. 183.)
Na taumafai Satani ina ia le gata i le faaleaogaina o le fe’au o le
toe afio mai, a ia fasiotia foi le sāvali o lea fe’au. Na taumafai Mila
ina ia pa’i le fe’au o ana lauga i olaga o lana au faalogologo. Na
faapena ona ia a’oa’ia o a latou agasala, ma lūlūina lo latou faafifilemu ma le faalēpopole; peitai o nei upu tu’usa’o na oso ai lo latou
ita. Na avea le tetee a tagata ekalesia ma mea ua faamalosia atili ai
le leaga o tagata amioleaga i a latou faufauga. Na faapena ona fai faufauga a le itu a le fili latou te fasiotia Mila ina ua tuua ai le sauniga.
Peitai na i ai agelu a le Atua i lenā tumutumu. O se tasi o nei agelu i
le tino tagata na ia ’u’uina le lima o le auauna a le Atua, ma ta’ita’i
ese atu o ia mai le mea na fe’ei ai le motu o tagata. E lei mae’a lana
galuega, ma sa le fiafia auauna a Satani ona ua le faataunuuina la
latou fuafuaga.
Se Failauga O Le Toe Fuata’iga I Amerika
341
E ui lava i le tele o le tetee, sa faatupula’ia pea le fiafia o tagata
i le fe’au o le toe afio mai. Na amata nisi o aulotu pe na o se ta’i 40
po o le 60 tagata, ae ua oo nei i le faitau selau ma le faitau afe isi [285]
aulotu. O se numera tele ua faaopoopo nei i le tele o aulotu; peitai
na i’u lava ina fetaui lenei au liua ma faafitauli. Ua faia e nisi o
ekalesia faasalaga i ē ua latou talia a’oa’oga a Mila. Na tusia e Mila
se faamatalaga i le pepa e tali atu ai i lenei tulaga faalēmanuia. Na
ia tusi i le au Kerisiano i ekalesia uma, ma ia fai atu i ai afai e sese
ana aoaoga, e ao ona latou faaiioa mai ia te ia lona sese mai le Tusi
Paia.
Fai mai upu a Mila, “E i ai ea se mea ua matou talitonu i ai e le o
ta’u mai i totonu o le Tusi Paia - le Tusi Paia lava lea ua tou fai mai
o le ta’iala e to’atasi o a tatou talitonuga ma a tatou mea e fai? O le a
sa matou mea ua fai ua fetuuina ai matou ma faia ai upu taufaaleaga
ia i matou i pulelaa o falesa ma faamatalaga i nusipepa? O le a sa
matou agasala ua talafeagai ai lo tou faate’aina ma le faasaina o i
matou mai a outou ekalesia? Afai ua matou sese, faamolemole ta’u
mai po o le a lea sese. Faasino mai ia i matou mai le afioga a le Atua
po o le a lo matou sese. Ua tele tauemuga; ae matou te le liliu ona o
tauemuga; na o le afioga lava a le Atua e mafai ai ona suia o matou
talitonuga. E lei faavavevavea le faiga o a matou filifiliga. Na faia ia
filifiliga ina ua matou manatunatu loloto i ai ma faia talosaga, ma
ua matou vā’ai i faamaoniga o ia mea mai le Tusi Paia”. (Ibid ē 250,
252.)
O uiga lava ia na faailoa e tagata i lapata’iga a le Atua na auina
mai e ala i Ana perofeta, i lea augatupulaga ma lea augatupulaga.
Na faapena ona faia e tagata a’o lumana’i le lolo. A’o lei oo mai le
lolo, sa mua’i auina mai e le Atua le lapata’iga e ta’u atu ai i tagata
le fuafuaga a le Atua ua fai, ina ia latou maua ai le avanoa latou te
liliu ese ai mai a latou amioleaga. E 120 tausaga o tuuina atu pea le
lapata’iga ina ia latou salamō ne’i faaumatia i latou i le to’asā o le
Atua. Peitai na pei o se fagogo ia i latou le fe’au o le lapata’iga, ma e
latou te lei talitonu i ai. Ua faama’a’aina i latou i a latou amioleaga
ma ua latou ula i le avefe’au a le Atua, ua latou taliē i ana olega, ma
ua latou molia ma tu’ua’ia o ia i lona fiapoto ma lona fiapule. Ua
latou fai ane, E faapefea lava ona faaiioa atu lona faafiapoto i luma
o tagata atamamai ma tagata maualuluga o le lalolagi? Afai e sa’o
le fe’au a Noa, aisea ua leiloa ai foi e le lalolagi nei mea ina ia latou
342
O Le Finauga Tele
talitonu i ai? E faapefea ona tu atu le poto o le to’atasi i le atamai
tuufaatasi o le afe ma afe? Latou te lei fia talitonu i le lapata’iga,
latou te lei fia o foi i totonu o le vaa ina ia latou sao ai.
Ua faatauemu le toatele ma ua latou tusilima faapea: e le o suia
lava le faagasologa mai o tau o le tausaga e pei ona masani ai, e le
o suia foi le lanumoana o le lagi, ma e lei vaai lava foi se isi o sau
se mea e ta’u o se timu mai le lagi, ma o lo o lanumeamata foi le
fanua ona o le sau i le po. Ua faapena ona latou tauemu ma fai mai,
“Ai o ni faata’oto a le toeaina”. Ua faapena foi ona latou fai mai o
le vale le failauga o le amiotonu, ma ua atili ai ona latou sa’ili’ili i a
[286] latou mea faafiafia, ma a latou amioleaga. Peitai e lei avea lo latou le
talitonu ma mea na taofia ai le oo mai o le lolo. Na onosa’i le Atua
i lo latou amioleaga ma avatu i ai avanoa e tele latou te salamō ai;
peitai, ina ua taunuu le taimi e pei ona valo’ia, na oo mai lava Lona
to’asa i luga o ē na latou teena Lona alofa tunoa.
Fai mai le fetalaiga a Keriso o le a faapea lava ona toatele le au
le talitonu i Lona afio faalua mai. E pei lava o aso o Noa latou te
lei iloa seia oo i le aso na sau ai le lolo ma ave’esea i latou uma, e
faapea foi pe a sau le Atali o le tagata. Mataio 24:39. E faia loa le soo
faatasi a le lalolagi ma ē ua fai mai o i latou o le fanau a le Atua; pe
a latou ola e pei o le lalolagi, ma ua latou faia faatasi ma le lalolagi
fiafiaga ua faasāina; pe a avea mealelei a le lalolagi o mealelei a le
ekalesia; a’o latou faiava ma nofotane ma faia fuafuaga mo ni olaga
manuia i lalo nei - o le taimi lea e faafuase’i ai e pei o le emo o le
uila le oo mai o le i’uga o a latou fuafuaga ma faamoemoega manuia
mo le lumana’i.
E pei lava ona auina mai e le Atua lana auauna na te avatua le
lapata’iga i le lalolagi e uiga i le lolo, ua faapena foi ona Ia auina
mai o Ana avefe’au filifilia latou te faailoa mai le lata tele mai o le
aso tele o le Alii. Ma e pei lava ona talip ma faatauemu tagata o lena
vaitaimi i valo’aga a le failauga o le amiotonu, na faapena foi ona
ulagia Mila e tagata o lona vaitaimi; e oo lava i ē ua fai mai o i latou
o le fanau a le Atua na latou faamāmāsagiaina upu o le lapata’iga.
Aisea na le fia faalogo ai ekalesia tetele i le fe’au o le toe afio
mai? Na o le oi ma le faatafunaga e oo ifo i manatu o ē amioleaga
pe a tā’ua le afio faalua mai; peitai o lenei fe’au e maua ai e le au
amiotonu le olioli ma le faamoemoe. Na avea lenei upu moni o le
faamoemoe o le fanau a le Atua i augatupulaga uma; aisea ua avea
Se Failauga O Le Toe Fuata’iga I Amerika
343
ai lea fe’au o se ’alā e tautevateva ai po o se papa foi e faalavelave i ē
ua faapea o le fanau a le Atua? O le Alii lava na faia Lana folafolaga
i Lona au soo ina ua Ia fetalai i ai, “Afai foi ou te alu ma sauni se
mea e nonofo ai outou, ou te toe sau, ou te talia foi outou ia faatasi
ma a’u”. Ioane 14:3. Na silafia e le Faaola le faanoanoa o le a oo ifo
i Ona soo; o lea na Ia auina mai ai agelu i le mutimutivale o Lona
alofa, ina ia avatu ia i latou le faamafanafanaga e ala i le ta’u atu
ia i latou o se tala fiafia, e mautinoa lava le toe foi mai o Keriso, e
pei lava ona latou vaai o afio a’e o Ia i le lagi. A’o tutū le au soo
ma sioa faanoanoa i le lagi ona o lo latou Matai ua toetoe lava mou
atu ma la latou vaai, ua latou tpte’i ina ua latou faalogo i le leo ua
faapea mai, “O outou tagata Kalilaia e, se a le mea tou te tutū ai ma
vaavaai atu i le lagi? O Iesu lena ua aveina a’e nai ia te outou i le
lagi, e faapea foi ona toe afio mai o ia, e pei lava o lona afio atu i
le lagi”. Galuega 1:11. Ua toe maua nei so latou faamoemoe ona o
le fe’au a le agelu. Na toe foi atu le au soo i Ierusalema ma le olioli
tele, ma ua faapena ona le te’a i latou ma le malumalu; ua latou faia
viiga ma le faafetai i le Atua. Luka 24:52, 53. Latou te le’i olioli
ona ua ave’esea Iesu ma i latou ma ua tuua na o i latou e fetaia’i ma [287]
puapuaga ma faaosoosoga; na latou olioli ona o le upu a le agelu ua
latou mautinoa ai o le a toe afio mai lava o Ia.
E tatau ona avea le folafolaga o le toe afio mai o Keriso o se talalelei e olioli tele ai, e pei lava ona olioli leoleo mamoe i Peteleema
ina ua folafola atu i ai e le agelu le talalelei o le fanau mai o Iesu.
O ē alolofa moni i le Faaola, o le a le taumatea lo latou olioli ona
o le folafolaga o le toe afio mai, auā o le afio mai o le ua avea ma
ogatotonu o lo latou faamoemoe mo le ola e faavavau; e le afio mai
ina ia inosia ma tuulafoa’ia ma teena e tagata, e pei o Lona ulua’i
faaali mai, ae afio mai i le mana ma le mamalu tele Na te faaolaina
ma lavea’ia Ona tagata. O ē le alolofa i le Faaola, o i latou ia latou te
le manana’o i le afio mai o Iesu. O le ita ma le le fiafia o ekalesia ona
o le fe’au faalelagi o le toe afio mai, o se molimau faamaoni lava lea
e iloa ai ua latou se mamao ese ma le Atua.
O ē na latou talia le fe’au o le toe afio mai, ua fagua nei i latou
i mea e ao ona latou faia - 6 le salamō ma le faamaulalo i luma o le
Atua. Ua leva ona faaletonu nisi i le va o Keriso ma le lalolagi; peitai
ua latou lagona nei e ao ona latou tula’i atu e fai le mea sa’o. “Ua
latou lagona nei le tāua tele o mea faaleagaga ma le ola e faavavau,
344
O Le Finauga Tele
o se lagona latou te lei masani ai. Ua peiseai ua latalata mai le lagi,
ma ua latou lagona ai lo latou eleelea i luma o le Atua.” (Bliss, p.
146.) Ua toe maua se ola fou faaleagaga e le au Kerisiano. Na latou
lagona le sa’asa’a o le taimi o totoe; le mea e ao ona latou faia mo o
latou uso-a-tagata, e ao ona latou faia ma le faanatinati. Ua peiseai
ua mamao atu i tua le tu mai o le lalolagi, a ua matala mai i o latou
luma le ola e faavavau. Ua leai se isi mea na sili a’e lona tāua nai lo
le lumana’i o le agaga o le tagata - o le manuia po o le malaia. Na i o
latou luga le Agaga o le Atua Na te faa’auupegaina i latou a’o latou
ole atu i o latou uso faapea tagata agasala, ina ia latou sauniuni mo
le aso tele o le Atua. Na avea o latou olaga o se a’oa’iga le leoa i
tagata ekalesia ua Kerisiano na o le igoa aunoa ma le ola faapaiaina.
E lei manana’o i latou nei e faalavelave atu se isi i lo latou sa’iliga o
mea faafiafia, po o lo latou sa’ilia o le tupe ma tulaga-tofi ma viiga.
O le pogai lea o lo latou tetee i le fe’au o le toe afio mai atoa ma ē
na folafolaina lea fe’au.
Na le mafai e fili o le fe’au o le toe afio mai ona latou tali i le
tonu ma le sa’o o le upu o le valo’aga; o le mea lea ua latou fai atu
ai i tagata o valo’aga o ni mea e le malamalama i ai se tagata ona ua
tapunia ma faamaufaailogaina. Na faapena ona mulimuli atu o le au
Porotesano i tulagavae o le ekalesia Roma. Na taofia e le ekalesia
Roma le Tusi Paia mai tagata; peitai ua fai mai lotu Porotesano e le
mafai e se isi ona malamalama i se tasi o vaega tāua o le Tusi Paia
- le vaega o lo o faaalia mai ai upu moni e faatatau tonu i le vaitaimi
ua tatou ola ai.
Fai mai faife’au atoa ma tagata o valo’aga o le tusi a Tanielu atoa
ma le Faaaliga o ni mealilo ia e le mafai ona tatou malamalama i ai.
Peitai na faatepa e Iesu mata o Lona au soo i upu a le perofeta o
[288] Tanielu e faatatau i mea o le a tutupu i lo latou taimi, ma sa Ia fetalai
atu, “Ia malamalama soo se tasi e faitau i ai”. Mataio 24:15. Ua latou
fai mai o se mealilo le tusi o Faaaliga, o se tusi e lei finagalo le Atua
tatou te malamalama i ai. Peitai ua matuā le fetaui lea faamatalaga
ma le igoa o le tusi. Fai mai le igoa o le tusi ma ona upu amata: “O
le Faaaliga a Iesu Keriso, na tuuina atu e le Atua ia te Ia ina ia faaali
mai i Ana auauna o mea e tusa ona vave oo mai. ...Amuia le faitau
atoa ma ē faalogologo i upu o lenei valo’aga, ma tausi i mea ua tusia
ai; auā ua latalata ona po”. Faaaliga 1:1-3.
Se Failauga O Le Toe Fuata’iga I Amerika
345
Fai mai le perofeta, “Amuia le faitau”. E toatele e le fia faitau i ai;
latou te le maua le faamanuiaga ua folafola mai. “Ma ē faalogologo”
- e i ai foi nisi e le fia faalogo i soo se mea e uiga i valo’aga. E le
maua foi e le vasega lenei le faamanuiaga. “Ma tausia i mea ua tusia
ai” - e toatele latou te le fia usitai i lapata’iga ma a’oa’oga ua i totonu
o le Faaaliga; e le maua foi e i latou nei le faamanuiaga ua folafolaina
mai. O i latou uma o ē tauemu i mata’upu o le valo’aga ma a’amu
ma ula i upu faa-faatusa o le valo’aga, o i latou uma o ē mumusu e
faafouina o latou olaga ma sauniuni mo le afio mai o le Atalii o le
tagata, latou te le maua le manuia.
E faapefea ona faafiapopoto tagata ma latou fai mai o le Faaaliga
o se mealilo e le oo i ai se malamalama’aga o se tagata, a ua taatia i
o latou luma le molimau faamaoni a le Tusi Paia? O le Faaaliga o se
mealilo ua faaalia, o se tusi ua tatala. O le su’esu’eina o le Faaaliga
e faasino ai mafaufau o tagata i valo’aga o le tusi o Tanielu; ma ua
tuuina mai e nei tusi e lua ni a’oa’oga e silisili ona tāua, ni a’oa’oga
ua tuuina mai e le Atua i tagata e faatatau i mea o le a tutupu i aso o
le i’uga o lenei lalolagi.
Na faaiioa atu ia Ioane ni vaaiga tāua ma le faafiafialoto e uiga
i le olaga o le ekalesia. Na ia vaai i le tulaga moni o le fanau a le
Atua, faapea ma mea ua ono lamatia ai i latou; na ia vaai i o latou
puapuaga, atoa ma le lavea’iga mulimuli o le fanau a le Atua. Na
ia tusia fe’au mulimuli o le a saunia ai tagata mo le seleselega o le
lalolagi - o nisi o le a avea o fusisaito mo le falesaito faalelagi, a’o
isi o le a fusifusia mo le afi o le faatafunaga. Na faaalia atu ia Ioane
mata’upu e silisili ona tāua mo le ekalesia, ae maise lava le ekalesia
mulimuli, ina ia mafai ai e i latou o ē liliu i le upu moni ona latou
iloa mailei ma puapuaga ua taatitia mai nei i o latou luma. E leai
se mea o le a saga nofo pogisa ai fua soo se tasi e uiga i mea o le a
tutupu mai i le lalolagi.
Aisea la ua valelea ai le toatele e uiga i se tasi o vaega aupito tāua
o le Tusi Paia? Aisea ua o taofiofi ai le toatele pe a oo i le su’esu’ega
o valo’aga? Ua tupu mai lenei tulaga ona o le galuega fuafuaina lelei
a le alii o le pouliuli, ina ia natia i tagata soo se mea e faaaliali a’e ai
i luga ana mea taufaasese. Na silafia e Keriso le taua o le a tupu mai
ona o le su’esu’ega o le Faaaliga, auā o Ia lava na Na tuuina mai le
Faaaliga. O le mea lea na Ia folafolaina mai ai se faamanuiaga ia i
346
O Le Finauga Tele
latou uma o ē faitau, ma i latou o ē faalogo, ma i latou uma o ē tausi
[289] i upu o lenei valo’aga.
Mataupu 19—O le Malamalama I Le Mea Pogisa
Ei ai ni mea e tulaga tutusa ai le galuega a le Atua i soo se tupulaga, ae maise faagaioiga tetele o le galuega o le toe fuata’iga ma
le olaga faafouina. O auala ua faaaoga e le Atua e fesootai mai ai
i tagata, e tutusa i tupulaga uma. O faagaioiga tetele faaleagaga ua
tatou vaai i ai i le taimi nei, na i ai foi faagaioiga faapea i le taimi
ua mavae. O mea na tutupu i le ekalesia i augatupulaga ua mavae,
tatou te maua mai ai ni lesona aogā mo i tatou i le taimi nei.
Ua ta’ita’ia faapitoa e le Atua Ana auauna i osofa’iga tetele uma
i le lalolagi, auā le au’iluma o le galuega o le faaolataga. E leai se
isi aoaoga ua sili ona manino i le Tusi Paia nai lo lenei upu moni.
O tagata, ua na o ni meafaigaluega i latou i aao o le Atua, auā le
faataunuuina o Lona finagalo alofa. E tofu le tagata ma lana vaega
e fai; ua ta’itoatasi ona avatu ia i latou e le Atua se malamalama e
tusa ai ma mana’oga o le vaitaimi na latou ola ai, o se malamalama
foi e talafeagai ma le galuega ua tofia ai i latou e le Atua. Ae peitai,
po o le a lava le alofagia o se tagata e le lagi, e leai se tasi ua na
malamalama atoatoa i le fuafuaga tele o le faaolataga. E leai foi se
isi ua malamalama atoatoa i le fuafuaga faalelagi mo le galuega a
le Atua, i le vaitaimi ua ia ola ai. E le malamalama atoatoa tagata
i fuafuaga a le Atua e uiga i le galuega ua Ia avatu latou te faia; e
le mafai foi ona latou faavasegaina vaega eseese uma o le fe’au ua
tuuina atu latou te tala’ia i Lona suafa.
“E mafai ea ona e maua le Atua i au sa’iliga? E mafai ea ona
e malamalama atoatoa i le ona le malosi uma lava?” “Auā o o’u
manatu e le o outou manatu, o o’u ala e le o outou ala, ua fetalai mai
ai Ieova. Auā e pei ona sili ona maualuga o le lagi i le lalolagi, ua
faapea ona sili ona maualuga o o’u ala i o outou ala, ma o’u manatu
e sili i o outou manatu.” “O a’u o le Atua, e leai lava se tasi; o le
Atua, e leai se ma te tutusa; ou te faaali atu talu mai le amataga, o
mea o le a tutupu mai; mai anamuā foi o mea o le a faia.” Iopu 11:7;
Isaia 55:8, 9; 46:9, 10.
347
348
O Le Finauga Tele
E oo lava foi i le au perofeta o ē na tuua i ai se malamalama
faapitoa e le Agaga Paia, latou te lei malamalama atoatoa i le tāua o
[290] le faaaliga na avatu ia i latou. Na finagalo le Atua ina ia auaua’i le
tuuina mai ia i latou o le uiga o ia mea; e tuuina mai i le vaitaimi tonu
e mana’omia ai e le fanau a le Atua aoaoga o lo o afifi mai totonu o
ia faaaliga.
A’o faamatalaina e Peteru le faaolataga e pei ona faaalia mai i
le talalelei, na faapea mai o ia, Na tau sa’ili’ili ma su’esu’e le au
perofeta i lenei faaolataga, “o e na valo’ia mai le alofa tunoa e oo ia
te outou; o ē na su’esu’e ma sa’ili’ili ma le faaeteete po o le a tonu le
taimi o tiga ma puapuaga o Keriso, atoa ma le mamalu e mulimuli
mai ai, e pei ona valo’ia mai e le Agaga na galue i totonu ia i latou;
e lei faaalia nei mea ia i latou mo lo latou lava lelei, a’o i tatou”. 1
Peteru 1:10-12.
Peitai, e ui lava e lei malamalama atoatoa le au perofeta i mea
na faaalia atu ia i latou, na latou sa’ili’ili ina ia latou maua ave uma
o le malamalama na finagalo le Atua Na te faaalia mai. Na latou
su’esu’e ma sa’ili’ili ma le faaeteete po o le a tonu le taimi o tiga
ma puapuaga o Keriso, e pei ona valo’ia mai e le Agaga na galue i
totonu ia i latou. O lo o i ai se lesona i inei mo le fanau Kerisiano a le
Atua, o ē aogā tonu i ai valo’aga na tuuina mai e le Atua e ala i Ana
auauna. “Na faaalia nei mea i le au perofeta, ina ia latou galulue ai
mo i tatou, ae lē mo i latou lava.” Faauta i le au perofeta a le Atua a’o
latou “su’esu’e ma sa’ili’ili ma le faaeteete” i faaaliga na tuuina atu
ia i latou, mo augatupulaga amuli e lei fananau mai. Ona faatusatusa
lea o lo latou ma’elega paia, ma uiga faapaie ma le faalepopole na
faaalia i lenei meaalofa a le lagi, e augatupulaga na mulimuli mai.
O se a’oa’iga lava lenei mo le toatele o le au faapaie, o ē fiafia i le
lalolagi ae faalepopole i mea faaleagaga, o ē ua nonofo faafifilemu
ma fai mai e lē mafai ona malamalama se isi i valo’aga.
E moni e lē mafai e mafaufau pūmoomoo o tagata ona malamalama i le finagalo paia o le Silisili Ese, pe malamalama atoatoa
foi i le faataunuuga o Ana fuafuaga. Ae peitai o le tele o taimi e ala
ona latou faanenefu ma lē malamalama i fe’au a le Lagi, ona o lo
latou faatalalē po o lo latou faatamala. Ae le gata i lea, e tele taimi
e pogisa ai mafaufau o tagata, po o auauna lava foi a le Atua, ona o
manatu faaletagata po o uputuu ma aoaoga sese a tagata, ma ua le
mafai ai ona latou malamalama atoatoa i aoaoga taūa ua faaalia mai
O le Malamalama I Le Mea Pogisa
349
e le Atua i Lana afioga. Na faapena foi le au soo o Keriso e ui lava
na latou faatasi ma le Faaola i le tino. Na tumu o latou mafaufau i
le talitonuga taatele o lea vaitaimi, e uiga i le afio mai o le Mesia.
Na manatu i latou o le Mesia o se tamalii faalelalolagi, o lē o le a
Na faaeaina Isaraelu e avea o le malo latou te pulea le lalolagi. O ia
mea uma na faigata ai ona latou malamalama i le uiga o fetalaiga a
Keriso e faatatau i Ona puapuaga ma Lona maliu.
Na auina atu i latou e Keriso ma le fe’au, “Ua oo mai ona po,
ua latalata mai le malo o le Atua; inā salamō ia, ma talitonu i le
talalelei”. Mareko 1:15. Na faavae lea fe’au i le valo’aga o le Tanielu
e 9. Fai mai le agelu e oo atu le 69 vaiaso i le Mesia le Alii. Na
faapena ona fiafia ma olioli le au soo a’o latou tulimata’i atu i le aso [291]
e faatūina ai le malo o le Mesia i Ierusalema, le malo o le a pule
aoao i le lalolagi.
Na latou folafolaina le fe’au na tuuina atu ia i latou e Keriso,
e ui lava latou te lei malamalama i lona uiga moni. Na faavae la
latou folafolaga o le Mesia i luga o le Tanielu 9:25; peitai latou te
lei vaai i le fuaipu e sosoo ai o lo o ta’u mai ai o le a fasiotia le
Mesia. Talu mai lava le taimi na latou fananau ai, sa taula’i atu la
latou vaai ma faanaunauga o o latou loto i le mamalu o se malo
faalelalolagi. Ua avea lea ma faapogai na tauaso ai o latou mafaufau
i mea ua tuuma’oti mai e le valo’aga, ma ua latou le malamalama ai
foi i fetalaiga a Keriso.
Na latou faia le mea e ao ona fai i lo latou avatua o le valaau o le
alofa tunoa i le nuu o Iutaia. Ona oo lea i le taimi na latou manatu
ai o le a nofoia e Keriso le nofoalii o Tavita; peitai ua latou vaaia ua
pu’eina lo latou Alii ua pei o.se pagota, ua latou sasa ma tauemu ia
te Ia, ua latou faasala ia te Ia i le sala o le oti, ma ua latou faasatauro
ia te Ia i Kalevario. Na mafatia le au soo i le atuatuvale ma le tiga
matuitui, i aso na tōfā ai lo latou Alii i le tuugamau.
Na afio mai Keriso i le taimi tonu e pei ona valo’ia mai. Na
faataunuuina foi isi valo’aga uma e faatatau i Lona fanau mai.
Na faataunuuina le upu o le valo’aga i vaega ta’itasi uma o Lana
galuega. Na Ia folafolaina le fe’au o le faaolataga, ma sa i ai le mana
i Ana fetalaiga. O ē na faalogo ia te Ia na latou molimau ma ioe o
Lana fe’au e mai le lagi. Na faamaonia e le Agaga Paia ma le afioga
a le Atua o Ia na auina mai le lagi.
350
O Le Finauga Tele
Na piimau atu pea le au soo i se alofa le mavae i lo latou Alii
pele. Ae peitai na ufitia o latou mafaufau i ni masalosaloga ma le
faaletonu. Latou te lei manatua i lea taimi o le faanoanoa, le fetalaiga a Keriso e faatatau i Lona puapuaga ma Lona maliu. Afai o le
Mesia moni Iesu le Nasareta, aisea ua latou tigaina ai faapenei i le
faavauvau ma faamoemoe ua le taulau? O le fesili lea na faatāugāina
o latou loto i itula pogisa o lena Sapati a’o i ai le Faaola i le tuugamau.
E ui lava i le pogisa o le agaga faavauvau na ufitia ai le au soo o
Iesu, e lei tuulafoa’ia i latou. Fai mai le perofeta, “E ui lava ina ou
nofo i le pouliuli, a’o Ieova o lo’u malamalama Ia. ...Na te faaooina
a’u i le malamalama, ou te iloa Lana amiotonu”. “Auā o le pouliuli
e le pouliuli lava lea ia te oe; e malamalama le po e pei o le ao; e
tusa lava ia te oe le pouliuli ma le malamalama.” Na fetalai le Atua:
“E alu a’e le malamalama i le pouliuli mo e ua amiotonu”. “Ou te
ta’ita’iina ē ua tauaso i le ala sa latou le iloa; ou te aumaia i latou
i magaala sa latou le iloa; ou te liua le pouliuli i le malamalama i
o latou luma, ma ala pi’opi’o e fai ma ala sa’o; o mea lava ia ou te
faia ia te i latou, ou te le lafoa’iina foi i latou.” Mika 7:8, 9; Salamo
139:12; 112:4; Isaia 42:16.
Na sa’o vaega ta’itasi uma o le fe’au na folafolaina e le au soo
[292] i le suafa o le Alii; na tutupu i lea lava taimi nisi o mea na valo’ia
mai i le fe’au na latou folafolaina. Na latou folafola atu, “Ua oo i le
faa’atoaga o tausaga, ua latalata mai le malo o le Atua”. Na faau’uina
Keriso e le Agaga ina ua mae’a Lona papatisoga na faia e Ioane i le
Ioritana. Na faia lenei faauuga ina ua atoa le 69 vaiaso o le valo’aga
o le Tanielu e 9, le 69 vaiaso lea na fai mai le valo’aga e oo atu i le
Mesia le Alii, o le ua Faauuina. Ae le gata i lea, o le malo o le Atua
lea sa latou folafolaina ua latalata mai, lenei ua faatūina e ala i le
maliu o Keriso. E le o se malo faalelalolagi lenei e pei ona a’oa’oina
ai i latou. E le o le malo e faavavau foi lenei e pei ona valo’ia mai i
le Tanielu 7:27, le malo e faatūina “pe a tuuina atu i le au paia a le
Silisili Ese le malo ma le pule, atoa ma le mamalu o le malo i lalo
ifo o le lagi uma”, le malo e faavavau o le a “auauna ma usitai ai ia te
Ia o pule uma lava”. Ua faaaogāina i le Tusi Paia le soāfaitau “malo
o le Atua” e ta’u mai ai le malo o le alofa tunoa atoa ma le malo o
le mamalu. Ua faaiioa mai e Paulo le malo o le alofa tunoa i le Tusi
i tagata Eperu. Ua uma ona faatepa i tatou e le aposetolo ia Keriso,
O le Malamalama I Le Mea Pogisa
351
le fautua alofa mutimutivale, o le ua “tiga alofa faatasi ma i tatou
i o tatou vaivai”, ona fai mai lea o le aposetolo: “O le mea lea ia
tatou faalatalata atu ai ma le faamalosi i le nofoalii o le alofa tunoa,
ina ia alofaina ai o i tatou, ia maua ai foi le alofa”. Eperu 4:15, 16.
O le “nofoalii o le alofa tunoa” o le faatusa lea o le malo o le alofa
tunoa, auā o le nofoalii e ta’u mai ai e i ai se malo. Na faaaogāina
foi e Keriso i le tele o Ana faataoto le soafaitau “o le malo o le lagi”
e ta’u mai ai le galuega a le Agaga Paia i loto o tagata.
O le nofoalii foi o le mamalu o le faatusa lea o le malo o le mamalu; ma ua faaiioa mai lea malo ina ua fetalai le Faaola: “Pe a sau le
Atali o le tagata i Lona mamalu, ma le au agelu paia uma faatasi ma
Ia, ona ti’eti’e ai lea o Ia i Lona nofoalii mamalu; e faapotopotoina
foi i Ona luma o nuu uma lava”. Mataio 25:31, 32. O lo o lumana’i
pea lenei malo. Faato’ā faatūina lea malo i le taimi o le afio faalua
mai o Keriso.
Na amatalia taualumaga o le malo o le alofa tunoa ina ua pa’ū le
tagata, ina ua faia se fuafuaga mo le faaolataga o le tagata agasala.
Ona faaauau ai lea o lea malo e ala i le finagalo o le Atua atoa ma
Lana folafolaga; ma o le faatuatua e mafai ai ona avea soo se tasi
ma tagatanuu o lea malo. Peitai faato’ā faatūina lenei malo ina ua
maliu Keriso. E oo lava i le taimi ina ua amatalia Lana galuega i le
lalolagi, na mafai lava ona fulitua le Faaola i le taulaga i Kalevario
pe ana mana’o i ai o Ia, ona o le loto ma’a’a ma le agaga le faafetai
o tagata. Na gatete le ipu o faanoanoaga i Lona aao i Ketesemane.
Ana finagalo i ai le Faaola, na mafai lava foi ona soloi’esea le afutoto
nai Ona fofoga ona tia’i ai lea o le fanau a tagata e fano ai i a latou
agasala. Ana faia faapea e Keriso, semanū e leai se faaolataga mo
le tagata agasala. Peitai ina ua tuuina atu e le Faaola Lona soifua,
ma ua Ia alaga ai, “Ua taunuu”, ma ua to Lana mānava, ona faato’ā
mautinoa ai lea o le taunuuga o le fuafuaga o le faaolataga. O inā
na taunuu ai le folafolaga o le faaolataga na faia ia Atamu ma Eva i [293]
Etena. O inā na faatūina ai le malo o le alofa tunoa, le malo sa na’o
se folafolaga a’o lei maliu le Faaola.
Na vā’ai ma le faanoanoa le au soo i le maliu o Keriso; na latou
manatu ua malepelepe ai i inā lo latou faamoemoe. Peitai ua avea
Lona maliu ma mea ua mautinoa ai o le a faatinoina lo latou faamoemoe. E moni na latou puapuaga ona o faamoemoe ua le taulau; peitai
o le maliu o Keriso na avea lea ma taualuga o molimau na faamaonia
352
O Le Finauga Tele
ai le sa’o o lo latou talitonuga. Na latou faanoanoa ma ua pei o nisi
ua leai so latou faamoemoe; peitai na avea le maliu o Keriso o se
ki na tatalaina ai le faitoto’a o le faaolataga mo atali uma o Atamu;
o le maliu foi o Keriso na taula i ai ma faalagolago i ai le olioli e
faavavau o le fanau faamaoni a le Atua i tupulaga uma.
Ua oo mai le faataunuuga o le finagalo alofa o le Atua, e ui lava
ua lē taulau ai le faamoemoe o le au soo. Na tosina o latou loto ia
te Ia ona o le alofa tunoa faalelagi ma le mana o ana aoaoga, auā “e
leai ma se isi ua latou faalogo o tautala faapea”. Ae peitai na fefiloi
le auro mamā o lo latou alofa mo Iesu, ma uiga leaga o le lotovii ma
le naunau i mamalu ma tulaga-tofi. E oo lava i le taimi o le Paseka
i le afeafe aupito aluga, le taimi na amata ufitia ai le Faaola i le ao
pogisa o Ketesemane, e oo atu lava i lena taimi o “fefinaua’i pea lava
le au soo po o ai so latou e sili”. Luka 22:24. E oo atu lava i lea taimi
o laualuga lava i o latou mafaufau le nofoalii, ma le palealii, ma le
mamalu; ma ua latou tauaso ai i mea ua taatitia mai nei i o latou luma
- o le masiasi ma le tiga mafatia i Ketesemane, o le potu faamasino
atoa ma le satauro i Kalevario. Na avea lo latou lotovii, ma lo latou
naunau mamalu ma ala na latou piimau atu ai i talitonuga sese o
lena vaitaimi, ma ua latou le amana’iaina ai fetalaiga a le Faaola e
faatatau i le uiga moni o Lona malo, ma Ana fetalaiga e faatatau i
Lona puapuaga ma Lona maliu. O ia talitonuga sese na oo mai ai le
tofotofoga - o se mea tiga ae na latou mana’omia, ma sa faatagaina
e le Atua mo lo latou a’oa’iga. E ui lava na latou le malamalama i le
uiga moni o la latou fe’au, e ui lava ua le taulau o latou faamoemoe,
ae na latou folafolaina le lapata’iga na tuuina atu ia i latou e le Atua,
ma sa finagalo le Atua ina ia tauia lo latou faatuatua ma lo latou
usitai. O i latou na tuuina aloa’ia atu i ai le folafolaina i nuu uma
o le talalelei matagofie o le toe tu mai o lo latou Alii. Na avea le
tofotofoga matuitui na oo ia i latou ma auala na sauniunia lelei ai i
latou mo lenei galuega.
Ua mavae Lona toe tu mai, ona faaali lea o Iesu i Ona soo i le
auala i Emau, “ona faamatala ai lea e Ia ia te i la’ua o mea ua tusia
ia te Ia i Tusi uma, na amata mai ia Mose atoa ma le au perofeta
uma”. Luka 24:27. Ua faaosofia le fiafia o nei soo. Ua fagua lo la
faatuatua. Ua toe fanau mai se faamoemoega fou ia i la’ua a’o le’i
faaali atu Iesu ia i la’ua. Na finagalo Iesu ina ia faapupulaina o la
[294] mafaufau, ma taula lo la faatuatua i le “upu o le valo’aga e sili lona
O le Malamalama I Le Mea Pogisa
353
mausali”. Na finagalo o Ia ina ia loloto le alu ifo o a’a o le upu moni
i o la mafaufau, e le ona ua faamaonia i Lana molimau, ae ona o
faamaoniga maumaututū ua tuuina mai e ala i ata ma faatusa o faiga
taulaga i le tulafono a Mose atoa ma valo’aga o le Feagaiga Tuai. Na
mana’omia ina ia malamalama lelei le au soo i lo latou faatuatuaga
- e le gata mo lo latou lava lelei, ae ina ia mafai ai ona latou tala’ia
atu Keriso i le lalolagi. Na faatepa e Iesu nei soo ia “Mose ma le au
perofeta uma”, e avea o le laasaga muamua i la latou sauniuniga mo
lenei tala’iga. O le ta’utinoga lenā a le Faaola i Lona toe tu mai, ma
ua fai lea ma molimau o le tāua ma le aogā o Tusitusiga o le Feagaiga
Tuai.
Faauta i se liuga uiga ese ua oo i loto o nei soo ina ua la toe
vaavaai atu fofoga alofa o lo la Matai! Luka 24:32. Faato’ā la maua
atoatoa lea o le na molimau mai i ai Mose i le tulafono, atoa ma le
au perofeta. Ua liua nei lo latou fememea’i, lo latou atuatuvale ma le
loto momomo, i le savali ma le mautinoa, i le faatuatua ua mausali.
O se mea e ofo ai ina ua mavae Lona afio a’e i le lagi, ona “sa le
te’a i latou ma le malumalu, sa fai ai a latou viiga ma le faafetai i le
Atua”. Na o le maliu faalumaina o le Faaola na iloa e tagata; o le mea
lea na latou manatu ai o le a ō atu le au soo ma ni foliga faanoanoa,
foliga fememea’i ma le to’ilalo. Peitai na latou vaaia na o le olioli
ma foliga o le manumalo. E ma’eu le tāua o le sauniuniga na maua
e le au soo mo le galuega ua i o latou luma. Na tofotofoina i latou i
le tofotofoga e sili ona faigata e gata mai ai lo latou malosi; na latou
vaai i le tu manumalo mai o le afioga a le Atua, i le ituaso na foliga
mai ai i le vaai faaletagata ua leai se faamoemoe. O le a nei se mea
o le a mafai ona toe faavaivai ai lo latou faatuatua pe faaitiitia ai le
malosi o lo latou alofa? Ua latou maua se faamafanafanaga tumau
mo taimi o tiga matuitui, ua ia i latou se faamoemoe e “pei o se taula
o le agaga, e le matosina ma ua mausali”. Eperu 6:18, 19. Sa latou
molimauina le poto ma le mana o le Atua, ma sa latou “mautinoa, e
le mafaia e le oti po o le ola, po o agelu, po o alii, po o e malolosi, po
o mea i nei ona po, po o mea atali po o le maualuga, po o le loloto,
po o se tasi mea na faia”; e le mafaia e nei mea uma ona ave’esea i
latou mai “le alofa o le Atua o lo o ia Keriso Iesu”. Ua latou fai mai,
“A ua tatou manumalo a’ia’i i nei mea uma lava, ona o Ia ua alofa
mai ia te i tatou”. Roma 8:38, 39, 37. “A’o le afioga a le Alii e tumau
lea e faavavau lava.” 1Peteru 1:25. “A’o ai ea se na te faasalaina mai?
354
O Le Finauga Tele
O Keriso o Ia na maliu, a ua toe tu mai o Ia; o lo o i le itu taumatau
o le Atua, o lo o fautua foi o Ia mo i tatou.” Roma 8:34.
Ua fetalai mai le Alii: “E le mā foi lo’u nuu e faavavau”. Ioelu
2:26. “E afe ane le tagi i le afiafi, a’o le alaga fiafia i le taeao.” Salamo
30:5. E i ai faigata ma puapuaga, atoa ma le oti faamaturo o le a
faafeagai ma le au soo i la latou galuega, e pei lava ona feagai ai ma
lo latou Matai. Peitai, faamata o le a tuua e lenei au soo le galuega
o le talalelei, ma le “pale o le amiotonu” latou te maua i Lona toe
[295] afio mai, ona o le mamalu o se nofoalii faalelalolagi - le nofoalii lea
na taula’i i ai lo latou faamoemoe i se vaitaimi ua mavae? Faamata
o le a latou sa’ili pea i ia mamalu a ua latou feiloa’i ma le Faaola i
le aso o Lona toe tu mai, ma mu ai o latou loto a’o latou faalogo i
Ana fetalaiga? Faamata o le a latou sa’ilia pea ia mamalu a ua latou
vaai i Lona ao ma Ona aao na faamomomoina mo i latou? Faamata
o le a latou sa’ilia pea ia mamalu a ua ta’ita’ia i latou e Iesu sei oo i
Petania a’o lumana’i ai Lona afio a’e i le lagi, ona sisii a’e lea o Ona
aao ma faamanuia ia i latou, ma fetalai atu ia i latou, “O atu ia outou
i le lalolagi uma, inā tala’i atu ai le talalelei”, ona toe fetalai atu lea,
“Faauta foi ou te ia te outou i aso uma lava”? Faamata o le a latou
sa’ilia pea ia mamalu ma tuua ai le galuega o le talalelei a ua afio ifo
le Agaga Paia i le Aso Penetekoso, ma ua latou maua ai le mana mai
lugā, ma ua olioli ai le au faatuatua ona o le faamafanafanaga mai lo
latou Alii ua afio a’e nei i le lagi? Ua tuuina atu e le Atua ia i latou le
avanoa o le mafutaga faatasi ma Ia i Ona tigā, le mafutaga faatasi ma
Ia i Lona olioli. O le olioli lea e maua i le aumaia o atalii e toatele i le
manuia, o se olioli e le mafaamatalaina, o se mamalu e matuā silisili
ese, e oo i le faavavau. Fai mai Paulo o le puapuaga māmāsagia o
le taimi nei e vave ona mavae, ma e le mafai ona faatusaina ma le
manuia atali.
Na foliga tutusa le folafolaina e le au soo o le “talalelei o le malo”
i le ulua’i afio mai o Keriso, ma le folafolaina o le fe’au o le afio
faalua mai i le vaitaimi o Viliamu Mila. Pei lava ona o atu le au soo
ma folafola atu, “Ua oo mai le ituaso, ua latalata mai le malo o le
Atua”, na faapena foi ona o atu Mila ma ana uo ma ua latou ta’u
atu ua lata mai le i’uga o le vaegataimi faavalo’aga aupito umi i le
Tusi Paia, ua lata mai le faamasinoga ma le to’asa o le Atua, ma ua
lata ona faatūina o le malo e faavavau. Na faavae le fe’au a le au soo
i luga o le 70 vaiaso o le valo’aga o le Tanielu e 9. Na folafolaina
O le Malamalama I Le Mea Pogisa
355
e Mila ma ana uo le taimi e muta ai le 2300 aso o le valo’aga o le
Tanielu 8:14, ma o le 70 vaiaso o se vaega o le 2300 aso. Na faavae
nei fe’au e lua i luga o le faataunuuga o vaega eseese o le valo’aga e
tasi.
E lei malamalama atoatoa le au soo i le uiga moni o le fe’au na
latou folafolaina. E lei malamalama foi Mila ma ana uo i le uiga
moni o le fe’au na latou tau’aveina. Ua leva ona mautu aoaoga sese
i totonu o le ekalesia, ma ua avea lea ma mea na faigata ai ona latou
maua le uiga sa’o o se tasi o vaega tāua o le valo’aga. Na faapena
ona latou folafolaina o le fe’au na tuuina atu e le Atua latou te avatu
i le lalolagi. Peitai o lo latou le malamalama tonu i le uiga moni o
lea fe’au, o le pogai lea na oo ai le mafatia tele ia i latou ina ua le
taunuu lo latou faamoemoe.
“Seia atoa afiafi ma taeao e lua afe ma le tolu o selau, ona faapaiaina ai lea o le malumalu.” Tanielu 8:14. Na talia e Mila le talitonuga taatele i lea vaitaimi e faapea o le malumalu o le lalolagi lea,
ma o le pogai lea na ia talitonu ai o le faamamāina o le malumalu o
le faamamāina lea o le lalolagi i le afi pe a afio mai Iesu. Na maua [296]
loa e Mila le tausaga faai’u o le 2300 aso, na faapena loa ona manatu
o ia o le tausaga tonu lea e toe afio mai Iesu. Na pogai lona sese ona
ua ia talia le talitonuga taatele o lena vaitaimi e faatatau i le uiga o
le malumalu.
O le faamamāina o le malumalu o le sauniga faai’u lea o le
tausaga, na faia e le faitaulaga sili i le vaitaimi o faiga taulaga i lalo
ifo o le tulafono a Mose. O ia faiga taulaga o se ata lea o le taulaga
a Keriso atoa ma Lana galuega faafaitaulaga. O le faamamāina o
le malumalu o le sauniga faai’u lea o le galuega o le togiola - o le
taimi lea e ave’esea ai le agasala mai le nuu o Isaraelu. O le ata lava
foi lea o le sauniga faai’u i le galuega a lo tatou Faitaulaga Sili i le
lagi - o le taimi lea e ave’esea ai pe soloi’esea ai agasala a Lona
nuu, agasala sa faamaumauina i tusi a le lagi. O lea galuega e aofia
ai se su’esu’ega, po o se galuega o le faamasinoga; ma o le galuega
mulimuli lea e fai ona afio mai loa lea o Keriso i ao o le lagi i le mana
ma le mamalu tele. E 00 atu i lea taimi ua mae’a ona faia o faai’uga
o le faamasinoga mo tagata ta’ito’atasi. Na fetalai mai Iesu: “Ua ia
te a’u foi le taui, ou te taui ta’itasi atu ai e tusa ma lana amio ua fai”.
Faaaliga 22:12. O le faamasinoga lea o lo o folafola mai i le fe’au a
356
O Le Finauga Tele
le ulua’i agelu i le Faaaliga 14:7: “Ia outou matata’u i le Atua, ma
avatu ia te Ia le viiga; auā ua 00 mai le ituaso o Lana faamasinoga”.
O e na folafolaina lenei fe’au o le lapata’iga, na latou avatua le
fe’au sa’o i le taimi sa’o. Peitai e pei lava ona fai atu le au soo, “Ua
00 mai le ituaso, ma ua latalata mai le malo o le Atua”, ae latou te
lei iloa o lo o valo’ia mai le maliu o le Mesia i lea lava mata’upu; na
faapena foi ona folafola atu e Mila ma ana uo le fe’au e tusa ai ma
le Tanielu 8:14 ma le Faaaliga 14, ae latou te lei iloa o lo o i ai ma
isi fe’au i le mataupu e 14 o le Faaaliga, fe’au e ao ona folafolaina
a’o lumana’i ai le afio mai o le Alii. Na sese le au soo i le uiga o
le malo e faatūina i le faai’uga o le 70 vaiaso; na sese Mila ma ana
uo i le uiga o le mea o le a tupu i le faai’uga o aso e 2300. Na talia
e le au soo talitonuga sese na taatele i lena vaitaimi - talitonuga na
tauaso ai o latou mafaufau i le upu moni. Na faapena foi i le vaitaimi
o Mila ma ana uo. Na usitai le au soo i le finagalo o le Atua ina ua
latou folafolaina le fe’au e pei ona Ia finagalo i ai. Na faapena foi
Mila ma e na talitonu i le toe afio mai. Na mafatia tele le au soo i
faamoemoega le taulau talu ai lo latou le malamalama atoatoa i le
uiga o la latou fe’au. Na faapena foi i le vaitaimi o Mila ma e na
talitonu i le toe afio mai.
Ae ui lava latou te lei malamalama i le uiga o la latou fe’au, na
faataunuuina lava le finagalo alofa o le Atua e ala i le folafolaga o
le fe’au o le lapata’iga. Ua lata mai le aso tele, ma o le finagalo o le
Atua na 00 mai ai i tagata le tofotofoga e uiga i le taimi tonu o le afio
mai, ina ia faailoa atu ai ia i latou le mea moni na i o latou loto. Na
fuafuaina le fe’au ina ia tofotofoina ma faamamāina ai le ekalesia.
O le a avea le tofotofoga ma auala latou te iloa ai po o gafea tonu o
[297] i ai o latou loto - po o le lalolagi, po o Keriso ma le lagi. Ua latou
fai mai latou te alolofa i le Faaola; o le a iloa nei la pe faamaoni lo
latou alofa. Faamata ua latou sauni e fulitua i o latou faamoemoega
ma moomooga faalelalolagi? Faamata ua latou sauni atu ma le fiafia
mo le afio mai o lo latou Alii? Na fuafuaina le fe’au ina ia faaali atu
ai i tagata le tulaga moni ua i ai o latou olaga faaleagaga. Na tuuina
atu lea fe’au i Lona alofa, ina ia fagua ai tagata latou te sa’ili i le Alii
i le loto maulalo ma le salamō.
Na latou mafatia i faamoemoega le taulau ona o lo latou lava le
malamalama i le fe’au na latou folafolaina; peitai na liliu e le Atua
lea sese ina ia maua mai ai se mea lelei. O le a avea lea ma ala e
O le Malamalama I Le Mea Pogisa
357
tofotofoina ai le faamaoni o ē na fai mai ua latou talia le lapata’iga.
Faamata o le a avea lo latou le fiafia ma mea o le a latou lafoa’i
ai lo latou talitonuga i le Atua ma Lana afioga? Pe faamata o le a
avea lea mafatiaga ma faapogai o le a latou sa’ili’ili ai i le agaga
faamaulalo ma talosaga, po o gafea tonu ua latou sese ai i la latou
faauigaga o le valo’aga? Faamata e toafia na usitai i le fe’au o le
lapata’iga ona o lo latou fefefe i mea o le a oo mai, po o le liua foi
ona o ta’a’iga? Faamata e toafia na liua faa’afa’afa ae leai so latou
talitonuga faamaoni? E afe ma afe na latou fai mai ua latou fia vaai
i le faaali mai o le Alii. Afai e tofotofoina i latou i tauemuga ma le
faalumaina i le lalolagi, afai e tofotofoina i latou i le faatuai mai o
le Alii atoa ma faamoemoega le taulau, faamata o le a latou lafoa’i
lo latou faatuatua? Faamata o le a latou lafoa’i upu moni e tele ua
manino ona faailoa mai i le afioga a le Atua ona o se aoaoga ua latou
faanenefu ai ma ua oo mai ai ia i latou le mafatia i faamoemoega ua
le taunuu?
O le tofotofoga lenei o le a aliali a’e ai le faamaoni o ē na usitai
ma le faatuatua, i mea na latou talitonu ua a’oa’o mai e le Agaga o le
Atua ma Lana afioga. O le a latou maua ai se aogā, se aoga latou te
le mafai ona maua i se isi lava auala; o le a latou iloa ai le leaga o lo
latou talitonu i aoaoga ma faamatalaga a tagata, ae faagalo ai le avea
o le Tusi Paia o lona lava faamatala’upu. O le a avea le fememea’i
ma lo latou mafatia, ma mea o le a iloa tonu ai e le fanau faatuatua lo
latou sese. O le a avea lea ma ala o le a latou saga sa’ili au’ili’ili atu
ai i le upu o le valo’aga. O le a latou iloa ai e ao ona latou su’esu’e
ma sa’ili’ili ma le faaeteete i faavae o lo latou talitonuga, ae lafoa’i
isi mea uma e le faavaeina i le upu moni o le Tusi Paia, tusa lava po
o le a le toatele o e talitonu i ai.
E pei lava ona oo i le au soo, na faapena foi ona oo i lenei au faatuatua o mea na pogisa i o latou mafaufau i le itula o le tofotofoga, na
faamaninoina mulimuli ane. Ana latou malamalama i le finagalo o
le Atua, semanū latou te iloa o lo o faataunuuina lava Lona finagalo
alofa mo i latou, e ui lava e i ai puapuaga e tutupu mai ona o o latou
sese. Latou te iloa ai foi i lenei tofotofoga, o Ia o se Atua alofa mutimutivale, e alofa fua; o Ona ala foi “o ala o le alofa ma le faamaoni
[298]
i e ua tausi i Lana feagaiga ma Ana tulafono”.
[299]
Mataupu 20—O Se Fafagu Faaleagaga I Le Lalolagi
Olo o valo’ia mai i le fe’au a le ulua’i agelu o le Faaaliga 14 se
fafagu faaleagaga i le lalolagi a’o folafolaina le afio mai o Keriso ua
lata mai. Na vaaia se agelu o lo o “lele i le taulotoa’iga o le lagi, ua
ia te ia le talalelei e faavavau e folafola atu i e nonofo i le lalolagi i
atunuu uma, ma itu’aiga ma gagana eseese ma nuu”. Fai mai le fe’au
na ia alagaina ma le leotele, “Ia outou matata’u i le Atua ma avatu
ia te Ia le viiga, auā ua oo mai le ituaso o Lana faamasinoga; ma ia
outou ifo i lē na faia le lagi, ma le fanua, ma le sami atoa ma puna o
vai”. Fuaiupu 6, 7.
O le a le uiga o le agelu ua ia alagaina lenei fe’au? O le finagalo poto o le Atua na faaaogaina ai le mamā, ma le mamalu, ma le
mana o le agelu e fai ma faatusa o uiga lelei uma o le galuega o le a
faataunuuina ona o lenei fe’au, faapea ma le mana ma le mamalu o
le a faafeaoina lenei galuega. O le lele a le agelu “i le taulotoa’iga o
le lagi”, o le “leotele” na alagaina ai le fe’au, ma lona tala’iina atu i
“e nonofo i le lalolagi - i atunuu uma, ma itu’aiga ma gagana eseese
ma nuu”, o le faatusa lava lea o le televave o le alu atu o lenei fe’au
i le lalolagi atoa.
O lo o faailoa mai foi le taimi o le a alagaina ai lenei fe’au. Ua
ta’u mai o lenei fe’au o se vaega o le “talalelei e faavavau”; o le a
alagaina ai le amataga o le faamasinoga. Na folafolaina le fe’au o le
faaolataga i augatupulaga uma; peitai o lenei fe’au o se vaega lea o
le talalelei faato’ā alagaina i aso e gata ai, auā o le vaitaimi tonu lea e
sa’o ai le faaupuga “ua oo mai le itula o le faamasinoga”. Ua faailoa
mai i le valo’aga se faasologa o mea tutupu, sei oo atu lava i le amataga o le faamasinoga. Ua manino lea faasologa i le tusi o Tanielu.
Peitai na faatonuina Tanielu e tapunia ma faamaufaailogaina “seia
oo i ona po o le iuga”, le vaega o lana valo’aga lea e faasino tonu i
le iuga. E le mafai ona alagaina se fe’au e faatatau i le faamasinoga
sei vagana ua tatou aulia lea vaegataimi, auā e faalagolago lea fe’au
i le faataunuuina o nei valo’aga. Peitai a oo loa i le taimi o le i’uga,
358
O Se Fafagu Faaleagaga I Le Lalolagi
359
fai mai le perofeta, “e fetaufetulia’i tagata e toatele, e tuputele foi le
malamalama”. Tanielu 12:4.
Na lapata’iina e Paulo le ekalesia e ’aua latou te vaavaai mo le
afio mai o Keriso i lenā vaitaimi. Fai mai Paulo, “Auā e lē oo mai [300]
lenā aso seia mua’i ona taunuu o le tete’a ese, ma ia faaalia mai
o le tagata o le agasala”. 2 Tesalonia 2:3. Faato’ā mafai ona tatou
vaavaai mo le afio mai o Keriso, pe a mavae le taimi o le lūlūga ma
le pa’u’ū ese o le to’atele, atoa ma le vaitaimi umi o le nofoa’iga a
le “tagata o le agasala”. O le “tagata o le agasala”, po o le “mealilo
a le amioleaga”, po o le “tagata o le malaia”, o ia faaupuga uma e
faatatau i le pule faapope, le pule lea ua valo’ia mai o le a faaauau
lana nofoa’iga mo le 1260 tausaga. Na faai’uina lea vaegataimi i le
tausaga 1798. O lona uiga e le mafai ona faataunuuina le afio mai o
Keriso a’o lumana’i ai lea tausaga. Na tā aofa’i uma e Paulo i lana
lapata’iga le vaitaimi atoa o le ekalesia Kerisiano sei oo i le tausaga
1798. O lona uiga faato’a mafai ona alagaina le fe’au o le toe afio
mai o Keriso pe a oo i lea aso.
E lei i ai se fe’au faapea na folafolaina i augatupulaga ua mavae.
E lei folafolaina e Paulo lea fe’au; na ia faatepa ona uso i se taimi
mamao i le lumana’i e afio mai ai le Alii. E lei folafolaina foi e
failauga o le galuega o le Toe Fuata’iga lea fe’au. Na manatu Luteru
a itiiti mai o le 300 tausaga faato’ā oo lea i le faamasinoga mai le
vaitaimi na ia soifua ai. Peitai talu mai le tausaga 1798, ua talaia
faamaufaailoga o le tusi o Tanielu, ma ua tuputele foi le malamalama
i valo’aga, ma e toatele ua latou folafolaina le fe’au o le faamasinoga
ua latalata mai.
Pei lava o le galuega o le Toe Fuata’iga i lona 16 o senituri, na
faapea foi le taufai amata faatasi o le folafolaina o le fe’au o le toe
afio mai i atunuu Kerisiano eseese i le taimi e tasi. Na ta’ita’ia e
le Atua ni tagata fiafia i le tatalo, ni tagata o le faatuatua i Europa
ma Amerika latou te su’esu’eina valo’aga. Na latou vaavaai i le faasologa o valo’aga ua taunuu, ona latou talitonu ai lea ua lata tele mai
le i’uga o mea uma. Na i ai ni vaega eseese o tagata Kerisiano i lea
atunuu ma lea atunuu na latou su’esu’e i le Tusi Paia, na o le Tusi
Paia lava, ma ua faapena ona latou talitonu ai ua lata le afio mai o le
Faaola.
O le tausaga 1821, tusa lea o le tolu tausaga talu ona folafolaina
e Mila valo’aga o le amataga o le faamasinoga, o le tausaga lea na
360
O Le Finauga Tele
amatalia ai e Iosefa Ufi le folafolaina o le afio mai o Iesu ua lata mai;
o Ufi lea na faaigoaina o “le misionare i le lalolagi”. Na fanau Ufi i
Siamani a’o ona mātua o ni tagata Iutaia; o lona tama o se rapi. Na
talitonu Ufi i le moni o aoaoga faaKerisiano a’o itiiti lava o ia. Na
ia te ia se mafaufau ma’ati, se mafaufau fiailoa. Na ia faalogo ma le
fiailoa a’o fai talanoaga a tagata Iutaia i lea aso ma lea aso i lo latou
fale, e uiga i moomooga ma faamoemoega o o latou tagata, faapea le
mamalu o le Mesia o le a afio mai, atoa ma le toe faafoisia ai tagata
Iutaia i lo latou nuu. Na faalogo Ufi i se tasi aso o ta’ua le igoa o
Iesu le Nasareta, ona ia fesili lea po o ai lea tagata. Fai mai le tali na
avatu ia te ia, “O se tagata Iutaia e sili le maoa’e o ana taleni ma ona
[301] agavaa. Peitai na ia fai mai o Ia o le Mesia; o le mea lenā na ave ai i
ai le salaoti e le fono a Iutaia”. Ua toe fai le fesili a Ufi, “Aisea? Ua
faatafunaina Ierusalema pe leai? A’o le a le mea ua tatou nonofo ai i
lenei atunuu ese?” Fai mai le tamā: “Ona ua fasiotia e tagata Iutaia
le au perofeta”. Na oso a’e ai le fesili i le mafaufau o le tamaitiiti o
Ufi, “Atonu o se perofeta foi Iesu, ma ua fasiotia o ia e tagata Iutaia
ae leai sana agasala”. Na malosi mai pea lea manatu ia Ufi. Na faasā
o ia ona ulu i se falesa o tagata Kerisiano; peitai o lona fia faalogo
tele i le tala ia Iesu na le mafai ai ona taofia lona alu ma tūtū i fafo
o falesa Kerisiano ma faalogologo ai i a latou lauga. (Travels and
Adventures of the Rev. Joseph Wolff, vol. 1, p. 6.)
Na alu Ufi i se tasi aso ina ua fitu ona tausaga, ua gugutu i se
toeaina Kerisiano na latou tua’oi ma ta’u i ai le lumana’i manumalo
o Isaraelu pe a afio mai le Mesia. Fai mai le toeaina, “Talofa e, se’i
o’u ta’u atua ia te oe le Mesia moni. O Iesu le Nasareta le Mesia
moni, a’o ou tua’ā na latou faasatauroina Iesu e pei lava ona latou
fasiotia le au perofeta. A ’e alu i lo tou fale ona ē faitau lea i le
mata’upu e 53 o le Isaia; o inā e te talitonu ai o Iesu Keriso o le Alo
o le Atua. (Ibid., vol. 1, p. 7.) Na vave lava ona oo ifo le talitonu ia
te ia. Na alu i lo latou fale ma faitau i le Isaia 53 ma manatunatu
pe mata na faataunuuina nei mea uma ia Iesu le Nasareta. Faamata
e sa’o upu a le toeaina Kerisiano? Na fesili Ufi i lona tamā mo se
faamalamalama’aga o lenei valo’aga ae na fetaui ma foliga le fiafia o
lona tamā ae aunoa ma se upu. E lei toe tā’ua lava e Ufi lea mata’upu.
Peitai na avea lea ma mea na atili ai lona fia iloa o nisi mea e uiga i
le ekalesia Kerisiano.
O Se Fafagu Faaleagaga I Le Lalolagi
361
O le malamalama na fia maua e Ufi, sa natia faalelei mai ia te
ia e lo latou aiga Iutaia. Peitai o le sefulu-tasi o ona tausaga na ia
tuua ai loa lo latou aiga ae alu i le lalolagi e su’e se a’oga e a’oga ai,
ma filifili sana lotu, atoa ma sana galuega. Na maua sona aiga mo
sina vaitaimi i nisi o tagata latou te aiga; peitai na le umi ae tuli o ia
ona o ona talitonuga. Na faapena ona alu ai loa na o ia, ua leai sana
tupe, ma ua nofo i ni tagata ese na te le masani ai. Soo se mea na ia
alu i ai na faaauau pea lava ana su’esu’ega; sa maua si ana fasi tupe
e ala i lona galue o se faia’oga i le gagana Eperu. O sona faia’oga
Katoliko na i’u ai ina talia e ia le lotu Katoliko, ma ua tonu ai loa ia
te ia o le a avea o ia o se misionare i ona lava tagata. Ua mavae ni nai
tausaga ona alu ai loa lea o ia ma lenei faamoemoe e a’oga i Roma,
i le Kolisi mo le faalauteleina o mata’upu faapope. O lona tautala
sa’o ma lona le faalagolago i se isi mo ona manatu, o mea ia na le
umi ai ae faaigoa o ia o se a’oa’o o tala’iga sese. Na ia le fefe i lona
osofa’ia o amioga le sa’o i totonu o le ekalesia, ma sa ia faaiioa atu le
mana’oga o le ekalesia mo se toe fuata’iga. O le vaitaimi muamua na
fai faapitoa ai o ia e ta’ita’i o le Kolisi, peitai ua mavae se vaitaimi
ona ave’esea loa lea o ia ma Roma. Na ia fealua’i i aai eseese a’o
matauina lelei ona ala uma e le ekalesia; e lei mavae se taimi umi ae
iloa e le ekalesia latou te le mafai ona taofia Ufi i lalo o le pologa o [302]
mea faa-Roma. Fai mai la latou tala o lenei tagata o Ufi o se tagata
ua le mafai i ai se fofō, ma sa tuua loa o ia i lana faitalia e alu i le
mea e fia alu i ai. Ua alu loa o ia i Egelani; ua ia talia le faatuatuaga
a tagata Porotesano, ma ua lotu i le Lotu Egelani. Ua mae’a tausaga
e lua o fai ni ana su’esu’ega, ona sauni ai loa lea o ia mo le amataga
o lana galuega i le tausaga 1821.
Na talia e Ufi le aoaoga o le ulua’i afio mai o Keriso o Ia “o le
Tagata Faanoanoa, ua masani foi ma le tigā”; peitai na ia vaaia o
lo o faailoa manino mai foi e valo’aga Lona toe afio mai i le mana
ma le mamalu tele. Na ia taumafai na te ta’ita’ia ona tagata ia Iesu
le Nasareta, o lē na Folafolaina Mai; na ia faatepa foi o latou mata
ia Iesu i lona ulua’i afio mai i le ala maulalo e avea ma taulaga mo
agasala a tagata. Peitai na ia a’oa’oina foi i latou e uiga i Lona afio
faalua mai, o Ia o le Tupu, o Ia o le Faaola.
Fai mai lana faamatalaga, “O Iesu le Nasareta, o Ia o le Mesia
moni; o lē na tu’ia i fao Ona aao; o lē na aumaia e pei o se tamai
mamoe e fasia; o le Tagata o le Faanoanoa, ua masani foi ma le tigā;
362
O Le Finauga Tele
o lē na afio mai ina ua ave’esea le tootoo mai ia Iuta ma ua ave’esea
foi lana pule e fai ai tulafono - o Iesu lea o le a toe afio mai i ao
o le lagi, ma le pu a le Agelu sili”. (Joseph Wolff, Researches and
Missionary Labors, p. 62) “O le a tu foi o Ia i le Mauga o Olive; o
le pule foi sa tuuina ia Atamu a ua mamulu ese ma ona lima, o le a
avatua lea pule ia Iesu. O le a avea o Ia ma tupu i le lalolagi atoa.
O le a le toe i ai se oi ma se tiga i le foafoaga a le Atua, ae o le a
faalogoina pese o le viiga ma le faafetai. O le a toe tutū mai foi ē
na maliliu o ia Keriso pe a afio mai o Ia i le mamalu ma le mana o
Lona Tamā. 1 Tesalonia 4:16; 1 Korinito 15:32. Ua faaigoa e le au
Kerisiano lenei mea o le ulua’i toe tu. O le a suia foi le uiga o meaola
na faia e le Atua (Isaia 11:6-9), ma o le a latou usitai uma ia Iesu
(Salamo 8.) O le a i ai le filemu i le lalolagi uma. O le a silasila mai
le Atua i le lalolagi ma fetalai mai, ’Faauta, ua matuā lelei lava’.”
(Journal of the Rev. Joseph Wolff, pp. 378, 379; 294.)
Na talitonu Ufi ua lata le afio mai o le Alii; e lei vavamamao le
taimi na ia manatu o le a afio mai ai Iesu, ma le taimi na talitonu
i ai Mila. Na tali nisi ia Ufi ma fai i ai, “E le iloa e se tasi lea aso
ma le ituaso”, ma e le finagalo foi le Atua ina ia tatou iloa se mea
e uiga i le latalata mai o le toe afio mai. Fai mai le tali a Ufi: “Na
fetalai mai ea le Atua e le tatau ona tatou iloa lea aso ma lea ituaso?
E lei tuuina mai ea e le Atua faailoga tatou te iloa ai ua lata mai lea
aso, e pei ona tatou iloa ua lata mai le tau mafanafana pe a tatou
vaai ua tutupu lau o le mati? Mataio 24:32. O se mea lē tatau ea
lo tatou iloa o lea vaitaimi, a’o Ia lava na Ia fetalai mai ina ia tatou
faitau i le tusi o Tanielu ma malamalama i ai? Fai mai le Tanielu
o ia upu o le a tapunia seia oo i aso o le iuga, ma e toatele o le a
fetaufetulia’i (o le uiga o lea faaupuga i le gagana Eperu o le vaavaai
[303] ma su’esu’e ma mafaufau i le taimi ma valo’aga), ma o le a tuputele
foi le malamalama (malamalama e uiga i valo’aga.) Tanielu 12:4. E
lei fetalai mai le Alii faapea e leiloa e se tasi ua lata mai le taimi o
Lona afio mai; na fetalai mai Iesu o le aso tonu ma le itula o Lona
afio mai e le iloa e se tasi. O lona uiga ua fetalai mai Iesu, e lava
faailoga o le a tuuina mai tatou te iloa ai ua lata mai o Ia, ina ia tatou
sauniuni ai mo Lona toe afio mai, e pei ona saunia e Noa le vaa.”
(Wolff, Researches and Missionary Labors, pp. 404, 405.)
Fai mai le faamatalaga a Ufi e uiga i le auala taatele na faamatalaina ai e le toatele le Tusi Paia: “O le toatele o le au Kerisiano ua
O Se Fafagu Faaleagaga I Le Lalolagi
363
latou liliu ese mai le upu manino a le Tusi Paia, a ua latou liliu i mea
faataulaitu ma mea faauiga-lua a tagata Puta. E talitonu tagata Puta
o le lumana’i fiafia o le fanau a tagata e maua lea i le feoa’i i le vanimonimo. Ou te matea a faitau tagata Puta i le upu Iutaia ona latou
faauigaina lea o tagata o nuu ese; ae a latou faitau ia Ierusalema ou
te matea o lo latou malamalama’aga o le ekalesia; ae a ta’u mai le
eleele o lona uiga o le vanimonimo ia i latou; ae a ta’ua le afio mai o
le Alii, ou te matea latou te faauiga lea mea o le au’iluma o sosaiete
faamisionare; a’o le o atu i luga o le mauga o le fale o le Alii, o le
faatusa lea o le faatasiga tele a tagata Metotisi” (Journal of the Rev.
Joseph Wolff, p. 96.)
E tele ni atunuu na fealua’i ai Ufi i le 24 tausaga mai le 1821
sei oo i le 1845. Na alu i Aferika - o inā na asiasi ai i Aikupito ma
Apisinia; na fealua’i i Asia, faapea Palesitina, o Suria, o Peresia,
o Pokara ma Initia. Na asiasi foi i le Iunaite Setete, ma sa afe ma
lauga i le motu o Sena Elena. O Aokuso o le 1837 na taunuu ai Ufi
i le aai o Niu Ioka. Ua mae’a lana lauga i lena aai ona faasolo lauga
lea o ia i aai o Filatelefaia ma Patimoa ma Uosigitone. Fai mai lana
tala, “O Uosigitone na faatūina ai se lafo e Ioane Atamu (o ia lea sa
Peresitene i Amerika i se taimi ua te’a), ma sa tasi le leo o le Maota
ina ia faatagaina a’u ou te faaaogaina le Potu Tele o le Maota mo sa’u
tautalaga. Na faamamaluina lea sauniga i le taeao o le Aso Toona’i
ona sa faatasi mai i ai le mamalu o sui uma o le Maota, faapea ma le
epikopo o le Setete o Vesine (Virginia); na i ai foi le aufailotu faapea
le mamalu o le lautele o tagata o le aai o Uosigitone. O le faaaloalo
foi lea na aumaia ia te a’u e le faigamalo o le Setete o Niu Tiesi (New
Jersey) faapea ma le Setete o Penisiveine (Pennsylvania.) O inā na
fai ai a’u tautalaga e faatatau i a’u su’esu’ega na fai i Asia, faapea ma
le mata’upu i le faatūina o le malo o Keriso”. (Ibid., pp. 398, 399.)
Na fealua’i Ufi i nisi o atunuu pito sili ona sauā ma le faapaupau
ae aunoa ma sona puipuiga mai se malo o Europa; e tele ni faigata ma
ni faafitauli na ono lamatia ai lona ola. Na fue o ia i laau ma faaogea,
na faatauina o ia o se pologa, na faatolu ona tuu i ai le salaoti. Na oo
o ia i lima o le au faomea; sa toetoe lava foi oti o ia i le matelāina
i le fiainu. O se tasi o taimi na fao uma ai ana mea, ona sopo ai lea
na o ia i le selau ma selau o maila i luga o mauga e aunoa ma sona [304]
seevae, a’o le vaitaimi tonu lea o le matuitui o le tau mālūlū; na sasa
364
O Le Finauga Tele
i ona mata le pa’ū ifo o le kiona, ma ua pepē ona vae ona o le eleele
ua liu aisa.
Na lapata’iina o ia i lona alu e aunoa ma sana auupega i nuu o
tagata fe’ai ma le faapaupau. Fai mai lana tali, “E i ai a’u auupega
- o le tatalo, o lo’u ma’elegā mo Keriso, ma lo’u talitonu i Lana
fesoasoani. Ae le gata i lea, ua i lo’u loto le alofa o le Atua mo o’u
tuā’oi, a ua i ai Lana afioga i lo’u lima”. Na ia fe’avea’ia le Tusi Paia
Eperu faapea ma le Tusi Paia i le gagana Peretania i soo se mea na
ia fealua’i ai. Fai mai lana tala e uiga i se tasi o ana toe malaga, “Na
tatala pea lava le Tusi Paia i lo’u lima. Na ou talitonu o le Tusi Paia
o lo’u malosi lea; o lona malosi o le a ou maua ai le ola”. (W H D
Adams, In Perils Oft, pp. 192, 201.)
Na faapena ona onosa’i pea o Ufi i lana galuega sei oo ina ua
avatua le fe’au o le faamasinoga i le vaega tele o le lalolagi ainā
i lea vaitaimi. Na ia tufaina atu le afioga a le Atua i tagata Iutaia,
tagata Take, tagata Lotu Pāsi i Initia, tagata lotu Hinitū i Initia, ma
le toatele o isi itu’aiga eseese. Na tufa i ai e Ufi le Tusi Paia i a latou
lava gagana, ma ia folafola atu i ai le afio mai o le Mesia.
A’o ia fealua’i i Pokara, na ia tau ane i ni tagata māotua o ē na
taofi ua lata le afio mai o le Alii. Fai mai lana tala “e i ai se tusi a
tagata Arapi o le atunuu o Iemeni e ta’ua o le Seera. O lo o ta’ua i lea
tusi le afio faalua mai o Keriso atoa ma Lana nofoa’iga i le lagi, ma
o lo o tulimata’i nei tagata i ni mea tetele o le a tutupu i le tausaga
1840”. “E ono aso o o’u nofo i le fanauga a Rakapa i Iemeni. O nei
tagata e le inu uaina, e le totō ni a latou tovine pe lūlū ni fatu totō ae
nonofo i fale’ie. O lo o latou manatua lava le toeaina o Ionatapa le
atali o Rakapa. Na ou maua ai foi i le nuu lava lenei nisi o le fanauga
a Isaraelu, mai le itu’aiga o Tanu. O lo o latou faatali faatasi ma le
fanauga a Rakapa mo le afio mai o le Mesia i ao o le lagi, ma ua
latou talitonu ua lata Lona afio mai.” (Journal of the Rev. Joseph
Wolff, pp. 377, 389.)
Na maua foi e se tasi misionare ni tagata e talitonu i le afio mai
o le Mesia i le nuu o Tatari. Na fesili se patele Tatari i le misionare
po o afea le toe afio mai o Keriso. Na ofo lenei patele ina ua tali atu
le misionare na te leiloa lea mea a’o ia o le failauga o le Tusi Paia.
Ona ta’u loa lea e le patele lona talitonuga i lenei misionare. Fai mai
le patele e afio mai Keriso pe tusa o le tausaga 1844.
O Se Fafagu Faaleagaga I Le Lalolagi
365
Tusa o le tausaga 1826 na amata ai le folafolaina o le toe afio
mai i le atunuu o Egelani. E lei ma’oti le faatulagagaina o le galuega
i Egelani e pei o Amerika. E lei taatele foi se tala’iga o se aso tonu
o le a afio mai ai Iesu. Peitai, e tele vaega o le atunuu na folafolaina
ai ua lata le afio mai o Keriso i le mana ma le mamalu tele. E oo
lava foi i ekalesia tetele i Egelani na latou folafolaina lea mata’upu.
Fai mai se tagata tusitala Peretania e igoa ia Morani Poroka - fai
mai e 700 ni faife’au o le Lotu Egelani na latou faia le galuega o [305]
le “tala’ia o lenei talalelei o le malo”. Na tala’ia foi i Egelani le toe
afio mai o Iesu faapea o le a taunuu i le tausaga 1844. E tele ni pepa
faasalalau na faasalalauina i Egelani. O ia pepa na auina atu i ai e
tagata Amerika na talitonu i le toe afio mai. Na toe lomia i Egelani
le tele o tusi ma pepa sa ulua’i lomia i Amerika. Na i ai se tagata
Egelani e igoa ia Ropati Uita sa liua i le tala’iga o le toe afio mai a’o
i Amerika. Ua toe foi atu nei lea tagata i Egelani ma tala’i ai le toe
afio mai o le Alii. E toatele na liua i lana galuega ma latou galulue
faatasi ai i le folafolaina o le fe’au i itu eseese o Egelani.
Na i ai se patele o le itu’aiga o Iesueti e igoa ia Lakusa - o se
Sepania ae na galue i Amerika i Saute i le loloto o le faapaupau ma
mea faataulaitu. Na maua e Lakusa le Tusi Paia, ma faapena ona talia
ai e ia le mata’upu o le toe afio mai o Keriso ua lata mai. Na lagona
e Lakusa e ao ona ia folafolaina lenei fe’au; peitai e lei mana’o o ia
ina ia iloa e Roma lenei mea ne’i oo ia te ia faasalaga masani. O le
mea lea na ia tusia ai ma lomia ma faasalalauina ona talitonuga i se
tusi. Peitai e lei tuua i ai lona igoa moni. O le igoa na alu i lea tusi
o Rapi Pene Esera. Na faailoa atu i lenei tusi faapea o Rapi Esera
le tusitala, o se Iutaia ua liua i le ekalesia Kerisiano. O lona 17 o
senituri na soifua ai lea tagata o Lakusa; peitai o le 1825 na faato’ā
faaliliu ai lana tusi i le gagana Peretania. Na avea lenei tusi o se auala
na faalauteleina atili ai le fiafia o tagata i le mata’upu o le toe afio
mai.
O lona 18 o senituri na tala’ia ai lenei fe’au i Siamani e Penikale,
o se faife’au o le Lotu Luteru, ma o se tagata atamai i le Tusi Paia.
Na i’u loa a’oga a Penikale faaalu loa ona aso uma i le su’esu’ega o
mata’upu faalelotu. O ona uiga legaoiā, faatasi ai ma le aoaoga lelei
na ia maua mai ona mātua, o ia mea ua ō gatasi nei ma le filifiliga
ua ia faia. E lei i ai se eseesega o Penikale ma isi tagata talavou
atamamai pei o ia, o ē na muamua ia te ia, ma ē foi na mulimuli mai
366
O Le Finauga Tele
ia te ia. Na oo ia i latou ni faafitauli ma ni masalosaloga i mata’upu
faalelotu; na faapena foi Penikale. E iloa i ana faamatalaga le tele o
ni faigatā ma ni tigā matuitui na oo i lona loto, ma sa faigata ai lona
olaga i aso o lona taule’ale’a. Na ia finau mo le sa’olotoga i mea tau
tapua’iga ina ua avea o ia o se sui usufono i le sinoti a le ekalesia
i Vutemupeki. Na ia tu mo aiā tatau a le ekalesia ma le puipuiga o
lana pule; peitai na ia finau foi ina maua e tagata ta’ito’atasi o latou
sa’olotoga e tuua ai le ekalesia pe a lē fetaui aoaoga a le ekalesia ma
o latou talitonuga. O lo o vaaia pea i lona itumalo nisi o mea lelei na
tutupu mai talu ai lenei tulafono faavae. (Encyclopaedia Britannica,
9th ed., art. “Bengel”.)
Na sulugia le mafaufau o Penikale i le malamalama o le
mata’upu o le toe afio mai a’o saunia sana lauga mai le Faaaliga
21 mo le Aso Sa o le Toe Tu. Faato’ā matala mai lea i lona mafaufau
uiga o valo’aga o le Faaaliga. O lona ofo ma lona maofa i le uigā ma
[306] le tāua o vaega eseese o le faaaliga na tuuina i le perofeta, o le mea
lea na ia liliu ese ai mo sina taimi mai le su’esu’ega o lea mata’upu.
Peitai a’o ia tu i le pulelaa, sa manino ma malosi le toe faasolosolo
mai uma o ia valo’aga i lona mafaufau. O le aso lava lea na amata ai
loa e Penikale ona ia su’esu’e faalelei i faaaliga, ae maise faaaliga
mai le tusi o Faaaliga. O ia su’esu’ega na talitonu ai Penikale ua lata
le afio mai o Keriso. Na o ni nai tausaga na eseese ai lona taofi ma
le talitonuga o Mila e uiga i le tausaga tonu e afio mai ai Iesu.
Na salalau i atunuu Kerisiano uma i Europa tusitusiga a
Penikale. O ona talitonuga i valo’aga na talia e le toatele i lona itumalo i Vutemupeki, faapea ma nisi i isi vaega o Siamani. Ua maliu
nei Penikale; peitai na tupu ma salalau le galuega na ia amatalia,
ma ua faapena ona alagaina ai i Siamani le fe’au o le toe afio mai, i
le vaegataimi lava e tasi e pei ona alagaina o lea fe’au i isi atunuu.
A’o pōpōfou le galuega i Siamani, na tuua e nisi o soo o Penikale
lo latou atunuu ae malaga mo Rusia. O inā na latou faatuina ai ni
faapotopotoga o tagata Siamani; o lo o talitonu pea lava i le toe afio
mai tagata o le Lotu Luteru i Rusia.
Na sulugia foi Farani ma Suiselani i le malamalama o lenei fe’au.
Na faasalalau e Farela ma Kalavini le galuega o le Toe Fuata’iga i
Sineva; ua avea nei Kauseni o le failauga na te alagaina le fe’au o le
toe afio mai i lea aai. Na aafia Kauseni i aoaoga a tagata le talitonu
i le Atua a’o i ai o ia i le iunivesete; o ia aoaoga na sosolo pei o se
O Se Fafagu Faaleagaga I Le Lalolagi
367
afi i atunuu uma o Europa i le vaega mulimuli o le senituri 18 ma le
amataga o lona 19 o senituri. Na faapena ona amata e Kauseni lana
galuega faafaife’au i se agaga masalosalo i le Atua ma le Tusi Paia,
ma e lei iloa foi e ia le mea e ta’u o le faatuatua moni. Na amata
lona fiafia i le su’esu’ega o valo’aga i le vaitaimi o lona talavou. O le
taimi lea na ia faitau ai i le tusi a Rolini na ta’ua o le Tala Faasolo o le
Lalolagi Mai Anamuā. O le tusi lea na ta’ita’ia ai o ia i le su’esu’ega
o le mata’upu e lua o le Tanielu. Na ofo lona mafaufau i le ma’oti ma
le fetaui lelei o vaegataimi eseese o le valo’aga ua faataunuuina, e
pei ona ua tusia i faamaumauga a le au tusitala e pei o Rolini. Na ia
maua i inā se molimau maumaututū o le moni o le afioga a le Atua,
ma o le Atua lava lona Tusitala. Na avea lea talitonuga o se taula na
faatonutonuina ai o ia i le taimi na āfātia ai lona olaga i se vaitaimi
mulimuli ane. E lei malie lona loto i aoaoga a tagata le talitonu i
le Atua ma le Tusi Paia. Peitai ina ua su’esu’e o ia i le Tusi Paia
ma sa’ili’ili mo se malamalama manino, sa le pine ae maua e ia se
faatuatua mautū.
A’o faia ana su’esu’ega o valo’aga, na talitonu o ia ua lata le
afio mai o le Alii. Na lagona i lona loto le tāua ma le uigā o lenei
aoaoga, ma sa ia naunau ina ia iloa e tagata lenei mata’upu. Peitai
na faalavelave a’e tele i le tala’iga o lenei fe’au le talitonuga taatele
faapea o valo’aga o le tusi o Tanielu o se mealilo ma e leai se isi e
malamalama i ai. Na tonu ai loa ia Kauseni o le a mulimuli o ia i le
fuafuaga na faaaogaina e Farela ia na fai ai ana sauniga faatala’i i le [307]
aai o Sineva. O lea fuafuaga o le amata i tamaiti, ona avea lea o lenā
ma auala e fiafia mai ai o latou mātua.
Fai mai lana faamatalaga, “Ou te mana’o ina ia manino le mea
lenei. Ua ou faafaigofieina a’u aoaoga, ma ua faia i tamaiti, e le ona o
le le tāua o le mata’upu, e leai. Ua ou faia faapea ona o le tāua ma le
uigā tele o lenei mata’upu. Na i ai lo’u mana’oga ina ia faalogo uma
tagata i lenei fe’au. Peitai na ou lagona a amata i tagata matutua, o
le a le faataunuuina lo’u mana’o. O le mea lea na tonu ai ia te a’u o
le a amata i tamaiti. Afai e faatuputeleina le numera o tamaiti, afai e
faaiioa so latou fiafia ma so latou naunau e fia faalogo, afai latou te
malamalama ma iloa faamatala le mata’upu, ou te lagona lava o le a
le pine ae potopoto mai le au matutua. Ou te lagona a fai faapea lenei
faatatauga, o le a faamanuiaina le galuega”. (L Gaussen, Daniel the
Prophet, vol. 2, Preface.)
368
O Le Finauga Tele
Na manuia le taumafaiga. A’o faia lana polokalame mo tamaiti,
sa faapena ona potopoto mai ma le au matutua. Na faapena ona
tauleōfi vaega eseese uma o le falesa i tagata fia faalogologo. Na
i ai i lenā tumutumu ni tagata maualuluga ma le au atamamai; na i
ai foi nisi mai isi aai faapea ma atunuu i fafo o ē na asiasi atu i le aai
o Sineva. Na faapena ona tau’aveina le fe’au i isi vaega o le atunuu,
faapea ma isi atunuu o Europa.
O le manuia o lana galuega na tonu ai loa ia Kauseni o le a lomia
ma faasalalauina ana lesona. Na i ai lona faanaunauga ina ia avea
lea ma auala e faatupula’ia atili ai le su’esu’ega o tusi o valo’aga i
aulotu eseese latou te faaaogaina le gagana Farani. Fai mai le tala a
Kauseni, “A lomia ma faasalalau lesona i le gagana a tamaiti, ona
leai lea o se mea e ’alofaga i ai le au matutua. E le mafai ona latou fai
mai latou te le malamalama i ai, auā o le tali lea e tuu i ai: E faapefea
ona outou le malamalama i ai a’o lea e malamalama i ai tamaiti?”
Fai mai Kauseni, “Na i ai lo’u faanaunauga ina ia a’oa’oina le uiga
o valo’aga i se auala e fiafia mai i ai le lafu mamoe. E leai se isi
su’esu’ega e sili atu lona fetaui lelei ma le vaitaimi ua tatou ola ai.
O le su’esu’ega o nei valo’aga o le a saunia ai i tatou mo puapuaga
ua lata mai, ma saunia ai foi i tatou mo le toe afio mai o Iesu Keriso.
Na avea Kauseni o se failauga aupito atamai ma le alofagia i
faife’au uma na latou faaaogāina le gagana Farani. Ae ui i lea na
mavae se vaitaimi ona faate’a lea o ia ma le tofi. O le a lana agasala?
Ua te’a o ia ona ua ia le faaaogaina le tusi fesili a le ekalesia e a’oa’o
ai tagata, a ua ia faaaogaina le Tusi Paia e a’oa’o ai le au talavou ma
tamaiti. Ua te’a nei o ia ma le tofi faife’au, ona alu loa lea ua faia’oga
i se a’oga faafaife’au ae na faaauau pea lava lona a’oa’oina o tamaiti
ma le au talavou i Aso Sa. E toatele na faaosofia lo latou fiafia ona
o ana tusi na ia a’oa’oina ai valo’aga. Na faapena ona alagaina e
Kauseni le fe’au o le toe afio mai i le a’oga na ia porofesa ai, faapea
ma ana tusi, atoa ma lana galuega fiafia o le a’oa’oina o le au talavou
[308] ma tamaiti. Na avea o ia o se auupega na faaaogaina e faatepaina ai
mata o tagata i le tāua o le su’esu’eina o valo’aga ua faailoa mai ai
ua lata le afio mai o le Alii.
Na tala’ia foi le fe’au o le toe afio mai i le atunuu o Sikanetineivia, ma e toatele na faaosofia lo latou fiafia i lea mata’upu. E
toatele na fagua a’e nai lo latou faatamala ma le faalepopole, ma ua
latou fulitua i a latou agasala ae sa’ili le faamagaloga i le suafa o
O Se Fafagu Faaleagaga I Le Lalolagi
369
Keriso. Peitai na tetee i lenei galuega le aufailotu o le ekalesia a le
atunuu o Sikane-tineivia. O lenei aufailotu na faapogai ai le lafoina
i le falepuipui o nisi na folafolaina lea fe’au. Peitai na faia e le Atua
se vavega i le tele o itu o le atunuu na taofia ai faapea le galuega a le
au tala’i. O le vavega a le Atua na mafai ai ona alagaina lenei fe’au
e tamaiti. O le laiti o nei tamaiti na le mafai ai e le tulafono ona fai
i ai se faiga e taofi ai i latou, ma sa faapena ona faia o le tala’iga a
tamaiti e aunoa ma se taofiga.
Na mātele le au’iluma o lenei galuega i tagata maulalo o le
atunuu; o o latou fale na potopoto i ai le toatele e faalogo ai i le
lapata’iga. O le au tala’i o fanau lava foi a tagata faatauvaa ma le
matitiva. Na faailoa i olaga o nei tamaiti lo latou alolofa i le Faaola
ma lo latou usitai i tulafono a le Atua. Peitai o lo latou atamai o le
atamai lava e pei ona masani ai isi tamaiti. Peitai o le taimi na latou
tutū ai i luma o tagata, o le taimi lea na lagona ai e le toatele ua ulufia
nei tamaiti i se malosi ma se mana e sili mamao a’e i lo le agavaa
faatamaitiiti. Na suia o latou leo ma uiga masani a’o latou laugaina
atu ma le lē fefe le fe’au o le faamasinoga, i upu e pei lava ona tautala mai ai le Tusi Paia. “Ia outou matata’u i le Atua ma avatu ia te
Ia le viiga, auā ua oo mai le ituaso o Lana faamasinoga.” Na latou
a’oa’ia agasala a tagata, ma latou ta’u atua le leaga o tu’inanauga o
le tino ma isi amioleaga uma. Na latou a’oa’i atu e uiga i le fiafia i le
lalolagi ma le solomuli faaleagaga, ma ua latou avatu le lapata’iga i
tagata ina ia faavave ma latou sosola ese mai le to’asā o le a oo mai. [309]
Na fefefe ma tetemū tagata a’o latou faalogo o fetalai atu le
Agaga o le Atua i o latou loto. Ua amata ona su’esu’e loloto le toatele
i aoaoga o le Tusi Paia. Ua suia olaga o le au amioleaga. O nisi ua
lafoa’i a latou faiga amioletonu. Na uiga ese le galuega o le faafouga
na vaaia. E oo i faife’au o le ekalesia a le atunuu na latou ioe o le
aao o le Atua ua faapogai ai lenei galuega.
Na finagalo le Atua ina ia faalogo atunuu o Sikane-tineivia i le
talalelei o le toe afio mai o le Faaola. Peitai ina ua faasāina ona toe
faia o ni sauniga a Ana auauna, na faapena loa ona liligiina ifo e
le Atua Lona Agaga i luga o tamaiti, ina ia mafai ai ona faaauau
le galuega. Na loto leaga le au Faresaio ina ua latou vaai ua alalaga
fiafia le motu o tagata ma faaagiagia a latou laupama, ma ua latou fai
mai o Iesu o le Alo o Tavita a’o ti’eti’e mai o Ia aga’i i Ierusalema.
Na manana’o le au Faresaio e faafilemu ma taofia lea fe’ei. Peitai na
370
O Le Finauga Tele
fetalai atu i ai Iesu o nei mea uma ua faataunuuina ai le valo’aga.
Ae le gata i lea, na fetalai atu Iesu, afai e taofia le leo o le motu
o tagata, o le a alalaga mai maa. Na taofia le alalaga a tagata ona
o le taufaamata’u a le au ositaulaga ma faipule, ina ua oo le solo i
faitoto’a o Ierusalema. Peitai, na faaauau lea alaga e tamaiti sa i le
lotoā o le malumalu. Ua latou faaagiagia a latou laupama ma alalaga
mai, “Osana i le Alo o Tavita”. Mataio 21:8-16. Fai mai le fesili a le
au Faresaio ia Iesu: “E te le o faalogo ea i upu la e fai mai?” Ua tali
Iesu: “Ioe, tou te le’i faitau ea, Ua saunia le viiga mai gutu o tama
meamea ma tama fesusui?” E pei lava ona faia e le Atua i le taimi o
le ulua’i afio mai o Keriso, na faapena foi ona faaaogaina e le Atua
tamaiti i le alagaina o Lona toe afio mai. E ao ona faataunuuina le
afioga a le Atua; e ao ona tala’iina atu le fe’au o le toe afio mai o le
Faaola i tagata uma, ma gagana eseese ma nuu.
O Viliamu Mila ma ana uo na tuuina i ai le tiute o le avatua o
lea lapata’iga i totonu o Amerika. Na avea Amerika ma laumua o le
fe’au o le toe afio mai. O inei na aupito manino ai le faataunuuga
o le valo’aga o le fe’au a le ulua’i agelu. Na tau’aveina tusitusiga a
Mila ma ana uo i le tele o nuu mamao. Soo se atunuu o le lalolagi
na o atu i ai misionare, o inā foi na oo atu i ai le talalelei o le toe
afio mai o Keriso. Na mamao ma lautele le salalau atu o le fe’au o
le talalelei e faavavau - “Ia outou matata’u i le Atua, ma avatu ia te
Ia le viiga, auā ua oo mai le ituaso o Lana faamasinoga”.
O le molimau a valo’aga na foliga mai ai o le tausaga 1844 i le
taimi o le tau tuputupu o laau, o le a afio mai ai Keriso. Na loloto le
goto ifo i mafaufau o tagata o lenei aoaoga. A’o salalau atu le fe’au
mai lea setete i lea setete o Amerika, na faapena ona faaosofia le
fiafia o le to’atele i lenei mata’upu. E toatele na latou talitonu i le
sa’o o le faamatalaina o vaegataimi eseese o le valo’aga. Na tuu’ese
o latou manatu faaletagata ma le fiapoto ae talia ma le fiafia le upu
[310] moni. E i ai ni faife’au na latou tuu’ese o latou manatu ma lagona e
uiga i a latou ekalesia, ua latou tuua o latou totogi ma a latou aulotu,
ae ’u’ulima faatasi ma Mila ma ana uo i le folafolaina o le toe afio
mai o Iesu. Peitai e lei toatele le aufailotu na latou talia lenei fe’au;
na toatele lava i le vasega o tagata faatauvaa ma le aufaigaluega.
Na tuua e le au faifaato’aga o latou fanua, tuua e le au fau taavale
a latou meafaigaluega, tuua e le aufai’oloa a latou oloa, tuua e le
au popoto o latou tulaga. Ae peitai na toaitiiti pea le aufaigaluega
O Se Fafagu Faaleagaga I Le Lalolagi
371
pe a faatusatusa atu i le tele o le galuega e fia faia. Na tau’aveina i
loto o nei leoleo mamoe faamaoni se avega mamafa ona o le tulaga
o le ekalesia ua le maua ai se amioatua, ma le lalolagi ua goto ifo
i le amioleaga. O le mea lea na latou malilie ai latou te onosa’i i
puapuaga ma le matelaina ma le mamafa o le galuega, ina ia latou
avatua i tagata le fe’au o le salamō ma le faaolataga. Na tetee i ai
Satani; peitai na alu pea lava i luma le galuega, ma ua talia ai le upu
moni e le afe ma afe o tagata.
Na faalogoina i itu eseese o le atunuu le tala’iga o lenei fe’au.
Na avatua le lapata’iga i ē agasala - i latou o i le lalolagi, atoa ma
tagata agasala i totonu o le ekalesia - ina ia latou sosola ese i le
to’asā ua lata mai. Pei lava ona faia e Ioane le Papatiso, na faapena
foi faia e le au failauga o le fe’au o le toe afio mai. Na latou tuuina
le mātau i le tafu’e o le laau, ma latou avatua le valaau ina ia latou
fua mai ni fua lelei e tusa ai ma le salamō. Na vaaia se ese’esega
tele i lenei valaau ma lauga masani a ekalesia tetele i lea vaitaimi,
lauga na folafola mai ai le filemu ma le le āfāina i soo se mea. Na
vaaia se suiga i olaga o tagata i soo se mea na tala’ia ai lea fe’au.
Na galulue faatasi le fe’au tuusa’o ma le Agaga o le Atua, ma sa
lagona e le toatele lo latou tulaga agasala. O ē sa Kerisiano na o upu
ma le igoa, ua fagua a’e nei nai la latou moe ma le faalepopole. Na
latou vaai lelei i lo latou solomuli faaleagaga, na latou vaai lelei i
lo latou le talitonu ma lo latou amio faalelalolagi, na latou vaai lelei
foi i lo latou lotovii ma lo latou manatu faapito. E toatele na latou
sa’ili i le Alii i le salamō ma le faamaulalo. O mafaufau na piimau
atu i mea o le olaga nei, ua liliu mai nei ma taula’i atu i le lagi. Na
i o latou luga le Agaga o le Atua; na faapena ona latou gaua’i ma
latou ’u’ulima faatasi ma le aufaigaluega i le alagaina o le valaau,
“Ia outou matata’u i le Atua ma avatu ia te Ia le viiga, auā ua oo mai
le ituaso o Lana faamasinoga”.
E toatele tagata agasala na latou fesili ane ma loimata, “Se a se
mea ou te faia ou te ola ai? O ē na lauiloa i le gaoi ma le le faamaoni,
ua latou sa’ili’ili nei auala latou te totogi atu ai mea na latou avea
i auala le faamaoni. O ē ua latou maua le filemu a Keriso, ua latou
naunau ina ia maua e nisi lenei manuia. Na liliu atu loto o mātua
i fanau, ma loto o fanau i mātua. O le pa pupuni o le lotovii ma le
fiatagata ua lepetia nei i lalo. Na taufai fefaaalia’i o latou sese i le
agaga faamaoni, ma sa naunau le toatele ina ia latou galulue atu mo
372
O Le Finauga Tele
le faaolataga o o latou aiga ma ē ua pele ia i latou. E tele taimi na
[311] faalogoina ai le leo matagofie o le faatoga atu i le Atua mo le lelei
o isi. Na vaaia i itu uma le toatele o agaga ia latou fāgatuaga ma le
Atua. Na tauivi ma le Atua i le po atoa le toatele ona o lo latou fia
maua o le mautinoaga ua faamagaloina i latou; o nisi na ōle atu i le
Atua mo le liuga o se tagata o se ’āiga; o nisi mo se tuā’oi.
Na lolofi soo se itu’aiga tagata i sauniga a ē na alagaina le fe’au
o le toe afio mai. O ē māumea ma e matitiva, o ē maualuluga ma
ē leai ni tulaga, na tofu i latou ma le mafua’aga na lolofi atu ai i
le fia faalogo i le aoaoga o le fe’au o le toe afio mai. Na taofia ma
pulea e le Atua le agaga tetee o nisi ina ia maua ai se avanoa lelei
e faamalamalamaina ai e Ana auauna lo latou talitonuga. O nisi o
taimi, o ni tagata vaivai lava na faia lenei galuega; peitai, o le Agaga
o le Atua na tuuina le malosi ma le mana i Lana upu moni. Na lagona
i tino le faatasi atu o agelu paia a le Atua i totonu o nei sauniga,
ma e toatele na faaopoopoina i aso taitasi i le faitau aofa’i o le au
faatuatua. A’o folafolaina faapea faailoga o le lata o le toe afio mai o
Keriso, na lē migoi se tasi o le aofia a’o latou faalogo i le tāua ma le
uigā o le upu moni. Na foliga mai ua sōsō mai le lagi i le lalolagi. Na
lagona i tino le mana o le Agaga o le Atua o galue i loto o le aofia
- oe matutua, o le au talavou, faapea ma le fanau. Na pepese fano
atu i le ala le toatele i le fiafia ma le faafetai a’o latou taape i o latou
aiga. E lei galo i se isi o i latou le manaia o ia sauniga.
E toatele itu’aiga tagata eseese na tetee i le folafolaina o se taimi
ma’oti e afio mai ai Iesu; na amata mai lava le tetee i le aufailotu i
a latou lauga mai le pulelaa, sei oo lava i le au ulavavale ma le au
faalemigao i mea faalelagi. Na faataunuuina ai upu o le valo’aga ua
faapea mai: “E o mai i ona aso e gata ai o ē tauemu, latou te savavali
e tusa ma o latou lava tu’inanau; e faapea mai foi i latou, O ifea o i
ai le upu na folafolaina ai lona afio mai? Auā talu ona momoe o le
augātamā, ua tūtūmau pea o mea uma talu ona faato’ā faia”. 2Peteru
3:3, 4. E toatele nisi o Kerisiano na o le igoa, o ē na faitio ma fai mai
e leai sa latou tetee i le aoaoga o le toe afio mai; tasi lava le mea ua
latou tetee i ai o le taimi ma’oti o le toe afio mai. Peitai na silafia e le
Atua o latou loto. Latou te lei fia faalogo i le fe’au o le toe afio mai
o Keriso na te faamasinoina le lalolagi i le amiotonu. Ua leva ona
avea i latou o ni auauna lē faamaoni, ma sa latou lagona le matata’u
ma le fefe e feiloa’i ma le Atua; na latou lagona e lē tutū a latou
O Se Fafagu Faaleagaga I Le Lalolagi
373
galuega ma mea ua fai pe a su’esu’eina e le faamasinoga lē sese a
le Atua. E pei lava o tagata Iutaia i le vaitaimi o le ulua’i afio mai o
Keriso, latou te lei sauni e faafeiloa’i ia Iesu. Na latou le fia faalogo
i le laugaina o faailoga manino o le toe afio mai; ae le gata i lea na
latou faatauemu foi i ē na faatalitali mo le Alii. Na olioli Satani ma
ana agelu, ma ua latou faatauemu ia Keriso ma le au agelu paia ma
fai i ai ua faailoa le lē alolofa o tagata ia te Ia i lo latou lē fia vaai ia
te Ia i Lona faaali mai.
“E le iloa e se tasi le aso po o le ituaso e sau ai le Atali o le
tagata.” O le mau lea na faaaogaina e le toatele latou te teena ai le
fe’au o le toe afio mai. Fai mai le Tusi Paia, “A’o lea aso ma lea [312]
ituaso e le iloa e se tasi, e le iloa lava e agelu i le lagi, ua na o lo’u
Tamā lava”. Mataio 24: 36. Na faia se faamalamalama’aga lelei ma
le manino e i latou o ē na faatalitali mo le Alii; peitai na faauiga sese
lenei mau e le itu tetee. O nei upu o upu o le fetalaiga a Keriso i Ona
soo i luga o le mauga o Olive, ina ua tuua e Ia le malumalu mo le
toe taimi. Na fai le fesili a le au soo, “Se a le faailoga o Lou maliu
mai ma le gata’aga o le lalolagi?” Na ta’u i ai e Iesu faailoga o Lona
afio mai ma Ia fetalai atu: “Pe a outou iloa ia mea uma, tou te iloa
ai ua latalata ia, ua i faitoto’a lava”. Fuaiupu 3, 33. E le tatau ona
faaaogaina fetalaiga a le Faaola e faaleaogaina ai isi ana fetalaiga. E
moni e le iloa e se tasi le aso po o le ituaso o Lona afio mai. Peitai, ua
faatonuina i tatou ina ia tatou iloa ua lata mai lea aso. Ua a’oa’oina
foi i tatou afai tatou te teena le lapata’iga, po o lo tatou faatamala ma
tatou le iloa ai ua lata mai Lona toe afio mai, o le a leai se ese’esega
o i tatou ma tagata o le vaitaimi o Noa ina ua latou le iloa le taimi na
00 mai ai le lolo. Ua i ai foi le faatusatusaga ua tuuina mai i le va o
le auauna lelei ma le auauna le faamaoni i le faataoto i le mata’upu
lava lea e tasi. O lo o i ai le malaia mo le auauna leaga o le na faapea
ifo i lona loto, “E faatuai mai lo’u Alii”. Ua faailoa mai i inei le
taui e maua e i latou o ē maua mai e Keriso o mataala ma a’oa’oina
Lona toe afio mai, a’o le malaia mo ē le talitonu i ai. Fai mai Lana
fetalaiga, “O lea ia outou mataala ai”. “Amuia lea auauna pe a sau
lona Alii e maua o ia o lo o faapea ona fai.” Fuaiupu 42, 46. “Afai
foi e te le mataala, ou te alu atu ia te ou e pei o se gaoi, e te le iloa
foi le ituaso ou te alu atu ai ia te oe.” Faaaliga 3:3.
O lo o tautala Paulo i se vasega o tagata o le a faate’ia i le faaali
mai o le Alii. “O le aso o le Alii e pei o le gaoi i le po. Auā pe a latou
374
O Le Finauga Tele
fai ane, O lo o filemu, ua le āfāina, ona 00 lea ia te i latou o le fano
faafuase’i latou te le sosola ai lava.” Peitai o le upu lenei a Paulo i ē
ua usitai i le lapata’iga a le Faaola: “A’o outou le au uso e, tou te le
o i le pouliuli, ia maua mai ai outou e lena aso, e pei o se gaoi. O le
tagata o le malamalama outou uma lava, ma tagata o le ao; tatou te
le o i le po ma le pouliuli”. ITesalonia 5:2-5.
Na faapena ona faailoa atu o le le lagolagoina e le Tusi Paia o
le nonofo le malamalama o tagata e uiga i le lata o le toe afio mai
o Keriso. Peitai e lei fia faalogo i nei faamalamalama’aga i latou o
ē na sa’ili’ili i se ’alofaga latou te teena ai le upu moni. Na faapena
ona faalogoina pea le fasi fuaitau “E le iloa e se tasi le aso po o le
ituaso”. Na faaaogaina lea fasi fuaitau e le au faatauemu, faapea foi
ma nisi ua fai mai o i latou o faife’au a Keriso. Ua fāgua mai nei le
toatele, ma ua latou fia iloa le ala o le faaolataga. Peitai ua feosoi
ane nei le aufailotu ua tutū i le va o tagata ma le upu moni, ma ua
latou taumafai e faato’afilemu le popole o tagata e ala i lo latou faamalamalamaina sese o mau o le Tusi Paia. Ua tutu faatasi nei leoleo
[313] mamoe le faamaoni i le lagolagoina o le galuega a le taufaasese sili,
ma ua latou alalaga mai, ’Filemu, ua le āfāina’; peitai e lei fetalai
mai le Atua i se filemu. Ua pei i latou o le au Faresaio i ona po o
Keriso. Ua le gata ina latou le fia ulufale i latou lava i le malo o le
lagi, a ua latou faalavelave foi i ē o lo o fia ulufale atu i totonu o le
malo. O le a pa’u i o latou luga le toto o nei tagata.
O ē faigofie ma agamaulalo ma ē faamaoni i le ekalesia, o i latou
ia na taulamua i lo latou taliaina o le fe’au. O ē na latou sa’ili’ili i le
Tusi Paia mo i latou lava, o i latou ia na latou iloa le le lagolagoina
e le Tusi Paia o le talitonuga na taatele e uiga i valo’aga. Soo se mea
na sa’ili’ili ai tagata i le Tusi Paia mo i latou lava, soo se mea na le
pulea malosi ai tagata e le aufailotu, o inā na faigofie ai ona talia e
tagata le fe’au o le toe afio mai, ina ua latou faatusatusa lea fe’au ma
le mea ua fai mai ai le Tusi Paia.
E toatele na sauāina e o latou uso le talitonu. O le vaai o nisi
i o latou tulaga-tofi na latou ioe ai o le a latou le tala’ia lo latou
talitonuga. Peitai na lagona e isi afai o le a latou faamaoni i le Atua,
e le mafai ona latou natia le upu moni ua tuuina atu e le Atua i o latou
lima. E toatele na faate’aina ma le ekalesia ona ua latou faaiioa atu
i nisi lo latou talitonuga i le toe afio mai o Keriso. Na tāua ia i latou
upu a le perofeta na faapea mai, “Ua inoino o outou uso ia te outou
O Se Fafagu Faaleagaga I Le Lalolagi
375
ona o lo’u igoa. Ua latou faatauemu ma fai ane, ’Ia viia le Atua, ma
olioli i le Alii’. E masiasi lava i latou i se aso. Isaia 66:5.
Na maitauina ma le naunauta’i e agelu a le Atua mea o le a tutupu
ona o le lapata’iga. Na latou faliu ese ma le faanoanoa ina ua latou
vaaia le teena o le fe’au e le tele o ekalesia. Peitai na i ai nisi e lei
00 i ai le tofotofoga ona o le fe’au o le toe afio mai. E toatele na
faasesēina e o latou ta’ito’alua, po o mātua, po o a latou fanau, ma
ua latou talitonu ai ua latou faia se agasala pe a latou ō e faalogologo
i aoaoga ma sauniga na faia e le aufaigaluega o le toe afio mai. Na
poloa’iina agelu ina ia latou puipuia faalelei i latou nei, auā o le a
faasulugia i latou i se malamalama mai le nofoalii o le Atua.
Na le mafai ona faamatalaina i upu le faanaunauga o le au faatuatua i lo latou fiavā’ai i le Faaola. Ua lata mai lava le taimi na latou
talitonu o le a latou feiloa’i ai ma Ia. Na latou mafaufau loloto a’o
latou faatalia lea itula uigā. Na latou maua se malologa o o latou
mafaufau ona o le suamalie o la latou fesoota’iga ma le Atua; ua pei
o se ata lea o le filemu o le a latou maua i le manuia atali. Na le
mafai ona galo i se tasi o lenei au faatuatua le matagofie ma le tāua
o ia itula a’o latou vaavaai ma faatalitali. Ua toe o ni nai vaiaso ona
taunuu lea o le taimi ua latou faatalitali nei i ai. E toatele ua latou
faagalo ma le toe popole i a latou galuega e pei ona masani ai. O le au
faatuatua faamaoni na latou su’esu’e ifo i lagona ma manatunatuga
uma o o latou loto, ua peiseai ua latou lata i le gutu o le tuugamau;
peiseai ua toe o ni nai itula ona moe’i’ini ai lea o o latou mata, ma
latou le toe vaai ai i mea o le lalolagi nei. E lei su’ia faapitoa ni o
latou ofu mo le aveolaina o i latou i le lagi. Peitai na lagona e i latou [314]
uma e ao ona sauniunia o latou loto auā le feiloa’iga ma le Faaola.
Na latou mana’omia le ofu sinasina o le loto ua mamā, ma olaga ua
faamamāina i le toto togiola o Keriso. Ma’imau pe ana o i ai pea
lava ia i latou ua igoa i le suafa o Keriso lea agaga o le su’esu’e ifo
o le tagata lava ia ia te ia, atoa ma le faatuatua faamaoni, faatuatua
mausali. Ana latou faaauauina lea uiga lelei, ma latou faamaulalo i
luma o le Atua ma avatu a latou talosaga i le nofoa o le alofa tunoa,
semanū ua latou maua se olaga matagofie ma le tamao’aiga i mea
faaleagaga, e sili atu i le olaga ua latou maua nei. Ua itiiti na’uā le
tatalo, ua toaitiiti foi i latou ua latou lagona lo latou tulaga agasala;
o le leai o se faatuatua ola, o le pogai lea ua gaogao’i’i ai le toatele
i le alofa tunoa ua faula’i ma maua fua e ala i lo tatou Faaola.
376
O Le Finauga Tele
Na finagalo le Atua ina ia tofotofoina Lana fanau. Na ufitia e
Lona aao le sese i la latou faatulagaga o vaegataimi faavalo’aga.
Latou te lei iloa lo latou sese; peitai e lei iloa foi lea sese e i latou
na aupito atamamai i le itu tetee. Fai mai le upu a le au faatu’i’ese:
“E sa’o la tou faatulagaga o vaegataimi faavalo’aga. E i ai se mea
tāua o le a tupu; peitai e le o le mea lea na valo’ia e Mila. O le mea
tāua o le a tupu o le liuga lea o le lalolagi ae le o le afio faalua mai
o Keriso.
Ua mavae le aso na tuupōina ae lei afio mai Keriso mo le
lavea’iga o Lana fanau. Na oo ifo se tiga matuitui i ē na faatalitali
ma le faatuatua ma le alofa moni mo lo latou Faaola. Ae ui i lea na
faaaogaina lea tiga matuitui e faataunuuina ai le finagalo o le Atua;
na tofotofoina e le Atua i latou o ē na latou fai mai ua latou faatalitali
mo Lona afio mai. E toatele na latou faatalitali ona o lo latou fefefe
ae lei i ai se liuga monii o latou olaga. O i latou ia na latou faailoa lo
latou fiafia ina ua le taunuu le afio mai o Keriso; latou te lei talitonu
faamaoni o le a afio mai Iesu. O i latou ia na taulamua i le faatauemu
i le tiga matuitui na oo i le au faatuatua faamaoni.
Peitai, na silasila ifo Iesu ma au agelu a le lagi i lo latou alofa i
lenei au faamaoni, i latou ua tofotofoina, i latou na tūtūmau e ui lava
i le tiga o le mea ua oo ia i latou. Ana se’i pupula mata o tagata e pei
ona pupula mata o le auauna a Elisaia, semanū ua latou vaaia agelu
o faalatalata atu i nei uso faamaoni, uso tūtūmau, e puipuia i latou
[315] mai ū fanafana a Satani.
Mataupu 21—Se Lapata’iga Ua Teena
Na folafolaina e Viliamu Mila ma ana uo le fe’au o le toe afio
mai. Na latou faia lenei galuega ona o le mafua’aga e tasi, ina ia
fafagu ai tagata e sauniuni mo le faamasinoga. Na latou taumafai
ina ia fafagu i luga i latou ua Kerisiano na o le igoa, ina ia loloto lo
latou olaga faaKerisiano, ma ia latou iloa le Faamoemoega moni o
le ekalesia. Na latou taumafai foi ina ia fafagu i latou sa i fafo o le
ekalesia ina ia latou lagona lo latou tulaga agasala ma liliu atu i le
Atua i le salamo. Latou te lei taumafai e faaliliu tagata i se lotu po o
se ekalesia. O le pogai lea na latou galulue ai i soo se aulotu ma soo
se ekalesia; latou te lei taumafai e faalavelave i le faagaioiga ma le
faatulagaga o a latou lotu po o ekalesia.
Fai mai le faamatalaga a Mila, “Talu lava le amataga o la’u
galuega, e le’i i ai so’u mana’o faapea e fia faatūina se lotu e ese
nai lotu na i ai i lea vaitaimi. Ou te le’i mana’o foi ina ia faasino
le lelei i se lotu e tasi ae pagatia se isi lotu. Na ou mana’o ina ia
manuia lotu uma i la’u galuega. Na i ai lo’u manatu o le a olioli le
au Kerisiano uma ona o le fe’au o le toe afio mai o Keriso. Afai foi
e i ai nisi latou te le talia le fe’au e pei ona ou talitonu i ai, sa i ai
lo’u manatu o le a lē suia ai le alolofa o ē lē talitonu i lenei fe’au,
ia i latou ua talia lea talitonuga. Afai o le a faia faapena, e le’i i ai
so’u manatu o le a mana’omia se faa’ese o ni sauniga a i latou ua
talitonu i le toe afio mai. Na o le tasi le sini na i lo’u mafaufau - o
lo’u faanaunauga lea ina ia liliu tagata i le Atua, ina ia lapata’iina
le lalolagi ua lata mai le faamasinoga, ma una’iina o’u uso ina ia
saunia lelei o latou loto ina ia mafai ona latou tutū atu e feiloa’i ma
lo latou Atua i le filemu. O le to’atele o ē na liua i la’u galuega na
avea i latou o ni tagata aulotu i lotu eseese na i ai i lenā vaitaimi”.
(Bliss, p. 328.)
Na fiafia le to’atele mo se vaitaimi i le galuega a Mila ona sa
faatupula’ia ai tagata aulotu o ia lotu eseese uma. Peitai, ina ua faia
le filifiliga a faife’au ma ta’ita’i o ekalesia e tetee i le fe’au o le toe
afio mai, ma taofia le folafolaina o lea mata’upu, na faapena loa ona
377
378
O Le Finauga Tele
latou tetee i ai i a latou lauga mai le pulelaa. Ae le gata i lea, na latou
faasāina foi o latou tagata ona o e faalogo i le laugaina o le fe’au o
le toe afio mai. Na latou faasāina foi tagata ekalesia ona latou ta’u
atu i isi o le ekalesia le mea ua latou talitonu i ai. Na faapena ona
[316] oo le au faatuatua i se tulaga fememea’i ma le lē māumanatu. Latou
te lei fia o ese ma lotu po o ekalesia na latou i ai. Ae peitai ua latou
vaai ua taofia ma faasāina le molimau a le afioga a le Atua, ma ua
le faatagaina foi la latou aiā tatau latou te su’esu’e ai i valo’aga. Na
latou lagona e sili ona latou faamaoni i le Atua, i lo le gaua’i i tagata.
Na latou lagona o ē ua taumafai e taofia ma faasāina le molimau a
le afioga a le Atua, e le o ni tagata ia o le ekalesia a Keriso o le ua
avea ma poutū ma le faavae o le upu moni. O le mea lea na latou
lagona ai e ao ona latou vavae ese mai ekalesia na latou lolotu ai.
Na faapena loa ona vavae ese i le tau mafanafana o le 1844 pe tusa
o le lima sefulu afe tagata mai ekalesia eseese na latou lolotu ai.
Na vaaia i le tele o lotu eseese i le Iunaite Setete se suiga iloga
i le vaitaimi lea. Ua leva ona vaaia i nei lotu uma le faifaimalie o le
sosolo mai o amioga faalelalolagi. A’o faateleina le faata’ita’i i tu ma
amio a le lalolagi, na faapena ona faaitiitia o le amioatua i totonu o
ekalesia. Peitai na uiga ese le maulalo o le pa’ū o le olaga faaleagaga
i le tausaga 1844, ma sa toetoe lava lavea ai ekalesia uma i le lautele
o le atunuu. E leai se isi na iloa le faapogai o le alu ifo faapea i lalo
o le olaga faaleagaga o ekalesia. Na tusia mai nusipepa lea tulaga,
ma sa ta’ua foi i lauga a faife’au i totonu o falesa.
Na faia se fono a ta’ita’i o ekalesia i le matagaluega a Filatelefaia
i Amerika. O le faamatalaga lenei a se faife’au e igoa ia Pane na auai
atu i lea fono. O Pane o se tusitala na ia tusia se tusi o faamatalaga
o mau eseese o le Tusi Paia; o ia foi o se faife’au o se tasi o ekalesia
tetele i le aai o Filatelefaia. Fai mai lana faamatalaga, “Ua 20 tausaga
o la’u galuega faafaife’au. Soo se taimi na ou faia ai le faamanatuga
i ia tausaga uma, sa le aunoa lava ma tagata faaopoopo mai i totonu
o le ekalesia - sei vagana ai le faamanatuga lea ua te’a atu nei. Ua
le toe i ai se fafagu faaleagaga, leai ni liuga, leai ni faailoga o le
tuputupu a’e o le ola faaleagaga i tagata ekalesia, ma ua le toe i ai
nisi e o mai ma talanoa mai ia te a’u e uiga i lo latou faaolataga.
Ua o faatasi le tuputupu a’e o le manuia i mea faa- faatauoloa ma
le tuputupu a’e o le olaga faalelalolagi. Ua taufai tutusa lotu uma i
lenei mea”. (Congregational Journal, May 23, 1844.)
Se Lapata’iga Ua Teena
379
O le tausaga lava lea 1844 i le masina o Fepuari na fai ai se faamatalaga a se porofesa e suafa ia Fini mai le Kolisi o Opalini. Fai
mai lana tala, “E i ai se mea ua leva ona tatou vaavaai i ai. Ua leva
ona tatou vaai i le faatamala ma le faalepopole o le to’atele o lotu
Porotesano i totonu o le atunuu. Ua latou faalepopole ma manatu
māmā i le tele o fafagu faaleagaga ma taumafaiga mo le olaga toe
faafouina. Pe tasi pe lua ni ekalesia e ese mai ai, a’o le lautele o ekalesia uma i le atunuu o le mea lava e tasi. O le isi mea e o faatasi ma
lea faalepopole o le leai o se olaga toe fuata’i i totonu o ekalesia i le
atunuu. Ua sosolo mafiafia pei o se faama’i lenei mea, e pei ona faaiioa mai i nusipepa faalelotu i totonu o le atunuu. Ua mulimuli ’auloa
le tele o ekalesia i teuga faalelalolagi; ua latou ’u’ulima faatasi ma [317]
ē faalemata’u i a latou faigā’ai ma siva ma mea faafiafia. ...Ua tele
molimau ua faailoa mai ai ia i tatou lē tulaga pa’ū maulalo ua aga’i
atu nei i ai lotu ma ekalesia i le atunuu. Ua latou ō mamao ma le
Atua, ma o le mea lea ua tuua ai i latou e le Atua”.
Fai mai le faamatalaga a se tusitala i se tasi o nusipepa faalelotu:
“Ua faato’ā oo lea o le lalolagi i se pa’ū maulalo o le tapulaa faaleagaga e pei ona ua tatou oo nei i ai. O le mea moni, ua oo i le taimi
e tatau ai ona ala mai le ekalesia, ma su’esu’e ma sa’ili’ili po o le
a le faapogai o lenei malaia. A tatou vaavaai i le oge ua oo nei i ai
le ekalesia i le olaga faaleagaga ma liuga faamaoni, a tatou vaavaai
i le faalemata’u ma le loto ma’a’a ua oo nei i ai tagata o le lalolagi,
na o le tasi le alaga e oo ifo ia i tatou, ’Ua faagalo mai ea i tatou e le
Atua i Lona alofa?’ ’Ua tapunia ea le alofa tunoa?’”
E le tupu fua i totonu o le ekalesia se tulaga faapea e aunoa ma
se mafua’aga. O le pogisa faaleagaga e oo i malo, po o ekalesia, po
o tagata ta’ito’atasi, o lea pogisa ua tupu mai, e le ona ua ave’esea
e le Atua o Lona alofa tunoa, ae ona o le faatamala po o le teena
e tagata o le malamalama faalelagi. Ua faailoa manino mai lenei
mea i le tala o tagata Iutaia i ona po o Keriso. O lo latou mulimuli
i ala o le lalolagi, o lo latou faagalogalo i le Atua ma Lana afioga,
o mea ia na pogisa ai o latou mafaufau, ma ua tumu ai o latou loto
i tu’inanauga o le tino ma mea o le lalolagi. O le mea lea na latou
le iloa ai le vaitaimi tonu o le fanau mai o le Mesia, ma ua avea lea
ma faapogai o lo latou teena o le Faaola talu ai lo latou lotovii ma
lo latou le talitonu. Peitai e lei teena i latou e le Atua i lea taimi;
na tuuina atu pea ia i latou e le Atua le avanoa latou te maua ai le
380
O Le Finauga Tele
malamalama ma latou maua ai faamanuiaga o le faaolataga. Peitai o
ē uma na latou teena le upu moni, ua matuā leai ma so latou mana’o
e tasi i le meaalofa a le Lagi. Ua avea le pogisa o le malamalama ia
i latou, a’o le malamalama ua avea o le pogisa. Se pogisa a tele!
E fiafia Satani pe a taofi mau tagata i le faataunuuina o sauniga
eseese a le ekalesia, ae aunoa ma le mana o le Agaga e maua mai ai
le amioatua faamaoni. Ua fetaui lelei lava lenei faiga ma le fuafuaga
a Satani. Ua mavae le taimi na teena ai e tagata Iutaia Keriso ma
le talalelei. Peitai, sa le faaitiitia ai lo latou ma’elega i le faiga o a
latou sauniga eseese faalelotu. Na latou faaauau pea lava lo latou
faasāina o tagata o nuu ese i ia sauniga, e ui lava na latou lagona
ua le o toe i ai ni faailoga o le faatasi atu o le Atua i sauniga na
latou to’a’aga e faaauau. Na manino ona faailoa mai e le valo’aga a
Tanielu o le taimi o le afio mai o le Mesia; na manino foi le valo’ia
mai o Lona maliu, ma o le faapogai lea na latou le manana’o ai ina
ia su’esu’e tagata i lea valo’aga. Na i’u lava ina folafola mai e se
rapi se malaia ia i latou uma o e taumafai e sa’ili’ili i le taimi tonu
e fanau mai ai le Mesia. Na latou faalepopole ma manatu māmā i le
meaalofa o le faaolataga na ofoina atu ia i latou; na latou faatamala
[318] i faamanuiaga o le talalelei; na latou tauaso ae leai ma so latou fia
salamō. Na faapena ona tu mai o le nuu o Isaraelu, ua avea o se
lapata’iga uigā ma se faamanatu mata’utia o le leaga o le teena o le
malamalama mai le lagi.
O le i’uga lava lea e tasi e oo i ai i latou uma latou te teena le
malamalama mai le lagi. Soo, se tasi e faataligatuli i le musumusuga
a le Agaga ona o le faalavelave ane i le faataunuuina o mea e mana’o
i ai lona loto, e i’u ina le toe iloa e lea tagata le eseesega o le upu
moni ma mea sese. O le a faapogisaina le mafaufau, o le a feū taliga,
o le a faama’a’a le loto, ua tete’a mamao lea tagata ma le Atua. Soo
se mea e teena ai le fe’au faalelagi, o inā foi e ufitia ai le ekalesia
i le pouliuli, e maalili ai le alofa ma le faatuatua, ae ofi mai ai i le
ekalesia finauga ma fevaevaea’iga. O le a faaalu le taimi o tagata
ekalesia i le sa’ilia o le lalolagi; ae o le a ma’a’a atili ai loto o tagata
o le lalolagi i lo latou le fia salamō.
O le fe’au a le ulua’i agelu o le Faaaliga 14 ua folafolaina mai ai
le itula o le faamasinoga a le Atua, ma ua valaauina ai tagata ina ia
latou matata’u i le Atua ma avatu ia te Ia le viiga. Na fuafuaina lenei
fe’au ina ia vavae’esea ai le ekalesia a le Atua mai mea faatosina a
Se Lapata’iga Ua Teena
381
le lalolagi. Na fuafuaina foi lea fe’au ina ia fafaguina ai i latou se’i o
latou vaai i lo latou tulaga moni, i lo latou solomuli faaleagaga ma
lo latou tulaga ua pei lava i latou o tagata o le lalolagi. Na aumaia
e lenei fe’au se lapata’iga i le ekalesia. Ana usitai i ai le ekalesia,
semanū e avea lenā ma auala e faasa’osa’oina ai mea leaga sa taofia
ai lo latou o mai i le Atua. Ana latou talia le fe’au mai le lagi ma latou
faamaulalo i luma o le Atua, ma latou faia se sauniuniga faamaoni
mo le feiloa’iga ma Ia, semanū e iloga le galuega a le Agaga o le
Atua ia i latou. Ana latou talia le fe’au, semanū e toe oo le ekalesia
i le tulaga manuia na oo i ai le ekalesia i aso o le au aposetolo - o
le tulaga manuia lea o le loto gatasitasi, o le faatuatua, ma le alofa;
o aso ia na “tasi ai le loto ma le manatu o le au faatuatua”, ma sa
latou “tala’iina atu le afioga a le Atua ma le faamalosi”; o aso ia na
faaopoopoina ai e le Atua i le ekalesia ē ua faaolaina i lea aso ma
lea aso. Galuega 4:32, 31; 2:47.
Ana talia e le au Kerisiano le malamalama e pei ona sulugia ai i
latou mai le afioga a le Atua, semanū ua latou maua le loto gatasitasi
e pei ona tatalo ai Keriso. O le lotogatasi lea ua ta’u e le aposetolo
o le “lotogatasi i la le Agaga i le noataga o le filemu”. Fai mai le
aposetolo, “E tasi le tino, e tasi foi le Agaga, faapei ona valaauina o
outou i le faamoemoe e tasi ua valaauina ai outou; e tasi le Alii, e
tasi le faatuatuaga, e tasi le papatisoga”. Efeso 4:3-5.
O i’uga manuia na, na maua e i latou o ē na latou talia le fe’au o
le toe afio mai. E eseese ekalesia na latou o mai ai. Na solōia i lalo
mea uma na fai ma pa pupuni i lo latou va ona o a latou ekalesia; na
faapena ona faia i talitonuga na latou eseese ai. Na latou lafoa’i ma
fulitua i le aoaoga sese o le meleniuma i le lalolagi a’o lumana’i ai
le afio mai o Iesu. Na latou faasa’osa’o ni o latou taofi sese e uiga [319]
i le toe afio mai. Na ave’esea i o latou olaga le lotovii ma le amio
faalelalolagi; na faaleleia leaga i o latou va; na noatia faatasi o latou
loto i se mafutaga suamalie, ma ua pule aoao ai le alofa ma le olioli
i o latou olaga. O le mea lenei na oo i le toaitiiti na latou talia lenei
fe’au; o le mea lava foi lea semanū e oo ia i latou uma, pe ana latou
talia uma lea fe’au.
Peitai e lei talia lenei lapata’iga e le to’atele o ekalesia. Sa tatau
ona taulamua a latou faife’au i lo latou iloa o faailoga o le afio mai o
Iesu, auā ua fai i latou ma tagata vā’ai “i le aiga o Isaraelu”. Peitai latou te lei iloa le upu moni mai le molimau a le au perofeta; latou te lei
382
O Le Finauga Tele
iloa foi le upu moni mai faailoga o le taimi na latou ola ai. A’o tumu
le loto i moomooga faalelalolagi, na faapena ona maalili le alofa i
le Atua ma le faatuatua i Lana afioga. Na faapena ona faaosolia o lo
latou le talitonu ma lo latou tetee ina ua folafolaina le fe’au o le toe
afio mai. Na atili ai lo latou le fia talia o le fe’au ona o le to’atele o ē
na folafolaina lea fe’au e le o ni faife’au. Pei lava ona faia anamua, ua
avatu le molimau manino a le afioga a le Atua ae faafetaui i le fesili,
“Ua talitonu ea i ai nisi o faipule po o le au Faresaio?” A latou le iloa
tali i molimau manino o vaegataimi faavalo’aga ua faataunuuina,
ona latou taumafai lea e faasā le su’esu’eina o valo’aga. Ua latou fai
mai o tusi o valo’aga o ni tusi ua tapunia ma faamaufaailogaina, ma
e lei finagalo le Atua ina ia malamalama i ai se tasi. E afe ma afe na
latou talitonu ma usitai faamaoni i a latou faife’au, ma ua faapena
ona latou le fia faalogo i le lapata’iga. E to’atele nisi na talitonu i le
upu moni ae na latou fefefe e faaiioa lea talitonuga ne’i faasāina i
latou ma le malumalu. Na auina mai e le Atua le fe’au mo le tofotofoga ma le faamamāina o le ekalesia. Na tofotofoina le ekalesia ma
ua faaalia a’e ai le to’atele o ē ua latou faa’ogatotonu i o latou loto le
lalolagi ae le o Keriso. Ua malolosi atu o latou noataga i le lalolagi
nai lo le mana’oga mo le lagi. Na faia la latou filifiliga latou te usitai
i le leo o le poto faalelalolagi, ae liliu ese ai mai le fe’au o le upu
moni, le feau e su’esu’eina ai le loto.
O lo latou teena o le lapata’iga a le ulua’i agelu, o lo latou teena
lava lea o le auala faalelagi na tuuina mai mo lo latou toe fuata’iga.
Ua latou teena le avefe’au faalelagi semanū latou te maua ai le fofō
mo agasala na tutū i lo latou va ma le Atua.Ua atili ai nei lo latou
sa’ilia o auala latou te fefaauoa’i ai ma le lalolagi. O le mafua’aga
tonu lava lenei o le tulaga mata’utia na oo i ai ekalesia i le tausaga
1844 - o le amio i le lalolagi, o le solomuli faaleagaga, atoa ma le
oti faaleagaga.
Na mulimuli mai tua o le ulua’i agelu o le Faaaliga 14 se isi
agelu, o lo o alaga ma faapea mai: “Ua pa’ū, ua pa’ū Papelonia, o
le aai tele, auā ua ia faainu i nuu uma i le uaina o le toasa i lana
faitaaga”. Faaaliga 14:8. O le upu “Papelonia” e fanau mai le upu
“Papelu”, ma o lona uiga o le fenumia’i. Ua faaaogaina i le Tusi
[320] Paia le upu “Papelonia” e fai ma faatusa o soo se itu’aiga o ekalesia
pa’ū ese. Ua faatusa Papelonia i se fafine i le Faaaliga 17 - o le fafine
ua faaaogaina i le Tusi Paia e fai ma faatusa o le ekalesia, o le fafine
Se Lapata’iga Ua Teena
383
amiolelei o le faatusa lea o le ekalesia mamā, a’o le fafine talitane o
le faatusa lea o le ekalesia pa’ū ese.
Ua faaaogaina e le Tusi Paja le mafutaga i le va o le tane ma le
fafine e faatusa i ai le mafutaga vavalalata i le va o Keriso ma Lana
ekalesia. Na tuufaatasia e Keriso Ia lava i Ona tagata ina ua latou
osia se feagaiga uigā ma le tāua. Ua folafolaina mai e Keriso Ia lava
i lea feagaiga e avea o lo latou Atua, a ua ta’utino atu foi le ekalesia
o le a tuuina atu i latou mo Ia, na o Ia lava. Ua fetalai mai o Ia, “Ta te
osi sa ta feagaiga ma a’u e faavavau; ta te osi sa ta feagaiga ma a’u i
le amiotonu, ma le faamasinoga ma le agalelei, ma le alofa”. Hosea
2:19. Ua Ia fetalai mai foi, “Liliu maia ia te a’u ...auā o a’u o lau
tane”. Ieremia 3:14. O le faatusa lava foi lea ua faaaogaina e Paulo i
le Feagaiga Fou ina ua ia fai mai: “Auā ua uma ona ou faufautane ia
te outou i le tane e toatasi; ina ia ou momoli ia te outou o le taupou
faamaoni ia Keriso”. 2Korinito 11:2.
Ua faatusa le le faamaoni o le ekalesia ia Keriso i le le faamaoni o
le fafine i le feagaiga na faia ma lana tane. Ua le faamaoni le ekalesia
ia Keriso ina ua latou liliu ese ma Ia ae alu o latou loto i mea o le
lalolagi. Ua faaaogaina foi le faatusa lava lenei e ta’u manino mai
ai le agasala a Isaraelu i lo latou liliu ese ma le Alii. O upu nei ua
faamatalaina mai ai le teena e Isaraelu o le alofa matalasi o le Atua:
“Na ou tauto foi ia te oe, ma tā osia le feagaiaga Ma’u, ona fai ai lea
o oe Mo’u”. “Na matuā lalelei lava oe, na manuia foi oe na fai ma
malo. Na oo atu foi i nuu ese le logo o lou lalelei; auā sa atoa lea
i lou matagofie na ou tuuina ai ia te oe. ...Ae peitai na e faatuatua
i lou lalelei, ma e mulilua ona o lou logo.” “E pei o le fafine ona
amio faa’ole’ole i lana tane, ua faapea ona amio faa’ole’ole ia te a’u
o outou, le aiga o Isaraelu e, o loo fetalai mai ai Ieova.” “E pei o le
avā ua mulilua, o le ua talia tane ese ae tuu lana lava tane.” Esekielu
16:8, 13-15, 32; Ieremia 3:20.
Ua tai foliga lava foi nei upu i le gagana ua faaaogaina i le Feagaiga Fou e faamatalaina mai ai le au Kerisiano ua sili ia i latou le
faauo atu i le lalolagi nai lo le pipii atu i le Atua. Fai mai le aposetolo
o Iakopo: “O outou tagata mulilulua e, tou te le iloa ea o le fefaauoa’i
ma le lalolagi o le ita lea i le Atua? O lenei o se fia uō ma le lalolagi,
ua avea o ia o se ita i le Atua”. Iakopo 4:4.
O upu nei ua faamatalaina mai ai le fafine po o Papelonia i le
Faaaliga 17: “Ua ofu le fafine i le ie pāuli ma le mūmū, ua teuteu
384
O Le Finauga Tele
foi i auro, ma maa tāua, ma penina, ua i lona lima le ipu ua tumu i
mea e inosia ma le leaga o lana faitaaga; ua tusia foi i lona muaulu
le igoa, O le Mealilo, Papelonia Le Aai Tele, O le Tinā o Fafine
Talitane.” Fai mai le perofeta, “Na ou iloa foi le fafine ua ōnā i le
toto o le au paia ma le toto o ē na molimau ia Iesu”. Ua tā’ua foi
[321] Papelonia “o le aai tele lea, e i ai lana pule i tupu o le lalolagi”.
Faaaliga 17:4-6, 18. O Roma na ia u’uina le pule lea na fefefe i ai
tupu ma ta’ita’i o atunuu Kerisiano uma i le tele o senituri. Ua fetaui
lelei le faaaogaina o le lanu pāuli ma le mūmū, faapea ma le auro
ma maa tāua ma penina, e faamatala manino mai ai le matagofie ma
le matalasi maoa’e o teuga faatupu ma le mamalu na ō faatasi ma le
faamaualuga o le tupusā o Roma. E leai foi se isi malo e fetaui tonu
i ai le faa’upuga o le “onā i le toto o le au paia” e pei ona faia e le
ekalesia lea na sauāina ma faatāugāina soo o Keriso. O Papelonia
foi lea ua molia i lona nonofo faapouliuli ma tupu o le lalolagi. Na
avea ma talitane le ekalesia Iutaia ina ua latou liliu ese ma le Atua
ae feoa’i ma faifaimea faatasi ma ē faapaupau. Ua faapena foi ona
pa’u le ekalesia Roma ma lavea i le moliga e tasi, ina ua latou sa’ilia
le malosi ma le lagolago atu o malo o le lalolagi.
Ua ta’ua Papelonia o le “tinā o fafine talitane”. O lona uiga o lana
fanau o le faatusa lea o ekalesia uma o lo o pipii ma mulimuli i ana
aoaoga ma ana uputuu, ma ua latou mulimuli i lana amio o le fulitua
i le upu moni ma le finagalo o le Atua, ona o lona manatu i le nonofo
faapouliuli ma le lalolagi. O le folafolaga o le pa’ū o Papelonia i le
fe’au o le Faaaliga 14, e le taumate e faasino tonu lea i ekalesia na
amata mai o mamā, a ua pa’u’ū ma faita’aga. O lo o mulimuli mai
lenei fe’au i le lapata’iga e faatatau i le faamasinoga. O lona uiga
o le taimi o le i’uga e alagaina ai lenei fe’au. O lona uiga e lē na o
le ekalesia Roma e faatatau i ai lenei faa’upuga, auā o le ekalesia
Roma ua fia selau tausaga o i ai i le tulaga pa’ū ma le faita’aga. Ae
le gata i lea, o lo o i le mata’upu 18 o Faaaliga se valaau i le fanau a
le Atua ina ia latou o ese mai Papelonia. Ua faailoa mai i lenei mau
e to’atele le fanau a le Atua o lo o i totonu pea lava o Papelonia.
O a ekalesia o lo o i ai le to’atele o le au Kerisiano i le asō? E le
taumatea o le to’atele o lo o i totonu o Lotu Porotesano eseese. Na
uiga ese le tutū faamaoni o nei lotu i le Atua ma Lana upu moni i
le vaegataimi na latou faato’ā amata mai ai; ma sa faamanuiaina i
latou e le Atua. E oo lava i tagata o le lalolagi, na latou ioe i le tele o
Se Lapata’iga Ua Teena
385
mea lelei na oo mai talu ai le taliaina o aoaoga o le talalelei. Fai mai
upu a le perofeta ia Isaraelu, “Na oo atu foi i nuu ese le logo o lou
lalelei; auā sa atoa lea i lou matagofie na ou tuuina atu ai ia te oe,
o lo o fetalai mai ai le Alii o Ieova”. Peitai na latou pa’u’ū ona o le
mana’o lava e tasi lea na oo ai le malaia ma le faasalaga ia Isaraelu
- o le mana’o lea e feoa’i ma fefaauoa’i ma faata’ita’i i tu ma aga a
le au lē mata’u i le Atua. “Na e faatuatua i lou lalelei ma e mulilua
ona o lou lauiloa.” Esekielu 16:14, 15.
Ua mulimuli le tele o lotu Porotesano i le faata’ita’iga leaga a
Roma i lona nonofo faapouliuli ma tupu o le lalolagi. Ua faapena
lotu Porotesano ia ua avea ma lotu a le malo i le tele o atunuu; ua
faapena foi isi lotu Porotesano i lo latou sa’ilia o le viiga mai le
lalolagi. Ua fetaui lelei i nei lotu uma le upu “Papelonia” po o le
fenumia’i, auā ua latou fai mai o le Tusi Paia le faavae e tasi o a latou [322]
aoaoga, ae faauta i le tele o lotu eseese ua vaevaeina i ai i latou. E
tofu lava le lotu ma ona talitonuga ma ana aoaoga.
Ua nonofo faapouliuli lotu Porotesano ma le lalolagi, e pei lava
ona faia e le ekalesia Roma. Ae i ai foi isi uiga o Roma ua maua ai
lotu Porotesano nei na vavae’ese mai ia Roma.
Fai mai upu a se tagata tusitala o le Ekalesia Katoliko Roma:
“Afai ua agasala le Ekalesia Roma i le ifo i tupua ona o lo latou tatalo
i le au paia ma sagato, o lona uiga ua agasala ai foi lana tama, o le
Lotu Egelani lea, auā a ē maua so latou falesa e tasi ua faapaiaina
ia Keriso, o le isi sefulu falesa ua faapaiaina ia Maria”. (Richard
Challoner, The Catholic Christian Instructed, Preface, pp. 21, 22.)
Fai mai le tusitala lauiloa o Samuelu Hopikini i lana tusi na
faaigoa “O se Faamatalaga e Uiga i le Meleniuma“: “E le na o le
Ekalesia Roma e fetaui i ai uiga ma faagaioiga a le anetikeriso. E tele
uiga o le anetikeriso e maua i totonu o lotu Porotesano. Ua mamao
lava i latou ma le olaga o le fuata’iga atoatoa”. (Samuel Hopkins,
Works, vol. 2, p. 328.)
Fai mai le faamatalaga a le tusitala o Katari e uiga i le vavae’ese
mai Roma o le lotu a tagata Sikotilani, “Ua 300 tausaga talu ona tuua
e la matou lotu faitoto’a o Roma. Na latou savavali ma tau’aveina se
fu’a o lo o ai se ata o se Tusi Paia ua fofola, ma sa i ai ma la latou
upu teuloto, ’Su’esu’e i Tusi’”. Ona faia lea e Katari se fesili uigā.
Fai mai lana fesili, “Na ō ese mama mai ea i latou i Papelonia?”
(Thomas Guthrie, The Gospel in Ezekiel, p. 237.)
386
O Le Finauga Tele
Fai mai le faife’au o Supasione e uiga i le Lotu Egelani, “Ua pei
o se laau ua ’atia le ’ō’ō o le Lotu Egelani; ua na o lea sauniga ma
lea sakalameta ua alu ai le taimi atoa, ae leai se uiga, leai se mana
o le Alii o i ai. O ē faatu’i’ese i ia sauniga ua tumu foi i latou i le
le faamaoni. O ē na matou manatu o le a maua mai ai se lelei, ua
latou ta’ito’atasi ma liliu ese mai aoaoga faavae o le ekalesia. Ou te
talitonu ua oo i totoga o le Lotu Egelani le ma’i o le le faamaoni i
ona ta’ita’i, ae o lo o latou ō lava i le pulelaa ma faa’ofu nei mea uma
i le ofu Kerisiano”.
O le a le faapogai o le tele o lenei pa’ū ese ma le solomuli faaleagaga? Na faapefea ona ulua’i alu ese le ekalesia mai le tulaga mama
o le talalelei? Ona ua mulimuli le ekalesia i tu ma aga faapaupau,
ina ia faafaigofie ai ona talia e tagata faapaupau le talitonuga a le au
Kerisiano. Fai mai le aposetolo o Paulo, “Auā o lo o galue nei lava
le mea lilo a le amioleaga”. 2Tesalonia 2:7. Na i ai se tulaga mamā
i le ekalesia i le vaitaimi o le au aposetolo. Peitai “e oo atu i le taufaai’uga o lona lua o senituri ua i ai se suiga i le tele o aulotu. Ua mou
ese atu le tulaga mamā ma le le gaogaosā na i ai. A’o ta’ito’atasi ma
maliliu le ulua’i au soo, na faapena ona tutū mai o a latou fanau ma
tagata fou o le ekalesia, ma ua latou aumaia ni suiga fou i totonu o le
[323] galuega. Ua latou tu’utu’u ifo i lalo le tapulaa maualuga o le ekalesia Kerisiano ina ia faigofie ai ona maua nisi e liliu mai i le ekalesia.
Ona sau ai loa lea e pei o se lolo le tafe mai o tagata faapaupau i
totonu o le ekalesia, faatasi ai ma a latou tu ma aga masani, ma a
latou sauniga, ma a latou tupua”. A’o sa’ilia e le ekalesia Kerisiano
le fesoasoani a tupu ma ta’ita’i o le lalolagi, na faapena ona talia e
le motu o tagata le talitonuga a tagata Kerisiano. Ae peitai, e ui lava
na foliga mai fafo o ni Kerisiano, e to’atele na faapaupau pea lava i
o latou loto, ae maise ai le fai faananā o la latou ifo i tupua. (Robert
Robinson, Ecclesiastical Researches, ch. 6, par. 17, p. 51; Gavazzi,
Lectures, p. 278.)
E le o le mea lava ea lenei e tasi ua tupu i ekalesia uma ua i
ai le igoa Lotu Porotesano? A’o faasolo atu ina maliliu muā’au o
le galuega, o ē na i ai le agaga moni o le ola faafouina, na faapena
ona tutū mai o a latou fanau ma ua latou aumaia ni suiga fou i le
galuega. Na latou piimau atu ma le le malamalama i talitonuga o o
latou tua’ā; peitai latou te lei mulimuli i o latou olaga agamalu, latou
te lei ola mativa foi pe fulitua i le lalolagi e pei o o latou tua’ā. Na
Se Lapata’iga Ua Teena
387
latou teena isi malamalama i tua atu o le upu moni na iloa e o latou
tua’ā. Na faapena ona mou atu le tulaga mamā ma le le gaogaosā na
iloga ai le ulua’i ekalesia, ae tafe mai ai e pei o se lolo i totonu o le
ekalesia uiga faalelalolagi, faatasi ai ma tu ma aga faapaupau, ma a
latou sauniga, ma a latou tupua.
Se pagā lea! Faauta i le tulaga mata’utia ua oo i ai le fefaauoa’i a
le au Kerisiano ma le lalolagi! Faauta i le se mamao ese o ekalesia
Kerisiano mai le tapulaa o le loto maulalo, o le ola auauna mo nisi, o
le ola mativa, o le olaga mamā ma le amioatua! Fai mai upu a Ioane
Ueselē i sana tautalaga e uiga i le faaaogaina sa’o o tupe, “Aua le
faama’imaua se vaega e tasi o lenei taleni tāua i le faamalieina o le
tu’inanauga o mata; aua le faama’imaua lea taleni i lavalava taugatā
ma teuga e faamalieina ai le loto faalialiavale. Aua le faama’imauina
se vaega o lea taleni e faatau ai teuga eseese mo lou fale, po o mea-afale taugata e leai ni uiga. Aua le faaaluina se tupe mo le faamalieina
o le agaga faalialiavale po o le lotovii. Afai e manuia lou olaga, o
le a viia oe e tagata. Afai foi e te ofu i lavalava felanulanua’i ma le
taugata, ma tele au mea’ai, o le a le taumatea lou viiga mai tagata
ona o au mea taugata ma lou agalelei ma lou talimālō. Peitai, aua le
faaaluina au tupe ina ia faatau mai ai le viiga a tagata. Ia sili ia te
oe le viiga e sau i le Atua”. O aoaoga faapea ua le toe fia faalogo se
isi i ai i le tele o ekalesia i ona po nei. (Wesley, Works, Sermon 50,
“The Use of Money”)
Ua fiafia le to’atele o le lalolagi i le itu’aiga lotu na o le igoa.
E to’atele ta’ita’i o malo, o faipule, o lōia, o foma’i ma tagata
faatauoloa ua latou o mai i le ekalesia ina ia fai ma auala e maua
ai so latou mamalu i le vaaiga a tagata, auā le au’iluma o a latou
fuafuaga faalelalolagi. Ua faapena ona latou taumafai e ufiufi faiga
amioletonu i lalo o le faa’upuga faapea o i latou o ni tagata Kerisiano.
O le tamāo’aiga ma le mamalu o nei tagata o le lalolagi ua papati- [324]
soina, ua avea lea ma mea ua manana’o atili ai ekalesia nei e siitia i
luga lo latou mamalu, ina ia saga tosina mai ai nisi tagata maumea
ma nisi tagata maualuluga. Ua latou faatutūina i vaega iloga o aai ni
malumalu tetele ma le matagofie, ni malumalu ua maoa’e ma taugata o latou mea-a-fale ua teuteuina ai. Ua o mai le au tapua’i ua
teteu mai i o latou la’ei taugata faaonaponei. O se totogi maualuga
ua totogi a’i le faife’au talenia ma le agavaa auā le faatosinaina mai
ma le faafiafiaina o tagata. Ia fai faalelei ana lauga ina ia lē āfāina
388
O Le Finauga Tele
ai agasala a le au māumea ma mamalu eseese o le au tapua’i, a ia
faia ni upu molemole ma ni upu suamalie i la latou faafofoga’aga.
Ua faapena ona tusia suafa o le au māumea ma ē maualuluga i tusi
a le ekalesia, ma ua faapena ona ufiufi ai agasala a nei tagata i lalo
ifo o se mea ua foliga mai o se amioatua.
O upu nei na faamatalaina ai e se nusipepa lauiloa i le lalolagi le
au Kerisiano i lo latou va ma le lalolagi. Fai mai lea nusipepa: “Ua
lolo’u atu lava le ekalesia i le mea e mana’o i ai le lalolagi, ma ua
suia e le ekalesia le faiga o ana sauniga ina ia fetaui ai ma mana’oga
faaonaponei. Ua faaaogaina e le ekalesia soo se auala ina ia faatosina
mai ai tagata i mea faalelotu”. Na tusia e se tasi tusitala upu nei e
faatatau i le ekalesia Metotisi, i le nusipepa e igoa o le Tuto’atasi i le
aai o Niu Ioka. Fai mai lea tusitala: “Ua toetoe lava leai se eseesega
i le va o amioga a tagata lotu ma tagata o le lalolagi. O lo o taumafai
ma’elega tagata o le ekalesia faapea ma tagata o le lalolagi ina ia
soloia ma ave’esea eseesega uma i le va o a latou mea e fai ma a
latou faafiafiaga. Ua avea le fiafia mai o le lalolagi i le ekalesia, ma
auala ua faatupula’ia tele ai le fuainumera o ē ua latou faaaogaina
le ekalesia mo lo latou lava lelei, ae latou te le fia savavali ma le
faamaoni i le auala moni faaKerisiano”.
Fai mai se tagata e suafa ia Haua Kolosepi: “Ua mamao lava le se
ese o le ekalesia a Keriso mai le fuafuaga a le Alii. O se mea lea e ao
ona faapopoleina ai i tatou. E pei lava ona ave’esea e nuu faapaupau
loto o tagata Iutaia mai le Atua e ala i a latou fefaauoa’iga, ua faapena
foi ona liliu ese le ekalesia a Keriso mai le finagalo o le Atua, e ala
i ana faita’aga ma le lalolagi. Ua faapena ona gaua’i atu le ekalesia
i amioga ma tu a tagata faalemata’u i le Atua, o ni amioga ma tu
e foliga mamā mai fafo. Ua faapena ona faaaogaina e le ekalesia
finauga ma faaupuga a le lalolagi, ma ua faia ai e le ekalesia ni a
latou filifiliga ma faai’uga e le talafeagai ai ma le finagalo faaalia o
le Atua, o ni filifiliga e tineia ai le amioatua faamaoni”. (The Healthy
Christian: An Appeal to the Church, pp. 141 142.)
O le sosolo mai o amioga faalelalolagi i totonu o le ekalesia,
faapea ma le sa’iliga o mea faafiafia, o mea ia ua toetoe ai lava mou
ese ma le ekalesia uiga lelei e pei o le agaga foa’i ma le agaga alofa
faamaoni ma le lē manatu faapito. “A’o laiti nisi o le au matutua ua
[325] galulue nei i le ekalesia, sa a’oa’oina i latou e o latou mātua ina ia iloa
taofia nisi o o latou mana’oga, ina ia mafai ai ona faasaoina se tupe e
Se Lapata’iga Ua Teena
389
ave mo le galuega a Keriso. A’o le asō, a mana’omia e le ekalesia se
tupe, se’iloga o ni koniseti po o ni fale’aiga e fai, ona faato’ā maua
lea o se tupe - se’iloga lava o se mea e faafiafia ai tagata.”
O nisi nei o upu a Uosipeni le Kovana o le Setete o Uisikonesini
i Amerika, i lana saunoaga faaletausaga na faia i le aso 9 Ianuari,
1873: “Peiseai e ao ona faia se tulafono ina ia lepeti ai i lalo nofoaga
o lo o fai ma falea’oga e a’oa’oina ai mea leaga faaalu-tupe e pei o
le poka, o le pele tupe ma petipetiga. O mea ia ua salalau i le setete
atoa. E oo lava foi i le ekalesia, e i ai taimi ua latou faia ai le galuega
a le tiapolo - atonu ua latou faia ma le le iloa. Ua latou faia koniseti,
o lūlū, o se’i, ma isi auala faapena e su’e ai tupe mo mea faalelotu,
po o nisi foi mafua’aga faalēmanuia. O nei faiga uma, o auala ina
ia maua ai le tupe e aunoa ma se galuega ua fai. Ua leai se mea ua
sili atu lona leaga mo le autalavou e pei o lūlū ma se’i, o poka ma
petipetiga, ma le pele tupe, o mea e ono maua mai ai se tupe tele
ae aunoa ma se galuega ua faia. Na o le faapaiē e maua mai ai e le
autalavou, atoa ma le gaoi ina ia maua se tupe auā nisi pepa o le
se’i po o le lūlū. Ua atili ona tosina i ai o le autalavou i nei amioga
le lelei ona ua latou vaai o lo o faia nei mea e tagata aulotu, ma le
faaupuga o le tupe mo se mafua’aga lelei.
Ua osofa’ia ekalesia Kerisiano uma e le agaga o le fefaauoa’i ma
le lalolagi. Na faamatalaina e se tagata e suafa ia Ropati Atekini le
tulaga pa’ū maulalo faaleagaga o le atunuu o Egelani i lena vaitaimi,
i sana lauga na faia i Lonetona. Fai mai o ia: “Ua le toe maua i le
lalolagi le au amiotonu faamaoni, ae leai ma se isi o popole i lea
tulaga. O le au Kerisiano ma ē ō i lotu i soo se ekalesia, o i latou
o tagata e fiafia i le lalolagi, o ē savavali e pei o le lalolagi, o ē
naunau ina ia le mativa i se mea e tasi, o ē naunau i le viiga mai
tagata. Ua valaauina i latou ina ia puapuagatia faatasi ma Keriso,
peitai e oo lava i le tauemuina ona o Keriso ua latou fefefe ai. ...Ua
peiseai ua matamata tetele i luma o falesa ta’itasi upu nei: Solomuli
Faaleagaga, Tulaga Pa’ū Ese. E feololo pe ana faapea latou te iloa lea
tulaga; atonu e maua i ai se fofō. Peitai, faauta ua latou alalaga mai,
’Ua tamao’aiga i matou, ua tele lo matou oa, ua matou le mativa i
se mea e tasi’”. (Second Advent Library, tract No 39.)
Ua molia Papelonia ona o le agasala mata’utia o lona “faainu i
nuu uma i le uaina o le to’asā o lona faita’aga”. O le ipu o le ’ava
oona ua ia avatua le lalolagi, o le faatusa lea o aoaoga sese ua ia talia
390
O Le Finauga Tele
talu ai lana faita’aga ma ē maualuluga o le lalolagi. Ua palapalā lona
olaga faaleagaga ona o lana faauō i le lalolagi, ma ua ia avatua lea
tulaga pa’ū ese i le lalolagi, e ala i lona faia o aoaoga sese, o aoaoga
ua tetee i afioga manino ua a’oa’oina e le Tusi Paia.
Na taofia e Roma le Tusi Paia mai tagata, ae faia le poloa’iga ina
[326] ia talia e tagata ana aoaoga e sui a’i aoaoaga a le afioga a le Atua. Na
faia le galuega o le Toe Fuata’iga ina ia toe faafo’i tagata i le afioga a
le Atua. Peitai ua a’oa’oina tagata i ekalesia i nei ona po, ina ia latou
talitonu ma faatuatua i aoaoga a la latou ekalesia ae le o le Tusi Paia.
Fai mai se faamatalaga a Salesa Pisa e uiga i Lotu Porotesano: “Ua
ese lo latou faaeteete ne’i faia se upu leaga i le tusi o talitonuga o le
lotu. Ua leai se eseesega o i latou ma ta’ita’i o le ekalesia Roma auā
na faaeteete tele foi i latou ne’i faia se upu leaga e se tasi i tapua’iga
na faia i tagata paia ma le au maturo, o se mea na latou una’iina ma
faamalosia. Ua faia e ekalesia Porotesano ni tulafono e faafaigata
ai ona avea se tasi ma faife’au se’i vagana ua talia e lea tagata se
isi tusi e faaopoopo i le Tusi Paia. O le mea moni ua amata lava
ona tuleia i tua ma faasāina le Tusi Paia e le tusi o talitonuga o le
lotu. Ua leai lava se eseesega ma le masani na faia e Roma. Peitai
ua faia lenei mea e Lotu Porotesano i se auala e le mate’iagofie ai
e tagata”. (Sermon on “The Bible a Sufficient Creed”, delivered at
Fort Wayne, Indiana, Feb. 22, 1846.)
A laugaina le afioga a le Atua e faife’au faamaoni, ona laulaututū a’e lea o le au popoto, o ē ua fai mai o i latou o faife’au ua
malamalama lelei i le Tusi Paia, ma ua latou ta’u le aoaoga o le upu
moni o le tala’iga o mea sese. Na faapena ona latou faaliliu’eseina
tagata mai lo latou sa’ilia o le upu moni. Ana le onanā le lalolagi i le
uaina a Papelonia, semanū ua talitonu tagata ma liua i upu manino
o le afioga a le Atua. Peitai ua fenumia’i aoaoga faalelotu, ua fenumia’i tagata ma ua latou le iloa ai po o le fea tonu le upu moni. Ua
le salamō le lalolagi ona o faiga a le ekalesia.
O le tau mafanafana o le tausaga 1844 na amata alagaina ai le
fe’au a lona lua o agelu o le Faaaliga 14. Na faasino tonu lea fe’au
i lea vaitaimi i ekalesia i le Iunaite Setete, auā o Amerika na aupito
lautele ai le alagaina o le fe’au o le faamasinoga, o Amerika foi na
teena ai lea fe’au e le lautele o tagata, ma o Amerika foi na pito
televave ai le alu ifo o le pa’ū faaleagaga o ekalesia. Peitai e lei
faataunuuina atoatoa lea fe’au ile 1844. E moni na oo i ekalesia se
Se Lapata’iga Ua Teena
391
pa’ū faaleagaga i lea vaitaimi talu ai lo latou teena o le malamalama
o le fe’au o le toe afio mai. Peitai o lea pa’ū e lei atoatoa. A’o teena e
ia ekalesia upu moni mo nei ona po, ua faapena ona maulalo atili ai
la latou pa’ū. Peitai e lei oo i le taimi e mafai ai ona tatou faapea ifo,
“Ua pa’ū Papelonia ona ua ia faainu i nuu uma i le uaina o le to’asā
o lana faita’aga”. E lei faia e Papelonia lenei mea i atunuu uma. O
lo o faatupula’ia pea le salalau atu o le agaga faauō i le lalolagi i
ekalesia Porotesano i atunuu Kerisiano uma, ma o lo o aofia ai nei
ekalesia uma i le fe’au a lona lua o agelu. Peitai e lei oo le galuega
o le solomuli ma le pa’ū faaleagaga i lona taualuga.
A’o lumana’i le afio mai o le Alii, fai mai le Tusi Paia o le a
galue Satani “i le mana uma, ma faailoga, ma vavega pepelo, ma
mea faasesē uma o le amioleaga”. O ē uma foi ua latou le talia le upu
moni ina ia faaolaina ai i latou, o le a tuu i latou i la latou faitalia, ina [327]
ia latou talitonu ai i le galuega taufaasese, ma latou talia ai le mea
pepelo. 2Tesalonia 2: 9-11. E oo loa le lalolagi i lea tulaga, e taunuu
atoatoa loa le nonofo faatasi o le ekalesia ma le lalolagi i atunuu
Kerisiano uma, ona atoatoa loa lea o le pa’ū a Papelonia. O lenei
suiga o se mea e faifaimalie mai, ma o lo o lumana’i pea le atoaga o
le faataunuuga o le Faaaliga 14:8.
E ui lava i le tele o le pogisa faaleagaga o ekalesia ua ta’ua o
Papelonia, e ui lava i le mamao o lo latou se ese ma le Atua, o lo o i
ai lava i totonu o nei ekalesia le to’atele o le fanau moni a le Atua, o
le tino o Keriso. E to’atele i latou nei latou te lei vā’ai i fe’au faapitoa
mo nei ona po. E to’atele foi ua le fiafia i le tulaga ua latou i ai, ma
ua latou fia maua se malamalama manino. Ua i’uvale a latou sa’iliga
mo foliga o Keriso i totonu o a latou ekalesia. A’o faasolosolo ifo pea
i lalo le pa’ū faaleagaga o nei ekalesia, a’o aga’i atu pea le ekalesia
ina ia nonofo faatasi ma le lalolagi, o le a faapena ona aliali mai o ni
vasega se lua i tagata o nei ekalesia - o ē fiafia i le lalolagi, ma ē o
lo o sa’ili mo Keriso. O le a faasolo ina tele se va i nei vasega e lua,
sei oo ina ua vavae’ese mai le fanau moni a le Atua. O lo o sau le
taimi o le a le mafai ai ona saga nonofo pea ē alolofa moni i le Atua
i totonu o ia ekalesia ma faifaimea ai ma ē ua sili atu ia i latou le
fiafia i le lalolagi i lo le alofa i le Atua, o ē ua foliga mai e amioatua,
a’o le mana ua i lea mea ua latou teena.
O le teena o le lapata’iga sautuatolu o le Faaaliga 14:6-12 o le a
taunuu atoatoa ai tulaga e pei ona valo’ia mai i le fe’au a lona lua o
392
O Le Finauga Tele
agelu. O le taimi lea o le a alu atu ai le valaau i le fanau a le Atua o
lo o totoe pea i Papelonia, ina ia latou vavae ese mai lana mafutaga.
Ua faailoa mai lea vaitaimi ma lea valaau i le Faaaliga 18. O le toe
valaau lava lea o le a tuuina atu i le lalolagi; ma o le a le fo’i fua
mai lea fe’au. O le taimi e tuua ai i latou o ē le fia talitonu i le upu
moni ae fiafia i le agasala, o le taimi e tuua ai i latou nei i la latou
faitalia, ma ua latou talia ai le galuega taufaasese ma latou talia ai le
mea pepelo, o le taimi lava lea e susulu atu ai le malamalama o le
upu moni ia i latou uma ua tatala o latou loto latou te talia lea fe’au.
O e uma o le fanau a le Atua o totoe i Papelonia i lea taimi, o le a
latou usitai i le valaau ua faapea mai, “Lo’u nuu e, ia outou o ese ia
[328] te ia”. Faaaliga 18:4.
Mataupu 22—Ua Faataunuuina Valo’aga
Na oo ifo masalosaloga ma le le maumanatu i le au faatalitali
faamaoni, ina ua mavae aso na latou manatu o le a afio mai ai le
Iesu, i le vaitau e tuputupu ai laau i le tausaga 1844. O le vaai a le
lalolagi, o i latou o ni tagata ua matuā to’ilalo popo, ma ua faamaonia nei ua faasesēina i latou. Peitai, na latou faamoemoe pea lava
i le afioga a le Atua. Na faaauau pea lava su’esu’ega a le toatele i
le Tusi Paia; na latou toe su’esu’e faalelei i faamaoniga o lo latou
talitonuga, ma ua latou toe su’esu’e i valo’aga mo se malamalama
faaopoopo. Na foliga mai ua manino le faamatalaga a le Tusi Paia
ua lagolagoina ai lo latou talitonuga. Ua manino faailoga ua faaiioa
mai ai ua lata le afio mai o Keriso. O faamanuiaga faapitoa a le Alii e
ala i olaga o tagata agasala ua liua, ma le olaga toe faafouina i tagata
Kerisiano, o ni faailoga nei e iloa e mai le lagi lenei fe’au. E ui lava
na le malamalama le au faatuatua i le mafua’aga ua oo mai ai lea
tulaga mafatia ia i latou, na latou lagona le ta’ita’iga a le Atua i o
latou olaga.
Na le gata i lo latou su’esu’eina o valo’aga o le toe afio mai, ae
na latou faitau foi ni faatonuga ma apoapoa’iga e faatatau tonu i lo
latou tulaga faaletonu ma le le maumanatu. Na latou faitauina mau
ua faamalosi mai ai ina ia latou faatalitali ma le onosa’i i le faatuatua,
ma ia latou faatuatua e i ai se aso latou te manino ai i mea ua latou
pogisa ai nei.
O se tasi o ia valo’aga na latou su’esu’e i ai o le Sapakuka 2:14. “Ou te tu i le mea ou te leoleo ai, ou te tu foi a’u i le olo, ou te
vaavaai foi ina ia ou iloa pe se a se mea e fetalai mai ai o ia ia te
a’u, pe se a foi se mea ou te tali atu ai i la’u finauga. Ua tali mai foi
Ieova ia te a’u, ua faapea mai, Ia e tusi manino le faaaliga i luga o se
papamaa, ina ia momo’e se sāvali ma ave. Auā ua tuupoina se taimi
mo le faaaliga; o lo o tautala i le i’uga, ma e le pepelo lava. E ui lava
ina tuai mai, a ia faatalitali pea i ai; auā e oo mai lava, e le faatuai
mai. E ola le ua amiotonu i lona faatuatua.”
393
394
O Le Finauga Tele
O faatonuga ua tuuina mai i lenei valo’aga na oo ifo ai le manatu
ia Salesa Fisi i le tausaga 1842, ina ia saunia se ata e faamalamalamaina ai valo’aga o le tusi o Tanielu ma le tusi o Faaaliga. Fai mai
le valo’aga, “Ia e tusi manino le faaaliga i luga o se papamaa, ina
[329] ia momo’e se sāvali ma ave”. Na latou talitonu o le lomiga o lea
ata faavalo’aga o le faataunuuga lea o le faatonuga ua tuuina mai e
Sapakuka. Peitai latou te le’i iloa i lea taimi o lo o ta’u mai foi i lea
lava valo’aga se faatuai i le faataunuuga o le faaaliga - o se taimi e
faatalitali ai. Faato’ā tāua ia i latou lea mau ina ua mavae le taimi
o lo latou tiga mafatia. “Auā ua tuupoina se taimi mo le faaaliga; o
lo o tautala i le i’uga, ma e le pepelo lava. E ui lava ina tuai mai, a
ia faatalitali pea i ai; auā e oo mai lava, e le faatuai mai. E ola lē ua
amiotonu i lona faatuatua.”
Na maua foi se faamalosiga ma se faamafanafanaga mo le au
faatalitali, mai se vaega o le valo’aga a Esekielu. “Ua oo mai foi le
afioga a Ieova ia te a’u, ua faapea mai, Le Atalii o le tagata, se a ea
lena faata’oto ua ia te outou i le nuu o Isaraelu - le faata’oto lea ua
faapea mai, ’Ua mavae atu aso, ae ua i’uvale faaaliga uma? O le mea
lea ia e fai atu ai ia te i latou, Ua faapea ona fetalai mai o le Alii o
Ieova, ’O le a ou ave’esea lea faata’oto; latou te le toe sii mai lava
upu o lenei faata’oto i Isaraelu’. Ia e fai atu ia te i latou, Ua lata mai
aso e faataunuuina ai o faaaliga uma. Auā o a’u o Ieova, o mea uma
foi ou te tautala atu ai, e faataunuuina lava, e le toe faatuai. Ua fai
mai le aiga o Isaraelu, ’O le faaaliga ua ia vaaia, e mo aso amuli lava
ia; ua ia vavalo foi i ona po o lo o mamao i le lumana’i’. O le mea
lea ia e fai atu ai ia te i latou, O lo o faapea ona fetalai mai o le Alii
o Ieova, ’E le toe faatuai lava se tasi o a’u upu; o mea uma foi ou
te fai atu ai, o le a taunuu uma lava, auā ua fetalai mai ai le Alii o
Ieova.’” Esekielu 12: 21-25, 27, 28.
Na olioli le au faatalitali ona ua latou talitonu na silafia e le Atua
mai le amataga lo latou tiga mafatia, ona tuuina mai lea e Ia o nei upu
faamalosi, upu e toe faafouina ai lo latou faamoemoe. Ana leai nei
mau mai le Tusi Paia ua apoapoa’iina ai i latou ina ia latou faatalitali
ma le onosa’i, ma ia tumau lo latou faatuatua i le afioga a le Atua,
semanū e le tutū o latou faatuatua i lenā itula o lo latou tofotofoga.
Ua faamanino mai foi e le faataoto i taupou e to’asefulu i le
Mataio 25, le mea na oo i ē na faatalitali mo le toe afio mai. Na
fesili Ona soo ia Keriso po o a faailoga o Lona toe afio mai ma le
Ua Faataunuuina Valo’aga
395
i’uga o le lalolagi. Ona tali lea o Iesu i lea fesili i le Mataio 24. Na
Ia faatepa i latou i nisi o mea tetele ma le tāua i le tala faasolo o le
lalolagi, mai le taimi o Lona ulua’i maliu mai, sei oo i Lona toe afio
mai. O mea na Ia faatepa i ai le au soo o le faatafunaga o Ierusalema;
o puapuaga ma sauaga o le ekalesia, i lalo o le pule a Roma faapaupau, ma le pule a le ekalesia Roma; o le faapouliuligia o le la ma le
masina; ma le pa’u’Q o fetu. Ua mae’a ia, ona Ia fetalai lea e faatatau
i Lona afio mai i Lona malo, ma Ia faia le faataoto e uiga i ni vasega
se lua o auauna o ē na faatalitali mo Lona faaali mai. O upu nei ua
amata ai le mata’upu 25 o Mataio: “O ia ona po e tusa ai le malo o
le lagi ma taupou e to’asefulu”. O le mata’upu lenei ua tatou vaai
ai i le ekalesia i aso o le i’uga, e pei lava ona ua faailoa mai foi i le [330]
faai’uga o le mata’upu 24. Ua faatusaina le faatalitali a le ekalesia
i aso o le i’uga, i mea e masani ona tutupu i faaipoipoga a tagata
Palesitina.
“O ia ona po e tusa ai le malo o le lagi ma taupou e to’asefulu, o e
na ave a latou lamepa, ma latou o atu e faafetaia’i i le faato’āfaiavā.
Ua popoto le toalima o i latou, ae.vālea le toalima. O ē vālea ua
ave a latou lamepa, ae le’i avea ma ni suāu’u. A’o ē popoto ua ave
ni suau’u i a latou fagu faatasi ma a latou lamepa. Ua tuai mai le
faato’āfaiavā, ona taufaitulemomoe ai lea o i latou uma, ua momoe
lava. A ua oo i le tulua o po, ona sau ai lea o le alaga, Faauta, ua sau
le faato’āfaiavā; inā o ia outou e faafetaia’i ia te ia.”
Na malamalama le au faatalitali ua faatusaina le afio mai o
Keriso i le sau o le faato’āfaiavā. O le o atu o taupou ua faatusa i ai le
tele o le olaga faafouina na vaaia talu ai le folafolaina o Lona toe afio
mai. E lua ni vasega o tagata ua faatusaina mai i lenei faataoto, e pei
lava ona faailoa mai i le faataoto o le Mataio 24. Na ta’itasi i latou
ma ave a latou lamepa, o le Tusi Paia lea, ma ua latou o atu i lona
malamalama e faafetaia’i i le Faato’āfaiavā. Na ave lamepa a taupou
valelea, ae le’i avea se suau’u faatasi ma a latou lamepa; peitai na
ave e le au popoto le suau’u faatasi ma a latou lamepa. O i latou ia
ua faatusa i le au popoto, ua latou talia le alofa tunoa o le Atua, ua
latou talia le mana faafouina o le Agaga Paia. O le mana lea e mafai
ai ona avea Lana afioga o le sulu i o tatou vae ma le malamalama i
o tatou ala. Na latou su’esu’eina le Tusi Paia ma le mata’u i le Atua,
ina ia latou iloa ai le upu moni; ma latou sa’ili faamaoni ai mo le
olaga mamā. O i latou ia ua i ai lo latou faatuatua i le Atua ma Lana
396
O Le Finauga Tele
afioga, o le faatuatua lea e le mafai ona lafotūina e se faatuai mai po
o se tiga mafatia. Peitai e le’i avea e le isi to’alima se suau’u faatasi
ma a latou lamepa. Ua muamua ona latou o ae latou te le’i mafaufau
lelei i ai. Na latou o i lo latou fefefe ona o le uigā o le fe’au, ae na latou o ma le faalagolago i le faatuatua o o latou uso. Na latou manatu
ua lava le mumū itiiti o lagona lelei, e aunoa ma se malamalama’aga
manino o le upu moni, e aunoa foi ma le galuega a le Agaga i le loto.
Na o atu i latou nei e faafetaia’i i le Alii, na o atu ma le fiafia ona o le
taui o le a latou maua i le taimi nei lava. Peitai latou te le’i sauni mo
se faatuai mai, po o se tiga mafatia ona o faamoemoega ua le taulau.
E le’i tutu o latou faatuatua i le aso o le tofotofoga, ma ua mu itiiti
ai a latou lamepa.
“Ua faatuai mai le faato’āfaiavā, ona taufaitulemomoe ai lea o
i latou uma.” O le faatuai mai o le faato’āfaiavā ua faatusa i ai le
tigā ma le mafatia na oo i le au faatalitali ina ua le afio mai Iesu, ma
na foliga ai, ua tuai mai le Alii. O le aso lea o le faalētonu ma le le
maumanatu, ina ua pe ai le fiafia o ē faa’afa’afa ma ē ua Kerisiano na
o le igoa. Peitai o e na faavae i le Tusi Paia lo latou faatuatua, na latou
tutu i le papa, o le papa e mausali e ui lava i le malolosi o galu o tiga
ma mafatia ona o faamoemoe ua le taunuu. “Ona taufaitulemomoe
[331] ai lea o i latou uma.” Ua momoe isi ma le faalepopole ma ua lafoa’i i
lo latou faatuatua; a’o le isi vasega na latou faatalitali ma le onosa’i,
[332]
sei o latou maua se faaopoopoga o lo latou malamalama. Peitai o
le pogisa o le tofotofoga na foliga mai ai ua mamulu ese lo latou
ma’elega ma lo latou alofa. Ua le toe mafai nei ona faalagolago le
au Kerisiano faa’afa’afa po o Kerisiano na o le igoa, i le faatuatua o
o latou uso. Ua oo i le aso latou te tutū ai ta’ito’atasi, po o le pa’u’ū
ai foi ta’ito’atasi.
O le aso lea na aliali a’e ai uiga soonafai, uiga le fuafua lelei o
le toatele. O nisi o ē na faatalitali ua latou teena le afioga a le Atua,
le ta’iala le sese e to’atasi. Ua latou fai mai ua ta’ita’ia i latou e le
Agaga o le Atua, a ua latou le toe pulea lelei o latou lagona, ua latou
le pulea lelei o latou mafaufauga, ma ua latou le faatatau lelei. O nisi
o i latou na tele ai se tinoū ma se ma’elega e alu pogisa e aunoa ma
se malamalama. Ua latou ta’uleagaina soo se tasi e le lagolagoina i
latou. O le toatele o le au faatalitali faamaoni na latou le fiafia i faiga
a nei tagata ona ua ta’uleagaina ai le galuega o le upu moni.
Ua Faataunuuina Valo’aga
397
O se tasi lea o auala a Satani na faaaogaina ina ia lepeti ai le
galuega a le Atua. Na lūlūina ma fagua tagata i le tala’iga o le toe
afio mai. E afe ma afe na liua, ma e toatele le au faamaoni ua latou
tuuina atu i latou lava i le galuega o le folafolaina o le upu moni, e
oo lava i le taimi lea o le faatuai mai. Ua vaai atu le alii o le pouliuli
i le gasolosolo ese atu o ona tagata. O lea na ia taumafai ai ina ia
faamātagāina le galuega a le Atua, e ala i lona faaseseina o nisi, ma
lona una’iina o i latou i uiga soonafai, ma uiga le fuafua lelei. Ona
faasaga mai loa lea o au a le ti’apolo e tusilima i soo se mea sese,
soo se faagaioiga le lelei, ma ua latou faatetelē i ia sese, ina ia fai ma
luma o le galuega o le toe afio mai. Na faapena ona faia o le galuega
a le ti’apolo. Na mana’o Satani ina ia toatele i latou o ē faaiioa mai
lo latou talitonu i le toe afio mai, ae o lo o pulea uma e ia o latou
olaga. O tagata ia o le a atili ai ona faamanuiaina lana galuega, ae
maise lava pe a faaiioa atu i le lalolagi o nisi nei o sui o le tino o le
au faatuatua moni.
Ua ta’ua Satani “o le na molia o tatou uso”, ma o le agaga lava lea
o Satani o le faaoso o tagata latou te vaavaaivale i leaga ma sese o le
fanau a le Atua, ona tala’i lea o ia leaga ae ufiufi a latou galuega lelei.
Soo se taimi e galue ai le Atua mo le faaolataga o agaga, o taimi foi
ia e galue malosi ai le ti’apolo. A ō mai atalii o le Atua e tutū i Ona
luma, e sau ai foi ma Satani faatasi ma i latou. Soo se mea o fai ai
se galuega o le toe fuata’iga po o le faamalosia o le olaga faafouina,
o inā foi e taumafai Satani ina ia aumai i ai le au faalēmata’u ma
i latou ua le sa’osa’o lelei o latou mafaufau. E talia loa e i latou ia
nisi o vaega o le upu moni, ona galue loa lea o Satani e ala ia i latou
nei, e aumaia i totonu o le ekalesia ni a’oa’oga sese ina ia faaseseina
ai i latou ua le faautauta. E le avea se tasi o se Kerisiano faamaoni
ona o lona feofeoa’i ma le fanau a le Atua, tusa lava po o totonu o [333]
le fale o le Atua, po o le auai foi i le faamanatuga a le Atua. O lo o
auai Satani i le tele o sauniga tāua a le ekalesia, e ala i tagata ua ia
faaaogaina e fai ma ona sui.
O lo o galue Satani e faatautee i le Atua i soo se inisi o le auala
ua savavali ai Lana fanau i la latou malaga i le aai faalelagi. E leai se
galuega o le toe fuata’iga po o se taumafaiga mo le olaga faafouina
ua faia i le tala faasolo o le lalolagi, e aunoa ma le fetaia’iga ma faafitauli ma faigata. Na faapena i aso o Paulo. Soo se aai na faatūina ai
e Paulo se ekalesia, na i ai foi i latou ua fai mai ua latou talia le upu
398
O Le Finauga Tele
moni, ae na o a’oa’oga sese na latou aumaia - o a’oa’oga ana talia
semanū e tulia ai i fafo le fiafia faamaoni i le upu moni. Na puapuagatia foi ma fememea’i Luteru ona o le galuega a tagata soonafai
ma le le fuafua lelei. O tagata ia na fai mai na fetalai tuusa’o atu ia i
latou le Atua, ma ua latou manatu ai ua latou maua le faitalia latou
te siitia a’e ai o latou manatu e faasilia i lo le molimau a le Tusi Paia.
O ē vaivaı́ i le faatuatua, o ē le’i faalagolago i le afioga a le Atua,
o ē na mageso taliga i le fia faalogo i se mea fou, o i latou ia na
faasesēina i a’oa’oga a nei a’oa’o fou. Na faapena ona latou galulue
faatasi ma au a Satani latou te talepe ma lepeti mea na atina’e e le
Atua e ala ia Luteru. Na faapea foi Uesele ma isi auauna a le Atua
na faamanuiaina ai le lalolagi i lo latou faatuatua. Na fetaia’i uma i
latou ma togafiti poto a Satani o le na galue e ala i tagata ua foliga
mai ua tumu i le ma’elega mo le Atua, a’o ni tagata faalēmata’u, o
ni tagata soonafai ma le lē fuafua lelei.
Na faailoa le lēe fiafia o Mila i soo se mea na ono ofi mai ai
tagata faapea i totonu o le galuega. Na ia ioe faatasi ma Luteru e
ao ona tofotofoina ma tuu i le fua a le Tusi Paia soo se agaga ma
soo se aoaoga. Fai mai Mila, “Ua malosi le galuega a le ti’apolo
i mafaufau o nisi i le taimi nei. Ae faapefea ona tatou iloa pe mai
fea le agaga o lo o galue ia i latou? Fai mai le tali a le Tusi Paia:
’Tou te iloa i latou i o latou fua’. Ua tele agaga ua o atu nei i le
lalolagi; ua faatonuina i tatou ina ia tatou tofotofoina soo se agaga.
O le agaga tatou te le maua ai se una’iga ina ia tatou ’nonofo ma le
faautauta ma le amiotonu atoa ma le amioatua i lenei olaga’, e le o
le Agaga lea o Keriso. Ua faamalosia atili lo’u talitonuga o Satani
e pogai mai ai nei a’oa’oga sese. E tele nisi o i tatou ua foliga mai
e amioatua; peitai o lo o latou mulimuli pea i uputuu a tagata ma e
leai se eseesega o lo latou valea i le upu moni ma le valea o e le o
ni Kerisiano”. (Bliss, pp. 236, 237.) “O le agaga leaga na te ta’ita’ia
ese i tatou mai le upu moni; o le Agaga o le Atua Na te ta’ita’ia i
tatou i le upu moni. Atonu e te fesili mai, ’Ae faapefea le tagata o lo
o talitonu i mea sese, a ua manatu o ia ua ia te ia le upu moni? O le a
le faiga e fai a’i lea tagata? O le tali: E ō gatasi le Agaga o le Atua ma
Lana afioga. Afai ua avea e lea tagata le Tusi Paia o lona faamasino,
afai ua ō gatasi ona talitonuga ma vaega eseese uma o le afioga a le
Atua, ona talitonu lea o ia ua ia te ia le upu moni. Peitai afai e le ō
gatasi ona talitonuga ma vaega eseese uma o le afioga a le Atua, e
Ua Faataunuuina Valo’aga
399
ao ona faaeteete o ia, ne’i maua o ia i le mailei a le ti’apolo.” “E sili [334]
atu le tele o taimi ua ou vaaia ai faailoga o le amioatua faamaoni i
loimata o se uo, po o se tagata mataalofa, nai lo sauniga pisapisaō
uma a soo se ekalesia i atunuu Kerisiano.” (The Advent Herald and
Signs of the Times Reporter, vol. 8, No. 23, Jan 15, 1845; Bliss, p.
282.)
Na tuua’ia e fili o le galuega o le Toe Fuata’iga ta’ita’i o lea
galuega ona o faiga soonafai a tagata le fuafua lelei. Peitai e leai
nisi na sili atu lo latou galulue malosi e tetee atu i faiga faalemanuia
a nei tagata, e pei o ta’ita’i o le galuega o le Toe Fuata’iga. O le mea
lava foi lea na faia e le fili i le galuega o le tala’iga o le toe afio mai.
Ua latou tuua’ia le galuega o le toe afio mai ona o faiga soonafai a
nei tagata le fuafua lelei; ua latou faatetelē soo se sese e faia e nei
tagata ina ia faalumaina ai le galuega a le au faatalitali faamaoni. E
le gata i lea ua latou faasalalauina ni tala pepelo e faaleagaina ma
faalumaina ai le galuega. O le matau’a ma le agaga fasioti tagata na
faapogai mai ai faiga leaga a nei fili o le galuega. Na faate’ia lo latou
olaga faafifilemu ona o le folafolaga o le fe’au ua i faitoto’a le Alii.
Na popole i latou ne’i fai fai te’i ua sa’o lea fe’au, ae na latou tālotālo
foi ina ia le faataunuuina lea mea. O le pogai tonu lea o lo latou tetee
i le galuega a le au faatalitali mo le toe afio mai.
E moni na ofi mai nisi o nei tagata soonafai ma le le fuafua lelei
i totonu o le galuega o le toe afio mai. Peitai o le a le avea lea ma
pogai o le a faapea mai ai nisi e le o se galuega lenei a le Atua. Na
ofi atu foi tagata faapea i totonu o le galuega na ta’ita’ia e Luteru,
faapea ma le galuega a Paulo; peitai o le a le avea lenā ma faapogai o
le a tatou faapea ifo ai e le o se galuega a le Atua lea na faia e Paulo
ma Luteru. O le mea lava lenei e tasi e mafai ona tupu i le asō, auā
o lo o galue ma le mataala Satani. Afai ae ala mai le fanau a le Atua
ma latou amata ma le faamaoni le galuega o le salamō ma le toe
fuata’iga, afai latou te sa’ili’ili i le afioga a le Atua ina ia latou iloa
tonu ai le upu moni, afai ae tuuina atu i latou i le olaga faapaiaina
atoatoa mo le Atua, ona tatou toe vaaia lea o faailoga e tele e iloa ai
e le o moe pe faapaie Satani. O le a na faailoa lona malosi ma lona
mana i soo se auala taufaasese; o le a na valaau i au uma o le pogisa
ina ia latou lagolagoina o ia i lea galuega.
E le’i tutupu fevaevaea’iga pe tutū mai foi tagata soonafai ma le
le fuafua lelei ona o le folafolaina o le fe’au o le toe afio mai. Faato’ā
400
O Le Finauga Tele
tutupu mai nei mea i le vaitau mafanafana o le tausaga 1844, i le
vaitaimi tonu na oo ifo ai masalosaloga ma le tulaga fememea’i i le
au faatalitali. O le folafolaina o le fe’au a le ulua’i agelu faapea ma
le “alaga i le valuapo”, o mea ia na taofia ai le tutupu a’e o fevaevaea’iga ma le tutū a’e o tagata soonafai ma le le fuafua lelei faapea.
Na lotogatasi i latou uma na auai i le folafolaina o le fe’au o le toe
afio mai; na faatumulia o latou loto i le fealofani ma le alofa ia Iesu
a’o latou faatalitali mo Lona afio mai. Na latou manumalo i soo se
[335] osofa’iga a Satani ma taupulepulega a tagata leaga, ona o lo latou
faatuatua e tasi, ma lo latou faamoemoe e tasi.
“Ua tuai mai le faato’āfaiavā, ona taufaitulemomoe ai lea o i
latou uma, ua momoe lava. A ua oo i le tulua o po, ona sau ai lea o
le alaga, Faauta, ua sau le faato’āfaiavā; inā o ia outou e faafetaia’i ia
te ia. Ona tutū ai lea o ia taupou uma lava, ma teuteu a latou lamepa.”
Mataio 25:5-7. “Faauta ua sau le faato’āfaiavā.” O upu lava ia a le
Tusi Paia na alagaina ai le fe’au, i le vaitau mafanafana o le tausaga
1844. Na i ai le ulua’i talitonuga o le au faatalitali faapea o le vaitau
e tuputupu ai laau, 1844, o le muta’aga tonu lea o aso e 2300. Peitai
o a latou toe iloiloga na latou iloa ai faato’ā faai’u le 2300 aso i le
vaitau e to’u’ulu ai lau o laau i le tausaga lava lea. O le va o ia vaitau
e lua, i le taimi o le tau mafanafana na folafolaina ai le fe’au po o le
“alaga o le valuapo”.
Na mafua le alagaina o le fe’au o le valuapo ina ua toe fai a latou
su’esu’ega ma iloa ai faato’ā amata le faitauina o aso e 2300, ina ua
faataunuuina le poloa’iga a Aretaseta mo le toe atina’e o Ierusalema.
O lea poloa’iga faato’ā faataunuuina i le vaitau e to’u’ulu ai lau o
laau i le TLM 457 ae le o le amataga o le tausaga, e pei o lo latou
ulua’i talitonuga. A amata mai la le faitau i le vaitau e to’u’ulu ai
lau o laau i le TLM 457, ona faai’u lea o tausaga e 2300 i le vaitau
e to’u’ulu ai lau o laau i le tausaga 1844.
O se iloiloga o taimi o faiga taulaga i le falefetafa’i i le Feagaiga
Tuai e iloa ai foi o le vaitau e to’u’ulu ai lau o laau, o le taimi tonu
lea na faamamāina ai le malumalu. Na manino lelei lea tulaga ina
ua iloiloina ala eseese na faataunuuina ai valo’aga e faatatau i Lona
ulua’i maliu mai.
O le fasia o le tamai mamoe mo le Paseka, na avea lea ma ata
po o le faatusa o le maliu o Keriso. Fai mai Paulo, “Auā foi o Keriso
la tatou paseka ua fasia mo i tatou”. 1Korinito 5:7. O le taimi o le
Ua Faataunuuina Valo’aga
401
Paseka na sii a’e ai i luma o Ieova se fusisaito o ulua’i fua o le fanua.
Na ta’ua lea ulu’ai fusi o se mea e faapolopolo i le Atua. O lea fusi
o se faatusa lea o le toe tu mai o Keriso. Fai mai upu a Paulo a’o ia
tautala faatatau i le toe tu mai o Keriso faapea ma Ona tagata, “O le
faapolopolo o Keriso lea, ae mulimuli ane ona toe tutū mai lea o ē o
ia Keriso i lona afio mai”. IKorinito 15: 23. O le fusi saito na siitia i
luma o Ieova, o ulua’i fua ia ua matua i le fanua a’o le’i oo i le taimi
o le seleselega. Ua faapena foi ona avea o Keriso o le ulua’i fua o le
seleselega tele,o le au faaolaina, i latou o le a laulaututū a’e i le aso
o le toetutu, ma aoina uma atu i latou i le faletuusaito a le Atua.
Na faataunuuina nei faatusa uma ia Keriso; na faataunuuina foi
nei mea uma i le taimi tonu e tusa ai ma sauniga a tagata Iutaia. O le
aso 14 o le ulua’i masina o le kalena a tagata Iutaia, ua afe limaselau
tausaga o avea lea lava aso o le aso faapitoa e fasia ai le tamai mamoe
mo le Paseka. O le aso lava foi lea na fai Paseka faatasi ai Keriso ma
Ona soo. Ua mae’a lea ona faatūina lea e Keriso o se tausama’aga e
fai ma faamanatu o Lona maliu, o Ia “o le Tamai Mamoe a le Atua
Na te ave’esea le agasala a le lalolagi”. O le po o lea lava aso na [336]
pu’e ai o Ia e lima amioleaga, ma ua latou ave ia te Ia e faasatauro
ma fasiotia. Ua mavae aso e tolu ona toe tu mai lea o Ia, “ua avea
ma faapolopolo o ē ua momoe”. O Ia o le sui o le au amiotonu uma
o le a toe tutū a’e ma o latou tino i’uvale ua suia, ua faia ina ia foliga
i Lona tino matagofie. 1Korinito 15:20; Filipi 3:21.
E ao lava foi ona faapena ona faataunuuina faatusa uma na
faatatau i le afio faalua mai o Keriso. E ao ona faataunuuina i le
taimi tonu e tusa ai ma le sauniga ua avea ma ona faatusa. O le faamamāina o le malumalu po o le Aso Tele o le Togiola, na pa’ū tonu
lea aso i le aso 10 o le masina lona fitu o le kalena a tagata Iutaia, e
tusa ai ma le tulafono a Mose (Levitiko 16:29-34.) O le aso lea na
faia ai e le faitaulaga sili se togiola mo le nuu uma o Isaraelu. O le
togiola lea na ave’esea ai a latou agasala mai le malumalu, ona sau
lea i fafo o le faitaulaga sili ma faamanuia i tagata. Na faapena ona
talitonu le au faatalitali o le a faaali mai Keriso la tatou Faitaulaga
Sili, ina ia faamamāina e Ia le lalolagi e ala i le faaumatiaga o le
agasala ma tagata amioleaga, ona avatu lea e Ia o le faamanuiaga
o le ola e faavavau i Lana fanau faatalitali faamaoni. O le aso 10 o
lona fitu o masina, le Aso Tele o le Togiola, po o le taimi o le faamamāina o le malumalu, na pa’ū tonu lea aso i le aso 22 o Oketopa i
402
O Le Finauga Tele
le tausaga 1844, ma o le aso tonu lea na talitonu le au faatalitali o le
a afio mai ai le Alii. Ua fetaui lelei lava lea aso ma a latou molimau
e faatatau i le faai’uina o le 2300 aso i le vaitau e to’u’ulu ai lau o
laau. Na foliga mai ua sa’o atoatoa ma mausali nei molimau.
E tusa ai ma le Mataio 25, na sau le faato’āfaiavā ina ua mavae
le taimi faatalitali ma le tulemomoe. Ua o gatasi lea mea ma le
valo’aga; ua o gatasi foi ma sauniga faatusa o le Feagaiga Tuai. Na
avea le o gatasi o nei mea uma o ni molimau malolosi ua faamaonia ai le sa’o o lo latou talitonuga. O le mea lea na folafolaina ai le
“alaga o le valuapo” e le afe ma afe o le au faatuatua.
Na pei o se galulolo le alu atu o lenei alaga i le lautele o le atunuu.
Na alagaina lea fe’au mai lea aai i lea aai, mai lea nuu i lea nuu, sei
oo lava i nuu pito maotua. Ua oo ina ua ala mai atoatoa le fanau a le
Atua. E pei ona mou atu o le puao pe a susulu mai le la, na faapena
ona mou ese atu faiga a tagata soonafai ma le lē fuafua lelei a’o
alagaina lenei fe’au. Na lagona e le au faatuatua le mou ese atu o o
latou masalosaloga ma mea na latou fememea’i ai. Na faalototeleina
i latou i lo latou faamoemoe, ma sa avea lea ma mafua’aga o lo
latou olioli. E le’i vaaia i lea taimi ni tagata soonafai ma le lē fuafua
lelei e pei ona masani ona vaaia pe a faaosofia tagata i se lagona
malosi ae aunoa ma le pulea lelei e le Agaga o le Atua. Peitai na
latou faamaulalo i luma o le Atua ma latou foi i le Atua e pei ona
faia anamuā e le fanauga a Isaraelu i taimi na oo mai ai ia i latou
se a’oa’iga a le Atua e ala i Ana auauna. Na vaaia i lea taimi ni
faailoga na mautinoa ai o le galuega lenei a le Atua. O faailoga ia e
[337] pei o le su’esu’e loloto o tagata ta’ito’atasi i o latou lava olaga, o le
faaalia o agasala, ma le fulitua i le lalolagi. O le mea na mamafa i
loto ta’ito’atasi o lo latou sauniuni lelei lea e feiloa’i ma le Alii. Na
latou faatauanau atu i le Atua i talosaga; ma latou tuuina atu atoatoa
i latou i se olaga faapaiaina mo le Atua.
Fai mai le faamatalaga a Mila e uiga i lea galuega: “E le’i i ai
nisi na fe’ei i le fiafia; peiseai na teuloto lo latou fiafia se’i faaalia
i se taimi o i lumana’i, le taimi o le a olioli faatasi ai le lagi ma le
lalolagi i se olioli e le mafaamatalaina. E le’i i ai ni alaga leotetele;
peiseai na teuloto foi lena fiafia sei oo i le taimi e faalogoina ai le
alaga mai le lagi. Ua fifilemu uma nei le au pepese; ua latou faatali
mo le taimi latou te pepese faatasi ai ma le aufaipese a le au a agelu
Ua Faataunuuina Valo’aga
403
mai le lagi. E le’i i ai ni toe eseesega i manatu i lea taimi; na fusia i
latou uma i le loto e tasi ma le manatu e tasi. (Bliss, pp. 270, 271.)
O le ta’utinoga lenei a se tasi na i ai i lea au faatalitali: “O le
alagaina o le fe’au o le toe afio mai na vaaia ai i itu uma o le atunuu
le su’esu’e loloto ifo o tagata ta’ito’atasi i o latou lava olaga; na mafai
ai ona latou faamaulalo atu i luma o le Atua i le lagi; na mafai ai ona
vavae ese o loto o tagata mai le lalolagi; na fo’ia ai fe’ese’esea’iga,
na maua ai le fefaaalia’iga o sese; na latou tagi atu i luma o le Atua;
ma latou ole atu i le Atua i le salamō ma le loto ua nutimomoia mo
le faamagaloga. Na faamaulaloina ai e tagata ta’ito’atasi o latou loto
ma faapa’u’ū atu i luma o le Atua - o le faato’ā vaaia lea o se mea
faapea. Na faia e pei ona fetalai mai ai o Ieova e ala i le perofeta o
Ioelu - o le lata mai o le aso tele o le Atua na saeia ai o latou loto
ae le o o latou ofu, ma ua latou liliu atu ai i le Atua i le anapogi,
ma loimata, ma le tagi aup. E pei ona fetalai mai o le Atua e ala ia
Sakaria, na liligiina mai e le Atua i Lana fanau le agaga o le salamō
ma le faatoga atu i Ona luma; na latou tulimata’i atu i le na latou
faamomomoina; na i ai se tagi auē i le lautele o le nuu. Na ta’itasi
ma faapuapuagatiaina e le au faatalitali o latou loto i luma o le Atua.
(Bliss, in Advent Shield and Review, vol. 1, p. 271, Jan. 1845.)
Talu mai lava aso o le au aposetolo, e le’i oo se galuega o le
faafouina faaleagaga i le tulaga maoa’e faaleagaga e pei ona oo i ai
le galuega i le vaitau na to’u’ulu ai lau o laau i le 1844. E ui lava
i le tele o tausaga ua mavae talu ia aso, e toatele i latou na i ai i
lea galuega ma latou tutū faamaoni ai i le fe’au o le toe afio mai, e
toatele na latou manatua pea se lagona faapaiaina na oo ifo ia i latou
talu ai lea galuega. Na fai la latou molimau o le Atua na ta’ita’ia lea
galuega.
“Ua sau le faato’āfaiavā; o atu ia outou e faafetaia’i ia te ia”.
Ua latou faalogoina lea alaga, ona tutū lea o le au faatalitali ma ua
teuteu a latou lamepa. Na latou su’esu’eina le afioga a le Atua i se
tinoū ma se ma’elega ē le’i vaaia i se taimi muamua. Na auina mai
agelu mai le lagi latou te fagua ē ua oo i ai le faavaivai ma saunia i
latou latou te talia le fe’au. Na manumalo le galuega, e le ona o se [338]
poto o tagata, ae ona o le mana o le Atua. O ē na mua’i faalogo ma
usiusitai i le valaau e le o le au popoto po o ē pito sili ona talenia a’o
ē faamaoni, ma ē loto maulalo. E le’i toe popole le au faifaato’aga i
le seleseleina o fua o o latou fanua; e le’i toe popole foi le au enisinia
404
O Le Finauga Tele
i a latou galuega. Peitai na latou o atu ma loimata i le alagaina o le
lapata’iga. Faato’ā alagaina lenei fe’au i se taimi mulimuli ane, e i
latou na fai ma ta’ita’i o le galuega. Na teena lenei fe’au e le toatele o
ekalesia; o ē na latou talia le lapata’iga ua latou vavae’ese mai a latou
ekalesia ma lotu. O le fuafuaga faalelagi na o faatasi ai lenei alaga
ma le fe’au a lona lua o agelu. Na avea lea ma mea na faamalosia
atili ai le alagaina o le fe’au a lona lua o agelu.
“Faauta ua sau le faato’āfaiavā.” Na manino mau o le afioga a le
Atua na lagolagoina ai lenei talitonuga. Peitai o lea fe’au sa le na o
se aoaoga, ae na o faatasi lenei fe’au ma se mana na liua ai le agaga.
Na mou ese atu ai masalosaloga ma finauga. E toatele tagata Iutaia
mai atunuu eseese o le lalolagi na i Ierusalema i le taimi na ti’eti’e
ai Iesu i le asini ma ulufale faatupu atu ai i lea aai. Na lolofi atu ia
tagata i le mauga o Olive ma latou faato’ateleina atili ai le motu o
tagata na muli’auloa atu i lena solo tele. Na maua ai foi i latou i le
agaga fiafia na alalaga ai le motu o tagata, ma sa faaopoopo foi o
latou leo i le alaga na faapea mai, “Ia manuia le afio mai i le suafa o
le Alii”. Mataio 21:9. Na faapena foi ona lolofi atu o le au le talitonu
i sauniga a le au faatalitali mo le toe afio mai - o nisi na o atu i le
faitatala ma le fiailoa, o isi na o atu i le faatauemu. Peitai na lagona
foi e i latou le mana o le Atua na o faatasi ma le alagaina o le feau,
“Faauta, ua sau le Faato’āfaiavā”.
Na i ai i le taimi o le alagaina o lea fe’au, le faatuatua na maua ai
tali o talosaga, le faatuatua na vaai aga’i i le taui ua folafolaina mai.
Na oo ifo le Agaga o le Atua i le au faatalitali faamaoni, e pei o le
pa’ū ifo o uaga i luga o le eleele mātūtū. O ē na latou lagona ua toe
o se aga ona latou fesaga’i lea ma lo latou Faaola, na latou lagona se
olioli loloto e le’i vaaia e mata o le toatele. A’o liligiina ifo le tele o
Ana faamanuiaga i luga o le au faatalitali faamaoni, na faapena ona
galue o le Agaga o le Atua i le faamalūlūina o o latou loto.
Ua lalata atili mai lava le taimi tuupoina e feiloa’i ai le au faatalitali faamaoni ma lo latou Alii. Na latou lagona e leai se isi tiute e
tatau ona faamuamua i taeao uma, nai lo le sa’ilia o le mautinoaga
ua talia i latou e le Atua. Na fusia i latou uma i le lotogatasi; na latou
fai talosaga faatasi ma o latou uso, na latou faia talosaga mo o latou
uso. Na masani ona latou potopoto faatasi i ni nofoaga tuufua latou
te talanoa ai ma le Atua. E tele fanua tuufua na alu a’e ai le leo o
talosaga mo o latou uso, talosaga mo isi. Na latou fia maua faailoga
Ua Faataunuuina Valo’aga
405
latou te mautinoa ai ua talia i latou e le Faaola. Na latou faamuamua lea galuega i luma atu o a latou mea’ai i aso ta’itasi. A i ai se
ao na faapogisaina ai o latou mafaufau, latou te le’i mālōlō seiloga [339]
ua tafi’esea lea ao. A’o latou lagona faailoga o le faamagaloga a le
Atua, na faateleina lo latou fia vaai i lo latou Faaola, o le ua naunau
i ai o latou loto i le alofa.
Ae peitai, na toe oo mai foi ia i latou le tiga ma le mafatia ona
o le faamoemoe ua le taulau. Ua toe mavae atu foi le taimi na latou
faatalitali i ai e afio mai ai lo latou Faaola; peitai e le’i afio mai
o Ia. Na latou tulimata’i atu ma le faatuatua mausali ma le agaga
mautinoa i Lona toe afio mai. A’o lenei, ua oo ifo ia i latou le lagona
na oo ia Maria ina ua taunuu atu o ia i le tuugamau ua le o i ai le
tino o Keriso. O lea lagona na alaga ai Maria ma tagi ma faapea mai,
“Ua latou ave’esea lo’u Alii, ua ou le iloa foi le mea ua latou tuuina
ai o ia”. Ioane 20:13.
Na i luga o le lalolagi le talitonu se mata’u mo se vaitaimi na
latou fefefe ne’i fai fai ae sa’o le fe’au na alagaina e le au faatalitali
faamaoni. Na avea lea mata’u ma mea na taofia ai le aliali mai o uiga
leaga o tagata le talitonu. E le’i vave mavae ese lea mata’u ina ua te’a
le taimi ae le’i afio mai Iesu. Na latou fefefe e vave faailoa so latou
manumalo i le au faatalitali ua tiga mafatia nei ona ua le taulau lo
latou faamoemoe. Peitai ua latou fiu e vaavaai ni faailoga o le to’asā
o le Atua ae leai se mea. O lea na toe amata ai loa a latou tauemuga
ma ’amu’amuga. E toatele ē na ulua’i faailoa lo latou talitonuga i
le toe afio mai o Keriso, a ua latou fulitua nei i lo latou faatuatua.
O nisi o ē na le masalosalo i le afio mai o Iesu, ua manu’a nei o
latou loto; o le tele o lo latou masiasi na latou fia sosola ese ai ma
le lalolagi. Ua latou faitio i le Atua pei o Iona, ma ua sili ia i latou
le oti i lo le ola. O ē na faavae lo latou talitonuga i luga o manatu o
isi tagata, lenei o le a toe suia foi o latou talitonuga. Ua toe o uma
nei le au vāivai ma le au pāla’a’ai i le itu a ē faatauemu, ma ua latou
alalaga ma fai mai e le toe i ai se mata’u po o se mea e toe fefefe ai,
auā ua leai se toe afio mai e toe faatalitali i ai. Ua mavae le taimi, ua
le afio mai le Alii; e iloa e ai pe toe fia afe tausaga o le a alu ai lava
faapea le lalolagi!
Na tuuina atu e le au faatuatua faamaoni a latou mea uma mo
Keriso, faato’ā oo lea o i latou i se tulaga ese o lo latou molimau
atu mo Ia. Na latou talitonu ua latou usitai i le tuuina atu o le toe
406
O Le Finauga Tele
lapata’iga i le lalolagi. O le malosi tele o lo latou talitonuga i le lata
o le toe afio mai ma le aveolaina o i latou ina ia faatasi ma Keriso
ma agelu, o lea na latou le toe fia auai ai i faiganuu a tagata na le
talitonu i le fe’au. Na latou ole atu i le agaga naunauta’i ma faapea
atu: “O lea lava Iesu, ia E afio mai; ia E vave mai”. Peitai e le’i afio
mai o Ia. O le a faapefea nei ona latou toe amatalia a latou galuega e
pei ona masani ai? O le a faapefea nei ona latou faafetauia tauemuga
ma ’amu’amuga a le lalolagi? Se mea ina a tiga o le tofotofoina o lo
latou faatuatua ma lo latou onosa’i!
Peitai e le sili atu le tiga o lenei tofotofoga nai lo le tofotofoga na
oo i le au soo i le taimi o le ulua’i maliu mai o Keriso. A’o ti’eti’e atu
[340] Iesu i luga o le asini i Lona ulu atu faatupu i Ierusalema, na leai ma
se masalosalo o le au soo ua oo i le taimi e nofoia ai e Iesu le nofoalii
o Tavita, ma faapena ona lavea’ia ai e Ia Isaraelu mai le sauā o Roma.
Na mausali lo latou faamoemoe, na latou savavali ma le fiafia, ma
sa latou felosia’i i le avatua o le viiga ma le mamalu i lo latou Tupu.
Na folasia e le toatele ni o latou ie ma lavalava i luga o le ala o le
a Ia uia, a’o isi na latou fola i Ona luma a latou laupama. Na latou
fe’ei fiafia, ma ua fusia faatasi i latou i le faiga o le alaga: “Osana i
le Alo o Tavita!” Na le fiafia le au Faresaio ona o lenei alaga fiafia.
Na latou manana’o ina ia faafilemu e Iesu Ona soo. Peitai na fetalai
atu i ai Iesu, “A lē feganavai i latou nei, e alalaga mai lava o maa.”.
Luka 19: 40. E ao ona faataunuuina valo’aga. Na faataunuuina e soo
o Iesu le fuafuaga a le Atua; peitai na i o latou luma se tiga mafatia
ona o se faamoemoe ua le taulau. Na o ni nai aso na sosoo ai ae
molimauina loa e le au soo le maliu tiga o le Faaola ma le tuuina o
Ia i le tuugamau. Ua le faataunuuina lo latou faamoemoe talu ai so
latou sese e tasi. O le taimi na maliu ai Iesu, na mate ai foi ma lo
latou faamoemoe. Latou te le’i iloa ua uma ona valo’ia mai nei mea
i le valo’aga ua faapea mai, “Na tatau ona tigā o le Keriso, ma toe tu
mai i ē ua oti”. Galuega 17:3 Faato’ā pupula mata o le au soo i lenei
valo’aga ina ua toe tu manumalo mai le Alii mai le tuugamau.
Na faia se valo’aga a le perofeta o Sakaria e uiga i lenei mea a’o
le’i tāitai ti’eti’e Iesu i le asini agai i Ierusalema. E 500 tausaga na
va a’i lea valo’aga ma le taimi na faataunuuina ai. Na fetalai mai le
Alii e ala i le perofeta o Sakaria ma faapea mai: “Inā olioli ia oe le
tama fafine a Siona; ia alaga fiafia oe le tama fafine a Ierusalema;
faauta, o le a maliu atu lou Tupu ia te oe; o ia o le amiotonu ma le
Ua Faataunuuina Valo’aga
407
faaola; e agamalu o ia, o lo o ti’eti’e i le asini, o le tamai asini foi”.
Sakaria 9:9. Ana iloa e le au soo o le a faamasinoina Iesu ma i’u atu
ai i Lona maliu, semanū latou te le faataunuuina lenei valo’aga.
Na faapena foi ona faataunuuina e Mila ma ana uo le valo’aga.
Ua latou alagaina le fe’au na valo’ia mai i le Tusi Paia e ao ona
tuuina atu i le lalolagi. Semanū latou te le folafolaina lea fe’au pe
ana latou manino atoatoa i le valo’aga na ta’u mai ai lo latou tiga
mafatia ona ua le taulau lo latou faamoemoe, atoa ma se isi fe’au e
ao ona folafolaina atu i le lalolagi a’o le’i afio mai le Alii. Na tuuina
atu i le taimi tonu fe’au a le ulua’i agelu ma le agelu lona lua, ma sa
faataunuuina ai le fuafuaga na finagalo le Atua i ai.
Na matamata le lalolagi ma lo latou manatu faapea a mavae loa
le taimi tuupoina ae le afio mai Keriso, ona lafoa’ia loa lea o le talitonuga o le au faatalitali mo le toe afio mai o Iesu. Ae peitai, e ui
lava e toatele na latou lafoa’i i lo latou faatuatua ona o le mamafa o
tofotofoga, na i ai nisi na tūtūmau. O le loto maulalo ma le agaga o
le su’esu’e ifo o le tagata i lona lava olaga, o le fulitua i le lalolagi
ma le olaga toe fuata’iga, o fua ia o le galuega o le toe afio mai, ma [341]
o fua foi ia na iloa ai o le Atua na ta’ita’ia lea galuega. Na le mafai
e le lalolagi ona latou faapea mai e le’i faamanuiaina e le Agaga o
le Atua le alagaina o le fe’au o le toe afio mai. Na le mafai foi e le
lalolagi ona latou faapea mai ua sese le faatulagaga e le au faatalitali
o vaegataimi faavalo’aga. E oo lava i le au popoto ma le au atamamai i le itu a le fili, na latou le mafai ona faaiioa mai se mea ua sese
ai le au faatalitali i la latou faatulagaina o aso o le valo’aga. E le
mafai ona latou lafoa’ia e aunoa ma ni molimau mai le Tusi Paia,
talitonuga na taunuu i ai le au faatalitali - o ni talitonuga na maua
ona o talosaga faatauanau; o ni talitonuga na maua ona o su’esu’ega
ma sa’ili’iliga na faia i le agaga o le tatalo; o ni talitonuga na maua e
tagata na faamalamalamaina ma faagaioia e le mana ola o le Agaga
o le Atua; o ni talitonuga na le toilalo i faitioga ma va’ili’iliga a ē
aupito atamamai o le lalolagi; o ni talitonuga na le manumalo i ai le
tetee ma le sauā o ta’ita’i o ekalesia tetele ma le au popoto o le lalolagi; o ni talitonuga na le maluelue a’o tuu faatasi mai i ai le malosi
o le au popoto ma le au atamamai o le lalolagi, faatasi ma tauemuga
ma ’amu’amuga a ē maualuluga faapea ma ē le matata’u i le Atua.
E moni ua i ai se faanoanoaga e faatatau i le mea na latou faatalitali i ai. Peitai e le’i maluelue ai lo latou faatuatua i le afioga a le
408
O Le Finauga Tele
Atua. Na ta’u atu e Iona i le aai o Nineva ua toe 40 aso ona faaumatia lea o le aai. Na talia e le Atua le salamō ma le faamaulalo o
tagata o Nineva, ona toe tuuina lea i ai e le Atua o se avanoa i lea
aai. Peitai o le Atua na pogai mai ai le fe’au a Iona, ma sa tofotofoina Nineva e tusa ai ma Lona finagalo. Na talitonu le au faatalitali
na ta’ita’ia faapena i latou e le Atua latou te folafolaina le fe’au o le
faamasinoga. Fai mai la latou faamatalaga: “Na tofotofoina ai loto
o i latou uma na faalogo i lea fe’au, ma fagua a’e ai lo latou fiafia
e faatalitali mo le faaali mai o le Alii. Na faapogai mai ai foi le le
fiafia ma le inoino o nisi i Lona toe afio mai, o ni lagona na silafia
uma e le Atua. O le alagaina o le fe’au o le faamasinoga na fai lea
ma auala na tusia ai se laina i le va o ē na sauni ma i latou o ē le’i
sauni mo le toe afio mai. O ē na latou su’esu’e i o latou lava loto,
na latou iloa le latou te tutū ai pe ana afio mai Iesu i lena vaitaimi.
Na latou iloa ai foi po o le fea valaau semanū latou te alalaga atu ai
i lena aso - po o le alaga atu, “Faauta, o lo matou Atua lenei na matou faatalitali i ai, o le a Ia lavea’iina i matou”, po o lo latou alalaga
atu i mauga ma papa e mafuli mai ina ia tanumia ai i latou mai le
silafaga a le ua ti’eti’e i le nofoalii, ma le to’asā o le Tamai Mamoe.
Matou te talitonu ua faapena ona tofotofoina e le Atua Lana fanau
- e tofotofoina lo latou faatuatua pe mata o le a latou solomuli ona o
le puapuaga, mai le mea ua finagalo le Atua e tuuina i ai i latou. E
tofotofoina foi i latou ina ia latou iloa ai pe mata o le a latou fulitua
i le lalolagi ae faalagolago atu ma le le masalosalo i le afioga a le
Atua”. (The Advent Herald and Signs of the Times Reporter, vol. 8,
[342] No. 14, November 13, 1844.)
Ua faailoa mai i upu a Viliamu Mila le lagona o i latou uma
o e na talitonu o le Atua na ta’ita’ia la latou galuega. Fai mai lana
faamatalaga: “Ana toe tuu a’u e le Atua ou te ola i lea vaitaimi, ma
toe tuuina mai ia te a’u molimau e pei ona ou maua i lea vaitaimi,
ou te ta’u atu ma le faamaoni i luma o le Atua ma tagata, ou te toe
savali lava e pei ona ou faia i lena vaitaimi”. “E i ai lo’u faamoemoe
ua mamā a’u ma le toto o ia tagata. Ou te lagona na ou faia mea
uma e tusa ai ma lo’u malosi, ina ia ou mamā i lo latou faasalaga.”
Fai mai lenei tagata o le Atua: “E ui lava ua faalua ona ou tiga ma
mafatia ona o le faamoemoe ua le taunuu, ou te le faavaivai ai. E
le o faaitiitia ai lava lo’u faamoemoe mo le afio mai o Keriso. Na
ou faia le mea na ou lagona o lo’u tiute e ao ona fai, ina ua mavae
Ua Faataunuuina Valo’aga
409
tausaga e tele o o’u manatunatu i ai. Afai ua ou sese, ua ou sese i le
itu o le alofa, o lo’u alofa mo o’u uso-a-tagata, ma lo’u talitonuga e
faatatau i lo’u tiute i le Atua.” “E tasi le mea ua ou mautinoa - na
ou folafolaina na o mea na ou talitonu i ai, ma sa mafuta mai ia te
a’u le Atua. Na vaaia Lona mana i le galuega, ma e tele mea lelei na
tutupu mai ai.” “E afe ma afe na latou su’esu’eina le Tusi Paia ona
o le folafolaina o le fe’au i lena vaitaimi. Na faapena ona maua so
latou leleiga ma le Atua, e ala i le faatuatua atoa ma le toto togiola
o Keriso.” (Bliss, pp. 256, 255, 277, 280, 281.) “Ou te le’i faia la’u
galuega ina ia maua ai so’u viiga mai ē lotovii ma ē faamaualuluga;
ou te le’i popole foi i le faasiasia mai o ē maualuluga o le lalolagi.
Ou te le fia faia i ai ni upu molemole, pe faataua i tupe lo latou alofa;
ou te le fia faia foi se mea i tua atu o lo’u tiute e faaita ai i latou. Ou
te le fia faia se mea valea e ono oo atu ai lo’u ola i o latou lima; ae
ou te le fia sola ese foi i le oti pe afai o le finagalo lea o le Atua.” (J
White, Life of Wm. Miller, p. 315.)
E le’i tuulafoa’ia e le Atua Ona tagata. Na mafuta atu pea le Atua
ia i latou o ē le’i fulitua i le malamalama na latou maua, pe fulitua i
le galuega o le folafolaina o le toe afio mai o Keriso. O lo o i le tusi
i tagata Eperu ni upu faalototele, ni upu lapata’i mo le au faatalitali
na tofotofoina i lea vaitaimi. “O le mea lea e le tatau ai ona outou
loto vaivai, auā e tele le taui tou te maua. E ao ona outou onosa’i,
ina ia maua e outou le mea ua folafolaina mai e le Atua, pe a outou
faia Lona finagalo. Auā ua toe itiiti itiiti lava, ona oo mai ai lea o le
maliu mai, e le faatuai mai lava. Ae ola le amiotonu i le faatuatua.
Peitai, a tuumuli, e le fiafia lo’u loto ia te ia. Ae le o i tatou o nisi
e tuumuli i le malaia, a’o ē faatuatua ma oo atu ai i le ola.” Eperu
10:35-39.
“Auā ua toe itiiti itiiti lava, ona oo mai ai lea o le maliu mai, e le
faatuai mai lava.” Ua faasino nei upu i le lata tele mai o le afio mai
o le Alii. O le mea lea ua tatou iloa ai ua tuuina mai lea apoapoa’iga
mo le ekalesia i aso o le i’uga. O lo o manino mai foi i lea mau o le
a i ai se taimi e foliga mai ai ua faatuai mai le Alii. Ua fetaui lelei
lenei apoapoa’iga i le mea na tupu i le au faatalitali i lena vaitaimi. [343]
O ē na tusi i ai nei upu na āfātia lo latou faatuatua. Ua latou faia le
finagalo o le Atua ina ua latou mulimuli i le ta’ita’iga a Lona Agaga
atoa ma Lana afioga. Peitai latou te le’i malamalama i Lana fuafuaga
i le mea na tupu ia i latou; latou te le’i manino foi i le ala na taatia
410
O Le Finauga Tele
i o latou luma; ma o le mea lea na latou masalosalo ai pe moni na
ta’ita’ia i latou e le Atua. O le taimi tonu lea na fetaui lelei ai upu
ua faapea mai, “Ae ola lē amiotonu i le faatuatua”. A’o susulu i o
latou luma le malamalama o le fe’au o le “alaga o le valuapo”, a’o
latou vaai i le faataunuuina o valo’aga na iloa ai ua lata le afio mai o
Keriso, na faapena ona latou savavali e tusa ai ma la latou vaai. Peitai
o lenei ua latou tiga mafatia ona o faamoemoe ua le faataunuuina;
o le taimi tonu lea e ao ai ona latou tutū atu e ala i le faatuatua i le
Atua ma Lana afioga. Ua tauemu le lalolagi ma latou fai mai, “Ua
faasesēina outou. Ua ma’imau lo tou faatuatua. Fulitua i ai. Ua tatau
ona outou ioe nei o Satani ua faapogai mai ai la outou galuega”.
Peitai ua fai mai le afioga a le Atua: “Peitai, a tuumuli e lē fiafia lo’u
loto ia te ia”. Afai latou te faavaivai nei ma latou faafitia le mana
o le Agaga o le Atua na latou mafuta i le alagaina o le fe’au, o le
tuumuli lava lea i le malaia. Na faalototeleina i latou i upu a Paulo
na faapea mai, “O le mea lea e le tatau ai ona outou loto vaivai”; “E
ao ona outou onosa’i”, “auā ua toeitiiti itiiti lava ona oo mai lea o
lē maliu mai, e lē faatuai mai lava”. E ao ona latou piimau pea i le
malamalama ua latou maua mai le Atua; e ao ona latou u’umau pea
i Ana folafolaga, ma faamalosi pea i le su’esu’eina o le Tusi Paia; e
ao ona latou onosa’i pea ma faatalitali ma mataala ina ia latou maua
[344] se isi malamalama. Ua na o lea le auala latou te manumalo ai.
Mataupu 23—O le A Le Uiga O Le Malumalu?
Seia atoa afiafi ma taeao e lua afe ma le tolu o selau, ona faapaiaina ai lea o le malumalu”, Tanielu 8:14. Ua avea lenei mau o
le faavae ma le poutū o le faatuatuaga o le au faatalitali mo le toe
afio mai o Keriso. O ni upu masani nei ia i latou uma o ē faatuatua
i le afio mai o le Alii. E afe ma afe na latou tala’iina atu nei upu e
faailoa ai lo latou talitonuga. Na latou talitonu ua faalagolago lo latou lumana’i manuia ma o latou faamoemoega uma i mea ua valo’ia
mai i nei upu. Ua iloa nei o le vaitau e to’ulu ai lau o laau i le 1844,
o le vaitaimi lea e faai’u tonu i ai nei aso faavalo’aga. Na talitonu le
au faatalitali mo le toe afio mai o Iesu, i le taofi na taatele i ekalesia
Kerisiano i lea taimi e faatatau i le uiga o le malumalu. Na latou
talitonu o le malumalu o le faatusa lea o le lalolagi po o se vaega foi
o le lalolagi. Na latou talitonu foi o le faamamāina o le malumalu,
o le faamamāina lea o le lalolagi i le afi pe a toe afio mai Iesu. O le
mea lea na latou talitonu ai i le afio mai o Keriso i le tausaga 1844.
Peitai ua mavae le taimi tuupoina ae lei faaali mai le Alii. Na
iloa e le au faatalitali e le sese le afioga a le Atua. O lona uiga o la
latou faauigaga o le valo’aga ua sese; peitai latou te lei iloa po o le
fea vaega ua latou sese ai. Fai mai le manatu so’ona fai o isi e lei
faai’uina le 2300 aso i le 1844. E leai se molimau na lagolagoina ai
lenei manatu se’ia vaganā le lē faataunuuina o le afio mai o Iesu i lea
vaitaimi. Ua latou fai mai afai e moni o le 1844 le muta’aga o aso
e 2300, sa tatau ona afio mai Iesu i le taimi lea Na te faamamāina
le lalolagi i le afi. Peitai, e lei afio mai Iesu; ma o lona uiga e lei
faai’uina foi lea vaegataimi.
Afai o le a talia lea faamalamalama’aga, o lona uiga o le teena
lava lea o le faatulagaga na latou faia o lenei vaegataimi faavalo’aga.
O a latou su’esu’ega na latou iloa ai na amata le faitauina o aso e
2300 i le tausaga na faataunuuina ai le poloa’iga a Aretaseta mo le
atina’e o Ierusalema, i le TLM 457. Afai e amata i lea tausaga le
faitauga o le 2300 aso, ona fetaui lelei lea o vaega eseese uma o le
valo’aga ma le faamatalaga o lea vaegataimi e pei ona tuuina mai i
411
412
O Le Finauga Tele
le Tanielu 9:25-27. E oo le ulua’i 483 tausaga po o le 69 vaiaso o lea
[345] vaegataimi umi, i le Mesia, o lē na Faau’uina. Sa faataunuuina atoatoa lea vaega o le valo’aga ina ua papatisoina ma faau’uina Keriso
e le Agaga Paia i le TA e 27. Fai mai le valo’aga o le totonugalemū
o lona 70 o vaiaso e fasiotia ai le Mesia. E tolu ma le afa tausaga na
va a’i le papatisoga o Iesu i le TA e 27 ma lona maliu le TA e 31 i
le vāitau e tuputupu ai lau o laau. Fai mai le valo’aga, o le 70 vaiaso
po o tausaga e 490, ua vavae’esea faapitoa ia mo le nuu o Iutaia. O
le faai’uga o lea vaegataimi na faailogaina ai e le nuu o Isaraelu lo
latou teena o Keriso, e ala i lo latou sauāina o Ona soo; ma ua liliu
atu ai loa le au aposetolo i nuu ese i le tausaga TA 34. Ua mavae
le ulua’i 490 tausaga, ona totoe mai ai lea o le 1810 tausaga mai le
2300 tausaga. A amata ona faitau o tausaga e 1810 mai le TA e 34,
ona faai’u lea o lea vaegataimi i le tausaga e 1844. Fai mai le agelu,
“Ona faamamāina ai lea o le malumalu”. Ua leai ni masalosaloga e
uiga i le faataunuuga atoatoa o vaega eseese o lenei vaegataimi umi.
Na taunuu nei mea uma e tusa ai ma le valo’aga, i le taimi tonu e pei
ona valo’ia mai.
Ua manino ma fetaui lelei nei mea uma. Peitai ua le faataunuuina
i le 1844 le mea ua faatusaina e le valo’aga i le faamamāina o le
malumalu. Afai o le a le talia le tausaga 1844 e fai ma muta’aga o le
2300, o lona uiga o le a na o le fenumia’i e oo i ai. O le lafoa’ia o le
tausaga 1844, o le fulitua foi lea i ni talitonuga na faavaeina i luga o
le faataunuuga atoatoa o valo’aga.
Peitai na vaaia le aao o le Atua i le ta’ita’iga o Lana fanau i le
alagaina o le fe’au o le toe afio mai. Na faamanuiaina le galuega e
Lona mana ma Lona mamalu. Na te le faatagaina lenei galuega ina
ia faai’uina i le pogisa ma faamoemoega le taulau, pe faalumaina
foi ma faaigoaina o se galuega a le ti’apolo. Na te le faatagaina foi
Lana afioga ina ia lavelavea i fenumia’iga ma masalosaloga. E moni
e toatele na latou lafoa’iina o latou talitonuga e faatatau i vaegataimi
faavalo’aga, ma ua latou fulitua ai foi i le galuega o le toe afio mai
ua faavaeina i luga o ia talitonuga. Peitai e i ai nisi na latou le fia
lafoa’ia talitonuga ua faavae i luga o le Tusi Paia ma le molimau a
le Agaga o le Atua. Na talitonu i latou nei ua latou faaaogaina se
faavae mautū e fausia a’e ai o latou talitonuga faavalo’aga. Na latou
talitonu foi o so latou tiute lo latou ’u’umauina o aoaoga ua latou
maua, atoa ma lo latou faaauauina o le su’esu’ega o le Tusi Paia e
O le A Le Uiga O Le Malumalu?
413
pei ona sa latou faia. Na latou toe iloiloina o latou talitonuga ma toe
su’esu’e i mau eseese o le Tusi Paia ina ia iloa ai po o afea tonu ua
latou sese ai. Latou te le’i maua se mea na sese ai a latou faatulagaga
o vaegataimi uma o le valo’aga. O le mea lea na amata ai loa ona
latou iloiloina ma le faaeteete le mataupu o le malumalu.
O a latou su’esu’ega na latou iloa ai e leai se mau o le Tusi Paia e
lagolagoina ai le manatu taatele faapea o le malumalu o le faatusa lea
o le lalolagi. Peitai na latou maua se faamalamalama’aga atoa o le
mataupu o le malumalu - o lona uiga, o lona tulaga, ma ona sauniga
eseese. Na manino lelei faamatalaga a le au tusitala o le Tusi Paia. [346]
Fai mai Paulo i le tusi i tagata Eperu: “O lenei foi, na i ai tulafono
faatapua’iga i le ulua’i feagaiga; na i ai foi le malumalu faalelalolagi.
Na faatulagaina faapenei le malumalu. O le potu i luma na ta’ua o le
Mea Paia, ma sa i ai le tuugalamepa, ma le la’o’ai ma le areto paia.
O tua atu o lona lua o pupuni na i ai le potu na ta’ua o le Mea e Sili
ona Paia. O inā na i ai le ipu auro e faamū ai mea manogi, ma le
atolaau o le feagaiga ua lilo i le auro. O totonu o le atolaau na i ai le
ipu auro faa’ofu’ofu na tuu ai le manai, na i ai foi le tootoo o Arona
na tatupu, faapea ma papamaa o le feagaiga. Na i ai kerupi pupula i
luga o le atolaau, sa maluia ai le nofoa o le alofa”. Eperu 9:1-5.
O le malumalu o lo o ta’ua e Paulo o le falefetafa’i lea na fausia e
Mose ina ua poloa’iina e le Atua, ina ia fai ma afio’aga faalelalolagi
o le Silisili Ese. “Ia latou faia foi mo a’u se malumalu, ou te nofo ai
faatasi ma i latou”, Esoto 25:8. O le faatonuga lea na tuu ia Mose
a’o la faatasi ma le Atua i le mauga. Sa feoa’i le fanauga a Isaraelu
i le vao, ma sa faia le falefetafa’i ina ia faigofie ona fe’avea’i. Peitai
o se fale na maoa’e lona faiga. O ona puipui na i ai ni pou laau ua
solo’atoa i le auro; na tutu pou nei i luga o ni tulaga-pou ua faia i
le ario. O luga o le fale na ato i ni ’ie e ufi ai. na taatia le tasi ’ie
ufiufi i luga o le isi; o le ’ie ufiufi pito i totonu o se ie lino manaia
ua faamatagofieina ina ua lalaga i ai ni ata o kerupi, a’o le ie ufiufi
pito i fafo na fai i pa’u o manu. Na i ai se lotoā na tu ai le fata e mu
ai taulaga. O vaega e lua o le fale na ta’ua o le Mea Paia ma le Mea
e Sili ona Paia. O se ie pupuni taugatā ma le matagofie na va a’i ia
potu e lua - na ta’ua lea ie o le ie puipui. Na i ai foi se isi ie pupuni
faapea na fai ma faitoto’a i le Mea Paia.
O totonu o le Mea Paia na i ai le tuugalamepa i le itu i toga ma
ona lamepa e fitu na faamalamalamaina ai le falefetafa’i i le ao ma
414
O Le Finauga Tele
le po. O le itu i mātū na tu ai le laulau po o le la’o’ai o le areto e
laulauina i luma. O luma tonu o le ie puipui na va a’i le Mea Paia
ma le Mea e Sili ona Paia na tu ai le fata ua sau’atoa i le auro, o
le fata lea e mu ai mea manogi. O le fata lea na alu a’e ai i luma o
le Atua le asu o le mea manogi i aso ta’itasi faatasi ma talosaga a
Isaraelu.
O totonu o le Mea e Sili ona Paia sa tu ai se pusa na fai i ni laau
tāua ae faasau’atoa fafo i le auro. Na faaigoa lea pusa o le atolaau a
le Atua, ma sa i ai i totonu o lea pusa, o papamaa e lua o le tulafono
na tusia ai e le Atua Poloa’iga e Sefulu. O le ufiufi o lenei pusa paia
o se galuega na maoa’e lona matagofie. O le ogā’auro e tasi na fai
a’i le ufiufi atoa, faapea ma kerupi e lua na tutū ai i luga o le ufi. O
le vaega lenei i luga a’e o le atolaau na ta’ua o le nofoa o le alofa,
ma o le va o kerupi e lua na susulu atu ai le pupula o le Alii e ala i
le ao o le mamalu sa i le va o kerupi e lua.
Na suia foliga o le falefetafa’i ina ua faia le malumalu ē
Solomona i se taimi ina ua nofoia Kanana e le fanauga a Isaraelu. O
[347] le malumalu o Solomona o se fale tumau ma e tele atu foi i lo le falefetafa’i. Peitai na foliga tutusa totonu o ia fale, faapea ma mea-a-fale
na i ai. O foliga nā o le malumalu na i ai se’ia oo ina ua faatafunaina
e Roma i le tausaga TA e 70 - se’ia vaganā ai le vaitaimi na taatia ai
ina ua faaumatia i ona po o Tanielu.
Na pau lenei o le malumalu na i ai i le lalolagi e pei ona ta’ua mai
i le Tusi Paia. O le malumalu lenei ua ta’ua e Paulo o le malumalu
o le ulua’i feagaiga. E i ai ea la se malumalu o le feagaiga fou?
Na toe liliu i le tusi o Eperu le au sa’ili’ili mo le upu moni. O
inā na foliga mai ai ia i latou o lo o i ai se malumalu o le feagaiga
fou e pei ona aliali mai i upu a Paulo ua faapea mai: “O lenei foi na
i ai tulafono faatapua’iga i le ulua’i feagaiga; na i ai foi le malumalu
faalelalolagi”. O le upu “foi” ua foliga mai ai sa ta’ua e Paulo i se
taimi muamua lenei malumalu. Ua latou liliu nei i le amataga o le
mataupu e 8 o le Eperu. O upu ia na latou faitauina: “O le aano lenei
o mea o lo o o’u tautala atu ai nei, Ua ia i tatou se faitaulaga sili e
faapena - o lē ua nofo i le itu taumatau o le nofoalii o le Silisili Ese i
le lagi, o lē ua auauna i le Mea Paia, o le falefetafa’i moni sa faatuina
e le Alii, ae le o tagata”. Eperu 8:1, 2.
Ua faaalia mai i inei le malumalu o le feagaiga fou. O le
malumalu o le ulua’i feagaiga na fai e tagata, na fausia e Mose; peitai
O le A Le Uiga O Le Malumalu?
415
o le malumalu lenei na faatūina e le Alii ae lē o tagata. O faitaulaga
faalelalolagi na auauna i le ulua’i malumalu; peitai o Keriso lo tatou
Faitaulaga Sili i le feagaiga fou, ua galue o ia i le itu taumatau o
le Atua. O le ulua’i malumalu, sa i le lalolagi; o le malumalu o le
feagaiga fou, o lo o i le lagi.
E le gata i lea, o le malumalu na faia e Mose na faia e tusa ai ma
se ata po o se faatusa. O faatonuga nei na tuuina e le Atua ia Mose:
Ia outou faia lenei malumalu ma ona mea-a-fale uma ina ia tutusa
ma le faatusa o le a ou faaali atu ia te oe. Vaai lelei ina ia faia mea
uma e pei o le faatusa na ou faaalia atu ia te oe i le mauga. Esoto
25:9, 40. Ua fai mai Paulo o le ulua’i malumalu o le faatusa lea mo
le taimi nei, na avatu ai “meaalofa ma taulaga”; o ona mea paia foi
“o faatusa o mea o i le lagi”. O ona faitaulaga foi na latou auauna i se
“mea faaa’oa’o ma le ata o mea faalelagi”. “Auā e lei ulu atu Keriso
i se malumalu na faia e tagata, o se faatusa o le malumalu moni, a’o
le lagi lava; ina ia tu ai o ia i luma o le Atua mo i tatou”, Eperu 9:9,
23; 8:5; 9:24.
O lo o fautua Keriso mo i tatou i le malumalu i le lagi; o le
malumalu na faia e Mose ua na o se ata o lea malumalu. Na tuuina e
le Atua Lona Agaga i le au tufuga o le malumalu faalelalolagi. O le
atamai na vaaia i le faiga o lea malumalu o se ata lava lea o le poto
faalelagi. O puipui o lea fale na foliga mai o se ogā’auro atoa; na
fe’ilafi solo mai ia puipui i le malamalama o lamepa e fitu i luga o
le tuugalamepa auro. Na faapena foi le pupula o le la’o’ai o le areto
ma le fata e mu ai mea manogi, ua pei o le iila o le auro. Ua atili ai
le matagofie o totonu o le malumalu ona o le ie lino na laualalo i ie [348]
ufi uma na ato ai luga o le fale. Na lalaga i ai ni kerupi felanulanua’i
- lanu moana, violē pā’auli, ma ni kerupi mūmū. O tua atu o le ie
puipui na i ai le nofoa o le alofa na susulu mai ai le pupula o le Alii
- na o le Faitaulaga Sili e mafai ona ulu atu i lea potu e aunoa ma le
oti.
O le maoa’e o le matagofie o le malumalu faalelalolagi ua na o
se ata lē manino lea o le matalasi uiga ese o le malumalu faalelagi
o lo o fautua ai nei Keriso i luma o le nofoalii o le Atua mo i tatou.
O le malumalu faalelalolagi o se fale aupito maoa’e lea ua fausia
e lima o tagata. Peitai o lea fale ua na o se ata faanenefu lea o le
maualuga ma le matalasi o le mamalu o le afio’aga o le Tupu o tupu,
le afio’aga o lo o i ai le “afe ni afe o ē auauna ia te Ia, e mano ni mano
416
O Le Finauga Tele
o ē laulaututū i Ona luma” (Tanielu 7:10); le malumalu ua tumu i le
paia ma le mamalu o le nofoalii e faavavau; o lo o ufiufi ai mata o
serafi a’o latou ifo atu ia te Ia, a’o latou leoleoina le nofoalii. Peitai e
i ai ni lesona tāua ua a’oa’o mai e le malumalu faalelalolagi ma ona
sauniga, e faatatau i le malumalu faalelagi ma le galuega o lo o faia
ai nei e Keriso.
O potu e lua o le falefetafa’i na fai ma faatusa o vaega paia eseese
o le malumalu i le lagi. Na vaaia e le aposetolo o Ioane ni lamepa se
fitu o mumū i luma o le nofoalii ina ua avatua ia te ia i le faaaliga se
vaaiga o le malumalu o le Atua i le lagi. Faaaliga 4:5. Na ia vaaia se
agelu “ua ia te ia le ipu auro e faamū ai mea manogi; ua avatu ia te ia
mea manogi e tele, ina ia tuuina atu faatasi ma talosaga a le au paia,
i luga o le fata auro i luma o le nofoalii’. Faaaliga 8:3. Na faatagaina
Ioane na te vaai i le ulua’i potu o le malumalu i le lagi, ma sa ia
vaaia ai lamepa e fitu ua mumū, ma le fata auro - e pei lava ona i ai
le tuugalamepa auro ma le fata e mu ai mea manogi i le malumalu
faalelalolagi. Na toe matala le malumalu o le Atua i le lagi, ona tepa
lea o Ioane i totonu o le Mea e Sili ona Paia i tua atu o le ie puipui.
Faaaliga 11:19. O inā na ia vaai ai i le atolaau o Lana feagaiga - e pei
lava foi ona faatusaina mai i le pusa paia na faia e Mose ma tuuina
i ai le tulafono a le Atua.
Na faapena ona maua e le au sa’ili’ili mo le upu moni, ni molimau maumaututū e faamaonia ai o lo o i ai se malumalu i le lagi. Na
faia e Mose le falefetafa’i e tusa ai ma le ata po o le faatusa na faaalia
ia te ia. Fai mai Paulo o lea ata na faaalia ia Ioane, o le malumalu
moni lava lea i le lagi. Ua ta’utino mai Ioane na ia vaai i nei mea i
le lagi.
Ua faatūina le nofoalii o le Atua i le amiotonu ma le faamasinoga, ua faatūina i le malumalu i le lagi, o le afio’aga lava lea o
le Atua. O lo o i le Mea e Sili ona Paia Lana tulafono, le fua e tasi e
faamasinoina ai tagata uma. Ua tuuina lea tulafono i totonu o le atolaau. Ua ufiufi le atolaau i le nofoa o le alofa, ma o luma o le nofoa
o le alofa ua faia ai le galuega fautua a Keriso mo le tagata agasala.
Ua faapena ona faatusaina mai le taatitia faatasi o le amiotonu ma le
alofa tunoa i le fuafuaga a le Atua mo le faaolataga o le tagata. Na
[349] o le poto o le Silisili Ese Na te mafaia ona faia lea fuafuaga; na o le
mana foi o le Silisili Ese e mafai ai ona faataunuuina lea fuafuaga.
O se fuafuaga lea e tumu ai le lagi uma i le maofa ma le viiga. O
O le A Le Uiga O Le Malumalu?
417
kerupi e lua i le malumalu faalelalolagi sa punonou o la ulu i le āva
a’o la vaavaai ifo i le nofoa o le alofa. O le faatusa lava lea o le agaga
fia ’āuai ma le agaga fia auauna o agelu uma a le lagi, i le galuega o
le faaolataga o le tagata. O le mealilo lenei o le alofa tunoa ua maofa
ma fia malamalama i ai agelu. Ua latou maofa ona o le amiotonu a
le Atua ua mafai ai ona Ia ta’uamiotonuina le tagata agasala, ma toe
faafouina ai Lana fesoota’iga ma le fanau a tagata. Ua latou maofa
ona o le mafai e Keriso ona faamaulalo ia te Ia lava, ina ia siitia
a’e ai le toatele e lē mafaitaulia, mai le tō e le gata o le malaia, ma
faa’ofuina ai i latou i le ofu o Lana amiotonu, ina ia mafai ai ona latou nonofo faatasi ma agelu e lei oo i ai se agasala, ma latou nonofo
ai e faavavau i le fale o Ieova.
Ua faailoa mai i le valo’aga a Sakaria le galuega faafautua a
Keriso mo le tagata agasala - o le valo’aga matagofie lea a Sakaria
e faatatau i lē ua suafa i le Lālā Laau. Fai mai le perofeta: “O Ia lava
Na te faia le malumalu o Ieova; e ia te Ia foi le mamalu, e tietie foi o
Ia ma pule i luga o Lona nofoalii; e fai foi o Ia ma Faitaulaga i luga
o Lona nofoalii; e i ai foi le pule o le manuia ia te i La’ua”. Sakaria
6:12, 13.
“O Ia lava Na te faia le malumalu o Ieova”, Ua avea Keriso o le
Faavae ma le Mātaisau o le ekalesia talu ai Lana taulaga togiola atoa
ma Lana galuega faafautua. Fai mai Paulo o Ia o le Maa Tulimanu,
ma “ua faatatauina ia te Ia le fale atoa o lo o alu a’e, ina ia fai ma
malumalu paia i le Alii. O Ia foi ua atina’e faatasi ai outou, ina ia fai
ma afio’aga o le Atua e ala i le Agaga”. Efeso 2:20-22.
“E ia te Ia foi le mamalu”, O le mamalu o le faaolataga o le
fanau a tagata e ia Keriso lava lea. O upu nei o le a pepese ai le au
faaolaina i le ola e faavavau: “Ia ia te Ia, o lē na alofa mai ia te i tatou
ma faamamāina i tatou ia tatou agasala i Lona lava toto, ... ia ia te
Ia le viiga ma le malosi e faavavau faavavau lava”. Faaaliga 1:5, 6.
“E tietie foi o Ia ma pule i luga o Lona nofoalii; e fai foi o Ia
ma Faitaulaga i luga o Lona nofoalii”, E le o le nofoalii lea o lona
mamalu, auā e lei oo mai le malo o le mamalu. Faato’ā avatua ia te Ia
e le Atua le nofoalii o Lona tamā o Tayita pe a mae’a Lana galuega
faafautua. E faavavau lea nofoalii ma lea malo. Luka 1:32, 33. O Ia
o le Faitaulaga, ua La nonofo faatasi ma le Tamā i Lona nofoalii.
Faaaliga 3:21. Ua faatasia i le nofoalii o lē mai le vavau ma e leai
Sona gata’aga, ma Le na “tau’aveina o tatou tiga, ma Na tau’ave o
418
O Le Finauga Tele
tatou faanoanoa”; o lē na “faaosoosoina i mea uma pei o i tatou, a
ua leai se agasala ia te Ia” ina ia “mafai ai e Ia ona fesoasoani i ē ua
tofotofoina”. “Pe afai foi e agasala se tasi, ua ia te i tatou le Fautua
i luma o le Tamā”, Isaia 53:4; Eperu 4:15, 2:18; 1 Ioane 2:1 Ua Ia
ofoina atu i lana galuega fautua se tino na tutū’ia ma faamomomoina,
[350] atoa ma se soifuaga mamā e aunoa ma se ila. O Ona lima ma Ona
vae na tu’ia i fao, o Lona itū na tutui i le tao, o mea ia o lo o ta’uta’u
atu i luma o le Tamā ona o le tagata agasala, le tagata ua faatauina i
se tau e lē mafaamatalatalaina.
“E i ai foi le pule o le manuia ia te i La’ua”, O le alofa o le Atua
le Tamā ma le Atua le Alo ua fai ma puna o le faaolataga mo le fanau
a tagata. Fai mai le fetalaiga a Iesu i Ona soo a’o lei afio a’e o Ia i le
lagi: “Ou te le fai atu foi ia te outou ou te faatoga i le Tamā mo outou,
auā e alofa mai lava le Tamā ia te outou”. Ioane 16:26, 27. “Sa ia
Keriso le Atua, ua faaleleia e Ia le lalolagi ia te Ia”, 2 Korinito 5:19.
“E i ai foi le pule o le manuia ia te i La’ua” i le galuega faafautua i
le malumalu i lugā. “Auā ua faapea lava ona alofa mai o le Atua i le
lalolagi, ua Ia aumai ai Lona Atali e toatasi, ina ia le fano se tasi e
faatuatua ia te Ia, a ia maua e Ia le ola e faavavau”, Ioane 3:16.
O le a le uiga o le malumalu? Ua manino le tali a le Tusi Paia i
lenei fesili. E lua mea ua faasino i ai le upu “malumalu” e pei ona
faaaogaina i le Tusi Paia. Muamua, e faasino i le malumalu na faia
e Mose, o le ata lea po o se faatusa o mea faalelagi. Lona lua, e
faasino i le malumalu moni i le lagi, le malumalu lea sa tusilima i ai
le malumalu faalelalolagi. Na faamutaina sauniga faafaatusa ina ua
maliu Keriso. O le malumalu moni i le lagi o le malumalu lea o le
feagaiga fou. Ua faataunuuina le valo’aga o le Tanielu 8:14 i le taimi
o le feagaiga fou. O lona uiga o le malumalu o lo o ta’ua i le valo’aga,
o le malumalu o le feagaiga fou. Ua leva na leai se malumalu i le
lalolagi. E oo atu i le faai’uga o le 2300 aso i le 1844 ua leva ona
leai se malumalu i le lalolagi - ua tele senituri talu ona faatafunaina
lea malumalu. O lona uiga ua faasino tonu i le malumalu i le lagi le
valo’aga lea ua faapea mai: “Se’ia atoa afiafi ma taeao e lua afe ma
le tolu o selau, ona faapaiaina ai lea o le malumalu”.
Peitai e i ai se fesili e sili atu lona tāua e lei maua i ai se tali. O
le a le uiga o le faamamāina o le malumalu? O lo o ta’ua mai i le
Feagaiga Tuai se sauniga na faamamāina ai le malumalu. Peitai, e i
ai ea se mea o i le lagi e ao ona faamamāina? Ua manino ona ta’u
O le A Le Uiga O Le Malumalu?
419
mai i le Eperu 9 le faamamāina o le malumalu i le lalolagi faapea
ma le malumalu i le lagi. “Toetoe lava faamamāina mea uma i le
toto e tusa ma le tulafono; e leai foi se faamagaloga e aunoa ma le
famaligiina o le toto. O le mea lea sa tatau ai ona faamamāina o
faatusa o mea o i le lagi i ia mea (o le toto o manu); peita’i o mea
faalelagi e faamamāina i taulaga e sili ona lelei i ia mea”, o le taulaga
lava lea o le toto tāua o Keriso. Eperu 9:22, 23.
Na faaaogaina le toto mo le faamamāina i le sauniga faafaatusa,
faapea ma le sauniga faalelagi - o le toto o manu na faaaogaina i le
sauniga faafaatusa, a’o le toto o Keriso i le sauniga faalelagi. Fai mai
Paulo ua ala ona fai faapena, ona e leai se faamagaloga e maua pe a
aunoa ma le faamaligiina o le toto. O le galuega o lo o fia faia o le
faamagaloga, po o le tuueseina o le agasala. Ae faapefea ona faapipii
atu le agasala i le malumalu i lalo nei po o le lagi foi? Tatou te maua [351]
se tali i lenei fesili e ala i lo tatou vaai i le sauniga faafaatusa, auā o
faitaulaga na auauna i le malumalu faalalonei, na auauna i latou i se
malumalu ua avea o se ata o mea faalelagi. Eperu 8:5.
E lua vaega o sauniga o le malumalu faalelalolagi. Na galulue
faitaulaga i aso taitasi i le Mea Paia, a’o le faitaulaga sili na ia faia
se galuega faapitoa i le Mea e Sili ona Paia mo le faamamāina o le
malumalu - na o le faatasi i le tausaga ona faia o lea galuega. Na
aumaia e le tagata agasala ua salamō lana taulaga i aso taitasi i le
faitoto’a o le malumalu. O inā na faae’e ai ona lima i luga o lana
manu ma faaali ai ana agasala. O le faatusa lena o le ave’esea o lana
agasala mai ia te ia, ae faae’e atu i le taulaga e leai sana agasala. Ua
mae’a lena ona fasia loa lea o le manu. Fai mai le aposetolo, e leai
se faamagaloga e aunoa ma le faamaligiina o le toto. “Auā o i le toto
le ola o le tino”, Levitiko 17:11. Ua mana’omia e le tulafono a le
Atua le ola o lē ua solia le tulafono. Ua tau’aveina nei e le manu le
sala a le tagata agasala. O le toto o lea manu o le faatusa lea o le ola
o le tagata agasala. Ua avatua nei e le faitaulaga lea toto i totonu o
le Mea Paia ma sausau ai lea toto i luma o le ie puipui. O tua atu
o le ie puipui o lo o i ai le atolaau ua i ai i totonu le tulafono na
solia e le tagata agasala. O le avatua o le toto ma sausau i totonu o
le malumalu, o le faatusa lava lea o le tuueseina o le agasala - ua
ave’esea mai le tagata agasala e ala i le toto, ma ua avatua i totonu
o le malumalu. O le toto o nisi o taulaga e lei aveina i le Mea Paia;
peitai na faatonuina le faitaulaga na te ’aia le aano o lea manu. O
420
O Le Finauga Tele
le mea lea na faatonuina ai e Mose atalii o Arona ina ua ia fai atu
i ai: “Ua tuuina atu e le Atua ia te outou ina ia outou tau’aveina le
agasala a le faapotopotoga”. Ua faaaogaina le toto po o le aano o le
manu e fai ma faatusa o le ave’esea o le agasala mai le tagata agasala
ae tuuina i totonu o le malumalu.
O le galuega lena na faia i aso faisoo i le tausaga atoa. Na faapena
ona tuu’eseina o agasala mai le nuu o Isaraelu ae siitia atu i totonu
o le. malumalu. Na mana’omia se galuega faapitoa ina ia ave’esea
ai ia agasala mai le malumalu. Na poloa’iina e le Atua ina ia faia
se togiola mo potu taitasi o le malumalu. “Na te faia foi se togiola
mo le Mea Paia, ona o le leaga o le fanauga a Isaraelu, ona o latou
solitulafono foi i a latou agasala uma; e faapea foi ona faia e ia mo
le falefetafa’i o le faapotopotoga, o lo o tumau ia te i latou i o latou
leaga”, Na mana’omia foi se togiola mo le fata faitaulaga “e faamamāina ai ma faapaiaina ai, ’ai le leaga o le fanauga a Isaraelu”.
Levitiko 16:16, 19.
Na faa-tasi i le tausaga ona ulu atu o le faitaulaga sili i le Mea
e Sili ona Paia mo le faamamāina o le malumalu, i le Aso tele o le
Togiola. O le galuega na faia i le Mea e Sili ona Paia i lea aso, o le
faai’uga lena o sauniga uma na faia i le tausaga atoa. E lua ni tama’i
oti na aumaia i le faitoto’a o le malumalu i le Aso o le Togiola. Ona
[352] faia lea o le vili i nei ’oti e lua - “o le tasi vili e mō Ieova, a’o le isi
vili mō le oti o le a tuu e alu”. Levitiko 16:8. O le ’oti na pa’ū i ai le
vili mo Ieova, na fasia e avea o se taulaga mo agasala a tagata. Na
faatonuina le faitaulaga sili na te avea le toto o lea tama’i oti i tua
atu o le ie puipui, ma sausau ai i luga o le nofoa o le alofa, ma luma
o le nofoa o le alofa. Na sausau foi le toto i luga o le fata e mu ai
mea manogi sa tu i luma o le ie puipui.
“E faae’e foi e Arona ona lima e lua i le ulu o le ’oti ola, ma
faaali i ona luga o amioleaga uma a le fanauga a Isaraelu, ma a latou
solitulafono uma. Na te faae’e foi agasala uma a le nuu i luga o le ulu
o le ’oti, ona ave ai lea o lea ’oti i le vao e se tagata ua tofia mo lea
galuega. E ave foi e le ’oti i ona luga a latou amioleaga uma i le nuu
e le ainā”, Fuaiupu 21, 22. E lei toe foi mai lea ’oti i le togālauapi a
Isaraelu. Na faatonuina le tagata na avea i le vao lea ’oti, ina ia ta’ele
muamua ma tāina ona lavalava ona faato’ā ulufale lea i le togālauapi.
Na faia lenei sauniga atoa ina ia faamamafa atu ai i le fanauga a
Isaraelu le paia o le Atua, ma Lona inoino i le agasala. Na a’oa’oina
O le A Le Uiga O Le Malumalu?
421
ai foi i latou e lē mafai ona latou pa’i atu i le agasala e aunoa ma lo
latou palapalā ai. Na faatonuina le nuu uma ina ia latou faapuapuagatia i o latou loto a’o faia lenei galuega o le togiola. E le faia ai se
galuega i lea aso, a ia faaaluina e le nuu o Isaraelu lea aso latou te
su’esu’e ifo ai i o latou loto ta’ito’atasi, ma latou faamaulalo atu i
luma o le Atua i talosaga ma le anapogi.
E i ai ni lesona aogā e faatatau i le togiola, ua a’oa’oina mai e
ala i le sauniga faafaatusa. Na talia le manu e fai ma sui o le tagata
agasala, i sauniga na faia i aso faisoo. Peitai e le’i soloi’esea ai le
agasala a le tagata i le toto o le manu; ae na maua ai se auala e siitia
ese atu ai i le malumalu le agasala a le tagata. Na faailoa atu e le
tagata agasala lona talia o le pule a le tulafono, e ala i lona avatua
o le taulaga mo lana agasala, atoa ma lona faaali atu o lana agasala.
Ua ia faailoa atu ai foi lona faanaunauga mo le faamagaloga, e ala i
lona faatuatua i le Faaola o le a afio mai. Peitai e le’i sa’oloto atoatoa
ai o ia mai le faasala a le tulafono. O le Aso o le Togiola na ave ai
e le faitaulaga sili se taulaga mai le faapotopotoga, ona alu ai lea o
ia i totonu o le Mea e Sili ona Paia ma le toto o lenei taulaga, ona ia
sausau ai lea o le toto i luga o le nofoa o le alofa sa i luga tonu a’e o
le tulafono, ina ia faamalie ai le mea na mana’o i ai le tulafono. Ona
fai ai lea o lona tiute faa-puluvaga ma ua ia tuuina uma ia agasala i
ona lava luga, ma ua ia tau’aveina i fafo ia agasala mai le malumalu.
Ua ia faae’e ona lima i le ulu o le ’oti ola, ona faae’e ai lea o nei
agasala uma i ona luga. O le faatusa lena o le siitia atu o ia agasala
mai ia te ia, ae tuuina atu i luga o le ’oti. Ona ave’esea ai lea e le
’oti ola o nei agasala uma i le vao, ma ua faapena ona ave’esea ai e
faavavau o agasala uma a le nuu.
Na faapena ona faia o le sauniga ua avea o le ata po o le faatusa
o mea faalelagi. O sauniga foi na faia faafaatusa, na faia uma foi i le
malumalu moni i le lagi. Na amatalia le galuega faaFaitaulaga Sili a [353]
lo tatou Faaola ina ua afio a’e o Ia i le lagi. Fai mai Paulo: “Auā ua
le ulu atu Keriso i le mea paia ua faia e lima, o le faatusa o le mea
moni, a o le lagi lava; ina ia iloa ai nei o ia i luma o le Atua mo i
tatou”. Eperu 9:24.
O sauniga na faia e faitaulaga i aso taitasi i le tausaga atoa i le
Mea Paia, o le faatusa lea o le galuega na amatalia e Keriso ina ua
afio a’e o ia i le lagi. Na faia e le faitaulaga i aso faisoo le galuega o
le avatua i luma o le Atua o le toto o taulaga mo agasala, atoa ma le
422
O Le Finauga Tele
mea manogi na ō faatasi a’e ma talosaga a Isaraelu. Na faapena foi
ona ofoina atu e Keriso Lona lava toto i luma o le Tamā e fai ma sui
o le tagata agasala. Ae le gata i lea na Ia tuuina atu foi i luma o le
Atua talosaga a tagata agasala ua salamō, faatasi ma le mea manogi
o Lana lava amiotonu. O le galuega lena e faia i le ulua’i potu o le
malumalu i le lagi.
O ina na mulimuli atu ai le au soo ia Keriso e ala i le faatuatua,
ina ua afio a’e o Ia i le lagi. O inā ua taula’i atu i ai o latou faamoemoe, le faamoemoe lea ua fai mai Paulo ua “pei o se taula o le agaga,
e le matosina ma ua mausali, e oo foi i totonu i talatu o le ie puipui.
O le mea ua afio atu ai Iesu, o lē ua muamua atu mo i tatou; ua fai
o ia ma faitaulaga sili e faaavavau”. “Ona ulu faatasi lava lea o ia i
totonu o le Mea Paia, e lē ma le toto o ’oti ma tamai povi, a’o Lona
lava toto, ua Na maua le togiola e faavavau mo i tatou”, Eperu 6:19,
20; 9:12.
E 18 senituri na fai ai lenei galuega i le ulua’i potu o le malumalu
i le lagi. Na ofoina atu le toto o Keriso e fai ma sui o le au faatuatua
ua salamō, o le toto lea ua mautinoa ai lo latou faamagaloga, ua
mautinoa ai foi ua talia i latou e le Tamā. Peitai, na tumau ai pea a
latou agasala i tusi a le lagi. E pei lava ona faia le sauniga o le togiola
i le faai’uga o le tausaga i le malumalu faalelalolagi, e faapena foi
ona i ai se galuega o le togiola e faia mo le ave’esea o agasala mai le
malumalu i le lagi a’o lei faai’uina le galuega a Keriso mo le faaolataga o tagata. O le galuega lea na amataina ina ua faai’u aso e 2300.
O le taimi lena na ulufale atu ai la tatou Faitaulaga Sili i le Mea e
Sili ona Paia, e pei ona valo’ia mai e le perofeta o Tanielu, Na te faia
ai le vaega mulimuli o Lana galuega mo tagata - o le faamamāina
lea o le malumalu.
E pei lava ona faae’eina i le faatuatua agasala a tagata i luga o
le taulaga mo agasala, ona avatua lea i le malumalu o ia agasala
e ala i le toto o le taulaga; ua faapena foi ona faae’e atu agasala a
tagata agasala ua salamō i luga o Keriso, ona avatua lea e Keriso
o nei agasala i le malumalu i le lagi, e ala i Lona lava toto. Na faamamāina le malumalu faalelalolagi ina ua ave’esea mai le malumalu
agasala na palapalā ai le malumalu. E faapena foi ona faamamāina
o le malumalu i le lagi e ala i le ave’esea po o le soloi’esea o agasala
ua tusia ai. Ae peitai a’o lei faia lenei galuega, e ao ona su’esu’eina
faalelei tusi a le lagi, ina ia iloa ai po o ai ua latou maua lea manuia
O le A Le Uiga O Le Malumalu?
423
o le togiola, e ala i lo latou salamō, faapea ma lo latou faatuatua ia [354]
Keriso. O lona uiga o le faamamāina o le malumalu e aofia ai se
galuega su’esu’e - o se galuega o le faamasinoga. E ao ona faia o
lenei galuega a’o lumana’i ai le afio mai o Keriso e faaolaina Ona
tagata, auā a afio mai o Ia, e afio mai ma Lana taui e taui ta’itasi atu
ai i tagata uma e tusa ma a latou galuega ua fai. Faaaliga 22:12.
Na faapena ona manino o ē na sa’ili’ili ma mulimuli i le malamalama o le upu faavalo’aga. Ua latou iloa nei o le faai’uga o le
2300 aso i le 1844 e lē o le taimi lea e afio mai ai Keriso, a’o le taimi
lea e ulufale atu ai o Ia i le Mea e Sili ona Paia i le malumalu i le
lagi, Na te faia ai le toe vaega o Lana galuega togiola a’o lumana’i
ai Lona afio mai.
Ua latou iloa foi o le taulaga mo agasala o le faatusa lea o Keriso
o Ia o le Taulaga mo agasala a le lalolagi; o le faitaulaga o le faatusa
foi lea o Keriso i Lana galuega faafautua. Peitai, o le ’oti ola lea na
tuu e alu i le vao, o le faatusa lena o Satani. O ia o le amataga o le
agasala, ma o ia foi o le a faae’e i ai i le i’uga agasala uma a tagata
agasala ua salamō. Na ave’esea e le faitaulaga sili agasala mai le
malumalu faalelalolagi e ala i le toto o le taulaga mo agasala, ona
faae’e lea e ia o ia agasala uma i luga o le ’oti ola na tuu e alu i le vao.
O le taimi e mae’a ai le galuega a Keriso i le malumalu i le lagi, o
le taimi lea Na te ave’esea ai agasala a Lana fanau mai le malumalu
i le lagi, e ala i Lona lava toto, ona faae’e lea e Ia o ia agasala uma i
luga o Satani. O Satani o le a pa’ū i ai le i’uga o nei agasala uma. O
le ’oti ola na tuu e alu i le vao, i se nuu le ’ainā; ma e lei toe oo mai
lava o ia i le togālauapi a le fanauga a Isaraelu. O le a faapena foi
ona tuli’esea e faavavau Satani mai luma o le Atua ma Ona tagata.
O le a faaumatia o ia e faavavau i le taimi o le faatafunaga faai’u o
[355]
le agasala atoa ma tagata amioleaga.
Mataupu 24—Totonu O Le Mea E Silisili Ona Pa’ia
Na avea le mata’upu o le malumalu o le ki na tatalaina ai le
mealilo o le faamoemoega lē taulau o le 1844. Na faaalia mai ai
i le mafaufau se tino e tasi o ni fe’au o le upu moni - o ni fe’au na ō
gatasi ma fesoota’i lelei, ma ua fai lea ma molimau e iloa ai o le aao
o le Atua na ta’ita’iina le galuega tele o le alagaina o le fe’au o le
toe afio mai. O fe’au lava foi ia na faailoa mai ai i le fanau a le Atua
lo latou tulaga moni, faapea ma la latou galuega ma lo latou tiute e
ao ona fai. Na puapuagatia ma fememea’i le au soo o Iesu ona o lo
latou faamoemoe ua lē taulau ina ua faasatauroina lo latou Matai.
Peitai na latou olioli ina ua faaali le Alii ia i latou. Na faapena foi
ona olioli le au faamaoni, o ē na faatalitali i le faatuatua mo Lona
toe afio mai. Na latou faatalitali mo Lona faaali mai i le mamalu Na
te aumaia le taui i Ana auauna. Lenei la ua latou lē iloa atu Iesu ona
o faamoemoega ua le taulau, ma ua latou alalaga faatasi atu ai ma
Maria ma faapea atu: “Ua latou ave ese lo’u Alii, ma ua ou le iloa
foi le mea ua latou tuuina ai o ia”. Peitai ua latou toe vaai nei ia te
Ia i le Mea e Sili ona Paia, o Ia o lo latou Faitaulaga Sili agaalofa, o
lē ua toeitiiti ona faaali mai lea, e faaali mai o lo latou Tupu ma lo
latou Faaola. Ua manino le taimi ua tuana’i, ma le taimi nei, atoa ma
le lumana’i, ona o le pupula o le malamalama mai le malumalu. Ua
latou iloa o le finagalo lē sesē lava o le Atua na ta’ita’ia mai i latou.
E pei lava o ulua’i soo o Iesu, latou te lei malamalama i le uiga o le
fe’au na latou tala’ia. Peitai na sa’o lea fe’au i ona itū uma. Na latou
faataunuuina le finagalo o le Atua ina ua latou tala’ia lea fe’au; ma
sa le i’uvale la latou galuega i le Alii. Ua toe faafouina nei lo latou
malosi ona o se faamoemoe ola, ma ua latou alalaga ai i se olioli e
lē mafaamatalatalaina.
“Seia atoa afiafi ma taeao e lua afe ma le tolu o selau, ona faapaiaina ai lea o le malumalu”, Tanielu 8:14. “Ia outou matata’u i
le Atua, ma avatu ia te Ia le viiga, auā ua oo mai le ituaso o Lana
faamasinoga”, Ua faasino le valo’aga a Tanielu faapea ma le fe’au
a le ulua’i agelu, i le galuega a Keriso i le Mea e Sili ona Paia, faa424
Totonu O Le Mea E Silisili Ona Pa’ia
425
pea ma le faamasinoga; ae le o le afio mai o Keriso e lavea’iina Ona
tagata ma faaumatia le au amioleaga. E lei sese la latou faitauina [356]
po o le faatulagaga o vaegataimi faavalo’aga; o le mea ua sese o
la latou faauigaga o le faamamāina o le malumalu i le faai’uga o
le 2300 aso. O le sese lenei na puapuagatia ai i latou ona o lo latou faamoemoe ua le taulau. Peitai na valo’ia mai nei upu uma o le
valo’aga; ua faataunuuina foi mea uma ua fai mai ai le Tusi Paia o
le a taunuu. A’o latou faanoanoa ma lo latou manatu ua leai se aogā
o lo latou faamoemoe, o le taimi tonu lava lea na faataunuuina ai le
faamamāina o le malumalu, e pei ona valo’ia mai i le fe’au; ma, o
lea faamamāina o le malumalu e ao ona faataunuuina a’o lumana’i
ai le afio mai o le Alii Na te aumaia le taui i Ana auauna.
E lei afio mai Keriso i le lalolagi e pei ona latou talitonu i ai;
peitai na afio atu Keriso i lea taimi i le Mea e Sili ona Paia i le
malumalu o le Atua i le lagi, e pei ona faaiioa mai i sauniga faafaatusa o le malumalu faalelalolagi. Ua ta’u e Tanielu le ulufale atu o
Keriso i le Mea e Sili ona Paia i lea taimi, o Lona oo atu i lē ua Mai
Anamuā Ona Aso. Fai mai Tanielu: “Na ou iloa i faaaliga i le po,
faauta foi, ua afio mai i ao o le lagi lē e pei o le Atalii o le tagata”,
e lei afio mai i le lalolagi, a “ua oo foi o ia i lē ua mai anamuā ona
aso, ua latou momoli ia te Ia i Ona luma”. Tanielu 7:13.
Na valo’ia mai foi e le perofeta o Malaki lea taimi i upu nei:
“E faafuase’i foi ona oo mai i le malumalu o le Alii, o lē ua sa’ilia e
outou, o le Agelu lava o le feagaiga, o lē ua outou naunau i ai; faauta,
e afio mai lava o Ia, ua fetalai mai ai Ieova o ’au”. Malaki 3:1. Na
faafuase’i le afio mai o le Alii i Lona malumalu, ona e lei faatalitali
pe manatunatu i ai Lana fanau. Latou te lei manatu o le malumalu
o le a afio mai o Ia i ai. Na latou manatu o le a afio mai o Ia i le
lalolagi “i le afi mumū, Na te tauimasui i ē ua lē iloa le Atua, ma ua
lē anaana i le talalelei a lo tatou Alii o Iesu Keriso”. 2 Tesalonia 1:8.
Peitai e lei sauni le fanau a le Atua latou te feiloa’i ma le Alii. Sa
i ai se galuega o le sauniuniga e ao ona faamae’aina mo i latou. O
le a tuuina mai se malamalama e ta’ita’iina atu ai o latou mafaufau i
le malumalu o le Atua i le lagi. A’o faapena ona latou mulimuli atu
i le faatuatua i lo latou Faitaulaga Sili a’o fai ai Lana galuega i inā,
o le a faaalia mai sa latou galuega fou e ao ona fai. E i ai se isi fe’au
o le lapata’iga ma aoaoga e ao ona tuuina atu i le ekalesia.
426
O Le Finauga Tele
Ua faapea mai le perofeta: “A’o ai se na te lavā ona tali le aso o
Lona afio mai? O ai foi se na te tula’i pe a faaalia mai o Ia? Auā o Ia
e tusa ma le afi a le tunu auro; e tusa foi ma le moli a le tā’ofu; e nofo
o ia, o lē tunu ma faamamā i le ario; na te famamāina le fanauga a
Levi, na te faate’a’ese foi le eleele ia te i latou e pei o le auro ma le
ario; latou te avatu ai ia Ieova le taulaga e fai i le amiotonu”. Malaki
3:2, 3. O i latou o loo ola pea i le lalolagi i le taimi e faamutaina ai le
galuega fautua a Keriso i le malumalu i le lagi, o le a tutū atu i latou
[357] i luma o le silafaga a le Atua e aunoa ma se puluvaga. O ō latou ofu
e tatau ona aunoa ma se pisia, o a latou amio e ao ona faamamāina
mai agasala e ala i le sausauina i le toto. E ao ona avea i latou o ē
manumalo i le taua ma le leaga e ala i le alofa tunoa o le Atua atoa
ma lo latou lava agaga vilivilita’i. A’o faagasolo pea le faamasinoga
su’esu’e i le lagi, a’o ave’esea agasala a le au faatuatua ua salamō,
mai le malumalu i le lagi, e i ai se galuega faapitoa e ao ona faia e
le fanau a le Atua i le lalolagi - o le galuega lea o le faamamāina ma
le tuu’esea o le agasala. Ua manino ona faaalia mai o lea galuega i
fe’au o le Faaaliga 14.
E mae’a loa lea galuega, ona saunia loa lea o le au Kerisiano mo
le toe afio mai o Keriso. “Ona mālie ai lea ia Ieova o le taulaga a
Iuta ma Ierusalema, e pei o aso o le vavau, e pei o tausaga anamuā”,
Malaki 3:4. Ona avea ai lea o le ekalesia “o le ekalesia matagofie
lava, e leai